| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੫੩. ਮਹਾਮਙ੍ਗਲਜਾਤਕਂ (੧੫)
453. Mahāmaṅgalajātakaṃ (15)
੧੫੫.
155.
ਕਿਂਸੁ ਨਰੋ ਜਪ੍ਪਮਧਿਚ੍ਚਕਾਲੇ, ਕਂ વਾ વਿਜ੍ਜਂ ਕਤਮਂ વਾ ਸੁਤਾਨਂ।
Kiṃsu naro jappamadhiccakāle, kaṃ vā vijjaṃ katamaṃ vā sutānaṃ;
ਸੋ ਮਚ੍ਚੋ ਅਸ੍ਮਿਞ੍ਚ 1 ਪਰਮ੍ਹਿ ਲੋਕੇ, ਕਥਂ ਕਰੋ ਸੋਤ੍ਥਾਨੇਨ ਗੁਤ੍ਤੋ॥
So macco asmiñca 2 paramhi loke, kathaṃ karo sotthānena gutto.
੧੫੬.
156.
ਯਸ੍ਸ ਦੇવਾ ਪਿਤਰੋ ਚ ਸਬ੍ਬੇ, ਸਰੀਸਪਾ 3 ਸਬ੍ਬਭੂਤਾਨਿ ਚਾਪਿ।
Yassa devā pitaro ca sabbe, sarīsapā 4 sabbabhūtāni cāpi;
ਮੇਤ੍ਤਾਯ ਨਿਚ੍ਚਂ ਅਪਚਿਤਾਨਿ ਹੋਨ੍ਤਿ, ਭੂਤੇਸੁ વੇ ਸੋਤ੍ਥਾਨਂ ਤਦਾਹੁ॥
Mettāya niccaṃ apacitāni honti, bhūtesu ve sotthānaṃ tadāhu.
੧੫੭.
157.
ਯੋ ਸਬ੍ਬਲੋਕਸ੍ਸ ਨਿવਾਤવੁਤ੍ਤਿ, ਇਤ੍ਥੀਪੁਮਾਨਂ ਸਹਦਾਰਕਾਨਂ।
Yo sabbalokassa nivātavutti, itthīpumānaṃ sahadārakānaṃ;
ਖਨ੍ਤਾ ਦੁਰੁਤ੍ਤਾਨਮਪ੍ਪਟਿਕੂਲવਾਦੀ, ਅਧਿવਾਸਨਂ ਸੋਤ੍ਥਾਨਂ ਤਦਾਹੁ॥
Khantā duruttānamappaṭikūlavādī, adhivāsanaṃ sotthānaṃ tadāhu.
੧੫੮.
158.
ਯੋ ਨਾવਜਾਨਾਤਿ ਸਹਾਯਮਿਤ੍ਤੇ 5, ਸਿਪ੍ਪੇਨ ਕੁਲ੍ਯਾਹਿ ਧਨੇਨ ਜਚ੍ਚਾ।
Yo nāvajānāti sahāyamitte 6, sippena kulyāhi dhanena jaccā;
ਰੁਚਿਪਞ੍ਞੋ ਅਤ੍ਥਕਾਲੇ ਮਤੀਮਾ 7, ਸਹਾਯੇਸੁ વੇ ਸੋਤ੍ਥਾਨਂ ਤਦਾਹੁ॥
Rucipañño atthakāle matīmā 8, sahāyesu ve sotthānaṃ tadāhu.
੧੫੯.
159.
ਮਿਤ੍ਤਾਨਿ વੇ ਯਸ੍ਸ ਭવਨ੍ਤਿ ਸਨ੍ਤੋ, ਸਂવਿਸ੍ਸਤ੍ਥਾ ਅવਿਸਂવਾਦਕਸ੍ਸ।
Mittāni ve yassa bhavanti santo, saṃvissatthā avisaṃvādakassa;
ਨ ਮਿਤ੍ਤਦੁਬ੍ਭੀ ਸਂવਿਭਾਗੀ ਧਨੇਨ, ਮਿਤ੍ਤੇਸੁ વੇ ਸੋਤ੍ਥਾਨਂ ਤਦਾਹੁ॥
Na mittadubbhī saṃvibhāgī dhanena, mittesu ve sotthānaṃ tadāhu.
੧੬੦.
160.
