| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
15. махааломахам̣сажарияаа
15. Mahālomahaṃsacariyā
119.
119.
‘‘сусаанз сзяяам̣ габбзми, чавадтигам̣ убанид̇хааяахам̣;
‘‘Susāne seyyaṃ kappemi, chavaṭṭhikaṃ upanidhāyahaṃ;
г̇ааман̣д̣алаа 1 убааг̇анд̇ваа, руубам̣ д̣̇ассзнд̇инаббагам̣.
Gāmaṇḍalā 2 upāgantvā, rūpaṃ dassentinappakaṃ.
120.
120.
‘‘абарз г̇анд̇хамаалан̃жа, бхож̇анам̣ вивид̇хам̣ б̣ахум̣;
‘‘Apare gandhamālañca, bhojanaṃ vividhaṃ bahuṃ;
убааяанаануубанзнд̇и, хадтаа сам̣виг̇г̇амаанасаа.
Upāyanānūpanenti, haṭṭhā saṃviggamānasā.
121.
121.
‘‘яз мз д̣̇угкам̣ убахаранд̇и, яз жа д̣̇знд̇и сукам̣ мама;
‘‘Ye me dukkhaṃ upaharanti, ye ca denti sukhaṃ mama;
саб̣б̣зсам̣ самаго хоми, д̣̇аяаа гобо на виж̇ж̇ад̇и.
Sabbesaṃ samako homi, dayā kopo na vijjati.
122.
122.
‘‘сукад̣̇угкз д̇улаабхууд̇о, яасзсу аяасзсу жа;
‘‘Sukhadukkhe tulābhūto, yasesu ayasesu ca;
саб̣б̣ад̇т̇а самаго хоми, зсаа мз убзгкаабаарамий’’д̇и.
Sabbattha samako homi, esā me upekkhāpāramī’’ti.
махааломахам̣сажарияам̣ баннарасамам̣.
Mahālomahaṃsacariyaṃ pannarasamaṃ.
яуд̇хан̃ж̇аяаваг̇г̇о д̇ад̇ияо.
Yudhañjayavaggo tatiyo.
д̇ассуд̣̇д̣̇аанам̣ –
Tassuddānaṃ –
яуд̇хан̃ж̇аяо соманассо, аяогхарабхисзна жа;
Yudhañjayo somanasso, ayogharabhisena ca;
сон̣ананд̣̇о мууг̇абагко, габирааж̇аа сажжасавхаяо.
Soṇanando mūgapakkho, kapirājā saccasavhayo.
ваддаго мажчарааж̇аа жа, ган̣хад̣̇ийбааяано иси;
Vaṭṭako maccharājā ca, kaṇhadīpāyano isi;
звам̣ б̣ахуб̣б̣ид̇хам̣ д̣̇угкам̣, самбад̇д̇ий жа б̣ахуб̣б̣ид̇хаа 7;
Evaṃ bahubbidhaṃ dukkhaṃ, sampattī ca bahubbidhā 8;
бхаваабхавз анубхавид̇ваа, бад̇д̇о самб̣од̇химуд̇д̇амам̣.
Bhavābhave anubhavitvā, patto sambodhimuttamaṃ.
д̣̇ад̇ваа д̣̇аад̇аб̣б̣агам̣ д̣̇аанам̣, сийлам̣ буурзд̇ваа асзсад̇о;
Datvā dātabbakaṃ dānaṃ, sīlaṃ pūretvā asesato;
нзгкаммз баарамим̣ г̇анд̇ваа, бад̇д̇о самб̣од̇химуд̇д̇амам̣.
Nekkhamme pāramiṃ gantvā, patto sambodhimuttamaṃ.
бан̣д̣ид̇з барибужчид̇ваа, вийрияам̣ гад̇ваана муд̇д̇амам̣;
Paṇḍite paripucchitvā, vīriyaṃ katvāna muttamaṃ;
канд̇ияаа баарамим̣ г̇анд̇ваа, бад̇д̇о самб̣од̇химуд̇д̇амам̣.
Khantiyā pāramiṃ gantvā, patto sambodhimuttamaṃ.
гад̇ваа д̣̇ал̣хамад̇хидтаанам̣, сажжаваажаанурагкияа;
Katvā daḷhamadhiṭṭhānaṃ, saccavācānurakkhiya;
мзд̇д̇ааяа баарамим̣ г̇анд̇ваа, бад̇д̇о самб̣од̇химуд̇д̇амам̣.
Mettāya pāramiṃ gantvā, patto sambodhimuttamaṃ.
лаабхаалаабхз яасааяасз, саммаананаавамаананз;
Lābhālābhe yasāyase, sammānanāvamānane;
саб̣б̣ад̇т̇а самаго худ̇ваа, бад̇д̇о самб̣од̇химуд̇д̇амам̣.
Sabbattha samako hutvā, patto sambodhimuttamaṃ.
госаж̇ж̇ам̣ бхаяад̇о д̣̇исваа, вийрияаарамбхан̃жа кзмад̇о;
Kosajjaṃ bhayato disvā, vīriyārambhañca khemato;
аарад̣̇д̇хавийрияаа хот̇а, зсаа б̣уд̣̇д̇хаанусаасаний.
Āraddhavīriyā hotha, esā buddhānusāsanī.
виваад̣̇ам̣ бхаяад̇о д̣̇исваа, авиваад̣̇ан̃жа кзмад̇о;
Vivādaṃ bhayato disvā, avivādañca khemato;
самаг̇г̇аа сакилаа хот̇а, зсаа б̣уд̣̇д̇хаанусаасаний.
Samaggā sakhilā hotha, esā buddhānusāsanī.
бамаад̣̇ам̣ бхаяад̇о д̣̇исваа, аббамаад̣̇ан̃жа кзмад̇о;
Pamādaṃ bhayato disvā, appamādañca khemato;
бхаавзт̇адтан̇г̇игам̣ маг̇г̇ам̣, зсаа б̣уд̣̇д̇хаанусаасаний.
Bhāvethaṭṭhaṅgikaṃ maggaṃ, esā buddhānusāsanī.
ид̇т̇ам̣ суд̣̇ам̣ бхаг̇аваа ад̇д̇ано буб̣б̣ажарияам̣ самбхааваяамаано б̣уд̣̇д̇хаабад̣̇аанияам̣ наама д̇хаммабарияааяам̣ абхаасид̇т̇аад̇и.
Itthaṃ sudaṃ bhagavā attano pubbacariyaṃ sambhāvayamāno buddhāpadāniyaṃ nāma dhammapariyāyaṃ abhāsitthāti.
жарияаабидагам̣ нидтид̇ам̣.
Cariyāpiṭakaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 15. махааломахам̣сажарияааван̣н̣анаа • 15. Mahālomahaṃsacariyāvaṇṇanā
