| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
15. махааломахам̣сажарияааван̣н̣анаа
15. Mahālomahaṃsacariyāvaṇṇanā
119. баннарасамз ‘‘сусаанз сзяяам̣ габбзмий’’д̇и зд̇т̇ааяам̣ анубуб̣б̣игат̇аа –
119. Pannarasame ‘‘susāne seyyaṃ kappemī’’ti etthāyaṃ anupubbikathā –
махаасад̇д̇о хи д̇ад̣̇аа махад̇и ул̣аарабхог̇з гулз ниб̣б̣ад̇д̇ид̇ваа вуд̣̇д̇химанвааяа д̣̇исаабаамогкасса аажарияасса санд̇игз г̇аруваасам̣ васанд̇о саб̣б̣асиббаанам̣ нибпад̇д̇им̣ бад̇ваа гулагхарам̣ ааг̇анд̇ваа маад̇аабид̇уунам̣ ажжаязна н̃аад̇агзхи ‘‘гудумб̣ам̣ сан̣табзхий’’д̇и яаажияамааноби анижжад̇ааманасигаарамукзна саб̣б̣абхавзсу абхивад̣дхамаанасам̣взг̇о гааяз жа асубхасан̃н̃ам̣ бадилабхид̇ваа гхарааваасабалиб̣од̇хаад̇хибхууд̇ам̣ гилзсаг̇аханам̣ аног̇аахзд̇ваава жирагааласамбарижид̇ам̣ нзгкаммаж̇жхаасаяам̣ убаб̣руухаяамаано маханд̇ам̣ бхог̇агканд̇хам̣ бахааяа баб̣б̣аж̇ид̇угаамо худ̇ваа буна жинд̇зси – ‘‘сажаахам̣ баб̣б̣аж̇иссаами, г̇ун̣асамбхааванаабаагадо бхависсаамий’’д̇и.
Mahāsatto hi tadā mahati uḷārabhoge kule nibbattitvā vuddhimanvāya disāpāmokkhassa ācariyassa santike garuvāsaṃ vasanto sabbasippānaṃ nipphattiṃ patvā kulagharaṃ āgantvā mātāpitūnaṃ accayena ñātakehi ‘‘kuṭumbaṃ saṇṭhapehī’’ti yāciyamānopi aniccatāmanasikāramukhena sabbabhavesu abhivaḍḍhamānasaṃvego kāye ca asubhasaññaṃ paṭilabhitvā gharāvāsapalibodhādhibhūtaṃ kilesagahanaṃ anogāhetvāva cirakālasamparicitaṃ nekkhammajjhāsayaṃ upabrūhayamāno mahantaṃ bhogakkhandhaṃ pahāya pabbajitukāmo hutvā puna cintesi – ‘‘sacāhaṃ pabbajissāmi, guṇasambhāvanāpākaṭo bhavissāmī’’ti.
со лаабхасаггаарам̣ ж̇иг̇ужчанд̇о баб̣б̣аж̇ж̇ам̣ анубаг̇анд̇ваа ‘‘бахоми жаахам̣ лаабхаалаабхаад̣̇ийсу ниб̣б̣игааро ход̇у’’нд̇и ад̇д̇аанам̣ д̇аггзнд̇о ‘‘висзсад̇о барабарибхавасаханаад̣̇ибадибад̣̇ам̣ буурзнд̇о убзгкаабаарамим̣ мад̇т̇агам̣ баабзссаамий’’д̇и нивад̇т̇авад̇т̇знзва г̇зхад̇о нигкамид̇ваа барамасаллзкавуд̇д̇игоби аб̣алаб̣ало аманд̣̇аманд̣̇о вияа барзсам̣ ажид̇д̇агаруубзна хийл̣ид̇абарибхууд̇о худ̇ваа г̇ааманиг̇амарааж̇ад̇хаанийсу згарад̇д̇иваасзнзва вижарад̇и. яад̇т̇а бана маханд̇ам̣ барибхавам̣ бадилабхад̇и, д̇ад̇т̇а жирамби васад̇и. со нивад̇т̇авад̇т̇з ж̇ин̣н̣з билод̇игакан̣д̣зна д̇асмимби ж̇ин̣н̣з гзнажи д̣̇иннам̣ аг̇г̇ан̣ханд̇о хиригобийнабадижчаад̣̇анамад̇д̇знзва жарад̇и. звам̣ г̇ажчанд̇з гаалз згам̣ ниг̇амаг̇аамам̣ аг̇амааси.
