| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3-2. махаамог̇г̇аллаанад̇т̇зраабад̣̇аанаван̣н̣анаа
3-2. Mahāmoggallānattheraapadānavaṇṇanā
аномад̣̇ассий бхаг̇аваад̇яаад̣̇игам̣ ааяасмад̇о мог̇г̇аллаанад̇т̇зрасса абад̣̇аанам̣. аяан̃жа т̇зро буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о аномад̣̇ассисса бхаг̇авад̇о гаалзд̇иаад̣̇и саарибуд̇д̇ад̇т̇зрасса д̇хаммасзнаабад̇ино вад̇т̇умхи вуд̇д̇амзва. т̇зро хи баб̣б̣аж̇ид̇ад̣̇ивасад̇о бадтааяа сад̇д̇амз д̣̇ивасз маг̇ад̇харадтз галлаваалаг̇аамагам̣ убаниссааяа саман̣ад̇хаммам̣ гаронд̇о т̇инамид̣̇д̇хз оггаманд̇з сад̇т̇аараа ‘‘мог̇г̇аллаана, маа д̇ужчо д̇ава вааяаамо’’д̇иаад̣̇инаа сам̣взж̇ид̇о т̇инамид̣̇д̇хам̣ винод̣̇зд̇ваа бхаг̇авад̇аа вужжамаанам̣ д̇хаад̇угаммадтаанам̣ сун̣анд̇о зва вибассанаабадибаадияаа убаримаг̇г̇ад̇д̇аяам̣ ад̇хиг̇анд̇ваа аг̇г̇апалагкан̣з сааваган̃аан̣асса мад̇т̇агам̣ баабун̣и.
Anomadassībhagavātyādikaṃ āyasmato moggallānattherassa apadānaṃ. Ayañca thero purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāletiādi sāriputtattherassa dhammasenāpatino vatthumhi vuttameva. Thero hi pabbajitadivasato paṭṭhāya sattame divase magadharaṭṭhe kallavālagāmakaṃ upanissāya samaṇadhammaṃ karonto thinamiddhe okkamante satthārā ‘‘moggallāna, mā tuccho tava vāyāmo’’tiādinā saṃvejito thinamiddhaṃ vinodetvā bhagavatā vuccamānaṃ dhātukammaṭṭhānaṃ suṇanto eva vipassanāpaṭipāṭiyā uparimaggattayaṃ adhigantvā aggaphalakkhaṇe sāvakañāṇassa matthakaṃ pāpuṇi.
375. звам̣ д̣̇уд̇ияасаавагабхаавам̣ бад̇ваа ааяасмаа махаамог̇г̇аллаанад̇т̇зро ад̇д̇ано буб̣б̣агаммам̣ сарид̇ваа соманассавасзна буб̣б̣ажарияам̣ абад̣̇аанам̣ багаасзнд̇о аномад̣̇ассий бхаг̇аваад̇иаад̣̇имааха. д̇ад̇т̇а на омам̣ алаамагам̣ д̣̇ассанам̣ бассанам̣ ассаад̇и аномад̣̇ассий. д̇асса хи д̣̇вад̇д̇им̣самахаабурисалагкан̣абадиман̣д̣ид̇асарийрад̇д̇аа сагалам̣ д̣̇ивасам̣ сагалам̣ маасам̣ сагалам̣ сам̣важчарам̣ сам̣важчарасад̇асахассамби бассанд̇аанам̣ д̣̇звамануссаанам̣ ад̇ид̇д̇игарам̣ д̣̇ассананд̇и, аномам̣ алаамагам̣ ниб̣б̣аанам̣ д̣̇ассанасийлод̇и ваа ‘‘аномад̣̇ассий’’д̇и лад̣̇д̇ханаамо бхааг̇яаванд̇ад̇аад̣̇ийхи гааран̣зхи бхаг̇аваа. логаж̇здтод̇и сагаласад̇д̇алогасса ж̇здто бад̇хаано. аасабхасад̣̇исад̇д̇аа аасабхо, нараанам̣ аасабхо нараасабхо. со логаж̇здто нараасабхо аномад̣̇ассий бхаг̇аваа д̣̇звасан̇гхабурагкад̇о д̣̇звасамуухзхи бариваарид̇о. химаванд̇амхи вихаасийд̇и самб̣анд̇хо.
375. Evaṃ dutiyasāvakabhāvaṃ patvā āyasmā mahāmoggallānatthero attano pubbakammaṃ saritvā somanassavasena pubbacariyaṃ apadānaṃ pakāsento anomadassī bhagavātiādimāha. Tattha na omaṃ alāmakaṃ dassanaṃ passanaṃ assāti anomadassī. Tassa hi dvattiṃsamahāpurisalakkhaṇapaṭimaṇḍitasarīrattā sakalaṃ divasaṃ sakalaṃ māsaṃ sakalaṃ saṃvaccharaṃ saṃvaccharasatasahassampi passantānaṃ devamanussānaṃ atittikaraṃ dassananti, anomaṃ alāmakaṃ nibbānaṃ dassanasīloti vā ‘‘anomadassī’’ti laddhanāmo bhāgyavantatādīhi kāraṇehi bhagavā. Lokajeṭṭhoti sakalasattalokassa jeṭṭho padhāno. Āsabhasadisattā āsabho, narānaṃ āsabho narāsabho. So lokajeṭṭho narāsabho anomadassī bhagavā devasaṅghapurakkhato devasamūhehi parivārito. Himavantamhi vihāsīti sambandho.
376. яад̣̇аа д̣̇уд̇ияасаавагабхаавааяа д̣̇уд̇ияаваарз бад̇т̇анам̣ агааси, д̇ад̣̇аа наамзна варун̣о наама ахам̣ нааг̇арааж̇аа худ̇ваа ниб̣б̣ад̇д̇о ахосинд̇и ад̇т̇о. д̇зна вуд̇д̇ам̣ – ‘‘варун̣о наама наамзна, нааг̇арааж̇аа ахам̣ д̇ад̣̇аа’’д̇и. гаамаруубийд̇и яад̣̇ижчид̇агааманиммаанасийло. вигуб̣б̣аамийд̇и вивид̇хам̣ ид̣̇д̇хивигуб̣б̣анам̣ гароми. маход̣̇ад̇хиниваасаханд̇и ман̃ж̇зригаа нааг̇аа, бхуумиг̇ад̇аа нааг̇аа, баб̣б̣ад̇адтаа нааг̇аа, г̇ан̇г̇аавахзяяаа нааг̇аа, саамуд̣̇д̣̇игаа нааг̇аад̇и имзсам̣ нааг̇аанам̣ анд̇арз саамуд̣̇д̣̇иганааг̇о ахам̣ маход̣̇ад̇химхи самуд̣̇д̣̇з ниваасим̣, ваасам̣ габбзсинд̇и ад̇т̇о.
376. Yadā dutiyasāvakabhāvāya dutiyavāre patthanaṃ akāsi, tadā nāmena varuṇo nāma ahaṃ nāgarājā hutvā nibbatto ahosinti attho. Tena vuttaṃ – ‘‘varuṇo nāma nāmena, nāgarājā ahaṃ tadā’’ti. Kāmarūpīti yadicchitakāmanimmānasīlo. Vikubbāmīti vividhaṃ iddhivikubbanaṃ karomi. Mahodadhinivāsahanti mañjerikā nāgā, bhūmigatā nāgā, pabbataṭṭhā nāgā, gaṅgāvaheyyā nāgā, sāmuddikā nāgāti imesaṃ nāgānaṃ antare sāmuddikanāgo ahaṃ mahodadhimhi samudde nivāsiṃ, vāsaṃ kappesinti attho.
377. сан̇г̇ан̣ияам̣ г̇ан̣ам̣ хид̇ваад̇и нижжабариваарабхууд̇ам̣ сагабариваарам̣ нааг̇асамуухам̣ хид̇ваа винаа худ̇ваа . д̇уурияам̣ бадтабзсаханд̇и ахам̣ д̇уурияам̣ бадтабзсим̣, важ̇ж̇аабзсинд̇и ад̇т̇о. самб̣уд̣̇д̇хам̣ бариваарзд̇ваад̇и аномад̣̇ассисамб̣уд̣̇д̇хам̣ саманд̇ад̇о сзвамаанаа ажчараа нааг̇амаан̣авигаа ваад̣̇зсум̣ д̣̇иб̣б̣аваад̣̇зхи г̇ийд̇аа ваагяаад̣̇ийхи ваад̣̇зсум̣ лад̣̇д̇хаануруубад̇о важ̇ж̇зсум̣ д̇ад̣̇аад̇и ад̇т̇о.
377.Saṅgaṇiyaṃ gaṇaṃ hitvāti niccaparivārabhūtaṃ sakaparivāraṃ nāgasamūhaṃ hitvā vinā hutvā . Tūriyaṃ paṭṭhapesahanti ahaṃ tūriyaṃ paṭṭhapesiṃ, vajjāpesinti attho. Sambuddhaṃ parivāretvāti anomadassisambuddhaṃ samantato sevamānā accharā nāgamāṇavikā vādesuṃ dibbavādehi gītā vākyādīhi vādesuṃ laddhānurūpato vajjesuṃ tadāti attho.
378. важ̇ж̇амаанзсу д̇уурзсууд̇и мануссанааг̇ад̇ууриязсу бан̃жан̇г̇игзсу важ̇ж̇амаанзсу . д̣̇зваа д̇уураани важ̇ж̇аяунд̇и жаад̇умахаарааж̇игаа д̣̇зваа д̣̇иб̣б̣ад̇уурияаани важ̇ж̇им̣су ваад̣̇зсунд̇и ад̇т̇о. убхиннам̣ сад̣̇д̣̇ам̣ суд̇ваанаад̇и убхиннам̣ д̣̇звамануссаанам̣ бхзрисад̣̇д̣̇ам̣ суд̇ваа. д̇илогаг̇арусамааноби б̣уд̣̇д̇хо самбаб̣уж̇жхат̇а ж̇аанаад̇и сун̣аад̇ийд̇и ад̇т̇о.
378.Vajjamānesu tūresūti manussanāgatūriyesu pañcaṅgikesu vajjamānesu . Devā tūrāni vajjayunti cātumahārājikā devā dibbatūriyāni vajjiṃsu vādesunti attho. Ubhinnaṃ saddaṃ sutvānāti ubhinnaṃ devamanussānaṃ bherisaddaṃ sutvā. Tilokagarusamānopi buddho sampabujjhatha jānāti suṇātīti attho.
379. ниманд̇зд̇ваана самб̣уд̣̇д̇ханд̇и сасаавагасан̇гхам̣ самб̣уд̣̇д̇хам̣ сваад̇анааяа ниманд̇зд̇ваа бариваарзд̇ваа. сагабхавананд̇и ад̇д̇ано нааг̇абхаванам̣ убааг̇амим̣. г̇анд̇ваа жа аасанам̣ бан̃н̃абзд̇ваанаад̇и рад̇д̇идтаанад̣̇иваадтаанагудиман̣д̣абасаяананисийд̣̇анадтаанаани бан̃н̃аабзд̇ваа саж̇ж̇зд̇ваад̇и ад̇т̇о. гааламаарожаяим̣ аханд̇и звам̣ гад̇абуб̣б̣авид̇хаано ахам̣ ‘‘гаало, бханд̇з, нидтид̇ам̣ бхад̇д̇а’’нд̇и гаалам̣ аарожаяим̣ вин̃н̃аабзсим̣.
379.Nimantetvāna sambuddhanti sasāvakasaṅghaṃ sambuddhaṃ svātanāya nimantetvā parivāretvā. Sakabhavananti attano nāgabhavanaṃ upāgamiṃ. Gantvā ca āsanaṃ paññapetvānāti rattiṭṭhānadivāṭṭhānakuṭimaṇḍapasayananisīdanaṭṭhānāni paññāpetvā sajjetvāti attho. Kālamārocayiṃ ahanti evaṃ katapubbavidhāno ahaṃ ‘‘kālo, bhante, niṭṭhitaṃ bhatta’’nti kālaṃ ārocayiṃ viññāpesiṃ.
380. кийн̣аасавасахассзхийд̇и д̇ад̣̇аа со бхаг̇аваа араханд̇асахассзхи баривуд̇о логанааяаго саб̣б̣аа д̣̇исаа обхаасзнд̇о мз бхаванам̣ убааг̇ами самбад̇д̇од̇и ад̇т̇о.
380.Khīṇāsavasahassehīti tadā so bhagavā arahantasahassehi parivuto lokanāyako sabbā disā obhāsento me bhavanaṃ upāgami sampattoti attho.
381. ад̇д̇ано бхаванам̣ бавидтам̣ бхаг̇аванд̇ам̣ бхож̇анаагаарам̣ д̣̇ассзнд̇о убавидтам̣ махаавийранд̇иаад̣̇имааха. д̇ам̣ сувин̃н̃зяяамзва.
381. Attano bhavanaṃ paviṭṭhaṃ bhagavantaṃ bhojanākāraṃ dassento upaviṭṭhaṃ mahāvīrantiādimāha. Taṃ suviññeyyameva.
386. оггаагагуласамбхавод̇и оггаагаран̃н̃о барамбарааг̇ад̇арааж̇агулз уббанно сагалаж̇амб̣уд̣̇ийбз баагадарааж̇агулз уббанно ваа г̇од̇д̇зна г̇од̇д̇авасзна г̇од̇амо наама сад̇т̇аа мануссалогз бхависсад̇и.
