| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. махаамаалугяасуд̇д̇аван̣н̣анаа
4. Mahāmālukyasuttavaṇṇanā
129. орам̣ вужжад̇и гаамад̇хаад̇у, д̇ад̇т̇а бавад̇д̇ияаа сам̣вад̇д̇анад̇о орам̣ бхаж̇анд̇ийд̇и орамбхааг̇ияаани, хздтимамаг̇г̇аваж̇жхад̇ааяа орамбхааг̇з хздтаагодтаасз бхаж̇анд̇ийд̇и орамбхааг̇ияаани га-гаарасса яа-гаарам̣ гад̇ваа. д̇знааха ‘‘хздтаагодтаасигааний’’д̇иаад̣̇и. гаммунаа хи ваддзна жа д̣̇угкам̣ сам̣яож̇знд̇ийд̇и сам̣яож̇анаани, орамбхааг̇ияасан̃н̃ид̇аани сам̣яож̇анаани яасса аббахийнаани, д̇ассзва ваддад̣̇угкам̣. яасса бана д̇аани бахийнаани, д̇асса д̇ам̣ над̇т̇ийд̇и. аббахийнад̇ааяа анусзд̇ийд̇и арияамаг̇г̇зна асамужчиннад̇ааяа гааран̣алаабхз сад̇и уббаж̇ж̇ад̇и, аббахийнабхаавзна анусзд̇и. анусаяамаано сам̣яож̇анам̣ наама ход̇ийд̇и анусаяад̇д̇ам̣ парид̇ваа бавад̇д̇амаано баабад̇хаммо яат̇аавуд̇д̇знад̇т̇зна сам̣яож̇анам̣ наама ход̇и. зд̇зна яад̣̇и бана анусаяад̇о сам̣яож̇анам̣ бавад̇д̇ам̣, д̇ат̇ааби яз д̇з гаамарааг̇аад̣̇аяо ‘‘анусаяаа’’д̇и вужжанд̇и, д̇зязва б̣анд̇ханадтзна сам̣яож̇анаанийд̇и д̣̇ассзд̇и.
129. Oraṃ vuccati kāmadhātu, tattha pavattiyā saṃvattanato oraṃ bhajantīti orambhāgiyāni, heṭṭhimamaggavajjhatāya orambhāge heṭṭhākoṭṭhāse bhajantīti orambhāgiyāni ka-kārassa ya-kāraṃ katvā. Tenāha ‘‘heṭṭhākoṭṭhāsikānī’’tiādi. Kammunā hi vaṭṭena ca dukkhaṃ saṃyojentīti saṃyojanāni, orambhāgiyasaññitāni saṃyojanāni yassa appahīnāni, tasseva vaṭṭadukkhaṃ. Yassa pana tāni pahīnāni, tassa taṃ natthīti. Appahīnatāya anusetīti ariyamaggena asamucchinnatāya kāraṇalābhe sati uppajjati, appahīnabhāvena anuseti. Anusayamāno saṃyojanaṃ nāma hotīti anusayattaṃ pharitvā pavattamāno pāpadhammo yathāvuttenatthena saṃyojanaṃ nāma hoti. Etena yadi pana anusayato saṃyojanaṃ pavattaṃ, tathāpi ye te kāmarāgādayo ‘‘anusayā’’ti vuccanti, teyeva bandhanaṭṭhena saṃyojanānīti dasseti.
