| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. махаанаамасуд̇д̇ам̣
7. Mahānāmasuttaṃ
1033. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа –
1033. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca –
‘‘гид̇д̇аавад̇аа ну ко, бханд̇з, убаасаго ход̇ий’’д̇и? ‘‘яад̇о ко, махаанаама, б̣уд̣̇д̇хам̣ саран̣ам̣ г̇ад̇о ход̇и, д̇хаммам̣ саран̣ам̣ г̇ад̇о ход̇и, сан̇гхам̣ саран̣ам̣ г̇ад̇о ход̇и – зд̇д̇аавад̇аа ко, махаанаама, убаасаго ход̇ий’’д̇и.
‘‘Kittāvatā nu kho, bhante, upāsako hotī’’ti? ‘‘Yato kho, mahānāma, buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti – ettāvatā kho, mahānāma, upāsako hotī’’ti.
‘‘гид̇д̇аавад̇аа бана, бханд̇з, убаасаго сийласамбанно ход̇ий’’д̇и? ‘‘яад̇о ко, махаанаама, убаасаго баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, сураамзраяамаж̇ж̇аббамаад̣̇адтаанаа бадивирад̇о ход̇и, – зд̇д̇аавад̇аа ко, махаанаама, убаасаго сийласамбанно ход̇ий’’д̇и.
‘‘Kittāvatā pana, bhante, upāsako sīlasampanno hotī’’ti? ‘‘Yato kho, mahānāma, upāsako pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjappamādaṭṭhānā paṭivirato hoti, – ettāvatā kho, mahānāma, upāsako sīlasampanno hotī’’ti.
‘‘гид̇д̇аавад̇аа бана, бханд̇з, убаасаго сад̣̇д̇хаасамбанно ход̇ий’’д̇и? ‘‘ид̇ха, махаанаама, убаасаго сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. зд̇д̇аавад̇аа ко, махаанаама, убаасаго сад̣̇д̇хаасамбанно ход̇ий’’д̇и.
‘‘Kittāvatā pana, bhante, upāsako saddhāsampanno hotī’’ti? ‘‘Idha, mahānāma, upāsako saddho hoti, saddahati tathāgatassa bodhiṃ – itipi so bhagavā…pe… satthā devamanussānaṃ buddho bhagavāti. Ettāvatā kho, mahānāma, upāsako saddhāsampanno hotī’’ti.
‘‘гид̇д̇аавад̇аа бана, бханд̇з, убаасаго жааг̇асамбанно ход̇ий’’д̇и? ‘‘ид̇ха, махаанаама, убаасаго виг̇ад̇амаламажчзрзна жзд̇асаа аг̇аарам̣ аж̇жхаавасад̇и муд̇д̇ажааг̇о баяад̇абаан̣и воссаг̇г̇арад̇о яаажаяог̇о д̣̇аанасам̣вибхааг̇арад̇о – зд̇д̇аавад̇аа ко, махаанаама, убаасаго жааг̇асамбанно ход̇ий’’д̇и.
‘‘Kittāvatā pana, bhante, upāsako cāgasampanno hotī’’ti? ‘‘Idha, mahānāma, upāsako vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato – ettāvatā kho, mahānāma, upāsako cāgasampanno hotī’’ti.
‘‘гид̇д̇аавад̇аа бана, бханд̇з, убаасаго бан̃н̃аасамбанно ход̇ий’’д̇и? ‘‘ид̇ха, махаанаама, убаасаго бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа – зд̇д̇аавад̇аа ко, махаанаама, убаасаго бан̃н̃аасамбанно ход̇ий’’д̇и. сад̇д̇амам̣.
‘‘Kittāvatā pana, bhante, upāsako paññāsampanno hotī’’ti? ‘‘Idha, mahānāma, upāsako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā – ettāvatā kho, mahānāma, upāsako paññāsampanno hotī’’ti. Sattamaṃ.