386.Okkākakulasambhavoti okkākarañño paramparāgatarājakule uppanno sakalajambudīpe pākaṭarājakule uppanno vā gottena gottavasena gotamo nāma satthā manussaloke bhavissati.
388. со бажчаа баб̣б̣аж̇ид̇ваанаад̇и со нааг̇арааж̇аа бажчаа бажчимабхавз гусаламуулзна бун̃н̃асамбхаарзна жод̣̇ид̇о уяяож̇ид̇о саасанз баб̣б̣аж̇ид̇ваа г̇од̇амасса бхаг̇авад̇о д̣̇уд̇ияо аг̇г̇асааваго хзссад̇ийд̇и б̣яаагаран̣амагааси.
388.So pacchā pabbajitvānāti so nāgarājā pacchā pacchimabhave kusalamūlena puññasambhārena codito uyyojito sāsane pabbajitvā gotamassa bhagavato dutiyo aggasāvako hessatīti byākaraṇamakāsi.
389. аарад̣̇д̇хавийрияод̇и таананисаж̇ж̇аад̣̇ийсу ирияаабат̇зсу вийрияаваа. бахид̇ад̇д̇од̇и ниб̣б̣аанз бзсид̇ажид̇д̇о . ид̣̇д̇хияаа баарамим̣ г̇ад̇од̇и ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ид̣̇д̇химанд̇аанам̣ яад̣̇ид̣̇ам̣ махаамог̇г̇аллаано’’д̇и (а. ни. 1.180, 190) ад̇хидтаанид̣̇д̇хивигуб̣б̣анид̣̇д̇хигаммавибаагаж̇ид̣̇д̇хиаад̣̇ийсу баарамим̣ барияосаанам̣ г̇ад̇о бад̇д̇о. саб̣б̣аасавзд̇и аа саманд̇ад̇о саванад̇о бавад̇д̇анад̇о ‘‘аасаваа’’д̇и лад̣̇д̇ханаамз гаамабхавад̣̇идтиавиж̇ж̇аад̇хаммз саб̣б̣з барин̃н̃ааяа саманд̇ад̇о ан̃н̃ааяа ж̇аанид̇ваа баж̇ахид̇ваа анаасаво ниггилзсо. ниб̣б̣ааяиссад̇ийд̇и гилзсаканд̇хабариниб̣б̣аанзна ниб̣б̣ааяиссад̇ийд̇и самб̣анд̇хо.
389.Āraddhavīriyoti ṭhānanisajjādīsu iriyāpathesu vīriyavā. Pahitattoti nibbāne pesitacitto . Iddhiyā pāramiṃ gatoti ‘‘etadaggaṃ, bhikkhave, mama sāvakānaṃ bhikkhūnaṃ iddhimantānaṃ yadidaṃ mahāmoggallāno’’ti (a. ni. 1.180, 190) adhiṭṭhāniddhivikubbaniddhikammavipākajiddhiādīsu pāramiṃ pariyosānaṃ gato patto. Sabbāsaveti ā samantato savanato pavattanato ‘‘āsavā’’ti laddhanāme kāmabhavadiṭṭhiavijjādhamme sabbe pariññāya samantato aññāya jānitvā pajahitvā anāsavo nikkileso. Nibbāyissatīti kilesakhandhaparinibbānena nibbāyissatīti sambandho.
390. звам̣ т̇зро ад̇д̇ано бун̃н̃авасзна лад̣̇д̇хаб̣яаагаран̣ам̣ вад̇ваа буна баабажарияам̣ багаасзнд̇о баабамид̇д̇обаниссааяаад̇иаад̣̇имааха. д̇ад̇т̇а баабамид̇д̇з баабагз лаамагз мид̇д̇з убаниссааяа ниссаяз гад̇ваа д̇зхи сам̣саг̇г̇о худ̇ваад̇и ад̇т̇о.
390. Evaṃ thero attano puññavasena laddhabyākaraṇaṃ vatvā puna pāpacariyaṃ pakāsento pāpamittopanissāyātiādimāha. Tattha pāpamitte pāpake lāmake mitte upanissāya nissaye katvā tehi saṃsaggo hutvāti attho.
д̇ад̇рааяаманубуб̣б̣ий гат̇аа – згасмим̣ самаяз д̇ид̇т̇ияаа саннибад̇ид̇ваа манд̇зсум̣ – ‘‘ж̇аанаат̇аавусо, гзна гааран̣зна саман̣асса г̇од̇амасса лаабхасаггааро махаа худ̇ваа ниб̣б̣ад̇д̇о’’д̇и? ‘‘на ж̇аанаама’’. ‘‘д̇умхз бана на ж̇аанаат̇аа’’д̇и? ‘‘аама, ж̇аанаама’’ – мог̇г̇аллаанам̣ наама згам̣ бхигкум̣ ниссааяа уббанно . со хи д̣̇звалогам̣ г̇анд̇ваа д̣̇звад̇аахи гад̇агаммам̣ бужчид̇ваа ааг̇анд̇ваа мануссаанам̣ гат̇зси – ‘‘ид̣̇ам̣ наама гад̇ваа зваруубам̣ самбад̇д̇им̣ лабханд̇ий’’д̇и. нираяз ниб̣б̣ад̇д̇аанамби гаммам̣ бужчид̇ваа ааг̇анд̇ваа мануссаанам̣ гат̇зси – ‘‘ид̣̇ам̣ наама гад̇ваа зваруубам̣ д̣̇угкам̣ анубхаванд̇ий’’д̇и. мануссаа д̇асса гат̇ам̣ суд̇ваа маханд̇ам̣ лаабхасаггаарам̣ абхихаранд̇и. сажз д̇ам̣ маарзд̇ум̣ сагкиссаама, со лаабхасаггааро амхаагам̣ ниб̣б̣ад̇д̇иссад̇и, ад̇т̇зсо убааяод̇и саб̣б̣з згажчанд̣̇аа худ̇ваа ‘‘яам̣гин̃жи гад̇ваа д̇ам̣ маарзссаамаа’’д̇и ад̇д̇ано убадтаагз самаад̣̇абзд̇ваа гахаабан̣асахассам̣ лабхид̇ваа бурисагхаад̇агз жорз баггосаабзд̇ваа ‘‘махаамог̇г̇аллаанад̇т̇зро наама саман̣асса г̇од̇амасса сааваго гаал̣асилааяам̣ васад̇и, д̇умхз д̇ад̇т̇а г̇анд̇ваа д̇ам̣ маарзт̇аа’’д̇и д̇зсам̣ д̇ам̣ сахассам̣ ад̣̇ам̣су. жораа д̇ханалаабхзна самбадижчид̇ваа ‘‘т̇зрам̣ маарзссаамаа’’д̇и г̇анд̇ваа д̇асса васанадтаанам̣ бариваарзсум̣. т̇зро д̇зхи баригкид̇д̇абхаавам̣ н̃ад̇ваа гун̃жигажчид̣̇д̣̇зна нигкамид̇ваа баггаами. жораа д̇ам̣ д̣̇ивасам̣ т̇зрам̣ ад̣̇исваа бунзгад̣̇ивасам̣ д̇асса васанадтаанам̣ баригкибим̣су. т̇зро н̃ад̇ваа ган̣н̣игааман̣д̣алам̣ бхинд̣̇ид̇ваа аагаасам̣ багканд̣̇и. звам̣ д̇з батамамаасзби, маж̇жхимамаасзби т̇зрам̣ г̇ахзд̇ум̣ наасагким̣су. бажчимамаасз бана самбад̇д̇з т̇зро ад̇д̇анаа гад̇агаммасса аагад̣дханабхаавам̣ н̃ад̇ваа на абаг̇ажчи. жораа д̇ам̣ бахаранд̇аа д̇ан̣д̣улагамад̇д̇аани адтийни гаронд̇аа бхинд̣̇им̣су. ат̇а нам̣ ‘‘мад̇о’’д̇и сан̃н̃ааяа згасмим̣ г̇умб̣абидтз кибид̇ваа баггамим̣су.
Tatrāyamanupubbī kathā – ekasmiṃ samaye titthiyā sannipatitvā mantesuṃ – ‘‘jānāthāvuso, kena kāraṇena samaṇassa gotamassa lābhasakkāro mahā hutvā nibbatto’’ti? ‘‘Na jānāma’’. ‘‘Tumhe pana na jānāthā’’ti? ‘‘Āma, jānāma’’ – moggallānaṃ nāma ekaṃ bhikkhuṃ nissāya uppanno . So hi devalokaṃ gantvā devatāhi katakammaṃ pucchitvā āgantvā manussānaṃ kathesi – ‘‘idaṃ nāma katvā evarūpaṃ sampattiṃ labhantī’’ti. Niraye nibbattānampi kammaṃ pucchitvā āgantvā manussānaṃ kathesi – ‘‘idaṃ nāma katvā evarūpaṃ dukkhaṃ anubhavantī’’ti. Manussā tassa kathaṃ sutvā mahantaṃ lābhasakkāraṃ abhiharanti. Sace taṃ māretuṃ sakkhissāma, so lābhasakkāro amhākaṃ nibbattissati, attheso upāyoti sabbe ekacchandā hutvā ‘‘yaṃkiñci katvā taṃ māressāmā’’ti attano upaṭṭhāke samādapetvā kahāpaṇasahassaṃ labhitvā purisaghātake core pakkosāpetvā ‘‘mahāmoggallānatthero nāma samaṇassa gotamassa sāvako kāḷasilāyaṃ vasati, tumhe tattha gantvā taṃ mārethā’’ti tesaṃ taṃ sahassaṃ adaṃsu. Corā dhanalābhena sampaṭicchitvā ‘‘theraṃ māressāmā’’ti gantvā tassa vasanaṭṭhānaṃ parivāresuṃ. Thero tehi parikkhittabhāvaṃ ñatvā kuñcikacchiddena nikkhamitvā pakkāmi. Corā taṃ divasaṃ theraṃ adisvā punekadivasaṃ tassa vasanaṭṭhānaṃ parikkhipiṃsu. Thero ñatvā kaṇṇikāmaṇḍalaṃ bhinditvā ākāsaṃ pakkhandi. Evaṃ te paṭhamamāsepi, majjhimamāsepi theraṃ gahetuṃ nāsakkhiṃsu. Pacchimamāse pana sampatte thero attanā katakammassa ākaḍḍhanabhāvaṃ ñatvā na apagacchi. Corā taṃ paharantā taṇḍulakamattāni aṭṭhīni karontā bhindiṃsu. Atha naṃ ‘‘mato’’ti saññāya ekasmiṃ gumbapiṭṭhe khipitvā pakkamiṃsu.
т̇зро , ‘‘сад̇т̇аарам̣ бассид̇ваа ванд̣̇ид̇ваава бариниб̣б̣ааяиссаамий’’д̇и ад̇д̇абхаавам̣ жхаанавзтанзна взтзд̇ваа аагаасзна сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа ‘‘бханд̇з, бариниб̣б̣ааяиссаамий’’д̇и ааха. ‘‘бариниб̣б̣ааяиссаси, мог̇г̇аллаанаа’’д̇и? ‘‘аама, бханд̇з’’д̇и. ‘‘гад̇т̇а г̇анд̇ваа бариниб̣б̣ааяиссасий’’д̇и? ‘‘гаал̣асилаабад̣̇зсам̣, бханд̇з’’д̇и. ‘‘д̇зна хи, мог̇г̇аллаана, маяхам̣ д̇хаммам̣ гат̇зд̇ваа яаахи. д̇аад̣̇исасса хи мз саавагасса на д̣̇аани д̣̇ассанам̣ ад̇т̇ий’’д̇и. со ‘‘звам̣ гариссаами, бханд̇з’’д̇и сад̇т̇аарам̣ ванд̣̇ид̇ваа аагаасам̣ уббад̇ид̇ваа саарибуд̇д̇ад̇т̇зро вияа бариниб̣б̣аанад̣̇ивасз наанаббагаараа ид̣̇д̇хияо гад̇ваа д̇хаммам̣ гат̇зд̇ваа сад̇т̇аарам̣ ванд̣̇ид̇ваа гаал̣асилаабад̣̇зсам̣ г̇анд̇ваа бариниб̣б̣ааяи. ‘‘т̇зрам̣ гира жораа маарзсу’’нд̇и аяам̣ гат̇аа сагалаж̇амб̣уд̣̇ийбз бад̇т̇ари.
Thero , ‘‘satthāraṃ passitvā vanditvāva parinibbāyissāmī’’ti attabhāvaṃ jhānaveṭhanena veṭhetvā ākāsena satthu santikaṃ gantvā satthāraṃ vanditvā ‘‘bhante, parinibbāyissāmī’’ti āha. ‘‘Parinibbāyissasi, moggallānā’’ti? ‘‘Āma, bhante’’ti. ‘‘Kattha gantvā parinibbāyissasī’’ti? ‘‘Kāḷasilāpadesaṃ, bhante’’ti. ‘‘Tena hi, moggallāna, mayhaṃ dhammaṃ kathetvā yāhi. Tādisassa hi me sāvakassa na dāni dassanaṃ atthī’’ti. So ‘‘evaṃ karissāmi, bhante’’ti satthāraṃ vanditvā ākāsaṃ uppatitvā sāriputtatthero viya parinibbānadivase nānappakārā iddhiyo katvā dhammaṃ kathetvā satthāraṃ vanditvā kāḷasilāpadesaṃ gantvā parinibbāyi. ‘‘Theraṃ kira corā māresu’’nti ayaṃ kathā sakalajambudīpe patthari.
