| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. махаамаалугяасуд̇д̇ам̣
4. Mahāmālukyasuttaṃ
129. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘д̇хаарзт̇а но д̇умхз, бхигкавз, маяаа д̣̇зсид̇аани бан̃жорамбхааг̇ияаани сам̣яож̇анааний’’д̇и?
129. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘dhāretha no tumhe, bhikkhave, mayā desitāni pañcorambhāgiyāni saṃyojanānī’’ti?
звам̣ вуд̇д̇з, ааяасмаа маалугяабуд̇д̇о бхаг̇аванд̇ам̣ зд̇ад̣̇авожа – ‘‘ахам̣ ко, бханд̇з, д̇хаарзми бхаг̇авад̇аа д̣̇зсид̇аани бан̃жорамбхааг̇ияаани сам̣яож̇анааний’’д̇и. ‘‘яат̇аа гат̇ам̣ бана д̇вам̣, маалугяабуд̇д̇а, д̇хаарзси маяаа д̣̇зсид̇аани бан̃жорамбхааг̇ияаани сам̣яож̇анааний’’д̇и? ‘‘саггааяад̣̇идтим̣ ко ахам̣, бханд̇з, бхаг̇авад̇аа орамбхааг̇ияам̣ сам̣яож̇анам̣ д̣̇зсид̇ам̣ д̇хаарзми; вижигижчам̣ ко ахам̣, бханд̇з, бхаг̇авад̇аа орамбхааг̇ияам̣ сам̣яож̇анам̣ д̣̇зсид̇ам̣ д̇хаарзми; сийлаб̣б̣ад̇абараамаасам̣ ко ахам̣, бханд̇з, бхаг̇авад̇аа орамбхааг̇ияам̣ сам̣яож̇анам̣ д̣̇зсид̇ам̣ д̇хаарзми; гаамажчанд̣̇ам̣ ко ахам̣, бханд̇з, бхаг̇авад̇аа орамбхааг̇ияам̣ сам̣яож̇анам̣ д̣̇зсид̇ам̣ д̇хаарзми; б̣яаабаад̣̇ам̣ ко ахам̣, бханд̇з, бхаг̇авад̇аа орамбхааг̇ияам̣ сам̣яож̇анам̣ д̣̇зсид̇ам̣ д̇хаарзми. звам̣ ко ахам̣, бханд̇з, д̇хаарзми бхаг̇авад̇аа д̣̇зсид̇аани бан̃жорамбхааг̇ияаани сам̣яож̇анааний’’д̇и.
Evaṃ vutte, āyasmā mālukyaputto bhagavantaṃ etadavoca – ‘‘ahaṃ kho, bhante, dhāremi bhagavatā desitāni pañcorambhāgiyāni saṃyojanānī’’ti. ‘‘Yathā kathaṃ pana tvaṃ, mālukyaputta, dhāresi mayā desitāni pañcorambhāgiyāni saṃyojanānī’’ti? ‘‘Sakkāyadiṭṭhiṃ kho ahaṃ, bhante, bhagavatā orambhāgiyaṃ saṃyojanaṃ desitaṃ dhāremi; vicikicchaṃ kho ahaṃ, bhante, bhagavatā orambhāgiyaṃ saṃyojanaṃ desitaṃ dhāremi; sīlabbataparāmāsaṃ kho ahaṃ, bhante, bhagavatā orambhāgiyaṃ saṃyojanaṃ desitaṃ dhāremi; kāmacchandaṃ kho ahaṃ, bhante, bhagavatā orambhāgiyaṃ saṃyojanaṃ desitaṃ dhāremi; byāpādaṃ kho ahaṃ, bhante, bhagavatā orambhāgiyaṃ saṃyojanaṃ desitaṃ dhāremi. Evaṃ kho ahaṃ, bhante, dhāremi bhagavatā desitāni pañcorambhāgiyāni saṃyojanānī’’ti.
