| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
७. महानामसिक्खापदवण्णना
7. Mahānāmasikkhāpadavaṇṇanā
३०३. सत्तमसिक्खापदे – महानामो नाम भगवतो चूळपितुपुत्तो मासमत्तेन महल्लकतरो द्वीसु फलेसु पतिट्ठितो अरियसावको। भेसज्जं उस्सन्नं होतीति वजतो आहरित्वा ठपितसप्पि बहु होति।
303. Sattamasikkhāpade – mahānāmo nāma bhagavato cūḷapituputto māsamattena mahallakataro dvīsu phalesu patiṭṭhito ariyasāvako. Bhesajjaṃ ussannaṃ hotīti vajato āharitvā ṭhapitasappi bahu hoti.
३०६. सादितब्बाति तस्मिं समये रोगो नत्थीति न पटिक्खिपितब्बा; रोगे सति विञ्ञापेस्सामीति अधिवासेतब्बा। एत्तकेहि भेसज्जेहि पवारेमीति नामवसेन सप्पितेलादीसु द्वीहि तीहि वा परिमाणवसेन पत्थेन नाळिया आळ्हकेनाति वा।अञ्ञं भेसज्जं विञ्ञापेतीति सप्पिना पवारितो तेलं विञ्ञापेति, आळ्हकेन पवारितो दोणं। न भेसज्जेन करणीयेनाति मिस्सकभत्तेनपि चे यापेतुं सक्कोति, न भेसज्जकरणीयं नाम होति।
306.Sāditabbāti tasmiṃ samaye rogo natthīti na paṭikkhipitabbā; roge sati viññāpessāmīti adhivāsetabbā. Ettakehi bhesajjehi pavāremīti nāmavasena sappitelādīsu dvīhi tīhi vā parimāṇavasena patthena nāḷiyā āḷhakenāti vā.Aññaṃ bhesajjaṃ viññāpetīti sappinā pavārito telaṃ viññāpeti, āḷhakena pavārito doṇaṃ. Na bhesajjena karaṇīyenāti missakabhattenapi ce yāpetuṃ sakkoti, na bhesajjakaraṇīyaṃ nāma hoti.
३१०. पवारितानन्ति ये अत्तनो पुग्गलिकाय पवारणाय पवारिता; तेसं पवारितानुरूपेन विञ्ञत्तिया अनापत्ति। सङ्घवसेन पवारितेसु पन पमाणं सल्लक्खेतब्बमेवाति। सेसं उत्तानमेव।
310.Pavāritānanti ye attano puggalikāya pavāraṇāya pavāritā; tesaṃ pavāritānurūpena viññattiyā anāpatti. Saṅghavasena pavāritesu pana pamāṇaṃ sallakkhetabbamevāti. Sesaṃ uttānameva.
छसमुट्ठानं – किरियं, नोसञ्ञाविमोक्खं, अचित्तकं, पण्णत्तिवज्जं, कायकम्मं, वचीकम्मं, तिचित्तं, तिवेदनन्ति।
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
महानामसिक्खापदं सत्तमं।
Mahānāmasikkhāpadaṃ sattamaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ५. अचेलकवग्गो • 5. Acelakavaggo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ७. महानामसिक्खापदवण्णना • 7. Mahānāmasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ७. महानामसिक्खापदवण्णना • 7. Mahānāmasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ७. महानामसिक्खापदवण्णना • 7. Mahānāmasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ७. महानामसिक्खापदं • 7. Mahānāmasikkhāpadaṃ
