| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā |
༧. མཧཱནཱམསིཀྑཱཔདཝཎྞནཱ
7. Mahānāmasikkhāpadavaṇṇanā
༣༠༣. སཏྟམསིཀྑཱཔདེ – མཧཱནཱམོ ནཱམ བྷགཝཏོ ཙཱུལ༹པིཏུཔུཏྟོ མཱསམཏྟེན མཧལླཀཏརོ དྭཱིསུ ཕལེསུ པཏིཊྛིཏོ ཨརིཡསཱཝཀོ། བྷེསཛྫཾ ཨུསྶནྣཾ ཧོཏཱིཏི ཝཛཏོ ཨཱཧརིཏྭཱ ཋཔིཏསཔྤི བཧུ ཧོཏི།
303. Sattamasikkhāpade – mahānāmo nāma bhagavato cūḷapituputto māsamattena mahallakataro dvīsu phalesu patiṭṭhito ariyasāvako. Bhesajjaṃ ussannaṃ hotīti vajato āharitvā ṭhapitasappi bahu hoti.
༣༠༦. སཱདིཏབྦཱཏི ཏསྨིཾ སམཡེ རོགོ ནཏྠཱིཏི ན པཊིཀྑིཔིཏབྦཱ; རོགེ སཏི ཝིཉྙཱཔེསྶཱམཱིཏི ཨདྷིཝཱསེཏབྦཱ། ཨེཏྟཀེཧི བྷེསཛྫེཧི པཝཱརེམཱིཏི ནཱམཝསེན སཔྤིཏེལཱདཱིསུ དྭཱིཧི ཏཱིཧི ཝཱ པརིམཱཎཝསེན པཏྠེན ནཱལི༹ཡཱ ཨཱལ༹ྷཀེནཱཏི ཝཱ།ཨཉྙཾ བྷེསཛྫཾ ཝིཉྙཱཔེཏཱིཏི སཔྤིནཱ པཝཱརིཏོ ཏེལཾ ཝིཉྙཱཔེཏི, ཨཱལ༹ྷཀེན པཝཱརིཏོ དོཎཾ། ན བྷེསཛྫེན ཀརཎཱིཡེནཱཏི མིསྶཀབྷཏྟེནཔི ཙེ ཡཱཔེཏུཾ སཀྐོཏི, ན བྷེསཛྫཀརཎཱིཡཾ ནཱམ ཧོཏི།
306.Sāditabbāti tasmiṃ samaye rogo natthīti na paṭikkhipitabbā; roge sati viññāpessāmīti adhivāsetabbā. Ettakehi bhesajjehi pavāremīti nāmavasena sappitelādīsu dvīhi tīhi vā parimāṇavasena patthena nāḷiyā āḷhakenāti vā.Aññaṃ bhesajjaṃ viññāpetīti sappinā pavārito telaṃ viññāpeti, āḷhakena pavārito doṇaṃ. Na bhesajjena karaṇīyenāti missakabhattenapi ce yāpetuṃ sakkoti, na bhesajjakaraṇīyaṃ nāma hoti.
༣༡༠. པཝཱརིཏཱནནྟི ཡེ ཨཏྟནོ པུགྒལིཀཱཡ པཝཱརཎཱཡ པཝཱརིཏཱ; ཏེསཾ པཝཱརིཏཱནུརཱུཔེན ཝིཉྙཏྟིཡཱ ཨནཱཔཏྟི། སངྒྷཝསེན པཝཱརིཏེསུ པན པམཱཎཾ སལླཀྑེཏབྦམེཝཱཏི། སེསཾ ཨུཏྟཱནམེཝ།
310.Pavāritānanti ye attano puggalikāya pavāraṇāya pavāritā; tesaṃ pavāritānurūpena viññattiyā anāpatti. Saṅghavasena pavāritesu pana pamāṇaṃ sallakkhetabbamevāti. Sesaṃ uttānameva.
ཚསམུཊྛཱནཾ – ཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཝཙཱིཀམྨཾ, ཏིཙིཏྟཾ, ཏིཝེདནནྟི།
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
མཧཱནཱམསིཀྑཱཔདཾ སཏྟམཾ།
Mahānāmasikkhāpadaṃ sattamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༥. ཨཙེལཀཝགྒོ • 5. Acelakavaggo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༧. མཧཱནཱམསིཀྑཱཔདཝཎྞནཱ • 7. Mahānāmasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༧. མཧཱནཱམསིཀྑཱཔདཝཎྞནཱ • 7. Mahānāmasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༧. མཧཱནཱམསིཀྑཱཔདཝཎྞནཱ • 7. Mahānāmasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༧. མཧཱནཱམསིཀྑཱཔདཾ • 7. Mahānāmasikkhāpadaṃ
