| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
7. மஹானாமஸிக்கா²பத³வண்ணனா
7. Mahānāmasikkhāpadavaṇṇanā
பணீதபோ⁴ஜனஸிக்கா²பதே³ ‘‘மஹானாமஸிக்கா²பதே³ன காரேதப்³போ³’’தி (கங்கா²॰ அட்ட²॰ பணீதபோ⁴ஜனஸிக்கா²பத³வண்ணனா) யங் வுத்தங், தஸ்ஸத்தோ² ஸங்க⁴வஸேன பவாரிதே பே⁴ஸஜ்ஜத்தா²ய ஸப்பிஆதி³பே⁴ஸஜ்ஜபஞ்சகங் விஞ்ஞாபேதி சே, ‘‘நபே⁴ஸஜ்ஜேன கரணீயேன பே⁴ஸஜ்ஜங் விஞ்ஞாபேதீ’’தி (பாசி॰ 309) வசனேன பாசித்தியந்தி (வஜிர॰ டீ॰ பாசித்திய 310) லிகி²தங். ‘‘தயா இமினாவ பவாரிதம்ஹா, அம்ஹாகஞ்ச இமினா ச இமினா ச அத்தோ²’’தி யதா²பூ⁴தங் ஆசிக்கி²த்வா விஞ்ஞாபேதுங் கி³லானோவ லப⁴தி, ந இதரோதி ச, ‘‘அஞ்ஞஸ்ஸ அத்தா²யா’’தி அஸ்ஸ ஞாதகப்பவாரிதே, அத்தனோ வா ஞாதகப்பவாரிதேதி அத்தோ²தி ச, ‘‘அபரியந்தப்பவாரணாய பவாரிதே’’தி ஸங்க⁴வஸேன, புக்³க³லவஸேன ச பவாரெத்வா தா³யகா. தஸ்மா ‘‘ஸங்க⁴ப்பவாரணதா’’தி வத்வா ‘‘புக்³க³லப்பவாரணதா’’தி ந வுத்தந்தி ச, ‘‘பரியந்தாதிக்கமோ’’தி வசனேன கி³லானோ க³ஹிதோ, தஸ்மா ‘‘கி³லானாகி³லானதா’’தி ந வுத்தங். ஏவங் ஸந்தேபி ‘‘ஸங்க⁴ப்பவாரணாய பவாரணதா’’தி பாடோ²தி ச லிகி²தங், வீமங்ஸிதப்³ப³ங்.
Paṇītabhojanasikkhāpade ‘‘mahānāmasikkhāpadena kāretabbo’’ti (kaṅkhā. aṭṭha. paṇītabhojanasikkhāpadavaṇṇanā) yaṃ vuttaṃ, tassattho saṅghavasena pavārite bhesajjatthāya sappiādibhesajjapañcakaṃ viññāpeti ce, ‘‘nabhesajjena karaṇīyena bhesajjaṃ viññāpetī’’ti (pāci. 309) vacanena pācittiyanti (vajira. ṭī. pācittiya 310) likhitaṃ. ‘‘Tayā imināva pavāritamhā, amhākañca iminā ca iminā ca attho’’ti yathābhūtaṃ ācikkhitvā viññāpetuṃ gilānova labhati, na itaroti ca, ‘‘aññassa atthāyā’’ti assa ñātakappavārite, attano vā ñātakappavāriteti atthoti ca, ‘‘apariyantappavāraṇāya pavārite’’ti saṅghavasena, puggalavasena ca pavāretvā dāyakā. Tasmā ‘‘saṅghappavāraṇatā’’ti vatvā ‘‘puggalappavāraṇatā’’ti na vuttanti ca, ‘‘pariyantātikkamo’’ti vacanena gilāno gahito, tasmā ‘‘gilānāgilānatā’’ti na vuttaṃ. Evaṃ santepi ‘‘saṅghappavāraṇāya pavāraṇatā’’ti pāṭhoti ca likhitaṃ, vīmaṃsitabbaṃ.
மஹானாமஸிக்கா²பத³வண்ணனா நிட்டி²தா.
Mahānāmasikkhāpadavaṇṇanā niṭṭhitā.
