| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
7-8. මහාමොග්‌ගල්‌ලානසුත්‌තාදිවණ්‌ණනා
7-8. Mahāmoggallānasuttādivaṇṇanā
167-168. සත්‌තමට්‌ඨමෙසු මහාමොග්‌ගල්‌ලානත්‌ථෙරස්‌සාතිආදිනා මොග්‌ගල්‌ලානත්‌ථෙරස්‌ස හෙට්‌ඨා තිණ්‌ණං මග්‌ගානං සුඛපටිපදදන්‌ධාභිඤ්‌ඤභාවො, අරහත්‌තමග්‌ගස්‌ස දුක්‌ඛපටිපදඛිප්‌පාභිඤ්‌ඤභාවො වුත්‌තො, සාරිපුත්‌තත්‌ථෙරස්‌ස පන හෙට්‌ඨිමානං තිණ්‌ණං මග්‌ගානං සුඛපටිපදදන්‌ධාභිඤ්‌ඤභාවො, අරහත්‌තමග්‌ගස්‌ස ච සුඛපටිපදඛිප්‌පාභිඤ්‌ඤභාවො දස්‌සිතො. යං පන වුත්‌තං විසුද්‌ධිමග්‌ගෙ (විසුද්‌ධි. 2.801) ‘‘බුද්‌ධානං පන චත්‌තාරොපි මග්‌ගා සුඛපටිපදඛිප්‌පාභිඤ්‌ඤාව අහෙසුං, තථා ධම්‌මසෙනාපතිස්‌ස. මහාමොග්‌ගල්‌ලානත්‌ථෙරස්‌ස පන පඨමමග්‌ගො සුඛපටිපදඛිප්‌පාභිඤ්‌ඤො අහොසි, උපරි තයො දුක්‌ඛපටිපදදන්‌ධාභිඤ්‌ඤා’’ති. යඤ්‌ච වුත්‌තං අට්‌ඨසාලිනියං (ධ. ස. අට්‌ඨ. 1476) ‘‘තථාගතස්‌ස හි සාරිපුත්‌තත්‌ථෙරස්‌ස ච චත්‌තාරොපි මග්‌ගා සුඛපටිපදඛිප්‌පාභිඤ්‌ඤාව අහෙසුං, මහාමොග්‌ගල්‌ලානත්‌ථෙරස්‌ස පන පඨමමග්‌ගො සුඛපටිපදඛිප්‌පාභිඤ්‌ඤො උපරි තයො දුක්‌ඛපටිපදඛිප්‌පාභිඤ්‌ඤා’’ති, තං සබ්‌බං අඤ්‌ඤමඤ්‌ඤං නානුලොමෙති. ඉමාය පාළියා ඉමාය ච අට්‌ඨකථාය න සමෙති, තස්‌මා වීමංසිතබ්‌බමෙතං. තංතංභාණකානං වා මතෙන තත්‌ථ තත්‌ථ තථා තථා වුත්‌තන්‌ති ගහෙතබ්‌බං.
167-168. Sattamaṭṭhamesu mahāmoggallānattherassātiādinā moggallānattherassa heṭṭhā tiṇṇaṃ maggānaṃ sukhapaṭipadadandhābhiññabhāvo, arahattamaggassa dukkhapaṭipadakhippābhiññabhāvo vutto, sāriputtattherassa pana heṭṭhimānaṃ tiṇṇaṃ maggānaṃ sukhapaṭipadadandhābhiññabhāvo, arahattamaggassa ca sukhapaṭipadakhippābhiññabhāvo dassito. Yaṃ pana vuttaṃ visuddhimagge (visuddhi. 2.801) ‘‘buddhānaṃ pana cattāropi maggā sukhapaṭipadakhippābhiññāva ahesuṃ, tathā dhammasenāpatissa. Mahāmoggallānattherassa pana paṭhamamaggo sukhapaṭipadakhippābhiñño ahosi, upari tayo dukkhapaṭipadadandhābhiññā’’ti. Yañca vuttaṃ aṭṭhasāliniyaṃ (dha. sa. aṭṭha. 1476) ‘‘tathāgatassa hi sāriputtattherassa ca cattāropi maggā sukhapaṭipadakhippābhiññāva ahesuṃ, mahāmoggallānattherassa pana paṭhamamaggo sukhapaṭipadakhippābhiñño upari tayo dukkhapaṭipadakhippābhiññā’’ti, taṃ sabbaṃ aññamaññaṃ nānulometi. Imāya pāḷiyā imāya ca aṭṭhakathāya na sameti, tasmā vīmaṃsitabbametaṃ. Taṃtaṃbhāṇakānaṃ vā matena tattha tattha tathā tathā vuttanti gahetabbaṃ.
මහාමොග්‌ගල්‌ලානසුත්‌තාදිවණ්‌ණනා නිට්‌ඨිතා.
Mahāmoggallānasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
7. මහාමොග්‌ගල්‌ලානසුත්‌තං • 7. Mahāmoggallānasuttaṃ
8. සාරිපුත්‌තසුත්‌තං • 8. Sāriputtasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
7. මහාමොග්‌ගල්‌ලානසුත්‌තවණ්‌ණනා • 7. Mahāmoggallānasuttavaṇṇanā
8. සාරිපුත්‌තසුත්‌තවණ්‌ණනා • 8. Sāriputtasuttavaṇṇanā