‘‘гасса ко наама д̇вам̣, маалугяабуд̇д̇а, имаани звам̣ бан̃жорамбхааг̇ияаани сам̣яож̇анаани д̣̇зсид̇аани д̇хаарзси? нану, маалугяабуд̇д̇а , ан̃н̃ад̇ид̇т̇ияаа бариб̣б̣ааж̇агаа иминаа д̇арун̣уубамзна убаарамбхзна убаарамбхиссанд̇и? д̣̇ахарасса хи, маалугяабуд̇д̇а, гумаарасса манд̣̇асса уд̇д̇аанасзяяагасса саггааяод̇иби на ход̇и, гуд̇о банасса уббаж̇ж̇иссад̇и саггааяад̣̇идти? анусзд̇взвасса 1 саггааяад̣̇идтаанусаяо. д̣̇ахарасса хи, маалугяабуд̇д̇а, гумаарасса манд̣̇асса уд̇д̇аанасзяяагасса д̇хаммаад̇иби на ход̇и, гуд̇о банасса уббаж̇ж̇иссад̇и д̇хаммзсу вижигижчаа? анусзд̇взвасса вижигижчаанусаяо. д̣̇ахарасса хи, маалугяабуд̇д̇а, гумаарасса манд̣̇асса уд̇д̇аанасзяяагасса сийлаад̇иби на ход̇и, гуд̇о банасса уббаж̇ж̇иссад̇и сийлзсу сийлаб̣б̣ад̇абараамаасо? анусзд̇взвасса сийлаб̣б̣ад̇абараамаасаанусаяо . д̣̇ахарасса хи, маалугяабуд̇д̇а, гумаарасса манд̣̇асса уд̇д̇аанасзяяагасса гаамаад̇иби на ход̇и, гуд̇о банасса уббаж̇ж̇иссад̇и гаамзсу гаамажчанд̣̇о? анусзд̇взвасса гаамарааг̇аанусаяо. д̣̇ахарасса хи, маалугяабуд̇д̇а, гумаарасса манд̣̇асса уд̇д̇аанасзяяагасса сад̇д̇аад̇иби на ход̇и, гуд̇о банасса уббаж̇ж̇иссад̇и сад̇д̇зсу б̣яаабаад̣̇о? анусзд̇взвасса б̣яаабаад̣̇аанусаяо. нану, маалугяабуд̇д̇а, ан̃н̃ад̇ид̇т̇ияаа бариб̣б̣ааж̇агаа иминаа д̇арун̣уубамзна убаарамбхзна убаарамбхиссанд̇ий’’д̇и? звам̣ вуд̇д̇з, ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘зд̇асса, бхаг̇аваа, гаало, зд̇асса, суг̇ад̇а, гаало яам̣ бхаг̇аваа бан̃жорамбхааг̇ияаани сам̣яож̇анаани д̣̇зсзяяа. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хаананд̣̇а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. бхаг̇аваа зд̇ад̣̇авожа –
‘‘Kassa kho nāma tvaṃ, mālukyaputta, imāni evaṃ pañcorambhāgiyāni saṃyojanāni desitāni dhāresi? Nanu, mālukyaputta , aññatitthiyā paribbājakā iminā taruṇūpamena upārambhena upārambhissanti? Daharassa hi, mālukyaputta, kumārassa mandassa uttānaseyyakassa sakkāyotipi na hoti, kuto panassa uppajjissati sakkāyadiṭṭhi? Anusetvevassa 2 sakkāyadiṭṭhānusayo. Daharassa hi, mālukyaputta, kumārassa mandassa uttānaseyyakassa dhammātipi na hoti, kuto panassa uppajjissati dhammesu vicikicchā? Anusetvevassa vicikicchānusayo. Daharassa