| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
7. மஹானாமஸிக்கா²பத³வண்ணனா
7. Mahānāmasikkhāpadavaṇṇanā
303. ஸத்தமஸிக்கா²பதே³ – மஹானாமோ நாம ப⁴க³வதோ சூளபிதுபுத்தோ மாஸமத்தேன மஹல்லகதரோ த்³வீஸு ப²லேஸு பதிட்டி²தோ அரியஸாவகோ. பே⁴ஸஜ்ஜங் உஸ்ஸன்னங் ஹோதீதி வஜதோ ஆஹரித்வா ட²பிதஸப்பி ப³ஹு ஹோதி.
303. Sattamasikkhāpade – mahānāmo nāma bhagavato cūḷapituputto māsamattena mahallakataro dvīsu phalesu patiṭṭhito ariyasāvako. Bhesajjaṃ ussannaṃ hotīti vajato āharitvā ṭhapitasappi bahu hoti.
306. ஸாதி³தப்³பா³தி தஸ்மிங் ஸமயே ரோகோ³ நத்தீ²தி ந படிக்கி²பிதப்³பா³; ரோகே³ ஸதி விஞ்ஞாபெஸ்ஸாமீதி அதி⁴வாஸேதப்³பா³. எத்தகேஹி பே⁴ஸஜ்ஜேஹி பவாரேமீதி நாமவஸேன ஸப்பிதேலாதீ³ஸு த்³வீஹி தீஹி வா பரிமாணவஸேன பத்தே²ன நாளியா ஆள்ஹகேனாதி வா.அஞ்ஞங் பே⁴ஸஜ்ஜங் விஞ்ஞாபேதீதி ஸப்பினா பவாரிதோ தேலங் விஞ்ஞாபேதி, ஆள்ஹகேன பவாரிதோ தோ³ணங். ந பே⁴ஸஜ்ஜேன கரணீயேனாதி மிஸ்ஸகப⁴த்தேனபி சே யாபேதுங் ஸக்கோதி, ந பே⁴ஸஜ்ஜகரணீயங் நாம ஹோதி.
306.Sāditabbāti tasmiṃ samaye rogo natthīti na paṭikkhipitabbā; roge sati viññāpessāmīti adhivāsetabbā. Ettakehi bhesajjehi pavāremīti nāmavasena sappitelādīsu dvīhi tīhi vā parimāṇavasena patthena nāḷiyā āḷhakenāti vā.Aññaṃ bhesajjaṃ viññāpetīti sappinā pavārito telaṃ viññāpeti, āḷhakena pavārito doṇaṃ. Na bhesajjena karaṇīyenāti missakabhattenapi ce yāpetuṃ sakkoti, na bhesajjakaraṇīyaṃ nāma hoti.
310. பவாரிதானந்தி யே அத்தனோ புக்³க³லிகாய பவாரணாய பவாரிதா; தேஸங் பவாரிதானுரூபேன விஞ்ஞத்தியா அனாபத்தி. ஸங்க⁴வஸேன பவாரிதேஸு பன பமாணங் ஸல்லக்கே²தப்³ப³மேவாதி. ஸேஸங் உத்தானமேவ.
310.Pavāritānanti ye attano puggalikāya pavāraṇāya pavāritā; tesaṃ pavāritānurūpena viññattiyā anāpatti. Saṅghavasena pavāritesu pana pamāṇaṃ sallakkhetabbamevāti. Sesaṃ uttānameva.
ச²ஸமுட்டா²னங் – கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
மஹானாமஸிக்கா²பத³ங் ஸத்தமங்.
Mahānāmasikkhāpadaṃ sattamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. மஹானாமஸிக்கா²பத³ங் • 7. Mahānāmasikkhāpadaṃ