So lābhasakkāraṃ jigucchanto pabbajjaṃ anupagantvā ‘‘pahomi cāhaṃ lābhālābhādīsu nibbikāro hotu’’nti attānaṃ takkento ‘‘visesato paraparibhavasahanādipaṭipadaṃ pūrento upekkhāpāramiṃ matthakaṃ pāpessāmī’’ti nivatthavattheneva gehato nikkhamitvā paramasallekhavuttikopi abalabalo amandamando viya paresaṃ acittakarūpena hīḷitaparibhūto hutvā gāmanigamarājadhānīsu ekarattivāseneva vicarati. Yattha pana mahantaṃ paribhavaṃ paṭilabhati, tattha cirampi vasati. So nivatthavatthe jiṇṇe pilotikakhaṇḍena tasmimpi jiṇṇe kenaci dinnaṃ aggaṇhanto hirikopīnapaṭicchādanamatteneva carati. Evaṃ gacchante kāle ekaṃ nigamagāmaṃ agamāsi.
д̇ад̇т̇а г̇аамад̣̇аарагаа д̇худ̇д̇аж̇аад̇игаа взд̇хавзраа гзжи рааж̇аваллабхаанам̣ буд̇д̇анад̇д̇уд̣̇аасаад̣̇аяо жа уд̣̇д̇хад̇аа уннал̣аа жабалаа мукараа вигин̣н̣аваажаа гаалзна гаалам̣ гийл̣ааб̣ахулаа вижаранд̇и. д̣̇уг̇г̇ад̇з махаллагз бурисз жа ид̇т̇ияо жа г̇ажчанд̇з д̣̇исваа бхасмабудзна бидтияам̣ аагиранд̇и, гзд̇агийбан̣н̣ам̣ гажчанд̇арз оламб̣знд̇и, д̇зна виббагаарзна баривад̇д̇зд̇ваа ологзнд̇з яат̇ааваж̇ж̇агийл̣ид̇ам̣ д̣̇ассзд̇ваа убахасанд̇и. махаабурисо д̇асмим̣ ниг̇амз д̇з звам̣ вижаранд̇з д̇худ̇д̇ад̣̇аарагз д̣̇исваа ‘‘лад̣̇д̇хо вад̇а д̣̇аани мз убзгкаабаарамияаа барибууран̣уубааяо’’д̇и жинд̇зд̇ваа д̇ад̇т̇а вихааси. д̇ам̣ д̇з д̇худ̇д̇ад̣̇аарагаа бассид̇ваа виббагаарам̣ гаад̇ум̣ аарабханд̇и.
Tattha gāmadārakā dhuttajātikā vedhaverā keci rājavallabhānaṃ puttanattudāsādayo ca uddhatā unnaḷā capalā mukharā vikiṇṇavācā kālena kālaṃ kīḷābahulā vicaranti. Duggate mahallake purise ca itthiyo ca gacchante disvā bhasmapuṭena piṭṭhiyaṃ ākiranti, ketakīpaṇṇaṃ kacchantare olambenti, tena vippakārena parivattetvā olokente yathāvajjakīḷitaṃ dassetvā upahasanti. Mahāpuriso tasmiṃ nigame te evaṃ vicarante dhuttadārake disvā ‘‘laddho vata dāni me upekkhāpāramiyā paripūraṇūpāyo’’ti cintetvā tattha vihāsi. Taṃ te dhuttadārakā passitvā vippakāraṃ kātuṃ ārabhanti.