hi, mālukyaputta, kumārassa mandassa uttānaseyyakassa sīlātipi na hoti, kuto panassa uppajjissati sīlesu sīlabbataparāmāso? Anusetvevassa sīlabbataparāmāsānusayo . Daharassa hi, mālukyaputta, kumārassa mandassa uttānaseyyakassa kāmātipi na hoti, kuto panassa uppajjissati kāmesu kāmacchando? Anusetvevassa kāmarāgānusayo. Daharassa hi, mālukyaputta, kumārassa mandassa uttānaseyyakassa sattātipi na hoti, kuto panassa uppajjissati sattesu byāpādo? Anusetvevassa byāpādānusayo. Nanu, mālukyaputta, aññatitthiyā paribbājakā iminā taruṇūpamena upārambhena upārambhissantī’’ti? Evaṃ vutte, āyasmā ānando bhagavantaṃ etadavoca – ‘‘etassa, bhagavā, kālo, etassa, sugata, kālo yaṃ bhagavā pañcorambhāgiyāni saṃyojanāni deseyya. Bhagavato sutvā bhikkhū dhāressantī’’ti. ‘‘Tena hānanda, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho āyasmā ānando bhagavato paccassosi. Bhagavā etadavoca –
130. ‘‘ид̇хаананд̣̇а , ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о саггааяад̣̇идтибарияудтид̇зна жзд̇асаа вихарад̇и саггааяад̣̇идтибарзд̇зна; уббаннааяа жа саггааяад̣̇идтияаа ниссаран̣ам̣ яат̇аабхууд̇ам̣ наббаж̇аанаад̇и. д̇асса саа саггааяад̣̇идти т̇аамаг̇ад̇аа аббадивинийд̇аа орамбхааг̇ияам̣ сам̣яож̇анам̣. вижигижчаабарияудтид̇зна жзд̇асаа вихарад̇и вижигижчаабарзд̇зна; уббаннааяа жа вижигижчааяа ниссаран̣ам̣ яат̇аабхууд̇ам̣ наббаж̇аанаад̇и. д̇асса саа вижигижчаа т̇аамаг̇ад̇аа аббадивинийд̇аа орамбхааг̇ияам̣ сам̣яож̇анам̣. сийлаб̣б̣ад̇абараамаасабарияудтид̇зна жзд̇асаа вихарад̇и сийлаб̣б̣ад̇абараамаасабарзд̇зна; уббаннасса жа сийлаб̣б̣ад̇абараамаасасса ниссаран̣ам̣ яат̇аабхууд̇ам̣ наббаж̇аанаад̇и. д̇асса со сийлаб̣б̣ад̇абараамаасо т̇аамаг̇ад̇о аббадивинийд̇о орамбхааг̇ияам̣ сам̣яож̇анам̣. гаамарааг̇абарияудтид̇зна жзд̇асаа вихарад̇и гаамарааг̇абарзд̇зна ; уббаннасса жа гаамарааг̇асса ниссаран̣ам̣ яат̇аабхууд̇ам̣ наббаж̇аанаад̇и. д̇асса со гаамарааг̇о т̇аамаг̇ад̇о аббадивинийд̇о орамбхааг̇ияам̣ сам̣яож̇анам̣. б̣яаабаад̣̇абарияудтид̇зна жзд̇асаа вихарад̇и б̣яаабаад̣̇абарзд̇зна; уббаннасса жа б̣яаабаад̣̇асса ниссаран̣ам̣ яат̇аабхууд̇ам̣ наббаж̇аанаад̇и. д̇асса со б̣яаабаад̣̇о т̇аамаг̇ад̇о аббадивинийд̇о орамбхааг̇ияам̣ сам̣яож̇анам̣.
