| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. махаанаамасуд̇д̇ам̣
5. Mahānāmasuttaṃ
25. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа – ‘‘гид̇д̇аавад̇аа ну ко, бханд̇з, убаасаго ход̇ий’’д̇и? ‘‘яад̇о ко, махаанаама, б̣уд̣̇д̇хам̣ саран̣ам̣ г̇ад̇о ход̇и, д̇хаммам̣ саран̣ам̣ г̇ад̇о ход̇и, сан̇гхам̣ саран̣ам̣ г̇ад̇о ход̇и; зд̇д̇аавад̇аа ко, махаанаама, убаасаго ход̇ий’’д̇и.
25. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca – ‘‘kittāvatā nu kho, bhante, upāsako hotī’’ti? ‘‘Yato kho, mahānāma, buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti; ettāvatā kho, mahānāma, upāsako hotī’’ti.
‘‘гид̇д̇аавад̇аа бана, бханд̇з, убаасаго сийлаваа ход̇ий’’д̇и? ‘‘яад̇о ко, махаанаама , убаасаго баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, сураамзраяамаж̇ж̇абамаад̣̇адтаанаа бадивирад̇о ход̇и; зд̇д̇аавад̇аа ко, махаанаама, убаасаго сийлаваа ход̇ий’’д̇и.
‘‘Kittāvatā pana, bhante, upāsako sīlavā hotī’’ti? ‘‘Yato kho, mahānāma , upāsako pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti; ettāvatā kho, mahānāma, upāsako sīlavā hotī’’ti.
‘‘гид̇д̇аавад̇аа бана, бханд̇з, убаасаго ад̇д̇ахид̇ааяа бадибанно ход̇и, но барахид̇ааяаа’’д̇и? ‘‘яад̇о ко, махаанаама, убаасаго ад̇д̇анаава сад̣̇д̇хаасамбанно ход̇и, но барам̣ сад̣̇д̇хаасамбад̣̇ааяа самаад̣̇абзд̇и 1; ад̇д̇анаава сийласамбанно ход̇и, но барам̣ сийласамбад̣̇ааяа самаад̣̇абзд̇и; ад̇д̇анаава жааг̇асамбанно ход̇и, но барам̣ жааг̇асамбад̣̇ааяа самаад̣̇абзд̇и; ад̇д̇анаава бхигкуунам̣ д̣̇ассанагаамо ход̇и, но барам̣ бхигкуунам̣ д̣̇ассанз самаад̣̇абзд̇и; ад̇д̇анаава сад̣̇д̇хаммам̣ сод̇угаамо ход̇и, но барам̣ сад̣̇д̇хаммассаванз самаад̣̇абзд̇и; ад̇д̇анаава суд̇аанам̣ д̇хаммаанам̣ д̇хааран̣аж̇аад̇иго ход̇и, но барам̣ д̇хаммад̇хааран̣ааяа самаад̣̇абзд̇и; ад̇д̇анаава суд̇аанам̣ д̇хаммаанам̣ ад̇т̇уубабаригкид̇аа ход̇и, но барам̣ ад̇т̇уубабаригкааяа самаад̣̇абзд̇и; ад̇д̇анаава ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно ход̇и, но барам̣ д̇хаммаануд̇хаммаббадибад̇д̇ияаа самаад̣̇абзд̇и. зд̇д̇аавад̇аа ко, махаанаама, убаасаго ад̇д̇ахид̇ааяа бадибанно ход̇и, но барахид̇ааяаа’’д̇и.
‘‘Kittāvatā pana, bhante, upāsako attahitāya paṭipanno hoti, no parahitāyā’’ti? ‘‘Yato kho, mahānāma, upāsako attanāva saddhāsampanno hoti, no paraṃ saddhāsampadāya samādapeti 2; attanāva sīlasampanno hoti, no paraṃ sīlasampadāya samādapeti; attanāva cāgasampanno hoti, no paraṃ cāgasampadāya samādapeti; attanāva bhikkhūnaṃ dassanakāmo hoti, no paraṃ bhikkhūnaṃ dassane samādapeti; attanāva saddhammaṃ sotukāmo hoti, no paraṃ saddhammassavane samādapeti; attanāva sutānaṃ dhammānaṃ dhāraṇajātiko hoti, no paraṃ dhammadhāraṇāya samādapeti; attanāva sutānaṃ dhammānaṃ atthūpaparikkhitā hoti, no paraṃ atthūpaparikkhāya samādapeti; attanāva atthamaññāya dhammamaññāya dhammānudhammappaṭipanno hoti, no paraṃ dhammānudhammappaṭipattiyā samādapeti. Ettāvatā kho, mahānāma, upāsako attahitāya paṭipanno hoti, no parahitāyā’’ti.