махаасад̇д̇о д̇ам̣ асаханд̇о вияа жа д̇зхи бхааяанд̇о вияа жа удтахид̇ваа г̇ажчад̇и. д̇з д̇ам̣ ануб̣анд̇ханд̇и. со д̇зхи ануб̣анд̇хияамаано ‘‘зд̇т̇а над̇т̇и гожи бадивад̇д̇аа’’д̇и сусаанам̣ г̇анд̇ваа адтигам̣ сийсуубад̇хаанам̣ гад̇ваа саяад̇и. д̇худ̇д̇ад̣̇аарагааби д̇ад̇т̇а г̇анд̇ваа одтубханаад̣̇игам̣ наанаббагаарам̣ виббагаарам̣ гад̇ваа баггаманд̇и. звам̣ д̇з д̣̇ивасз д̣̇ивасз гаронд̇и зва. яз бана вин̃н̃уу бурисаа, д̇з звам̣ гаронд̇з бассанд̇и. д̇з д̇з бадиб̣аахид̇ваа ‘‘аяам̣ махаанубхааво д̇абассий махааяог̇ий’’д̇и жа н̃ад̇ваа ул̣аарам̣ саггаарасаммаанам̣ гаронд̇и. махаасад̇д̇о бана саб̣б̣ад̇т̇а згасад̣̇исова ход̇и маж̇жхад̇д̇абхууд̇о. д̇зна вуд̇д̇ам̣ ‘‘сусаанз сзяяам̣ габбзмий’’д̇иаад̣̇и.
Mahāsatto taṃ asahanto viya ca tehi bhāyanto viya ca uṭṭhahitvā gacchati. Te taṃ anubandhanti. So tehi anubandhiyamāno ‘‘ettha natthi koci paṭivattā’’ti susānaṃ gantvā aṭṭhikaṃ sīsūpadhānaṃ katvā sayati. Dhuttadārakāpi tattha gantvā oṭṭhubhanādikaṃ nānappakāraṃ vippakāraṃ katvā pakkamanti. Evaṃ te divase divase karonti eva. Ye pana viññū purisā, te evaṃ karonte passanti. Te te paṭibāhitvā ‘‘ayaṃ mahānubhāvo tapassī mahāyogī’’ti ca ñatvā uḷāraṃ sakkārasammānaṃ karonti. Mahāsatto pana sabbattha ekasadisova hoti majjhattabhūto. Tena vuttaṃ ‘‘susāne seyyaṃ kappemī’’tiādi.
д̇ад̇т̇а сусаанз сзяяам̣ габбзми, чавадтигам̣ убанид̇хааяаад̇и аамагасусаанз чад̣д̣ид̇агал̣зварад̇о сон̣асин̇г̇аалаад̣̇ийхи д̇ахим̣ д̇ахим̣ вигкид̇д̇зсу адтигзсу згам̣ адтигам̣ сийсуубад̇хаанам̣ гад̇ваа сужимхи жа асужимхи жа самаанажид̇д̇ад̇ааяа д̇асмим̣ сусаанз сзяяам̣ габбзми, саяаамийд̇и ад̇т̇о. г̇ааман̣д̣алаад̇и г̇аамад̣̇аарагаа. руубам̣ д̣̇ассзнд̇инаббаганд̇и яат̇ааваж̇ж̇агийл̣ид̇ааяа одтубханаубахасанауммиханаад̣̇ийхи ган̣н̣асод̇з салаагаббавзсанаад̣̇ийхи жа ад̇игагкал̣ам̣ анаббагам̣ наанаббагаарам̣ руубам̣ вигаарам̣ гаронд̇и.
