| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. махаамаалугяасуд̇д̇аван̣н̣анаа
4. Mahāmālukyasuttavaṇṇanā
129. звам̣ мз суд̇анд̇и махаамаалугяасуд̇д̇ам̣. д̇ад̇т̇а орамбхааг̇ияаанийд̇и хздтаа годтаасигаани гаамабхавз ниб̣б̣ад̇д̇исам̣вад̇д̇анигаани. сам̣яож̇анаанийд̇и б̣анд̇ханаани. гасса ко наамаад̇и гасса д̣̇звасса ваа мануссасса ваа д̣̇зсид̇аани д̇хаарзси, гим̣ д̇вамзвзго ассоси, на ан̃н̃о гожийд̇и? анусзд̇ийд̇и аббахийнад̇ааяа анусзд̇и. анусаяамаано сам̣яож̇анам̣ наама ход̇и.
129.Evaṃme sutanti mahāmālukyasuttaṃ. Tattha orambhāgiyānīti heṭṭhā koṭṭhāsikāni kāmabhave nibbattisaṃvattanikāni. Saṃyojanānīti bandhanāni. Kassakho nāmāti kassa devassa vā manussassa vā desitāni dhāresi, kiṃ tvameveko assosi, na añño kocīti? Anusetīti appahīnatāya anuseti. Anusayamāno saṃyojanaṃ nāma hoti.
зд̇т̇а жа бхаг̇авад̇аа сам̣яож̇анам̣ бужчид̇ам̣, т̇зрзнаби сам̣яож̇анамзва б̣яаагад̇ам̣. звам̣ санд̇зби д̇асса ваад̣̇з бхаг̇авад̇аа д̣̇осо ааробид̇о. со гасмаад̇и жз? т̇зрасса д̇ат̇аалад̣̇д̇хигад̇д̇аа. аяан̃хи д̇асса лад̣̇д̇хи ‘‘самуд̣̇аажаарагкан̣зязва гилзсзхи сам̣яуд̇д̇о наама ход̇и, ид̇арасмим̣ кан̣з асам̣яуд̇д̇о’’д̇и. д̇знасса бхаг̇авад̇аа д̣̇осо ааробид̇о. ат̇ааяасмаа аананд̣̇о жинд̇зси – ‘‘бхаг̇авад̇аа бхигкусан̇гхасса д̇хаммам̣ д̣̇зсзссаамийд̇и ад̇д̇ано д̇хаммад̇ааязва аяам̣ д̇хаммад̣̇зсанаа аарад̣̇д̇хаа, саа иминаа абан̣д̣ид̇зна бхигкунаа висам̣ваад̣̇ид̇аа. ханд̣̇аахам̣ бхаг̇аванд̇ам̣ яаажид̇ваа бхигкуунам̣ д̇хаммам̣ д̣̇зсзссаамий’’д̇и. со звамагааси. д̇ам̣ д̣̇ассзд̇ум̣ ‘‘звам̣ вуд̇д̇з ааяасмаа аананд̣̇о’’д̇иаад̣̇и вуд̇д̇ам̣.
Ettha ca bhagavatā saṃyojanaṃ pucchitaṃ, therenapi saṃyojanameva byākataṃ. Evaṃ santepi tassa vāde bhagavatā doso āropito. So kasmāti ce? Therassa tathāladdhikattā. Ayañhi tassa laddhi ‘‘samudācārakkhaṇeyeva kilesehi saṃyutto nāma hoti, itarasmiṃ khaṇe asaṃyutto’’ti. Tenassa bhagavatā doso āropito. Athāyasmā ānando cintesi – ‘‘bhagavatā bhikkhusaṅghassa dhammaṃ desessāmīti attano dhammatāyeva ayaṃ dhammadesanā āraddhā, sā iminā apaṇḍitena bhikkhunā visaṃvāditā. Handāhaṃ bhagavantaṃ yācitvā bhikkhūnaṃ dhammaṃ desessāmī’’ti. So evamakāsi. Taṃ dassetuṃ ‘‘evaṃ vutte āyasmā ānando’’tiādi vuttaṃ.