звам̣ санд̇збийд̇и яад̣̇зва орамбхааг̇ияасам̣яож̇анам̣ бхаг̇авад̇аа бужчид̇ам̣, д̇ад̣̇зва т̇зрзнаби виссаж̇ж̇ид̇ам̣, д̇ат̇ааби аяам̣ лад̣̇д̇хи санниссаяаа. д̇ад̇т̇а д̣̇осааробанаад̇и д̣̇ассзд̇ум̣ ‘‘д̇асса ваад̣̇з’’д̇иаад̣̇и вуд̇д̇ам̣. самуд̣̇аажаарагкан̣зязваад̇и бавад̇д̇игкан̣з зва. на хи саб̣б̣з вад̇д̇амаанаа гилзсаа сам̣яож̇анад̇т̇ам̣ паранд̇ийд̇и ад̇хиббааяо. д̇знаад̇и д̇зна гааран̣зна, д̇ат̇аалад̣̇д̇хигад̇д̇аад̇и ад̇т̇о. жинд̇зси ‘‘д̇хаммам̣ д̣̇зсзссаамий’’д̇и яож̇анаа. ад̇д̇ано д̇хаммад̇ааязваад̇и аж̇жхад̇д̇аасаязнзва. висам̣ваад̣̇ид̇аад̇и сад̇т̇у жид̇д̇асса анаараад̇ханзна вивзжид̇аа. звамагааси звам̣ д̇хаммам̣ д̣̇зсаабзси.
Evaṃ santepīti yadeva orambhāgiyasaṃyojanaṃ bhagavatā pucchitaṃ, tadeva therenapi vissajjitaṃ, tathāpi ayaṃ laddhi sannissayā. Tattha dosāropanāti dassetuṃ ‘‘tassa vāde’’tiādi vuttaṃ. Samudācārakkhaṇeyevāti pavattikkhaṇe eva. Na hi sabbe vattamānā kilesā saṃyojanatthaṃ pharantīti adhippāyo. Tenāti tena kāraṇena, tathāladdhikattāti attho. Cintesi ‘‘dhammaṃ desessāmī’’ti yojanā. Attano dhammatāyevāti ajjhattāsayeneva. Visaṃvāditāti satthu cittassa anārādhanena vivecitā. Evamakāsi evaṃ dhammaṃ desāpesi.
130. саггааяад̣̇идтибарияудтид̇знаад̇и барияудтаанасамад̇т̇асаггааяад̣̇идтигзна. д̇ат̇аабхууд̇ан̃жа жид̇д̇ам̣ д̇ааяа д̣̇идтияаа виг̇аяхид̇ам̣ аж̇жход̇т̇адан̃жа наама ход̇ийд̇и ааха ‘‘г̇ахид̇зна абхибхууд̇знаа’’д̇и. д̣̇идтиниссаран̣ам̣ наама д̣̇ассанамаг̇г̇о д̇зна самужчинд̣̇ид̇аб̣б̣ад̇о, со бана ниб̣б̣аанам̣ ааг̇амма д̇ам̣ самужчинд̣̇ад̇и, д̇асмаа вуд̇д̇ам̣ ‘‘д̣̇идтиниссаран̣ам̣ ниб̣б̣аана’’нд̇и. авинод̣̇ид̇аа анийхадаад̇и бад̣̇ад̣̇ваязнаби самужчзд̣̇авасзна аббахийнад̇д̇ам̣язва вад̣̇ад̇и. ан̃н̃ам̣ сам̣яож̇анам̣ ан̃н̃о анусаяод̇и вад̣̇анд̇и, сахабхааво наама ан̃н̃зна ход̇и. на хи д̇ад̣̇зва д̇зна сахаад̇и вужжад̇ийд̇и д̇зсам̣ ад̇хиббааяо. ан̃н̃знаад̇и ад̇т̇ад̇о ан̃н̃зна. авад̇т̇аамад̇д̇ад̇о яад̣̇иби аваяававинимуд̇д̇о самуд̣̇ааяо над̇т̇и, аваяаво бана самуд̣̇ааяо на ход̇ийд̇и со самуд̣̇ааяад̇о ан̃н̃о зваад̇и саггаа вад̇д̇унд̇и яат̇аавуд̇д̇асса барихаарасса аббаадихийрагад̇ам̣ аасан̇гид̇ваа багканд̇арам̣ аасаллид̇ам̣ ‘‘ат̇ааби сияаа’’д̇иаад̣̇инаа. багканд̇арзхи барихаараа хонд̇ийд̇и яат̇аавуд̇д̇ан̃ааязнаби ан̃н̃о бурисо ат̇ааби сияаа, аяам̣ банзд̇т̇а ан̃н̃о д̣̇осод̇и ааха ‘‘яад̣̇и д̇ад̣̇зваа’’д̇иаад̣̇и. ат̇ааби сияаа д̇уяхам̣ яад̣̇и баривид̇агго ийд̣̇исо яад̣̇и д̇ад̣̇зва сам̣яож̇ананд̇иаад̣̇и. имамад̇т̇ам̣ санд̇хааяаад̇и барамад̇т̇ад̇о со зва гилзсо сам̣яож̇анаманусаяо жа, б̣анд̇ханад̇т̇ааббахийнад̇т̇аанам̣ бана ад̇т̇зва бхзд̣̇од̇и имамад̇т̇ам̣ санд̇хааяа.