Tattha susāne seyyaṃ kappemi, chavaṭṭhikaṃ upanidhāyāti āmakasusāne chaḍḍitakaḷevarato soṇasiṅgālādīhi tahiṃ tahiṃ vikkhittesu aṭṭhikesu ekaṃ aṭṭhikaṃ sīsūpadhānaṃ katvā sucimhi ca asucimhi ca samānacittatāya tasmiṃ susāne seyyaṃ kappemi, sayāmīti attho. Gāmaṇḍalāti gāmadārakā. Rūpaṃ dassentinappakanti yathāvajjakīḷitāya oṭṭhubhanaupahasanaummihanādīhi kaṇṇasote salākappavesanādīhi ca atikakkhaḷaṃ anappakaṃ nānappakāraṃ rūpaṃ vikāraṃ karonti.
120. абарзд̇и д̇зсу зва г̇аамад̣̇аарагзсу згажжз. убааяанаануубанзнд̇ийд̇и ‘‘аяам̣ имзсу барибхававасзна зваруубам̣ виббагаарам̣ гаронд̇зсу на гин̃жи вигаарам̣ д̣̇ассзд̇и, саммаананз ну ко гийд̣̇исо’’д̇и бариг̇г̇ан̣ханд̇аа вивид̇хам̣ б̣ахум̣ г̇анд̇хамаалам̣ бхож̇анам̣ ан̃н̃аани жа убааяанаани бан̣н̣аагаараани убанзнд̇и убахаранд̇и. абарзхи ваа д̇зхи анаажаараг̇аамад̣̇аарагзхи ан̃н̃з вин̃н̃уу мануссаа ‘‘аяам̣ имзсам̣ звам̣ вивид̇хамби виббагаарам̣ гаронд̇аанам̣ на губбад̇и, ан̃н̃ад̣̇ад̇т̇у канд̇имзд̇д̇аануд̣̇д̣̇аяам̣язва д̇зсу убадтабзд̇и, ахо ажчарияабурисо’’д̇и хадтаа ‘‘б̣аху вад̇имзхи зд̇асмим̣ виббадибаж̇ж̇анд̇зхи абун̃н̃ам̣ басуд̇а’’нд̇и сам̣виг̇г̇амаанасаава худ̇ваа б̣ахум̣ г̇анд̇хамаалам̣ вивид̇хам̣ бхож̇анам̣ ан̃н̃аани жа убааяанаани убанзнд̇и убахаранд̇и.
120.Apareti tesu eva gāmadārakesu ekacce. Upāyanānūpanentīti ‘‘ayaṃ imesu paribhavavasena evarūpaṃ vippakāraṃ karontesu na kiñci vikāraṃ dasseti, sammānane nu kho kīdiso’’ti pariggaṇhantā vividhaṃ bahuṃ gandhamālaṃ bhojanaṃ aññāni ca upāyanāni paṇṇākārāni upanenti upaharanti. Aparehi vā tehi anācāragāmadārakehi aññe viññū manussā ‘‘ayaṃ imesaṃ evaṃ vividhampi vippakāraṃ karontānaṃ na kuppati, aññadatthu khantimettānuddayaṃyeva tesu upaṭṭhapeti, aho acchariyapuriso’’ti haṭṭhā ‘‘bahu vatimehi etasmiṃ vippaṭipajjantehi apuññaṃ pasuta’’nti saṃviggamānasāva hutvā bahuṃ gandhamālaṃ vividhaṃ bhojanaṃ aññāni ca upāyanāni upanenti upaharanti.