рааж̇аа аж̇аад̇асад̇д̇у жорз бариязсанад̇т̇ааяа жарабурисз баяож̇зси. д̇зсу жорзсу сураабаанз сурам̣ биванд̇зсу мад̣̇д̣̇зсу зго згасса бидтим̣ бахарид̇ваа баад̇зси. со д̇ам̣ санд̇аж̇ж̇знд̇о ‘‘амбхо д̣̇уб̣б̣инийд̇а д̇вам̣, гасмаа мз бидтим̣ бахарид̇ваа баад̇зси, гим̣ бана, арз д̣̇удтажора, д̇аяаа махаамог̇г̇аллаанад̇т̇зро батамам̣ бахад̇о’’д̇и ааха. ‘‘гим̣ бана д̇вам̣ маяаа батамам̣ бахад̇абхаавам̣ на ж̇аанаасий’’д̇и? звам̣ зд̇зсам̣ ‘‘маяаа бахад̇о, маяаа бахад̇о’’д̇и вад̣̇анд̇аанам̣ суд̇ваа д̇з жарабурисаа саб̣б̣з д̇з жорз г̇ахзд̇ваа ран̃н̃о аарожзсум̣. рааж̇аа д̇з жорз баггосаабзд̇ваа бужчи – ‘‘д̇умхзхи т̇зро маарид̇о’’д̇и? ‘‘аама, д̣̇зваа’’д̇и. ‘‘гзхи д̇умхз уяяож̇ид̇аа’’д̇и? ‘‘наг̇г̇асаман̣зхи, д̣̇зваа’’д̇и. рааж̇аа бан̃жасад̇з наг̇г̇асаман̣з г̇аахаабзд̇ваа бан̃жасад̇зхи жорзхи сад̣̇д̇хим̣ рааж̇ан̇г̇ан̣з наабхибамаан̣зсу ааваадзсу никан̣аабзд̇ваа балаалзхи бадижчаад̣̇зд̇ваа аг̇г̇им̣ д̣̇аабзси. ат̇а нзсам̣ жхаамабхаавам̣ ж̇аанид̇ваа аяанан̇г̇алзхи гасаабзд̇ваа саб̣б̣з кан̣д̣аакан̣д̣ам̣ гаараабзси. д̇ад̣̇аа бхигкуу д̇хаммасабхааяам̣ гат̇ам̣ самудтаабзсум̣ – ‘‘махаамог̇г̇аллаанад̇т̇зро ад̇д̇ано анануруубамаран̣ам̣ бад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наама, бханд̇з’’д̇и вуд̇д̇з ‘‘мог̇г̇аллаанасса, бхигкавз, имассзва ад̇д̇абхаавасса анануруубам̣ маран̣ам̣, буб̣б̣з бана д̇зна гад̇агаммасса ануруубамзваа’’д̇и вад̇ваа ‘‘гим̣ банасса, бханд̇з, буб̣б̣агамма’’нд̇и будто д̇ам̣ вид̇т̇аарзд̇ваа гат̇зси.
Rājā ajātasattu core pariyesanatthāya carapurise payojesi. Tesu coresu surāpāne suraṃ pivantesu maddesu eko ekassa piṭṭhiṃ paharitvā pātesi. So taṃ santajjento ‘‘ambho dubbinīta tvaṃ, kasmā me piṭṭhiṃ paharitvā pātesi, kiṃ pana, are duṭṭhacora, tayā mahāmoggallānatthero paṭhamaṃ pahato’’ti āha. ‘‘Kiṃ pana tvaṃ mayā paṭhamaṃ pahatabhāvaṃ na jānāsī’’ti? Evaṃ etesaṃ ‘‘mayā pahato, mayā pahato’’ti vadantānaṃ sutvā te carapurisā sabbe te core gahetvā rañño ārocesuṃ. Rājā te core pakkosāpetvā pucchi – ‘‘tumhehi thero mārito’’ti? ‘‘Āma, devā’’ti. ‘‘Kehi tumhe uyyojitā’’ti? ‘‘Naggasamaṇehi, devā’’ti. Rājā pañcasate naggasamaṇe gāhāpetvā pañcasatehi corehi saddhiṃ rājaṅgaṇe nābhipamāṇesu āvāṭesu nikhaṇāpetvā palālehi paṭicchādetvā aggiṃ dāpesi. Atha nesaṃ jhāmabhāvaṃ jānitvā ayanaṅgalehi kasāpetvā sabbe khaṇḍākhaṇḍaṃ kārāpesi. Tadā bhikkhū dhammasabhāyaṃ kathaṃ samuṭṭhāpesuṃ – ‘‘mahāmoggallānatthero attano ananurūpamaraṇaṃ patto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāma, bhante’’ti vutte ‘‘moggallānassa, bhikkhave, imasseva attabhāvassa ananurūpaṃ maraṇaṃ, pubbe pana tena katakammassa anurūpamevā’’ti vatvā ‘‘kiṃ panassa, bhante, pubbakamma’’nti puṭṭho taṃ vitthāretvā kathesi.
ад̇ийд̇з, бхигкавз, б̣аараан̣асияам̣ зго гулабуд̇д̇о саяамзва годданабажанаад̣̇ийни гаронд̇о маад̇аабид̇аро бадиж̇аг̇г̇и. ат̇асса маад̇аабид̇аро ‘‘д̇аад̇а, д̇вам̣ згагова г̇зхз жа аран̃н̃з жа гаммам̣ гаронд̇о гиламаси, згам̣ д̇з гумааригам̣ аанзссаамаа’’д̇и вад̇ваа ‘‘аммад̇аад̇аа, яаава д̇умхз ж̇ийват̇а, д̇аава во сахад̇т̇аа убадтахиссаамий’’д̇и д̇зна бадигкид̇д̇ааби бунаббунам̣ яаажид̇ваа гумааригам̣ аанзсум̣. саа гад̇ибаахамзва д̇з убадтахид̇ваа бажчаа д̇зсам̣ д̣̇ассанамаби анижчанд̇ий – ‘‘на саггаа д̇ава маад̇аабид̇уухи сад̣̇д̇хим̣ згадтаанз васид̇у’’нд̇и уж̇жхааяид̇ваа д̇асмим̣ ад̇д̇ано гат̇ам̣ аг̇г̇ан̣ханд̇з д̇асса б̣ахиг̇ад̇агаалз магаживаагакан̣д̣аани жа яааг̇упзн̣агз жа г̇ахзд̇ваа д̇ад̇т̇а д̇ад̇т̇а аагирид̇ваа д̇знааг̇анд̇ваа ‘‘гим̣ ид̣̇а’’нд̇и будтаа ‘‘имзсам̣ махаллагаанд̇хаанам̣ зд̇ам̣ гаммам̣, саб̣б̣ам̣ г̇зхам̣ гилидтаа гаронд̇аа вижаранд̇и, на саггаа зд̇зхи сад̣̇д̇хим̣ згадтаанз васид̇у’’нд̇и звам̣ д̇ааяа бунаббунам̣ гат̇ияамаанааяа зваруубоби буурид̇абаарамий сад̇д̇о маад̇аабид̇уухи сад̣̇д̇хим̣ бхиж̇ж̇и. со ‘‘ход̇у, ж̇ааниссаами нзсам̣ гад̇д̇аб̣б̣агамма’’нд̇и д̇з бхож̇зд̇ваа ‘‘аммад̇аад̇аа, асугадтаанз наама д̇умхаагам̣ н̃аад̇агаа ааг̇аманам̣ бажжаасийсанд̇и, д̇ад̇т̇а г̇амиссаамаа’’д̇и д̇з яаанагам̣ ааробзд̇ваа аад̣̇ааяа г̇ажчанд̇о адавимаж̇жхам̣ бад̇д̇агаалз ‘‘д̇аад̇а, расмияо г̇ан̣хат̇а, г̇он̣аа д̣̇ан̣д̣асан̃н̃ааяа г̇амиссанд̇и, имасмим̣ таанз жораа васанд̇и, ахам̣ од̇арид̇ваа жараамий’’д̇и бид̇у хад̇т̇з расмияо д̣̇ад̇ваа од̇арид̇ваа г̇ажчанд̇о сад̣̇д̣̇ам̣ баривад̇д̇зд̇ваа жораанам̣ удтид̇асад̣̇д̣̇амагааси. маад̇аабид̇аро сад̣̇д̣̇ам̣ суд̇ваа ‘‘жораа удтид̇аа’’д̇и сан̃н̃ааяа ‘‘д̇аад̇а, жораа удтид̇аа, махаллагаа маяам̣, д̇вам̣ ад̇д̇аанамзва рагкаахий’’д̇и аахам̣су. со маад̇аабид̇аро вираванд̇зби жорасад̣̇д̣̇ам̣ гаронд̇о годдзд̇ваа маарзд̇ваа адавияам̣ кибид̇ваа бажжааг̇ами.
Atīte, bhikkhave, bārāṇasiyaṃ eko kulaputto sayameva koṭṭanapacanādīni karonto mātāpitaro paṭijaggi. Athassa mātāpitaro ‘‘tāta, tvaṃ ekakova gehe ca araññe ca kammaṃ karonto kilamasi, ekaṃ te kumārikaṃ ānessāmā’’ti vatvā ‘‘ammatātā, yāva tumhe jīvatha, tāva vo sahatthā upaṭṭhahissāmī’’ti tena paṭikkhittāpi punappunaṃ yācitvā kumārikaṃ ānesuṃ. Sā katipāhameva te upaṭṭhahitvā pacchā tesaṃ dassanamapi anicchantī – ‘‘na sakkā tava mātāpitūhi saddhiṃ ekaṭṭhāne vasitu’’nti ujjhāyitvā tasmiṃ attano kathaṃ aggaṇhante tassa bahigatakāle makacivākakhaṇḍāni ca yāgupheṇake ca gahetvā tattha tattha ākiritvā tenāgantvā ‘‘kiṃ ida’’nti puṭṭhā ‘‘imesaṃ mahallakaandhānaṃ etaṃ kammaṃ, sabbaṃ gehaṃ kiliṭṭhā karontā vicaranti, na sakkā etehi saddhiṃ ekaṭṭhāne vasitu’’nti evaṃ tāya punappunaṃ kathiyamānāya evarūpopi pūritapāramī satto mātāpitūhi saddhiṃ bhijji. So ‘‘hotu, jānissāmi nesaṃ kattabbakamma’’nti te bhojetvā ‘‘ammatātā, asukaṭṭhāne nāma tumhākaṃ ñātakā āgamanaṃ paccāsīsanti, tattha gamissāmā’’ti te yānakaṃ āropetvā ādāya gacchanto aṭavimajjhaṃ pattakāle ‘‘tāta, rasmiyo gaṇhatha, goṇā daṇḍasaññāya gamissanti, imasmiṃ ṭhāne corā vasanti, ahaṃ otaritvā carāmī’’ti pitu hatthe rasmiyo datvā otaritvā gacchanto saddaṃ parivattetvā corānaṃ uṭṭhitasaddamakāsi. Mātāpitaro saddaṃ sutvā ‘‘corā uṭṭhitā’’ti saññāya ‘‘tāta, corā uṭṭhitā, mahallakā mayaṃ, tvaṃ attānameva rakkhāhī’’ti āhaṃsu. So mātāpitaro viravantepi corasaddaṃ karonto koṭṭetvā māretvā aṭaviyaṃ khipitvā paccāgami.
сад̇т̇аа ид̣̇ам̣ д̇асса буб̣б̣агаммам̣ гат̇зд̇ваа ‘‘бхигкавз, мог̇г̇аллаано зд̇д̇агам̣ гаммам̣ гад̇ваа анзгавассасад̇асахассаани нираяз бажжид̇ваа д̇аава баггаавасзсзна ад̇д̇абхаавасад̇з звамзва годдзд̇ваа сам̣жун̣н̣о маран̣ам̣ бад̇д̇о, звам̣ мог̇г̇аллаанзна ад̇д̇ано гаммаануруубамзва маран̣ам̣ лад̣̇д̇хам̣. бан̃жахи жорасад̇зхи сад̣̇д̇хим̣ бан̃жад̇ид̇т̇ияасад̇ааниби мама буд̇д̇ам̣ аббад̣̇удтам̣ д̣̇уссзд̇ваа ануруубамзва маран̣ам̣ лабхим̣су. аббад̣̇удтзсу хи бад̣̇уссанд̇о д̣̇асахи гааран̣зхи анаяаб̣яасанам̣ баабун̣аад̇иязваа’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имаа г̇аат̇аа абхааси –
Satthā idaṃ tassa pubbakammaṃ kathetvā ‘‘bhikkhave, moggallāno ettakaṃ kammaṃ katvā anekavassasatasahassāni niraye paccitvā tāva pakkāvasesena attabhāvasate evameva koṭṭetvā saṃcuṇṇo maraṇaṃ patto, evaṃ moggallānena attano kammānurūpameva maraṇaṃ laddhaṃ. Pañcahi corasatehi saddhiṃ pañcatitthiyasatānipi mama puttaṃ appaduṭṭhaṃ dussetvā anurūpameva maraṇaṃ labhiṃsu. Appaduṭṭhesu hi padussanto dasahi kāraṇehi anayabyasanaṃ pāpuṇātiyevā’’ti anusandhiṃ ghaṭetvā dhammaṃ desento imā gāthā abhāsi –
‘‘яо д̣̇ан̣д̣зна ад̣̇ан̣д̣зсу, аббад̣̇удтзсу д̣̇уссад̇и;
‘‘Yo daṇḍena adaṇḍesu, appaduṭṭhesu dussati;
д̣̇асаннаман̃н̃ад̇арам̣ таанам̣, киббамзва ниг̇ажчад̇и.
