| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
7. махаанаамасигкаабад̣̇аван̣н̣анаа
7. Mahānāmasikkhāpadavaṇṇanā
бан̣ийд̇абхож̇анасигкаабад̣̇з ‘‘махаанаамасигкаабад̣̇зна гаарзд̇аб̣б̣о’’д̇и (ган̇каа. адта. бан̣ийд̇абхож̇анасигкаабад̣̇аван̣н̣анаа) яам̣ вуд̇д̇ам̣, д̇ассад̇т̇о сан̇гхавасзна баваарид̇з бхзсаж̇ж̇ад̇т̇ааяа саббиаад̣̇ибхзсаж̇ж̇абан̃жагам̣ вин̃н̃аабзд̇и жз, ‘‘набхзсаж̇ж̇зна гаран̣ийязна бхзсаж̇ж̇ам̣ вин̃н̃аабзд̇ий’’д̇и (баажи. 309) важанзна баажид̇д̇ияанд̇и (важ̇ира. дий. баажид̇д̇ияа 310) ликид̇ам̣. ‘‘д̇аяаа иминаава баваарид̇амхаа, амхааган̃жа иминаа жа иминаа жа ад̇т̇о’’д̇и яат̇аабхууд̇ам̣ аажигкид̇ваа вин̃н̃аабзд̇ум̣ г̇илаанова лабхад̇и, на ид̇арод̇и жа, ‘‘ан̃н̃асса ад̇т̇ааяаа’’д̇и асса н̃аад̇агаббаваарид̇з, ад̇д̇ано ваа н̃аад̇агаббаваарид̇зд̇и ад̇т̇од̇и жа, ‘‘абарияанд̇аббавааран̣ааяа баваарид̇з’’д̇и сан̇гхавасзна, буг̇г̇алавасзна жа баваарзд̇ваа д̣̇ааяагаа. д̇асмаа ‘‘сан̇гхаббавааран̣ад̇аа’’д̇и вад̇ваа ‘‘буг̇г̇алаббавааран̣ад̇аа’’д̇и на вуд̇д̇анд̇и жа, ‘‘барияанд̇аад̇иггамо’’д̇и важанзна г̇илаано г̇ахид̇о, д̇асмаа ‘‘г̇илаанааг̇илаанад̇аа’’д̇и на вуд̇д̇ам̣. звам̣ санд̇зби ‘‘сан̇гхаббавааран̣ааяа бавааран̣ад̇аа’’д̇и баатод̇и жа ликид̇ам̣, виймам̣сид̇аб̣б̣ам̣.
Paṇītabhojanasikkhāpade ‘‘mahānāmasikkhāpadena kāretabbo’’ti (kaṅkhā. aṭṭha. paṇītabhojanasikkhāpadavaṇṇanā) yaṃ vuttaṃ, tassattho saṅghavasena pavārite bhesajjatthāya sappiādibhesajjapañcakaṃ viññāpeti ce, ‘‘nabhesajjena karaṇīyena bhesajjaṃ viññāpetī’’ti (pāci. 309) vacanena pācittiyanti (vajira. ṭī. pācittiya 310) likhitaṃ. ‘‘Tayā imināva pavāritamhā, amhākañca iminā ca iminā ca attho’’ti yathābhūtaṃ ācikkhitvā viññāpetuṃ gilānova labhati, na itaroti ca, ‘‘aññassa atthāyā’’ti assa ñātakappavārite, attano vā ñātakappavāriteti atthoti ca, ‘‘apariyantappavāraṇāya pavārite’’ti saṅghavasena, puggalavasena ca pavāretvā dāyakā. Tasmā ‘‘saṅghappavāraṇatā’’ti vatvā ‘‘puggalappavāraṇatā’’ti na vuttanti ca, ‘‘pariyantātikkamo’’ti vacanena gilāno gahito, tasmā ‘‘gilānāgilānatā’’ti na vuttaṃ. Evaṃ santepi ‘‘saṅghappavāraṇāya pavāraṇatā’’ti pāṭhoti ca likhitaṃ, vīmaṃsitabbaṃ.
махаанаамасигкаабад̣̇аван̣н̣анаа нидтид̇аа.
Mahānāmasikkhāpadavaṇṇanā niṭṭhitā.