121. яз мз д̣̇угкам̣ убахаранд̇ийд̇и яз г̇аамад̣̇аарагаа маяхам̣ сарийрад̣̇угкам̣ убахаранд̇и убанзнд̇и. ‘‘убад̣̇аханд̇ий’’д̇иби баато, уббаад̣̇знд̇ийд̇и ад̇т̇о. яз жа д̣̇знд̇и сукам̣ мамаад̇и яз жа вин̃н̃уу мануссаа мама маяхам̣ сукам̣ д̣̇знд̇и, маалааг̇анд̇хабхож̇анаад̣̇исукуубагаран̣зхи мама сукам̣ убахаранд̇и. саб̣б̣зсам̣ самаго хомийд̇и гад̇т̇ажиби вигаараануббад̇д̇ияаа самаанажид̇д̇ад̇ааяа вивид̇хаанамби д̇зсам̣ ж̇анаанам̣ самаго згасад̣̇исо хоми бхаваами. д̣̇аяаа гобо на виж̇ж̇ад̇ийд̇и яасмаа маяхам̣ убагаарагз мзд̇д̇ажид̇д̇ад̇аасан̇каад̇аа д̣̇аяаа, абагаарагз манобад̣̇осасан̇каад̇о гобоби на виж̇ж̇ад̇и, д̇асмаа саб̣б̣зсам̣ самаго хомийд̇и д̣̇ассзд̇и.
121.Yeme dukkhaṃ upaharantīti ye gāmadārakā mayhaṃ sarīradukkhaṃ upaharanti upanenti. ‘‘Upadahantī’’tipi pāṭho, uppādentīti attho. Ye ca denti sukhaṃ mamāti ye ca viññū manussā mama mayhaṃ sukhaṃ denti, mālāgandhabhojanādisukhūpakaraṇehi mama sukhaṃ upaharanti. Sabbesaṃ samako homīti katthacipi vikārānuppattiyā samānacittatāya vividhānampi tesaṃ janānaṃ samako ekasadiso homi bhavāmi. Dayā kopo na vijjatīti yasmā mayhaṃ upakārake mettacittatāsaṅkhātā dayā, apakārake manopadosasaṅkhāto kopopi na vijjati, tasmā sabbesaṃ samako homīti dasseti.
122. ид̣̇аани бхаг̇аваа д̇ад̣̇аа убагаарийсу абагаарийсу жа сад̇д̇зсу самубажид̇ан̃аан̣асамбхаарасса ад̇д̇ано самаанажид̇д̇ад̇аа вигаараабхааво яаа жа логад̇хаммзсу анубалид̇д̇ад̇аа ахоси, д̇ам̣ д̣̇ассзд̇ум̣ ‘‘сукад̣̇угкз д̇улаабхууд̇о’’д̇и осаанаг̇аат̇амааха.
122. Idāni bhagavā tadā upakārīsu apakārīsu ca sattesu samupacitañāṇasambhārassa attano samānacittatā vikārābhāvo yā ca lokadhammesu anupalittatā ahosi, taṃ dassetuṃ ‘‘sukhadukkhe tulābhūto’’ti osānagāthamāha.
д̇ад̇т̇а сукад̣̇угкзд̇и сукз жа д̣̇угкз жа. д̇улаабхууд̇од̇и самагам̣ г̇ахид̇ад̇улаа вияа онад̇иуннад̇иабанад̇им̣ важ̇ж̇зд̇ваа маж̇жхад̇д̇абхууд̇о, сукад̣̇угкаг̇г̇ахан̣знзва жзд̇т̇а д̇ам̣нимид̇д̇абхаавад̇о лаабхаалаабхааби г̇ахид̇аад̇и взд̣̇ид̇аб̣б̣ам̣. яасзсууд̇и гид̇д̇ийсу. аяасзсууд̇и нинд̣̇аасу. саб̣б̣ад̇т̇аад̇и саб̣б̣зсу сукаад̣̇ийсу логад̇хаммзсу. ид̇и бхаг̇аваа д̇ад̣̇аа саб̣б̣асад̇д̇зсу саб̣б̣алогад̇хаммзсу жа анан̃н̃асаад̇хааран̣ам̣ ад̇д̇ано маж̇жхад̇д̇абхаавам̣ гид̇д̇зд̇ваа д̇зна д̇асмим̣ ад̇д̇абхаавз ад̇д̇ано убзгкаабаарамияаа сикааббад̇д̇абхаавам̣ вибхаавзнд̇о ‘‘зсаа мз убзгкаабаарамий’’д̇и д̣̇зсанам̣ нидтаабзси.
