Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya

    ༧. མཧཱམོགྒལླཱནསུཏྟཾ

    7. Mahāmoggallānasuttaṃ

    ༡༦༧. ཨཐ ཁོ ཨཱཡསྨཱ སཱརིཔུཏྟོ ཡེནཱཡསྨཱ མཧཱམོགྒལླཱནོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ མཧཱམོགྒལླཱནེན སདྡྷིཾ སམྨོདི། སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི ། ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ ཨཱཡསྨནྟཾ མཧཱམོགྒལླཱནཾ ཨེཏདཝོཙ –

    167. Atha kho āyasmā sāriputto yenāyasmā mahāmoggallāno tenupasaṅkami; upasaṅkamitvā āyasmatā mahāmoggallānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi . Ekamantaṃ nisinno kho āyasmā sāriputto āyasmantaṃ mahāmoggallānaṃ etadavoca –

    ‘‘ཙཏསྶོ ཨིམཱ, ཨཱཝུསོ མོགྒལླཱན, པཊིཔདཱ། ཀཏམཱ ཙཏསྶོ? དུཀྑཱ པཊིཔདཱ དནྡྷཱབྷིཉྙཱ, དུཀྑཱ པཊིཔདཱ ཁིཔྤཱབྷིཉྙཱ, སུཁཱ པཊིཔདཱ དནྡྷཱབྷིཉྙཱ, སུཁཱ པཊིཔདཱ ཁིཔྤཱབྷིཉྙཱ། ཨིམཱ ཁོ, ཨཱཝུསོ, ཙཏསྶོ པཊིཔདཱ ། ཨིམཱསཾ, ཨཱཝུསོ, ཙཏུནྣཾ པཊིཔདཱནཾ 1 ཀཏམཾ ཏེ པཊིཔདཾ ཨཱགམྨ ཨནུཔཱདཱཡ ཨཱསཝེཧི ཙིཏྟཾ ཝིམུཏྟ’’ནྟི?

    ‘‘Catasso imā, āvuso moggallāna, paṭipadā. Katamā catasso? Dukkhā paṭipadā dandhābhiññā, dukkhā paṭipadā khippābhiññā, sukhā paṭipadā dandhābhiññā, sukhā paṭipadā khippābhiññā. Imā kho, āvuso, catasso paṭipadā . Imāsaṃ, āvuso, catunnaṃ paṭipadānaṃ 2 katamaṃ te paṭipadaṃ āgamma anupādāya āsavehi cittaṃ vimutta’’nti?

    ‘‘ཙཏསྶོ ཨིམཱ, ཨཱཝུསོ སཱརིཔུཏྟ, པཊིཔདཱ། ཀཏམཱ ཙཏསྶོ? དུཀྑཱ པཊིཔདཱ དནྡྷཱབྷིཉྙཱ, དུཀྑཱ པཊིཔདཱ ཁིཔྤཱབྷིཉྙཱ, སུཁཱ པཊིཔདཱ དནྡྷཱབྷིཉྙཱ, སུཁཱ པཊིཔདཱ ཁིཔྤཱབྷིཉྙཱ། ཨིམཱ ཁོ, ཨཱཝུསོ, ཙཏསྶོ པཊིཔདཱ ། ཨིམཱསཾ, ཨཱཝུསོ, ཙཏུནྣཾ པཊིཔདཱནཾ ཡཱཡཾ པཊིཔདཱ དུཀྑཱ ཁིཔྤཱབྷིཉྙཱ, ཨིམཾ མེ པཊིཔདཾ ཨཱགམྨ ཨནུཔཱདཱཡ ཨཱསཝེཧི ཙིཏྟཾ ཝིམུཏྟ’’ནྟི། སཏྟམཾ།

    ‘‘Catasso imā, āvuso sāriputta, paṭipadā. Katamā catasso? Dukkhā paṭipadā dandhābhiññā, dukkhā paṭipadā khippābhiññā, sukhā paṭipadā dandhābhiññā, sukhā paṭipadā khippābhiññā. Imā kho, āvuso, catasso paṭipadā . Imāsaṃ, āvuso, catunnaṃ paṭipadānaṃ yāyaṃ paṭipadā dukkhā khippābhiññā, imaṃ me paṭipadaṃ āgamma anupādāya āsavehi cittaṃ vimutta’’nti. Sattamaṃ.




    Next: ༨. སཱརིཔུཏྟསུཏྟཾ • 8. Sāriputtasuttaṃ




    Footnotes:
    1. ཙཏསྶནྣཾ པཊིཔདཱནཾ (སཱི॰ སྱཱ॰ ཀཾ॰)
    2. catassannaṃ paṭipadānaṃ (sī. syā. kaṃ.)



    Related texts:



    ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧. མཧཱམོགྒལླཱནསུཏྟཝཎྞནཱ • 7. Mahāmoggallānasuttavaṇṇanā

    ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧-༨. མཧཱམོགྒལླཱནསུཏྟཱདིཝཎྞནཱ • 7-8. Mahāmoggallānasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact