| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
7. மஹானாமஸிக்கா²பத³ங்
7. Mahānāmasikkhāpadaṃ
303. ஸத்தமே ‘‘ப⁴க³வதோ’’திபத³ங் ‘‘சூளபிதுபுத்தோ’’திபதே³ ஸம்ப³ந்தோ⁴, ‘‘மஹல்லகதரோ’’திபதே³ அபாதா³னங். சூளபிதுபுத்தோதி ஸுத்³தோ⁴த³னோ, ஸக்கோத³னோ, ஸுக்கோத³னோ, தோ⁴தோத³னோ, அமிதோத³னோதி பஞ்ச ஜனா பா⁴தரோ, அமிதா, பாலிதாதி த்³வே ப⁴கி³னியோ. தேஸு ப⁴க³வா ச நந்தோ³ ச ஜெட்ட²பா⁴துபூ⁴தஸ்ஸ ஸுத்³தோ⁴த³னஸ்ஸ புத்தா, ஆனந்தோ³ கனிட்ட²பா⁴துபூ⁴தஸ்ஸ அமிதோத³னஸ்ஸ புத்தோ, மஹானாமோ ச அனுருத்³தோ⁴ ச ததியஸ்ஸ ஸுக்கோத³னஸ்ஸ புத்தா. ஸக்கோத³னதோ⁴தோத³னானங் புத்தா அபாகடா. திஸ்ஸத்தே²ரோ அமிதாய நாம ப⁴கி³னியா புத்தோ, பாலிதாய புத்ததீ⁴தரா அபாகடா. தஸ்மா சூளபிதுனோ ஸுக்கோத³னஸ்ஸ புத்தோ சூளபிதுபுத்தோதி அத்தோ² த³ட்ட²ப்³போ³. த்³வீஸு ப²லேஸூதி ஹெட்டி²மேஸு த்³வீஸு ப²லேஸு. உஸ்ஸன்னஸத்³தோ³ ப³ஹுபரியாயோதி ஆஹ ‘‘ப³ஹூ’’தி. வஜதோதி கொ³ட்ட²தோ. தஞ்ஹி கா³வோ கோ³சரட்டா²னதோ படிக்கமித்வா நிவாஸத்தா²ய வஜந்தி க³ச்ச²ந்தி அஸ்மிந்தி வஜோதி வுச்சதி.
303. Sattame ‘‘bhagavato’’tipadaṃ ‘‘cūḷapituputto’’tipade sambandho, ‘‘mahallakataro’’tipade apādānaṃ. Cūḷapituputtoti suddhodano, sakkodano, sukkodano, dhotodano, amitodanoti pañca janā bhātaro, amitā, pālitāti dve bhaginiyo. Tesu bhagavā ca nando ca jeṭṭhabhātubhūtassa suddhodanassa puttā, ānando kaniṭṭhabhātubhūtassa amitodanassa putto, mahānāmo ca anuruddho ca tatiyassa sukkodanassa puttā. Sakkodanadhotodanānaṃ puttā apākaṭā. Tissatthero amitāya nāma bhaginiyā putto, pālitāya puttadhītarā apākaṭā. Tasmā cūḷapituno sukkodanassa putto cūḷapituputtoti attho daṭṭhabbo. Dvīsu phalesūti heṭṭhimesu dvīsu phalesu. Ussannasaddo bahupariyāyoti āha ‘‘bahū’’ti. Vajatoti goṭṭhato. Tañhi gāvo gocaraṭṭhānato paṭikkamitvā nivāsatthāya vajanti gacchanti asminti vajoti vuccati.
306. தஸ்மிங் ஸமயேதி தஸ்மிங் பவாரணஸமயே. ‘‘எத்தகேஹீ’’திபத³ஸ்ஸ நாமவஸேன வா பரிமாணவஸேன வா து³வித⁴ஸ்ஸ அத்த²ஸ்ஸ அதி⁴ப்பேதத்தா வுத்தங் ‘‘நாமவஸேன பரிமாணவஸேனா’’தி. தேஸு நாமங் ஸந்தா⁴ய ஏதங் நாமங் ஏதேஸங் பே⁴ஸஜ்ஜானந்தி எத்தகானீதி வசனத்தோ² காதப்³போ³, பரிமாணங் ஸந்தா⁴ய ஏதங் பரிமாணங் ஏதேஸந்தி எத்தகானீதி வசனத்தோ² காதப்³போ³. ‘‘அஞ்ஞங் பே⁴ஸஜ்ஜ’’ந்தி எத்த² அஞ்ஞஸத்³த³ஸ்ஸ அபாதா³னங் நாமங் வா பரிமாணங் வா ப⁴வெய்யாதி ஆஹ ‘‘ஸப்³பி³னா பவாரிதோ’’திஆதி³.
306.Tasmiṃ samayeti tasmiṃ pavāraṇasamaye. ‘‘Ettakehī’’tipadassa nāmavasena vā parimāṇavasena vā duvidhassa atthassa adhippetattā vuttaṃ ‘‘nāmavasena parimāṇavasenā’’ti. Tesu nāmaṃ sandhāya etaṃ nāmaṃ etesaṃ bhesajjānanti ettakānīti vacanattho kātabbo, parimāṇaṃ sandhāya etaṃ parimāṇaṃ etesanti ettakānīti vacanattho kātabbo. ‘‘Aññaṃ bhesajja’’nti ettha aññasaddassa apādānaṃ nāmaṃ vā parimāṇaṃ vā bhaveyyāti āha ‘‘sabbinā pavārito’’tiādi.
310. யேதி தா³யகா, பவாரிதா ஹொந்தீதி ஸம்ப³ந்தோ⁴தி. ஸத்தமங்.
310.Yeti dāyakā, pavāritā hontīti sambandhoti. Sattamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
