| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੭. ਮਹਾਨਾਮਸਿਕ੍ਖਾਪਦવਣ੍ਣਨਾ
7. Mahānāmasikkhāpadavaṇṇanā
੩੦੩. ਸਤ੍ਤਮਸਿਕ੍ਖਾਪਦੇ – ਮਹਾਨਾਮੋ ਨਾਮ ਭਗવਤੋ ਚੂਲ਼ਪਿਤੁਪੁਤ੍ਤੋ ਮਾਸਮਤ੍ਤੇਨ ਮਹਲ੍ਲਕਤਰੋ ਦ੍વੀਸੁ ਫਲੇਸੁ ਪਤਿਟ੍ਠਿਤੋ ਅਰਿਯਸਾવਕੋ। ਭੇਸਜ੍ਜਂ ਉਸ੍ਸਨ੍ਨਂ ਹੋਤੀਤਿ વਜਤੋ ਆਹਰਿਤ੍વਾ ਠਪਿਤਸਪ੍ਪਿ ਬਹੁ ਹੋਤਿ।
303. Sattamasikkhāpade – mahānāmo nāma bhagavato cūḷapituputto māsamattena mahallakataro dvīsu phalesu patiṭṭhito ariyasāvako. Bhesajjaṃ ussannaṃ hotīti vajato āharitvā ṭhapitasappi bahu hoti.
੩੦੬. ਸਾਦਿਤਬ੍ਬਾਤਿ ਤਸ੍ਮਿਂ ਸਮਯੇ ਰੋਗੋ ਨਤ੍ਥੀਤਿ ਨ ਪਟਿਕ੍ਖਿਪਿਤਬ੍ਬਾ; ਰੋਗੇ ਸਤਿ વਿਞ੍ਞਾਪੇਸ੍ਸਾਮੀਤਿ ਅਧਿવਾਸੇਤਬ੍ਬਾ। ਏਤ੍ਤਕੇਹਿ ਭੇਸਜ੍ਜੇਹਿ ਪવਾਰੇਮੀਤਿ ਨਾਮવਸੇਨ ਸਪ੍ਪਿਤੇਲਾਦੀਸੁ ਦ੍વੀਹਿ ਤੀਹਿ વਾ ਪਰਿਮਾਣવਸੇਨ ਪਤ੍ਥੇਨ ਨਾਲ਼ਿਯਾ ਆਲ਼੍ਹਕੇਨਾਤਿ વਾ।ਅਞ੍ਞਂ ਭੇਸਜ੍ਜਂ વਿਞ੍ਞਾਪੇਤੀਤਿ ਸਪ੍ਪਿਨਾ ਪવਾਰਿਤੋ ਤੇਲਂ વਿਞ੍ਞਾਪੇਤਿ, ਆਲ਼੍ਹਕੇਨ ਪવਾਰਿਤੋ ਦੋਣਂ। ਨ ਭੇਸਜ੍ਜੇਨ ਕਰਣੀਯੇਨਾਤਿ ਮਿਸ੍ਸਕਭਤ੍ਤੇਨਪਿ ਚੇ ਯਾਪੇਤੁਂ ਸਕ੍ਕੋਤਿ, ਨ ਭੇਸਜ੍ਜਕਰਣੀਯਂ ਨਾਮ ਹੋਤਿ।
306.Sāditabbāti tasmiṃ samaye rogo natthīti na paṭikkhipitabbā; roge sati viññāpessāmīti adhivāsetabbā. Ettakehi bhesajjehi pavāremīti nāmavasena sappitelādīsu dvīhi tīhi vā parimāṇavasena patthena nāḷiyā āḷhakenāti vā.Aññaṃ bhesajjaṃ viññāpetīti sappinā pavārito telaṃ viññāpeti, āḷhakena pavārito doṇaṃ. Na bhesajjena karaṇīyenāti missakabhattenapi ce yāpetuṃ sakkoti, na bhesajjakaraṇīyaṃ nāma hoti.
੩੧੦. ਪવਾਰਿਤਾਨਨ੍ਤਿ ਯੇ ਅਤ੍ਤਨੋ ਪੁਗ੍ਗਲਿਕਾਯ ਪવਾਰਣਾਯ ਪવਾਰਿਤਾ; ਤੇਸਂ ਪવਾਰਿਤਾਨੁਰੂਪੇਨ વਿਞ੍ਞਤ੍ਤਿਯਾ ਅਨਾਪਤ੍ਤਿ। ਸਙ੍ਘવਸੇਨ ਪવਾਰਿਤੇਸੁ ਪਨ ਪਮਾਣਂ ਸਲ੍ਲਕ੍ਖੇਤਬ੍ਬਮੇવਾਤਿ। ਸੇਸਂ ਉਤ੍ਤਾਨਮੇવ।
310.Pavāritānanti ye attano puggalikāya pavāraṇāya pavāritā; tesaṃ pavāritānurūpena viññattiyā anāpatti. Saṅghavasena pavāritesu pana pamāṇaṃ sallakkhetabbamevāti. Sesaṃ uttānameva.
ਛਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਮਹਾਨਾਮਸਿਕ੍ਖਾਪਦਂ ਸਤ੍ਤਮਂ।
Mahānāmasikkhāpadaṃ sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਮਹਾਨਾਮਸਿਕ੍ਖਾਪਦવਣ੍ਣਨਾ • 7. Mahānāmasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਮਹਾਨਾਮਸਿਕ੍ਖਾਪਦવਣ੍ਣਨਾ • 7. Mahānāmasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਮਹਾਨਾਮਸਿਕ੍ਖਾਪਦવਣ੍ਣਨਾ • 7. Mahānāmasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਮਹਾਨਾਮਸਿਕ੍ਖਾਪਦਂ • 7. Mahānāmasikkhāpadaṃ