130. ‘‘Idhānanda , assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto sakkāyadiṭṭhipariyuṭṭhitena cetasā viharati sakkāyadiṭṭhiparetena; uppannāya ca sakkāyadiṭṭhiyā nissaraṇaṃ yathābhūtaṃ nappajānāti. Tassa sā sakkāyadiṭṭhi thāmagatā appaṭivinītā orambhāgiyaṃ saṃyojanaṃ. Vicikicchāpariyuṭṭhitena cetasā viharati vicikicchāparetena; uppannāya ca vicikicchāya nissaraṇaṃ yathābhūtaṃ nappajānāti. Tassa sā vicikicchā thāmagatā appaṭivinītā orambhāgiyaṃ saṃyojanaṃ. Sīlabbataparāmāsapariyuṭṭhitena cetasā viharati sīlabbataparāmāsaparetena; uppannassa ca sīlabbataparāmāsassa nissaraṇaṃ yathābhūtaṃ nappajānāti. Tassa so sīlabbataparāmāso thāmagato appaṭivinīto orambhāgiyaṃ saṃyojanaṃ. Kāmarāgapariyuṭṭhitena cetasā viharati kāmarāgaparetena ; uppannassa ca kāmarāgassa nissaraṇaṃ yathābhūtaṃ nappajānāti. Tassa so kāmarāgo thāmagato appaṭivinīto orambhāgiyaṃ saṃyojanaṃ. Byāpādapariyuṭṭhitena cetasā viharati byāpādaparetena; uppannassa ca byāpādassa nissaraṇaṃ yathābhūtaṃ nappajānāti. Tassa so byāpādo thāmagato appaṭivinīto orambhāgiyaṃ saṃyojanaṃ.
131. ‘‘суд̇аваа жа ко, аананд̣̇а, арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о, саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о на саггааяад̣̇идтибарияудтид̇зна жзд̇асаа вихарад̇и на саггааяад̣̇идтибарзд̇зна; уббаннааяа жа саггааяад̣̇идтияаа ниссаран̣ам̣ яат̇аабхууд̇ам̣ баж̇аанаад̇и. д̇асса саа саггааяад̣̇идти саанусаяаа бахийяад̇и. на вижигижчаабарияудтид̇зна жзд̇асаа вихарад̇и на вижигижчаабарзд̇зна; уббаннааяа жа вижигижчааяа ниссаран̣ам̣ яат̇аабхууд̇ам̣ баж̇аанаад̇и. д̇асса саа вижигижчаа саанусаяаа бахийяад̇и. на сийлаб̣б̣ад̇абараамаасабарияудтид̇зна жзд̇асаа вихарад̇и на сийлаб̣б̣ад̇абараамаасабарзд̇зна; уббаннасса жа сийлаб̣б̣ад̇абараамаасасса ниссаран̣ам̣ яат̇аабхууд̇ам̣ баж̇аанаад̇и. д̇асса со сийлаб̣б̣ад̇абараамаасо саанусаяо бахийяад̇и. на гаамарааг̇абарияудтид̇зна жзд̇асаа вихарад̇и на гаамарааг̇абарзд̇зна; уббаннасса жа гаамарааг̇асса ниссаран̣ам̣ яат̇аабхууд̇ам̣ баж̇аанаад̇и. д̇асса со гаамарааг̇о саанусаяо бахийяад̇и . на б̣яаабаад̣̇абарияудтид̇зна жзд̇асаа вихарад̇и на б̣яаабаад̣̇абарзд̇зна; уббаннасса жа б̣яаабаад̣̇асса ниссаран̣ам̣ яат̇аабхууд̇ам̣ баж̇аанаад̇и. д̇асса со б̣яаабаад̣̇о саанусаяо бахийяад̇и.
