| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৭. মহানামসিক্খাপদৰণ্ণনা
7. Mahānāmasikkhāpadavaṇṇanā
সব্বঞ্চেতং ৰত্থুৰসেন ৰুত্তন্তি ‘‘অগিলানেন ভিক্খুনা চতুমাসপচ্চযপৰারণা সাদিতব্বা অঞ্ঞত্র পুনপৰারণায অঞ্ঞত্র নিচ্চপৰারণাযা’’তি (পাচি॰ ৩০৬) এতং সব্বং সিক্খাপদনিদানসঙ্খাতস্স ৰত্থুনো ৰসেন ৰুত্তং। তত্থ হি মহানামেন সক্কেন ‘‘ইচ্ছামহং, ভন্তে, সঙ্ঘং চতুমাসং ভেসজ্জেন পৰারেতু’’ন্তিআদিনা (পাচি॰ ৩০৩) উস্সন্নুস্সন্নেন চ ভেসজ্জেন চতুমাসং পুন নিচ্চং পৰারণা কতা, তস্মা ভগৰতা তস্স ৰসেন এৰং ৰুত্তন্তি ৰুত্তং হোতি। অঞ্ঞত্র পুনপৰারণাযাতি যদি পুনপৰারণা অত্থি, তং ঠপেত্ৰা। অঞ্ঞত্র নিচ্চপৰারণাযাতি এত্থাপি এসেৰ নযো। যদি পন তাপি অত্থি, সাদিতব্বাৰাতি অধিপ্পাযো। তেনাহ ‘‘অযং পনেত্থ অত্থো’’তিআদি। তত্থাতি তিস্সং পৰারণাযং। ভেসজ্জেহি ৰা পরিচ্ছেদো কতো হোতীতি ‘‘সপ্পি তেল’’ন্তি এৰমাদিনা নামৰসেন ৰা ‘‘পত্থেন নাল়িযা আল়্হকেনা’’তিআদিনা পরিমাণৰসেন ৰা ‘‘এত্তকানি ৰা ভেসজ্জানি ৰিঞ্ঞাপেতব্বানী’’তি ভেসজ্জেহি পরিচ্ছেদো কতো হোতি। নভেসজ্জকরণীযেতি মিস্সকভত্তেনাপি চে যাপেতুং সক্কোতি, নভেসজ্জকরণীযং নাম হোতি। অঞ্ঞং ভেসজ্জন্তি সপ্পিনা পৰারিতো তেলং, আল়্হকেন পৰারিতো দোণং।
Sabbañcetaṃvatthuvasena vuttanti ‘‘agilānena bhikkhunā catumāsapaccayapavāraṇā sāditabbā aññatra punapavāraṇāya aññatra niccapavāraṇāyā’’ti (pāci. 306) etaṃ sabbaṃ sikkhāpadanidānasaṅkhātassa vatthuno vasena vuttaṃ. Tattha hi mahānāmena sakkena ‘‘icchāmahaṃ, bhante, saṅghaṃ catumāsaṃ bhesajjena pavāretu’’ntiādinā (pāci. 303) ussannussannena ca bhesajjena catumāsaṃ puna niccaṃ pavāraṇā katā, tasmā bhagavatā tassa vasena evaṃ vuttanti vuttaṃ hoti. Aññatra punapavāraṇāyāti yadi punapavāraṇā atthi, taṃ ṭhapetvā. Aññatra niccapavāraṇāyāti etthāpi eseva nayo. Yadi pana tāpi atthi, sāditabbāvāti adhippāyo. Tenāha ‘‘ayaṃ panettha attho’’tiādi. Tatthāti tissaṃ pavāraṇāyaṃ. Bhesajjehi vā paricchedo kato hotīti ‘‘sappi tela’’nti evamādinā nāmavasena vā ‘‘patthena nāḷiyā āḷhakenā’’tiādinā parimāṇavasena vā ‘‘ettakāni vā bhesajjāni viññāpetabbānī’’ti bhesajjehi paricchedo kato hoti. Nabhesajjakaraṇīyeti missakabhattenāpi ce yāpetuṃ sakkoti, nabhesajjakaraṇīyaṃ nāma hoti. Aññaṃ bhesajjanti sappinā pavārito telaṃ, āḷhakena pavārito doṇaṃ.
যথাভূতং আচিক্খিত্ৰাতি ‘‘ইমেহি তযা ভেসজ্জেহি পৰারিতম্হা, অম্হাকঞ্চ ইমিনা চ ইমিনা চ ভেসজ্জেন অত্থো, যাসু তযা রত্তীসু পৰারিতম্হা, তা রত্তিযো ৰীতিৰত্তা, অম্হাকঞ্চ ভেসজ্জেন অত্থো’’তি যথাভূতং আরোচেত্ৰা। এৰঞ্চ ৰিঞ্ঞাপেতুং গিলানোৰ লভতি, ন ইতরো।
Yathābhūtaṃ ācikkhitvāti ‘‘imehi tayā bhesajjehi pavāritamhā, amhākañca iminā ca iminā ca bhesajjena attho, yāsu tayā rattīsu pavāritamhā, tā rattiyo vītivattā, amhākañca bhesajjena attho’’ti yathābhūtaṃ ārocetvā. Evañca viññāpetuṃ gilānova labhati, na itaro.
মহানামসিক্খাপদৰণ্ণনা নিট্ঠিতা।
Mahānāmasikkhāpadavaṇṇanā niṭṭhitā.
