| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៩១. មហាមោរជាតកំ (៨)
491. Mahāmorajātakaṃ (8)
១៤៣.
143.
សចេ ហិ ត្យាហំ ធនហេតុ គាហិតោ, មា មំ វធី ជីវគាហំ គហេត្វា;
Sace hi tyāhaṃ dhanahetu gāhito, mā maṃ vadhī jīvagāhaṃ gahetvā;
១៤៤.
144.
ន មេ អយំ តុយ្ហ វធាយ អជ្ជ, សមាហិតោ ចាបធុរេ 5 ខុរប្បោ;
Na me ayaṃ tuyha vadhāya ajja, samāhito cāpadhure 6 khurappo;
បាសញ្ច ត្យាហំ អធិបាតយិស្សំ, យថាសុខំ គច្ឆតុ មោររាជា។
Pāsañca tyāhaṃ adhipātayissaṃ, yathāsukhaṃ gacchatu morarājā.
១៤៥.
145.
យំ សត្ត វស្សានិ មមានុពន្ធិ, រត្តិន្ទិវំ ខុប្បិបាសំ សហន្តោ;
Yaṃ satta vassāni mamānubandhi, rattindivaṃ khuppipāsaṃ sahanto;
អថ កិស្ស មំ បាសវសូបនីតំ, បមុត្តវេ ឥច្ឆសិ ពន្ធនស្មា។
Atha kissa maṃ pāsavasūpanītaṃ, pamuttave icchasi bandhanasmā.
១៤៦ .
146.
បាណាតិបាតា វិរតោ នុសជ្ជ, អភយំ នុ តេ សព្ពភូតេសុ ទិន្នំ;
Pāṇātipātā virato nusajja, abhayaṃ nu te sabbabhūtesu dinnaṃ;
យំ មំ តុវំ បាសវសូបនីតំ, បមុត្តវេ ឥច្ឆសិ ពន្ធនស្មា។
Yaṃ maṃ tuvaṃ pāsavasūpanītaṃ, pamuttave icchasi bandhanasmā.
១៤៧.
147.
បាណាតិបាតា វិរតស្ស ព្រូហិ, អភយញ្ច យោ សព្ពភូតេសុ ទេតិ;
Pāṇātipātā viratassa brūhi, abhayañca yo sabbabhūtesu deti;
បុច្ឆាមិ តំ មោររាជេតមត្ថំ, ឥតោ ចុតោ កិំ លភតេ សុខំ សោ។
Pucchāmi taṃ morarājetamatthaṃ, ito cuto kiṃ labhate sukhaṃ so.
១៤៨.
148.
បាណាតិបាតា វិរតស្ស ព្រូមិ, អភយញ្ច យោ សព្ពភូតេសុ ទេតិ;
Pāṇātipātā viratassa brūmi, abhayañca yo sabbabhūtesu deti;
ទិដ្ឋេវ ធម្មេ លភតេ បសំសំ, សគ្គញ្ច សោ យាតិ សរីរភេទា។
Diṭṭheva dhamme labhate pasaṃsaṃ, saggañca so yāti sarīrabhedā.
១៤៩.
149.
ន សន្តិ ទេវា ឥតិ អាហុ 7 ឯកេ, ឥធេវ ជីវោ វិភវំ ឧបេតិ;
Na santi devā iti āhu 8 eke, idheva jīvo vibhavaṃ upeti;
តថា ផលំ សុកតទុក្កដានំ, ទត្តុបញ្ញត្តញ្ច វទន្តិ ទានំ;
Tathā phalaṃ sukatadukkaṭānaṃ, dattupaññattañca vadanti dānaṃ;
តេសំ វចោ អរហតំ សទ្ទហានោ, តស្មា អហំ សកុណេ ពាធយាមិ។
Tesaṃ vaco arahataṃ saddahāno, tasmā ahaṃ sakuṇe bādhayāmi.
១៥០.
150.
ចន្ទោ ច សុរិយោ ច ឧភោ សុទស្សនា, គច្ឆន្តិ ឱភាសយមន្តលិក្ខេ;
Cando ca suriyo ca ubho sudassanā, gacchanti obhāsayamantalikkhe;
ឥមស្ស លោកស្ស បរស្ស វា តេ, កថំ នុ តេ អាហុ មនុស្សលោកេ។
Imassa lokassa parassa vā te, kathaṃ nu te āhu manussaloke.
