| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
7. махаанаамасигкаабад̣̇аван̣н̣анаа
7. Mahānāmasikkhāpadavaṇṇanā
303. сад̇д̇амз махаанаамо наамаад̇и ануруд̣̇д̇хад̇т̇зрасса бхаад̇аа бхаг̇авад̇о жуул̣абид̇у буд̇д̇о. суд̣̇д̇ход̣̇ано саггод̣̇ано суггод̣̇ано д̇ход̇од̣̇ано амид̇од̣̇анод̇и имз хи бан̃жа ж̇анаа бхаад̇аро. амид̇аа наама д̣̇звий д̇зсам̣ бхаг̇иний, д̇иссад̇т̇зро д̇ассаа буд̇д̇о. д̇ат̇ааг̇ад̇о жа нанд̣̇ад̇т̇зро жа суд̣̇д̇ход̣̇анасса буд̇д̇аа, махаанаамо жа ануруд̣̇д̇хад̇т̇зро жа суггод̣̇анасса, аананд̣̇ад̇т̇зро амид̇од̣̇анасса. со бхаг̇авад̇о ганидто, махаанаамо махаллагад̇аро сагад̣̇ааг̇аамий арияасааваго. д̇зна вуд̇д̇ам̣ ‘‘махаанаамо наама…бз… арияасааваго’’д̇и.
303. Sattame mahānāmo nāmāti anuruddhattherassa bhātā bhagavato cūḷapitu putto. Suddhodano sakkodano sukkodano dhotodano amitodanoti ime hi pañca janā bhātaro. Amitā nāma devī tesaṃ bhaginī, tissatthero tassā putto. Tathāgato ca nandatthero ca suddhodanassa puttā, mahānāmo ca anuruddhatthero ca sukkodanassa, ānandatthero amitodanassa. So bhagavato kaniṭṭho, mahānāmo mahallakataro sakadāgāmī ariyasāvako. Tena vuttaṃ ‘‘mahānāmo nāma…pe… ariyasāvako’’ti.
305-306. баал̣ияам̣ аж̇ж̇ан̣ход̇и аж̇ж̇а згад̣̇ивасанд̇и ад̇т̇о, ‘‘аж̇ж̇ано’’д̇и ваа ад̇т̇о г̇ахзд̇аб̣б̣о, но амхаагам̣. гаалам̣ аахариссат̇аад̇и свз хариссат̇а. д̇ад̇о жз уд̇д̇ари саад̣̇иязяяаад̇и сажз д̇ад̇т̇а рад̇д̇ийхи ваа бхзсаж̇ж̇зхи ваа барижчзд̣̇о гад̇о ход̇и ‘‘зд̇д̇агааязва ваа рад̇д̇ияо зд̇д̇агаани ваа бхзсаж̇ж̇аани вин̃н̃аабзд̇аб̣б̣ааний’’д̇и, д̇ад̇о рад̇д̇ибарияанд̇ад̇о ваа бхзсаж̇ж̇абарияанд̇ад̇о ваа уд̇д̇ари вин̃н̃аабзнд̇о саад̣̇иязяяа. ‘‘имзхи д̇аяаа бхзсаж̇ж̇зхи баваарид̇амха, амхааган̃жа иминаава бхзсаж̇ж̇зна ад̇т̇о’’д̇и аажигкид̇ваа вин̃н̃аабзд̇умби г̇илаанова лабхад̇и.
305-306. Pāḷiyaṃ ajjaṇhoti ajja ekadivasanti attho, ‘‘ajjano’’ti vā attho gahetabbo, no amhākaṃ. Kālaṃ āharissathāti sve harissatha. Tato ce uttari sādiyeyyāti sace tattha rattīhi vā bhesajjehi vā paricchedo kato hoti ‘‘ettakāyeva vā rattiyo ettakāni vā bhesajjāni viññāpetabbānī’’ti, tato rattipariyantato vā bhesajjapariyantato vā uttari viññāpento sādiyeyya. ‘‘Imehi tayā bhesajjehi pavāritamha, amhākañca imināva bhesajjena attho’’ti ācikkhitvā viññāpetumpi gilānova labhati.
310. яасмаа сан̇гхабавааран̣ааяамзвааяам̣ вид̇хи, д̇асмаа ‘‘яз ад̇д̇ано буг̇г̇алигааяа бавааран̣ааяа баваарид̇аа’’д̇и вуд̇д̇ам̣. сзсам̣ уд̇д̇аанамзва. сан̇гхабавааран̣ад̇аа , бхзсаж̇ж̇авин̃н̃ад̇д̇и, аг̇илаанад̇аа, барияанд̇аад̇иггамод̇и имаани банзд̇т̇а жад̇д̇аари ан̇г̇аани.
310. Yasmā saṅghapavāraṇāyamevāyaṃ vidhi, tasmā ‘‘ye attano puggalikāya pavāraṇāya pavāritā’’ti vuttaṃ. Sesaṃ uttānameva. Saṅghapavāraṇatā , bhesajjaviññatti, agilānatā, pariyantātikkamoti imāni panettha cattāri aṅgāni.
махаанаамасигкаабад̣̇аван̣н̣анаа нидтид̇аа.
Mahānāmasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. ажзлагаваг̇г̇о • 5. Acelakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. махаанаамасигкаабад̣̇аван̣н̣анаа • 7. Mahānāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. махаанаамасигкаабад̣̇аван̣н̣анаа • 7. Mahānāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. махаанаамасигкаабад̣̇аван̣н̣анаа • 7. Mahānāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. махаанаамасигкаабад̣̇ам̣ • 7. Mahānāmasikkhāpadaṃ