Tattha sukhadukkheti sukhe ca dukkhe ca. Tulābhūtoti samakaṃ gahitatulā viya onatiunnatiapanatiṃ vajjetvā majjhattabhūto, sukhadukkhaggahaṇeneva cettha taṃnimittabhāvato lābhālābhāpi gahitāti veditabbaṃ. Yasesūti kittīsu. Ayasesūti nindāsu. Sabbatthāti sabbesu sukhādīsu lokadhammesu. Iti bhagavā tadā sabbasattesu sabbalokadhammesu ca anaññasādhāraṇaṃ attano majjhattabhāvaṃ kittetvā tena tasmiṃ attabhāve attano upekkhāpāramiyā sikhāppattabhāvaṃ vibhāvento ‘‘esā me upekkhāpāramī’’ti desanaṃ niṭṭhāpesi.
ид̇хааби махаасад̇д̇асса батамам̣ д̣̇аанабаарамий наама висзсад̇о саб̣б̣авибхавабарижжааг̇о ‘‘яз гзжи имам̣ сарийрам̣ г̇ахзд̇ваа яам̣гин̃жи ад̇д̇ано ижчид̇ам̣ гаронд̇уу’’д̇и анабзгкабхаавзна ад̇д̇ано ад̇д̇абхаавабарижжааг̇о жа д̣̇аанабаарамий, хийнаад̣̇игасса саб̣б̣асса агад̇д̇аб̣б̣асса агаран̣ам̣ сийлабаарамий, гаамассаад̣̇авимукасса г̇зхад̇о нигканд̇асса сад̇о гааяз асубхасан̃н̃аануб̣рууханаа нзгкаммабаарамий, самб̣од̇хисамбхаараанам̣ убагаарад̇хаммабариг̇г̇ахан̣з д̇аббадибагкаббахаанз жа госаллам̣ авибарийд̇ад̇о д̇хаммасабхааважинд̇анаа жа бан̃н̃аабаарамий , гаамавид̇аггаад̣̇ивинод̣̇анам̣ д̣̇угкаад̇хиваасанавийрияан̃жа вийрияабаарамий, саб̣б̣ааби ад̇хиваасанаканд̇и канд̇ибаарамий, важийсажжам̣ самаад̣̇аанаависам̣ваад̣̇анзна вирад̇исажжан̃жа сажжабаарамий , анаваж̇ж̇ад̇хаммз ажаласамаад̣̇аанаад̇хидтаанам̣ ад̇хидтаанабаарамий, анод̇хисо саб̣б̣асад̇д̇зсу мзд̇д̇аануд̣̇д̣̇аяабхааво мзд̇д̇аабаарамий, убзгкаабаарамий банасса яат̇аавуд̇д̇авасзнзва взд̣̇ид̇аб̣б̣аад̇и д̣̇аса баарамияо лаб̣бханд̇и. убзгкаабаарамий жзд̇т̇а ад̇исаяавад̇ийд̇и гад̇ваа сааязва д̣̇зсанам̣ аарул̣хаа. д̇ат̇аа ид̇ха махаасад̇д̇асса маханд̇ам̣ бхог̇агканд̇хам̣ маханд̇ан̃жа н̃аад̇ибариваддам̣ бахааяа махаабхинигкаманасад̣̇исам̣ г̇зхад̇о нигкаманам̣, д̇ат̇аа нигкамид̇ваа лаабхасаггаарам̣ ж̇иг̇ужчад̇о барзсам̣ самбхааванам̣ барихарид̇угаамасса баб̣б̣аж̇ж̇аалин̇г̇ам̣ аг̇г̇ахзд̇ваа жид̇д̇знзва анавасзсам̣ баб̣б̣аж̇ж̇ааг̇ун̣з ад̇хидтахид̇ваа барамасукавихааро, барамаббижчад̇аа, бавивзгаабхирад̇и, убзгкан̣аад̇хиббааязна ад̇д̇ано гааяаж̇ийвид̇анирабзгкаа, барзхи ад̇д̇ано убари гад̇авиббагаараад̇хиваасанам̣, уггам̣саг̇ад̇асаллзкавуд̇д̇и, б̣од̇хисамбхаарабадибагкаанам̣ гилзсаанам̣ д̇анубхаавзна кийн̣аасаваанам̣ вияа барзсам̣ убагаараабагаарзсу ниб̣б̣игаарабхаавахзд̇убхууд̇зна саб̣б̣ад̇т̇а маж̇жхад̇д̇абхаавзна самудтаабид̇о логад̇хаммзхи анубалзбо, саб̣б̣абаарамийнам̣ муд̣̇д̇хабхууд̇ааяа убзгкаабаарамияаа сикааббад̇д̇ийд̇и звамаад̣̇аяо г̇ун̣аанубхааваа вибхаавзд̇аб̣б̣аад̇и.