д̇ад̇т̇а саггааяад̣̇идтибарияудтид̇знаад̇и саггааяад̣̇идтияаа г̇ахид̇зна абхибхууд̇зна. саггааяад̣̇идтибарзд̇знаад̇и саггааяад̣̇идтияаа ануг̇ад̇зна. ниссаран̣анд̇и д̣̇идтиниссаран̣ам̣ наама ниб̣б̣аанам̣, д̇ам̣ яат̇аабхууд̇ам̣ наббаж̇аанаад̇и. аббадивинийд̇аад̇и авинод̣̇ид̇аа анийхадаа. орамбхааг̇ияам̣ сам̣яож̇ананд̇и хздтаабхааг̇ияасам̣яож̇анам̣ наама ход̇и. сзсабад̣̇зсуби зсзва наяо. суггабагко уд̇д̇аанад̇т̇оязва. ‘‘саанусаяаа бахийяад̇ий’’д̇и важанад̇о банзд̇т̇а згажжз ‘‘ан̃н̃ам̣ сам̣яож̇анам̣ ан̃н̃о анусаяо’’д̇и вад̣̇анд̇и. ‘‘яат̇аа хи саб̣яан̃ж̇анам̣ бхад̇д̇а’’нд̇и вуд̇д̇з бхад̇д̇ад̇о ан̃н̃ам̣ б̣яан̃ж̇анам̣ ход̇и, звам̣ ‘‘саанусаяаа’’д̇и важанад̇о барияудтаанасаггааяад̣̇идтид̇о ан̃н̃зна анусаязна бхавид̇аб̣б̣анд̇и д̇зсам̣ лад̣̇д̇хи. д̇з ‘‘сасийсам̣ баарубид̇ваа’’д̇иаад̣̇ийхи бадигкибид̇аб̣б̣аа. на хи сийсад̇о ан̃н̃о бурисо ад̇т̇и. ат̇ааби сияаа – ‘‘яад̣̇и д̇ад̣̇зва сам̣яож̇анам̣ со анусаяо, звам̣ санд̇з бхаг̇авад̇аа т̇зрасса д̇арун̣уубамо убаарамбхо д̣̇уааробид̇о ход̇ий’’д̇и. на д̣̇уааробид̇о, гасмаа? звам̣лад̣̇д̇хигад̇д̇аад̇и вид̇т̇аарид̇амзд̇ам̣. д̇асмаа соязва гилзсо б̣анд̇ханадтзна сам̣яож̇анам̣, аббахийнадтзна анусаяод̇и имамад̇т̇ам̣ санд̇хааяа бхаг̇авад̇аа ‘‘саанусаяаа бахийяад̇ий’’д̇и звам̣ вуд̇д̇анд̇и взд̣̇ид̇аб̣б̣ам̣.
Tattha sakkāyadiṭṭhipariyuṭṭhitenāti sakkāyadiṭṭhiyā gahitena abhibhūtena. Sakkāyadiṭṭhiparetenāti sakkāyadiṭṭhiyā anugatena. Nissaraṇanti diṭṭhinissaraṇaṃ nāma nibbānaṃ, taṃ yathābhūtaṃ nappajānāti. Appaṭivinītāti avinoditā anīhaṭā. Orambhāgiyaṃ saṃyojananti heṭṭhābhāgiyasaṃyojanaṃ nāma hoti. Sesapadesupi eseva nayo. Sukkapakkho uttānatthoyeva. ‘‘Sānusayā pahīyatī’’ti vacanato panettha ekacce ‘‘aññaṃ saṃyojanaṃ añño anusayo’’ti vadanti. ‘‘Yathā hi sabyañjanaṃ bhatta’’nti vutte bhattato aññaṃ byañjanaṃ hoti, evaṃ ‘‘sānusayā’’ti vacanato pariyuṭṭhānasakkāyadiṭṭhito aññena anusayena bhavitabbanti tesaṃ laddhi. Te ‘‘sasīsaṃ pārupitvā’’tiādīhi paṭikkhipitabbā. Na hi sīsato añño puriso atthi. Athāpi siyā – ‘‘yadi tadeva saṃyojanaṃ so anusayo, evaṃ sante bhagavatā therassa taruṇūpamo upārambho duāropito hotī’’ti. Na duāropito, kasmā? Evaṃladdhikattāti vitthāritametaṃ. Tasmā soyeva kileso bandhanaṭṭhena saṃyojanaṃ, appahīnaṭṭhena anusayoti imamatthaṃ sandhāya bhagavatā ‘‘sānusayā pahīyatī’’ti evaṃ vuttanti veditabbaṃ.