130.Sakkāyadiṭṭhipariyuṭṭhitenāti pariyuṭṭhānasamatthasakkāyadiṭṭhikena. Tathābhūtañca cittaṃ tāya diṭṭhiyā vigayhitaṃ ajjhotthaṭañca nāma hotīti āha ‘‘gahitena abhibhūtenā’’ti. Diṭṭhinissaraṇaṃ nāma dassanamaggo tena samucchinditabbato, so pana nibbānaṃ āgamma taṃ samucchindati, tasmā vuttaṃ ‘‘diṭṭhinissaraṇaṃ nibbāna’’nti. Avinoditā anīhaṭāti padadvayenapi samucchedavasena appahīnattaṃyeva vadati. Aññaṃ saṃyojanaṃ añño anusayoti vadanti, sahabhāvo nāma aññena hoti. Na hi tadeva tena sahāti vuccatīti tesaṃ adhippāyo. Aññenāti atthato aññena. Avatthāmattato yadipi avayavavinimutto samudāyo natthi, avayavo pana samudāyo na hotīti so samudāyato añño evāti sakkā vattunti yathāvuttassa parihārassa appāṭihīrakataṃ āsaṅkitvā pakkhantaraṃ āsallitaṃ ‘‘athāpi siyā’’tiādinā. Pakkhantarehi parihārā hontīti yathāvuttañāyenapi añño puriso athāpi siyā, ayaṃ panettha añño dosoti āha ‘‘yadi tadevā’’tiādi. Athāpi siyā tuyhaṃ yadi parivitakko īdiso yadi tadeva saṃyojanantiādi. Imamatthaṃ sandhāyāti paramatthato so eva kileso saṃyojanamanusayo ca, bandhanatthaappahīnatthānaṃ pana attheva bhedoti imamatthaṃ sandhāya.
132. д̇ажажчзд̣̇о вияа самаабад̇д̇и гилзсаанам̣ самаабад̇д̇ивигкамбханасса сааражчзд̣̇асса анусаяасса д̣̇уурабхаавад̇о. пзг̇г̇ужчзд̣̇о вияа вибассанаа д̇асса аасаннабхаавад̇о. зваруубаа буг̇г̇алаад̇и абхаавид̇асад̣̇д̇хаад̣̇иб̣алад̇ааяа д̣̇уб̣б̣аланаамагааяаа буг̇г̇алаа, язсам̣ саггааяанирод̇хааяа…бз… наад̇химужжад̇и. звам̣ д̣̇адтаб̣б̣аад̇и яат̇аа со д̣̇уб̣б̣алаго бурисо, звам̣ д̣̇адтаб̣б̣о со бурисо г̇ан̇г̇аабаарам̣ вияа саггааяабаарам̣ г̇анд̇ум̣ асамад̇т̇ад̇д̇аа. вуд̇д̇авибарияааязна суггабагкасса ад̇т̇о взд̣̇ид̇аб̣б̣о.