131. ‘‘Sutavā ca kho, ānanda, ariyasāvako ariyānaṃ dassāvī ariyadhammassa kovido ariyadhamme suvinīto, sappurisānaṃ dassāvī sappurisadhammassa kovido sappurisadhamme suvinīto na sakkāyadiṭṭhipariyuṭṭhitena cetasā viharati na sakkāyadiṭṭhiparetena; uppannāya ca sakkāyadiṭṭhiyā nissaraṇaṃ yathābhūtaṃ pajānāti. Tassa sā sakkāyadiṭṭhi sānusayā pahīyati. Na vicikicchāpariyuṭṭhitena cetasā viharati na vicikicchāparetena; uppannāya ca vicikicchāya nissaraṇaṃ yathābhūtaṃ pajānāti. Tassa sā vicikicchā sānusayā pahīyati. Na sīlabbataparāmāsapariyuṭṭhitena cetasā viharati na sīlabbataparāmāsaparetena; uppannassa ca sīlabbataparāmāsassa nissaraṇaṃ yathābhūtaṃ pajānāti. Tassa so sīlabbataparāmāso sānusayo pahīyati. Na kāmarāgapariyuṭṭhitena cetasā viharati na kāmarāgaparetena; uppannassa ca kāmarāgassa nissaraṇaṃ yathābhūtaṃ pajānāti. Tassa so kāmarāgo sānusayo pahīyati . Na byāpādapariyuṭṭhitena cetasā viharati na byāpādaparetena; uppannassa ca byāpādassa nissaraṇaṃ yathābhūtaṃ pajānāti. Tassa so byāpādo sānusayo pahīyati.
132. ‘‘яо, аананд̣̇а, маг̇г̇о яаа бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа д̇ам̣ маг̇г̇ам̣ д̇ам̣ бадибад̣̇ам̣ анааг̇амма бан̃жорамбхааг̇ияаани сам̣яож̇анаани н̃ассад̇и ваа д̣̇агкад̇и ваа баж̇ахиссад̇и ваад̇и – нзд̇ам̣ таанам̣ виж̇ж̇ад̇и. сзяяат̇ааби, аананд̣̇а, махад̇о ругкасса д̇идтад̇о сааравад̇о д̇ажам̣ ажчзд̇ваа пзг̇г̇ум̣ ажчзд̇ваа сааражчзд̣̇о бхависсад̇ийд̇и – нзд̇ам̣ таанам̣ виж̇ж̇ад̇и; звамзва ко, аананд̣̇а, яо маг̇г̇о яаа бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа д̇ам̣ маг̇г̇ам̣ д̇ам̣ бадибад̣̇ам̣ анааг̇амма бан̃жорамбхааг̇ияаани сам̣яож̇анаани н̃ассад̇и ваа д̣̇агкад̇и ваа баж̇ахиссад̇и ваад̇и – нзд̇ам̣ таанам̣ виж̇ж̇ад̇и.
132. ‘‘Yo, ānanda, maggo yā paṭipadā pañcannaṃ orambhāgiyānaṃ saṃyojanānaṃ pahānāya taṃ maggaṃ taṃ paṭipadaṃ anāgamma pañcorambhāgiyāni saṃyojanāni ñassati vā dakkhati vā pajahissati vāti – netaṃ ṭhānaṃ vijjati. Seyyathāpi, ānanda, mahato rukkhassa tiṭṭhato sāravato tacaṃ acchetvā phegguṃ acchetvā sāracchedo bhavissatīti – netaṃ ṭhānaṃ vijjati; evameva kho, ānanda, yo maggo yā paṭipadā pañcannaṃ orambhāgiyānaṃ saṃyojanānaṃ pahānāya taṃ maggaṃ taṃ paṭipadaṃ anāgamma pañcorambhāgiyāni saṃyojanāni ñassati vā dakkhati vā pajahissati vāti – netaṃ ṭhānaṃ vijjati.
