Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā

20. садтинибаад̇о

20. Saṭṭhinipāto

1. махаамог̇г̇аллаанад̇т̇зраг̇аат̇ааван̣н̣анаа

1. Mahāmoggallānattheragāthāvaṇṇanā

садтинибаад̇з ааран̃н̃игаад̇иаад̣̇игаа ааяасмад̇о махаамог̇г̇аллаанад̇т̇зрасса г̇аат̇аа. гаа уббад̇д̇и? д̇асса вад̇т̇у д̇хаммасзнаабад̇ивад̇т̇умхи вуд̇д̇амзва. т̇зро хи баб̣б̣аж̇ид̇ад̣̇ивасад̇о сад̇д̇амз д̣̇ивасз маг̇ад̇харадтз галлаваалаг̇аамагам̣ убаниссааяа саман̣ад̇хаммам̣ гаронд̇о т̇инамид̣̇д̇хз огганд̇з сад̇т̇аараа – ‘‘мог̇г̇аллаана, мог̇г̇аллаана, маа, б̣раахман̣а, арияам̣ д̇ун̣хийбхаавам̣ бамаад̣̇о’’д̇иаад̣̇инаа (сам̣. ни. 2.235) сам̣взж̇ид̇о т̇инамид̣̇д̇хам̣ винод̣̇зд̇ваа бхаг̇авад̇аа вужжамаанам̣ д̇хаад̇угаммадтаанам̣ сун̣анд̇о зва вибассанам̣ вад̣дхзд̇ваа бадибаадияаа убаримаг̇г̇ад̇д̇аяам̣ убаг̇анд̇ваа аг̇г̇апалагкан̣з саавагабаарамийн̃аан̣асса мад̇т̇агам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.1.375-397) –

Saṭṭhinipāte āraññikātiādikā āyasmato mahāmoggallānattherassa gāthā. Kā uppatti? Tassa vatthu dhammasenāpativatthumhi vuttameva. Thero hi pabbajitadivasato sattame divase magadharaṭṭhe kallavālagāmakaṃ upanissāya samaṇadhammaṃ karonto thinamiddhe okkante satthārā – ‘‘moggallāna, moggallāna, mā, brāhmaṇa, ariyaṃ tuṇhībhāvaṃ pamādo’’tiādinā (saṃ. ni. 2.235) saṃvejito thinamiddhaṃ vinodetvā bhagavatā vuccamānaṃ dhātukammaṭṭhānaṃ suṇanto eva vipassanaṃ vaḍḍhetvā paṭipāṭiyā uparimaggattayaṃ upagantvā aggaphalakkhaṇe sāvakapāramīñāṇassa matthakaṃ pāpuṇi. Tena vuttaṃ apadāne (apa. thera 1.1.375-397) –

‘‘аномад̣̇ассий бхаг̇аваа, логаж̇здто нараасабхо;

‘‘Anomadassī bhagavā, lokajeṭṭho narāsabho;

вихааси химаванд̇амхи, д̣̇звасан̇гхабурагкад̇о.

Vihāsi himavantamhi, devasaṅghapurakkhato.

‘‘варун̣о наама наамзна, нааг̇арааж̇аа ахам̣ д̇ад̣̇аа;

‘‘Varuṇo nāma nāmena, nāgarājā ahaṃ tadā;

гаамаруубий вигуб̣б̣аами, маход̣̇ад̇хиниваасахам̣.

Kāmarūpī vikubbāmi, mahodadhinivāsahaṃ.

‘‘сан̇г̇ан̣ияам̣ г̇ан̣ам̣ хид̇ваа, д̇уурияам̣ бадтабзсахам̣;

‘‘Saṅgaṇiyaṃ gaṇaṃ hitvā, tūriyaṃ paṭṭhapesahaṃ;

самб̣уд̣̇д̇хам̣ бариваарзд̇ваа, ваад̣̇зсум̣ ажчараа д̇ад̣̇аа.

Sambuddhaṃ parivāretvā, vādesuṃ accharā tadā.

‘‘важ̇ж̇амаанзсу д̇уурзсу, д̣̇зваа д̇уураани важ̇ж̇аяум̣;

‘‘Vajjamānesu tūresu, devā tūrāni vajjayuṃ;

убхиннам̣ сад̣̇д̣̇ам̣ суд̇ваана, б̣уд̣̇д̇хоби самбаб̣уж̇жхат̇а.

Ubhinnaṃ saddaṃ sutvāna, buddhopi sampabujjhatha.

‘‘ниманд̇зд̇ваана самб̣уд̣̇д̇хам̣, сагам̣ бхаванубааг̇амим̣;

‘‘Nimantetvāna sambuddhaṃ, sakaṃ bhavanupāgamiṃ;

аасанам̣ бан̃н̃абзд̇ваана, гааламаарожаяим̣ ахам̣.

Āsanaṃ paññapetvāna, kālamārocayiṃ ahaṃ.

‘‘кийн̣аасавасахассзхи, баривуд̇о логанааяаго;

‘‘Khīṇāsavasahassehi, parivuto lokanāyako;

обхаасзнд̇о д̣̇исаа саб̣б̣аа, бхаванам̣ мз убааг̇ами.

Obhāsento disā sabbā, bhavanaṃ me upāgami.

‘‘убавидтам̣ махаавийрам̣, д̣̇звад̣̇звам̣ нараасабхам̣;

‘‘Upaviṭṭhaṃ mahāvīraṃ, devadevaṃ narāsabhaṃ;

сабхигкусан̇гхам̣ д̇аббзсим̣, аннабаанзнахам̣ д̇ад̣̇аа.

Sabhikkhusaṅghaṃ tappesiṃ, annapānenahaṃ tadā.

‘‘анумод̣̇и махаавийро, саяамбхуу аг̇г̇абуг̇г̇ало;

‘‘Anumodi mahāvīro, sayambhū aggapuggalo;

бхигкусан̇гхз нисийд̣̇ид̇ваа, имаа г̇аат̇аа абхаасат̇а.

Bhikkhusaṅghe nisīditvā, imā gāthā abhāsatha.

‘‘яо со сан̇гхам̣ абууж̇зси, б̣уд̣̇д̇хан̃жа логанааяагам̣;

‘‘Yo so saṅghaṃ apūjesi, buddhañca lokanāyakaṃ;

д̇зна жид̇д̇аббасаад̣̇зна, д̣̇звалогам̣ г̇амиссад̇и.

Tena cittappasādena, devalokaṃ gamissati.

‘‘сад̇д̇асад̇д̇ад̇игкад̇д̇ун̃жа, д̣̇звараж̇ж̇ам̣ гариссад̇и;

‘‘Sattasattatikkhattuñca, devarajjaṃ karissati;

бат̇аб̣яаа раж̇ж̇ам̣ адтасад̇ам̣, васуд̇хам̣ аавасиссад̇и.

Pathabyā rajjaṃ aṭṭhasataṃ, vasudhaṃ āvasissati.

‘‘бан̃жабан̃н̃аасагкад̇д̇ун̃жа, жаггавад̇д̇ий бхависсад̇и;

‘‘Pañcapaññāsakkhattuñca, cakkavattī bhavissati;

бхог̇аа асан̇кияаа д̇асса, уббаж̇ж̇иссанд̇и д̇аавад̣̇з.

Bhogā asaṅkhiyā tassa, uppajjissanti tāvade.

‘‘абаримзяяз ид̇о габбз, оггаагагуласамбхаво;

‘‘Aparimeyye ito kappe, okkākakulasambhavo;

г̇од̇амо наама г̇од̇д̇зна, сад̇т̇аа логз бхависсад̇и.

Gotamo nāma gottena, satthā loke bhavissati.

‘‘нираяаа со жавид̇ваана, мануссад̇д̇ам̣ г̇амиссад̇и;

‘‘Nirayā so cavitvāna, manussattaṃ gamissati;

голид̇о наама наамзна, б̣рахмаб̣анд̇ху бхависсад̇и.

Kolito nāma nāmena, brahmabandhu bhavissati.

‘‘со бажчаа баб̣б̣аж̇ид̇ваана, гусаламуулзна жод̣̇ид̇о;

‘‘So pacchā pabbajitvāna, kusalamūlena codito;

г̇од̇амасса бхаг̇авад̇о, д̣̇уд̇ияо хзссад̇и сааваго.

Gotamassa bhagavato, dutiyo hessati sāvako.

‘‘аарад̣̇д̇хавийрияо бахид̇ад̇д̇о, ид̣̇д̇хияаа баарамим̣ г̇ад̇о;

‘‘Āraddhavīriyo pahitatto, iddhiyā pāramiṃ gato;

саб̣б̣аасавз барин̃н̃ааяа, ниб̣б̣ааяиссад̇инаасаво.

Sabbāsave pariññāya, nibbāyissatināsavo.

‘‘баабамид̇д̇обаниссааяа, гаамарааг̇авасам̣ г̇ад̇о;

‘‘Pāpamittopanissāya, kāmarāgavasaṃ gato;

маад̇арам̣ бид̇аран̃жааби, гхаад̇аяим̣ д̣̇удтамаанасо.

Mātaraṃ pitarañcāpi, ghātayiṃ duṭṭhamānaso.

‘‘яам̣ яам̣ яонубабаж̇ж̇аами, нираяам̣ ат̇а маанусам̣;

‘‘Yaṃ yaṃ yonupapajjāmi, nirayaṃ atha mānusaṃ;

баабагаммасаман̇г̇ид̇аа, бхиннасийсо мараамахам̣.

Pāpakammasamaṅgitā, bhinnasīso marāmahaṃ.

‘‘ид̣̇ам̣ бажчимагам̣ маяхам̣, жаримо вад̇д̇ад̇з бхаво;

‘‘Idaṃ pacchimakaṃ mayhaṃ, carimo vattate bhavo;

ид̇хааби зд̣̇исо маяхам̣, маран̣агаалз бхависсад̇и.

Idhāpi ediso mayhaṃ, maraṇakāle bhavissati.

‘‘бавивзгамануяуд̇д̇о, самаад̇хибхааванаарад̇о;

‘‘Pavivekamanuyutto, samādhibhāvanārato;

саб̣б̣аасавз барин̃н̃ааяа, вихараами анаасаво.

Sabbāsave pariññāya, viharāmi anāsavo.

‘‘д̇харан̣имби суг̇амбхийрам̣, б̣ахалам̣ д̣̇уббад̇хам̣сияам̣;

‘‘Dharaṇimpi sugambhīraṃ, bahalaṃ duppadhaṃsiyaṃ;

вааман̇г̇удтзна кобхзяяам̣, ид̣̇д̇хияаа баарамим̣ г̇ад̇о.

Vāmaṅguṭṭhena khobheyyaṃ, iddhiyā pāramiṃ gato.

‘‘асмимаанам̣ на бассаами, маано маяхам̣ на виж̇ж̇ад̇и;

‘‘Asmimānaṃ na passāmi, māno mayhaṃ na vijjati;

сааман̣зрз убаад̣̇ааяа, г̇аружид̇д̇ам̣ гаромахам̣.

Sāmaṇere upādāya, garucittaṃ karomahaṃ.

‘‘абаримзяяз ид̇о габбз, яам̣ гаммамабхинийхарим̣;

‘‘Aparimeyye ito kappe, yaṃ kammamabhinīhariṃ;

д̇аахам̣ бхуумимануббад̇д̇о, бад̇д̇омхи аасавагкаяам̣.

Tāhaṃ bhūmimanuppatto, pattomhi āsavakkhayaṃ.

‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.

‘‘Paṭisambhidā catasso…pe… kataṃ buddhassa sāsana’’nti.

ат̇а нам̣ сад̇т̇аа абарабхааг̇з ж̇зд̇аванамахаавихаарз арияаг̇ан̣амаж̇жхз нисинно д̇зна д̇зна г̇ун̣зна ад̇д̇ано саавагз зд̇ад̣̇аг̇г̇з табзнд̇о ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ид̣̇д̇химанд̇аанам̣ яад̣̇ид̣̇ам̣ махаамог̇г̇аллаано’’д̇и (а. ни. 1.188, 190) ид̣̇д̇химанд̇ад̇ааяа зд̇ад̣̇аг̇г̇з табзси. д̇зна звам̣ сад̇т̇аараа зд̇ад̣̇аг̇г̇з табид̇зна саавагабаарамияаа мад̇т̇агам̣ бад̇д̇зна махаат̇зрзна д̇ам̣ д̇ам̣ нимид̇д̇ам̣ ааг̇амма д̇ад̇т̇а д̇ад̇т̇а бхаасид̇аа г̇аат̇аа, д̇аа сан̇г̇ийд̇игаалз д̇хаммасан̇г̇аахагзхи –

Atha naṃ satthā aparabhāge jetavanamahāvihāre ariyagaṇamajjhe nisinno tena tena guṇena attano sāvake etadagge ṭhapento ‘‘etadaggaṃ, bhikkhave, mama sāvakānaṃ bhikkhūnaṃ iddhimantānaṃ yadidaṃ mahāmoggallāno’’ti (a. ni. 1.188, 190) iddhimantatāya etadagge ṭhapesi. Tena evaṃ satthārā etadagge ṭhapitena sāvakapāramiyā matthakaṃ pattena mahātherena taṃ taṃ nimittaṃ āgamma tattha tattha bhāsitā gāthā, tā saṅgītikāle dhammasaṅgāhakehi –

1149.

‘‘ааран̃н̃игаа бин̣д̣абаад̇игаа, ун̃чаабад̇д̇ааг̇ад̇з рад̇аа;

‘‘Āraññikā piṇḍapātikā, uñchāpattāgate ratā;

д̣̇аалзму мажжуно сзнам̣, аж̇жхад̇д̇ам̣ сусамаахид̇аа.

Dālemu maccuno senaṃ, ajjhattaṃ susamāhitā.

1150.

‘‘ааран̃н̃игаа бин̣д̣абаад̇игаа, ун̃чаабад̇д̇ааг̇ад̇з рад̇аа;

‘‘Āraññikā piṇḍapātikā, uñchāpattāgate ratā;

д̇хунаама мажжуно сзнам̣, нал̣ааг̇аарам̣ва гун̃ж̇аро.

Dhunāma maccuno senaṃ, naḷāgāraṃva kuñjaro.

1151.

‘‘ругкамуулигаа саад̇ад̇игаа, ун̃чаабад̇д̇ааг̇ад̇з рад̇аа;

‘‘Rukkhamūlikā sātatikā, uñchāpattāgate ratā;

д̣̇аалзму мажжуно сзнам̣, аж̇жхад̇д̇ам̣ сусамаахид̇аа.

Dālemu maccuno senaṃ, ajjhattaṃ susamāhitā.

1152.

‘‘ругкамуулигаа саад̇ад̇игаа, ун̃чаабад̇д̇ааг̇ад̇з рад̇аа;

‘‘Rukkhamūlikā sātatikā, uñchāpattāgate ratā;

д̇хунаама мажжуно сзнам̣, нал̣ааг̇аарам̣ва гун̃ж̇аро.

Dhunāma maccuno senaṃ, naḷāgāraṃva kuñjaro.

1153.

‘‘адтиган̇галагудигз, мам̣санхаарубасиб̣б̣ид̇з;

‘‘Aṭṭhikaṅkalakuṭike, maṃsanhārupasibbite;

д̇хирад̇т̇у бурз д̣̇уг̇г̇анд̇хз, бараг̇ад̇д̇з мамааяасз.

Dhiratthu pure duggandhe, paragatte mamāyase.

1154..

‘‘д̇ава сарийрам̣ навасод̇ам̣, д̣̇уг̇г̇анд̇хагарам̣ бариб̣анд̇хам̣;

‘‘Tava sarīraṃ navasotaṃ, duggandhakaraṃ paribandhaṃ;

бхигку бариваж̇ж̇аяад̇з д̇ам̣, мийл̣хан̃жа яат̇аа сужигаамо.

Bhikkhu parivajjayate taṃ, mīḷhañca yathā sucikāmo.

1156.

‘‘зван̃жз д̇ам̣ ж̇ано ж̇ан̃н̃аа, яат̇аа ж̇аанаами д̇ам̣ ахам̣;

‘‘Evañce taṃ jano jaññā, yathā jānāmi taṃ ahaṃ;

аарагаа бариваж̇ж̇зяяа, г̇уут̇адтаанам̣ва баавусз.

Ārakā parivajjeyya, gūthaṭṭhānaṃva pāvuse.

1157.

‘‘звамзд̇ам̣ махаавийра, яат̇аа саман̣а бхаасаси;

‘‘Evametaṃ mahāvīra, yathā samaṇa bhāsasi;

зд̇т̇а жзгз висийд̣̇анд̇и, бан̇гамхива ж̇араг̇г̇аво.

Ettha ceke visīdanti, paṅkamhiva jaraggavo.

1158.

‘‘аагаасамхи халид̣̇д̣̇ияаа, яо ман̃н̃зт̇а раж̇зд̇авз;

‘‘Ākāsamhi haliddiyā, yo maññetha rajetave;

ан̃н̃зна вааби ран̇г̇зна, вигхаад̇уд̣̇аяамзва д̇ам̣.

Aññena vāpi raṅgena, vighātudayameva taṃ.

1159.

‘‘д̇ад̣̇аагаасасамам̣ жид̇д̇ам̣, аж̇жхад̇д̇ам̣ сусамаахид̇ам̣;

‘‘Tadākāsasamaṃ cittaṃ, ajjhattaṃ susamāhitaṃ;

маа баабажид̇д̇з аасаад̣̇и, аг̇г̇иканд̇хам̣ва багкимаа.

Mā pāpacitte āsādi, aggikhandhaṃva pakkhimā.

1160.

‘‘басса жид̇д̇агад̇ам̣ б̣имб̣ам̣, аругааяам̣ самуссид̇ам̣;

‘‘Passa cittakataṃ bimbaṃ, arukāyaṃ samussitaṃ;

аад̇урам̣ б̣ахусан̇габбам̣, яасса над̇т̇и д̇хувам̣ тид̇и.

Āturaṃ bahusaṅkappaṃ, yassa natthi dhuvaṃ ṭhiti.

1161.

‘‘басса жид̇д̇агад̇ам̣ руубам̣, ман̣инаа гун̣д̣алзна жа;

‘‘Passa cittakataṃ rūpaṃ, maṇinā kuṇḍalena ca;

адтим̣ д̇ажзна онад̣̇д̇хам̣, саха вад̇т̇зхи собхад̇и.

Aṭṭhiṃ tacena onaddhaṃ, saha vatthehi sobhati.

1162.

‘‘алад̇д̇агагад̇аа баад̣̇аа, мукам̣ жун̣н̣агамагкид̇ам̣;

‘‘Alattakakatā pādā, mukhaṃ cuṇṇakamakkhitaṃ;

алам̣ б̣ааласса мохааяа, но жа баараг̇авзсино.

Alaṃ bālassa mohāya, no ca pāragavesino.

1163.

‘‘адтаабад̣̇агад̇аа гзсаа, нзд̇д̇аа ан̃ж̇анамагкид̇аа;

‘‘Aṭṭhāpadakatā kesā, nettā añjanamakkhitā;

алам̣ б̣ааласса мохааяа, но жа баараг̇авзсино.

Alaṃ bālassa mohāya, no ca pāragavesino.

1164.

‘‘ан̃ж̇анийва наваа жид̇д̇аа, бууд̇игааяо алан̇гад̇о;

‘‘Añjanīva navā cittā, pūtikāyo alaṅkato;

алам̣ б̣ааласса мохааяа, но жа баараг̇авзсино.

Alaṃ bālassa mohāya, no ca pāragavesino.

1165.

‘‘од̣̇ахи миг̇аво баасам̣, наасад̣̇аа вааг̇урам̣ миг̇о;

‘‘Odahi migavo pāsaṃ, nāsadā vāguraṃ migo;

бхуд̇ваа ниваабам̣ г̇ажчаама, гад̣̇д̣̇анд̇з миг̇аб̣анд̇хагз.

Bhutvā nivāpaṃ gacchāma, kaddante migabandhake.

1166.

‘‘чинно баасо миг̇авасса, наасад̣̇аа вааг̇урам̣ миг̇о;

‘‘Chinno pāso migavassa, nāsadā vāguraṃ migo;

бхуд̇ваа ниваабам̣ г̇ажчаама, сожанд̇з миг̇алуд̣̇д̣̇агз.

Bhutvā nivāpaṃ gacchāma, socante migaluddake.

1167.

‘‘д̇ад̣̇ааси яам̣ бхим̣санагам̣, д̇ад̣̇ааси ломахам̣санам̣;

‘‘Tadāsi yaṃ bhiṃsanakaṃ, tadāsi lomahaṃsanaṃ;

анзгаагаарасамбаннз, саарибуд̇д̇амхи ниб̣б̣уд̇з.

Anekākārasampanne, sāriputtamhi nibbute.

1168.

‘‘анижжаа вад̇а сан̇каараа, уббаад̣̇аваяад̇хаммино;

‘‘Aniccā vata saṅkhārā, uppādavayadhammino;

уббаж̇ж̇ид̇ваа нируж̇жханд̇и, д̇зсам̣ вуубасамо суко.