132.Tacacchedo viya samāpatti kilesānaṃ samāpattivikkhambhanassa sāracchedassa anusayassa dūrabhāvato. Pheggucchedo viya vipassanā tassa āsannabhāvato. Evarūpā puggalāti abhāvitasaddhādibalatāya dubbalanāmakāyā puggalā, yesaṃ sakkāyanirodhāya…pe… nādhimuccati. Evaṃ daṭṭhabbāti yathā so dubbalako puriso, evaṃ daṭṭhabbo so puriso gaṅgāpāraṃ viya sakkāyapāraṃ gantuṃ asamatthattā. Vuttavipariyāyena sukkapakkhassa attho veditabbo.
133. убад̇хививзгзнаад̇и иминаа убад̇хививзгаад̇и гаран̣з ниссаггананд̇и д̣̇ассзд̇и, убад̇хививзгаад̇и ваа хзд̇умхи ниссаггаважанасса убад̇хививзгзнаад̇и хзд̇умхи гаран̣аважанзна бан̃жагаамаг̇ун̣авивзго гат̇ид̇о. гаамаг̇ун̣ааби хи убад̇хийяад̇и зд̇т̇а д̣̇угканд̇и убад̇хийд̇и вужжанд̇ийд̇и. т̇инамид̣̇д̇хабажжаяаа гааяавиж̇амбхид̇аад̣̇ибхзд̣̇ам̣ гааяааласияам̣. д̇ад̇т̇аад̇и анд̇осамаабад̇д̇ияам̣ самаабад̇д̇иаб̣бханд̇арз ж̇аад̇ам̣. д̇ам̣ бана самаабад̇д̇ибарияаабаннамби абарияаабаннамбийд̇и д̇ад̣̇убхаяам̣ д̣̇ассзд̇ум̣ ‘‘анд̇осамаабад̇д̇игкан̣зязваа’’д̇иаад̣̇и вуд̇д̇ам̣. руубаад̣̇аяо д̇хаммзд̇и руубавзд̣̇анаад̣̇игз бан̃жагканд̇хад̇хаммз. на нижжад̇од̇и иминаа нижжабадигкзбад̇о д̇зсам̣ анижжад̇амааха. д̇ад̇о зва уд̣̇аяаваяанд̇ад̇о вибарин̣аамад̇о д̇аавагаалигад̇о жа д̇з анижжаад̇и ж̇од̇ид̇ам̣ ход̇и. яан̃хи нижжам̣ на ход̇и, д̇ам̣ уд̣̇аяаб̣б̣аяабарижчиннам̣ ж̇арааяа маран̣зна жаад̇и д̣̇взд̇хаа вибарин̣ад̇ам̣ ид̇д̇аракан̣амзва жа ход̇и. на сукад̇од̇и иминаа сукабадигкзбад̇о д̇зсам̣ д̣̇угкад̇амааха, ад̇о зва абхин̣хам̣ бадибийл̣анад̇о д̣̇угкавад̇т̇уд̇о жа д̇з д̣̇угкаад̇и ж̇од̇ид̇ам̣ ход̇и. уд̣̇аяаб̣б̣аяаванд̇ад̇ааяа хи д̇з абхин̣хам̣ бадибийл̣анад̇о ниранд̇арад̣̇угкад̇ааяа д̣̇угкассзва жа ад̇хидтаанабхууд̇аад̇и. бажжаяаяаабанийяад̇ааяа рог̇амуулад̇ааяа жа рог̇ад̇о. д̣̇угкад̇аасуулаяог̇ид̇ааяа гилзсаасужибаг̇гхаран̣ад̇о уббаад̣̇аж̇араабхан̇г̇зхи уд̣̇д̇хумаад̇абаггабхиж̇ж̇анад̇о жа г̇ан̣д̣ад̇о. бийл̣ааж̇ананад̇о анд̇од̇уд̣̇анад̇о д̣̇уннийхаран̣ад̇о жа авад̣̇д̇хиаавахад̇о агхавад̇т̇уд̇о жа асзрийбхаавад̇о ааб̣аад̇хабад̣̇адтаанад̇ааяа жа ааб̣аад̇хад̇о. авасавад̇д̇анад̇о авид̇хзяяад̇ааяа барад̇о . б̣яаад̇хиж̇араамаран̣зхи балуж̇ж̇анийяад̇ааяа балогад̇о. саамийниваасийгаарагавзд̣̇агаад̇хидтааяагавирахад̇о сун̃н̃ад̇о. ад̇д̇абадигкзбадтзна анад̇д̇ад̇о, руубаад̣̇ид̇хаммааби на зд̇т̇а ад̇д̇аа хонд̇ийд̇и анад̇д̇аа, звам̣ аяамби на ад̇д̇аа ход̇ийд̇и анад̇д̇аа. д̇зна аб̣яаабаарад̇о нирийхад̇о д̇ужчад̇о анад̇д̇аад̇и д̣̇ийбид̇ам̣ ход̇и. лагкан̣ад̇д̇аяамзва аваб̣од̇хад̇т̇ам̣ згаад̣̇асахи бад̣̇зхи вибхаж̇ид̇ваа г̇ахид̇анд̇и д̣̇ассзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣.
