| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
7. மஹானாமஸிக்கா²பத³வண்ணனா
7. Mahānāmasikkhāpadavaṇṇanā
303. ஸத்தமே மஹானாமோ நாமாதி அனுருத்³த⁴த்தே²ரஸ்ஸ பா⁴தா ப⁴க³வதோ சூளபிது புத்தோ. ஸுத்³தோ⁴த³னோ ஸக்கோத³னோ ஸுக்கோத³னோ தோ⁴தோத³னோ அமிதோத³னோதி இமே ஹி பஞ்ச ஜனா பா⁴தரோ. அமிதா நாம தே³வீ தேஸங் ப⁴கி³னீ, திஸ்ஸத்தே²ரோ தஸ்ஸா புத்தோ. ததா²க³தோ ச நந்த³த்தே²ரோ ச ஸுத்³தோ⁴த³னஸ்ஸ புத்தா, மஹானாமோ ச அனுருத்³த⁴த்தே²ரோ ச ஸுக்கோத³னஸ்ஸ, ஆனந்த³த்தே²ரோ அமிதோத³னஸ்ஸ. ஸோ ப⁴க³வதோ கனிட்டோ², மஹானாமோ மஹல்லகதரோ ஸகதா³கா³மீ அரியஸாவகோ. தேன வுத்தங் ‘‘மஹானாமோ நாம…பே॰… அரியஸாவகோ’’தி.
303. Sattame mahānāmo nāmāti anuruddhattherassa bhātā bhagavato cūḷapitu putto. Suddhodano sakkodano sukkodano dhotodano amitodanoti ime hi pañca janā bhātaro. Amitā nāma devī tesaṃ bhaginī, tissatthero tassā putto. Tathāgato ca nandatthero ca suddhodanassa puttā, mahānāmo ca anuruddhatthero ca sukkodanassa, ānandatthero amitodanassa. So bhagavato kaniṭṭho, mahānāmo mahallakataro sakadāgāmī ariyasāvako. Tena vuttaṃ ‘‘mahānāmo nāma…pe… ariyasāvako’’ti.
305-306. பாளியங் அஜ்ஜண்ஹோதி அஜ்ஜ ஏகதி³வஸந்தி அத்தோ², ‘‘அஜ்ஜனோ’’தி வா அத்தோ² க³ஹேதப்³போ³, நோ அம்ஹாகங். காலங் ஆஹரிஸ்ஸதா²தி ஸ்வே ஹரிஸ்ஸத². ததோ சே உத்தரி ஸாதி³யெய்யாதி ஸசே தத்த² ரத்தீஹி வா பே⁴ஸஜ்ஜேஹி வா பரிச்சே²தோ³ கதோ ஹோதி ‘‘எத்தகாயேவ வா ரத்தியோ எத்தகானி வா பே⁴ஸஜ்ஜானி விஞ்ஞாபேதப்³பா³னீ’’தி, ததோ ரத்திபரியந்ததோ வா பே⁴ஸஜ்ஜபரியந்ததோ வா உத்தரி விஞ்ஞாபெந்தோ ஸாதி³யெய்ய. ‘‘இமேஹி தயா பே⁴ஸஜ்ஜேஹி பவாரிதம்ஹ, அம்ஹாகஞ்ச இமினாவ பே⁴ஸஜ்ஜேன அத்தோ²’’தி ஆசிக்கி²த்வா விஞ்ஞாபேதும்பி கி³லானோவ லப⁴தி.
305-306. Pāḷiyaṃ ajjaṇhoti ajja ekadivasanti attho, ‘‘ajjano’’ti vā attho gahetabbo, no amhākaṃ. Kālaṃ āharissathāti sve harissatha. Tato ce uttari sādiyeyyāti sace tattha rattīhi vā bhesajjehi vā paricchedo kato hoti ‘‘ettakāyeva vā rattiyo ettakāni vā bhesajjāni viññāpetabbānī’’ti, tato rattipariyantato vā bhesajjapariyantato vā uttari viññāpento sādiyeyya. ‘‘Imehi tayā bhesajjehi pavāritamha, amhākañca imināva bhesajjena attho’’ti ācikkhitvā viññāpetumpi gilānova labhati.
310. யஸ்மா ஸங்க⁴பவாரணாயமேவாயங் விதி⁴, தஸ்மா ‘‘யே அத்தனோ புக்³க³லிகாய பவாரணாய பவாரிதா’’தி வுத்தங். ஸேஸங் உத்தானமேவ. ஸங்க⁴பவாரணதா , பே⁴ஸஜ்ஜவிஞ்ஞத்தி, அகி³லானதா, பரியந்தாதிக்கமோதி இமானி பனெத்த² சத்தாரி அங்கா³னி.
310. Yasmā saṅghapavāraṇāyamevāyaṃ vidhi, tasmā ‘‘ye attano puggalikāya pavāraṇāya pavāritā’’ti vuttaṃ. Sesaṃ uttānameva. Saṅghapavāraṇatā , bhesajjaviññatti, agilānatā, pariyantātikkamoti imāni panettha cattāri aṅgāni.
மஹானாமஸிக்கா²பத³வண்ணனா நிட்டி²தா.
Mahānāmasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 7. மஹானாமஸிக்கா²பத³வண்ணனா • 7. Mahānāmasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. மஹானாமஸிக்கா²பத³ங் • 7. Mahānāmasikkhāpadaṃ