132. д̇ажам̣ чзд̇ваад̇иаад̣̇ийсу ид̣̇ам̣ обаммасам̣санд̣̇анам̣ – д̇ажажчзд̣̇о вияа хи самаабад̇д̇и д̣̇адтаб̣б̣аа, пзг̇г̇ужчзд̣̇о вияа вибассанаа, сааражчзд̣̇о вияа маг̇г̇о. бадибад̣̇аа бана логияалогуд̇д̇арамиссагаава ваддад̇и. звамзд̇з д̣̇адтаб̣б̣аад̇и зваруубаа буг̇г̇алаа звам̣ д̣̇адтаб̣б̣аа.
132.Tacaṃ chetvātiādīsu idaṃ opammasaṃsandanaṃ – tacacchedo viya hi samāpatti daṭṭhabbā, pheggucchedo viya vipassanā, sāracchedo viya maggo. Paṭipadā pana lokiyalokuttaramissakāva vaṭṭati. Evamete daṭṭhabbāti evarūpā puggalā evaṃ daṭṭhabbā.
133. убад̇хививзгаад̇и убад̇хививзгзна. иминаа бан̃жагаамаг̇ун̣авивзго гат̇ид̇о. агусалаанам̣ д̇хаммаанам̣ бахаанаад̇и иминаа нийваран̣аббахаанам̣ гат̇ид̇ам̣. гааяад̣̇удтуллаанам̣ бадиббассад̣̇д̇хияаад̇и иминаа гааяааласияабадиббассад̣̇д̇хи гат̇ид̇аа. вивижжзва гаамзхийд̇и убад̇хививзгзна гаамзхи винаа худ̇ваа. вивижжа агусалзхийд̇и агусалаанам̣ д̇хаммаанам̣ бахаанзна гааяад̣̇удтуллаанам̣ бадиббассад̣̇д̇хияаа жа агусалзхи винаа худ̇ваа. яад̣̇зва д̇ад̇т̇а ход̇ийд̇и яам̣ д̇ад̇т̇а анд̇осамаабад̇д̇игкан̣зязва самаабад̇д̇исамудтид̇ан̃жа руубаад̣̇ид̇хаммаж̇аад̇ам̣ ход̇и. д̇з д̇хаммзд̇и д̇з руубаг̇ад̇анд̇иаад̣̇инаа наязна вуд̇д̇з руубаад̣̇аяо д̇хаммз. анижжад̇од̇и на нижжад̇о. д̣̇угкад̇од̇и на сукад̇о. рог̇ад̇од̇иаад̣̇ийсу ааб̣аад̇хадтзна рог̇ад̇о, анд̇од̣̇осадтзна г̇ан̣д̣ад̇о, анубавид̣̇д̇хадтзна д̣̇угкаж̇ананадтзна жа саллад̇о, д̣̇угкадтзна агхад̇о, рог̇адтзна ааб̣аад̇хад̇о, асагадтзна барад̇о, балуж̇ж̇анадтзна балогад̇о, ниссад̇д̇адтзна сун̃н̃ад̇о, на ад̇д̇адтзна анад̇д̇ад̇о. д̇ад̇т̇а анижжад̇о, балогад̇од̇и д̣̇вийхи бад̣̇зхи анижжалагкан̣ам̣ гат̇ид̇ам̣, д̣̇угкад̇од̇иаад̣̇ийхи чахи д̣̇угкалагкан̣ам̣, барад̇о сун̃н̃ад̇о анад̇д̇ад̇од̇и д̇ийхи анад̇д̇алагкан̣ам̣.
