| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೧೫. ಮಹಾಲೋಮಹಂಸಚರಿಯಾ
15. Mahālomahaṃsacariyā
೧೧೯.
119.
‘‘ಸುಸಾನೇ ಸೇಯ್ಯಂ ಕಪ್ಪೇಮಿ, ಛವಟ್ಠಿಕಂ ಉಪನಿಧಾಯಹಂ।
‘‘Susāne seyyaṃ kappemi, chavaṭṭhikaṃ upanidhāyahaṃ;
೧೨೦.
120.
‘‘ಅಪರೇ ಗನ್ಧಮಾಲಞ್ಚ, ಭೋಜನಂ ವಿವಿಧಂ ಬಹುಂ।
‘‘Apare gandhamālañca, bhojanaṃ vividhaṃ bahuṃ;
ಉಪಾಯನಾನೂಪನೇನ್ತಿ, ಹಟ್ಠಾ ಸಂವಿಗ್ಗಮಾನಸಾ॥
Upāyanānūpanenti, haṭṭhā saṃviggamānasā.
೧೨೧.
121.
‘‘ಯೇ ಮೇ ದುಕ್ಖಂ ಉಪಹರನ್ತಿ, ಯೇ ಚ ದೇನ್ತಿ ಸುಖಂ ಮಮ।
‘‘Ye me dukkhaṃ upaharanti, ye ca denti sukhaṃ mama;
ಸಬ್ಬೇಸಂ ಸಮಕೋ ಹೋಮಿ, ದಯಾ ಕೋಪೋ ನ ವಿಜ್ಜತಿ॥
Sabbesaṃ samako homi, dayā kopo na vijjati.
೧೨೨.
122.
‘‘ಸುಖದುಕ್ಖೇ ತುಲಾಭೂತೋ, ಯಸೇಸು ಅಯಸೇಸು ಚ।
‘‘Sukhadukkhe tulābhūto, yasesu ayasesu ca;
ಸಬ್ಬತ್ಥ ಸಮಕೋ ಹೋಮಿ, ಏಸಾ ಮೇ ಉಪೇಕ್ಖಾಪಾರಮೀ’’ತಿ॥
Sabbattha samako homi, esā me upekkhāpāramī’’ti.
ಮಹಾಲೋಮಹಂಸಚರಿಯಂ ಪನ್ನರಸಮಂ।
Mahālomahaṃsacariyaṃ pannarasamaṃ.
ಯುಧಞ್ಜಯವಗ್ಗೋ ತತಿಯೋ।
Yudhañjayavaggo tatiyo.
ತಸ್ಸುದ್ದಾನಂ –
Tassuddānaṃ –
ಯುಧಞ್ಜಯೋ ಸೋಮನಸ್ಸೋ, ಅಯೋಘರಭಿಸೇನ ಚ।
Yudhañjayo somanasso, ayogharabhisena ca;
ಸೋಣನನ್ದೋ ಮೂಗಪಕ್ಖೋ, ಕಪಿರಾಜಾ ಸಚ್ಚಸವ್ಹಯೋ॥
Soṇanando mūgapakkho, kapirājā saccasavhayo.
ವಟ್ಟಕೋ ಮಚ್ಛರಾಜಾ ಚ, ಕಣ್ಹದೀಪಾಯನೋ ಇಸಿ।
Vaṭṭako maccharājā ca, kaṇhadīpāyano isi;
ಭವಾಭವೇ ಅನುಭವಿತ್ವಾ, ಪತ್ತೋ ಸಮ್ಬೋಧಿಮುತ್ತಮಂ॥
Bhavābhave anubhavitvā, patto sambodhimuttamaṃ.
ದತ್ವಾ ದಾತಬ್ಬಕಂ ದಾನಂ, ಸೀಲಂ ಪೂರೇತ್ವಾ ಅಸೇಸತೋ।
Datvā dātabbakaṃ dānaṃ, sīlaṃ pūretvā asesato;
ನೇಕ್ಖಮ್ಮೇ ಪಾರಮಿಂ ಗನ್ತ್ವಾ, ಪತ್ತೋ ಸಮ್ಬೋಧಿಮುತ್ತಮಂ॥
Nekkhamme pāramiṃ gantvā, patto sambodhimuttamaṃ.
