| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๗-๘. มหาโมคฺคลฺลานสุตฺตาทิวณฺณนา
7-8. Mahāmoggallānasuttādivaṇṇanā
๑๖๗-๑๖๘. สตฺตมฎฺฐเมสุ มหาโมคฺคลฺลานเตฺถรสฺสาติอาทินา โมคฺคลฺลานเตฺถรสฺส เหฎฺฐา ติณฺณํ มคฺคานํ สุขปฎิปททนฺธาภิญฺญภาโว, อรหตฺตมคฺคสฺส ทุกฺขปฎิปทขิปฺปาภิญฺญภาโว วุโตฺต, สาริปุตฺตเตฺถรสฺส ปน เหฎฺฐิมานํ ติณฺณํ มคฺคานํ สุขปฎิปททนฺธาภิญฺญภาโว, อรหตฺตมคฺคสฺส จ สุขปฎิปทขิปฺปาภิญฺญภาโว ทสฺสิโตฯ ยํ ปน วุตฺตํ วิสุทฺธิมเคฺค (วิสุทฺธิ. ๒.๘๐๑) ‘‘พุทฺธานํ ปน จตฺตาโรปิ มคฺคา สุขปฎิปทขิปฺปาภิญฺญาว อเหสุํ, ตถา ธมฺมเสนาปติสฺสฯ มหาโมคฺคลฺลานเตฺถรสฺส ปน ปฐมมโคฺค สุขปฎิปทขิปฺปาภิโญฺญ อโหสิ, อุปริ ตโย ทุกฺขปฎิปททนฺธาภิญฺญา’’ติฯ ยญฺจ วุตฺตํ อฎฺฐสาลินิยํ (ธ. ส. อฎฺฐ. ๑๔๗๖) ‘‘ตถาคตสฺส หิ สาริปุตฺตเตฺถรสฺส จ จตฺตาโรปิ มคฺคา สุขปฎิปทขิปฺปาภิญฺญาว อเหสุํ, มหาโมคฺคลฺลานเตฺถรสฺส ปน ปฐมมโคฺค สุขปฎิปทขิปฺปาภิโญฺญ อุปริ ตโย ทุกฺขปฎิปทขิปฺปาภิญฺญา’’ติ, ตํ สพฺพํ อญฺญมญฺญํ นานุโลเมติฯ อิมาย ปาฬิยา อิมาย จ อฎฺฐกถาย น สเมติ, ตสฺมา วีมํสิตพฺพเมตํฯ ตํตํภาณกานํ วา มเตน ตตฺถ ตตฺถ ตถา ตถา วุตฺตนฺติ คเหตพฺพํฯ
167-168. Sattamaṭṭhamesu mahāmoggallānattherassātiādinā moggallānattherassa heṭṭhā tiṇṇaṃ maggānaṃ sukhapaṭipadadandhābhiññabhāvo, arahattamaggassa dukkhapaṭipadakhippābhiññabhāvo vutto, sāriputtattherassa pana heṭṭhimānaṃ tiṇṇaṃ maggānaṃ sukhapaṭipadadandhābhiññabhāvo, arahattamaggassa ca sukhapaṭipadakhippābhiññabhāvo dassito. Yaṃ pana vuttaṃ visuddhimagge (visuddhi. 2.801) ‘‘buddhānaṃ pana cattāropi maggā sukhapaṭipadakhippābhiññāva ahesuṃ, tathā dhammasenāpatissa. Mahāmoggallānattherassa pana paṭhamamaggo sukhapaṭipadakhippābhiñño ahosi, upari tayo dukkhapaṭipadadandhābhiññā’’ti. Yañca vuttaṃ aṭṭhasāliniyaṃ (dha. sa. aṭṭha. 1476) ‘‘tathāgatassa hi sāriputtattherassa ca cattāropi maggā sukhapaṭipadakhippābhiññāva ahesuṃ, mahāmoggallānattherassa pana paṭhamamaggo sukhapaṭipadakhippābhiñño upari tayo dukkhapaṭipadakhippābhiññā’’ti, taṃ sabbaṃ aññamaññaṃ nānulometi. Imāya pāḷiyā imāya ca aṭṭhakathāya na sameti, tasmā vīmaṃsitabbametaṃ. Taṃtaṃbhāṇakānaṃ vā matena tattha tattha tathā tathā vuttanti gahetabbaṃ.
มหาโมคฺคลฺลานสุตฺตาทิวณฺณนา นิฎฺฐิตาฯ
Mahāmoggallānasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๗. มหาโมคฺคลฺลานสุตฺตํ • 7. Mahāmoggallānasuttaṃ
๘. สาริปุตฺตสุตฺตํ • 8. Sāriputtasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๗. มหาโมคฺคลฺลานสุตฺตวณฺณนา • 7. Mahāmoggallānasuttavaṇṇanā
๘. สาริปุตฺตสุตฺตวณฺณนา • 8. Sāriputtasuttavaṇṇanā