Uppajjitvā nirujjhanti, tesaṃ vūpasamo sukho.

1169.

‘‘сукумам̣ д̇з бадивиж̇жханд̇и, ваалаг̇г̇ам̣ усунаа яат̇аа;

‘‘Sukhumaṃ te paṭivijjhanti, vālaggaṃ usunā yathā;

яз бан̃жагканд̇хз бассанд̇и, барад̇о но жа ад̇д̇ад̇о.

Ye pañcakkhandhe passanti, parato no ca attato.

1170.

‘‘яз жа бассанд̇и сан̇каарз, барад̇о но жа ад̇д̇ад̇о;

‘‘Ye ca passanti saṅkhāre, parato no ca attato;

бажжаб̣яаад̇хим̣су нибун̣ам̣, ваалаг̇г̇ам̣ усунаа яат̇аа.

Paccabyādhiṃsu nipuṇaṃ, vālaggaṃ usunā yathā.

1171.

‘‘сад̇д̇ияаа вияа омадто, д̣аяхамаанова мад̇т̇агз;

‘‘Sattiyā viya omaṭṭho, ḍayhamānova matthake;

гаамарааг̇аббахаанааяа, сад̇о бхигку бариб̣б̣аж̇з.

Kāmarāgappahānāya, sato bhikkhu paribbaje.

1172.

‘‘сад̇д̇ияаа вияа омадто, д̣аяхамаанова мад̇т̇агз;

‘‘Sattiyā viya omaṭṭho, ḍayhamānova matthake;

бхаварааг̇аббахаанааяа, сад̇о бхигку бариб̣б̣аж̇з.

Bhavarāgappahānāya, sato bhikkhu paribbaje.

1173.

‘‘жод̣̇ид̇о бхаавид̇ад̇д̇зна, сарийранд̇имад̇хааринаа;

‘‘Codito bhāvitattena, sarīrantimadhārinā;

миг̇аарамаад̇убаасаад̣̇ам̣, баад̣̇ан̇г̇удтзна гамбаяим̣.

Migāramātupāsādaṃ, pādaṅguṭṭhena kampayiṃ.

1174.

‘‘наяид̣̇ам̣ сит̇иламаараб̣бха, наяид̣̇ам̣ аббзна т̇аамасаа;

‘‘Nayidaṃ sithilamārabbha, nayidaṃ appena thāmasā;

ниб̣б̣аанамад̇хиг̇анд̇аб̣б̣ам̣, саб̣б̣аг̇ант̇абаможанам̣.

Nibbānamadhigantabbaṃ, sabbaganthapamocanaṃ.

1175.

‘‘аяан̃жа д̣̇ахаро бхигку, аяамуд̇д̇амаборисо;

‘‘Ayañca daharo bhikkhu, ayamuttamaporiso;

д̇хаарзд̇и анд̇имам̣ д̣̇зхам̣, ж̇зд̇ваа маарам̣ савааханам̣.

Dhāreti antimaṃ dehaṃ, jetvā māraṃ savāhanaṃ.

1176.

‘‘вивараманубабханд̇и виж̇ж̇уд̇аа, взбхаарасса жа бан̣д̣авасса жа;

‘‘Vivaramanupabhanti vijjutā, vebhārassa ca paṇḍavassa ca;

наг̇авивараг̇ад̇о жхааяад̇и, буд̇д̇о аббадимасса д̇аад̣̇ино.

Nagavivaragato jhāyati, putto appaṭimassa tādino.

1177.

‘‘убасанд̇о убарад̇о, банд̇асзнаасано муни;

‘‘Upasanto uparato, pantasenāsano muni;

д̣̇ааяаад̣̇о б̣уд̣̇д̇хасздтасса, б̣рахмунаа абхиванд̣̇ид̇о.

Dāyādo buddhaseṭṭhassa, brahmunā abhivandito.

1178.

‘‘убасанд̇ам̣ убарад̇ам̣, банд̇асзнаасанам̣ муним̣;

‘‘Upasantaṃ uparataṃ, pantasenāsanaṃ muniṃ;

д̣̇ааяаад̣̇ам̣ б̣уд̣̇д̇хасздтасса, ванд̣̇а б̣раахман̣а гассабам̣.

Dāyādaṃ buddhaseṭṭhassa, vanda brāhmaṇa kassapaṃ.

1179.

‘‘яо жа ж̇аад̇исад̇ам̣ г̇ажчз, саб̣б̣аа б̣раахман̣аж̇аад̇ияо;

‘‘Yo ca jātisataṃ gacche, sabbā brāhmaṇajātiyo;

сод̇д̇ияо взд̣̇асамбанно, мануссзсу бунаббунам̣.

Sottiyo vedasampanno, manussesu punappunaṃ.

1180.

‘‘аж̇жхааяагоби жз асса, д̇ин̣н̣ам̣ взд̣̇аана баараг̇уу;

‘‘Ajjhāyakopi ce assa, tiṇṇaṃ vedāna pāragū;

зд̇асса ванд̣̇анааязд̇ам̣, галам̣ нааг̇гхад̇и сол̣асим̣.

Etassa vandanāyetaṃ, kalaṃ nāgghati soḷasiṃ.

1181.

‘‘яо со адта вимогкаани, бурзбхад̇д̇ам̣ апассаяи;

‘‘Yo so aṭṭha vimokkhāni, purebhattaṃ aphassayi;

ануломам̣ бадиломам̣, д̇ад̇о бин̣д̣ааяа г̇ажчад̇и.

Anulomaṃ paṭilomaṃ, tato piṇḍāya gacchati.

1182.

‘‘д̇аад̣̇исам̣ бхигкум̣ маасаад̣̇и, маад̇д̇аанам̣ кан̣и б̣раахман̣а;

‘‘Tādisaṃ bhikkhuṃ māsādi, māttānaṃ khaṇi brāhmaṇa;

абхиббасаад̣̇зхи манам̣, араханд̇амхи д̇аад̣̇инз;

Abhippasādehi manaṃ, arahantamhi tādine;

киббам̣ бан̃ж̇алиго ванд̣̇а, маа д̇з виж̇ади мад̇т̇агам̣.

Khippaṃ pañjaliko vanda, mā te vijaṭi matthakaṃ.

1183.

‘‘нзсо бассад̇и сад̣̇д̇хаммам̣, сам̣саарзна бурагкад̇о;

‘‘Neso passati saddhammaṃ, saṃsārena purakkhato;

ад̇хог̇амам̣ ж̇имхабат̇ам̣, гуммаг̇г̇амануд̇хаавад̇и.

Adhogamaṃ jimhapathaṃ, kummaggamanudhāvati.

1184.

‘‘гимийва мийл̣хасаллид̇д̇о, сан̇каарз ад̇химужчид̇о;

‘‘Kimīva mīḷhasallitto, saṅkhāre adhimucchito;

баг̇аал̣хо лаабхасаггаарз, д̇ужчо г̇ажчад̇и бодтило.

Pagāḷho lābhasakkāre, tuccho gacchati poṭṭhilo.

1185.

‘‘иман̃жа басса ааяанд̇ам̣, саарибуд̇д̇ам̣ суд̣̇ассанам̣;

‘‘Imañca passa āyantaṃ, sāriputtaṃ sudassanaṃ;

вимуд̇д̇ам̣ убхад̇обхааг̇з, аж̇жхад̇д̇ам̣ сусамаахид̇ам̣.

Vimuttaṃ ubhatobhāge, ajjhattaṃ susamāhitaṃ.

1186.

‘‘висаллам̣ кийн̣асам̣яог̇ам̣, д̇звиж̇ж̇ам̣ мажжухааяинам̣;

‘‘Visallaṃ khīṇasaṃyogaṃ, tevijjaṃ maccuhāyinaṃ;

д̣̇агкин̣зяяам̣ мануссаанам̣, бун̃н̃агкзд̇д̇ам̣ ануд̇д̇арам̣.

Dakkhiṇeyyaṃ manussānaṃ, puññakkhettaṃ anuttaraṃ.

1187. ‘‘зд̇з самб̣ахулаа д̣̇зваа, ид̣̇д̇химанд̇о яасассино.

1187. ‘‘Ete sambahulā devā, iddhimanto yasassino.

д̣̇аса д̣̇звасахассаани, саб̣б̣з б̣рахмабурохид̇аа;

Dasa devasahassāni, sabbe brahmapurohitā;

мог̇г̇аллаанам̣ намассанд̇аа, д̇идтанд̇и бан̃ж̇алийгад̇аа.

Moggallānaṃ namassantā, tiṭṭhanti pañjalīkatā.

1188.

‘‘намо д̇з бурисааж̇ан̃н̃а, намо д̇з бурисуд̇д̇ама;

‘‘Namo te purisājañña, namo te purisuttama;

яасса д̇з аасаваа кийн̣аа, д̣̇агкин̣зяяоси маариса.

Yassa te āsavā khīṇā, dakkhiṇeyyosi mārisa.

1189.

‘‘бууж̇ид̇о нарад̣̇звзна, уббанно маран̣аабхибхуу;

‘‘Pūjito naradevena, uppanno maraṇābhibhū;

бун̣д̣арийгам̣ва д̇оязна, сан̇каарзнубалимбад̇и.

Puṇḍarīkaṃva toyena, saṅkhārenupalimpati.

1190.

‘‘яасса мухуд̇д̇зна сахассад̇хаа лого, сам̣вид̣̇ид̇о саб̣рахмагаббо васи;

‘‘Yassa muhuttena sahassadhā loko, saṃvidito sabrahmakappo vasi;

ид̣̇д̇хиг̇ун̣з жуд̇убабаад̇з гаалз, бассад̇и д̣̇звад̇аа са бхигку.

Iddhiguṇe cutupapāte kāle, passati devatā sa bhikkhu.

1191.

‘‘саарибуд̇д̇ова бан̃н̃ааяа, сийлзна убасамзна жа;

‘‘Sāriputtova paññāya, sīlena upasamena ca;

яоби бааран̇г̇ад̇о бхигку, зд̇аавабарамо сияаа.

Yopi pāraṅgato bhikkhu, etāvaparamo siyā.

1192.

‘‘годисад̇асахассасса, ад̇д̇абхаавам̣ кан̣зна нимминз;

‘‘Koṭisatasahassassa, attabhāvaṃ khaṇena nimmine;

ахам̣ вигуб̣б̣анаасу гусало, васийбхууд̇омхи ид̣̇д̇хияаа.

Ahaṃ vikubbanāsu kusalo, vasībhūtomhi iddhiyā.

1193.

‘‘самаад̇хивиж̇ж̇аавасибаарамийг̇ад̇о, мог̇г̇аллаанаг̇од̇д̇о асид̇асса саасанз;

‘‘Samādhivijjāvasipāramīgato, moggallānagotto asitassa sāsane;

д̇хийро самужчинд̣̇и самаахид̇инд̣̇рияо, нааг̇о яат̇аа бууд̇илад̇ам̣ва б̣анд̇ханам̣.

Dhīro samucchindi samāhitindriyo, nāgo yathā pūtilataṃva bandhanaṃ.

1194.

‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;

‘‘Pariciṇṇo mayā satthā, kataṃ buddhassa sāsanaṃ;

охид̇о г̇аруго бхааро, бхаванзд̇д̇и самуухад̇аа.

Ohito garuko bhāro, bhavanetti samūhatā.

1195.

‘‘яасса жад̇т̇ааяа баб̣б̣аж̇ид̇о, аг̇аарасмаанаг̇аарияам̣;

‘‘Yassa catthāya pabbajito, agārasmānagāriyaṃ;

со мз ад̇т̇о ануббад̇д̇о, саб̣б̣асам̣яож̇анагкаяо.

So me attho anuppatto, sabbasaṃyojanakkhayo.

1196.

‘‘гийд̣̇исо нираяо ааси, яад̇т̇а д̣̇уссий абажжат̇а;

‘‘Kīdiso nirayo āsi, yattha dussī apaccatha;

вид̇хурам̣ саавагамаасаж̇ж̇а, гагусанд̇хан̃жа б̣раахман̣ам̣.

Vidhuraṃ sāvakamāsajja, kakusandhañca brāhmaṇaṃ.

1197.

‘‘сад̇ам̣ ааси аяосан̇гуу, саб̣б̣з бажжад̇д̇авзд̣̇анаа;

‘‘Sataṃ āsi ayosaṅkū, sabbe paccattavedanā;

ийд̣̇исо нираяо ааси, яад̇т̇а д̣̇уссий абажжат̇а;

Īdiso nirayo āsi, yattha dussī apaccatha;

вид̇хурам̣ саавагамаасаж̇ж̇а, гагусанд̇хан̃жа б̣раахман̣ам̣.

Vidhuraṃ sāvakamāsajja, kakusandhañca brāhmaṇaṃ.

1198.

‘‘яо зд̇амабхиж̇аанаад̇и, бхигку б̣уд̣̇д̇хасса сааваго;

‘‘Yo etamabhijānāti, bhikkhu buddhassa sāvako;

д̇аад̣̇исам̣ бхигкумаасаж̇ж̇а, ган̣ха д̣̇угкам̣ ниг̇ажчаси.

Tādisaṃ bhikkhumāsajja, kaṇha dukkhaṃ nigacchasi.

1199.

‘‘маж̇жхзсарасмим̣ д̇идтанд̇и, вимаанаа габбатааяино;

‘‘Majjhesarasmiṃ tiṭṭhanti, vimānā kappaṭhāyino;

взл̣урияаван̣н̣аа ружираа, ажжиманд̇о бабхассараа;

Veḷuriyavaṇṇā rucirā, accimanto pabhassarā;

ажчараа д̇ад̇т̇а нажжанд̇и, бут̇у наанад̇д̇аван̣н̣ияо.

Accharā tattha naccanti, puthu nānattavaṇṇiyo.

1200.

‘‘яо зд̇амабхиж̇аанаад̇и…бз… ган̣ха д̣̇угкам̣ ниг̇ажчаси.

‘‘Yo etamabhijānāti…pe… kaṇha dukkhaṃ nigacchasi.

1201.

‘‘яо вз б̣уд̣̇д̇хзна жод̣̇ид̇о, бхигкусан̇гхасса бзгкад̇о;

‘‘Yo ve buddhena codito, bhikkhusaṅghassa pekkhato;

миг̇аарамаад̇убаасаад̣̇ам̣, баад̣̇ан̇г̇удтзна гамбаяи.

Migāramātupāsādaṃ, pādaṅguṭṭhena kampayi.

1202.

‘‘яо зд̇амабхиж̇аанаад̇и…бз… ган̣ха д̣̇угкам̣ ниг̇ажчаси.

‘‘Yo etamabhijānāti…pe… kaṇha dukkhaṃ nigacchasi.

1203.

‘‘яо взж̇аяанд̇абаасаад̣̇ам̣, баад̣̇ан̇г̇удтзна гамбаяи;

‘‘Yo vejayantapāsādaṃ, pādaṅguṭṭhena kampayi;

ид̣̇д̇хиб̣алзнубад̇т̇ад̣̇д̇хо, сам̣взж̇зси жа д̣̇звад̇аа.

Iddhibalenupatthaddho, saṃvejesi ca devatā.

1204.

‘‘яо зд̇амабхиж̇аанаад̇и…бз… ган̣ха д̣̇угкам̣ ниг̇ажчаси.

‘‘Yo etamabhijānāti…pe… kaṇha dukkhaṃ nigacchasi.

1205.

‘‘яо взж̇аяанд̇абаасаад̣̇з, саггам̣ со барибужчад̇и;

‘‘Yo vejayantapāsāde, sakkaṃ so paripucchati;

аби аавусо ж̇аанааси, д̇ан̣хагкаяавимуд̇д̇ияо;

Api āvuso jānāsi, taṇhakkhayavimuttiyo;

д̇асса сагго вияаагааси, бан̃хам̣ будто яат̇аад̇ат̇ам̣.

Tassa sakko viyākāsi, pañhaṃ puṭṭho yathātathaṃ.

1206.

‘‘яо зд̇амабхиж̇аанаад̇и…бз… ган̣ха д̣̇угкам̣ ниг̇ажчаси.

‘‘Yo etamabhijānāti…pe… kaṇha dukkhaṃ nigacchasi.

1207.

‘‘яо б̣рахмаанам̣ барибужчад̇и, суд̇хаммааяам̣ тид̇о сабхам̣;

‘‘Yo brahmānaṃ paripucchati, sudhammāyaṃ ṭhito sabhaṃ;

аж̇ж̇ааби д̇яаавусо саа д̣̇идти, яаа д̇з д̣̇идти бурз аху;

Ajjāpi tyāvuso sā diṭṭhi, yā te diṭṭhi pure ahu;

бассаси вийд̇ивад̇д̇анд̇ам̣, б̣рахмалогз бабхассарам̣.

Passasi vītivattantaṃ, brahmaloke pabhassaraṃ.

1208.

‘‘д̇асса б̣рахмаа вияаагааси, бан̃хам̣ будто яат̇аад̇ат̇ам̣;

‘‘Tassa brahmā viyākāsi, pañhaṃ puṭṭho yathātathaṃ;

на мз маариса саа д̣̇идти, яаа мз д̣̇идти бурз аху.

Na me mārisa sā diṭṭhi, yā me diṭṭhi pure ahu.

1209.

‘‘бассаами вийд̇ивад̇д̇анд̇ам̣, б̣рахмалогз бабхассарам̣;

‘‘Passāmi vītivattantaṃ, brahmaloke pabhassaraṃ;

сохам̣ аж̇ж̇а гат̇ам̣ важ̇ж̇ам̣, ахам̣ нижжомхи сассад̇о.

Sohaṃ ajja kathaṃ vajjaṃ, ahaṃ niccomhi sassato.

1210.

‘‘яо зд̇амабхиж̇аанаад̇и…бз… ган̣ха д̣̇угкам̣ ниг̇ажчаси.

‘‘Yo etamabhijānāti…pe… kaṇha dukkhaṃ nigacchasi.

1211.

‘‘яо махаанзруно гуудам̣, вимогкзна апассаяи;

‘‘Yo mahāneruno kūṭaṃ, vimokkhena aphassayi;

ванам̣ буб̣б̣авид̣̇зхаанам̣, яз жа бхуумисаяаа нараа.

Vanaṃ pubbavidehānaṃ, ye ca bhūmisayā narā.

1212.

‘‘яо зд̇амабхиж̇аанаад̇и, бхигку б̣уд̣̇д̇хасса сааваго;

‘‘Yo etamabhijānāti, bhikkhu buddhassa sāvako;

д̇аад̣̇исам̣ бхигкумаасаж̇ж̇а, ган̣ха д̣̇угкам̣ ниг̇ажчаси.

Tādisaṃ bhikkhumāsajja, kaṇha dukkhaṃ nigacchasi.

1213.

‘‘на вз аг̇г̇и жзд̇аяад̇и, ахам̣ б̣аалам̣ д̣ахаамид̇и;

‘‘Na ve aggi cetayati, ahaṃ bālaṃ ḍahāmiti;

б̣аалова ж̇алид̇ам̣ аг̇г̇им̣, аасаж̇ж̇а нам̣ бад̣аяхад̇и.

Bālova jalitaṃ aggiṃ, āsajja naṃ paḍayhati.

1214.

‘‘звамзва д̇увам̣ маара, аасаж̇ж̇а нам̣ д̇ат̇ааг̇ад̇ам̣;

‘‘Evameva tuvaṃ māra, āsajja naṃ tathāgataṃ;

саяам̣ д̣ахиссаси ад̇д̇аанам̣, б̣аало аг̇г̇им̣ва сампусам̣.

Sayaṃ ḍahissasi attānaṃ, bālo aggiṃva samphusaṃ.

1215.

‘‘абун̃н̃ам̣ басавий мааро, аасаж̇ж̇а нам̣ д̇ат̇ааг̇ад̇ам̣;

‘‘Apuññaṃ pasavī māro, āsajja naṃ tathāgataṃ;

гинну ман̃н̃аси баабима, на мз баабам̣ вибажжад̇и.

Kinnu maññasi pāpima, na me pāpaṃ vipaccati.

1216.

‘‘гарад̇о д̇з жийяад̇з баабам̣, жирарад̇д̇ааяа анд̇ага;

‘‘Karato te cīyate pāpaṃ, cirarattāya antaka;

маара ниб̣б̣инд̣̇а б̣уд̣̇д̇хамхаа, аасам̣ маагааси бхигкусу.

Māra nibbinda buddhamhā, āsaṃ mākāsi bhikkhusu.

1217.

‘‘ид̇и маарам̣ ад̇аж̇ж̇зси, бхигку бхзсагал̣ааванз;

‘‘Iti māraṃ atajjesi, bhikkhu bhesakaḷāvane;

д̇ад̇о со д̣̇уммано яагко, д̇ад̇т̇званд̇арад̇хааяат̇аа’’д̇и. –

Tato so dummano yakkho, tatthevantaradhāyathā’’ti. –

ид̇т̇ам̣ суд̣̇ам̣ ааяасмаа махаамог̇г̇аллаано т̇зро г̇аат̇ааяо абхаасид̇т̇аад̇и.

Itthaṃ sudaṃ āyasmā mahāmoggallāno thero gāthāyo abhāsitthāti.

