| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. මහානාමසුත්‌තං
9. Mahānāmasuttaṃ
1045. කපිලවත්‌ථුනිදානං . එකමන්‌තං නිසින්‌නං ඛො මහානාමං සක්‌කං භගවා එතදවොච – ‘‘චතූහි ඛො, මහානාම, ධම්‌මෙහි සමන්‌නාගතො අරියසාවකො සොතාපන්‌නො හොති…පෙ.… සම්‌බොධිපරායණො’’.
1045. Kapilavatthunidānaṃ . Ekamantaṃ nisinnaṃ kho mahānāmaṃ sakkaṃ bhagavā etadavoca – ‘‘catūhi kho, mahānāma, dhammehi samannāgato ariyasāvako sotāpanno hoti…pe… sambodhiparāyaṇo’’.
‘‘කතමෙහි චතූහි? ඉධ, මහානාම, අරියසාවකො බුද්‌ධෙ…පෙ.… ධම්‌මෙ…පෙ.… සඞ්‌ඝෙ…පෙ.… අරියකන්‌තෙහි සීලෙහි සමන්‌නාගතො හොති අඛණ්‌ඩෙහි…පෙ.… සමාධිසංවත්‌තනිකෙහි. ඉමෙහි ඛො, මහානාම, චතූහි ධම්‌මෙහි සමන්‌නාගතො අරියසාවකො සොතාපන්‌නො හොති අවිනිපාතධම්‌මො නියතො සම්‌බොධිපරායණො’’ති. නවමං.
‘‘Katamehi catūhi? Idha, mahānāma, ariyasāvako buddhe…pe… dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, mahānāma, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Navamaṃ.