133.Upadhivivekenāti iminā upadhivivekāti karaṇe nissakkananti dasseti, upadhivivekāti vā hetumhi nissakkavacanassa upadhivivekenāti hetumhi karaṇavacanena pañcakāmaguṇaviveko kathito. Kāmaguṇāpi hi upadhīyati ettha dukkhanti upadhīti vuccantīti. Thinamiddhapaccayā kāyavijambhitādibhedaṃ kāyālasiyaṃ. Tatthāti antosamāpattiyaṃ samāpattiabbhantare jātaṃ. Taṃ pana samāpattipariyāpannampi apariyāpannampīti tadubhayaṃ dassetuṃ ‘‘antosamāpattikkhaṇeyevā’’tiādi vuttaṃ. Rūpādayo dhammeti rūpavedanādike pañcakkhandhadhamme. Na niccatoti iminā niccapaṭikkhepato tesaṃ aniccatamāha. Tato eva udayavayantato vipariṇāmato tāvakālikato ca te aniccāti jotitaṃ hoti. Yañhi niccaṃ na hoti, taṃ udayabbayaparicchinnaṃ jarāya maraṇena cāti dvedhā vipariṇataṃ ittarakhaṇameva ca hoti. Na sukhatoti iminā sukhapaṭikkhepato tesaṃ dukkhatamāha, ato eva abhiṇhaṃ paṭipīḷanato dukkhavatthuto ca te dukkhāti jotitaṃ hoti. Udayabbayavantatāya hi te abhiṇhaṃ paṭipīḷanato nirantaradukkhatāya dukkhasseva ca adhiṭṭhānabhūtāti. Paccayayāpanīyatāya rogamūlatāya ca rogato. Dukkhatāsūlayogitāya kilesāsucipaggharaṇato uppādajarābhaṅgehi uddhumātapakkabhijjanato ca gaṇḍato. Pīḷājananato antotudanato dunnīharaṇato ca avaddhiāvahato aghavatthuto ca aserībhāvato ābādhapadaṭṭhānatāya ca ābādhato. Avasavattanato avidheyyatāya parato. Byādhijarāmaraṇehi palujjanīyatāya palokato. Sāmīnivāsīkārakavedakaadhiṭṭhāyakavirahato suññato. Attapaṭikkhepaṭṭhena anattato, rūpādidhammāpi na ettha attā hontīti anattā, evaṃ ayampi na attā hotīti anattā. Tena abyāpārato nirīhato tucchato anattāti dīpitaṃ hoti. Lakkhaṇattayameva avabodhatthaṃ ekādasahi padehi vibhajitvā gahitanti dassetuṃ ‘‘tatthā’’tiādi vuttaṃ.