иминаа ануггамзна згажжам̣ сан̇г̇ахам̣ ааробзд̇ваа табид̇аа.

Iminā anukkamena ekaccaṃ saṅgahaṃ āropetvā ṭhapitā.

д̇ад̇т̇а ‘‘ааран̃н̃игаа’’д̇иаад̣̇игаа жад̇ассо г̇аат̇аа бхигкуунам̣ оваад̣̇ад̣̇аанавасзна бхаасид̇аа. ааран̃н̃игаад̇и г̇ааманд̇асзнаасанам̣ бадигкибид̇ваа ааран̃н̃агад̇худ̇ан̇г̇асамаад̣̇аанзна ааран̃н̃игаа. сан̇гхабхад̇д̇ам̣ бадигкибид̇ваа бин̣д̣абаад̇иган̇г̇асамаад̣̇аанзна бин̣д̣абаад̇игаа, гхарз гхарз лад̣̇д̇хабин̣д̣абаад̇зна яаабанагаа. ун̃чаабад̇д̇ааг̇ад̇з рад̇аад̇и ун̃чаажарияааяа бад̇д̇з ааг̇ад̇з бад̇д̇абарияаабаннз рад̇аа, д̇знзва абхирад̇аа санд̇удтаа. д̣̇аалзму мажжуно сзнанд̇и ад̇д̇аанам̣ анад̇т̇аж̇ананз сахааяабхаавуубаг̇аманад̇о мажжурааж̇асса сзнаабхууд̇ам̣ гилзсаваахиним̣ самужчинд̣̇зма. аж̇жхад̇д̇ам̣ сусамаахид̇аад̇и г̇ожараж̇жхад̇д̇зсу судту самаахид̇аа худ̇ваа, зд̇знасса бад̣̇ааланубааяамааха.

Tattha ‘‘āraññikā’’tiādikā catasso gāthā bhikkhūnaṃ ovādadānavasena bhāsitā. Āraññikāti gāmantasenāsanaṃ paṭikkhipitvā āraññakadhutaṅgasamādānena āraññikā. Saṅghabhattaṃ paṭikkhipitvā piṇḍapātikaṅgasamādānena piṇḍapātikā, ghare ghare laddhapiṇḍapātena yāpanakā. Uñchāpattāgateratāti uñchācariyāya patte āgate pattapariyāpanne ratā, teneva abhiratā santuṭṭhā. Dālemu maccuno senanti attānaṃ anatthajanane sahāyabhāvūpagamanato maccurājassa senābhūtaṃ kilesavāhiniṃ samucchindema. Ajjhattaṃ susamāhitāti gocarajjhattesu suṭṭhu samāhitā hutvā, etenassa padālanupāyamāha.

д̇хунаамаад̇и нид̣̇д̇хунаама вид̣̇д̇хам̣сзма.

Dhunāmāti niddhunāma viddhaṃsema.

саад̇ад̇игаад̇и саад̇ажжагаарино бхааванааяа сад̇ад̇абавад̇д̇авийрияаа.

Sātatikāti sātaccakārino bhāvanāya satatapavattavīriyā.

‘‘адтиган̇галагудигз’’д̇иаад̣̇игаа жад̇ассо г̇аат̇аа ад̇д̇аанам̣ балобхзд̇ум̣ убаг̇ад̇ааяа г̇ан̣игааяа оваад̣̇авасзна абхааси. д̇ад̇т̇а адтиган̇галагудигзд̇и адтисан̇калигаамаяагудигз. нхаарубасиб̣б̣ид̇зд̇и навахи нхаарусад̇зхи саманд̇ад̇о сиб̣б̣ид̇з. аран̃н̃з гудияо д̣̇ааруд̣̇ан̣д̣з уссаабзд̇ваа валлиаад̣̇ийхи б̣анд̇хид̇ваа гарияанд̇и, д̇вам̣ бана барамаж̇зг̇ужчзна адтиган̇галзна барамаж̇зг̇ужчзхзва нхааруухи б̣анд̇хид̇ваа гад̇аа, ад̇ивияа ж̇зг̇ужчаа бадиггуулаа жаад̇и д̣̇ассзд̇и. д̇хирад̇т̇у буурз д̣̇уг̇г̇анд̇хзд̇и гзсаломаад̣̇ино наанаббагаарасса асужино буурз барибун̣н̣з, д̇ад̇о зва д̣̇уг̇г̇анд̇хз д̇хирад̇т̇у д̇ава д̇хийгааро ход̇у. бараг̇ад̇д̇з мамааяасзд̇и ид̣̇ан̃жа д̇з д̣̇уг̇г̇анд̇хасса убари подасамудтаанам̣ бариссаяам̣ звам̣ асужид̣̇уг̇г̇анд̇хам̣ ж̇зг̇ужчам̣ бадиггууласамаад̣̇аанам̣ д̇аад̣̇исз зва ан̃н̃асмим̣ бад̣̇зсз сон̣асин̇г̇аалагимигулаад̣̇ийнам̣ г̇ад̇д̇абхууд̇з гал̣зварз мамад̇д̇ам̣ гароси.

‘‘Aṭṭhikaṅkalakuṭike’’tiādikā catasso gāthā attānaṃ palobhetuṃ upagatāya gaṇikāya ovādavasena abhāsi. Tattha aṭṭhikaṅkalakuṭiketi aṭṭhisaṅkhalikāmayakuṭike. Nhārupasibbiteti navahi nhārusatehi samantato sibbite. Araññe kuṭiyo dārudaṇḍe ussāpetvā valliādīhi bandhitvā kariyanti, tvaṃ pana paramajegucchena aṭṭhikaṅkalena paramajeguccheheva nhārūhi bandhitvā katā, ativiya jegucchā paṭikkūlā cāti dasseti. Dhiratthu pūre duggandheti kesalomādino nānappakārassa asucino pūre paripuṇṇe, tato eva duggandhe dhiratthu tava dhīkāro hotu. Paragatte mamāyaseti idañca te duggandhassa upari phoṭasamuṭṭhānaṃ parissayaṃ evaṃ asuciduggandhaṃ jegucchaṃ paṭikkūlasamādānaṃ tādise eva aññasmiṃ padese soṇasiṅgālakimikulādīnaṃ gattabhūte kaḷevare mamattaṃ karosi.

г̇уут̇абхасд̇зд̇и г̇уут̇абхарид̇абхасд̇асад̣̇исз. д̇ажонад̣̇д̇хзд̇и д̇ажзна онад̣̇д̇хз чавимад̇д̇абадижчаад̣̇ид̇агиб̣б̣исз. ураг̇ан̣д̣ибисаажинийд̇и урз тид̇аг̇ан̣д̣ад̣̇ваяавад̇ий бхаяаанагабхаавад̇о анад̇т̇аавахад̇о жа бисаажасад̣̇исий. яаани санд̣̇анд̇и саб̣б̣ад̣̇аад̇и яаани нава сод̇аани, нава ван̣амукаани саб̣б̣ад̣̇аа рад̇д̇инд̣̇ивам̣ санд̣̇анд̇и, саванд̇и, асужим̣ баг̇гхаранд̇и.

Gūthabhasteti gūthabharitabhastasadise. Taconaddheti tacena onaddhe chavimattapaṭicchāditakibbise. Uragaṇḍipisācinīti ure ṭhitagaṇḍadvayavatī bhayānakabhāvato anatthāvahato ca pisācasadisī. Yāni sandanti sabbadāti yāni nava sotāni, nava vaṇamukhāni sabbadā rattindivaṃ sandanti, savanti, asuciṃ paggharanti.

бариб̣анд̇ханд̇и саммаабадибад̇д̇ибариб̣анд̇хабхууд̇ам̣. бхигкууд̇и сам̣саарз бхаяам̣ игканд̇о бхиннагилзсо ваа д̣̇уурад̇о бариваж̇ж̇аяад̇зд̇и мамад̇д̇ам̣ на гарод̇и. мийл̣хан̃жа яат̇аа сужигаамод̇и жа-ид̇и нибаад̇амад̇д̇ам̣. яат̇аа сужиж̇аад̇иго сужимзва ижчанд̇о сасийсам̣ нхаад̇о мийл̣хам̣ д̣̇исваа д̣̇уурад̇ова бариваж̇ж̇зси, звамзвам̣ бхигкууд̇и ад̇т̇о.

Paribandhanti sammāpaṭipattiparibandhabhūtaṃ. Bhikkhūti saṃsāre bhayaṃ ikkhanto bhinnakileso vā dūrato parivajjayateti mamattaṃ na karoti. Mīḷhañca yathā sucikāmoti ca-iti nipātamattaṃ. Yathā sucijātiko sucimeva icchanto sasīsaṃ nhāto mīḷhaṃ disvā dūratova parivajjesi, evamevaṃ bhikkhūti attho.

зван̃жз д̇ам̣ ж̇ано ж̇ан̃н̃аа, яат̇аа ж̇аанаами д̇ам̣ аханд̇и звам̣ сарийрасан̃н̃ид̇ам̣ асужибун̃ж̇ам̣ яат̇аа ахам̣ яат̇аабхууд̇ам̣ ж̇аанаами, звамзва махааж̇ано ж̇аанзяяа, д̇ам̣ аарагаа д̣̇уурад̇ова бариваж̇ж̇зяяа. г̇уут̇адтаанам̣ва баавусзд̇и баавусагаалз гилиннаасужим̣ ниранд̇арам̣ г̇уут̇адтаанам̣ вияа сужиж̇аад̇иго. яасмаа бана д̇ам̣ яат̇аабхууд̇ам̣ на ж̇аанаад̇и, д̇асмаа д̇ад̇т̇а нимуг̇г̇о сийсам̣ на угкибад̇ийд̇и ад̇хиббааяо.

Evañce taṃ jano jaññā, yathā jānāmi taṃ ahanti evaṃ sarīrasaññitaṃ asucipuñjaṃ yathā ahaṃ yathābhūtaṃ jānāmi, evameva mahājano jāneyya, taṃ ārakā dūratova parivajjeyya. Gūthaṭṭhānaṃvapāvuseti pāvusakāle kilinnāsuciṃ nirantaraṃ gūthaṭṭhānaṃ viya sucijātiko. Yasmā pana taṃ yathābhūtaṃ na jānāti, tasmā tattha nimuggo sīsaṃ na ukkhipatīti adhippāyo.

звам̣ т̇зрзна сарийрз д̣̇осз вибхаавид̇з саа г̇ан̣игаа лаж̇ж̇ааванад̇амукаа т̇зрз г̇ааравам̣ бажжубадтабзд̇ваа ‘‘звамзд̇ам̣ махаавийраа’’д̇и г̇аат̇ам̣ вад̇ваа т̇зрам̣ ванд̣̇ид̇ваа адтааси. д̇ад̇т̇а зд̇т̇а жзгзд̇и звам̣ баагадабадиггууласабхаавзби зд̇асмим̣ гааяз згажжз сад̇д̇аа аасад̇д̇иб̣алавад̇ааяа висийд̣̇анд̇и висаад̣̇ам̣ аабаж̇ж̇анд̇и. бан̇гамхива ж̇араг̇г̇аво махаагад̣̇д̣̇амагужчияам̣ самбад̇ид̇ад̣̇уб̣б̣алаб̣алиб̣ад̣̇д̣̇о вияа б̣яасанамзва баабун̣анд̇ийд̇и ад̇т̇о.

Evaṃ therena sarīre dose vibhāvite sā gaṇikā lajjāvanatamukhā there gāravaṃ paccupaṭṭhapetvā ‘‘evametaṃ mahāvīrā’’ti gāthaṃ vatvā theraṃ vanditvā aṭṭhāsi. Tattha ettha ceketi evaṃ pākaṭapaṭikkūlasabhāvepi etasmiṃ kāye ekacce sattā āsattibalavatāya visīdanti visādaṃ āpajjanti. Paṅkamhiva jaraggavo mahākaddamakucchiyaṃ sampatitadubbalabalibaddo viya byasanameva pāpuṇantīti attho.

буна д̇ам̣ т̇зро маад̣̇исз зваруубаа бадибад̇д̇и нирад̇т̇агаа вигхаад̇аавахаа зваад̇и д̣̇ассзнд̇о ‘‘аагаасамхий’’д̇иаад̣̇инаа г̇аат̇аад̣̇ваяамааха. д̇ассад̇т̇о – яо буг̇г̇ало халид̣̇д̣̇ияаа ан̃н̃зна ваа ран̇г̇аж̇аад̇зна аагаасам̣ ран̃ж̇ид̇ум̣ ман̃н̃зяяа, д̇асса д̇ам̣ гаммам̣ вигхаад̇уд̣̇аяам̣ жид̇д̇авигхаад̇аавахамзва сияаа, яат̇аа д̇ам̣ ависаяз яог̇о.

Puna taṃ thero mādise evarūpā paṭipatti niratthakā vighātāvahā evāti dassento ‘‘ākāsamhī’’tiādinā gāthādvayamāha. Tassattho – yo puggalo haliddiyā aññena vā raṅgajātena ākāsaṃ rañjituṃ maññeyya, tassa taṃ kammaṃ vighātudayaṃ cittavighātāvahameva siyā, yathā taṃ avisaye yogo.

д̇ад̣̇аагаасасамам̣ жид̇д̇анд̇и д̇аяид̣̇ам̣ мама жид̇д̇ам̣ аагаасасамам̣ гад̇т̇ажи алаг̇г̇абхаавзна аж̇жхад̇д̇ам̣ судту самаахид̇ам̣, д̇асмаа маа баабажид̇д̇з аасаад̣̇ийд̇и гаамзсу нимуг̇г̇ад̇ааяа лаамагажид̇д̇з нихийнажид̇д̇з маад̣̇исз маа аасаад̣̇зхи. аг̇г̇иканд̇хам̣ва багкимаад̇и багкимаа салабхо аг̇г̇игканд̇хам̣ аасаад̣̇знд̇о анад̇т̇амзва баабун̣аад̇и, звам̣ самбад̣̇амид̣̇ам̣ д̇уяханд̇и д̣̇ассзд̇и.

Tadākāsasamaṃ cittanti tayidaṃ mama cittaṃ ākāsasamaṃ katthaci alaggabhāvena ajjhattaṃ suṭṭhu samāhitaṃ, tasmā mā pāpacitte āsādīti kāmesu nimuggatāya lāmakacitte nihīnacitte mādise mā āsādehi. Aggikhandhaṃva pakkhimāti pakkhimā salabho aggikkhandhaṃ āsādento anatthameva pāpuṇāti, evaṃ sampadamidaṃ tuyhanti dasseti.

басса жид̇д̇агад̇анд̇иаад̣̇игаа сад̇д̇а г̇аат̇аа д̇амзва г̇ан̣игам̣ д̣̇исваа вибаллад̇д̇ажид̇д̇аанам̣ бхигкуунам̣ оваад̣̇ад̣̇аанавасзна вуд̇д̇аа. д̇ам̣ суд̇ваа саа г̇ан̣игаа ман̇губхууд̇аа ааг̇ад̇амаг̇г̇знзва балаад̇аа.

Passa cittakatantiādikā satta gāthā tameva gaṇikaṃ disvā vipallattacittānaṃ bhikkhūnaṃ ovādadānavasena vuttā. Taṃ sutvā sā gaṇikā maṅkubhūtā āgatamaggeneva palātā.

д̇ад̣̇аасийд̇иаад̣̇игаа жад̇ассо г̇аат̇аа ааяасмад̇о саарибуд̇д̇ад̇т̇зрасса бариниб̣б̣аанам̣ аараб̣бха вуд̇д̇аа. д̇ад̇т̇а анзгаагаарасамбаннзд̇и анзгзхи сийласам̣вараад̣̇иббагаарзхи барибун̣н̣з.

Tadāsītiādikā catasso gāthā āyasmato sāriputtattherassa parinibbānaṃ ārabbha vuttā. Tattha anekākārasampanneti anekehi sīlasaṃvarādippakārehi paripuṇṇe.

сукумам̣ д̇з бадивиж̇жханд̇ийд̇и д̇з яог̇ино ад̇исукумам̣ бадивиж̇жханд̇и наама. яат̇аа гим̣? ваалаг̇г̇ам̣ усунаа яат̇аа яат̇аа сад̇ад̇хаабхиннасса вааласса згам̣ ам̣су аг̇г̇ам̣ рад̇д̇анд̇хагаарад̇имисааяа виж̇ж̇уллад̇обхаасзна виж̇жханд̇аа вияаад̇и ад̇т̇о. гз бана д̇зд̇и ааха ‘‘яз бан̃жагканд̇хз бассанд̇и, барад̇о но жа ад̇д̇ад̇о’’д̇и. д̇ад̇т̇а барад̇од̇и анад̇д̇ад̇о. д̇асса ад̇д̇аг̇г̇аахабадигкзбад̣̇ассанан̃хзд̇ам̣. д̇знааха ‘‘но жа ад̇д̇ад̇о’’д̇и. зд̇зна анад̇д̇ад̇о абхивудтид̇асса арияамаг̇г̇асса васзна д̣̇угкасажжз барин̃н̃аабхисамаяам̣ ааха, д̇ад̣̇авинаабхаавад̇о бана ид̇арзсамби абхисамаяаанам̣ суббадивиж̇жхад̇аа вуд̇д̇аа зва ход̇ийд̇и д̣̇адтаб̣б̣ам̣. гзжи бана ‘‘анад̇т̇агаарагад̇о барз наама бан̃жубаад̣̇аанагканд̇хаад̇и ‘барад̇о бассанд̇ий’д̇и иминаа висзсад̇о саб̣б̣оби саммад̣̇зва вуд̇д̇о’’д̇и вад̣̇анд̇и. бажжаб̣яаад̇хим̣сууд̇и бадивиж̇жхим̣су.

Sukhumaṃ te paṭivijjhantīti te yogino atisukhumaṃ paṭivijjhanti nāma. Yathā kiṃ? Vālaggaṃ usunā yathā yathā satadhābhinnassa vālassa ekaṃ aṃsu aggaṃ rattandhakāratimisāya vijjullatobhāsena vijjhantā viyāti attho. Ke pana teti āha ‘‘ye pañcakkhandhe passanti, parato no ca attato’’ti. Tattha paratoti anattato. Tassa attaggāhapaṭikkhepadassanañhetaṃ. Tenāha ‘‘no ca attato’’ti. Etena anattato abhivuṭṭhitassa ariyamaggassa vasena dukkhasacce pariññābhisamayaṃ āha, tadavinābhāvato pana itaresampi abhisamayānaṃ suppaṭivijjhatā vuttā eva hotīti daṭṭhabbaṃ. Keci pana ‘‘anatthakārakato pare nāma pañcupādānakkhandhāti ‘parato passantī’ti iminā visesato sabbopi sammadeva vutto’’ti vadanti. Paccabyādhiṃsūti paṭivijjhiṃsu.

сад̇д̇ияаа вияа омадтод̇и батамаг̇аат̇аа д̇иссад̇т̇зрам̣ аараб̣бха вуд̇д̇аа, д̣̇уд̇ияаа вад̣дхамаанад̇т̇зрам̣. д̇аа хздтаа вуд̇д̇ад̇т̇аава.

Sattiyāviya omaṭṭhoti paṭhamagāthā tissattheraṃ ārabbha vuttā, dutiyā vaḍḍhamānattheraṃ. Tā heṭṭhā vuttatthāva.

жод̣̇ид̇о бхаавид̇ад̇д̇знаад̇и г̇аат̇аа баасаад̣̇агамбанасуд̇д̇анд̇ам̣ аараб̣бха вуд̇д̇аа. д̇ад̇т̇а бхаавид̇ад̇д̇зна сарийранд̇имад̇хааринаад̇и бхаг̇аванд̇ам̣ санд̇хааяа вад̣̇ад̇и.

Coditobhāvitattenāti gāthā pāsādakampanasuttantaṃ ārabbha vuttā. Tattha bhāvitattena sarīrantimadhārināti bhagavantaṃ sandhāya vadati.

наяид̣̇ам̣ сит̇иламаараб̣бхаад̇иаад̣̇игаа д̣̇вз г̇аат̇аа хийнавийрияам̣ взд̣̇анаамагам̣ д̣̇ахарабхигкум̣ аараб̣бха вуд̇д̇аа. д̇ад̇т̇а сит̇иламаараб̣бхаад̇и сит̇илам̣ гад̇ваа вийрияам̣ агад̇ваа. аббзна т̇аамасаад̇и аббагзна вийрияаб̣алзна наяид̣̇ам̣ ниб̣б̣аанам̣ ад̇хиг̇анд̇аб̣б̣ам̣, маханд̇знзва бана жад̇уб̣б̣ид̇хасаммаббад̇хаанавийриязна бад̇д̇аб̣б̣анд̇и ад̇т̇о.

Nayidaṃ sithilamārabbhātiādikā dve gāthā hīnavīriyaṃ vedanāmakaṃ daharabhikkhuṃ ārabbha vuttā. Tattha sithilamārabbhāti sithilaṃ katvā vīriyaṃ akatvā. Appena thāmasāti appakena vīriyabalena nayidaṃ nibbānaṃ adhigantabbaṃ, mahanteneva pana catubbidhasammappadhānavīriyena pattabbanti attho.

вивараманубабханд̇ийд̇иаад̣̇игаа д̣̇вз г̇аат̇аа ад̇д̇ано вивзгабхаавам̣ аараб̣бха вуд̇д̇аа. д̇ад̇т̇а б̣рахмунаа абхиванд̣̇ид̇од̇и махааб̣рахмунаа сад̣̇звагзна логзна жа абхимукзна худ̇ваа т̇омид̇о намассид̇о жа.

Vivaramanupabhantītiādikā dve gāthā attano vivekabhāvaṃ ārabbha vuttā. Tattha brahmunā abhivanditoti mahābrahmunā sadevakena lokena ca abhimukhena hutvā thomito namassito ca.

убасанд̇ам̣ убарад̇анд̇иаад̣̇игаа бан̃жа г̇аат̇аа рааж̇аг̇ахам̣ бин̣д̣ааяа бависанд̇ам̣ махаагассабад̇т̇зрам̣ д̣̇исваа ‘‘гаал̣аган̣н̣ий маяаа д̣̇идтаа’’д̇и ологзд̇ваа тид̇ам̣ саарибуд̇д̇ад̇т̇зрасса бхааг̇инзяяам̣ мижчаад̣̇идтиб̣раахман̣ам̣ д̣̇исваа д̇асса анугамбааяа ‘‘аяам̣ б̣раахман̣о маа нассий’’д̇и арияуубаваад̣̇абадигхаад̇ад̇т̇ам̣ ‘‘т̇зрам̣ ванд̣̇аахий’’д̇и д̇ам̣ уяяож̇знд̇зна вуд̇д̇аа. д̇ад̇т̇а ж̇аад̇исад̇ам̣ г̇ажчзд̇и ж̇аад̇ийнам̣ сад̇ам̣ убаг̇ажчзяяа. сод̇д̇ияод̇и сод̇д̇ияаж̇аад̇иго. взд̣̇асамбаннод̇и н̃аан̣асамбанно. зд̇ассаад̇и т̇зрасса. аяан̃хзд̇т̇а сан̇кзбад̇т̇о – яо буг̇г̇ало уд̣̇ид̇од̣̇ид̇аа асамбхиннаа сад̇аб̣раахман̣аж̇аад̇ияо анубадибаадияаа уббаж̇ж̇анавасзна убаг̇ажчзяяа, д̇ад̇т̇а жа б̣раахман̣аанам̣ виж̇ж̇аасу нибпад̇д̇им̣ г̇ад̇о д̇ин̣н̣ам̣ взд̣̇аанам̣ баараг̇уу сияаа б̣раахман̣авад̇д̇ан̃жа буурзнд̇о, д̇ассзд̇ам̣ виж̇ж̇аад̣̇ианудтаанам̣ зд̇асса махаагассабад̇т̇зрасса ванд̣̇анааяа ванд̣̇анаамаяабун̃н̃асса сол̣асим̣ галам̣ нааг̇гхад̇и, ванд̣̇анаамаяабун̃н̃амзва д̇ад̇о маханд̇ад̇аранд̇и.

Upasantaṃ uparatantiādikā pañca gāthā rājagahaṃ piṇḍāya pavisantaṃ mahākassapattheraṃ disvā ‘‘kāḷakaṇṇī mayā diṭṭhā’’ti oloketvā ṭhitaṃ sāriputtattherassa bhāgineyyaṃ micchādiṭṭhibrāhmaṇaṃ disvā tassa anukampāya ‘‘ayaṃ brāhmaṇo mā nassī’’ti ariyūpavādapaṭighātatthaṃ ‘‘theraṃ vandāhī’’ti taṃ uyyojentena vuttā. Tattha jātisataṃ gaccheti jātīnaṃ sataṃ upagaccheyya. Sottiyoti sottiyajātiko. Vedasampannoti ñāṇasampanno. Etassāti therassa. Ayañhettha saṅkhepattho – yo puggalo uditoditā asambhinnā satabrāhmaṇajātiyo anupaṭipāṭiyā uppajjanavasena upagaccheyya, tattha ca brāhmaṇānaṃ vijjāsu nipphattiṃ gato tiṇṇaṃ vedānaṃ pāragū siyā brāhmaṇavattañca pūrento, tassetaṃ vijjādianuṭṭhānaṃ etassa mahākassapattherassa vandanāya vandanāmayapuññassa soḷasiṃ kalaṃ nāgghati, vandanāmayapuññameva tato mahantataranti.

адта вимогкаанийд̇и руубаж̇жхаанаад̣̇игз адта вимогкз. бхааванаавасзна хи лад̣̇д̇хаани руубаж̇жхаанаани бажжанийгад̇хаммзхи судту вимуд̇д̇ад̇ам̣ абхирад̇ивасзна аарамман̣з нираасан̇г̇ан̃жа бавад̇д̇им̣ убаад̣̇ааяа ‘‘вимогкааний’’д̇и вужжанд̇и. нирод̇хасамаабад̇д̇и бана бажжанийгад̇хаммзхи вимуд̇д̇ад̇д̇аа зва. ид̇ха бана жхаанамзва взд̣̇ид̇аб̣б̣ам̣. ануломам̣ бадиломанд̇и батамаж̇жхаанад̇о бадтааяа яаава нзвасан̃н̃аанаасан̃н̃ааяад̇анаа ануломам̣, нзвасан̃н̃аанаасан̃н̃ааяад̇анад̇о бадтааяа яаава батамаж̇жхаанаа бадиломам̣. бурзбхад̇д̇анд̇и бхад̇д̇агижжад̇о бурзязва. апассаяийд̇и анзгаагааравогаараа самаабад̇д̇ияо самаабаж̇ж̇и. д̇ад̇о бин̣д̣ааяа г̇ажчад̇ийд̇и д̇ад̇о самаабад̇д̇ид̇о вудтааяа, д̇ад̇о ваа самаабад̇д̇исамаабаж̇ж̇ид̇ад̇о бажчаа ид̣̇аани бин̣д̣ааяа г̇ажчад̇ийд̇и д̇ад̣̇аху бавад̇д̇ам̣ т̇зрасса бадибад̇д̇им̣ санд̇хааяа вад̣̇ад̇и. т̇зро бана д̣̇ивасз д̣̇ивасз д̇ат̇зва бадибаж̇ж̇ад̇и.

Aṭṭhavimokkhānīti rūpajjhānādike aṭṭha vimokkhe. Bhāvanāvasena hi laddhāni rūpajjhānāni paccanīkadhammehi suṭṭhu vimuttataṃ abhirativasena ārammaṇe nirāsaṅgañca pavattiṃ upādāya ‘‘vimokkhānī’’ti vuccanti. Nirodhasamāpatti pana paccanīkadhammehi vimuttattā eva. Idha pana jhānameva veditabbaṃ. Anulomaṃpaṭilomanti paṭhamajjhānato paṭṭhāya yāva nevasaññānāsaññāyatanā anulomaṃ, nevasaññānāsaññāyatanato paṭṭhāya yāva paṭhamajjhānā paṭilomaṃ. Purebhattanti bhattakiccato pureyeva. Aphassayīti anekākāravokārā samāpattiyo samāpajji. Tato piṇḍāya gacchatīti tato samāpattito vuṭṭhāya, tato vā samāpattisamāpajjitato pacchā idāni piṇḍāya gacchatīti tadahu pavattaṃ therassa paṭipattiṃ sandhāya vadati. Thero pana divase divase tatheva paṭipajjati.

д̇аад̣̇исам̣ бхигкум̣ маасаад̣̇ийд̇и яаад̣̇исасса г̇ун̣аа згад̣̇зсзна вуд̇д̇аа, д̇аад̣̇исам̣ д̇ат̇ааруубам̣ б̣уд̣̇д̇хаануб̣уд̣̇д̇хам̣ махаакийн̣аасавам̣ бхигкум̣ маа аасаад̣̇зхи. маад̇д̇аанам̣ кан̣и б̣раахман̣аад̇и аасаад̣̇анзна жа, б̣раахман̣а, маа ад̇д̇аанам̣ кан̣и, арияуубаваад̣̇зна ад̇д̇ано гусалад̇хаммам̣ ваа уммулзхи. абхиббасаад̣̇зхи мананд̇и ‘‘саад̇хуруубо вад̇а аяам̣ саман̣о’’д̇и ад̇д̇ано жид̇д̇ам̣ басаад̣̇зхи. маа д̇з виж̇ади мад̇т̇аганд̇и д̇ава мад̇т̇агам̣ д̇асмим̣ гад̇зна абараад̇хзна сад̇д̇ад̇хаа маа пали. д̇асмаа д̇асса бадигаарад̇т̇ам̣ киббамзва бан̃ж̇алиго ванд̣̇аад̇и. б̣раахман̣о д̇ам̣ суд̇ваа бхийд̇о сам̣виг̇г̇о ломахадтаж̇аад̇о д̇аавад̣̇зва т̇зрам̣ камаабзси.

Tādisaṃbhikkhuṃ māsādīti yādisassa guṇā ekadesena vuttā, tādisaṃ tathārūpaṃ buddhānubuddhaṃ mahākhīṇāsavaṃ bhikkhuṃ mā āsādehi. Māttānaṃ khaṇi brāhmaṇāti āsādanena ca, brāhmaṇa, mā attānaṃ khaṇi, ariyūpavādena attano kusaladhammaṃ vā ummulehi. Abhippasādehi mananti ‘‘sādhurūpo vata ayaṃ samaṇo’’ti attano cittaṃ pasādehi. Mā te vijaṭi matthakanti tava matthakaṃ tasmiṃ katena aparādhena sattadhā mā phali. Tasmā tassa paṭikāratthaṃ khippameva pañjaliko vandāti. Brāhmaṇo taṃ sutvā bhīto saṃviggo lomahaṭṭhajāto tāvadeva theraṃ khamāpesi.

нзсо бассад̇ийд̇иаад̣̇игаа д̣̇вз г̇аат̇аа бодтилам̣ наама бхигкум̣ саммаа абадибаж̇ж̇анд̇ам̣ мижчааж̇ийвагад̇ам̣ д̣̇исваа жод̣̇анаавасзна вуд̇д̇аа. д̇ад̇т̇а нзсо бассад̇и сад̣̇д̇хамманд̇и зсо бодтило бхигку сад̇ам̣ б̣уд̣̇д̇хаад̣̇ийнам̣ д̇хаммам̣ маг̇г̇апаланиб̣б̣аанам̣ на бассад̇и. гасмаа? сам̣саарзна бурагкад̇о сам̣саараб̣анд̇ханаавиж̇ж̇аад̣̇инаа бурагкад̇о абааязсу ниб̣б̣ад̇д̇анад̇о ад̇хог̇амам̣ хздтааг̇аамим̣ мааяаасаатзяяаануг̇ад̇ад̇д̇аа ж̇имхабат̇ам̣ мижчаамаг̇г̇абхаавад̇о гуммаг̇г̇абхууд̇ам̣ мижчааж̇ийвам̣ ануд̇хаавад̇и анубаривад̇д̇ад̇и.

Neso passatītiādikā dve gāthā poṭṭhilaṃ nāma bhikkhuṃ sammā apaṭipajjantaṃ micchājīvakataṃ disvā codanāvasena vuttā. Tattha neso passati saddhammanti eso poṭṭhilo bhikkhu sataṃ buddhādīnaṃ dhammaṃ maggaphalanibbānaṃ na passati. Kasmā? Saṃsārena purakkhato saṃsārabandhanaavijjādinā purakkhato apāyesu nibbattanato adhogamaṃ heṭṭhāgāmiṃ māyāsāṭheyyānugatattā jimhapathaṃ micchāmaggabhāvato kummaggabhūtaṃ micchājīvaṃ anudhāvati anuparivattati.

гимийва мийл̣хасаллид̇д̇од̇и г̇уут̇агимий вияа мийл̣хзна саманд̇ад̇о лид̇д̇о гилзсаасуживимиссид̇з сан̇каарз ад̇химужчид̇о аж̇жхаабанно. баг̇аал̣хо лаабхасаггаарзд̇и лаабхз жа саггаарз жа д̇ан̣хаавасзна багаарад̇о г̇аал̣хо ог̇аал̣хо. д̇ужчо г̇ажчад̇и бодтилод̇и ад̇хисийласигкаабхаавад̇о д̇ужчо асааро худ̇ваа бодтило бхигку г̇ажчад̇и бавад̇д̇ад̇и.

Kimīva mīḷhasallittoti gūthakimī viya mīḷhena samantato litto kilesāsucivimissite saṅkhāre adhimucchito ajjhāpanno. Pagāḷho lābhasakkāreti lābhe ca sakkāre ca taṇhāvasena pakārato gāḷho ogāḷho. Tuccho gacchati poṭṭhiloti adhisīlasikkhābhāvato tuccho asāro hutvā poṭṭhilo bhikkhu gacchati pavattati.

иман̃жа бассаад̇иаад̣̇игаа д̣̇вз г̇аат̇аа ааяасманд̇ам̣ саарибуд̇д̇ам̣ басам̣санд̇зна вуд̇д̇аа. д̇ад̇т̇а иман̃жа бассаад̇и ааяасманд̇ам̣ саарибуд̇д̇ад̇т̇зрам̣ д̣̇исваа басаннамаанасо ад̇д̇ано жид̇д̇ам̣ аалабад̇и. суд̣̇ассананд̇и асзгкаанам̣ сийлагканд̇хаанан̃жзва баарибуурияаа саавагабаарамийн̃аан̣асса жа баарибуурияаа сунд̣̇арад̣̇ассанам̣. вимуд̇д̇ам̣ убхад̇обхааг̇зд̇и убхад̇обхааг̇ад̇о вимуд̇д̇ад̇д̇аа убхад̇обхааг̇авимуд̇д̇ам̣ убхад̇обхааг̇зд̇и аруубасамаабад̇д̇ияаа руубагааяад̇о, маг̇г̇зна наамагааяад̇о, яат̇аарахам̣ д̇зхиязва вигкамбханасамужчзд̣̇абхааг̇зхи вимуд̇д̇анд̇и ад̇т̇о. саб̣б̣асо рааг̇асаллаад̣̇ийнам̣ абхаавзна висаллам̣ гаамаад̣̇ияог̇аанам̣ саммад̣̇зва кийн̣ад̇д̇аа кийн̣асам̣яог̇ам̣ субарисуд̣̇д̇хасса виж̇ж̇аад̇д̇аяасса ад̇хиг̇ад̇ад̇д̇аа д̇звиж̇ж̇ам̣ мажжурааж̇асса бхан̃ж̇ид̇ад̇д̇аа мажжухааяинам̣ бассаад̇и яож̇анаа.

Imañcapassātiādikā dve gāthā āyasmantaṃ sāriputtaṃ pasaṃsantena vuttā. Tattha imañca passāti āyasmantaṃ sāriputtattheraṃ disvā pasannamānaso attano cittaṃ ālapati. Sudassananti asekkhānaṃ sīlakkhandhānañceva pāripūriyā sāvakapāramīñāṇassa ca pāripūriyā sundaradassanaṃ. Vimuttaṃ ubhatobhāgeti ubhatobhāgato vimuttattā ubhatobhāgavimuttaṃ ubhatobhāgeti arūpasamāpattiyā rūpakāyato, maggena nāmakāyato, yathārahaṃ tehiyeva vikkhambhanasamucchedabhāgehi vimuttanti attho. Sabbaso rāgasallādīnaṃ abhāvena visallaṃ kāmādiyogānaṃ sammadeva khīṇattā khīṇasaṃyogaṃ suparisuddhassa vijjāttayassa adhigatattā tevijjaṃ maccurājassa bhañjitattā maccuhāyinaṃ passāti yojanā.

зд̇з самб̣ахулаад̇иаад̣̇игаа г̇аат̇аа ааяасмад̇аа саарибуд̇д̇ад̇т̇зрзна махаамог̇г̇аллаанад̇т̇зрам̣ басам̣санд̇зна вуд̇д̇аа. д̇ад̇т̇а бууж̇ид̇о нарад̣̇звзнаад̇и нарзхи жа д̣̇звзхи жа барамааяа бууж̇ааяа бууж̇ид̇о. уббанно маран̣аабхибхууд̇и логз уббанно худ̇ваа маран̣ам̣ абхибхавид̇ваа тид̇о. ат̇а ваа бууж̇ид̇о нарад̣̇звзна саммаасамб̣уд̣̇д̇хзна гааран̣абхууд̇зна арияааяа ж̇аад̇ияаа уббанно. саммаасамб̣уд̣̇д̇хо хи батамам̣ гаммунаа наро мануссо худ̇ваа бажчааби арияааяа ж̇аад̇ияаа уд̇д̇амо д̣̇зво д̣̇зваад̇ид̣̇зво ахоси, д̇асмаа ‘‘нарад̣̇зво’’д̇и вужжад̇и. бууж̇ид̇о нарад̣̇звзна бхаг̇авад̇аа басам̣саавасзна уббанно маран̣аабхибхууд̇з логз уббанно худ̇ваа маран̣аабхибхуу мажжухааяий. бун̣д̣арийгам̣ва д̇оязна уд̣̇агзна бун̣д̣арийгам̣ вияа сан̇каараг̇ад̇з д̇ан̣хаад̣̇идтилзбзна на убалимбад̇и, гад̇т̇ажиби аниссид̇од̇и ад̇т̇о.

Ete sambahulātiādikā gāthā āyasmatā sāriputtattherena mahāmoggallānattheraṃ pasaṃsantena vuttā. Tattha pūjito naradevenāti narehi ca devehi ca paramāya pūjāya pūjito. Uppanno maraṇābhibhūti loke uppanno hutvā maraṇaṃ abhibhavitvā ṭhito. Atha vā pūjito naradevena sammāsambuddhena kāraṇabhūtena ariyāya jātiyā uppanno. Sammāsambuddho hi paṭhamaṃ kammunā naro manusso hutvā pacchāpi ariyāya jātiyā uttamo devo devātidevo ahosi, tasmā ‘‘naradevo’’ti vuccati. Pūjito naradevena bhagavatā pasaṃsāvasena uppanno maraṇābhibhūte loke uppanno hutvā maraṇābhibhū maccuhāyī. Puṇḍarīkaṃva toyena udakena puṇḍarīkaṃ viya saṅkhāragate taṇhādiṭṭhilepena na upalimpati, katthacipi anissitoti attho.

яассаад̇и язна. мухуд̇д̇зд̇и кан̣амад̇д̇з гаалз. сахассад̇хаад̇и сахассабагааро. логод̇и огаасалого. аяан̃хзд̇т̇а ад̇т̇о – язна махид̣̇д̇хигзна ааяасмад̇аа махаамог̇г̇аллаанзна сахассилогад̇хаад̇у кан̣знзва саммад̣̇зва вид̣̇ид̇о, бажжагкад̇о н̃аад̇о саб̣рахмагаббо махааб̣рахмасад̣̇исо ааваж̇ж̇анаад̣̇ивасийбхааваббад̇д̇ияаа ид̣̇д̇хисамбад̣̇ааяа жуд̇уубабаад̇з жа васий. гаалз бассад̇ийд̇и д̇ад̣̇ануруубз гаалз д̣̇иб̣б̣зна жагкунаа д̣̇звад̇аа бассад̇ийд̇и.

Yassāti yena. Muhutteti khaṇamatte kāle. Sahassadhāti sahassapakāro. Lokoti okāsaloko. Ayañhettha attho – yena mahiddhikena āyasmatā mahāmoggallānena sahassilokadhātu khaṇeneva sammadeva vidito, paccakkhato ñāto sabrahmakappo mahābrahmasadiso āvajjanādivasībhāvappattiyā iddhisampadāya cutūpapāte ca vasī. Kāle passatīti tadanurūpe kāle dibbena cakkhunā devatā passatīti.

саарибуд̇д̇оваад̇иаад̣̇игаа г̇аат̇аа ааяасмад̇аа махаамог̇г̇аллаанзна ад̇д̇ано г̇ун̣з багаасзнд̇зна вуд̇д̇аа. д̇ад̇т̇а саарибуд̇д̇оваад̇и г̇аат̇ааяа аяам̣ сан̇кзбад̇т̇о – бан̃н̃ааяа бан̃н̃аасамбад̣̇ааяа, сийлзна сийласамбад̇д̇ияаа, убасамзна гилзсавуубасамзна, яо бхигку бааран̇г̇ад̇о баарам̣ барияанд̇ам̣ уггам̣сам̣ г̇ад̇о со саарибуд̇д̇о саавагзхи бан̃н̃аад̣̇ийхи г̇ун̣зхи барамуггам̣саг̇ад̇о. бан̃н̃ааяа сийлзна хи барамуггам̣саг̇ад̇о. зд̇аавабарамо сияаа зд̇абарамо зва, над̇т̇и д̇ад̇о уд̇д̇арийд̇и. имам̣ бана т̇зро яат̇аа саарибуд̇д̇о бан̃н̃ааяа уд̇д̇амо, д̇ат̇аа ахам̣ самаад̇хинаа уд̇д̇амод̇и д̣̇ийбзд̇ум̣ авожа. д̇знзвааха ‘‘годисад̇асахассассаа’’д̇иаад̣̇и.