Dasannamaññataraṃ ṭhānaṃ, khippameva nigacchati.
‘‘взд̣̇анам̣ парусам̣ ж̇ааним̣, сарийрасса ва бхзд̣̇анам̣;
‘‘Vedanaṃ pharusaṃ jāniṃ, sarīrassa va bhedanaṃ;
г̇аругам̣ вааби ааб̣аад̇хам̣, жид̇д̇агкзбам̣ ва баабун̣з.
Garukaṃ vāpi ābādhaṃ, cittakkhepaṃ va pāpuṇe.
‘‘рааж̇ад̇о ваа убасаг̇г̇ам̣, аб̣бхагкаанам̣ ва д̣̇аарун̣ам̣;
‘‘Rājato vā upasaggaṃ, abbhakkhānaṃ va dāruṇaṃ;
баригкаяам̣ ва н̃аад̇ийнам̣, бхог̇аанам̣ ва бабхан̇г̇унам̣.
Parikkhayaṃ va ñātīnaṃ, bhogānaṃ va pabhaṅgunaṃ.
‘‘ат̇авасса аг̇аараани, аг̇г̇и д̣ахад̇и бааваго;
‘‘Athavassa agārāni, aggi ḍahati pāvako;
гааяасса бхзд̣̇аа д̣̇уббан̃н̃о, нираяам̣ собабаж̇ж̇ад̇ий’’д̇и. (д̇ха. ба. 137-140);
Kāyassa bhedā duppañño, nirayaṃ sopapajjatī’’ti. (dha. pa. 137-140);
393. бавивзгамануяуд̇д̇од̇и багаарзна вивзгам̣ згийбхаавам̣ ануяуд̇д̇о яож̇ид̇о яуд̇д̇аббаяуд̇д̇о. самаад̇хибхааванаарад̇од̇и батамаж̇жхаанаад̣̇ибхааванааяа рад̇о аллийно жа. саб̣б̣аасавз сагалагилзсз, барин̃н̃ааяа ж̇аанид̇ваа баж̇ахид̇ваа, анаасаво ниггилзсо вихараамийд̇и самб̣анд̇хо.
393.Pavivekamanuyuttoti pakārena vivekaṃ ekībhāvaṃ anuyutto yojito yuttappayutto. Samādhibhāvanāratoti paṭhamajjhānādibhāvanāya rato allīno ca. Sabbāsave sakalakilese, pariññāya jānitvā pajahitvā, anāsavo nikkileso viharāmīti sambandho.
394. ид̣̇аани ад̇д̇ано бун̃н̃асамбхааравасзна буб̣б̣ажарид̇асса палам̣ д̣̇ассзнд̇о д̇харан̣имби суг̇амбхийранд̇иаад̣̇имааха.
394. Idāni attano puññasambhāravasena pubbacaritassa phalaṃ dassento dharaṇimpi sugambhīrantiādimāha.
д̇ад̇рааяаманубуб̣б̣ийгат̇аа – б̣уд̣̇д̇хзна жод̣̇ид̇од̇и саммаасамб̣уд̣̇д̇хзна жод̣̇ид̇о уяяож̇ид̇о. бхигкусан̇гхасса бзгкад̇од̇и махад̇о бхигкусан̇гхасса бассанд̇асса. миг̇аарамаад̇убаасаад̣̇ам̣, баад̣̇ан̇г̇удтзна гамбаяийд̇и буб̣б̣аараамз висаакааяа махааубаасигааяа гаарид̇ам̣ сахассад̇т̇амбхабадиман̣д̣ид̇ам̣ махаабаасаад̣̇ам̣ ад̇д̇ано баад̣̇ан̇г̇удтзна гамбзсим̣. згасмин̃хи самаяз буб̣б̣аараамз яат̇аавуд̇д̇абаасаад̣̇з бхаг̇авад̇и вихаранд̇з самб̣ахулаа навагад̇араа бхигкуу убарибаасаад̣̇з нисиннаа сад̇т̇аарамби ажинд̇зд̇ваа д̇иражчаанагат̇ам̣ гат̇зд̇умаарад̣̇д̇хаа. д̇ам̣ суд̇ваа бхаг̇аваа д̇з сам̣взж̇зд̇ваа ад̇д̇ано д̇хаммад̣̇зсанааяа бхааж̇анабхууд̇з гаад̇угаамо ааяасманд̇ам̣ махаамог̇г̇аллаанад̇т̇зрам̣ ааманд̇зси – ‘‘бассаси д̇вам̣, мог̇г̇аллаана, навз бхигкуу д̇иражчаанагат̇амануяуд̇д̇з’’д̇и д̇ам̣ суд̇ваа т̇зро сад̇т̇у аж̇жхаасаяам̣ н̃ад̇ваа абхин̃н̃аабаад̣̇агам̣ аабогасин̣аарамман̣ам̣ жад̇уд̇т̇аж̇жхаанам̣ самаабаж̇ж̇ид̇ваа вудтааяа ‘‘баасаад̣̇асса бад̇идтид̇огаасам̣ уд̣̇агам̣ ход̇уу’’д̇и ад̇хидтааяа баасаад̣̇амад̇т̇агз т̇убигам̣ баад̣̇ан̇г̇удтзна бахари, баасаад̣̇о онамид̇ваа згзна бассзна адтааси. бунаби бахари, абарзнаби бассзна адтааси. д̇з бхигкуу бхийд̇аа сам̣виг̇г̇аа баасаад̣̇асса бад̇анабхаязна д̇ад̇о нигкамид̇ваа бхаг̇авад̇о самийбз адтам̣су. сад̇т̇аа д̇зсам̣ аж̇жхаасаяам̣ ологзд̇ваа д̇хаммам̣ д̣̇зсзси. д̇ам̣ суд̇ваа д̇зсу гзжи сод̇аабад̇д̇ипалз бад̇идтахим̣су, гзжи сагад̣̇ааг̇аамипалз, гзжи анааг̇аамипалз, гзжи арахад̇д̇апалз бад̇идтахим̣су. свааяамад̇т̇о баасаад̣̇агамбанасуд̇д̇зна д̣̇ийбзд̇аб̣б̣о.
Tatrāyamanupubbīkathā – buddhena coditoti sammāsambuddhena codito uyyojito. Bhikkhusaṅghassa pekkhatoti mahato bhikkhusaṅghassa passantassa. Migāramātupāsādaṃ, pādaṅguṭṭhena kampayīti pubbārāme visākhāya mahāupāsikāya kāritaṃ sahassatthambhapaṭimaṇḍitaṃ mahāpāsādaṃ attano pādaṅguṭṭhena kampesiṃ. Ekasmiñhi samaye pubbārāme yathāvuttapāsāde bhagavati viharante sambahulā navakatarā bhikkhū uparipāsāde nisinnā satthārampi acintetvā tiracchānakathaṃ kathetumāraddhā. Taṃ sutvā bhagavā te saṃvejetvā attano dhammadesanāya bhājanabhūte kātukāmo āyasmantaṃ mahāmoggallānattheraṃ āmantesi – ‘‘passasi tvaṃ, moggallāna, nave bhikkhū tiracchānakathamanuyutte’’ti taṃ sutvā thero satthu ajjhāsayaṃ ñatvā abhiññāpādakaṃ āpokasiṇārammaṇaṃ catutthajjhānaṃ samāpajjitvā vuṭṭhāya ‘‘pāsādassa patiṭṭhitokāsaṃ udakaṃ hotū’’ti adhiṭṭhāya pāsādamatthake thupikaṃ pādaṅguṭṭhena pahari, pāsādo onamitvā ekena passena aṭṭhāsi. Punapi pahari, aparenapi passena aṭṭhāsi. Te bhikkhū bhītā saṃviggā pāsādassa patanabhayena tato nikkhamitvā bhagavato samīpe aṭṭhaṃsu. Satthā tesaṃ ajjhāsayaṃ oloketvā dhammaṃ desesi. Taṃ sutvā tesu keci sotāpattiphale patiṭṭhahiṃsu, keci sakadāgāmiphale, keci anāgāmiphale, keci arahattaphale patiṭṭhahiṃsu. Svāyamattho pāsādakampanasuttena dīpetabbo.
взж̇аяанд̇абаасаад̣̇анд̇и со взж̇аяанд̇абаасаад̣̇о д̇аавад̇им̣сабхаванз яож̇анасахассуб̣б̣зд̇хо анзгасахассанияяуухагуудааг̇аарабадиман̣д̣ид̇о д̣̇зваасурасан̇г̇аамз асурз ж̇инид̇ваа саггз д̣̇зваанаминд̣̇з наг̇арамаж̇жхз тид̇з удтид̇о виж̇аяанд̇зна ниб̣б̣ад̇д̇ад̇д̇аа ‘‘взж̇аяанд̇о’’д̇и лад̣̇д̇ханаамо баасаад̣̇о, д̇ам̣ санд̇хааяааха – ‘‘взж̇аяанд̇абаасаад̣̇а’’нд̇и, д̇амби аяам̣ т̇зро баад̣̇ан̇г̇удтзна гамбзд̇и. згасмин̃хи самаяз бхаг̇аванд̇ам̣ буб̣б̣аараамз вихаранд̇ам̣ сагго д̣̇зварааж̇аа убасан̇гамид̇ваа д̇ан̣хаасан̇каяавимуд̇д̇им̣ бужчи. д̇асса бхаг̇аваа виссаж̇ж̇зси. со д̇ам̣ суд̇ваа ад̇д̇амано бамуд̣̇ид̇о абхиваад̣̇зд̇ваа бад̣̇агкин̣ам̣ гад̇ваа ад̇д̇ано д̣̇звалогамзва г̇ад̇о. ат̇ааяасмаа махаамог̇г̇аллаано звам̣ жинд̇зси – ‘‘аяам̣ сагго бхаг̇аванд̇ам̣ убасан̇гамид̇ваа зваруубам̣ г̇амбхийраниб̣б̣аанабадисам̣яуд̇д̇ам̣ бан̃хам̣ бужчи, бхаг̇авад̇аа жа бан̃хо виссаж̇ж̇ид̇о, гим̣ ну ко ж̇аанид̇ваа г̇ад̇о, уд̣̇ааху аж̇аанид̇ваа . яам̣нуунаахам̣ д̣̇звалогам̣ г̇анд̇ваа д̇амад̇т̇ам̣ ж̇аанзяяа’’нд̇и? со д̇аавад̣̇зва д̇аавад̇им̣сабхаванам̣ г̇анд̇ваа саггам̣ д̣̇зваанаминд̣̇ам̣ д̇амад̇т̇ам̣ бужчи. сагго д̣̇иб̣б̣асамбад̇д̇ияаа бамад̇д̇о худ̇ваа вигкзбам̣ агааси. т̇зро д̇асса сам̣взг̇аж̇ананад̇т̇ам̣ взж̇аяанд̇абаасаад̣̇ам̣ баад̣̇ан̇г̇удтзна гамбзси. д̇зна вуд̇д̇ам̣ –
Vejayantapāsādanti so vejayantapāsādo tāvatiṃsabhavane yojanasahassubbedho anekasahassaniyyūhakūṭāgārapaṭimaṇḍito devāsurasaṅgāme asure jinitvā sakke devānaminde nagaramajjhe ṭhite uṭṭhito vijayantena nibbattattā ‘‘vejayanto’’ti laddhanāmo pāsādo, taṃ sandhāyāha – ‘‘vejayantapāsāda’’nti, tampi ayaṃ thero pādaṅguṭṭhena kampeti. Ekasmiñhi samaye bhagavantaṃ pubbārāme viharantaṃ sakko devarājā upasaṅkamitvā taṇhāsaṅkhayavimuttiṃ pucchi. Tassa bhagavā vissajjesi. So taṃ sutvā attamano pamudito abhivādetvā padakkhiṇaṃ katvā attano devalokameva gato. Athāyasmā mahāmoggallāno evaṃ cintesi – ‘‘ayaṃ sakko bhagavantaṃ upasaṅkamitvā evarūpaṃ gambhīranibbānapaṭisaṃyuttaṃ pañhaṃ pucchi, bhagavatā ca pañho vissajjito, kiṃ nu kho jānitvā gato, udāhu ajānitvā . Yaṃnūnāhaṃ devalokaṃ gantvā tamatthaṃ jāneyya’’nti? So tāvadeva tāvatiṃsabhavanaṃ gantvā sakkaṃ devānamindaṃ tamatthaṃ pucchi. Sakko dibbasampattiyā pamatto hutvā vikkhepaṃ akāsi. Thero tassa saṃvegajananatthaṃ vejayantapāsādaṃ pādaṅguṭṭhena kampesi. Tena vuttaṃ –
‘‘яо взж̇аяанд̇абаасаад̣̇ам̣, баад̣̇ан̇г̇удтзна гамбаяи;
‘‘Yo vejayantapāsādaṃ, pādaṅguṭṭhena kampayi;
ид̣̇д̇хиб̣алзнубад̇т̇ад̣̇д̇хо, сам̣взж̇зси жа д̣̇звад̇аа’’д̇и. (ма. ни. 1.513);
Iddhibalenupatthaddho, saṃvejesi ca devatā’’ti. (ma. ni. 1.513);
аяам̣ банад̇т̇о – жуул̣ад̇ан̣хаасан̇каяавимуд̇д̇исуд̇д̇зна (ма. ни. 1.390 аад̣̇аяо) д̣̇ийбзд̇аб̣б̣о. гамбид̇аагааро хздтаа вуд̇д̇оязва. ‘‘саггам̣ со барибужчад̇ий’’д̇и (ма. ни. 1.513) яат̇аавуд̇д̇амзва т̇зрасса д̇ан̣хаасан̇каяавимуд̇д̇ибужчам̣ санд̇хааяа вуд̇д̇ам̣. д̇знааха – ‘‘абаавусо, ж̇аанааси, д̇ан̣хагкаяавимуд̇д̇ияо’’д̇и? д̇асса сагго вияаагааси. ид̣̇ам̣ т̇зрзна баасаад̣̇агамбанз гад̇з сам̣виг̇г̇ахад̣̇аязна бамаад̣̇ам̣ бахааяа яонисо манаси гарид̇ваа бан̃хасса б̣яаагад̇абхаавам̣ санд̇хааяа вуд̇д̇ам̣. сад̇т̇аараа д̣̇зсид̇анияаамзнзва хи со д̇ад̣̇аа гат̇зси. д̇знааха – ‘‘бан̃хам̣ будто яат̇аад̇ат̇а’’нд̇и (ма. ни. 1.513). д̇ад̇т̇а саггам̣ со барибужчад̇ийд̇и саггам̣ д̣̇зварааж̇ам̣ махаамог̇г̇аллаанад̇т̇зро сад̇т̇аараа д̣̇зсид̇ааяа д̇ан̣хаасан̇каяавимуд̇д̇ияаа саммад̣̇зва г̇ахид̇абхаавам̣ бужчи. ад̇ийд̇ад̇т̇з хи ид̣̇ам̣ вад̇д̇амаанаважанам̣. абаавусо, ж̇аанаасийд̇и аавусо, аби ж̇аанааси, гим̣ ж̇аанааси? д̇ан̣хагкаяавимуд̇д̇ияод̇и (ма. ни. 1.513) д̇ан̣хаасан̇каяавимуд̇д̇ияо сад̇т̇аараа д̇уяхам̣ д̣̇зсид̇аа, д̇ат̇аа ‘‘гим̣ ж̇аанаасий’’д̇и бужчад̇и. д̇ан̣хагкаяавимуд̇д̇ияод̇и ваа д̇ан̣хаасан̇каяавимуд̇д̇исуд̇д̇асса д̣̇зсанам̣ бужчад̇и.