анд̇осамаабад̇д̇ияанд̇и самаабад̇д̇ийнам̣ сахаж̇аад̇ад̇ааяа самаабад̇д̇ийнам̣ аб̣бханд̇арз. жид̇д̇ам̣ бадисам̣харад̇ийд̇и д̇аббадиб̣ад̣̇д̇хачанд̣̇арааг̇аад̣̇иубаггилзсавигкамбханзна вибассанаажид̇д̇ам̣ бадисам̣харад̇и. д̇знааха ‘‘можзд̇ий’’д̇и. саванавасзнаад̇и ‘‘саб̣б̣асан̇каарасамат̇о’’д̇иаад̣̇инаа саванавасзна. т̇уд̇ивасзнаад̇и д̇ат̇зва т̇оманаавасзна г̇ун̣ад̇о сам̣гид̇д̇анавасзна. барияад̇д̇ивасзнаад̇и д̇асса д̇хаммасса барияаабун̣анавасзна. бан̃н̃ад̇д̇ивасзнаад̇и д̇ад̣̇ад̇т̇асса бан̃н̃аабанавасзна. аарамман̣агаран̣авасзнзва убасам̣харад̇и маг̇г̇ажид̇д̇ам̣. зд̇ам̣ санд̇анд̇иаад̣̇и бана авад̇хааран̣анивад̇д̇ид̇ад̇т̇ад̣̇ассанам̣. яат̇аа вибассанаа ‘‘зд̇ам̣ санд̇ам̣ зд̇ам̣ бан̣ийд̇а’’нд̇иаад̣̇инаа асан̇кад̇ааяа д̇хаад̇уяаа жид̇д̇ам̣ убасам̣харад̇и, звам̣ маг̇г̇о ниб̣б̣аанам̣ сажчигирияаабхисамаяавасзна абхисамзнд̇о д̇ад̇т̇а лаб̣бхамаанз саб̣б̣з висзсз асаммохад̇о бадивиж̇аананд̇о д̇ад̇т̇а жид̇д̇ам̣ убасам̣харад̇и. д̇знааха ‘‘иминаа бана аагаарзнаа’’д̇иаад̣̇и. со д̇ад̇т̇а тид̇од̇и со ад̣̇анд̇хавибассано яог̇ий д̇ад̇т̇а д̇ааяа анижжаад̣̇илагкан̣ад̇д̇аяаарамман̣ааяа вибассанааяа тид̇о. саб̣б̣асод̇и д̇асса маг̇г̇асса ад̇хиг̇амааяа ниб̣б̣ад̇д̇ид̇асамат̇авибассанаасу. асаггонд̇о анааг̇аамий ход̇ийд̇и хздтимамаг̇г̇авахаасу зва самат̇авибассанаасу чанд̣̇арааг̇ам̣ бахааяа аг̇г̇амаг̇г̇авахаасу д̇аасу ниганд̇им̣ барияаад̣̇аад̇ум̣ асаггонд̇о анааг̇аамид̇ааяамзва сан̣таад̇и.
Antosamāpattiyanti samāpattīnaṃ sahajātatāya samāpattīnaṃ abbhantare. Cittaṃ paṭisaṃharatīti tappaṭibaddhachandarāgādiupakkilesavikkhambhanena vipassanācittaṃ paṭisaṃharati. Tenāha ‘‘mocetī’’ti. Savanavasenāti ‘‘sabbasaṅkhārasamatho’’tiādinā savanavasena. Thutivasenāti tatheva thomanāvasena guṇato saṃkittanavasena. Pariyattivasenāti tassa dhammassa pariyāpuṇanavasena. Paññattivasenāti tadatthassa paññāpanavasena. Ārammaṇakaraṇavaseneva upasaṃharati maggacittaṃ. Etaṃ santantiādi pana avadhāraṇanivattitatthadassanaṃ. Yathā vipassanā ‘‘etaṃ santaṃ etaṃ paṇīta’’ntiādinā asaṅkhatāya dhātuyā cittaṃ upasaṃharati, evaṃ maggo nibbānaṃ sacchikiriyābhisamayavasena abhisamento tattha labbhamāne sabbe visese asammohato paṭivijānanto tattha cittaṃ upasaṃharati. Tenāha ‘‘iminā pana ākārenā’’tiādi. So tattha ṭhitoti so adandhavipassano yogī tattha tāya aniccādilakkhaṇattayārammaṇāya vipassanāya ṭhito. Sabbasoti tassa maggassa adhigamāya nibbattitasamathavipassanāsu. Asakkonto anāgāmī hotīti heṭṭhimamaggavahāsu eva samathavipassanāsu chandarāgaṃ pahāya aggamaggavahāsu tāsu nikantiṃ pariyādātuṃ asakkonto anāgāmitāyameva saṇṭhāti.
