| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7-8. மஹாமொக்³க³ல்லானஸுத்தாதி³வண்ணனா
7-8. Mahāmoggallānasuttādivaṇṇanā
167-168. ஸத்தமட்ட²மேஸு மஹாமொக்³க³ல்லானத்தே²ரஸ்ஸாதிஆதி³னா மொக்³க³ல்லானத்தே²ரஸ்ஸ ஹெட்டா² திண்ணங் மக்³கா³னங் ஸுக²படிபத³த³ந்தா⁴பி⁴ஞ்ஞபா⁴வோ, அரஹத்தமக்³க³ஸ்ஸ து³க்க²படிபத³கி²ப்பாபி⁴ஞ்ஞபா⁴வோ வுத்தோ, ஸாரிபுத்தத்தே²ரஸ்ஸ பன ஹெட்டி²மானங் திண்ணங் மக்³கா³னங் ஸுக²படிபத³த³ந்தா⁴பி⁴ஞ்ஞபா⁴வோ, அரஹத்தமக்³க³ஸ்ஸ ச ஸுக²படிபத³கி²ப்பாபி⁴ஞ்ஞபா⁴வோ த³ஸ்ஸிதோ. யங் பன வுத்தங் விஸுத்³தி⁴மக்³கே³ (விஸுத்³தி⁴॰ 2.801) ‘‘பு³த்³தா⁴னங் பன சத்தாரோபி மக்³கா³ ஸுக²படிபத³கி²ப்பாபி⁴ஞ்ஞாவ அஹேஸுங், ததா² த⁴ம்மஸேனாபதிஸ்ஸ. மஹாமொக்³க³ல்லானத்தே²ரஸ்ஸ பன பட²மமக்³கோ³ ஸுக²படிபத³கி²ப்பாபி⁴ஞ்ஞோ அஹோஸி, உபரி தயோ து³க்க²படிபத³த³ந்தா⁴பி⁴ஞ்ஞா’’தி. யஞ்ச வுத்தங் அட்ட²ஸாலினியங் (த⁴॰ ஸ॰ அட்ட²॰ 1476) ‘‘ததா²க³தஸ்ஸ ஹி ஸாரிபுத்தத்தே²ரஸ்ஸ ச சத்தாரோபி மக்³கா³ ஸுக²படிபத³கி²ப்பாபி⁴ஞ்ஞாவ அஹேஸுங், மஹாமொக்³க³ல்லானத்தே²ரஸ்ஸ பன பட²மமக்³கோ³ ஸுக²படிபத³கி²ப்பாபி⁴ஞ்ஞோ உபரி தயோ து³க்க²படிபத³கி²ப்பாபி⁴ஞ்ஞா’’தி, தங் ஸப்³ப³ங் அஞ்ஞமஞ்ஞங் நானுலோமேதி. இமாய பாளியா இமாய ச அட்ட²கதா²ய ந ஸமேதி, தஸ்மா வீமங்ஸிதப்³ப³மேதங். தங்தங்பா⁴ணகானங் வா மதேன தத்த² தத்த² ததா² ததா² வுத்தந்தி க³ஹேதப்³ப³ங்.
167-168. Sattamaṭṭhamesu mahāmoggallānattherassātiādinā moggallānattherassa heṭṭhā tiṇṇaṃ maggānaṃ sukhapaṭipadadandhābhiññabhāvo, arahattamaggassa dukkhapaṭipadakhippābhiññabhāvo vutto, sāriputtattherassa pana heṭṭhimānaṃ tiṇṇaṃ maggānaṃ sukhapaṭipadadandhābhiññabhāvo, arahattamaggassa ca sukhapaṭipadakhippābhiññabhāvo dassito. Yaṃ pana vuttaṃ visuddhimagge (visuddhi. 2.801) ‘‘buddhānaṃ pana cattāropi maggā sukhapaṭipadakhippābhiññāva ahesuṃ, tathā dhammasenāpatissa. Mahāmoggallānattherassa pana paṭhamamaggo sukhapaṭipadakhippābhiñño ahosi, upari tayo dukkhapaṭipadadandhābhiññā’’ti. Yañca vuttaṃ aṭṭhasāliniyaṃ (dha. sa. aṭṭha. 1476) ‘‘tathāgatassa hi sāriputtattherassa ca cattāropi maggā sukhapaṭipadakhippābhiññāva ahesuṃ, mahāmoggallānattherassa pana paṭhamamaggo sukhapaṭipadakhippābhiñño upari tayo dukkhapaṭipadakhippābhiññā’’ti, taṃ sabbaṃ aññamaññaṃ nānulometi. Imāya pāḷiyā imāya ca aṭṭhakathāya na sameti, tasmā vīmaṃsitabbametaṃ. Taṃtaṃbhāṇakānaṃ vā matena tattha tattha tathā tathā vuttanti gahetabbaṃ.
மஹாமொக்³க³ல்லானஸுத்தாதி³வண்ணனா நிட்டி²தா.
Mahāmoggallānasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
7. மஹாமொக்³க³ல்லானஸுத்தங் • 7. Mahāmoggallānasuttaṃ
8. ஸாரிபுத்தஸுத்தங் • 8. Sāriputtasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
7. மஹாமொக்³க³ல்லானஸுத்தவண்ணனா • 7. Mahāmoggallānasuttavaṇṇanā
8. ஸாரிபுத்தஸுத்தவண்ணனா • 8. Sāriputtasuttavaṇṇanā
