| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๙๑. มหาโมรชาตกํ (๘)
491. Mahāmorajātakaṃ (8)
๑๔๓.
143.
สเจ หิ ตฺยาหํ ธนเหตุ คาหิโต, มา มํ วธี ชีวคาหํ คเหตฺวา;
Sace hi tyāhaṃ dhanahetu gāhito, mā maṃ vadhī jīvagāhaṃ gahetvā;
๑๔๔.
144.
น เม อยํ ตุยฺห วธาย อชฺช, สมาหิโต จาปธุเร 5 ขุรโปฺป;
Na me ayaṃ tuyha vadhāya ajja, samāhito cāpadhure 6 khurappo;
ปาสญฺจ ตฺยาหํ อธิปาตยิสฺสํ, ยถาสุขํ คจฺฉตุ โมรราชาฯ
Pāsañca tyāhaṃ adhipātayissaṃ, yathāsukhaṃ gacchatu morarājā.
๑๔๕.
145.
ยํ สตฺต วสฺสานิ มมานุพนฺธิ, รตฺตินฺทิวํ ขุปฺปิปาสํ สหโนฺต;
Yaṃ satta vassāni mamānubandhi, rattindivaṃ khuppipāsaṃ sahanto;
อถ กิสฺส มํ ปาสวสูปนีตํ, ปมุตฺตเว อิจฺฉสิ พนฺธนสฺมาฯ
Atha kissa maṃ pāsavasūpanītaṃ, pamuttave icchasi bandhanasmā.
๑๔๖ .
146.
ปาณาติปาตา วิรโต นุสชฺช, อภยํ นุ เต สพฺพภูเตสุ ทินฺนํ;
Pāṇātipātā virato nusajja, abhayaṃ nu te sabbabhūtesu dinnaṃ;
ยํ มํ ตุวํ ปาสวสูปนีตํ, ปมุตฺตเว อิจฺฉสิ พนฺธนสฺมาฯ
Yaṃ maṃ tuvaṃ pāsavasūpanītaṃ, pamuttave icchasi bandhanasmā.
๑๔๗.
147.
ปาณาติปาตา วิรตสฺส พฺรูหิ, อภยญฺจ โย สพฺพภูเตสุ เทติ;
Pāṇātipātā viratassa brūhi, abhayañca yo sabbabhūtesu deti;
ปุจฺฉามิ ตํ โมรราเชตมตฺถํ, อิโต จุโต กิํ ลภเต สุขํ โสฯ
Pucchāmi taṃ morarājetamatthaṃ, ito cuto kiṃ labhate sukhaṃ so.
๑๔๘.
148.
ปาณาติปาตา วิรตสฺส พฺรูมิ, อภยญฺจ โย สพฺพภูเตสุ เทติ;
Pāṇātipātā viratassa brūmi, abhayañca yo sabbabhūtesu deti;
ทิเฎฺฐว ธเมฺม ลภเต ปสํสํ, สคฺคญฺจ โส ยาติ สรีรเภทาฯ
Diṭṭheva dhamme labhate pasaṃsaṃ, saggañca so yāti sarīrabhedā.
๑๔๙.
149.
น สนฺติ เทวา อิติ อาหุ 7 เอเก, อิเธว ชีโว วิภวํ อุเปติ;
Na santi devā iti āhu 8 eke, idheva jīvo vibhavaṃ upeti;
ตถา ผลํ สุกตทุกฺกฎานํ, ทตฺตุปญฺญตฺตญฺจ วทนฺติ ทานํ;
Tathā phalaṃ sukatadukkaṭānaṃ, dattupaññattañca vadanti dānaṃ;
เตสํ วโจ อรหตํ สทฺทหาโน, ตสฺมา อหํ สกุเณ พาธยามิฯ
Tesaṃ vaco arahataṃ saddahāno, tasmā ahaṃ sakuṇe bādhayāmi.
๑๕๐.
150.
จโนฺท จ สุริโย จ อุโภ สุทสฺสนา, คจฺฉนฺติ โอภาสยมนฺตลิเกฺข;
Cando ca suriyo ca ubho sudassanā, gacchanti obhāsayamantalikkhe;
อิมสฺส โลกสฺส ปรสฺส วา เต, กถํ นุ เต อาหุ มนุสฺสโลเกฯ
Imassa lokassa parassa vā te, kathaṃ nu te āhu manussaloke.
