| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਮਹਾਨਾਮਸਿਕ੍ਖਾਪਦਂ
7. Mahānāmasikkhāpadaṃ
੩੦੩. ਸਤ੍ਤਮੇ ‘‘ਭਗવਤੋ’’ਤਿਪਦਂ ‘‘ਚੂਲ਼ਪਿਤੁਪੁਤ੍ਤੋ’’ਤਿਪਦੇ ਸਮ੍ਬਨ੍ਧੋ, ‘‘ਮਹਲ੍ਲਕਤਰੋ’’ਤਿਪਦੇ ਅਪਾਦਾਨਂ। ਚੂਲ਼ਪਿਤੁਪੁਤ੍ਤੋਤਿ ਸੁਦ੍ਧੋਦਨੋ, ਸਕ੍ਕੋਦਨੋ, ਸੁਕ੍ਕੋਦਨੋ, ਧੋਤੋਦਨੋ, ਅਮਿਤੋਦਨੋਤਿ ਪਞ੍ਚ ਜਨਾ ਭਾਤਰੋ, ਅਮਿਤਾ, ਪਾਲਿਤਾਤਿ ਦ੍વੇ ਭਗਿਨਿਯੋ। ਤੇਸੁ ਭਗવਾ ਚ ਨਨ੍ਦੋ ਚ ਜੇਟ੍ਠਭਾਤੁਭੂਤਸ੍ਸ ਸੁਦ੍ਧੋਦਨਸ੍ਸ ਪੁਤ੍ਤਾ, ਆਨਨ੍ਦੋ ਕਨਿਟ੍ਠਭਾਤੁਭੂਤਸ੍ਸ ਅਮਿਤੋਦਨਸ੍ਸ ਪੁਤ੍ਤੋ, ਮਹਾਨਾਮੋ ਚ ਅਨੁਰੁਦ੍ਧੋ ਚ ਤਤਿਯਸ੍ਸ ਸੁਕ੍ਕੋਦਨਸ੍ਸ ਪੁਤ੍ਤਾ। ਸਕ੍ਕੋਦਨਧੋਤੋਦਨਾਨਂ ਪੁਤ੍ਤਾ ਅਪਾਕਟਾ। ਤਿਸ੍ਸਤ੍ਥੇਰੋ ਅਮਿਤਾਯ ਨਾਮ ਭਗਿਨਿਯਾ ਪੁਤ੍ਤੋ, ਪਾਲਿਤਾਯ ਪੁਤ੍ਤਧੀਤਰਾ ਅਪਾਕਟਾ। ਤਸ੍ਮਾ ਚੂਲ਼ਪਿਤੁਨੋ ਸੁਕ੍ਕੋਦਨਸ੍ਸ ਪੁਤ੍ਤੋ ਚੂਲ਼ਪਿਤੁਪੁਤ੍ਤੋਤਿ ਅਤ੍ਥੋ ਦਟ੍ਠਬ੍ਬੋ। ਦ੍વੀਸੁ ਫਲੇਸੂਤਿ ਹੇਟ੍ਠਿਮੇਸੁ ਦ੍વੀਸੁ ਫਲੇਸੁ। ਉਸ੍ਸਨ੍ਨਸਦ੍ਦੋ ਬਹੁਪਰਿਯਾਯੋਤਿ ਆਹ ‘‘ਬਹੂ’’ਤਿ। વਜਤੋਤਿ ਗੋਟ੍ਠਤੋ। ਤਞ੍ਹਿ ਗਾવੋ ਗੋਚਰਟ੍ਠਾਨਤੋ ਪਟਿਕ੍ਕਮਿਤ੍વਾ ਨਿવਾਸਤ੍ਥਾਯ વਜਨ੍ਤਿ ਗਚ੍ਛਨ੍ਤਿ ਅਸ੍ਮਿਨ੍ਤਿ વਜੋਤਿ વੁਚ੍ਚਤਿ।
303. Sattame ‘‘bhagavato’’tipadaṃ ‘‘cūḷapituputto’’tipade sambandho, ‘‘mahallakataro’’tipade apādānaṃ. Cūḷapituputtoti suddhodano, sakkodano, sukkodano, dhotodano, amitodanoti pañca janā bhātaro, amitā, pālitāti dve bhaginiyo. Tesu bhagavā ca nando ca jeṭṭhabhātubhūtassa suddhodanassa puttā, ānando kaniṭṭhabhātubhūtassa amitodanassa putto, mahānāmo ca anuruddho ca tatiyassa sukkodanassa puttā. Sakkodanadhotodanānaṃ puttā apākaṭā. Tissatthero amitāya nāma bhaginiyā putto, pālitāya puttadhītarā apākaṭā. Tasmā cūḷapituno sukkodanassa putto cūḷapituputtoti attho daṭṭhabbo. Dvīsu phalesūti heṭṭhimesu dvīsu phalesu. Ussannasaddo bahupariyāyoti āha ‘‘bahū’’ti. Vajatoti goṭṭhato. Tañhi gāvo gocaraṭṭhānato paṭikkamitvā nivāsatthāya vajanti gacchanti asminti vajoti vuccati.