‘‘гид̇д̇аавад̇аа бана, бханд̇з, убаасаго ад̇д̇ахид̇ааяа жа бадибанно ход̇и барахид̇ааяа жаа’’д̇и? ‘‘яад̇о ко, махаанаама, убаасаго ад̇д̇анаа жа сад̣̇д̇хаасамбанно ход̇и, баран̃жа сад̣̇д̇хаасамбад̣̇ааяа самаад̣̇абзд̇и; ад̇д̇анаа жа сийласамбанно ход̇и, баран̃жа сийласамбад̣̇ааяа самаад̣̇абзд̇и; ад̇д̇анаа жа жааг̇асамбанно ход̇и, баран̃жа жааг̇асамбад̣̇ааяа самаад̣̇абзд̇и; ад̇д̇анаа жа бхигкуунам̣ д̣̇ассанагаамо ход̇и, баран̃жа бхигкуунам̣ д̣̇ассанз самаад̣̇абзд̇и; ад̇д̇анаа жа сад̣̇д̇хаммам̣ сод̇угаамо ход̇и, баран̃жа сад̣̇д̇хаммассаванз самаад̣̇абзд̇и; ад̇д̇анаа жа суд̇аанам̣ д̇хаммаанам̣ д̇хааран̣аж̇аад̇иго ход̇и, баран̃жа д̇хаммад̇хааран̣ааяа самаад̣̇абзд̇и; ад̇д̇анаа жа суд̇аанам̣ д̇хаммаанам̣ ад̇т̇уубабаригкид̇аа ход̇и, баран̃жа ад̇т̇уубабаригкааяа самаад̣̇абзд̇и, ад̇д̇анаа жа ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно ход̇и, баран̃жа д̇хаммаануд̇хаммаббадибад̇д̇ияаа самаад̣̇абзд̇и. зд̇д̇аавад̇аа ко, махаанаама, убаасаго ад̇д̇ахид̇ааяа жа бадибанно ход̇и барахид̇ааяа жаа’’д̇и. бан̃жамам̣.
‘‘Kittāvatā pana, bhante, upāsako attahitāya ca paṭipanno hoti parahitāya cā’’ti? ‘‘Yato kho, mahānāma, upāsako attanā ca saddhāsampanno hoti, parañca saddhāsampadāya samādapeti; attanā ca sīlasampanno hoti, parañca sīlasampadāya samādapeti; attanā ca cāgasampanno hoti, parañca cāgasampadāya samādapeti; attanā ca bhikkhūnaṃ dassanakāmo hoti, parañca bhikkhūnaṃ dassane samādapeti; attanā ca saddhammaṃ sotukāmo hoti, parañca saddhammassavane samādapeti; attanā ca sutānaṃ dhammānaṃ dhāraṇajātiko hoti, parañca dhammadhāraṇāya samādapeti; attanā ca sutānaṃ dhammānaṃ atthūpaparikkhitā hoti, parañca atthūpaparikkhāya samādapeti, attanā ca atthamaññāya dhammamaññāya dhammānudhammappaṭipanno hoti, parañca dhammānudhammappaṭipattiyā samādapeti. Ettāvatā kho, mahānāma, upāsako attahitāya ca paṭipanno hoti parahitāya cā’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-6. махаанаамасуд̇д̇аад̣̇иван̣н̣анаа • 5-6. Mahānāmasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. батамауг̇г̇асуд̇д̇аад̣̇иван̣н̣анаа • 1-7. Paṭhamauggasuttādivaṇṇanā