Idhāpi mahāsattassa paṭhamaṃ dānapāramī nāma visesato sabbavibhavapariccāgo ‘‘ye keci imaṃ sarīraṃ gahetvā yaṃkiñci attano icchitaṃ karontū’’ti anapekkhabhāvena attano attabhāvapariccāgo ca dānapāramī, hīnādikassa sabbassa akattabbassa akaraṇaṃ sīlapāramī, kāmassādavimukhassa gehato nikkhantassa sato kāye asubhasaññānubrūhanā nekkhammapāramī, sambodhisambhārānaṃ upakāradhammapariggahaṇe tappaṭipakkhappahāne ca kosallaṃ aviparītato dhammasabhāvacintanā ca paññāpāramī , kāmavitakkādivinodanaṃ dukkhādhivāsanavīriyañca vīriyapāramī, sabbāpi adhivāsanakhanti khantipāramī, vacīsaccaṃ samādānāvisaṃvādanena viratisaccañca saccapāramī , anavajjadhamme acalasamādānādhiṭṭhānaṃ adhiṭṭhānapāramī, anodhiso sabbasattesu mettānuddayabhāvo mettāpāramī, upekkhāpāramī panassa yathāvuttavaseneva veditabbāti dasa pāramiyo labbhanti. Upekkhāpāramī cettha atisayavatīti katvā sāyeva desanaṃ āruḷhā. Tathā idha mahāsattassa mahantaṃ bhogakkhandhaṃ mahantañca ñātiparivaṭṭaṃ pahāya mahābhinikkhamanasadisaṃ gehato nikkhamanaṃ, tathā nikkhamitvā lābhasakkāraṃ jigucchato paresaṃ sambhāvanaṃ pariharitukāmassa pabbajjāliṅgaṃ aggahetvā citteneva anavasesaṃ pabbajjāguṇe adhiṭṭhahitvā paramasukhavihāro, paramappicchatā, pavivekābhirati, upekkhaṇādhippāyena attano kāyajīvitanirapekkhā, parehi attano upari katavippakārādhivāsanaṃ, ukkaṃsagatasallekhavutti, bodhisambhārapaṭipakkhānaṃ kilesānaṃ tanubhāvena khīṇāsavānaṃ viya paresaṃ upakārāpakāresu nibbikārabhāvahetubhūtena sabbattha majjhattabhāvena samuṭṭhāpito lokadhammehi anupalepo, sabbapāramīnaṃ muddhabhūtāya upekkhāpāramiyā sikhāppattīti evamādayo guṇānubhāvā vibhāvetabbāti.
махааломахам̣сажарияааван̣н̣анаа нидтид̇аа.
Mahālomahaṃsacariyāvaṇṇanā niṭṭhitā.
убзгкаабаарамий нидтид̇аа.
Upekkhāpāramī niṭṭhitā.
д̇ад̇ияаваг̇г̇асса ад̇т̇аван̣н̣анаа нидтид̇аа.
Tatiyavaggassa atthavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 15. махааломахам̣сажарияаа • 15. Mahālomahaṃsacariyā