Ayaṃ panattho – cūḷataṇhāsaṅkhayavimuttisuttena (ma. ni. 1.390 ādayo) dīpetabbo. Kampitākāro heṭṭhā vuttoyeva. ‘‘Sakkaṃ so paripucchatī’’ti (ma. ni. 1.513) yathāvuttameva therassa taṇhāsaṅkhayavimuttipucchaṃ sandhāya vuttaṃ. Tenāha – ‘‘apāvuso, jānāsi, taṇhakkhayavimuttiyo’’ti? Tassa sakko viyākāsi. Idaṃ therena pāsādakampane kate saṃviggahadayena pamādaṃ pahāya yoniso manasi karitvā pañhassa byākatabhāvaṃ sandhāya vuttaṃ. Satthārā desitaniyāmeneva hi so tadā kathesi. Tenāha – ‘‘pañhaṃ puṭṭho yathātatha’’nti (ma. ni. 1.513). Tattha sakkaṃ so paripucchatīti sakkaṃ devarājaṃ mahāmoggallānatthero satthārā desitāya taṇhāsaṅkhayavimuttiyā sammadeva gahitabhāvaṃ pucchi. Atītatthe hi idaṃ vattamānavacanaṃ. Apāvuso, jānāsīti āvuso, api jānāsi, kiṃ jānāsi? Taṇhakkhayavimuttiyoti (ma. ni. 1.513) taṇhāsaṅkhayavimuttiyo satthārā tuyhaṃ desitā, tathā ‘‘kiṃ jānāsī’’ti pucchati. Taṇhakkhayavimuttiyoti vā taṇhāsaṅkhayavimuttisuttassa desanaṃ pucchati.
б̣рахмаананд̇и махааб̣рахмаанам̣. суд̇хаммааяаабхид̇о сабханд̇и (ма. ни. 1.513) суд̇хаммааяа сабхааяа. аяам̣ бана б̣рахмалогз суд̇хаммаа сабхаа, на д̇аавад̇им̣сабхаванз. суд̇хаммаасабхаавирахид̇о д̣̇звалого наама над̇т̇и. ‘‘аж̇ж̇ааби д̇з, аавусо, саа д̣̇идти, яаа д̇з д̣̇идти бурз ахуу’’д̇и имам̣ б̣рахмалогам̣ убаг̇анд̇ум̣ самад̇т̇о над̇т̇и гожи саман̣о ваа б̣раахман̣о ваа. сад̇т̇у ид̇хааг̇аманад̇о буб̣б̣з яаа д̇уяхам̣ д̣̇идти ахоси, гим̣ аж̇ж̇ааби ид̣̇ааниби саа д̣̇идти на виг̇ад̇аад̇и? бассаси вийд̇ивад̇д̇анд̇ам̣ б̣рахмалогз бабхассаранд̇и б̣рахмалогз вийд̇ибад̇анд̇ам̣ махаагаббинамахаагассабаад̣̇ийхи саавагзхи бариваарид̇асса д̇зж̇од̇хаад̇ум̣ самаабаж̇ж̇ид̇ваа нисиннасса сасаавагасса бхаг̇авад̇о огаасам̣ бассасийд̇и ад̇т̇о. згасмин̃хи самаяз бхаг̇аваа б̣рахмалогз суд̇хаммааяа сабхааяа саннибад̇ид̇ваа саннисиннасса ‘‘ад̇т̇и ну ко гожи саман̣о ваа б̣раахман̣о ваа звам̣махид̣̇д̇хиго, со ид̇ха ааг̇анд̇ум̣ саггун̣зяяаа’’д̇и жинд̇знд̇асса б̣рахмуно жид̇д̇аман̃н̃ааяа д̇ад̇т̇а г̇анд̇ваа б̣рахмуно мад̇т̇агз аагаасз нисинно д̇зж̇од̇хаад̇ум̣ самаабаж̇ж̇ид̇ваа обхаасам̣ мун̃жанд̇о махаамог̇г̇аллаанаад̣̇ийнам̣ ааг̇аманам̣ жинд̇зси. саха жинд̇анзна д̇зби д̇ад̇т̇а г̇анд̇ваа сад̇т̇аарам̣ ванд̣̇ид̇ваа сад̇т̇у аж̇жхаасаяам̣ н̃ад̇ваа д̇зж̇од̇хаад̇ум̣ самаабаж̇ж̇ид̇ваа бажжзгад̣̇исаасу нисийд̣̇ид̇ваа обхаасам̣ виссаж̇ж̇зсум̣. сагалаб̣рахмалого згобхаасо ахоси. сад̇т̇аа б̣рахмуно галлажид̇д̇ад̇ам̣ н̃ад̇ваа жад̇усажжабагаасанам̣ д̇хаммам̣ д̣̇зсзси. д̣̇зсанаабарияосаанз анзгаани б̣рахмасахассаани маг̇г̇апалзсу бад̇идтахим̣су. д̇ам̣ санд̇хааяа жод̣̇знд̇о аж̇ж̇ааби д̇з, аавусо, саа д̣̇идтийд̇и г̇аат̇амааха. аяам̣ банад̇т̇о б̣агаб̣рахмасуд̇д̇зна (сам̣. ни. 1.175) д̣̇ийбзд̇аб̣б̣о. вуд̇д̇ам̣ хзд̇ам̣ (сам̣. ни. 1.176) –
Brahmānanti mahābrahmānaṃ. Sudhammāyābhito sabhanti (ma. ni. 1.513) sudhammāya sabhāya. Ayaṃ pana brahmaloke sudhammā sabhā, na tāvatiṃsabhavane. Sudhammāsabhāvirahito devaloko nāma natthi. ‘‘Ajjāpi te, āvuso, sā diṭṭhi, yā te diṭṭhi pure ahū’’ti imaṃ brahmalokaṃ upagantuṃ samattho natthi koci samaṇo vā brāhmaṇo vā. Satthu idhāgamanato pubbe yā tuyhaṃ diṭṭhi ahosi, kiṃ ajjāpi idānipi sā diṭṭhi na vigatāti? Passasi vītivattantaṃbrahmaloke pabhassaranti brahmaloke vītipatantaṃ mahākappinamahākassapādīhi sāvakehi parivāritassa tejodhātuṃ samāpajjitvā nisinnassa sasāvakassa bhagavato okāsaṃ passasīti attho. Ekasmiñhi samaye bhagavā brahmaloke sudhammāya sabhāya sannipatitvā sannisinnassa ‘‘atthi nu kho koci samaṇo vā brāhmaṇo vā evaṃmahiddhiko, so idha āgantuṃ sakkuṇeyyā’’ti cintentassa brahmuno cittamaññāya tattha gantvā brahmuno matthake ākāse nisinno tejodhātuṃ samāpajjitvā obhāsaṃ muñcanto mahāmoggallānādīnaṃ āgamanaṃ cintesi. Saha cintanena tepi tattha gantvā satthāraṃ vanditvā satthu ajjhāsayaṃ ñatvā tejodhātuṃ samāpajjitvā paccekadisāsu nisīditvā obhāsaṃ vissajjesuṃ. Sakalabrahmaloko ekobhāso ahosi. Satthā brahmuno kallacittataṃ ñatvā catusaccapakāsanaṃ dhammaṃ desesi. Desanāpariyosāne anekāni brahmasahassāni maggaphalesu patiṭṭhahiṃsu. Taṃ sandhāya codento ajjāpi te, āvuso, sā diṭṭhīti gāthamāha. Ayaṃ panattho bakabrahmasuttena (saṃ. ni. 1.175) dīpetabbo. Vuttaṃ hetaṃ (saṃ. ni. 1.176) –
‘‘згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇арасса б̣рахмуно зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘над̇т̇и саман̣о ваа б̣раахман̣о ваа яо ид̇ха ааг̇ажчзяяаа’д̇и. ат̇а ко бхаг̇аваа д̇асса б̣рахмуно жзд̇асаа жзд̇обаривид̇аггаман̃н̃ааяа сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа , басаарид̇ам̣ ваа б̣аахам̣ самин̃ж̇зяяа; звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко бхаг̇аваа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа.
‘‘Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa brahmuno evarūpaṃ pāpakaṃ diṭṭhigataṃ uppannaṃ hoti – ‘natthi samaṇo vā brāhmaṇo vā yo idha āgaccheyyā’ti. Atha kho bhagavā tassa brahmuno cetasā cetoparivitakkamaññāya seyyathāpi nāma balavā puriso samiñjitaṃ vā bāhaṃ pasāreyya , pasāritaṃ vā bāhaṃ samiñjeyya; evameva jetavane antarahito tasmiṃ brahmaloke pāturahosi. Atha kho bhagavā tassa brahmuno uparivehāsaṃ pallaṅkena nisīdi tejodhātuṃ samāpajjitvā.
‘‘ат̇а ко ааяасмад̇о махаамог̇г̇аллаанасса зд̇ад̣̇ахоси ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇аса ко ааяасмаа махаамог̇г̇аллаано бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа; звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаамог̇г̇аллаано бурад̇т̇имам̣ д̣̇исам̣ ниссааяа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.
‘‘Atha kho āyasmato mahāmoggallānassa etadahosi ‘kahaṃ nu kho bhagavā etarahi viharatī’ti? Addasa kho āyasmā mahāmoggallāno bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya; evameva jetavane antarahito tasmiṃ brahmaloke pāturahosi. Atha kho āyasmā mahāmoggallāno puratthimaṃ disaṃ nissāya tassa brahmuno uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato.
‘‘ат̇а ко ааяасмад̇о махаагассабасса зд̇ад̣̇ахоси – ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇аса ко ааяасмаа махаагассабо бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо…бз… звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаагассабо д̣̇агкин̣ам̣ д̣̇исам̣ ниссааяа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.
‘‘Atha kho āyasmato mahākassapassa etadahosi – ‘kahaṃ nu kho bhagavā etarahi viharatī’ti? Addasa kho āyasmā mahākassapo bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso…pe… evameva jetavane antarahito tasmiṃ brahmaloke pāturahosi. Atha kho āyasmā mahākassapo dakkhiṇaṃ disaṃ nissāya tassa brahmuno uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato.
‘‘ат̇а ко ааяасмад̇о махаагаббинасса зд̇ад̣̇ахоси – ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇аса ко ааяасмаа махаагаббино бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо…бз… звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаагаббино бажчимам̣ д̣̇исам̣ ниссааяа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.
‘‘Atha kho āyasmato mahākappinassa etadahosi – ‘kahaṃ nu kho bhagavā etarahi viharatī’ti? Addasa kho āyasmā mahākappino bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso…pe… evameva jetavane antarahito tasmiṃ brahmaloke pāturahosi. Atha kho āyasmā mahākappino pacchimaṃ disaṃ nissāya tassa brahmuno uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato.