‘‘яо жа ко, аананд̣̇а, маг̇г̇о яаа бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа д̇ам̣ маг̇г̇ам̣ д̇ам̣ бадибад̣̇ам̣ ааг̇амма бан̃жорамбхааг̇ияаани сам̣яож̇анаани н̃ассад̇и ваа д̣̇агкад̇и ваа баж̇ахиссад̇и ваад̇и – таанамзд̇ам̣ виж̇ж̇ад̇и. сзяяат̇ааби, аананд̣̇а, махад̇о ругкасса д̇идтад̇о сааравад̇о д̇ажам̣ чзд̇ваа пзг̇г̇ум̣ чзд̇ваа сааражчзд̣̇о бхависсад̇ийд̇и – таанамзд̇ам̣ виж̇ж̇ад̇и; звамзва ко, аананд̣̇а, яо маг̇г̇о яаа бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа д̇ам̣ маг̇г̇ам̣ д̇ам̣ бадибад̣̇ам̣ ааг̇амма бан̃жорамбхааг̇ияаани сам̣яож̇анаани н̃ассад̇и ваа д̣̇агкад̇и ваа баж̇ахиссад̇и ваад̇и – таанамзд̇ам̣ виж̇ж̇ад̇и. сзяяат̇ааби, аананд̣̇а, г̇ан̇г̇аа над̣̇ий буураа уд̣̇агасса самад̇ид̇д̇игаа гаагабзяяаа. ат̇а д̣̇уб̣б̣алаго бурисо ааг̇ажчзяяа – ‘ахам̣ имиссаа г̇ан̇г̇ааяа над̣̇ияаа д̇ирияам̣ б̣аахааяа сод̇ам̣ чзд̇ваа сод̇т̇инаа баарам̣ г̇ажчиссаамий’д̇и 3; со на саггун̣зяяа г̇ан̇г̇ааяа над̣̇ияаа д̇ирияам̣ б̣аахааяа сод̇ам̣ чзд̇ваа сод̇т̇инаа баарам̣ г̇анд̇ум̣. звамзва ко, аананд̣̇а, язсам̣ гзсан̃жи 4 саггааяанирод̇хааяа д̇хаммз д̣̇зсияамаанз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и; сзяяат̇ааби со д̣̇уб̣б̣алаго бурисо звамзд̇з д̣̇адтаб̣б̣аа. сзяяат̇ааби, аананд̣̇а, г̇ан̇г̇аа над̣̇ий буураа уд̣̇агасса самад̇ид̇д̇игаа гаагабзяяаа. ат̇а б̣алаваа бурисо ааг̇ажчзяяа – ‘ахам̣ имиссаа г̇ан̇г̇ааяа над̣̇ияаа д̇ирияам̣ б̣аахааяа сод̇ам̣ чзд̇ваа сод̇т̇инаа баарам̣ г̇ажчиссаамий’д̇и; со саггун̣зяяа г̇ан̇г̇ааяа над̣̇ияаа д̇ирияам̣ б̣аахааяа сод̇ам̣ чзд̇ваа сод̇т̇инаа баарам̣ г̇анд̇ум̣. звамзва ко, аананд̣̇а, язсам̣ гзсан̃жи саггааяанирод̇хааяа д̇хаммз д̣̇зсияамаанз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и; сзяяат̇ааби со б̣алаваа бурисо звамзд̇з д̣̇адтаб̣б̣аа.
‘‘Yo ca kho, ānanda, maggo yā paṭipadā pañcannaṃ orambhāgiyānaṃ saṃyojanānaṃ pahānāya taṃ maggaṃ taṃ paṭipadaṃ āgamma pañcorambhāgiyāni saṃyojanāni ñassati vā dakkhati vā pajahissati vāti – ṭhānametaṃ vijjati. Seyyathāpi, ānanda, mahato rukkhassa tiṭṭhato sāravato tacaṃ chetvā phegguṃ chetvā sāracchedo bhavissatīti – ṭhānametaṃ vijjati; evameva kho, ānanda, yo maggo yā paṭipadā pañcannaṃ orambhāgiyānaṃ saṃyojanānaṃ pahānāya taṃ maggaṃ taṃ paṭipadaṃ āgamma pañcorambhāgiyāni saṃyojanāni ñassati vā dakkhati vā pajahissati vāti – ṭhānametaṃ vijjati. Seyyathāpi, ānanda, gaṅgā nadī pūrā udakassa samatittikā kākapeyyā. Atha dubbalako puriso āgaccheyya – ‘ahaṃ imissā gaṅgāya nadiyā tiriyaṃ bāhāya sotaṃ chetvā sotthinā pāraṃ gacchissāmī’ti 5; so na sakkuṇeyya gaṅgāya nadiyā tiriyaṃ bāhāya sotaṃ chetvā sotthinā pāraṃ gantuṃ. Evameva kho, ānanda, yesaṃ kesañci 6 sakkāyanirodhāya dhamme desiyamāne cittaṃ na pakkhandati nappasīdati na santiṭṭhati na vimuccati; seyyathāpi so dubbalako puriso evamete daṭṭhabbā. Seyyathāpi, ānanda, gaṅgā nadī pūrā udakassa samatittikā kākapeyyā. Atha balavā puriso āgaccheyya – ‘ahaṃ imissā gaṅgāya nadiyā tiriyaṃ bāhāya sotaṃ chetvā sotthinā pāraṃ gacchissāmī’ti; so sakkuṇeyya gaṅgāya nadiyā tiriyaṃ bāhāya sotaṃ chetvā sotthinā pāraṃ gantuṃ. Evameva kho, ānanda, yesaṃ kesañci sakkāyanirodhāya dhamme desiyamāne cittaṃ pakkhandati pasīdati santiṭṭhati vimuccati; seyyathāpi so balavā puriso evamete daṭṭhabbā.