੩੦੬. ਤਸ੍ਮਿਂ ਸਮਯੇਤਿ ਤਸ੍ਮਿਂ ਪવਾਰਣਸਮਯੇ। ‘‘ਏਤ੍ਤਕੇਹੀ’’ਤਿਪਦਸ੍ਸ ਨਾਮવਸੇਨ વਾ ਪਰਿਮਾਣવਸੇਨ વਾ ਦੁવਿਧਸ੍ਸ ਅਤ੍ਥਸ੍ਸ ਅਧਿਪ੍ਪੇਤਤ੍ਤਾ વੁਤ੍ਤਂ ‘‘ਨਾਮવਸੇਨ ਪਰਿਮਾਣવਸੇਨਾ’’ਤਿ। ਤੇਸੁ ਨਾਮਂ ਸਨ੍ਧਾਯ ਏਤਂ ਨਾਮਂ ਏਤੇਸਂ ਭੇਸਜ੍ਜਾਨਨ੍ਤਿ ਏਤ੍ਤਕਾਨੀਤਿ વਚਨਤ੍ਥੋ ਕਾਤਬ੍ਬੋ, ਪਰਿਮਾਣਂ ਸਨ੍ਧਾਯ ਏਤਂ ਪਰਿਮਾਣਂ ਏਤੇਸਨ੍ਤਿ ਏਤ੍ਤਕਾਨੀਤਿ વਚਨਤ੍ਥੋ ਕਾਤਬ੍ਬੋ। ‘‘ਅਞ੍ਞਂ ਭੇਸਜ੍ਜ’’ਨ੍ਤਿ ਏਤ੍ਥ ਅਞ੍ਞਸਦ੍ਦਸ੍ਸ ਅਪਾਦਾਨਂ ਨਾਮਂ વਾ ਪਰਿਮਾਣਂ વਾ ਭવੇਯ੍ਯਾਤਿ ਆਹ ‘‘ਸਬ੍ਬਿਨਾ ਪવਾਰਿਤੋ’’ਤਿਆਦਿ।
306.Tasmiṃ samayeti tasmiṃ pavāraṇasamaye. ‘‘Ettakehī’’tipadassa nāmavasena vā parimāṇavasena vā duvidhassa atthassa adhippetattā vuttaṃ ‘‘nāmavasena parimāṇavasenā’’ti. Tesu nāmaṃ sandhāya etaṃ nāmaṃ etesaṃ bhesajjānanti ettakānīti vacanattho kātabbo, parimāṇaṃ sandhāya etaṃ parimāṇaṃ etesanti ettakānīti vacanattho kātabbo. ‘‘Aññaṃ bhesajja’’nti ettha aññasaddassa apādānaṃ nāmaṃ vā parimāṇaṃ vā bhaveyyāti āha ‘‘sabbinā pavārito’’tiādi.
੩੧੦. ਯੇਤਿ ਦਾਯਕਾ, ਪવਾਰਿਤਾ ਹੋਨ੍ਤੀਤਿ ਸਮ੍ਬਨ੍ਧੋਤਿ। ਸਤ੍ਤਮਂ।
310.Yeti dāyakā, pavāritā hontīti sambandhoti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. ਮਹਾਨਾਮਸਿਕ੍ਖਾਪਦવਣ੍ਣਨਾ • 7. Mahānāmasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਮਹਾਨਾਮਸਿਕ੍ਖਾਪਦવਣ੍ਣਨਾ • 7. Mahānāmasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਮਹਾਨਾਮਸਿਕ੍ਖਾਪਦવਣ੍ਣਨਾ • 7. Mahānāmasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਮਹਾਨਾਮਸਿਕ੍ਖਾਪਦવਣ੍ਣਨਾ • 7. Mahānāmasikkhāpadavaṇṇanā