ਯਸ੍ਸ ਭਰਿਯਾ ਤੁਲ੍ਯવਯਾ ਸਮਗ੍ਗਾ, ਅਨੁਬ੍ਬਤਾ ਧਮ੍ਮਕਾਮਾ ਪਜਾਤਾ 9।
Yassa bhariyā tulyavayā samaggā, anubbatā dhammakāmā pajātā 10;
ਕੋਲਿਨਿਯਾ ਸੀਲવਤੀ ਪਤਿਬ੍ਬਤਾ, ਦਾਰੇਸੁ વੇ ਸੋਤ੍ਥਾਨਂ ਤਦਾਹੁ॥
Koliniyā sīlavatī patibbatā, dāresu ve sotthānaṃ tadāhu.
੧੬੧.
161.
ਯਸ੍ਸ ਰਾਜਾ ਭੂਤਪਤਿ 11 ਯਸਸ੍ਸੀ, ਜਾਨਾਤਿ ਸੋਚੇਯ੍ਯਂ ਪਰਕ੍ਕਮਞ੍ਚ।
Yassa rājā bhūtapati 12 yasassī, jānāti soceyyaṃ parakkamañca;
ਅਦ੍વੇਜ੍ਝਤਾ ਸੁਹਦਯਂ ਮਮਨ੍ਤਿ, ਰਾਜੂਸੁ વੇ ਸੋਤ੍ਥਾਨਂ ਤਦਾਹੁ॥
Advejjhatā suhadayaṃ mamanti, rājūsu ve sotthānaṃ tadāhu.
੧੬੨.
162.
ਅਨ੍ਨਞ੍ਚ ਪਾਨਞ੍ਚ ਦਦਾਤਿ ਸਦ੍ਧੋ, ਮਾਲਞ੍ਚ ਗਨ੍ਧਞ੍ਚ વਿਲੇਪਨਞ੍ਚ।
Annañca pānañca dadāti saddho, mālañca gandhañca vilepanañca;
ਪਸਨ੍ਨਚਿਤ੍ਤੋ ਅਨੁਮੋਦਮਾਨੋ, ਸਗ੍ਗੇਸੁ વੇ ਸੋਤ੍ਥਾਨਂ ਤਦਾਹੁ॥
Pasannacitto anumodamāno, saggesu ve sotthānaṃ tadāhu.
੧੬੩.
163.
ਯਮਰਿਯਧਮ੍ਮੇਨ ਪੁਨਨ੍ਤਿ વੁਦ੍ਧਾ, ਆਰਾਧਿਤਾ ਸਮਚਰਿਯਾਯ ਸਨ੍ਤੋ।
Yamariyadhammena punanti vuddhā, ārādhitā samacariyāya santo;
ਬਹੁਸ੍ਸੁਤਾ ਇਸਯੋ ਸੀਲવਨ੍ਤੋ, ਅਰਹਨ੍ਤਮਜ੍ਝੇ ਸੋਤ੍ਥਾਨਂ ਤਦਾਹੁ॥
Bahussutā isayo sīlavanto, arahantamajjhe sotthānaṃ tadāhu.
੧੬੪.
164.
ਏਤਾਨਿ ਖੋ ਸੋਤ੍ਥਾਨਾਨਿ ਲੋਕੇ, વਿਞ੍ਞੁਪ੍ਪਸਤ੍ਥਾਨਿ ਸੁਖੁਦ੍ਰਯਾਨਿ 13।
Etāni kho sotthānāni loke, viññuppasatthāni sukhudrayāni 14;
ਤਾਨੀਧ ਸੇવੇਥ ਨਰੋ ਸਪਞ੍ਞੋ, ਨ ਹਿ ਮਙ੍ਗਲੇ ਕਿਞ੍ਚਨਮਤ੍ਥਿ ਸਚ੍ਚਨ੍ਤਿ॥
Tānīdha sevetha naro sapañño, na hi maṅgale kiñcanamatthi saccanti.
ਮਹਾਮਙ੍ਗਲਜਾਤਕਂ ਪਨ੍ਨਰਸਮਂ।
Mahāmaṅgalajātakaṃ pannarasamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੫੩] ੧੫. ਮਹਾਮਙ੍ਗਲਜਾਤਕવਣ੍ਣਨਾ • [453] 15. Mahāmaṅgalajātakavaṇṇanā