Sāriputtovātiādikā gāthā āyasmatā mahāmoggallānena attano guṇe pakāsentena vuttā. Tattha sāriputtovāti gāthāya ayaṃ saṅkhepattho – paññāya paññāsampadāya, sīlena sīlasampattiyā, upasamena kilesavūpasamena, yo bhikkhu pāraṅgato pāraṃ pariyantaṃ ukkaṃsaṃ gato so sāriputto sāvakehi paññādīhi guṇehi paramukkaṃsagato. Paññāya sīlena hi paramukkaṃsagato. Etāvaparamo siyā etaparamo eva, natthi tato uttarīti. Imaṃ pana thero yathā sāriputto paññāya uttamo, tathā ahaṃ samādhinā uttamoti dīpetuṃ avoca. Tenevāha ‘‘koṭisatasahassassā’’tiādi.

д̇ад̇т̇а кан̣зна нимминзд̇и кан̣знзва годисад̇асахассаад̇д̇абхаавам̣ нимминзяяа ниммид̇ум̣ самад̇т̇о. д̇асса нимминанз на маяхам̣ бхааро ад̇т̇и. вигуб̣б̣анаасу гусало, васийбхууд̇омхи ид̣̇д̇хияаад̇и на гзвалам̣ маномаяавигуб̣б̣анаасу зва, саб̣б̣ааяаби ид̣̇д̇хияаа васийбхааваббад̇д̇о амхи.

Tattha khaṇena nimmineti khaṇeneva koṭisatasahassaattabhāvaṃ nimmineyya nimmituṃ samattho. Tassa nimminane na mayhaṃ bhāro atthi. Vikubbanāsu kusalo, vasībhūtomhi iddhiyāti na kevalaṃ manomayavikubbanāsu eva, sabbāyapi iddhiyā vasībhāvappatto amhi.

самаад̇хивиж̇ж̇аавасибаарамийг̇ад̇од̇и савид̇аггасавижаараад̣̇исамаад̇хийсу жзва буб̣б̣зниваасан̃аан̣аад̣̇ивиж̇ж̇аасу жа васийбхаавзна баарамим̣ годим̣ бад̇д̇о аси. д̇асса д̇ан̣хааниссаяаад̣̇ирахид̇асса сад̇т̇у саасанз яат̇аавуд̇д̇зхи г̇ун̣зхи уггам̣саг̇ад̇о. д̇хид̇исамбаннад̇ааяа д̇хийро, мог̇г̇аллаанаг̇од̇д̇о мог̇г̇аллаано, судту табид̇аинд̣̇рияад̇ааяа самаахид̇инд̣̇рияо, яат̇аа хад̇т̇инааг̇о бууд̇илад̇ааб̣анд̇ханам̣ сукзнзва чинд̣̇ад̇и, звам̣ сагалам̣ гилзсаб̣анд̇ханам̣ самужчинд̣̇и зваад̇и.

Samādhivijjāvasipāramīgatoti savitakkasavicārādisamādhīsu ceva pubbenivāsañāṇādivijjāsu ca vasībhāvena pāramiṃ koṭiṃ patto asi. Tassa taṇhānissayādirahitassa satthu sāsane yathāvuttehi guṇehi ukkaṃsagato. Dhitisampannatāya dhīro, moggallānagotto moggallāno, suṭṭhu ṭhapitaindriyatāya samāhitindriyo, yathā hatthināgo pūtilatābandhanaṃ sukheneva chindati, evaṃ sakalaṃ kilesabandhanaṃ samucchindi evāti.

гийд̣̇исо нираяо аасийд̇иаад̣̇аяо г̇аат̇аа годтам̣ анубависид̇ваа нигкамид̇ваа тид̇амаарам̣ д̇аж̇ж̇знд̇зна т̇зрзна вуд̇д̇аа. д̇ад̇т̇а гийд̣̇исод̇и гим̣багааро. яад̇т̇а д̣̇уссийд̇и яасмим̣ нираяз ‘‘д̣̇уссий’’д̇и звам̣наамо мааро. абажжат̇аад̇и нираяаг̇г̇инаа абажжи. вид̇хурам̣ сааваганд̇и вид̇хурам̣ наама гагусанд̇хасса бхаг̇авад̇о аг̇г̇асаавагам̣. аасаж̇ж̇аад̇и гхаддаяид̇ваа б̣аад̇хид̇ваа. гагусанд̇хан̃жа б̣раахман̣анд̇и гагусанд̇хан̃жа саммаасамб̣уд̣̇д̇хам̣ аасаж̇ж̇аад̇и ад̇т̇о. бхаг̇аванд̇ам̣ уд̣̇д̣̇исса гумаарам̣ аависид̇ваа маарзна кид̇д̇аа сагкараа т̇зрасса сийсз бад̇и.

Kīdisonirayo āsītiādayo gāthā koṭṭhaṃ anupavisitvā nikkhamitvā ṭhitamāraṃ tajjentena therena vuttā. Tattha kīdisoti kiṃpakāro. Yattha dussīti yasmiṃ niraye ‘‘dussī’’ti evaṃnāmo māro. Apaccathāti nirayagginā apacci. Vidhuraṃ sāvakanti vidhuraṃ nāma kakusandhassa bhagavato aggasāvakaṃ. Āsajjāti ghaṭṭayitvā bādhitvā. Kakusandhañca brāhmaṇanti kakusandhañca sammāsambuddhaṃ āsajjāti attho. Bhagavantaṃ uddissa kumāraṃ āvisitvā mārena khittā sakkharā therassa sīse pati.

сад̇ам̣ ааси аяосан̇гууд̇и д̇асмим̣ гира нираяз убабаннаанам̣ д̇иг̇аавуд̇о ад̇д̇абхааво ход̇и, д̣̇уссиймаарассааби д̇аад̣̇исова ахоси. ат̇а нираяабаалаа д̇аалагканд̇хаббамаан̣аанам̣ аяосуулаанам̣ аад̣̇ид̇д̇аанам̣ самбаж̇ж̇алид̇аанам̣ саж̇од̇ибхууд̇аанам̣ сад̇амзва г̇ахзд̇ваа ‘‘имасмим̣ва д̇з таанз тид̇зна хад̣̇аязна жинд̇зд̇ваа баабам̣ гад̇а’’нд̇и суд̇хаад̣̇он̣ияам̣ суд̇хам̣ годдзнд̇аа вияа хад̣̇аяамаж̇жхам̣ годдзд̇ваа бан̣н̣ааса ж̇анаа баад̣̇аабхимукаа, бан̣н̣ааса ж̇анаа сийсаабхимукаа годдзнд̇аа г̇ажчанд̇и, звам̣ г̇ажчанд̇аа жа бан̃жахи вассасад̇зхи убхо анд̇з бад̇ваа буна нивад̇д̇амаанаа бан̃жахи вассасад̇зхи хад̣̇аяамаж̇жхам̣ убаг̇ажчанд̇и, д̇ам̣ санд̇хааяа вуд̇д̇ам̣ ‘‘сад̇ам̣ ааси аяосан̇гуу’’д̇и. саб̣б̣з бажжад̇д̇авзд̣̇анаад̇и саяамзва баадиязггавзд̣̇анааж̇анагаа. саа гира взд̣̇анаа махаанираяавзд̣̇анаад̇о д̣̇угкад̇араа ход̇и, яат̇аа хи синзхабаанасад̇д̇аахад̇о барихаарасад̇д̇аахам̣ д̣̇угкад̇арам̣, звам̣ махаанираяад̣̇угкад̇о уссад̣̇з вудтаанавзд̣̇анаа д̣̇угкад̇араа. ийд̣̇исо нираяо аасийд̇и имасмим̣ таанз д̣̇звад̣̇ууд̇асуд̇д̇зна (а. ни. 3.36; ма. ни. 3.261) нираяо д̣̇ийбзд̇аб̣б̣о.

Sataṃ āsi ayosaṅkūti tasmiṃ kira niraye upapannānaṃ tigāvuto attabhāvo hoti, dussīmārassāpi tādisova ahosi. Atha nirayapālā tālakkhandhappamāṇānaṃ ayosūlānaṃ ādittānaṃ sampajjalitānaṃ sajotibhūtānaṃ satameva gahetvā ‘‘imasmiṃva te ṭhāne ṭhitena hadayena cintetvā pāpaṃ kata’’nti sudhādoṇiyaṃ sudhaṃ koṭṭentā viya hadayamajjhaṃ koṭṭetvā paṇṇāsa janā pādābhimukhā, paṇṇāsa janā sīsābhimukhā koṭṭentā gacchanti, evaṃ gacchantā ca pañcahi vassasatehi ubho ante patvā puna nivattamānā pañcahi vassasatehi hadayamajjhaṃ upagacchanti, taṃ sandhāya vuttaṃ ‘‘sataṃ āsi ayosaṅkū’’ti. Sabbe paccattavedanāti sayameva pāṭiyekkavedanājanakā. Sā kira vedanā mahānirayavedanāto dukkhatarā hoti, yathā hi sinehapānasattāhato parihārasattāhaṃ dukkhataraṃ, evaṃ mahānirayadukkhato ussade vuṭṭhānavedanā dukkhatarā. Īdiso nirayo āsīti imasmiṃ ṭhāne devadūtasuttena (a. ni. 3.36; ma. ni. 3.261) nirayo dīpetabbo.

яо зд̇амабхиж̇аанаад̇ийд̇и яо махаабхин̃н̃о зд̇ам̣ гаммапалан̃жа хад̇т̇ад̇алз табид̇ааамалагам̣ вияа абхимукам̣ гад̇ваа бажжагкад̇о ж̇аанаад̇и. бхигку б̣уд̣̇д̇хасса саавагод̇и бхиннагилзсо бхигку саммаасамб̣уд̣̇д̇хасса сааваго. ган̣ха, д̣̇угкам̣ ниг̇ажчасийд̇и зганд̇агаал̣агзхи баабад̇хаммзхи саманнааг̇ад̇ад̇д̇аа, ган̣ха маара, д̣̇угкам̣ винд̣̇иссаси.

Yo etamabhijānātīti yo mahābhiñño etaṃ kammaphalañca hatthatale ṭhapitaāmalakaṃ viya abhimukhaṃ katvā paccakkhato jānāti. Bhikkhu buddhassa sāvakoti bhinnakileso bhikkhu sammāsambuddhassa sāvako. Kaṇha, dukkhaṃ nigacchasīti ekantakāḷakehi pāpadhammehi samannāgatattā, kaṇha māra, dukkhaṃ vindissasi.

маж̇жхзсарасминд̇и махаасамуд̣̇д̣̇асса маж̇жхз гира уд̣̇агам̣ вад̇т̇ум̣ гад̇ваа ниб̣б̣ад̇д̇авимаанаани габбадтид̇игаани хонд̇и. д̇знааха ‘‘вимаанаа габбатааяино’’д̇и. д̇зсам̣ взл̣урияасса вияа ван̣н̣о ход̇и, баб̣б̣ад̇амад̇т̇агз ж̇алид̇анал̣аг̇г̇иканд̇хо вияа жа зд̇зсам̣ ажжияо ж̇од̇анд̇и, д̇зна д̇з ад̇ивияа бабхассараа бабхаасамбаннаа хонд̇и. д̇знааха ‘‘взл̣урияаван̣н̣аа ружираа, ажжиманд̇о бабхассараа’’д̇и. бут̇у наанад̇д̇аван̣н̣ияод̇и нийлаад̣̇ивасзна наанад̇д̇аван̣н̣аа б̣ахуу ажчараа д̇ад̇т̇а д̇зсу вимаанзсу нажжанд̇и.

Majjhesarasminti mahāsamuddassa majjhe kira udakaṃ vatthuṃ katvā nibbattavimānāni kappaṭṭhitikāni honti. Tenāha ‘‘vimānā kappaṭhāyino’’ti. Tesaṃ veḷuriyassa viya vaṇṇo hoti, pabbatamatthake jalitanaḷaggikhandho viya ca etesaṃ acciyo jotanti, tena te ativiya pabhassarā pabhāsampannā honti. Tenāha ‘‘veḷuriyavaṇṇā rucirā, accimanto pabhassarā’’ti. Puthunānattavaṇṇiyoti nīlādivasena nānattavaṇṇā bahū accharā tattha tesu vimānesu naccanti.

яо зд̇амабхиж̇аанаад̇ийд̇и яо зд̇ам̣ вимаанам̣ вад̇т̇ум̣ бажжагкам̣ гад̇ваа ж̇аанаад̇и. аяан̃хи ад̇т̇о вимаанабзд̇авад̇т̇уухи д̣̇ийбзд̇аб̣б̣о.

Yo etamabhijānātīti yo etaṃ vimānaṃ vatthuṃ paccakkhaṃ katvā jānāti. Ayañhi attho vimānapetavatthūhi dīpetabbo.

б̣уд̣̇д̇хзна жод̣̇ид̇од̇и саммаасамб̣уд̣̇д̇хзна жод̣̇ид̇о уяяож̇ид̇о. бхигкусан̇гхасса бзгкад̇од̇и махад̇о бхигкусан̇гхасса бассанд̇асса. миг̇аарамаад̇убаасаад̣̇ам̣ баад̣̇ан̇г̇удтзна гамбаяийд̇и (ма. ни. 1.513) буб̣б̣аараамз висаакааяа махааубаасигааяа гаарид̇ам̣ сахассаг̇аб̣бхабадиман̣д̣ид̇ам̣ махаабаасаад̣̇ам̣ ад̇д̇ано баад̣̇ан̇г̇удтзна гамбзсим̣. згасмин̃хи самаяз буб̣б̣аараамз яат̇аавуд̇д̇абаасаад̣̇з бхаг̇авад̇и вихаранд̇з самб̣ахулаа навагад̇араа бхигкуу убарибаасаад̣̇з нисиннаа сад̇т̇аарамби ажинд̇зд̇ваа д̇иражчаанагат̇ам̣ гат̇зд̇умаарад̣̇д̇хаа, д̇ам̣ суд̇ваа бхаг̇аваа д̇з сам̣взж̇зд̇ваа ад̇д̇ано д̇хаммад̣̇зсанааяа бхааж̇анабхууд̇з гаад̇угаамо ааяасманд̇ам̣ махаамог̇г̇аллаанад̇т̇зрам̣ ааманд̇зси – ‘‘бассаси д̇вам̣, мог̇г̇аллаана, навз бхигкуу д̇иражчаанагат̇амануяуд̇д̇з’’д̇и. д̇ам̣ суд̇ваа т̇зро сад̇т̇у аж̇жхаасаяам̣ н̃ад̇ваа абхин̃н̃аабаад̣̇агам̣ аабогасин̣аарамман̣ам̣ жад̇уд̇т̇аж̇жхаанам̣ самаабаж̇ж̇ид̇ваа вудтааяа ‘‘баасаад̣̇асса бад̇идтид̇огаасам̣ уд̣̇агам̣ ход̇уу’’д̇и ад̇хидтааяа баасаад̣̇амад̇т̇агз т̇уубигам̣ баад̣̇ан̇г̇удтзна бахари, баасаад̣̇о онамид̇ваа згзна бассзна адтааси. бунаби бахари, абарзна бассзна адтааси. д̇з бхигкуу бхийд̇аа сам̣виг̇г̇аа баасаад̣̇асса бад̇анабхаязна д̇ад̇о нигкамид̇ваа бхаг̇авад̇о самийбз адтам̣су. сад̇т̇аа д̇зсам̣ аж̇жхаасаяам̣ ологзд̇ваа д̇хаммам̣ д̣̇зсзд̇и. д̇ам̣ суд̇ваа д̇зсу гзжи сод̇аабад̇д̇ипалз бад̇идтахим̣су, гзжи сагад̣̇ааг̇аамипалз, гзжи анааг̇аамипалз, гзжи арахад̇д̇апалз бад̇идтахим̣су. свааяамад̇т̇о баасаад̣̇агамбанасуд̇д̇зна д̣̇ийбзд̇аб̣б̣о.

Buddhena coditoti sammāsambuddhena codito uyyojito. Bhikkhusaṅghassa pekkhatoti mahato bhikkhusaṅghassa passantassa. Migāramātupāsādaṃ pādaṅguṭṭhena kampayīti (ma. ni. 1.513) pubbārāme visākhāya mahāupāsikāya kāritaṃ sahassagabbhapaṭimaṇḍitaṃ mahāpāsādaṃ attano pādaṅguṭṭhena kampesiṃ. Ekasmiñhi samaye pubbārāme yathāvuttapāsāde bhagavati viharante sambahulā navakatarā bhikkhū uparipāsāde nisinnā satthārampi acintetvā tiracchānakathaṃ kathetumāraddhā, taṃ sutvā bhagavā te saṃvejetvā attano dhammadesanāya bhājanabhūte kātukāmo āyasmantaṃ mahāmoggallānattheraṃ āmantesi – ‘‘passasi tvaṃ, moggallāna, nave bhikkhū tiracchānakathamanuyutte’’ti. Taṃ sutvā thero satthu ajjhāsayaṃ ñatvā abhiññāpādakaṃ āpokasiṇārammaṇaṃ catutthajjhānaṃ samāpajjitvā vuṭṭhāya ‘‘pāsādassa patiṭṭhitokāsaṃ udakaṃ hotū’’ti adhiṭṭhāya pāsādamatthake thūpikaṃ pādaṅguṭṭhena pahari, pāsādo onamitvā ekena passena aṭṭhāsi. Punapi pahari, aparena passena aṭṭhāsi. Te bhikkhū bhītā saṃviggā pāsādassa patanabhayena tato nikkhamitvā bhagavato samīpe aṭṭhaṃsu. Satthā tesaṃ ajjhāsayaṃ oloketvā dhammaṃ deseti. Taṃ sutvā tesu keci sotāpattiphale patiṭṭhahiṃsu, keci sakadāgāmiphale, keci anāgāmiphale, keci arahattaphale patiṭṭhahiṃsu. Svāyamattho pāsādakampanasuttena dīpetabbo.

взж̇аяанд̇абаасаад̣̇анд̇и со взж̇аяанд̇абаасаад̣̇о д̇аавад̇им̣сабхаванз яож̇анасахассуб̣б̣зд̇хо анзгасахассанияяуухагуудааг̇аарабадиман̣д̣ид̇о д̣̇зваасурасан̇г̇аамз асурз ж̇инид̇ваа саггз д̣̇зваанаминд̣̇з наг̇арамаж̇жхз тид̇з удтид̇о виж̇аяанд̇зна ниб̣б̣ад̇д̇ад̇д̇аа ‘‘взж̇аяанд̇о’’д̇и лад̣̇д̇ханаамо баасаад̣̇о, д̇ам̣ санд̇хааяааха ‘‘взж̇аяанд̇абаасаад̣̇а’’нд̇и. д̇амби хи аяам̣ т̇зро баад̣̇ан̇г̇удтзна гамбзси. згасмин̃хи самаяз бхаг̇аванд̇ам̣ буб̣б̣аараамз вихаранд̇ам̣ сагго д̣̇зварааж̇аа убасан̇гамид̇ваа д̇ан̣хаасан̇каяавимуд̇д̇им̣ бужчи. д̇асса бхаг̇аваа виссаж̇ж̇зд̇и. со д̇ам̣ суд̇ваа ад̇д̇амано бамуд̣̇ид̇о абхиваад̣̇зд̇ваа бад̣̇агкин̣ам̣ гад̇ваа ад̇д̇ано д̣̇звалогамзва г̇ад̇о. ат̇ааяасмаа махаамог̇г̇аллаано звам̣ жинд̇зси – ‘‘аяам̣ сагго бхаг̇аванд̇ам̣ убасан̇гамид̇ваа зваруубам̣ г̇амбхийрам̣ ниб̣б̣аанабадисам̣яуд̇д̇ам̣ бан̃хам̣ бужчи, бхаг̇авад̇аа жа бан̃хо виссаж̇ж̇ид̇о, гинну ко ж̇аанид̇ваа г̇ад̇о, уд̣̇ааху аж̇аанид̇ваа? яам̣нуунаахам̣ д̣̇звалогам̣ г̇анд̇ваа д̇амад̇т̇ам̣ ж̇аанзяяа’’нд̇и. со д̇аавад̣̇зва д̇аавад̇им̣сабхаванам̣ г̇анд̇ваа саггам̣ д̣̇зваанаминд̣̇ам̣ д̇амад̇т̇ам̣ бужчи. сагго д̣̇иб̣б̣асамбад̇д̇ияаа бамад̇д̇о худ̇ваа вигкзбам̣ агааси. т̇зро д̇асса сам̣взг̇аж̇ананад̇т̇ам̣ взж̇аяанд̇абаасаад̣̇ам̣ баад̣̇ан̇г̇удтзна гамбзси. д̇зна вуд̇д̇ам̣ –

Vejayantapāsādanti so vejayantapāsādo tāvatiṃsabhavane yojanasahassubbedho anekasahassaniyyūhakūṭāgārapaṭimaṇḍito devāsurasaṅgāme asure jinitvā sakke devānaminde nagaramajjhe ṭhite uṭṭhito vijayantena nibbattattā ‘‘vejayanto’’ti laddhanāmo pāsādo, taṃ sandhāyāha ‘‘vejayantapāsāda’’nti. Tampi hi ayaṃ thero pādaṅguṭṭhena kampesi. Ekasmiñhi samaye bhagavantaṃ pubbārāme viharantaṃ sakko devarājā upasaṅkamitvā taṇhāsaṅkhayavimuttiṃ pucchi. Tassa bhagavā vissajjeti. So taṃ sutvā attamano pamudito abhivādetvā padakkhiṇaṃ katvā attano devalokameva gato. Athāyasmā mahāmoggallāno evaṃ cintesi – ‘‘ayaṃ sakko bhagavantaṃ upasaṅkamitvā evarūpaṃ gambhīraṃ nibbānapaṭisaṃyuttaṃ pañhaṃ pucchi, bhagavatā ca pañho vissajjito, kinnu kho jānitvā gato, udāhu ajānitvā? Yaṃnūnāhaṃ devalokaṃ gantvā tamatthaṃ jāneyya’’nti. So tāvadeva tāvatiṃsabhavanaṃ gantvā sakkaṃ devānamindaṃ tamatthaṃ pucchi. Sakko dibbasampattiyā pamatto hutvā vikkhepaṃ akāsi. Thero tassa saṃvegajananatthaṃ vejayantapāsādaṃ pādaṅguṭṭhena kampesi. Tena vuttaṃ –

‘‘яо взж̇аяанд̇абаасаад̣̇ам̣, баад̣̇ан̇г̇удтзна гамбаяи;

‘‘Yo vejayantapāsādaṃ, pādaṅguṭṭhena kampayi;

ид̣̇д̇хиб̣алзнубад̇т̇ад̣̇д̇хо, сам̣взж̇зси жа д̣̇звад̇аа’’д̇и. (ма. ни. 1.513)

Iddhibalenupatthaddho, saṃvejesi ca devatā’’ti. (ma. ni. 1.513)

аяам̣ банад̇т̇о жуул̣ад̇ан̣хаасан̇каяавимуд̇д̇исуд̇д̇зна (ма. ни. 1.390 аад̣̇аяо) д̣̇ийбзд̇аб̣б̣о. гамбид̇аагааро хздтаа вуд̇д̇оязва.