133. ‘‘гад̇амо жаананд̣̇а, маг̇г̇о, гад̇амаа бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа? ид̇хаананд̣̇а, бхигку убад̇хививзгаа агусалаанам̣ д̇хаммаанам̣ бахаанаа саб̣б̣асо гааяад̣̇удтуллаанам̣ бадиббассад̣̇д̇хияаа вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со яад̣̇зва д̇ад̇т̇а ход̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣ д̇з д̇хаммз анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о саманубассад̇и. со д̇зхи д̇хаммзхи жид̇д̇ам̣ бадиваабзд̇и 7. со д̇зхи д̇хаммзхи жид̇д̇ам̣ бадиваабзд̇ваа амад̇ааяа д̇хаад̇уяаа жид̇д̇ам̣ убасам̣харад̇и – ‘зд̇ам̣ санд̇ам̣ зд̇ам̣ бан̣ийд̇ам̣ яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аана’нд̇и. со д̇ад̇т̇а тид̇о аасаваанам̣ каяам̣ баабун̣аад̇и; но жз аасаваанам̣ каяам̣ баабун̣аад̇и д̇знзва д̇хаммарааг̇зна д̇ааяа д̇хаммананд̣̇ияаа бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий, анаавад̇д̇ид̇хаммо д̇асмаа логаа. аяамби ко, аананд̣̇а, маг̇г̇о аяам̣ бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа.
133. ‘‘Katamo cānanda, maggo, katamā paṭipadā pañcannaṃ orambhāgiyānaṃ saṃyojanānaṃ pahānāya? Idhānanda, bhikkhu upadhivivekā akusalānaṃ dhammānaṃ pahānā sabbaso kāyaduṭṭhullānaṃ paṭippassaddhiyā vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. So yadeva tattha hoti rūpagataṃ vedanāgataṃ saññāgataṃ saṅkhāragataṃ viññāṇagataṃ te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati. So tehi dhammehi cittaṃ paṭivāpeti 8. So tehi dhammehi cittaṃ paṭivāpetvā amatāya dhātuyā cittaṃ upasaṃharati – ‘etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbāna’nti. So tattha ṭhito āsavānaṃ khayaṃ pāpuṇāti; no ce āsavānaṃ khayaṃ pāpuṇāti teneva dhammarāgena tāya dhammanandiyā pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī, anāvattidhammo tasmā lokā. Ayampi kho, ānanda, maggo ayaṃ paṭipadā pañcannaṃ orambhāgiyānaṃ saṃyojanānaṃ pahānāya.
‘‘буна жабарам̣, аананд̣̇а, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. со яад̣̇зва д̇ад̇т̇а ход̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣… анаавад̇д̇ид̇хаммо д̇асмаа логаа. аяамби ко, аананд̣̇а, маг̇г̇о аяам̣ бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа.