១៥១.
151.
ចន្ទោ ច សុរិយោ ច ឧភោ សុទស្សនា, គច្ឆន្តិ ឱភាសយមន្តលិក្ខេ;
Cando ca suriyo ca ubho sudassanā, gacchanti obhāsayamantalikkhe;
បរស្ស លោកស្ស ន តេ ឥមស្ស, ទេវាតិ តេ អាហុ មនុស្សលោកេ។
Parassa lokassa na te imassa, devāti te āhu manussaloke.
១៥២.
152.
ឯត្ថេវ តេ នីហតា ហីនវាទា, អហេតុកា យេ ន វទន្តិ កម្មំ;
Ettheva te nīhatā hīnavādā, ahetukā ye na vadanti kammaṃ;
តថា ផលំ សុកតទុក្កដានំ, ទត្តុបញ្ញត្តំ យេ ច វទន្តិ ទានំ។
Tathā phalaṃ sukatadukkaṭānaṃ, dattupaññattaṃ ye ca vadanti dānaṃ.
១៥៣.
153.
តថា ផលំ សុកតទុក្កដានំ, ទត្តុបញ្ញត្តញ្ច កថំ ភវេយ្យ។
Tathā phalaṃ sukatadukkaṭānaṃ, dattupaññattañca kathaṃ bhaveyya.
១៥៤.
154.
កថំករោ កិន្តិករោ កិមាចរំ, កិំ សេវមានោ កេន តបោគុណេន;
Kathaṃkaro kintikaro kimācaraṃ, kiṃ sevamāno kena tapoguṇena;
អក្ខាហិ 13 មេ មោររាជេតមត្ថំ, យថា អហំ នោ និរយំ បតេយ្យំ។
Akkhāhi 14 me morarājetamatthaṃ, yathā ahaṃ no nirayaṃ pateyyaṃ.
១៥៥.
155.
យេ កេចិ អត្ថិ សមណា បថព្យា, កាសាយវត្ថា អនគារិយា តេ;
Ye keci atthi samaṇā pathabyā, kāsāyavatthā anagāriyā te;
បាតោវ បិណ្ឌាយ ចរន្តិ កាលេ, វិកាលចរិយា វិរតា ហិ សន្តោ។
Pātova piṇḍāya caranti kāle, vikālacariyā viratā hi santo.
១៥៦.
156.
តេ តត្ថ កាលេនុបសង្កមិត្វា, បុច្ឆាហិ យំ តេ មនសោ បិយំ សិយា;
Te tattha kālenupasaṅkamitvā, pucchāhi yaṃ te manaso piyaṃ siyā;
តេ តេ បវក្ខន្តិ យថាបជានំ, ឥមស្ស លោកស្ស បរស្ស ចត្ថំ។
Te te pavakkhanti yathāpajānaṃ, imassa lokassa parassa catthaṃ.
១៥៧.
157.
តចំវ ជិណ្ណំ ឧរគោ បុរាណំ, បណ្ឌូបលាសំ ហរិតោ ទុមោវ;
Tacaṃva jiṇṇaṃ urago purāṇaṃ, paṇḍūpalāsaṃ harito dumova;
ឯសប្បហីនោ មម លុទ្ទភាវោ, ជហាមហំ លុទ្ទកភាវមជ្ជ។
Esappahīno mama luddabhāvo, jahāmahaṃ luddakabhāvamajja.
១៥៨.
158.
យេ ចាបិ មេ សកុណា អត្ថិ ពទ្ធា, សតានិនេកានិ និវេសនស្មិំ;
Ye cāpi me sakuṇā atthi baddhā, satāninekāni nivesanasmiṃ;
១៥៩.
159.
លុទ្ទោ ចរី បាសហត្ថោ អរញ្ញេ, ពាធេតុ មោរាធិបតិំ យសស្សិំ;
Luddo carī pāsahattho araññe, bādhetu morādhipatiṃ yasassiṃ;
មហាមោរជាតកំ អដ្ឋមំ។
Mahāmorajātakaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៩១] ៨. មហាមោរជាតកវណ្ណនា • [491] 8. Mahāmorajātakavaṇṇanā