самад̇игганд̇ад̇д̇аад̇и самат̇авасзна вибассанаавасзна жаад̇и саб̣б̣ат̇ааби руубасса ад̇игганд̇ад̇д̇аа. д̇знааха ‘‘аяан̃хий’’д̇иаад̣̇и. анзнаад̇и яог̇инаа. д̇ам̣ ад̇иггаммаад̇и ид̣̇ам̣ яо ваа батамам̣ бан̃жавогаарабхавабарияаабаннз д̇хаммз саммад̣̇зва саммасид̇ваа д̇з виваж̇ж̇зд̇ваа д̇ад̇о аруубасамаабад̇д̇им̣ самаабаж̇ж̇ид̇ваа аруубад̇хаммз саммасад̇и, д̇ам̣ санд̇хааяа вуд̇д̇ам̣. д̇знааха ‘‘ид̣̇аани аруубам̣ саммасад̇ий’’д̇и.
Samatikkantattāti samathavasena vipassanāvasena cāti sabbathāpi rūpassa atikkantattā. Tenāha ‘‘ayañhī’’tiādi. Anenāti yoginā. Taṃ atikkammāti idaṃ yo vā paṭhamaṃ pañcavokārabhavapariyāpanne dhamme sammadeva sammasitvā te vivajjetvā tato arūpasamāpattiṃ samāpajjitvā arūpadhamme sammasati, taṃ sandhāya vuttaṃ. Tenāha ‘‘idāni arūpaṃ sammasatī’’ti.
самат̇авасзна г̇ажчад̇од̇и самат̇аббад̇хаанам̣ буб̣б̣абхааг̇абадибад̣̇ам̣ ануяун̃ж̇анд̇асса. жид̇д̇згаг̇г̇ад̇аа д̇хурам̣ ход̇ийд̇и д̇асса вибассанаабхааванааяа д̇ат̇аа буб̣б̣з бавад̇д̇ад̇д̇аа вудтаанаг̇ааминивибассанаа самаад̇хиббад̇хаанаа ход̇и, маг̇г̇зби жид̇д̇згаг̇г̇ад̇аа д̇хурам̣ ход̇и, самаад̇хинд̣̇рияам̣ буб̣б̣ан̇г̇амам̣ б̣алавам̣ ход̇и. со жзд̇овимуд̇д̇о наамаад̇и со арияо жзд̇овимуд̇д̇о наама ход̇и. вибассанаавасзна г̇ажчад̇од̇и ‘‘самат̇авасзна г̇ажчад̇о’’д̇и зд̇т̇а вуд̇д̇анаяаанусаарзна ад̇т̇о взд̣̇ид̇аб̣б̣о. аяан̃жа буг̇г̇алавибхааг̇о суд̇д̇анд̇анаязна ид̇хаабхихид̇о барияааяо наама, абхид̇хамманаязна барад̇о гийдааг̇ирисуд̇д̇аван̣н̣анааяам̣ д̣̇ассаяиссаама. аяам̣ сабхаавад̇хаммоязваад̇и буб̣б̣абхааг̇абадибад̣̇аа самат̇аббад̇хаанаа жз самаад̇хи д̇хурам̣, вибассанаабад̇хаанаа жз бан̃н̃аа д̇хуранд̇и аяам̣ д̇хаммасабхаавоязва, зд̇т̇а гин̃жи на аасан̇гид̇аб̣б̣ам̣.