‘‘Puna caparaṃ, ānanda, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati… tatiyaṃ jhānaṃ… catutthaṃ jhānaṃ upasampajja viharati. So yadeva tattha hoti rūpagataṃ vedanāgataṃ saññāgataṃ saṅkhāragataṃ viññāṇagataṃ… anāvattidhammo tasmā lokā. Ayampi kho, ānanda, maggo ayaṃ paṭipadā pañcannaṃ orambhāgiyānaṃ saṃyojanānaṃ pahānāya.
‘‘буна жабарам̣, аананд̣̇а, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. со яад̣̇зва д̇ад̇т̇а ход̇и взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣…бз… анаавад̇д̇ид̇хаммо д̇асмаа логаа. аяамби ко, аананд̣̇а, маг̇г̇о аяам̣ бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа.
‘‘Puna caparaṃ, ānanda, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. So yadeva tattha hoti vedanāgataṃ saññāgataṃ saṅkhāragataṃ viññāṇagataṃ…pe… anāvattidhammo tasmā lokā. Ayampi kho, ānanda, maggo ayaṃ paṭipadā pañcannaṃ orambhāgiyānaṃ saṃyojanānaṃ pahānāya.
‘‘буна жабарам̣, аананд̣̇а, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. со яад̣̇зва д̇ад̇т̇а ход̇и взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣…бз… анаавад̇д̇ид̇хаммо д̇асмаа логаа. аяамби ко, аананд̣̇а, маг̇г̇о аяам̣ бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа.
‘‘Puna caparaṃ, ānanda, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. So yadeva tattha hoti vedanāgataṃ saññāgataṃ saṅkhāragataṃ viññāṇagataṃ…pe… anāvattidhammo tasmā lokā. Ayampi kho, ānanda, maggo ayaṃ paṭipadā pañcannaṃ orambhāgiyānaṃ saṃyojanānaṃ pahānāya.
‘‘буна жабарам̣, аананд̣̇а, бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. со яад̣̇зва д̇ад̇т̇а ход̇и взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣…бз… анаавад̇д̇ид̇хаммо д̇асмаа логаа. аяамби ко, аананд̣̇а, маг̇г̇о аяам̣ бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяаа’’д̇и.
‘‘Puna caparaṃ, ānanda, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. So yadeva tattha hoti vedanāgataṃ saññāgataṃ saṅkhāragataṃ viññāṇagataṃ…pe… anāvattidhammo tasmā lokā. Ayampi kho, ānanda, maggo ayaṃ paṭipadā pañcannaṃ orambhāgiyānaṃ saṃyojanānaṃ pahānāyā’’ti.
‘‘зсо жз, бханд̇з, маг̇г̇о зсаа бадибад̣̇аа бан̃жаннам̣ орамбхааг̇ияаанам̣ сам̣яож̇анаанам̣ бахаанааяа, ат̇а гин̃жарахи ид̇хзгажжз бхигкуу жзд̇овимуд̇д̇ино згажжз бхигкуу бан̃н̃аавимуд̇д̇ино’’д̇и? ‘‘зд̇т̇а ко банзсаахам̣ 9, аананд̣̇а, инд̣̇рияавзмад̇д̇ад̇ам̣ вад̣̇аамий’’д̇и.
‘‘Eso ce, bhante, maggo esā paṭipadā pañcannaṃ orambhāgiyānaṃ saṃyojanānaṃ pahānāya, atha kiñcarahi idhekacce bhikkhū cetovimuttino ekacce bhikkhū paññāvimuttino’’ti? ‘‘Ettha kho panesāhaṃ 10, ānanda, indriyavemattataṃ vadāmī’’ti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
махаамаалугяасуд̇д̇ам̣ нидтид̇ам̣ жад̇уд̇т̇ам̣.
Mahāmālukyasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. махаамаалугяасуд̇д̇аван̣н̣анаа • 4. Mahāmālukyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. махаамаалугяасуд̇д̇аван̣н̣анаа • 4. Mahāmālukyasuttavaṇṇanā