‘‘ат̇а ко ааяасмад̇о ануруд̣̇д̇хасса зд̇ад̣̇ахоси – ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇аса ко ааяасмаа ануруд̣̇д̇хо бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо…бз… звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа ануруд̣̇д̇хо уд̇д̇арам̣ д̣̇исам̣ ниссааяа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о’’.
‘‘Atha kho āyasmato anuruddhassa etadahosi – ‘kahaṃ nu kho bhagavā etarahi viharatī’ti? Addasa kho āyasmā anuruddho bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso…pe… evameva jetavane antarahito tasmiṃ brahmaloke pāturahosi. Atha kho āyasmā anuruddho uttaraṃ disaṃ nissāya tassa brahmuno uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato’’.
ат̇а ко ааяасмаа махаамог̇г̇аллаано д̇ам̣ б̣рахмаанам̣ г̇аат̇ааяа аж̇жхабхааси –
Atha kho āyasmā mahāmoggallāno taṃ brahmānaṃ gāthāya ajjhabhāsi –
‘‘аж̇ж̇ааби д̇з аавусо саа д̣̇идти, яаа д̇з д̣̇идти бурз аху;
‘‘Ajjāpi te āvuso sā diṭṭhi, yā te diṭṭhi pure ahu;
бассаси вийд̇ивад̇д̇анд̇ам̣, б̣рахмалогз бабхассара’’нд̇и.
Passasi vītivattantaṃ, brahmaloke pabhassara’’nti.
‘‘на мз маариса саа д̣̇идти, яаа мз д̣̇идти бурз аху;
‘‘Na me mārisa sā diṭṭhi, yā me diṭṭhi pure ahu;
бассаами вийд̇ивад̇д̇анд̇ам̣, б̣рахмалогз бабхассарам̣;
Passāmi vītivattantaṃ, brahmaloke pabhassaraṃ;
сваахам̣ аж̇ж̇а гат̇ам̣ важ̇ж̇ам̣, ахам̣ нижжомхи сассад̇о’’д̇и.
Svāhaṃ ajja kathaṃ vajjaṃ, ahaṃ niccomhi sassato’’ti.
‘‘ат̇а ко бхаг̇аваа д̇ам̣ б̣рахмаанам̣ сам̣взж̇зд̇ваа сзяяат̇ааби наама б̣алаваа бурисо…бз… звамзва д̇асмим̣ б̣рахмалогз анд̇арахид̇о ж̇зд̇аванз баад̇урахоси. ат̇а ко со б̣рахмаа ан̃н̃ад̇арам̣ б̣рахмабаарисаж̇ж̇ам̣ ааманд̇зси – ‘зхи д̇вам̣, маариса, язнааяасмаа махаамог̇г̇аллаано д̇знубасан̇гама, убасан̇гамид̇ваа ааяасманд̇ам̣ махаамог̇г̇аллаанам̣ звам̣ вад̣̇зхи – ‘‘ад̇т̇и ну ко, маариса мог̇г̇аллаана, ан̃н̃зби д̇асса бхаг̇авад̇о саавагаа звам̣махид̣̇д̇хигаа звам̣махаанубхааваа сзяяат̇ааби бхавам̣ мог̇г̇аллаано гассабо габбино ануруд̣̇д̇хо’’д̇и? ‘звам̣, маарисаа’д̇и ко со б̣рахмабаарисаж̇ж̇о д̇асса б̣рахмуно бадиссуд̇ваа язнааяасмаа махаамог̇г̇аллаано д̇знубасан̇гами, убасан̇гамид̇ваа ааяасманд̇ам̣ махаамог̇г̇аллаанам̣ зд̇ад̣̇авожа – ‘ад̇т̇и ну ко, маариса мог̇г̇аллаана, ан̃н̃зби д̇асса бхаг̇авад̇о саавагаа звам̣махид̣̇д̇хигаа звам̣махаанубхааваа сзяяат̇ааби бхавам̣ мог̇г̇аллаано гассабо габбино ануруд̣̇д̇хо’д̇и ? ат̇а ко ааяасмаа махаамог̇г̇аллаано д̇ам̣ б̣рахмабаарисаж̇ж̇ам̣ г̇аат̇ааяа аж̇жхабхааси –
‘‘Atha kho bhagavā taṃ brahmānaṃ saṃvejetvā seyyathāpi nāma balavā puriso…pe… evameva tasmiṃ brahmaloke antarahito jetavane pāturahosi. Atha kho so brahmā aññataraṃ brahmapārisajjaṃ āmantesi – ‘ehi tvaṃ, mārisa, yenāyasmā mahāmoggallāno tenupasaṅkama, upasaṅkamitvā āyasmantaṃ mahāmoggallānaṃ evaṃ vadehi – ‘‘atthi nu kho, mārisa moggallāna, aññepi tassa bhagavato sāvakā evaṃmahiddhikā evaṃmahānubhāvā seyyathāpi bhavaṃ moggallāno kassapo kappino anuruddho’’ti? ‘Evaṃ, mārisā’ti kho so brahmapārisajjo tassa brahmuno paṭissutvā yenāyasmā mahāmoggallāno tenupasaṅkami, upasaṅkamitvā āyasmantaṃ mahāmoggallānaṃ etadavoca – ‘atthi nu kho, mārisa moggallāna, aññepi tassa bhagavato sāvakā evaṃmahiddhikā evaṃmahānubhāvā seyyathāpi bhavaṃ moggallāno kassapo kappino anuruddho’ti ? Atha kho āyasmā mahāmoggallāno taṃ brahmapārisajjaṃ gāthāya ajjhabhāsi –
‘‘д̇звиж̇ж̇аа ид̣̇д̇хибад̇д̇аа жа, жзд̇обарияааяаговид̣̇аа;
‘‘Tevijjā iddhipattā ca, cetopariyāyakovidā;
кийн̣аасаваа араханд̇о, б̣ахуу б̣уд̣̇д̇хасса саавагаа’’д̇и.
Khīṇāsavā arahanto, bahū buddhassa sāvakā’’ti.
‘‘ат̇а ко со б̣рахмабаарисаж̇ж̇о ааяасмад̇о махаамог̇г̇аллаанасса бхаасид̇ам̣ абхинанд̣̇ид̇ваа анумод̣̇ид̇ваа язна со б̣рахмаа д̇знубасан̇гами, убасан̇гамид̇ваа д̇ам̣ б̣рахмаанам̣ зд̇ад̣̇авожа – ‘ааяасмаа маариса махаамог̇г̇аллаано звамааха –
‘‘Atha kho so brahmapārisajjo āyasmato mahāmoggallānassa bhāsitaṃ abhinanditvā anumoditvā yena so brahmā tenupasaṅkami, upasaṅkamitvā taṃ brahmānaṃ etadavoca – ‘āyasmā mārisa mahāmoggallāno evamāha –
‘‘‘д̇звиж̇ж̇аа ид̣̇д̇хибад̇д̇аа жа, жзд̇обарияааяаговид̣̇аа;
‘‘‘Tevijjā iddhipattā ca, cetopariyāyakovidā;
кийн̣аасаваа араханд̇о, б̣ахуу б̣уд̣̇д̇хасса саавагаа’’’д̇и. –
Khīṇāsavā arahanto, bahū buddhassa sāvakā’’’ti. –
ид̣̇амавожа со б̣рахмабаарисаж̇ж̇о. ад̇д̇амано жа со б̣рахмаа д̇асса б̣рахмабаарисаж̇ж̇асса бхаасид̇ам̣ абхинанд̣̇ийд̇и (сам̣. ни. 1.176).
Idamavoca so brahmapārisajjo. Attamano ca so brahmā tassa brahmapārisajjassa bhāsitaṃ abhinandīti (saṃ. ni. 1.176).
ид̣̇ам̣ санд̇хааяа вуд̇д̇ам̣ – ‘‘аяам̣ банад̇т̇о б̣агаб̣рахмасуд̇д̇зна д̣̇ийбзд̇аб̣б̣о’’д̇и.
Idaṃ sandhāya vuttaṃ – ‘‘ayaṃ panattho bakabrahmasuttena dīpetabbo’’ti.
махаанзруно гууданд̇и (ма. ни. 1.513) гуудасийсзна сагаламзва синзрубаб̣б̣ад̇арааж̇ам̣ вад̣̇аси. вимогкзна абассаяийд̇и (ма. ни. 1.513) жхаанавимогкзна ниссаязна абхин̃н̃ааязна бассаяийд̇и ад̇хиббааяо. вананд̇и (ма. ни. 1.513) ж̇амб̣уд̣̇ийбам̣. со хи ванаб̣аахуллад̇ааяа ‘‘вана’’нд̇и вуд̇д̇о. д̇знааха ‘‘ж̇амб̣уман̣д̣асса иссаро’’д̇и. буб̣б̣авид̣̇зхаананд̇и (ма. ни. 1.513) буб̣б̣авид̣̇зхадтаанан̃жа буб̣б̣авид̣̇зханд̇и ад̇т̇о. яз жа бхуумисаяаа нараад̇и (ма. ни. 1.513) бхуумисаяаа нараа наама абараг̇ояаанауд̇д̇арагуругаа жа мануссаа. д̇з хи г̇зхаабхаавад̇о ‘‘бхуумисаяаа’’д̇и вуд̇д̇аа. д̇зби саб̣б̣з абассаяийд̇и самб̣анд̇хо. аяам̣ банад̇т̇о нанд̣̇обананд̣̇ад̣̇аманзна д̣̇ийбзд̇аб̣б̣о – згасмим̣ гира самаяз анаат̇абин̣д̣иго г̇ахабад̇и бхаг̇авад̇о д̇хаммад̣̇зсанам̣ суд̇ваа ‘‘свз, бханд̇з, бан̃жахи бхигкусад̇зхи сад̣̇д̇хим̣ маяхам̣ г̇зхз бхигкам̣ г̇ан̣хат̇аа’’д̇и ниманд̇зд̇ваа баггаами. д̇ам̣д̣̇ивасан̃жа бхаг̇авад̇о бажжуусасамаяз д̣̇асасахассилогад̇хаад̇ум̣ ологзнд̇асса нанд̣̇обананд̣̇о наама нааг̇арааж̇аа н̃аан̣амукз аабаат̇ам̣ ааг̇ажчи. бхаг̇аваа ‘‘аяам̣ нааг̇арааж̇аа маяхам̣ н̃аан̣амукз аабаат̇ам̣ ааг̇ажчад̇и, гим̣ ну ко бхависсад̇ий’’д̇и ааваж̇ж̇знд̇о саран̣аг̇аманасса убаниссаяам̣ д̣̇исваа ‘‘аяам̣ мижчаад̣̇идтиго д̇ийсу рад̇анзсу аббасанно, го ну ко имам̣ мижчаад̣̇идтиго виможзяяаа’’д̇и ааваж̇ж̇знд̇о махаамог̇г̇аллаанад̇т̇зрам̣ ад̣̇д̣̇аса. д̇ад̇о бабхаад̇ааяа рад̇д̇ияаа сарийрабадиж̇аг̇г̇анам̣ гад̇ваа ааяасманд̇ам̣ аананд̣̇ам̣ ааманд̇зси – ‘‘аананд̣̇а, бан̃жаннам̣ бхигкусад̇аанам̣ аарожзхи – ‘д̇ат̇ааг̇ад̇о д̣̇зважааригам̣ г̇ажчад̇ий’’’д̇и. д̇ам̣д̣̇ивасан̃жа нанд̣̇обананд̣̇асса аабаанабхуумим̣ саж̇ж̇аяим̣су. со д̣̇иб̣б̣арад̇анабаллан̇гз д̣̇иб̣б̣зна сзд̇ажчад̇д̇зна д̇хаарияамаано д̇ивид̇ханаадагзхи жзва нааг̇абарисааяа жа баривуд̇о д̣̇иб̣б̣абхааж̇анзсу убадтаабид̇ааннабаанам̣ ологаяамаано нисинно ход̇и. ат̇а ко бхаг̇аваа яат̇аа нааг̇арааж̇аа бассад̇и, д̇ат̇аа гад̇ваа д̇асса вимаанамад̇т̇агзнзва бан̃жахи бхигкусад̇зхи сад̣̇д̇хим̣ д̇аавад̇им̣сад̣̇звалогаабхимуко бааяааси.