Ayaṃ panattho cūḷataṇhāsaṅkhayavimuttisuttena (ma. ni. 1.390 ādayo) dīpetabbo. Kampitākāro heṭṭhā vuttoyeva.

саггам̣ со барибужчад̇ийд̇и яат̇аавуд̇д̇амзва т̇зрасса д̇ан̣хаасан̇каяавимуд̇д̇ибужчам̣ санд̇хааяа вуд̇д̇ам̣. д̇знааха ‘‘аби, аавусо, ж̇аанааси, д̇ан̣хагкаяавимуд̇д̇ияо’’д̇и. д̇асса сагго вияаагаасийд̇и ид̣̇ам̣ т̇зрзна баасаад̣̇агамбанз гад̇з сам̣виг̇г̇ахад̣̇аязна бамаад̣̇ам̣ бахааяа яонисо манаси гарид̇ваа бан̃хасса б̣яаагад̇абхаавам̣ санд̇хааяа вуд̇д̇ам̣. сад̇т̇аараа д̣̇зсид̇анияаамзнзва хи со д̇ад̣̇аа гат̇зси. д̇знааха ‘‘бан̃хам̣ будто яат̇аад̇ат̇а’’нд̇и. д̇ад̇т̇а саггам̣ со барибужчад̇ийд̇и саггам̣ д̣̇зварааж̇ам̣ со мог̇г̇аллаанад̇т̇зро сад̇т̇аараа д̣̇зсид̇ааяа д̇ан̣хаасан̇каяавимуд̇д̇ияаа саммад̣̇зва г̇ахид̇абхаавам̣ бужчи. ад̇ийд̇ад̇т̇з хи ид̣̇ам̣ вад̇д̇амаанаважанам̣. аби, аавусо, ж̇аанаасийд̇и, аавусо, аби ж̇аанааси, гим̣ ж̇аанааси? д̇ан̣хагкаяавимуд̇д̇ияод̇и яат̇аа д̇ан̣хаасан̇каяавимуд̇д̇ияо сад̇т̇аараа д̇уяхам̣ д̣̇зсид̇аа, д̇ат̇аа гим̣ ж̇аанаасийд̇и бужчи. д̇ан̣хагкаяавимуд̇д̇ияод̇и ваа д̇ан̣хаасан̇каяавимуд̇д̇исуд̇д̇асса д̣̇зсанам̣ бужчад̇и.

Sakkaṃ so paripucchatīti yathāvuttameva therassa taṇhāsaṅkhayavimuttipucchaṃ sandhāya vuttaṃ. Tenāha ‘‘api, āvuso, jānāsi, taṇhakkhayavimuttiyo’’ti. Tassa sakko viyākāsīti idaṃ therena pāsādakampane kate saṃviggahadayena pamādaṃ pahāya yoniso manasi karitvā pañhassa byākatabhāvaṃ sandhāya vuttaṃ. Satthārā desitaniyāmeneva hi so tadā kathesi. Tenāha ‘‘pañhaṃ puṭṭho yathātatha’’nti. Tattha sakkaṃ so paripucchatīti sakkaṃ devarājaṃ so moggallānatthero satthārā desitāya taṇhāsaṅkhayavimuttiyā sammadeva gahitabhāvaṃ pucchi. Atītatthe hi idaṃ vattamānavacanaṃ. Api, āvuso, jānāsīti, āvuso, api jānāsi, kiṃ jānāsi? Taṇhakkhayavimuttiyoti yathā taṇhāsaṅkhayavimuttiyo satthārā tuyhaṃ desitā, tathā kiṃ jānāsīti pucchi. Taṇhakkhayavimuttiyoti vā taṇhāsaṅkhayavimuttisuttassa desanaṃ pucchati.

б̣рахмаананд̇и махааб̣рахмаанам̣. суд̇хаммааяам̣ тид̇о сабханд̇и суд̇хаммааяа сабхааяа. аяам̣ бана б̣рахмалогз суд̇хаммасабхаава, на д̇аавад̇им̣сабхаванз, суд̇хаммасабхаавирахид̇о д̣̇звалого наама над̇т̇и. аж̇ж̇ааби д̇яаавусо, саа д̣̇идти, яаа д̇з д̣̇идти бурз ахууд̇и имам̣ б̣рахмалогам̣ убаг̇анд̇ум̣ самад̇т̇о над̇т̇и гожи саман̣о ваа б̣раахман̣о ваа, сад̇т̇у ид̇хааг̇аманад̇о буб̣б̣з яаа д̇уяхам̣ д̣̇идти ахоси, гим̣ аж̇ж̇ааби ид̣̇ааниби саа д̣̇идти на виг̇ад̇аад̇и? бассаси вийд̇ивад̇д̇анд̇ам̣, б̣рахмалогз бабхассаранд̇и б̣рахмалогз вийд̇ибад̇анд̇ам̣ махаагаббинамахаагассабаад̣̇ийхи саавагзхи бариваарид̇асса д̇зж̇од̇хаад̇ум̣ самаабаж̇ж̇ид̇ваа нисиннасса сасаавагасса бхаг̇авад̇о обхаасам̣ бассасийд̇и ад̇т̇о. згасмин̃хи самаяз бхаг̇аваа б̣рахмалогз суд̇хаммааяа сабхааяа саннибад̇ид̇ваа саннисиннасса – ‘‘ад̇т̇и ну ко гожи саман̣о ваа б̣раахман̣о ваа звам̣махид̣̇д̇хиго, яо ид̇ха ааг̇анд̇ум̣ саггун̣зяяаа’’д̇и жинд̇знд̇асса б̣рахмуно жид̇д̇аман̃н̃ааяа д̇ад̇т̇а г̇анд̇ваа б̣рахмуно мад̇т̇агз аагаасз нисинно д̇зж̇од̇хаад̇ум̣ самаабаж̇ж̇ид̇ваа обхаасам̣ мун̃жанд̇о махаамог̇г̇аллаанаад̣̇ийнам̣ ааг̇аманам̣ жинд̇зси. саха жинд̇анзна д̇зби д̇ад̇т̇а г̇анд̇ваа сад̇т̇аарам̣ ванд̣̇ид̇ваа сад̇т̇у аж̇жхаасаяам̣ н̃ад̇ваа д̇зж̇од̇хаад̇ум̣ самаабаж̇ж̇ид̇ваа бажжзгад̣̇исаасу нисийд̣̇ид̇ваа обхаасам̣ виссаж̇ж̇ид̇ваа сагалаб̣рахмалого згобхаасо ахоси. сад̇т̇аа б̣рахмуно галлажид̇д̇ад̇ам̣ н̃ад̇ваа жад̇усажжабагаасанам̣ д̇хаммам̣ д̣̇зсзси. д̣̇зсанаабарияосаанз анзгаани б̣рахмасахассаани маг̇г̇апалзсу бад̇идтахим̣су, д̇ам̣ санд̇хааяа жод̣̇знд̇о ‘‘аж̇ж̇ааби д̇яаавусо, саа д̣̇идтий’’д̇и г̇аат̇амааха. аяам̣ банад̇т̇о б̣агаб̣рахмасуд̇д̇зна д̣̇ийбзд̇аб̣б̣о. вуд̇д̇ан̃хзд̇ам̣ (сам̣. ни. 1.176) –

Brahmānanti mahābrahmānaṃ. Sudhammāyaṃ ṭhito sabhanti sudhammāya sabhāya. Ayaṃ pana brahmaloke sudhammasabhāva, na tāvatiṃsabhavane, sudhammasabhāvirahito devaloko nāma natthi. Ajjāpi tyāvuso, sā diṭṭhi, yā te diṭṭhi pure ahūti imaṃ brahmalokaṃ upagantuṃ samattho natthi koci samaṇo vā brāhmaṇo vā, satthu idhāgamanato pubbe yā tuyhaṃ diṭṭhi ahosi, kiṃ ajjāpi idānipi sā diṭṭhi na vigatāti? Passasi vītivattantaṃ, brahmaloke pabhassaranti brahmaloke vītipatantaṃ mahākappinamahākassapādīhi sāvakehi parivāritassa tejodhātuṃ samāpajjitvā nisinnassa sasāvakassa bhagavato obhāsaṃ passasīti attho. Ekasmiñhi samaye bhagavā brahmaloke sudhammāya sabhāya sannipatitvā sannisinnassa – ‘‘atthi nu kho koci samaṇo vā brāhmaṇo vā evaṃmahiddhiko, yo idha āgantuṃ sakkuṇeyyā’’ti cintentassa brahmuno cittamaññāya tattha gantvā brahmuno matthake ākāse nisinno tejodhātuṃ samāpajjitvā obhāsaṃ muñcanto mahāmoggallānādīnaṃ āgamanaṃ cintesi. Saha cintanena tepi tattha gantvā satthāraṃ vanditvā satthu ajjhāsayaṃ ñatvā tejodhātuṃ samāpajjitvā paccekadisāsu nisīditvā obhāsaṃ vissajjitvā sakalabrahmaloko ekobhāso ahosi. Satthā brahmuno kallacittataṃ ñatvā catusaccapakāsanaṃ dhammaṃ desesi. Desanāpariyosāne anekāni brahmasahassāni maggaphalesu patiṭṭhahiṃsu, taṃ sandhāya codento ‘‘ajjāpi tyāvuso, sā diṭṭhī’’ti gāthamāha. Ayaṃ panattho bakabrahmasuttena dīpetabbo. Vuttañhetaṃ (saṃ. ni. 1.176) –

‘‘згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇арасса б̣рахмуно зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘над̇т̇и со саман̣о ваа б̣раахман̣о ваа, яо ид̇ха ааг̇ажчзяяаа’д̇и. ат̇а ко бхаг̇аваа д̇асса б̣рахмуно жзд̇асаа жзд̇обаривид̇аггаман̃н̃ааяа сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко бхаг̇аваа д̇асса б̣рахмуно убари взхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа.

‘‘Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa brahmuno evarūpaṃ pāpakaṃ diṭṭhigataṃ uppannaṃ hoti – ‘natthi so samaṇo vā brāhmaṇo vā, yo idha āgaccheyyā’ti. Atha kho bhagavā tassa brahmuno cetasā cetoparivitakkamaññāya seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva jetavane antarahito tasmiṃ brahmaloke pāturahosi. Atha kho bhagavā tassa brahmuno upari vehāsaṃ pallaṅkena nisīdi tejodhātuṃ samāpajjitvā.

‘‘ат̇а ко ааяасмад̇о махаамог̇г̇аллаанасса зд̇ад̣̇ахоси – ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇асаа ко ааяасмаа махаамог̇г̇аллаано бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаамог̇г̇аллаано бурад̇т̇имам̣ д̣̇исам̣ ниссааяа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.

‘‘Atha kho āyasmato mahāmoggallānassa etadahosi – ‘kahaṃ nu kho bhagavā etarahi viharatī’ti? Addasā kho āyasmā mahāmoggallāno bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva jetavane antarahito tasmiṃ brahmaloke pāturahosi. Atha kho āyasmā mahāmoggallāno puratthimaṃ disaṃ nissāya tassa brahmuno uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato.

‘‘ат̇а ко ааяасмад̇о махаагассабасса зд̇ад̣̇ахоси – ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇асаа ко ааяасмаа махаагассабо бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо…бз… звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаагассабо д̣̇агкин̣ам̣ д̣̇исам̣ ниссааяа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.

‘‘Atha kho āyasmato mahākassapassa etadahosi – ‘kahaṃ nu kho bhagavā etarahi viharatī’ti? Addasā kho āyasmā mahākassapo bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso…pe… evameva jetavane antarahito tasmiṃ brahmaloke pāturahosi. Atha kho āyasmā mahākassapo dakkhiṇaṃ disaṃ nissāya tassa brahmuno uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato.

‘‘ат̇а ко ааяасмад̇о махаагаббинасса зд̇ад̣̇ахоси – ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇асаа ко ааяасмаа махаагаббино бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо…бз… звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаагаббино бажчимам̣ д̣̇исам̣ ниссааяа д̇асса б̣рахмуно. убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.

‘‘Atha kho āyasmato mahākappinassa etadahosi – ‘kahaṃ nu kho bhagavā etarahi viharatī’ti? Addasā kho āyasmā mahākappino bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso…pe… evameva jetavane antarahito tasmiṃ brahmaloke pāturahosi. Atha kho āyasmā mahākappino pacchimaṃ disaṃ nissāya tassa brahmuno. Uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato.

‘‘ат̇а ко ааяасмад̇о ануруд̣̇д̇хасса зд̇ад̣̇ахоси – ‘гахам̣ ну ко бхаг̇аваа зд̇арахи вихарад̇ий’д̇и? ад̣̇д̣̇асаа ко ааяасмаа ануруд̣̇д̇хо бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убаривзхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана сзяяат̇ааби наама б̣алаваа бурисо…бз… звамзва ж̇зд̇аванз анд̇арахид̇о д̇асмим̣ б̣рахмалогз баад̇урахоси . ат̇а ко ааяасмаа ануруд̣̇д̇хо уд̇д̇арам̣ д̣̇исам̣ ниссааяа д̇асса б̣рахмуно убаривзхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о. ат̇а ко ааяасмаа махаамог̇г̇аллаано д̇ам̣ б̣рахмаанам̣ г̇аат̇ааяа аж̇жхабхааси –

‘‘Atha kho āyasmato anuruddhassa etadahosi – ‘kahaṃ nu kho bhagavā etarahi viharatī’ti? Addasā kho āyasmā anuruddho bhagavantaṃ dibbena cakkhunā visuddhena atikkantamānusakena tassa brahmuno uparivehāsaṃ pallaṅkena nisinnaṃ tejodhātuṃ samāpannaṃ. Disvāna seyyathāpi nāma balavā puriso…pe… evameva jetavane antarahito tasmiṃ brahmaloke pāturahosi . Atha kho āyasmā anuruddho uttaraṃ disaṃ nissāya tassa brahmuno uparivehāsaṃ pallaṅkena nisīdi tejodhātuṃ samāpajjitvā nīcataraṃ bhagavato. Atha kho āyasmā mahāmoggallāno taṃ brahmānaṃ gāthāya ajjhabhāsi –

‘‘аж̇ж̇ааби д̇з аавусо саа д̣̇идти, яаа д̇з д̣̇идти бурз аху;

‘‘Ajjāpi te āvuso sā diṭṭhi, yā te diṭṭhi pure ahu;

бассаси вийд̇ивад̇д̇анд̇ам̣, б̣рахмалогз бабхассаранд̇и.

Passasi vītivattantaṃ, brahmaloke pabhassaranti.

‘‘на мз маариса саа д̣̇идти, яаа мз д̣̇идти бурз аху;

‘‘Na me mārisa sā diṭṭhi, yā me diṭṭhi pure ahu;

бассаами вийд̇ивад̇д̇анд̇ам̣, б̣рахмалогз бабхассарам̣;

Passāmi vītivattantaṃ, brahmaloke pabhassaraṃ;

сваахам̣ аж̇ж̇а гат̇ам̣ важ̇ж̇ам̣, ахам̣ нижжомхи сассад̇о’’д̇и.

Svāhaṃ ajja kathaṃ vajjaṃ, ahaṃ niccomhi sassato’’ti.

‘‘ат̇а ко бхаг̇аваа д̇ам̣ б̣рахмаанам̣ сам̣взж̇зд̇ваа сзяяат̇ааби наама б̣алаваа бурисо…бз… звамзва д̇асмим̣ б̣рахмалогз анд̇арахид̇о ж̇зд̇аванз баад̇урахоси. ат̇а ко со б̣рахмаа ан̃н̃ад̇арам̣ б̣рахмабаарисаж̇ж̇ам̣ ааманд̇зси – ‘зхи д̇вам̣, маариса, язнааяасмаа махаамог̇г̇аллаано д̇знубасан̇гама, убасан̇гамид̇ваа ааяасманд̇ам̣ махаамог̇г̇аллаанам̣ звам̣ вад̣̇зхи ‘ад̇т̇и ну ко маариса мог̇г̇аллаана, ан̃н̃зби д̇асса бхаг̇авад̇о саавагаа звам̣махид̣̇д̇хигаа звам̣махаанубхааваа сзяяат̇ааби бхавам̣ мог̇г̇аллаано, гассабо, габбино, ануруд̣̇д̇хо’’’д̇и. ‘‘звам̣, маарисаа’’д̇и ко со б̣рахмабаарисаж̇ж̇о д̇асса б̣рахмуно бадиссуд̇ваа язнааяасмаа махаамог̇г̇аллаано д̇знубасан̇гами, убасан̇гамид̇ваа ааяасманд̇ам̣ махаамог̇г̇аллаанам̣ зд̇ад̣̇авожа – ‘‘ад̇т̇и ну ко, маариса мог̇г̇аллаана, ан̃н̃зби д̇асса бхаг̇авад̇о саавагаа звам̣махид̣̇д̇хигаа звам̣махаанубхааваа сзяяат̇ааби бхавам̣ мог̇г̇аллаано, гассабо, габбино, ануруд̣̇д̇хо’’д̇и. ат̇а ко ааяасмаа махаамог̇г̇аллаано д̇ам̣ б̣рахмабаарисаж̇ж̇ам̣ г̇аат̇ааяа аж̇жхабхааси –

‘‘Atha kho bhagavā taṃ brahmānaṃ saṃvejetvā seyyathāpi nāma balavā puriso…pe… evameva tasmiṃ brahmaloke antarahito jetavane pāturahosi. Atha kho so brahmā aññataraṃ brahmapārisajjaṃ āmantesi – ‘ehi tvaṃ, mārisa, yenāyasmā mahāmoggallāno tenupasaṅkama, upasaṅkamitvā āyasmantaṃ mahāmoggallānaṃ evaṃ vadehi ‘atthi nu kho mārisa moggallāna, aññepi tassa bhagavato sāvakā evaṃmahiddhikā evaṃmahānubhāvā seyyathāpi bhavaṃ moggallāno, kassapo, kappino, anuruddho’’’ti. ‘‘Evaṃ, mārisā’’ti kho so brahmapārisajjo tassa brahmuno paṭissutvā yenāyasmā mahāmoggallāno tenupasaṅkami, upasaṅkamitvā āyasmantaṃ mahāmoggallānaṃ etadavoca – ‘‘atthi nu kho, mārisa moggallāna, aññepi tassa bhagavato sāvakā evaṃmahiddhikā evaṃmahānubhāvā seyyathāpi bhavaṃ moggallāno, kassapo, kappino, anuruddho’’ti. Atha kho āyasmā mahāmoggallāno taṃ brahmapārisajjaṃ gāthāya ajjhabhāsi –

‘‘д̇звиж̇ж̇аа ид̣̇д̇хибад̇д̇аа жа, жзд̇обарияааяаговид̣̇аа;

‘‘Tevijjā iddhipattā ca, cetopariyāyakovidā;

кийн̣аасаваа араханд̇о, б̣ахуу б̣уд̣̇д̇хасса саавагаа’’д̇и.

Khīṇāsavā arahanto, bahū buddhassa sāvakā’’ti.

‘‘ат̇а ко со б̣рахмабаарисаж̇ж̇о ааяасмад̇о махаамог̇г̇аллаанасса бхаасид̇ам̣ абхинанд̣̇ид̇ваа анумод̣̇ид̇ваа язна со б̣рахмаа д̇знубасан̇гами, убасан̇гамид̇ваа д̇ам̣ б̣рахмаанам̣ зд̇ад̣̇авожа – ааяасмаа, маариса махаамог̇г̇аллаано звамааха –

‘‘Atha kho so brahmapārisajjo āyasmato mahāmoggallānassa bhāsitaṃ abhinanditvā anumoditvā yena so brahmā tenupasaṅkami, upasaṅkamitvā taṃ brahmānaṃ etadavoca – āyasmā, mārisa mahāmoggallāno evamāha –

‘‘д̇звиж̇ж̇аа ид̣̇д̇хибад̇д̇аа жа, жзд̇обарияааяаговид̣̇аа;

‘‘Tevijjā iddhipattā ca, cetopariyāyakovidā;

кийн̣аасаваа араханд̇о, б̣ахуу б̣уд̣̇д̇хасса саавагаа’’д̇и.

Khīṇāsavā arahanto, bahū buddhassa sāvakā’’ti.

‘‘ид̣̇амавожа со б̣рахмабаарисаж̇ж̇о. ад̇д̇амано жа со б̣рахмаа д̇асса б̣рахмабаарисаж̇ж̇асса бхаасид̇ам̣ абхинанд̣̇ий’’д̇и.

‘‘Idamavoca so brahmapārisajjo. Attamano ca so brahmā tassa brahmapārisajjassa bhāsitaṃ abhinandī’’ti.

ид̣̇ам̣ санд̇хааяа вуд̇д̇ам̣ ‘‘аяам̣ банад̇т̇о б̣агаб̣рахмасуд̇д̇зна д̣̇ийбзд̇аб̣б̣о’’д̇и.

Idaṃ sandhāya vuttaṃ ‘‘ayaṃ panattho bakabrahmasuttena dīpetabbo’’ti.

махаанзруно гууданд̇и гуудасийсзна сагаламзва синзрубаб̣б̣ад̇арааж̇ам̣ вад̣̇ад̇и. вимогкзна апассаяийд̇и жхаанавимогканиссаязна абхин̃н̃аан̣зна пассаяийд̇и ад̇хиббааяо. вананд̇и ж̇амб̣уд̣̇ийбам̣. со хи ванаб̣ахулад̇ааяа ‘‘вана’’нд̇и вуд̇д̇о. д̇знааха ‘‘ж̇амб̣усан̣д̣асса иссаро’’д̇и. буб̣б̣авид̣̇зхаананд̇и буб̣б̣авид̣̇зхадтаанам̣, буб̣б̣авид̣̇зханд̇и ад̇т̇о. яз жа бхуумисаяаа нараад̇и бхуумисаяаа нараа наама абараг̇ояаанагаа жа уд̇д̇арагуругаа жа мануссаа. д̇з хи г̇зхаабхаавад̇о ‘‘бхуумисаяаа’’д̇и вуд̇д̇аа. д̇зби саб̣б̣з апассаяийд̇и самб̣анд̇хо. аяам̣ банад̇т̇о нанд̣̇обананд̣̇ад̣̇аманзна (висуд̣̇д̇хи. 2.396 нанд̣̇обананд̣̇анааг̇ад̣̇аманагат̇аа) д̣̇ийбзд̇аб̣б̣о –

Mahāneruno kūṭanti kūṭasīsena sakalameva sinerupabbatarājaṃ vadati. Vimokkhena aphassayīti jhānavimokkhanissayena abhiññāṇena phassayīti adhippāyo. Vananti jambudīpaṃ. So hi vanabahulatāya ‘‘vana’’nti vutto. Tenāha ‘‘jambusaṇḍassa issaro’’ti. Pubbavidehānanti pubbavidehaṭṭhānaṃ, pubbavidehanti attho. Ye ca bhūmisayā narāti bhūmisayā narā nāma aparagoyānakā ca uttarakurukā ca manussā. Te hi gehābhāvato ‘‘bhūmisayā’’ti vuttā. Tepi sabbe aphassayīti sambandho. Ayaṃ panattho nandopanandadamanena (visuddhi. 2.396 nandopanandanāgadamanakathā) dīpetabbo –

‘‘згасмим̣ гира самаяз анаат̇абин̣д̣иго г̇ахабад̇и бхаг̇авад̇о д̇хаммад̣̇зсанам̣ суд̇ваа ‘свз, бханд̇з, бан̃жахи бхигкусад̇зхи сад̣̇д̇хим̣ маяхам̣ г̇зхз бхигкам̣ г̇ан̣хат̇аа’д̇и ниманд̇зд̇ваа баггаами. д̇ам̣д̣̇ивасан̃жа бхаг̇авад̇о бажжуусасамаяз д̣̇асасахассилогад̇хаад̇ум̣ ологзнд̇асса нанд̣̇обананд̣̇о наама нааг̇арааж̇аа н̃аан̣амукз аабаат̇ам̣ ааг̇ажчи. бхаг̇аваа ‘аяам̣ нааг̇арааж̇аа маяхам̣ н̃аан̣амукз аабаат̇ам̣ ааг̇ажчад̇и, гим̣ ну ко бхависсад̇ий’д̇и ааваж̇ж̇знд̇о саран̣аг̇аманасса убаниссаяам̣ д̣̇исваа ‘аяам̣ мижчаад̣̇идтиго д̇ийсу рад̇анзсу аббасанно, го ну ко имам̣ мижчаад̣̇идтид̇о виможзяяаа’д̇и ааваж̇ж̇знд̇о махаамог̇г̇аллаанад̇т̇зрам̣ ад̣̇д̣̇аса.

‘‘Ekasmiṃ kira samaye anāthapiṇḍiko gahapati bhagavato dhammadesanaṃ sutvā ‘sve, bhante, pañcahi bhikkhusatehi saddhiṃ mayhaṃ gehe bhikkhaṃ gaṇhathā’ti nimantetvā pakkāmi. Taṃdivasañca bhagavato paccūsasamaye dasasahassilokadhātuṃ olokentassa nandopanando nāma nāgarājā ñāṇamukhe āpāthaṃ āgacchi. Bhagavā ‘ayaṃ nāgarājā mayhaṃ ñāṇamukhe āpāthaṃ āgacchati, kiṃ nu kho bhavissatī’ti āvajjento saraṇagamanassa upanissayaṃ disvā ‘ayaṃ micchādiṭṭhiko tīsu ratanesu appasanno, ko nu kho imaṃ micchādiṭṭhito vimoceyyā’ti āvajjento mahāmoggallānattheraṃ addasa.

‘‘д̇ад̇о бабхаад̇ааяа рад̇д̇ияаа сарийрабадиж̇аг̇г̇анам̣ гад̇ваа ааяасманд̇ам̣ аананд̣̇ам̣ ааманд̇зси – ‘аананд̣̇а, бан̃жаннам̣ бхигкусад̇аанам̣ аарожзхи д̇ат̇ааг̇ад̇о д̣̇зважааригам̣ г̇ажчад̇ий’д̇и. д̇ам̣д̣̇ивасан̃жа нанд̣̇обананд̣̇асса аабаанабхуумим̣ саж̇ж̇аяим̣су. со д̣̇иб̣б̣арад̇анабаллан̇гз д̣̇иб̣б̣зна сзд̇ажчад̇д̇зна д̇хаарияамаано д̇ивид̇ханаадагзхи жзва нааг̇абарисааяа жа баривуд̇о д̣̇иб̣б̣абхааж̇анзсу убадтаабид̇ам̣ аннабаанавид̇хим̣ ологаяамаано нисинно ход̇и. ат̇а ко бхаг̇аваа яат̇аа нааг̇арааж̇аа бассад̇и, д̇ат̇аа гад̇ваа д̇асса вимаанамад̇т̇агзнзва бан̃жахи бхигкусад̇зхи сад̣̇д̇хим̣ д̇аавад̇им̣сад̣̇звалогаабхимуко бааяааси.

‘‘Tato pabhātāya rattiyā sarīrapaṭijagganaṃ katvā āyasmantaṃ ānandaṃ āmantesi – ‘ānanda, pañcannaṃ bhikkhusatānaṃ ārocehi tathāgato devacārikaṃ gacchatī’ti. Taṃdivasañca nandopanandassa āpānabhūmiṃ sajjayiṃsu. So dibbaratanapallaṅke dibbena setacchattena dhāriyamāno tividhanāṭakehi ceva nāgaparisāya ca parivuto dibbabhājanesu upaṭṭhāpitaṃ annapānavidhiṃ olokayamāno nisinno hoti. Atha kho bhagavā yathā nāgarājā passati, tathā katvā tassa vimānamatthakeneva pañcahi bhikkhusatehi saddhiṃ tāvatiṃsadevalokābhimukho pāyāsi.

‘‘д̇зна ко бана самаязна нанд̣̇обананд̣̇асса нааг̇арааж̇асса зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘имз хи наама мун̣д̣агаа саман̣агаа амхаагам̣ убарибхаванзна д̣̇зваанам̣ д̇аавад̇им̣саанам̣ бхаванам̣ бависанд̇иби нигкаманд̇иби, на ид̣̇аани ид̇о бадтааяа имзсам̣ амхаагам̣ мад̇т̇агз баад̣̇абам̣сум̣ огиранд̇аанам̣ г̇анд̇ум̣ д̣̇ассаамий’д̇и удтааяа синзрубаад̣̇ам̣ г̇анд̇ваа д̇ам̣ ад̇д̇абхаавам̣ виж̇ахид̇ваа синзрум̣ сад̇д̇агкад̇д̇ум̣ бхог̇зхи баригкибид̇ваа убари пан̣ам̣ гад̇ваа д̇аавад̇им̣сабхаванам̣ авагуж̇ж̇зна пан̣зна бадиг̇г̇ахзд̇ваа ад̣̇ассанам̣ г̇амзси.

‘‘Tena kho pana samayena nandopanandassa nāgarājassa evarūpaṃ pāpakaṃ diṭṭhigataṃ uppannaṃ hoti – ‘ime hi nāma muṇḍakā samaṇakā amhākaṃ uparibhavanena devānaṃ tāvatiṃsānaṃ bhavanaṃ pavisantipi nikkhamantipi, na idāni ito paṭṭhāya imesaṃ amhākaṃ matthake pādapaṃsuṃ okirantānaṃ gantuṃ dassāmī’ti uṭṭhāya sinerupādaṃ gantvā taṃ attabhāvaṃ vijahitvā sineruṃ sattakkhattuṃ bhogehi parikkhipitvā upari phaṇaṃ katvā tāvatiṃsabhavanaṃ avakujjena phaṇena paṭiggahetvā adassanaṃ gamesi.

‘‘ат̇а ко ааяасмаа радтабаало бхаг̇аванд̇ам̣ зд̇ад̣̇авожа – ‘буб̣б̣з, бханд̇з, имасмим̣ бад̣̇зсз тид̇о синзрум̣ бассаами, синзрубарибхан̣д̣ам̣ бассаами, д̇аавад̇им̣сам̣ бассаами, взж̇аяанд̇ам̣ бассаами, взж̇аяанд̇асса баасаад̣̇асса убари д̇хаж̇ам̣ бассаами. го ну ко, бханд̇з, хзд̇у го бажжаяо, яам̣ зд̇арахи нзва синзрум̣ бассаами…бз… на взж̇аяанд̇асса баасаад̣̇асса убари д̇хаж̇ам̣ бассаамий’д̇и? аяам̣, радтабаала, нанд̣̇обананд̣̇о наама нааг̇арааж̇аа д̇умхаагам̣ губид̇о синзрум̣ сад̇д̇агкад̇д̇ум̣ бхог̇зхи баригкибид̇ваа убари пан̣зна бадижчаад̣̇зд̇ваа анд̇хагаарам̣ гад̇ваа тид̇од̇и. ‘д̣̇амзми нам̣, бханд̇з’д̇и. на бхаг̇аваа нам̣ ануж̇аани. ат̇а ко ааяасмаа бхад̣̇д̣̇ияо ааяасмаа раахулод̇и ануггамзна саб̣б̣зби бхигкуу удтахим̣су. на бхаг̇аваа ануж̇аани.

‘‘Atha kho āyasmā raṭṭhapālo bhagavantaṃ etadavoca – ‘pubbe, bhante, imasmiṃ padese ṭhito sineruṃ passāmi, sineruparibhaṇḍaṃ passāmi, tāvatiṃsaṃ passāmi, vejayantaṃ passāmi, vejayantassa pāsādassa upari dhajaṃ passāmi. Ko nu kho, bhante, hetu ko paccayo, yaṃ etarahi neva sineruṃ passāmi…pe… na vejayantassa pāsādassa upari dhajaṃ passāmī’ti? Ayaṃ, raṭṭhapāla, nandopanando nāma nāgarājā tumhākaṃ kupito sineruṃ sattakkhattuṃ bhogehi parikkhipitvā upari phaṇena paṭicchādetvā andhakāraṃ katvā ṭhitoti. ‘Damemi naṃ, bhante’ti. Na bhagavā naṃ anujāni. Atha kho āyasmā bhaddiyo āyasmā rāhuloti anukkamena sabbepi bhikkhū uṭṭhahiṃsu. Na bhagavā anujāni.

‘‘авасаанз махаамог̇г̇аллаанад̇т̇зро ‘ахам̣, бханд̇з, д̣̇амзми на’нд̇и ааха. ‘д̣̇амзхи, мог̇г̇аллаанаа’д̇и бхаг̇аваа ануж̇аани. т̇зро ад̇д̇абхаавам̣ виж̇ахид̇ваа маханд̇ам̣ нааг̇арааж̇аван̣н̣ам̣ абхинимминид̇ваа нанд̣̇обананд̣̇ам̣ жуд̣̇д̣̇асагкад̇д̇ум̣ бхог̇зхи баригкибид̇ваа д̇асса пан̣асса мад̇т̇агз ад̇д̇ано пан̣ам̣ табзд̇ваа синзрунаа сад̣̇д̇хим̣ абхиниббийл̣зси. нааг̇арааж̇аа д̇хуумааяи. т̇зро ‘на д̇уяхам̣язва сарийрз д̇хуумо ад̇т̇и, маяхамби ад̇т̇ий’д̇и д̇хуумааяи. нааг̇арааж̇асса д̇хуумо т̇зрам̣ на б̣аад̇хад̇и. т̇зрасса бана д̇хуумо нааг̇арааж̇ам̣ б̣аад̇хад̇и. д̇ад̇о нааг̇арааж̇аа баж̇ж̇али. т̇зроби ‘на д̇уяхам̣язва сарийрз аг̇г̇и ад̇т̇и, маяхамби ад̇т̇ий’д̇и баж̇ж̇али. нааг̇арааж̇асса д̇зж̇о т̇зрам̣ на б̣аад̇хад̇и, т̇зрасса бана д̇зж̇о нааг̇арааж̇ам̣ б̣аад̇хад̇и. нааг̇арааж̇аа ‘аяам̣ мам̣ синзрунаа абхиниббийл̣зд̇ваа д̇хуумааяад̇и жзва баж̇ж̇алад̇и жаа’д̇и жинд̇зд̇ваа, ‘бхо, д̇увам̣ госий’д̇и бадибужчи. ахам̣ ко, нанд̣̇а, мог̇г̇аллаанод̇и. бханд̇з, ад̇д̇ано бхигкубхаавзна д̇идтаахий’’д̇и.

‘‘Avasāne mahāmoggallānatthero ‘ahaṃ, bhante, damemi na’nti āha. ‘Damehi, moggallānā’ti bhagavā anujāni. Thero attabhāvaṃ vijahitvā mahantaṃ nāgarājavaṇṇaṃ abhinimminitvā nandopanandaṃ cuddasakkhattuṃ bhogehi parikkhipitvā tassa phaṇassa matthake attano phaṇaṃ ṭhapetvā sinerunā saddhiṃ abhinippīḷesi. Nāgarājā dhūmāyi. Thero ‘na tuyhaṃyeva sarīre dhūmo atthi, mayhampi atthī’ti dhūmāyi. Nāgarājassa dhūmo theraṃ na bādhati. Therassa pana dhūmo nāgarājaṃ bādhati. Tato nāgarājā pajjali. Theropi ‘na tuyhaṃyeva sarīre aggi atthi, mayhampi atthī’ti pajjali. Nāgarājassa tejo theraṃ na bādhati, therassa pana tejo nāgarājaṃ bādhati. Nāgarājā ‘ayaṃ maṃ sinerunā abhinippīḷetvā dhūmāyati ceva pajjalati cā’ti cintetvā, ‘bho, tuvaṃ kosī’ti paṭipucchi. Ahaṃ kho, nanda, moggallānoti. Bhante, attano bhikkhubhāvena tiṭṭhāhī’’ti.

‘‘т̇зро д̇ам̣ ад̇д̇абхаавам̣ виж̇ахид̇ваа д̇асса д̣̇агкин̣аган̣н̣асод̇зна бависид̇ваа ваамаган̣н̣асод̇зна нигками, ваамаган̣н̣асод̇зна бависид̇ваа д̣̇агкин̣аган̣н̣асод̇зна нигками. д̇ат̇аа д̣̇агкин̣анаасасод̇зна бависид̇ваа вааманаасасод̇зна нигками, вааманаасасод̇зна бависид̇ваа д̣̇агкин̣анаасасод̇зна нигками. д̇ад̇о нааг̇арааж̇аа мукам̣ вивари. т̇зро мукзна бависид̇ваа анд̇огужчияам̣ баажийнзна жа бажчимзна жа жан̇гамад̇и. бхаг̇аваа ‘мог̇г̇аллаана, манаси гарохи махид̣̇д̇хиго нааг̇о’д̇и ааха. т̇зро ‘маяхам̣ ко, бханд̇з, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, д̇идтад̇у, бханд̇з, нанд̣̇обананд̣̇о, ахам̣ нанд̣̇обананд̣̇асад̣̇исаанам̣ нааг̇арааж̇аанам̣ сад̇амби сахассамби сад̇асахассамби д̣̇амзяяа’нд̇и ааха.

‘‘Thero taṃ attabhāvaṃ vijahitvā tassa dakkhiṇakaṇṇasotena pavisitvā vāmakaṇṇasotena nikkhami, vāmakaṇṇasotena pavisitvā dakkhiṇakaṇṇasotena nikkhami. Tathā dakkhiṇanāsasotena pavisitvā vāmanāsasotena nikkhami, vāmanāsasotena pavisitvā dakkhiṇanāsasotena nikkhami. Tato nāgarājā mukhaṃ vivari. Thero mukhena pavisitvā antokucchiyaṃ pācīnena ca pacchimena ca caṅkamati. Bhagavā ‘moggallāna, manasi karohi mahiddhiko nāgo’ti āha. Thero ‘mayhaṃ kho, bhante, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, tiṭṭhatu, bhante, nandopanando, ahaṃ nandopanandasadisānaṃ nāgarājānaṃ satampi sahassampi satasahassampi dameyya’nti āha.

‘‘нааг̇арааж̇аа жинд̇зси – ‘бависанд̇о д̇аава мз на д̣̇идто, нигкаманагаалз д̣̇аани нам̣ д̣̇аатаанд̇арз багкибид̇ваа сан̇каад̣̇иссаамий’д̇и жинд̇зд̇ваа ‘нигкамат̇а, бханд̇з, маа мам̣ анд̇огужчияам̣ абараабарам̣ жан̇гаманд̇о б̣аад̇хаяид̇т̇аа’д̇и ааха. т̇зро нигкамид̇ваа б̣ахи адтааси. нааг̇арааж̇аа ‘аяам̣ со’д̇и д̣̇исваа наасаваад̇ам̣ виссаж̇ж̇и. т̇зро жад̇уд̇т̇аж̇жхаанам̣ самаабаж̇ж̇и, ломагуубамбисса ваад̇о жаалзд̇ум̣ наасагки. ‘авасзсаа бхигкуу гира аад̣̇ид̇о бадтааяа саб̣б̣абаадихаарияаани гаад̇ум̣ саггун̣зяяум̣, имам̣ бана таанам̣ бад̇ваа звам̣ киббанисанд̇ино худ̇ваа самаабаж̇ж̇ид̇ум̣ наасагкиссанд̇ий’д̇и нзсам̣ бхаг̇аваа нааг̇арааж̇ад̣̇аманам̣ наануж̇аани.

‘‘Nāgarājā cintesi – ‘pavisanto tāva me na diṭṭho, nikkhamanakāle dāni naṃ dāṭhāntare pakkhipitvā saṅkhādissāmī’ti cintetvā ‘nikkhamatha, bhante, mā maṃ antokucchiyaṃ aparāparaṃ caṅkamanto bādhayitthā’ti āha. Thero nikkhamitvā bahi aṭṭhāsi. Nāgarājā ‘ayaṃ so’ti disvā nāsavātaṃ vissajji. Thero catutthajjhānaṃ samāpajji, lomakūpampissa vāto cāletuṃ nāsakkhi. ‘Avasesā bhikkhū kira ādito paṭṭhāya sabbapāṭihāriyāni kātuṃ sakkuṇeyyuṃ, imaṃ pana ṭhānaṃ patvā evaṃ khippanisantino hutvā samāpajjituṃ nāsakkhissantī’ti nesaṃ bhagavā nāgarājadamanaṃ nānujāni.

