| Library / Tipiṭaka / तिपिटक • Tipiṭaka / जातकपाळि • Jātakapāḷi |
४९१. महामोरजातकं (८)
491. Mahāmorajātakaṃ (8)
१४३.
143.
सचे हि त्याहं धनहेतु गाहितो, मा मं वधी जीवगाहं गहेत्वा।
Sace hi tyāhaṃ dhanahetu gāhito, mā maṃ vadhī jīvagāhaṃ gahetvā;
१४४.
144.
न मे अयं तुय्ह वधाय अज्ज, समाहितो चापधुरे 5 खुरप्पो।
Na me ayaṃ tuyha vadhāya ajja, samāhito cāpadhure 6 khurappo;
पासञ्च त्याहं अधिपातयिस्सं, यथासुखं गच्छतु मोरराजा॥
Pāsañca tyāhaṃ adhipātayissaṃ, yathāsukhaṃ gacchatu morarājā.
१४५.
145.
यं सत्त वस्सानि ममानुबन्धि, रत्तिन्दिवं खुप्पिपासं सहन्तो।
Yaṃ satta vassāni mamānubandhi, rattindivaṃ khuppipāsaṃ sahanto;
अथ किस्स मं पासवसूपनीतं, पमुत्तवे इच्छसि बन्धनस्मा॥
Atha kissa maṃ pāsavasūpanītaṃ, pamuttave icchasi bandhanasmā.
१४६ .
146.
पाणातिपाता विरतो नुसज्ज, अभयं नु ते सब्बभूतेसु दिन्नं।
Pāṇātipātā virato nusajja, abhayaṃ nu te sabbabhūtesu dinnaṃ;
यं मं तुवं पासवसूपनीतं, पमुत्तवे इच्छसि बन्धनस्मा॥
Yaṃ maṃ tuvaṃ pāsavasūpanītaṃ, pamuttave icchasi bandhanasmā.
१४७.
147.
पाणातिपाता विरतस्स ब्रूहि, अभयञ्च यो सब्बभूतेसु देति।
Pāṇātipātā viratassa brūhi, abhayañca yo sabbabhūtesu deti;
पुच्छामि तं मोरराजेतमत्थं, इतो चुतो किं लभते सुखं सो॥
Pucchāmi taṃ morarājetamatthaṃ, ito cuto kiṃ labhate sukhaṃ so.
१४८.
148.
पाणातिपाता विरतस्स ब्रूमि, अभयञ्च यो सब्बभूतेसु देति।
Pāṇātipātā viratassa brūmi, abhayañca yo sabbabhūtesu deti;
दिट्ठेव धम्मे लभते पसंसं, सग्गञ्च सो याति सरीरभेदा॥
Diṭṭheva dhamme labhate pasaṃsaṃ, saggañca so yāti sarīrabhedā.
१४९.
149.
न सन्ति देवा इति आहु 7 एके, इधेव जीवो विभवं उपेति।
Na santi devā iti āhu 8 eke, idheva jīvo vibhavaṃ upeti;
तथा फलं सुकतदुक्कटानं, दत्तुपञ्ञत्तञ्च वदन्ति दानं।
Tathā phalaṃ sukatadukkaṭānaṃ, dattupaññattañca vadanti dānaṃ;
तेसं वचो अरहतं सद्दहानो, तस्मा अहं सकुणे बाधयामि॥
Tesaṃ vaco arahataṃ saddahāno, tasmā ahaṃ sakuṇe bādhayāmi.
१५०.
150.
चन्दो च सुरियो च उभो सुदस्सना, गच्छन्ति ओभासयमन्तलिक्खे।
Cando ca suriyo ca ubho sudassanā, gacchanti obhāsayamantalikkhe;
इमस्स लोकस्स परस्स वा ते, कथं नु ते आहु मनुस्सलोके॥
Imassa lokassa parassa vā te, kathaṃ nu te āhu manussaloke.
१५१.
151.
चन्दो च सुरियो च उभो सुदस्सना, गच्छन्ति ओभासयमन्तलिक्खे।
Cando ca suriyo ca ubho sudassanā, gacchanti obhāsayamantalikkhe;
परस्स लोकस्स न ते इमस्स, देवाति ते आहु मनुस्सलोके॥
Parassa lokassa na te imassa, devāti te āhu manussaloke.
१५२.
152.
एत्थेव ते नीहता हीनवादा, अहेतुका ये न वदन्ति कम्मं।
Ettheva te nīhatā hīnavādā, ahetukā ye na vadanti kammaṃ;
तथा फलं सुकतदुक्कटानं, दत्तुपञ्ञत्तं ये च वदन्ति दानं॥
Tathā phalaṃ sukatadukkaṭānaṃ, dattupaññattaṃ ye ca vadanti dānaṃ.
१५३.
153.
तथा फलं सुकतदुक्कटानं, दत्तुपञ्ञत्तञ्च कथं भवेय्य॥
Tathā phalaṃ sukatadukkaṭānaṃ, dattupaññattañca kathaṃ bhaveyya.
१५४.
154.
कथंकरो किन्तिकरो किमाचरं, किं सेवमानो केन तपोगुणेन।
Kathaṃkaro kintikaro kimācaraṃ, kiṃ sevamāno kena tapoguṇena;
अक्खाहि 13 मे मोरराजेतमत्थं, यथा अहं नो निरयं पतेय्यं॥
Akkhāhi 14 me morarājetamatthaṃ, yathā ahaṃ no nirayaṃ pateyyaṃ.
१५५.
155.
ये केचि अत्थि समणा पथब्या, कासायवत्था अनगारिया ते।
Ye keci atthi samaṇā pathabyā, kāsāyavatthā anagāriyā te;
पातोव पिण्डाय चरन्ति काले, विकालचरिया विरता हि सन्तो॥
Pātova piṇḍāya caranti kāle, vikālacariyā viratā hi santo.
१५६.
156.
ते तत्थ कालेनुपसङ्कमित्वा, पुच्छाहि यं ते मनसो पियं सिया।
Te tattha kālenupasaṅkamitvā, pucchāhi yaṃ te manaso piyaṃ siyā;
ते ते पवक्खन्ति यथापजानं, इमस्स लोकस्स परस्स चत्थं॥
Te te pavakkhanti yathāpajānaṃ, imassa lokassa parassa catthaṃ.
१५७.
157.
तचंव जिण्णं उरगो पुराणं, पण्डूपलासं हरितो दुमोव।
Tacaṃva jiṇṇaṃ urago purāṇaṃ, paṇḍūpalāsaṃ harito dumova;
एसप्पहीनो मम लुद्दभावो, जहामहं लुद्दकभावमज्ज॥
Esappahīno mama luddabhāvo, jahāmahaṃ luddakabhāvamajja.
१५८.
158.
ये चापि मे सकुणा अत्थि बद्धा, सतानिनेकानि निवेसनस्मिं।
Ye cāpi me sakuṇā atthi baddhā, satāninekāni nivesanasmiṃ;
१५९.
159.
लुद्दो चरी पासहत्थो अरञ्ञे, बाधेतु मोराधिपतिं यसस्सिं।
Luddo carī pāsahattho araññe, bādhetu morādhipatiṃ yasassiṃ;
महामोरजातकं अट्ठमं।
Mahāmorajātakaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४९१] ८. महामोरजातकवण्णना • [491] 8. Mahāmorajātakavaṇṇanā