Samathavasenagacchatoti samathappadhānaṃ pubbabhāgapaṭipadaṃ anuyuñjantassa. Cittekaggatā dhuraṃ hotīti tassa vipassanābhāvanāya tathā pubbe pavattattā vuṭṭhānagāminivipassanā samādhippadhānā hoti, maggepi cittekaggatā dhuraṃ hoti, samādhindriyaṃ pubbaṅgamaṃ balavaṃ hoti. So cetovimutto nāmāti so ariyo cetovimutto nāma hoti. Vipassanāvasena gacchatoti ‘‘samathavasena gacchato’’ti ettha vuttanayānusārena attho veditabbo. Ayañca puggalavibhāgo suttantanayena idhābhihito pariyāyo nāma, abhidhammanayena parato kīṭāgirisuttavaṇṇanāyaṃ dassayissāma. Ayaṃ sabhāvadhammoyevāti pubbabhāgapaṭipadā samathappadhānā ce samādhi dhuraṃ, vipassanāpadhānā ce paññā dhuranti ayaṃ dhammasabhāvoyeva, ettha kiñci na āsaṅkitabbaṃ.
инд̣̇рияабаробарияад̇д̇ам̣ инд̣̇рияавзмад̇д̇ад̇аа. д̇знааха ‘‘инд̣̇рияанаанад̇д̇ам̣ вад̣̇аамий’’д̇и. инд̣̇рияанаанад̇д̇ад̇аа гааран̣анд̇и ид̣̇ам̣ д̣̇ассзд̇и – анижжаад̣̇ивасзна вибассанаабхинивзсо вияа самат̇авасзна вибассанаавасзна жа яам̣ буб̣б̣абхааг̇аг̇аманам̣, д̇ам̣ аббамаан̣ам̣ д̇ам̣ вудтаанаг̇ааминивибассанам̣, яасса самаад̇хи д̇хурам̣ буб̣б̣ан̇г̇амам̣ б̣алавам̣ ход̇и, со арияо жзд̇овимуд̇д̇и наама ход̇и. яасса бан̃н̃аа д̇хурам̣ буб̣б̣ан̇г̇амам̣ б̣алавам̣ ход̇и со арияо бан̃н̃аавимуд̇д̇о наама ход̇и. ид̣̇аани д̇амад̇т̇ам̣ б̣уд̣̇д̇хивисидтзна нид̣̇ассанзна д̣̇ассзнд̇о ‘‘д̣̇вз аг̇г̇асаавагаа’’д̇иаад̣̇имааха, д̇ам̣ сувин̃н̃зяяамзва.
Indriyaparopariyattaṃ indriyavemattatā. Tenāha ‘‘indriyanānattaṃ vadāmī’’ti. Indriyanānattatā kāraṇanti idaṃ dasseti – aniccādivasena vipassanābhiniveso viya samathavasena vipassanāvasena ca yaṃ pubbabhāgagamanaṃ, taṃ appamāṇaṃ taṃ vuṭṭhānagāminivipassanaṃ, yassa samādhi dhuraṃ pubbaṅgamaṃ balavaṃ hoti, so ariyo cetovimutti nāma hoti. Yassa paññā dhuraṃ pubbaṅgamaṃ balavaṃ hoti so ariyo paññāvimutto nāma hoti. Idāni tamatthaṃ buddhivisiṭṭhena nidassanena dassento ‘‘dve aggasāvakā’’tiādimāha, taṃ suviññeyyameva.
махаамаалугяасуд̇д̇аван̣н̣анааяа лийнад̇т̇аббагаасанаа самад̇д̇аа.
Mahāmālukyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. махаамаалугяасуд̇д̇ам̣ • 4. Mahāmālukyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. махаамаалугяасуд̇д̇аван̣н̣анаа • 4. Mahāmālukyasuttavaṇṇanā
