| Library / Tipiṭaka / తిపిటక • Tipiṭaka / మహావిభఙ్గ-అట్ఠకథా • Mahāvibhaṅga-aṭṭhakathā |
౭. మహానామసిక్ఖాపదవణ్ణనా
7. Mahānāmasikkhāpadavaṇṇanā
౩౦౩. సత్తమసిక్ఖాపదే – మహానామో నామ భగవతో చూళపితుపుత్తో మాసమత్తేన మహల్లకతరో ద్వీసు ఫలేసు పతిట్ఠితో అరియసావకో. భేసజ్జం ఉస్సన్నం హోతీతి వజతో ఆహరిత్వా ఠపితసప్పి బహు హోతి.
303. Sattamasikkhāpade – mahānāmo nāma bhagavato cūḷapituputto māsamattena mahallakataro dvīsu phalesu patiṭṭhito ariyasāvako. Bhesajjaṃ ussannaṃ hotīti vajato āharitvā ṭhapitasappi bahu hoti.
౩౦౬. సాదితబ్బాతి తస్మిం సమయే రోగో నత్థీతి న పటిక్ఖిపితబ్బా; రోగే సతి విఞ్ఞాపేస్సామీతి అధివాసేతబ్బా. ఏత్తకేహి భేసజ్జేహి పవారేమీతి నామవసేన సప్పితేలాదీసు ద్వీహి తీహి వా పరిమాణవసేన పత్థేన నాళియా ఆళ్హకేనాతి వా.అఞ్ఞం భేసజ్జం విఞ్ఞాపేతీతి సప్పినా పవారితో తేలం విఞ్ఞాపేతి, ఆళ్హకేన పవారితో దోణం. న భేసజ్జేన కరణీయేనాతి మిస్సకభత్తేనపి చే యాపేతుం సక్కోతి, న భేసజ్జకరణీయం నామ హోతి.
306.Sāditabbāti tasmiṃ samaye rogo natthīti na paṭikkhipitabbā; roge sati viññāpessāmīti adhivāsetabbā. Ettakehi bhesajjehi pavāremīti nāmavasena sappitelādīsu dvīhi tīhi vā parimāṇavasena patthena nāḷiyā āḷhakenāti vā.Aññaṃ bhesajjaṃ viññāpetīti sappinā pavārito telaṃ viññāpeti, āḷhakena pavārito doṇaṃ. Na bhesajjena karaṇīyenāti missakabhattenapi ce yāpetuṃ sakkoti, na bhesajjakaraṇīyaṃ nāma hoti.
౩౧౦. పవారితానన్తి యే అత్తనో పుగ్గలికాయ పవారణాయ పవారితా; తేసం పవారితానురూపేన విఞ్ఞత్తియా అనాపత్తి. సఙ్ఘవసేన పవారితేసు పన పమాణం సల్లక్ఖేతబ్బమేవాతి. సేసం ఉత్తానమేవ.
310.Pavāritānanti ye attano puggalikāya pavāraṇāya pavāritā; tesaṃ pavāritānurūpena viññattiyā anāpatti. Saṅghavasena pavāritesu pana pamāṇaṃ sallakkhetabbamevāti. Sesaṃ uttānameva.
ఛసముట్ఠానం – కిరియం, నోసఞ్ఞావిమోక్ఖం, అచిత్తకం, పణ్ణత్తివజ్జం, కాయకమ్మం, వచీకమ్మం, తిచిత్తం, తివేదనన్తి.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
మహానామసిక్ఖాపదం సత్తమం.
Mahānāmasikkhāpadaṃ sattamaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౫. అచేలకవగ్గో • 5. Acelakavaggo
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౭. మహానామసిక్ఖాపదవణ్ణనా • 7. Mahānāmasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౭. మహానామసిక్ఖాపదవణ్ణనా • 7. Mahānāmasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౭. మహానామసిక్ఖాపదవణ్ణనా • 7. Mahānāmasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౭. మహానామసిక్ఖాపదం • 7. Mahānāmasikkhāpadaṃ
