| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. махаанаамасаггасуд̇д̇аван̣н̣анаа
3. Mahānāmasakkasuttavaṇṇanā
74. д̇ад̇ияз г̇илаанаа вудтид̇од̇и г̇илаано худ̇ваа вудтид̇о. г̇злан̃н̃аад̇и г̇илаанабхаавад̇о. убасан̇гамийд̇и бхуд̇д̇абаад̇араасо маалааг̇анд̇хаад̣̇ийни аад̣̇ааяа махаабариваарабаривуд̇о убасан̇гами. б̣аахааяам̣ г̇ахзд̇ваад̇и на б̣аахааяам̣ г̇ахзд̇ваа аагад̣дхи, нисиннаасанад̇о вудтааяа д̇асса санд̇игам̣ г̇анд̇ваа д̣̇агкин̣аб̣аахааяам̣ ан̇г̇удтагзна сан̃н̃ам̣ д̣̇ад̇ваа згаманд̇ам̣ абанзсийд̇и взд̣̇ид̇аб̣б̣о. ат̇асса ‘‘сзкамби ко, махаанаама, сийла’’нд̇иаад̣̇инаа наязна сад̇д̇аннам̣ сзкаанам̣ сийлан̃жа самаад̇хин̃жа бан̃н̃ан̃жа гат̇зд̇ваа убари арахад̇д̇апалавасзна асзкаа сийласамаад̇хибан̃н̃ааяо гат̇знд̇о – ‘‘сзкасамаад̇хид̇о сзкам̣ вибассанаан̃аан̣ам̣ асзкан̃жа палан̃аан̣ам̣ бажчаа, сзкавибассанаан̃аан̣ад̇о жа асзкапаласамаад̇хи бажчаа уббаж̇ж̇ад̇ий’’д̇и д̣̇ийбзси. яаани бана самбаяуд̇д̇аани самаад̇хин̃аан̣аани, д̇зсам̣ абажчаа абурз уббад̇д̇и взд̣̇ид̇аб̣б̣аад̇и.
74. Tatiye gilānā vuṭṭhitoti gilāno hutvā vuṭṭhito. Gelaññāti gilānabhāvato. Upasaṅkamīti bhuttapātarāso mālāgandhādīni ādāya mahāparivāraparivuto upasaṅkami. Bāhāyaṃ gahetvāti na bāhāyaṃ gahetvā ākaḍḍhi, nisinnāsanato vuṭṭhāya tassa santikaṃ gantvā dakkhiṇabāhāyaṃ aṅguṭṭhakena saññaṃ datvā ekamantaṃ apanesīti veditabbo. Athassa ‘‘sekhampi kho, mahānāma, sīla’’ntiādinā nayena sattannaṃ sekhānaṃ sīlañca samādhiñca paññañca kathetvā upari arahattaphalavasena asekhā sīlasamādhipaññāyo kathento – ‘‘sekhasamādhito sekhaṃ vipassanāñāṇaṃ asekhañca phalañāṇaṃ pacchā, sekhavipassanāñāṇato ca asekhaphalasamādhi pacchā uppajjatī’’ti dīpesi. Yāni pana sampayuttāni samādhiñāṇāni, tesaṃ apacchā apure uppatti veditabbāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. махаанаамасаггасуд̇д̇ам̣ • 3. Mahānāmasakkasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. махаанаамасаггасуд̇д̇аван̣н̣анаа • 3. Mahānāmasakkasuttavaṇṇanā
