| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. மஹாமொக்³க³ல்லானஸுத்தவண்ணனா
4. Mahāmoggallānasuttavaṇṇanā
34. சதுத்தே² திஸ்ஸோ நாம பி⁴க்கூ²தி தே²ரஸ்ஸேவ ஸத்³தி⁴விஹாரிகோ. மஹித்³தி⁴கோ மஹானுபா⁴வோதி இஜ்ஜ²னட்டே²ன மஹதீ இத்³தி⁴ அஸ்ஸாதி மஹித்³தி⁴கோ. அனுப²ரணட்டே²ன மஹா ஆனுபா⁴வோ அஸ்ஸாதி மஹானுபா⁴வோ. சிரஸ்ஸங் கோ², மாரிஸ மொக்³க³ல்லான, இமங் பரியாயமகாஸீதி ஏவரூபங் லோகே பகதியா பியஸமுதா³ஹாரவசனங் ஹோதி. லோகியா ஹி சிரஸ்ஸங் ஆக³தம்பி அனாக³தபுப்³ப³ம்பி மனாபஜாதியங் ஆக³தங் தி³ஸ்வா ‘‘குதோ ப⁴வங் ஆக³தோ, சிரஸ்ஸங் ப⁴வங் ஆக³தோ, கத²ங் தே இதா⁴க³மனமக்³கோ³ ஞாதோ, கிங் மக்³க³மூள்ஹோஸீ’’திஆதீ³னி வத³ந்தி. அயங் பன ஆக³தபுப்³ப³த்தாயேவ ஏவமாஹ. தே²ரோ ஹி காலேன காலங் ப்³ரஹ்மலோகங் க³ச்ச²தியேவ. தத்த² பரியாயமகாஸீதி வாரங் அகாஸி. யதி³த³ங் இதா⁴க³மனாயாதி யோ அயங் இதா⁴க³மனாய வாரோ, தங் சிரஸ்ஸங் அகாஸீதி வுத்தங் ஹோதி. இத³மாஸனங் பஞ்ஞத்தந்தி மஹாரஹங் ப்³ரஹ்மபல்லங்கங் பஞ்ஞாபெத்வா ஏவமாஹ. அவேச்சப்பஸாதே³னாதி அதி⁴க³தேன அசலேன மக்³க³ப்பஸாதே³ன. இமஸ்மிங் ஸுத்தே ஸோதாபத்திமக்³க³ஞாணங் கதி²தங்.
34. Catutthe tisso nāma bhikkhūti therasseva saddhivihāriko. Mahiddhiko mahānubhāvoti ijjhanaṭṭhena mahatī iddhi assāti mahiddhiko. Anupharaṇaṭṭhena mahā ānubhāvo assāti mahānubhāvo. Cirassaṃ kho, mārisa moggallāna, imaṃ pariyāyamakāsīti evarūpaṃ loke pakatiyā piyasamudāhāravacanaṃ hoti. Lokiyā hi cirassaṃ āgatampi anāgatapubbampi manāpajātiyaṃ āgataṃ disvā ‘‘kuto bhavaṃ āgato, cirassaṃ bhavaṃ āgato, kathaṃ te idhāgamanamaggo ñāto, kiṃ maggamūḷhosī’’tiādīni vadanti. Ayaṃ pana āgatapubbattāyeva evamāha. Thero hi kālena kālaṃ brahmalokaṃ gacchatiyeva. Tattha pariyāyamakāsīti vāraṃ akāsi. Yadidaṃ idhāgamanāyāti yo ayaṃ idhāgamanāya vāro, taṃ cirassaṃ akāsīti vuttaṃ hoti. Idamāsanaṃ paññattanti mahārahaṃ brahmapallaṅkaṃ paññāpetvā evamāha. Aveccappasādenāti adhigatena acalena maggappasādena. Imasmiṃ sutte sotāpattimaggañāṇaṃ kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. மஹாமொக்³க³ல்லானஸுத்தங் • 4. Mahāmoggallānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-4. ஸேக²ஸுத்தாதி³வண்ணனா • 1-4. Sekhasuttādivaṇṇanā