Mahānerunokūṭanti (ma. ni. 1.513) kūṭasīsena sakalameva sinerupabbatarājaṃ vadasi. Vimokkhena apassayīti (ma. ni. 1.513) jhānavimokkhena nissayena abhiññāyena passayīti adhippāyo. Vananti (ma. ni. 1.513) jambudīpaṃ. So hi vanabāhullatāya ‘‘vana’’nti vutto. Tenāha ‘‘jambumaṇḍassa issaro’’ti. Pubbavidehānanti (ma. ni. 1.513) pubbavidehaṭṭhānañca pubbavidehanti attho. Ye ca bhūmisayā narāti (ma. ni. 1.513) bhūmisayā narā nāma aparagoyānauttarakurukā ca manussā. Te hi gehābhāvato ‘‘bhūmisayā’’ti vuttā. Tepi sabbe apassayīti sambandho. Ayaṃ panattho nandopanandadamanena dīpetabbo – ekasmiṃ kira samaye anāthapiṇḍiko gahapati bhagavato dhammadesanaṃ sutvā ‘‘sve, bhante, pañcahi bhikkhusatehi saddhiṃ mayhaṃ gehe bhikkhaṃ gaṇhathā’’ti nimantetvā pakkāmi. Taṃdivasañca bhagavato paccūsasamaye dasasahassilokadhātuṃ olokentassa nandopanando nāma nāgarājā ñāṇamukhe āpāthaṃ āgacchi. Bhagavā ‘‘ayaṃ nāgarājā mayhaṃ ñāṇamukhe āpāthaṃ āgacchati, kiṃ nu kho bhavissatī’’ti āvajjento saraṇagamanassa upanissayaṃ disvā ‘‘ayaṃ micchādiṭṭhiko tīsu ratanesu appasanno, ko nu kho imaṃ micchādiṭṭhiko vimoceyyā’’ti āvajjento mahāmoggallānattheraṃ addasa. Tato pabhātāya rattiyā sarīrapaṭijagganaṃ katvā āyasmantaṃ ānandaṃ āmantesi – ‘‘ānanda, pañcannaṃ bhikkhusatānaṃ ārocehi – ‘tathāgato devacārikaṃ gacchatī’’’ti. Taṃdivasañca nandopanandassa āpānabhūmiṃ sajjayiṃsu. So dibbaratanapallaṅke dibbena setacchattena dhāriyamāno tividhanāṭakehi ceva nāgaparisāya ca parivuto dibbabhājanesu upaṭṭhāpitaannapānaṃ olokayamāno nisinno hoti. Atha kho bhagavā yathā nāgarājā passati, tathā katvā tassa vimānamatthakeneva pañcahi bhikkhusatehi saddhiṃ tāvatiṃsadevalokābhimukho pāyāsi.
д̇зна ко бана самаязна нанд̣̇обананд̣̇асса нааг̇арааж̇асса зваруубам̣ баабагам̣ д̣̇идтиг̇ад̇ам̣ уббаннам̣ ход̇и ‘‘имз хи наама мун̣д̣асаман̣агаа амхаагам̣ убарибхаванзна д̣̇зваанам̣ д̇аавад̇им̣саанам̣ бхаванам̣ бависанд̇иби нигкаманд̇иби, на д̣̇аани ид̇о бадтааяа имзсам̣ амхаагам̣ мад̇т̇агз баад̣̇абам̣сум̣ огиранд̇аанам̣ г̇анд̇ум̣ д̣̇ассаамий’’д̇и удтааяа синзрубаад̣̇ам̣ г̇анд̇ваа д̇ам̣ ад̇д̇абхаавам̣ виж̇ахид̇ваа синзрум̣ сад̇д̇агкад̇д̇ум̣ бхог̇зхи баригкибид̇ваа убари пан̣ам̣ гад̇ваа д̇аавад̇им̣сабхаванам̣ авагуж̇ж̇зна пан̣зна бариг̇г̇ахзд̇ваа ад̣̇ассанам̣ г̇амзси.
Tena kho pana samayena nandopanandassa nāgarājassa evarūpaṃ pāpakaṃ diṭṭhigataṃ uppannaṃ hoti ‘‘ime hi nāma muṇḍasamaṇakā amhākaṃ uparibhavanena devānaṃ tāvatiṃsānaṃ bhavanaṃ pavisantipi nikkhamantipi, na dāni ito paṭṭhāya imesaṃ amhākaṃ matthake pādapaṃsuṃ okirantānaṃ gantuṃ dassāmī’’ti uṭṭhāya sinerupādaṃ gantvā taṃ attabhāvaṃ vijahitvā sineruṃ sattakkhattuṃ bhogehi parikkhipitvā upari phaṇaṃ katvā tāvatiṃsabhavanaṃ avakujjena phaṇena pariggahetvā adassanaṃ gamesi.
ат̇а ко ааяасмаа радтабаало бхаг̇аванд̇ам̣ зд̇ад̣̇авожа – ‘‘буб̣б̣з, бханд̇з, имасмим̣ бад̣̇зсз тид̇о синзрум̣ бассаами, синзрубарибхан̣д̣ам̣ бассаами, д̇аавад̇им̣сам̣ бассаами, взж̇аяанд̇ам̣ бассаами, взж̇аяанд̇асса баасаад̣̇асса убарид̇хаж̇ам̣ бассаами. го ну ко, бханд̇з, хзд̇у го бажжаяо, яам̣ зд̇арахи нзва синзрум̣ бассаами…бз… на взж̇аяанд̇асса баасаад̣̇асса убарид̇хаж̇ам̣ бассаамий’’д̇и. ‘‘аяам̣, радтабаала, нанд̣̇обананд̣̇о наама нааг̇арааж̇аа д̇умхаагам̣ губид̇о синзрум̣ сад̇д̇агкад̇д̇ум̣ бхог̇зхи баригкибид̇ваа убари пан̣зна бадижчаад̣̇зд̇ваа анд̇хагаарам̣ гад̇ваа тид̇о’’д̇и. ‘‘д̣̇амзми нам̣, бханд̇з’’д̇и. на бхаг̇аваа нам̣ ануж̇аани. ат̇а ко ааяасмаа бхад̣̇д̣̇ияо, ааяасмаа раахулод̇и ануггамзна саб̣б̣зби бхигкуу удтахим̣су. бхаг̇аваа ануж̇аани.
Atha kho āyasmā raṭṭhapālo bhagavantaṃ etadavoca – ‘‘pubbe, bhante, imasmiṃ padese ṭhito sineruṃ passāmi, sineruparibhaṇḍaṃ passāmi, tāvatiṃsaṃ passāmi, vejayantaṃ passāmi, vejayantassa pāsādassa uparidhajaṃ passāmi. Ko nu kho, bhante, hetu ko paccayo, yaṃ etarahi neva sineruṃ passāmi…pe… na vejayantassa pāsādassa uparidhajaṃ passāmī’’ti. ‘‘Ayaṃ, raṭṭhapāla, nandopanando nāma nāgarājā tumhākaṃ kupito sineruṃ sattakkhattuṃ bhogehi parikkhipitvā upari phaṇena paṭicchādetvā andhakāraṃ katvā ṭhito’’ti. ‘‘Damemi naṃ, bhante’’ti. Na bhagavā naṃ anujāni. Atha kho āyasmā bhaddiyo, āyasmā rāhuloti anukkamena sabbepi bhikkhū uṭṭhahiṃsu. Bhagavā anujāni.
авасаанз махаамог̇г̇аллаанад̇т̇зро – ‘‘ахам̣, бханд̇з, д̣̇амзми на’’нд̇и ааха. ‘‘д̣̇амзхи, мог̇г̇аллаанаа’’д̇и бхаг̇аваа ануж̇аани. т̇зро ад̇д̇абхаавам̣ виж̇ахид̇ваа маханд̇ам̣ нааг̇арааж̇аван̣н̣ам̣ абхинимминид̇ваа нанд̣̇обананд̣̇ам̣ жуд̣̇д̣̇асагкад̇д̇ум̣ бхог̇зхи баригкибид̇ваа д̇асса пан̣амад̇т̇агз ад̇д̇ано пан̣ам̣ табзд̇ваа синзрунаа сад̣̇д̇хим̣ абхиниббийл̣зси. нааг̇арааж̇аа д̇хуумааяи. т̇зроби ‘‘на д̇уяхам̣язва сарийрз д̇хуумо ад̇т̇и, маяхамби ад̇т̇ий’’д̇и д̇хуумааяи. нааг̇арааж̇асса д̇хуумо т̇зрам̣ на б̣аад̇хад̇и, т̇зрасса бана д̇хуумо нааг̇арааж̇ам̣ б̣аад̇хад̇и. д̇ад̇о нааг̇арааж̇аа баж̇ж̇али, т̇зроби ‘‘на д̇уяхам̣язва сарийрз аг̇г̇и ад̇т̇и, маяхамби ад̇т̇ий’’д̇и баж̇ж̇али. нааг̇арааж̇асса д̇зж̇о т̇зрам̣ на б̣аад̇хад̇и, т̇зрасса бана д̇зж̇о нааг̇арааж̇аанам̣ б̣аад̇хад̇и. нааг̇арааж̇аа – ‘‘аяам̣ мам̣ синзрунаа абхиниббийл̣зд̇ваа д̇хуумааяад̇и жзва баж̇ж̇алад̇и жаа’’д̇и жинд̇зд̇ваа ‘‘бхо, д̇увам̣ госий’’д̇и бадибужчи. ‘‘ахам̣ ко, нанд̣̇а, мог̇г̇аллаано’’д̇и. ‘‘бханд̇з, ад̇д̇ано бхигкубхаавзна д̇идтаахий’’д̇и.
Avasāne mahāmoggallānatthero – ‘‘ahaṃ, bhante, damemi na’’nti āha. ‘‘Damehi, moggallānā’’ti bhagavā anujāni. Thero attabhāvaṃ vijahitvā mahantaṃ nāgarājavaṇṇaṃ abhinimminitvā nandopanandaṃ cuddasakkhattuṃ bhogehi parikkhipitvā tassa phaṇamatthake attano phaṇaṃ ṭhapetvā sinerunā saddhiṃ abhinippīḷesi. Nāgarājā dhūmāyi. Theropi ‘‘na tuyhaṃyeva sarīre dhūmo atthi, mayhampi atthī’’ti dhūmāyi. Nāgarājassa dhūmo theraṃ na bādhati, therassa pana dhūmo nāgarājaṃ bādhati. Tato nāgarājā pajjali, theropi ‘‘na tuyhaṃyeva sarīre aggi atthi, mayhampi atthī’’ti pajjali. Nāgarājassa tejo theraṃ na bādhati, therassa pana tejo nāgarājānaṃ bādhati. Nāgarājā – ‘‘ayaṃ maṃ sinerunā abhinippīḷetvā dhūmāyati ceva pajjalati cā’’ti cintetvā ‘‘bho, tuvaṃ kosī’’ti paṭipucchi. ‘‘Ahaṃ kho, nanda, moggallāno’’ti. ‘‘Bhante, attano bhikkhubhāvena tiṭṭhāhī’’ti.
т̇зро д̇ам̣ ад̇д̇абхаавам̣ виж̇ахид̇ваа д̇асса д̣̇агкин̣аган̣н̣асод̇зна бависид̇ваа ваамаган̣н̣асод̇зна нигками, ваамаган̣н̣асод̇зна бависид̇ваа д̣̇агкин̣аган̣н̣асод̇зна нигками. д̇ат̇аа д̣̇агкин̣анаасасод̇зна бависид̇ваа вааманаасасод̇зна нигками, вааманаасасод̇зна бависид̇ваа д̣̇агкин̣анаасасод̇зна нигками. д̇ад̇о нааг̇арааж̇аа мукам̣ вивари, т̇зро мукзна бависид̇ваа анд̇огужчияам̣ баажийнзна жа бажчимзна жа жан̇гамад̇и. бхаг̇аваа – ‘‘мог̇г̇аллаана, манаси гарохи, махид̣̇д̇хиго нааг̇о’’д̇и ааха. т̇зро ‘‘маяхам̣ ко, бханд̇з, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, д̇идтад̇у, бханд̇з, нанд̣̇обананд̣̇о, ахам̣ нанд̣̇обананд̣̇асад̣̇исаанам̣ нааг̇арааж̇аанам̣ сад̇амби сахассамби д̣̇амзяяа’’нд̇иаад̣̇имааха.
Thero taṃ attabhāvaṃ vijahitvā tassa dakkhiṇakaṇṇasotena pavisitvā vāmakaṇṇasotena nikkhami, vāmakaṇṇasotena pavisitvā dakkhiṇakaṇṇasotena nikkhami. Tathā dakkhiṇanāsasotena pavisitvā vāmanāsasotena nikkhami, vāmanāsasotena pavisitvā dakkhiṇanāsasotena nikkhami. Tato nāgarājā mukhaṃ vivari, thero mukhena pavisitvā antokucchiyaṃ pācīnena ca pacchimena ca caṅkamati. Bhagavā – ‘‘moggallāna, manasi karohi, mahiddhiko nāgo’’ti āha. Thero ‘‘mayhaṃ kho, bhante, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, tiṭṭhatu, bhante, nandopanando, ahaṃ nandopanandasadisānaṃ nāgarājānaṃ satampi sahassampi dameyya’’ntiādimāha.
нааг̇арааж̇аа жинд̇зси – ‘‘бависанд̇о д̇аава мз на д̣̇идто, нигкаманагаалз д̣̇аани нам̣ д̣̇аатанд̇арз багкибид̇ваа каад̣̇иссаамий’’д̇и жинд̇зд̇ваа ‘‘нигкамат̇а, бханд̇з, маа мам̣ анд̇огужчияам̣ абараабарам̣ жан̇гаманд̇о б̣аад̇хаяид̇т̇аа’’д̇и ааха. т̇зро нигкамид̇ваа б̣ахи адтааси. нааг̇арааж̇аа ‘‘аяам̣ со’’д̇и д̣̇исваа наасаваад̇ам̣ виссаж̇ж̇и, т̇зро жад̇уд̇т̇аж̇жхаанам̣ самаабаж̇ж̇и, ломагуубамбисса ваад̇о жаалзд̇ум̣ наасагки. авасзсаа бхигкуу гира аад̣̇ид̇о бадтааяа саб̣б̣абаадихаарияаани гаад̇ум̣ саггун̣зяяум̣, имам̣ бана таанам̣ бад̇ваа звам̣ киббанисанд̇ино худ̇ваа самаабаж̇ж̇ид̇ум̣ на сагкиссанд̇ийд̇и нзсам̣ бхаг̇аваа нааг̇арааж̇ад̣̇аманам̣ наануж̇аани.
