| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਮਹਾਨਾਮਸਕ੍ਕਸੁਤ੍ਤવਣ੍ਣਨਾ
3. Mahānāmasakkasuttavaṇṇanā
੭੪. ਤਤਿਯੇ ਗਿਲਾਨਾ વੁਟ੍ਠਿਤੋਤਿ ਗਿਲਾਨੋ ਹੁਤ੍વਾ વੁਟ੍ਠਿਤੋ। ਗੇਲਞ੍ਞਾਤਿ ਗਿਲਾਨਭਾવਤੋ। ਉਪਸਙ੍ਕਮੀਤਿ ਭੁਤ੍ਤਪਾਤਰਾਸੋ ਮਾਲਾਗਨ੍ਧਾਦੀਨਿ ਆਦਾਯ ਮਹਾਪਰਿવਾਰਪਰਿવੁਤੋ ਉਪਸਙ੍ਕਮਿ। ਬਾਹਾਯਂ ਗਹੇਤ੍વਾਤਿ ਨ ਬਾਹਾਯਂ ਗਹੇਤ੍વਾ ਆਕਡ੍ਢਿ, ਨਿਸਿਨ੍ਨਾਸਨਤੋ વੁਟ੍ਠਾਯ ਤਸ੍ਸ ਸਨ੍ਤਿਕਂ ਗਨ੍ਤ੍વਾ ਦਕ੍ਖਿਣਬਾਹਾਯਂ ਅਙ੍ਗੁਟ੍ਠਕੇਨ ਸਞ੍ਞਂ ਦਤ੍વਾ ਏਕਮਨ੍ਤਂ ਅਪਨੇਸੀਤਿ વੇਦਿਤਬ੍ਬੋ। ਅਥਸ੍ਸ ‘‘ਸੇਖਮ੍ਪਿ ਖੋ, ਮਹਾਨਾਮ, ਸੀਲ’’ਨ੍ਤਿਆਦਿਨਾ ਨਯੇਨ ਸਤ੍ਤਨ੍ਨਂ ਸੇਖਾਨਂ ਸੀਲਞ੍ਚ ਸਮਾਧਿਞ੍ਚ ਪਞ੍ਞਞ੍ਚ ਕਥੇਤ੍વਾ ਉਪਰਿ ਅਰਹਤ੍ਤਫਲવਸੇਨ ਅਸੇਖਾ ਸੀਲਸਮਾਧਿਪਞ੍ਞਾਯੋ ਕਥੇਨ੍ਤੋ – ‘‘ਸੇਖਸਮਾਧਿਤੋ ਸੇਖਂ વਿਪਸ੍ਸਨਾਞਾਣਂ ਅਸੇਖਞ੍ਚ ਫਲਞਾਣਂ ਪਚ੍ਛਾ, ਸੇਖવਿਪਸ੍ਸਨਾਞਾਣਤੋ ਚ ਅਸੇਖਫਲਸਮਾਧਿ ਪਚ੍ਛਾ ਉਪ੍ਪਜ੍ਜਤੀ’’ਤਿ ਦੀਪੇਸਿ। ਯਾਨਿ ਪਨ ਸਮ੍ਪਯੁਤ੍ਤਾਨਿ ਸਮਾਧਿਞਾਣਾਨਿ, ਤੇਸਂ ਅਪਚ੍ਛਾ ਅਪੁਰੇ ਉਪ੍ਪਤ੍ਤਿ વੇਦਿਤਬ੍ਬਾਤਿ।
74. Tatiye gilānā vuṭṭhitoti gilāno hutvā vuṭṭhito. Gelaññāti gilānabhāvato. Upasaṅkamīti bhuttapātarāso mālāgandhādīni ādāya mahāparivāraparivuto upasaṅkami. Bāhāyaṃ gahetvāti na bāhāyaṃ gahetvā ākaḍḍhi, nisinnāsanato vuṭṭhāya tassa santikaṃ gantvā dakkhiṇabāhāyaṃ aṅguṭṭhakena saññaṃ datvā ekamantaṃ apanesīti veditabbo. Athassa ‘‘sekhampi kho, mahānāma, sīla’’ntiādinā nayena sattannaṃ sekhānaṃ sīlañca samādhiñca paññañca kathetvā upari arahattaphalavasena asekhā sīlasamādhipaññāyo kathento – ‘‘sekhasamādhito sekhaṃ vipassanāñāṇaṃ asekhañca phalañāṇaṃ pacchā, sekhavipassanāñāṇato ca asekhaphalasamādhi pacchā uppajjatī’’ti dīpesi. Yāni pana sampayuttāni samādhiñāṇāni, tesaṃ apacchā apure uppatti veditabbāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਮਹਾਨਾਮਸਕ੍ਕਸੁਤ੍ਤਂ • 3. Mahānāmasakkasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩. ਮਹਾਨਾਮਸਕ੍ਕਸੁਤ੍ਤવਣ੍ਣਨਾ • 3. Mahānāmasakkasuttavaṇṇanā