๑๕๑.
151.
จโนฺท จ สุริโย จ อุโภ สุทสฺสนา, คจฺฉนฺติ โอภาสยมนฺตลิเกฺข;
Cando ca suriyo ca ubho sudassanā, gacchanti obhāsayamantalikkhe;
ปรสฺส โลกสฺส น เต อิมสฺส, เทวาติ เต อาหุ มนุสฺสโลเกฯ
Parassa lokassa na te imassa, devāti te āhu manussaloke.
๑๕๒.
152.
เอเตฺถว เต นีหตา หีนวาทา, อเหตุกา เย น วทนฺติ กมฺมํ;
Ettheva te nīhatā hīnavādā, ahetukā ye na vadanti kammaṃ;
ตถา ผลํ สุกตทุกฺกฎานํ, ทตฺตุปญฺญตฺตํ เย จ วทนฺติ ทานํฯ
Tathā phalaṃ sukatadukkaṭānaṃ, dattupaññattaṃ ye ca vadanti dānaṃ.
๑๕๓.
153.
ตถา ผลํ สุกตทุกฺกฎานํ, ทตฺตุปญฺญตฺตญฺจ กถํ ภเวยฺยฯ
Tathā phalaṃ sukatadukkaṭānaṃ, dattupaññattañca kathaṃ bhaveyya.
๑๕๔.
154.
กถํกโร กินฺติกโร กิมาจรํ, กิํ เสวมาโน เกน ตโปคุเณน;
Kathaṃkaro kintikaro kimācaraṃ, kiṃ sevamāno kena tapoguṇena;
อกฺขาหิ 13 เม โมรราเชตมตฺถํ, ยถา อหํ โน นิรยํ ปเตยฺยํฯ
Akkhāhi 14 me morarājetamatthaṃ, yathā ahaṃ no nirayaṃ pateyyaṃ.
๑๕๕.
155.
เย เกจิ อตฺถิ สมณา ปถพฺยา, กาสายวตฺถา อนคาริยา เต;
Ye keci atthi samaṇā pathabyā, kāsāyavatthā anagāriyā te;
ปาโตว ปิณฺฑาย จรนฺติ กาเล, วิกาลจริยา วิรตา หิ สโนฺตฯ
Pātova piṇḍāya caranti kāle, vikālacariyā viratā hi santo.
๑๕๖.
156.
เต ตตฺถ กาเลนุปสงฺกมิตฺวา, ปุจฺฉาหิ ยํ เต มนโส ปิยํ สิยา;
Te tattha kālenupasaṅkamitvā, pucchāhi yaṃ te manaso piyaṃ siyā;
เต เต ปวกฺขนฺติ ยถาปชานํ, อิมสฺส โลกสฺส ปรสฺส จตฺถํฯ
Te te pavakkhanti yathāpajānaṃ, imassa lokassa parassa catthaṃ.
๑๕๗.
157.
ตจํว ชิณฺณํ อุรโค ปุราณํ, ปณฺฑูปลาสํ หริโต ทุโมว;
Tacaṃva jiṇṇaṃ urago purāṇaṃ, paṇḍūpalāsaṃ harito dumova;
เอสปฺปหีโน มม ลุทฺทภาโว, ชหามหํ ลุทฺทกภาวมชฺชฯ
Esappahīno mama luddabhāvo, jahāmahaṃ luddakabhāvamajja.
๑๕๘.
158.
เย จาปิ เม สกุณา อตฺถิ พทฺธา, สตานิเนกานิ นิเวสนสฺมิํ;
Ye cāpi me sakuṇā atthi baddhā, satāninekāni nivesanasmiṃ;
๑๕๙.
159.
ลุโทฺท จรี ปาสหโตฺถ อรเญฺญ, พาเธตุ โมราธิปติํ ยสสฺสิํ;
Luddo carī pāsahattho araññe, bādhetu morādhipatiṃ yasassiṃ;
มหาโมรชาตกํ อฎฺฐมํฯ
Mahāmorajātakaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๙๑] ๘. มหาโมรชาตกวณฺณนา • [491] 8. Mahāmorajātakavaṇṇanā