133.Upadhivivekāti upadhivivekena. Iminā pañcakāmaguṇaviveko kathito. Akusalānaṃ dhammānaṃ pahānāti iminā nīvaraṇappahānaṃ kathitaṃ. Kāyaduṭṭhullānaṃ paṭippassaddhiyāti iminā kāyālasiyapaṭippassaddhi kathitā. Vivicceva kāmehīti upadhivivekena kāmehi vinā hutvā. Vivicca akusalehīti akusalānaṃ dhammānaṃ pahānena kāyaduṭṭhullānaṃ paṭippassaddhiyā ca akusalehi vinā hutvā. Yadeva tattha hotīti yaṃ tattha antosamāpattikkhaṇeyeva samāpattisamuṭṭhitañca rūpādidhammajātaṃ hoti. Tedhammeti te rūpagatantiādinā nayena vutte rūpādayo dhamme. Aniccatoti na niccato. Dukkhatoti na sukhato. Rogatotiādīsu ābādhaṭṭhena rogato, antodosaṭṭhena gaṇḍato, anupaviddhaṭṭhena dukkhajananaṭṭhena ca sallato, dukkhaṭṭhena aghato, rogaṭṭhena ābādhato, asakaṭṭhena parato, palujjanaṭṭhena palokato, nissattaṭṭhena suññato, na attaṭṭhena anattato. Tattha aniccato, palokatoti dvīhi padehi aniccalakkhaṇaṃ kathitaṃ, dukkhatotiādīhi chahi dukkhalakkhaṇaṃ, parato suññato anattatoti tīhi anattalakkhaṇaṃ.
со д̇зхи д̇хаммзхийд̇и со д̇зхи звам̣ д̇илагкан̣ам̣ ааробзд̇ваа д̣̇идтзхи анд̇осамаабад̇д̇ияам̣ бан̃жагканд̇хад̇хаммзхи. жид̇д̇ам̣ бадиваабзд̇ийд̇и жид̇д̇ам̣ бадисам̣харад̇и можзд̇и абанзд̇и. убасам̣харад̇ийд̇и вибассанаажид̇д̇ам̣ д̇аава саванавасзна т̇уд̇ивасзна барияад̇д̇ивасзна бан̃н̃ад̇д̇ивасзна жа зд̇ам̣ санд̇ам̣ ниб̣б̣аананд̇и звам̣ асан̇кад̇ааяа амад̇ааяа д̇хаад̇уяаа убасам̣харад̇и. маг̇г̇ажид̇д̇ам̣ ниб̣б̣аанам̣ аарамман̣агаран̣авасзнзва зд̇ам̣ санд̇амзд̇ам̣ бан̣ийд̇анд̇и на звам̣ вад̣̇ад̇и, иминаа бана аагаарзна д̇ам̣ бадивиж̇жханд̇о д̇ад̇т̇а жид̇д̇ам̣ убасам̣харад̇ийд̇и ад̇т̇о. со д̇ад̇т̇а тид̇од̇и д̇ааяа д̇илагкан̣аарамман̣ааяа вибассанааяа тид̇о. аасаваанам̣ каяам̣ баабун̣аад̇ийд̇и ануггамзна жад̇д̇ааро маг̇г̇з бхаавзд̇ваа баабун̣аад̇и . д̇знзва д̇хаммарааг̇знаад̇и самат̇авибассанаад̇хаммз чанд̣̇арааг̇зна. самат̇авибассанаасу хи саб̣б̣асо чанд̣̇арааг̇ам̣ барияаад̣̇аад̇ум̣ саггонд̇о арахад̇д̇ам̣ баабун̣аад̇и, асаггонд̇о анааг̇аамий ход̇и.
So tehi dhammehīti so tehi evaṃ tilakkhaṇaṃ āropetvā diṭṭhehi antosamāpattiyaṃ pañcakkhandhadhammehi. Cittaṃ paṭivāpetīti cittaṃ paṭisaṃharati moceti apaneti. Upasaṃharatīti vipassanācittaṃ tāva savanavasena thutivasena pariyattivasena paññattivasena ca etaṃ santaṃ nibbānanti evaṃ asaṅkhatāya amatāya dhātuyā upasaṃharati. Maggacittaṃ nibbānaṃ ārammaṇakaraṇavaseneva etaṃ santametaṃ paṇītanti na evaṃ vadati, iminā pana ākārena taṃ paṭivijjhanto tattha cittaṃ upasaṃharatīti attho. So tattha ṭhitoti tāya tilakkhaṇārammaṇāya vipassanāya ṭhito. Āsavānaṃ khayaṃ pāpuṇātīti anukkamena cattāro magge bhāvetvā pāpuṇāti . Teneva dhammarāgenāti samathavipassanādhamme chandarāgena. Samathavipassanāsu hi sabbaso chandarāgaṃ pariyādātuṃ sakkonto arahattaṃ pāpuṇāti, asakkonto anāgāmī hoti.
яад̣̇зва д̇ад̇т̇а ход̇и взд̣̇анааг̇ад̇анд̇и ид̇ха бана руубам̣ на г̇ахид̇ам̣. гасмаа? самад̇игганд̇ад̇д̇аа. аяан̃хи хздтаа руубааважараж̇жхаанам̣ самаабаж̇ж̇ид̇ваа руубам̣ ад̇иггамид̇ваа аруубааважарасамаабад̇д̇им̣ самаабаннод̇и самат̇авасзнабинзна руубам̣ ад̇игганд̇ам̣, хздтаа руубам̣ саммад̣̇зва саммасид̇ваа д̇ам̣ ад̇иггамма ид̣̇аани аруубам̣ саммасад̇ийд̇и вибассанаавасзнабинзна руубам̣ ад̇игганд̇ам̣. аруубз бана саб̣б̣асоби руубам̣ над̇т̇ийд̇и д̇ам̣ санд̇хааяаби ид̇ха руубам̣ на г̇ахид̇ам̣.
Yadevatattha hoti vedanāgatanti idha pana rūpaṃ na gahitaṃ. Kasmā? Samatikkantattā. Ayañhi heṭṭhā rūpāvacarajjhānaṃ samāpajjitvā rūpaṃ atikkamitvā arūpāvacarasamāpattiṃ samāpannoti samathavasenapinena rūpaṃ atikkantaṃ, heṭṭhā rūpaṃ sammadeva sammasitvā taṃ atikkamma idāni arūpaṃ sammasatīti vipassanāvasenapinena rūpaṃ atikkantaṃ. Arūpe pana sabbasopi rūpaṃ natthīti taṃ sandhāyapi idha rūpaṃ na gahitaṃ.
ат̇а гин̃жарахийд̇и гим̣ бужчаамийд̇и бужчад̇и? самат̇авасзна г̇ажчад̇о жид̇д̇згаг̇г̇ад̇аа д̇хурам̣ ход̇и, со жзд̇овимуд̇д̇о наама. вибассанаавасзна г̇ажчад̇о бан̃н̃аа д̇хурам̣ ход̇и, со бан̃н̃аавимуд̇д̇о наамаад̇и зд̇т̇а т̇зрасса ган̇каа над̇т̇и. аяам̣ сабхаавад̇хаммоязва, самат̇авасзнзва бана г̇ажчанд̇зсу зго жзд̇овимуд̇д̇о наама ход̇и, зго бан̃н̃аавимуд̇д̇о. вибассанаавасзна г̇ажчанд̇зсуби зго бан̃н̃аавимуд̇д̇о наама ход̇и, зго жзд̇овимуд̇д̇од̇и зд̇т̇а гим̣ гааран̣анд̇и бужчад̇и.
Atha kiñcarahīti kiṃ pucchāmīti pucchati? Samathavasena gacchato cittekaggatā dhuraṃ hoti, so cetovimutto nāma. Vipassanāvasena gacchato paññā dhuraṃ hoti, so paññāvimutto nāmāti ettha therassa kaṅkhā natthi. Ayaṃ sabhāvadhammoyeva, samathavaseneva pana gacchantesu eko cetovimutto nāma hoti, eko paññāvimutto. Vipassanāvasena gacchantesupi eko paññāvimutto nāma hoti, eko cetovimuttoti ettha kiṃ kāraṇanti pucchati.
инд̣̇рияавзмад̇д̇ад̇ам̣ вад̣̇аамийд̇и инд̣̇рияанаанад̇д̇ад̇ам̣ вад̣̇аами. ид̣̇ам̣ вуд̇д̇ам̣ ход̇и, на д̇вам̣, аананд̣̇а, д̣̇аса баарамияо буурзд̇ваа саб̣б̣ан̃н̃уд̇ам̣ бадивиж̇жхи, д̇зна д̇з зд̇ам̣ абаагадам̣. ахам̣ бана бадивиж̇жхим̣, д̇зна мз зд̇ам̣ баагадам̣. зд̇т̇а хи инд̣̇рияанаанад̇д̇ад̇аа гааран̣ам̣. самат̇авасзнзва хи г̇ажчанд̇зсу згасса бхигкуно жид̇д̇згаг̇г̇ад̇аа д̇хурам̣ ход̇и, со жзд̇овимуд̇д̇о наама ход̇и. згасса бан̃н̃аа д̇хурам̣ ход̇и, со бан̃н̃аавимуд̇д̇о наама ход̇и. вибассанаавасзнзва жа г̇ажчанд̇зсу згасса бан̃н̃аа д̇хурам̣ ход̇и, со бан̃н̃аавимуд̇д̇о наама ход̇и. згасса жид̇д̇згаг̇г̇ад̇аа д̇хурам̣ ход̇и, со жзд̇овимуд̇д̇о наама ход̇и. д̣̇вз аг̇г̇асаавагаа самат̇авибассанаад̇хурзна арахад̇д̇ам̣ бад̇д̇аа. д̇зсу д̇хаммасзнаабад̇и бан̃н̃аавимуд̇д̇о ж̇аад̇о, махаамог̇г̇аллаанад̇т̇зро жзд̇овимуд̇д̇о. ид̇и инд̣̇рияавзмад̇д̇амзд̇т̇а гааран̣анд̇и взд̣̇ид̇аб̣б̣ам̣. сзсам̣ саб̣б̣ад̇т̇а уд̇д̇аанамзваад̇и.
Indriyavemattataṃ vadāmīti indriyanānattataṃ vadāmi. Idaṃ vuttaṃ hoti, na tvaṃ, ānanda, dasa pāramiyo pūretvā sabbaññutaṃ paṭivijjhi, tena te etaṃ apākaṭaṃ. Ahaṃ pana paṭivijjhiṃ, tena me etaṃ pākaṭaṃ. Ettha hi indriyanānattatā kāraṇaṃ. Samathavaseneva hi gacchantesu ekassa bhikkhuno cittekaggatā dhuraṃ hoti, so cetovimutto nāma hoti. Ekassa paññā dhuraṃ hoti, so paññāvimutto nāma hoti. Vipassanāvaseneva ca gacchantesu ekassa paññā dhuraṃ hoti, so paññāvimutto nāma hoti. Ekassa cittekaggatā dhuraṃ hoti, so cetovimutto nāma hoti. Dve aggasāvakā samathavipassanādhurena arahattaṃ pattā. Tesu dhammasenāpati paññāvimutto jāto, mahāmoggallānatthero cetovimutto. Iti indriyavemattamettha kāraṇanti veditabbaṃ. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаамаалугяасуд̇д̇аван̣н̣анаа нидтид̇аа.
Mahāmālukyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. махаамаалугяасуд̇д̇ам̣ • 4. Mahāmālukyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. махаамаалугяасуд̇д̇аван̣н̣анаа • 4. Mahāmālukyasuttavaṇṇanā