Nāgarājā cintesi – ‘‘pavisanto tāva me na diṭṭho, nikkhamanakāle dāni naṃ dāṭhantare pakkhipitvā khādissāmī’’ti cintetvā ‘‘nikkhamatha, bhante, mā maṃ antokucchiyaṃ aparāparaṃ caṅkamanto bādhayitthā’’ti āha. Thero nikkhamitvā bahi aṭṭhāsi. Nāgarājā ‘‘ayaṃ so’’ti disvā nāsavātaṃ vissajji, thero catutthajjhānaṃ samāpajji, lomakūpampissa vāto cāletuṃ nāsakkhi. Avasesā bhikkhū kira ādito paṭṭhāya sabbapāṭihāriyāni kātuṃ sakkuṇeyyuṃ, imaṃ pana ṭhānaṃ patvā evaṃ khippanisantino hutvā samāpajjituṃ na sakkhissantīti nesaṃ bhagavā nāgarājadamanaṃ nānujāni.
нааг̇арааж̇аа ‘‘ахам̣ имасса саман̣асса наасаваад̇зна ломагуубамби жаалзд̇ум̣ наасагки, махид̣̇д̇хиго со саман̣о’’д̇и жинд̇зси. т̇зро ад̇д̇абхаавам̣ виж̇ахид̇ваа субан̣н̣аруубам̣ абхинимминид̇ваа субан̣н̣аваад̇ам̣ д̣̇ассзнд̇о нааг̇арааж̇аанам̣ ануб̣анд̇хи. нааг̇арааж̇аа д̇ам̣ ад̇д̇абхаавам̣ виж̇ахид̇ваа маан̣авагаван̣н̣ам̣ абхинимминид̇ваа ‘‘бханд̇з, д̇умхаагам̣ саран̣ам̣ г̇ажчаамий’’д̇и вад̣̇анд̇о т̇зрасса баад̣̇з ванд̣̇и. т̇зро ‘‘сад̇т̇аа, нанд̣̇а, ааг̇ад̇о, зхи г̇амиссаамаа’’д̇и нааг̇арааж̇аанам̣ д̣̇амзд̇ваа ниб̣б̣исам̣ гад̇ваа г̇ахзд̇ваа бхаг̇авад̇о санд̇игам̣ аг̇амааси. нааг̇арааж̇аа бхаг̇аванд̇ам̣ ванд̣̇ид̇ваа ‘‘бханд̇з, д̇умхаагам̣ саран̣ам̣ г̇ажчаамий’’д̇и ааха. бхаг̇аваа ‘‘сукий хохи, нааг̇арааж̇аа’’д̇и вад̇ваа бхигкусан̇гхабаривуд̇о анаат̇абин̣д̣игасса нивзсанам̣ аг̇амааси.
Nāgarājā ‘‘ahaṃ imassa samaṇassa nāsavātena lomakūpampi cāletuṃ nāsakkhi, mahiddhiko so samaṇo’’ti cintesi. Thero attabhāvaṃ vijahitvā supaṇṇarūpaṃ abhinimminitvā supaṇṇavātaṃ dassento nāgarājānaṃ anubandhi. Nāgarājā taṃ attabhāvaṃ vijahitvā māṇavakavaṇṇaṃ abhinimminitvā ‘‘bhante, tumhākaṃ saraṇaṃ gacchāmī’’ti vadanto therassa pāde vandi. Thero ‘‘satthā, nanda, āgato, ehi gamissāmā’’ti nāgarājānaṃ dametvā nibbisaṃ katvā gahetvā bhagavato santikaṃ agamāsi. Nāgarājā bhagavantaṃ vanditvā ‘‘bhante, tumhākaṃ saraṇaṃ gacchāmī’’ti āha. Bhagavā ‘‘sukhī hohi, nāgarājā’’ti vatvā bhikkhusaṅghaparivuto anāthapiṇḍikassa nivesanaṃ agamāsi.
анаат̇абин̣д̣иго ‘‘гим̣, бханд̇з, ад̇ид̣̇иваа ааг̇ад̇ад̇т̇аа’’д̇и ааха. ‘‘мог̇г̇аллаанасса жа нанд̣̇обананд̣̇асса жа сан̇г̇аамо ахосий’’д̇и. ‘‘гасса бана, бханд̇з, ж̇аяо, гасса барааж̇аяо’’д̇и? ‘‘мог̇г̇аллаанасса ж̇аяо, нанд̣̇асса барааж̇аяо’’д̇и. анаат̇абин̣д̣иго ‘‘ад̇хиваасзд̇у мз, бханд̇з, бхаг̇аваа сад̇д̇аахам̣ згабадибаадияаа бхад̇д̇ам̣ сад̇д̇аахам̣ т̇зрасса саггаарам̣ гариссаамий’’д̇и вад̇ваа сад̇д̇аахам̣ б̣уд̣̇д̇хаббамукаанам̣ бан̃жаннам̣ бхигкусад̇аанам̣ махаасаггаарам̣ агааси. д̇зна вуд̇д̇ам̣ – ‘‘нанд̣̇обананд̣̇ад̣̇аманзна д̣̇ийбзд̇аб̣б̣о’’д̇и.
Anāthapiṇḍiko ‘‘kiṃ, bhante, atidivā āgatatthā’’ti āha. ‘‘Moggallānassa ca nandopanandassa ca saṅgāmo ahosī’’ti. ‘‘Kassa pana, bhante, jayo, kassa parājayo’’ti? ‘‘Moggallānassa jayo, nandassa parājayo’’ti. Anāthapiṇḍiko ‘‘adhivāsetu me, bhante, bhagavā sattāhaṃ ekapaṭipāṭiyā bhattaṃ sattāhaṃ therassa sakkāraṃ karissāmī’’ti vatvā sattāhaṃ buddhappamukhānaṃ pañcannaṃ bhikkhusatānaṃ mahāsakkāraṃ akāsi. Tena vuttaṃ – ‘‘nandopanandadamanena dīpetabbo’’ti.
згасмин̃хи самаяз буб̣б̣аараамз висаакааяа махааубаасигааяа гаарид̇асахассаг̇аб̣бхабадиман̣д̣ид̇з баасаад̣̇з бхаг̇авад̇и вихаранд̇з…бз… сам̣взж̇зси жа д̣̇звад̇аад̇и. д̇зна вуд̇д̇ам̣ –
Ekasmiñhi samaye pubbārāme visākhāya mahāupāsikāya kāritasahassagabbhapaṭimaṇḍite pāsāde bhagavati viharante…pe… saṃvejesi ca devatāti. Tena vuttaṃ –
‘‘д̇харан̣имби суг̇амбхийрам̣, б̣ахалам̣ д̣̇уббад̇хам̣сияам̣;
‘‘Dharaṇimpi sugambhīraṃ, bahalaṃ duppadhaṃsiyaṃ;
вааман̇г̇удтзна кобхзяяам̣, ид̣̇д̇хияаа баарамим̣ г̇ад̇о’’д̇и.
Vāmaṅguṭṭhena khobheyyaṃ, iddhiyā pāramiṃ gato’’ti.
д̇ад̇т̇а ид̣̇д̇хияаа баарамим̣ г̇ад̇од̇и вигуб̣б̣анид̣̇д̇хиаад̣̇иид̣̇д̇хияаа барияосаанам̣ г̇ад̇о бад̇д̇о.
Tattha iddhiyā pāramiṃ gatoti vikubbaniddhiādiiddhiyā pariyosānaṃ gato patto.
395. асмимаананд̇и ахамасми бан̃н̃аасийласамаад̇хисамбаннод̇иаад̣̇и асмимаанам̣ на бассаами на агкаамийд̇и ад̇т̇о. д̇ад̣̇зва д̣̇ийбзнд̇о маано маяхам̣ на виж̇ж̇ад̇ийд̇и ааха. сааман̣зрз убаад̣̇ааяаад̇и сааман̣зрз аад̣̇им̣ гад̇ваа сагалз бхигкусан̇гхз г̇аружид̇д̇ам̣ г̇аараважид̇д̇ам̣ аад̣̇араб̣ахумаанам̣ ахам̣ гаромийд̇и ад̇т̇о.
395.Asmimānanti ahamasmi paññāsīlasamādhisampannotiādi asmimānaṃ na passāmi na akkhāmīti attho. Tadeva dīpento māno mayhaṃ na vijjatīti āha. Sāmaṇere upādāyāti sāmaṇere ādiṃ katvā sakale bhikkhusaṅghe garucittaṃ gāravacittaṃ ādarabahumānaṃ ahaṃ karomīti attho.
396. абаримзяяз ид̇о габбзд̇и ид̇о амхаагам̣ уббаннагаббад̇о анд̇арагаббаад̣̇ийхи абаримзяяз згаасан̇кязяяасса убари сад̇асахассагаббамад̇т̇агзд̇и ад̇т̇о. яам̣ гаммамабхинийхаринд̇и аг̇г̇асаавагабхаавасса бад̣̇ам̣ бун̃н̃асамбад̇д̇им̣ буурзсим̣. д̇аахам̣ бхуумимануббад̇д̇од̇и ахам̣ д̇ам̣ саавагабхуумим̣ ануббад̇д̇о аасавагкаяасан̇каад̇ам̣ ниб̣б̣аанам̣ бад̇д̇о асми амхийд̇и ад̇т̇о.
396.Aparimeyye ito kappeti ito amhākaṃ uppannakappato antarakappādīhi aparimeyye ekaasaṅkhyeyyassa upari satasahassakappamatthaketi attho. Yaṃ kammamabhinīharinti aggasāvakabhāvassa padaṃ puññasampattiṃ pūresiṃ. Tāhaṃ bhūmimanuppattoti ahaṃ taṃ sāvakabhūmiṃ anuppatto āsavakkhayasaṅkhātaṃ nibbānaṃ patto asmi amhīti attho.
397. ад̇т̇абадисамбхид̣̇аад̣̇аяо жад̇ассо бадисамбхид̣̇аа сод̇аабад̇д̇имаг̇г̇аад̣̇аяо адта вимогкаа ид̣̇д̇хивид̇хаад̣̇аяо ча абхин̃н̃ааяо мз маяаа сажчигад̇аа бажжагкам̣ гад̇аа. б̣уд̣̇д̇хасса бхаг̇авад̇о оваад̣̇аанусаасанийсан̇каад̇ам̣ саасанам̣ маяаа гад̇ам̣ сийлабадибад̇д̇инибпаад̣̇анавасзна барияосаабид̇анд̇и ад̇т̇о.
397. Atthapaṭisambhidādayo catasso paṭisambhidā sotāpattimaggādayo aṭṭha vimokkhā iddhividhādayo cha abhiññāyo me mayā sacchikatā paccakkhaṃ katā. Buddhassa bhagavato ovādānusāsanīsaṅkhātaṃ sāsanaṃ mayā kataṃ sīlapaṭipattinipphādanavasena pariyosāpitanti attho.
ид̇т̇анд̇и иминаа багаарзна хздтаа вуд̇д̇аггамзна. звам̣ со згассзва аномад̣̇ассийб̣уд̣̇д̇хасса санд̇игз д̣̇вигкад̇д̇ум̣ б̣яаагаран̣ам̣ лабхи. гат̇ам̣? хздтаа вуд̇д̇анаязна сздти худ̇ваа д̇асса бхаг̇авад̇о санд̇игз лад̣̇д̇хаб̣яаагаран̣о д̇ад̇о жуд̇о саамуд̣̇д̣̇игз нааг̇абхаванз ниб̣б̣ад̇д̇о д̇ассзва бхаг̇авад̇о санд̇игз д̣̇ийгхааяугабхаавзна убахаарам̣ гад̇ваа ниманд̇зд̇ваа бхож̇зд̇ваа махаабууж̇ам̣ агааси. д̇ад̣̇ааби бхаг̇аваа б̣яаагаран̣ам̣ гат̇зси. суд̣̇анд̇и бад̣̇абууран̣з нибаад̇о. ааяасмаад̇и бияаважанам̣ г̇аруг̇аараваад̇хиважанам̣. махаамог̇г̇аллаанад̇т̇зро имаа абад̣̇аанаг̇аат̇ааяо абхаасид̇т̇а гат̇зси. ид̇ийд̇и барисамаабанад̇т̇з нибаад̇о.
Itthanti iminā pakārena heṭṭhā vuttakkamena. Evaṃ so ekasseva anomadassībuddhassa santike dvikkhattuṃ byākaraṇaṃ labhi. Kathaṃ? Heṭṭhā vuttanayena seṭṭhi hutvā tassa bhagavato santike laddhabyākaraṇo tato cuto sāmuddike nāgabhavane nibbatto tasseva bhagavato santike dīghāyukabhāvena upahāraṃ katvā nimantetvā bhojetvā mahāpūjaṃ akāsi. Tadāpi bhagavā byākaraṇaṃ kathesi. Sudanti padapūraṇe nipāto. Āyasmāti piyavacanaṃ garugāravādhivacanaṃ. Mahāmoggallānatthero imā apadānagāthāyo abhāsittha kathesi. Itīti parisamāpanatthe nipāto.
махаамог̇г̇аллаанад̇т̇зраабад̣̇аанаван̣н̣анаа самад̇д̇аа.
Mahāmoggallānattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3-2. махаамог̇г̇аллаанад̇т̇зраабад̣̇аанам̣ • 3-2. Mahāmoggallānattheraapadānaṃ