ಪಣ್ಡಿತೇ ಪರಿಪುಚ್ಛಿತ್ವಾ, ವೀರಿಯಂ ಕತ್ವಾನ ಮುತ್ತಮಂ।
Paṇḍite paripucchitvā, vīriyaṃ katvāna muttamaṃ;
ಖನ್ತಿಯಾ ಪಾರಮಿಂ ಗನ್ತ್ವಾ, ಪತ್ತೋ ಸಮ್ಬೋಧಿಮುತ್ತಮಂ॥
Khantiyā pāramiṃ gantvā, patto sambodhimuttamaṃ.
ಕತ್ವಾ ದಳ್ಹಮಧಿಟ್ಠಾನಂ, ಸಚ್ಚವಾಚಾನುರಕ್ಖಿಯ।
Katvā daḷhamadhiṭṭhānaṃ, saccavācānurakkhiya;
ಮೇತ್ತಾಯ ಪಾರಮಿಂ ಗನ್ತ್ವಾ, ಪತ್ತೋ ಸಮ್ಬೋಧಿಮುತ್ತಮಂ॥
Mettāya pāramiṃ gantvā, patto sambodhimuttamaṃ.
ಲಾಭಾಲಾಭೇ ಯಸಾಯಸೇ, ಸಮ್ಮಾನನಾವಮಾನನೇ।
Lābhālābhe yasāyase, sammānanāvamānane;
ಸಬ್ಬತ್ಥ ಸಮಕೋ ಹುತ್ವಾ, ಪತ್ತೋ ಸಮ್ಬೋಧಿಮುತ್ತಮಂ॥
Sabbattha samako hutvā, patto sambodhimuttamaṃ.
ಕೋಸಜ್ಜಂ ಭಯತೋ ದಿಸ್ವಾ, ವೀರಿಯಾರಮ್ಭಞ್ಚ ಖೇಮತೋ।
Kosajjaṃ bhayato disvā, vīriyārambhañca khemato;
ಆರದ್ಧವೀರಿಯಾ ಹೋಥ, ಏಸಾ ಬುದ್ಧಾನುಸಾಸನೀ॥
Āraddhavīriyā hotha, esā buddhānusāsanī.
ವಿವಾದಂ ಭಯತೋ ದಿಸ್ವಾ, ಅವಿವಾದಞ್ಚ ಖೇಮತೋ।
Vivādaṃ bhayato disvā, avivādañca khemato;
ಸಮಗ್ಗಾ ಸಖಿಲಾ ಹೋಥ, ಏಸಾ ಬುದ್ಧಾನುಸಾಸನೀ॥
Samaggā sakhilā hotha, esā buddhānusāsanī.
ಪಮಾದಂ ಭಯತೋ ದಿಸ್ವಾ, ಅಪ್ಪಮಾದಞ್ಚ ಖೇಮತೋ।
Pamādaṃ bhayato disvā, appamādañca khemato;
ಭಾವೇಥಟ್ಠಙ್ಗಿಕಂ ಮಗ್ಗಂ, ಏಸಾ ಬುದ್ಧಾನುಸಾಸನೀ॥
Bhāvethaṭṭhaṅgikaṃ maggaṃ, esā buddhānusāsanī.
ಇತ್ಥಂ ಸುದಂ ಭಗವಾ ಅತ್ತನೋ ಪುಬ್ಬಚರಿಯಂ ಸಮ್ಭಾವಯಮಾನೋ ಬುದ್ಧಾಪದಾನಿಯಂ ನಾಮ ಧಮ್ಮಪರಿಯಾಯಂ ಅಭಾಸಿತ್ಥಾತಿ।
Itthaṃ sudaṃ bhagavā attano pubbacariyaṃ sambhāvayamāno buddhāpadāniyaṃ nāma dhammapariyāyaṃ abhāsitthāti.
ಚರಿಯಾಪಿಟಕಂ ನಿಟ್ಠಿತಂ।
Cariyāpiṭakaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೧೫. ಮಹಾಲೋಮಹಂಸಚರಿಯಾವಣ್ಣನಾ • 15. Mahālomahaṃsacariyāvaṇṇanā
