| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. махаанаамасигкаабад̣̇аван̣н̣анаа
7. Mahānāmasikkhāpadavaṇṇanā
саб̣б̣ан̃жзд̇ам̣ вад̇т̇увасзна вуд̇д̇анд̇и ‘‘аг̇илаанзна бхигкунаа жад̇умаасабажжаяабавааран̣аа саад̣̇ид̇аб̣б̣аа ан̃н̃ад̇ра бунабавааран̣ааяа ан̃н̃ад̇ра нижжабавааран̣ааяаа’’д̇и (баажи. 306) зд̇ам̣ саб̣б̣ам̣ сигкаабад̣̇анид̣̇аанасан̇каад̇асса вад̇т̇уно васзна вуд̇д̇ам̣. д̇ад̇т̇а хи махаанаамзна саггзна ‘‘ижчаамахам̣, бханд̇з, сан̇гхам̣ жад̇умаасам̣ бхзсаж̇ж̇зна баваарзд̇у’’нд̇иаад̣̇инаа (баажи. 303) уссаннуссаннзна жа бхзсаж̇ж̇зна жад̇умаасам̣ буна нижжам̣ бавааран̣аа гад̇аа, д̇асмаа бхаг̇авад̇аа д̇асса васзна звам̣ вуд̇д̇анд̇и вуд̇д̇ам̣ ход̇и. ан̃н̃ад̇ра бунабавааран̣ааяаад̇и яад̣̇и бунабавааран̣аа ад̇т̇и, д̇ам̣ табзд̇ваа. ан̃н̃ад̇ра нижжабавааран̣ааяаад̇и зд̇т̇ааби зсзва наяо. яад̣̇и бана д̇ааби ад̇т̇и, саад̣̇ид̇аб̣б̣ааваад̇и ад̇хиббааяо. д̇знааха ‘‘аяам̣ банзд̇т̇а ад̇т̇о’’д̇иаад̣̇и. д̇ад̇т̇аад̇и д̇иссам̣ бавааран̣ааяам̣. бхзсаж̇ж̇зхи ваа барижчзд̣̇о гад̇о ход̇ийд̇и ‘‘сабби д̇зла’’нд̇и звамаад̣̇инаа наамавасзна ваа ‘‘бад̇т̇зна наал̣ияаа аал̣хагзнаа’’д̇иаад̣̇инаа баримаан̣авасзна ваа ‘‘зд̇д̇агаани ваа бхзсаж̇ж̇аани вин̃н̃аабзд̇аб̣б̣ааний’’д̇и бхзсаж̇ж̇зхи барижчзд̣̇о гад̇о ход̇и. набхзсаж̇ж̇агаран̣ийязд̇и миссагабхад̇д̇знааби жз яаабзд̇ум̣ саггод̇и, набхзсаж̇ж̇агаран̣ийяам̣ наама ход̇и. ан̃н̃ам̣ бхзсаж̇ж̇анд̇и саббинаа баваарид̇о д̇злам̣, аал̣хагзна баваарид̇о д̣̇он̣ам̣.
Sabbañcetaṃvatthuvasena vuttanti ‘‘agilānena bhikkhunā catumāsapaccayapavāraṇā sāditabbā aññatra punapavāraṇāya aññatra niccapavāraṇāyā’’ti (pāci. 306) etaṃ sabbaṃ sikkhāpadanidānasaṅkhātassa vatthuno vasena vuttaṃ. Tattha hi mahānāmena sakkena ‘‘icchāmahaṃ, bhante, saṅghaṃ catumāsaṃ bhesajjena pavāretu’’ntiādinā (pāci. 303) ussannussannena ca bhesajjena catumāsaṃ puna niccaṃ pavāraṇā katā, tasmā bhagavatā tassa vasena evaṃ vuttanti vuttaṃ hoti. Aññatra punapavāraṇāyāti yadi punapavāraṇā atthi, taṃ ṭhapetvā. Aññatra niccapavāraṇāyāti etthāpi eseva nayo. Yadi pana tāpi atthi, sāditabbāvāti adhippāyo. Tenāha ‘‘ayaṃ panettha attho’’tiādi. Tatthāti tissaṃ pavāraṇāyaṃ. Bhesajjehi vā paricchedo kato hotīti ‘‘sappi tela’’nti evamādinā nāmavasena vā ‘‘patthena nāḷiyā āḷhakenā’’tiādinā parimāṇavasena vā ‘‘ettakāni vā bhesajjāni viññāpetabbānī’’ti bhesajjehi paricchedo kato hoti. Nabhesajjakaraṇīyeti missakabhattenāpi ce yāpetuṃ sakkoti, nabhesajjakaraṇīyaṃ nāma hoti. Aññaṃ bhesajjanti sappinā pavārito telaṃ, āḷhakena pavārito doṇaṃ.
яат̇аабхууд̇ам̣ аажигкид̇ваад̇и ‘‘имзхи д̇аяаа бхзсаж̇ж̇зхи баваарид̇амхаа, амхааган̃жа иминаа жа иминаа жа бхзсаж̇ж̇зна ад̇т̇о, яаасу д̇аяаа рад̇д̇ийсу баваарид̇амхаа, д̇аа рад̇д̇ияо вийд̇ивад̇д̇аа, амхааган̃жа бхзсаж̇ж̇зна ад̇т̇о’’д̇и яат̇аабхууд̇ам̣ аарожзд̇ваа. зван̃жа вин̃н̃аабзд̇ум̣ г̇илаанова лабхад̇и, на ид̇аро.
Yathābhūtaṃ ācikkhitvāti ‘‘imehi tayā bhesajjehi pavāritamhā, amhākañca iminā ca iminā ca bhesajjena attho, yāsu tayā rattīsu pavāritamhā, tā rattiyo vītivattā, amhākañca bhesajjena attho’’ti yathābhūtaṃ ārocetvā. Evañca viññāpetuṃ gilānova labhati, na itaro.
махаанаамасигкаабад̣̇аван̣н̣анаа нидтид̇аа.
Mahānāmasikkhāpadavaṇṇanā niṭṭhitā.