‘‘нааг̇арааж̇аа ‘ахам̣ имасса саман̣асса наасаваад̇зна ломагуубамби жаалзд̇ум̣ наасагким̣, махид̣̇д̇хиго со саман̣о’д̇и жинд̇зси. т̇зро ад̇д̇абхаавам̣ виж̇ахид̇ваа субан̣н̣аруубам̣ нимминид̇ваа субан̣н̣аваад̇ам̣ д̣̇ассзнд̇о нааг̇арааж̇аанам̣ ануб̣анд̇хи, нааг̇арааж̇аа д̇ам̣ ад̇д̇абхаавам̣ виж̇ахид̇ваа маан̣авагаван̣н̣ам̣ абхинимминид̇ваа, ‘бханд̇з, д̇умхаагам̣ саран̣ам̣ г̇ажчаамий’д̇и вад̣̇анд̇о т̇зрасса баад̣̇з ванд̣̇и. т̇зро ‘сад̇т̇аа, нанд̣̇о ааг̇ад̇о, зхи д̇вам̣, г̇амиссаамаа’д̇и нааг̇арааж̇аанам̣ д̣̇амзд̇ваа ниб̣б̣исам̣ гад̇ваа, г̇ахзд̇ваа бхаг̇авад̇о санд̇игам̣ аг̇амааси. нааг̇арааж̇аа бхаг̇аванд̇ам̣ ванд̣̇ид̇ваа ‘бханд̇з, д̇умхаагам̣ саран̣ам̣ г̇ажчаамий’д̇и ааха. бхаг̇аваа ‘сукий хохи, нааг̇арааж̇аа’д̇и вад̇ваа бхигкусан̇гхабаривуд̇о анаат̇абин̣д̣игасса нивзсанам̣ аг̇амааси.

‘‘Nāgarājā ‘ahaṃ imassa samaṇassa nāsavātena lomakūpampi cāletuṃ nāsakkhiṃ, mahiddhiko so samaṇo’ti cintesi. Thero attabhāvaṃ vijahitvā supaṇṇarūpaṃ nimminitvā supaṇṇavātaṃ dassento nāgarājānaṃ anubandhi, nāgarājā taṃ attabhāvaṃ vijahitvā māṇavakavaṇṇaṃ abhinimminitvā, ‘bhante, tumhākaṃ saraṇaṃ gacchāmī’ti vadanto therassa pāde vandi. Thero ‘satthā, nando āgato, ehi tvaṃ, gamissāmā’ti nāgarājānaṃ dametvā nibbisaṃ katvā, gahetvā bhagavato santikaṃ agamāsi. Nāgarājā bhagavantaṃ vanditvā ‘bhante, tumhākaṃ saraṇaṃ gacchāmī’ti āha. Bhagavā ‘sukhī hohi, nāgarājā’ti vatvā bhikkhusaṅghaparivuto anāthapiṇḍikassa nivesanaṃ agamāsi.

‘‘анаат̇абин̣д̣иго ‘гим̣, бханд̇з, ад̇ид̣̇иваа ааг̇ад̇ад̇т̇аа’д̇и ааха. мог̇г̇аллаанасса жа нанд̣̇обананд̣̇асса жа сан̇г̇аамо ахосийд̇и. гасса бана, бханд̇з, ж̇аяо, гасса барааж̇аяод̇и? мог̇г̇аллаанасса ж̇аяо, нанд̣̇асса барааж̇аяод̇и. анаат̇абин̣д̣иго ‘ад̇хиваасзд̇у мз, бханд̇з, бхаг̇аваа сад̇д̇аахам̣ згабадибаадияаа бхад̇д̇ам̣, сад̇д̇аахам̣ т̇зрасса саггаарам̣ гариссаамий’д̇и вад̇ваа сад̇д̇аахам̣ б̣уд̣̇д̇хаббамукаанам̣ бан̃жаннам̣ бхигкусад̇аанам̣ махаасаггаарам̣ агааси. д̇зна вуд̇д̇ам̣ – ‘нанд̣̇обананд̣̇ад̣̇аманзна д̣̇ийбзд̇аб̣б̣о’’’д̇и.

‘‘Anāthapiṇḍiko ‘kiṃ, bhante, atidivā āgatatthā’ti āha. Moggallānassa ca nandopanandassa ca saṅgāmo ahosīti. Kassa pana, bhante, jayo, kassa parājayoti? Moggallānassa jayo, nandassa parājayoti. Anāthapiṇḍiko ‘adhivāsetu me, bhante, bhagavā sattāhaṃ ekapaṭipāṭiyā bhattaṃ, sattāhaṃ therassa sakkāraṃ karissāmī’ti vatvā sattāhaṃ buddhappamukhānaṃ pañcannaṃ bhikkhusatānaṃ mahāsakkāraṃ akāsi. Tena vuttaṃ – ‘nandopanandadamanena dīpetabbo’’’ti.

яо зд̇амабхиж̇аанаад̇ийд̇и зд̇ам̣ яат̇аавуд̇д̇ам̣ вимогкам̣ пусанагаран̣авасзна ж̇аанаад̇и.

Yo etamabhijānātīti etaṃ yathāvuttaṃ vimokkhaṃ phusanakaraṇavasena jānāti.

на вз аг̇г̇и жзд̇аяад̇и, ахам̣ б̣аалам̣ д̣ахаамийд̇и звам̣ на аг̇г̇и абхисам̣жзд̇зд̇и, нааби д̣аханааяа баяог̇ам̣ бараггамам̣ гарод̇и, б̣аало зва бана ‘‘аяам̣ манд̣̇ааг̇ад̇ий’’д̇и аниж̇аланд̇ам̣ вияа ж̇алид̇ам̣ аг̇г̇им̣ аасаж̇ж̇а нам̣ бад̣аяхад̇и, звамзва, маара, на маяам̣ д̣ахид̇угаамаа, б̣аад̇хзд̇угаамаа, д̇ван̃н̃зва бана д̇ат̇аа ааг̇аманаад̣̇иад̇т̇зна д̇ат̇ааг̇ад̇ам̣ аг̇г̇иканд̇хасад̣̇исам̣ арияасаавагам̣ аасаж̇ж̇а ад̇д̇аанам̣ д̣ахиссаси, д̣ахад̣̇угкад̇о на мун̃жиссаси.

Na ve aggi cetayati, ahaṃ bālaṃ ḍahāmīti evaṃ na aggi abhisaṃceteti, nāpi ḍahanāya payogaṃ parakkamaṃ karoti, bālo eva pana ‘‘ayaṃ mandāgatī’’ti anijalantaṃ viya jalitaṃ aggiṃ āsajja naṃ paḍayhati, evameva, māra, na mayaṃ ḍahitukāmā, bādhetukāmā, tvaññeva pana tathā āgamanādiatthena tathāgataṃ aggikhandhasadisaṃ ariyasāvakaṃ āsajja attānaṃ ḍahissasi, ḍahadukkhato na muñcissasi.

абун̃н̃ам̣ басавийд̇и абун̃н̃ам̣ бадилабхад̇и. на мз баабам̣ вибажжад̇ийд̇и мама баабам̣ на вибажжад̇и, гим̣ ну, маара, звам̣ ман̃н̃аси наяид̣̇амад̇т̇и.

Apuññaṃ pasavīti apuññaṃ paṭilabhati. Na me pāpaṃ vipaccatīti mama pāpaṃ na vipaccati, kiṃ nu, māra, evaṃ maññasi nayidamatthi.

гарод̇о д̇з жийяад̇з баабанд̇и згам̣сзна гаронд̇асса д̇з баабам̣ жирарад̇д̇ааяа жирагаалам̣ анад̇т̇ааяа д̣̇угкааяа убажийяад̇и. маара, ниб̣б̣инд̣̇а б̣уд̣̇д̇хамхаад̇и жад̇усажжаб̣уд̣̇д̇хад̇о б̣уд̣̇д̇хасаавагад̇о ниб̣б̣инд̣̇а ниб̣б̣иж̇ж̇а барад̇о гаммам̣. аасам̣ маагааси бхигкусууд̇и ‘‘бхигкуу вирод̇хзми вихзсзмий’’д̇и зд̇ам̣ аасам̣ маагааси.

Karoto te cīyate pāpanti ekaṃsena karontassa te pāpaṃ cirarattāya cirakālaṃ anatthāya dukkhāya upacīyati. Māra, nibbinda buddhamhāti catusaccabuddhato buddhasāvakato nibbinda nibbijja parato kammaṃ. Āsaṃ mākāsi bhikkhusūti ‘‘bhikkhū virodhemi vihesemī’’ti etaṃ āsaṃ mākāsi.

ид̇ийд̇и звам̣. маарам̣ ад̇аж̇ж̇зсийд̇и, ‘‘маара, ниб̣б̣инд̣̇а…бз… бхигкусуу’’д̇и ааяасмаа махаамог̇г̇аллаано. бхзсагал̣ааванзд̇и звам̣наамагз аран̃н̃з. д̇ад̇од̇и д̇аж̇ж̇анахзд̇у. со д̣̇уммано яагкод̇и со мааро д̣̇оманассиго худ̇ваа д̇ад̇т̇зва д̇асмим̣язва таанз анд̇арад̇хааяи, ад̣̇ассанам̣ аг̇амааси. аяан̃жа г̇аат̇аа д̇хаммасан̇г̇ааяанагаалз табид̇аа. яам̣ банзд̇т̇а анд̇аранд̇араа ад̇т̇ад̇о на вибхад̇д̇ам̣, д̇ам̣ хздтаа вуд̇д̇анаяад̇д̇аа уд̇д̇аанамзва.

Itīti evaṃ. Māraṃ atajjesīti, ‘‘māra, nibbinda…pe… bhikkhusū’’ti āyasmā mahāmoggallāno. Bhesakaḷāvaneti evaṃnāmake araññe. Tatoti tajjanahetu. So dummano yakkhoti so māro domanassiko hutvā tattheva tasmiṃyeva ṭhāne antaradhāyi, adassanaṃ agamāsi. Ayañca gāthā dhammasaṅgāyanakāle ṭhapitā. Yaṃ panettha antarantarā atthato na vibhattaṃ, taṃ heṭṭhā vuttanayattā uttānameva.

звамаяам̣ махаат̇зро маарам̣ д̇аж̇ж̇зд̇ваа д̣̇зважааригаанарагажааригаад̣̇ивасзна ан̃н̃зхи саавагзхи асаад̇хааран̣ам̣ сад̇д̇уубагаарам̣ гад̇ваа ааяубарияосаанз бариниб̣б̣ааяи. бариниб̣б̣ааяанд̇о жа аномад̣̇ассисса бхаг̇авад̇о баад̣̇амуулз бан̣ид̇хаанам̣ гад̇ваа д̇ад̇о бадтааяа д̇ад̇т̇а д̇ад̇т̇а бхавз ул̣аараани бун̃н̃аани гад̇ваа саавагабаарамияаа мад̇т̇агз тид̇оби анд̇араа гад̇асса баабагаммасса васзна удтид̇ааяа гаммабилод̇игааяа д̇ид̇т̇иязхи уяяож̇ид̇зхи жорзхи б̣аад̇хид̇о анаббагам̣ сарийракзд̣̇ам̣ гад̇ваа бариниб̣б̣ааяи. д̇зна вуд̇д̇ам̣ абад̣̇аанз (аба. т̇зра 1.1.375, 380-397) –

Evamayaṃ mahāthero māraṃ tajjetvā devacārikānarakacārikādivasena aññehi sāvakehi asādhāraṇaṃ sattūpakāraṃ katvā āyupariyosāne parinibbāyi. Parinibbāyanto ca anomadassissa bhagavato pādamūle paṇidhānaṃ katvā tato paṭṭhāya tattha tattha bhave uḷārāni puññāni katvā sāvakapāramiyā matthake ṭhitopi antarā katassa pāpakammassa vasena uṭṭhitāya kammapilotikāya titthiyehi uyyojitehi corehi bādhito anappakaṃ sarīrakhedaṃ katvā parinibbāyi. Tena vuttaṃ apadāne (apa. thera 1.1.375, 380-397) –

‘‘аномад̣̇ассий бхаг̇аваа, логаж̇здто нараасабхо;

‘‘Anomadassī bhagavā, lokajeṭṭho narāsabho;

вихааси химаванд̇амхи, д̣̇звасан̇гхабурагкад̇о.

Vihāsi himavantamhi, devasaṅghapurakkhato.

‘‘бхаг̇аваа д̇ад̇о од̇арид̇ваа, вижари жааригам̣ ж̇ино;

‘‘Bhagavā tato otaritvā, vicari cārikaṃ jino;

сад̇д̇агааяам̣ ануг̇г̇ан̣ханд̇о, б̣аараан̣асим̣ убааг̇ами.

Sattakāyaṃ anuggaṇhanto, bārāṇasiṃ upāgami.

‘‘кийн̣аасавасахассзхи, баривуд̇о логанааяаго;

‘‘Khīṇāsavasahassehi, parivuto lokanāyako;

обхаасзнд̇о д̣̇исаа саб̣б̣аа, вирожид̇т̇а махаамуни.

Obhāsento disā sabbā, virocittha mahāmuni.

‘‘д̇ад̣̇аахам̣ г̇ахабад̇и худ̇ваа, сарад̣̇зна махид̣̇д̇хинаа;

‘‘Tadāhaṃ gahapati hutvā, saradena mahiddhinā;

уяяож̇ид̇о сахааязна, сад̇т̇аарам̣ убасан̇гамим̣.

Uyyojito sahāyena, satthāraṃ upasaṅkamiṃ.

‘‘убасан̇гамид̇ваана самб̣уд̣̇д̇хам̣, ниманд̇зд̇ваа д̇ат̇ааг̇ад̇ам̣;

‘‘Upasaṅkamitvāna sambuddhaṃ, nimantetvā tathāgataṃ;

ад̇д̇ано бхаванам̣ нзси, маанаяанд̇о махаамуним̣.

Attano bhavanaṃ nesi, mānayanto mahāmuniṃ.

‘‘убадтид̇ам̣ махаавийрам̣, д̣̇звад̣̇звам̣ нараасабхам̣;

‘‘Upaṭṭhitaṃ mahāvīraṃ, devadevaṃ narāsabhaṃ;

сабхигкусан̇гхам̣ д̇аббзми, аннабаанзнахам̣ д̇ад̣̇аа.

Sabhikkhusaṅghaṃ tappemi, annapānenahaṃ tadā.

‘‘анумод̣̇и махаавийро, саяамбхуу аг̇г̇абуг̇г̇ало;

‘‘Anumodi mahāvīro, sayambhū aggapuggalo;

бхигкусан̇гхз нисийд̣̇ид̇ваа, имаа г̇аат̇аа абхаасат̇а.

Bhikkhusaṅghe nisīditvā, imā gāthā abhāsatha.

‘‘яам̣ со сан̇гхамабууж̇зси, б̣уд̣̇д̇хан̃жа логанааяагам̣;

‘‘Yaṃ so saṅghamapūjesi, buddhañca lokanāyakaṃ;

д̇зна жид̇д̇аббасаад̣̇зна, д̣̇звалогам̣ г̇амиссад̇и.

Tena cittappasādena, devalokaṃ gamissati.

‘‘сад̇д̇асад̇д̇ад̇игкад̇д̇ун̃жа, д̣̇звараж̇ж̇ам̣ гариссад̇и;

‘‘Sattasattatikkhattuñca, devarajjaṃ karissati;

бат̇аб̣яаа раж̇ж̇ам̣ адтасад̇ам̣, васуд̇хам̣ аавасиссад̇и.

Pathabyā rajjaṃ aṭṭhasataṃ, vasudhaṃ āvasissati.

‘‘бан̃жабан̃н̃аасагкад̇д̇ун̃жа, жаггавад̇д̇ий бхависсад̇и;

‘‘Pañcapaññāsakkhattuñca, cakkavattī bhavissati;

бхог̇аа асан̇кияаа д̇асса, уббаж̇ж̇иссанд̇и д̇аавад̣̇з.

Bhogā asaṅkhiyā tassa, uppajjissanti tāvade.

‘‘абаримзяяз ид̇о габбз, оггаагагуласамбхаво;

‘‘Aparimeyye ito kappe, okkākakulasambhavo;

г̇од̇амо наама г̇од̇д̇зна, сад̇т̇аа логз бхависсад̇и.

Gotamo nāma gottena, satthā loke bhavissati.

‘‘нираяаа со жавид̇ваана, мануссад̇д̇ам̣ г̇амиссад̇и;

‘‘Nirayā so cavitvāna, manussattaṃ gamissati;

голид̇о наама наамзна, б̣рахмаб̣анд̇ху бхависсад̇и.

Kolito nāma nāmena, brahmabandhu bhavissati.

‘‘со бажчаа баб̣б̣аж̇ид̇ваана, гусаламуулзна жод̣̇ид̇о;

‘‘So pacchā pabbajitvāna, kusalamūlena codito;

г̇од̇амасса бхаг̇авад̇о, д̣̇уд̇ияо хзссад̇и сааваго.

Gotamassa bhagavato, dutiyo hessati sāvako.

‘‘аарад̣̇д̇хавийрияо бахид̇ад̇д̇о, ид̣̇д̇хияаа баарамим̣ г̇ад̇о;

‘‘Āraddhavīriyo pahitatto, iddhiyā pāramiṃ gato;

саб̣б̣аасавз барин̃н̃ааяа, ниб̣б̣ааяиссад̇инаасаво.

Sabbāsave pariññāya, nibbāyissatināsavo.

‘‘баабамид̇д̇обаниссааяа, гаамарааг̇авасам̣ г̇ад̇о;

‘‘Pāpamittopanissāya, kāmarāgavasaṃ gato;

маад̇арам̣ бид̇аран̃жааби, гхаад̇аяим̣ д̣̇удтамаанасо.

Mātaraṃ pitarañcāpi, ghātayiṃ duṭṭhamānaso.

‘‘яам̣ яам̣ яонубабаж̇ж̇аами, нираяам̣ ат̇а маанусам̣;

‘‘Yaṃ yaṃ yonupapajjāmi, nirayaṃ atha mānusaṃ;

баабагаммасаман̇г̇ид̇аа, бхиннасийсо мараамахам̣.

Pāpakammasamaṅgitā, bhinnasīso marāmahaṃ.

‘‘ид̣̇ам̣ бажчимагам̣ маяхам̣, жаримо вад̇д̇ад̇з бхаво;

‘‘Idaṃ pacchimakaṃ mayhaṃ, carimo vattate bhavo;

ид̇хааби зд̣̇исо маяхам̣, маран̣агаалз бхависсад̇и.

Idhāpi ediso mayhaṃ, maraṇakāle bhavissati.

‘‘бавивзгамануяуд̇д̇о, самаад̇хибхааванаарад̇о;

‘‘Pavivekamanuyutto, samādhibhāvanārato;

саб̣б̣аасавз барин̃н̃ааяа, вихараами анаасаво.

Sabbāsave pariññāya, viharāmi anāsavo.

‘‘д̇харан̣имби суг̇амбхийрам̣, б̣ахалам̣ д̣̇уббад̇хам̣сияам̣;

‘‘Dharaṇimpi sugambhīraṃ, bahalaṃ duppadhaṃsiyaṃ;

вааман̇г̇удтзна кобхзяяам̣, ид̣̇д̇хияаа баарамим̣ г̇ад̇о.

Vāmaṅguṭṭhena khobheyyaṃ, iddhiyā pāramiṃ gato.

‘‘асмимаанам̣ на бассаами, маано маяхам̣ на виж̇ж̇ад̇и;

‘‘Asmimānaṃ na passāmi, māno mayhaṃ na vijjati;

сааман̣зрз убаад̣̇ааяа, г̇аружид̇д̇ам̣ гаромахам̣.

Sāmaṇere upādāya, garucittaṃ karomahaṃ.

‘‘абаримзяяз ид̇о габбз, яам̣ гаммамабхинийхарим̣;

‘‘Aparimeyye ito kappe, yaṃ kammamabhinīhariṃ;

д̇аахам̣ бхуумимануббад̇д̇о, бад̇д̇омхи аасавагкаяам̣.

Tāhaṃ bhūmimanuppatto, pattomhi āsavakkhayaṃ.

‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.

‘‘Paṭisambhidā catasso…pe… kataṃ buddhassa sāsana’’nti.

махаамог̇г̇аллаанад̇т̇зраг̇аат̇ааван̣н̣анаа нидтид̇аа.

Mahāmoggallānattheragāthāvaṇṇanā niṭṭhitā.

садтинибаад̇аван̣н̣анаа нидтид̇аа.

Saṭṭhinipātavaṇṇanā niṭṭhitā.

Next: 21. махаанибаад̇о • 21. Mahānipāto

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. махаамог̇г̇аллаанад̇т̇зраг̇аат̇аа • 1. Mahāmoggallānattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact