| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. махаанаамасуд̇д̇аван̣н̣анаа
10. Mahānāmasuttavaṇṇanā
10. д̣̇асамз махаанаамод̇и д̣̇асаб̣аласса жуул̣абид̇у буд̇д̇о зго сагяарааж̇аа. язна бхаг̇аваа д̇знубасан̇гамийд̇и бхуд̇д̇абаад̇араасо худ̇ваа д̣̇аасабариж̇анабаривуд̇о г̇анд̇хамаалаад̣̇ийни г̇аахаабзд̇ваа яад̇т̇а сад̇т̇аа, д̇ад̇т̇а аг̇амааси. арияапалам̣ асса ааг̇ад̇анд̇и ааг̇ад̇апало. сигкаад̇д̇аяасаасанам̣ зд̇зна вин̃н̃аад̇анд̇и вин̃н̃аад̇асаасано. ид̇и аяам̣ рааж̇аа ‘‘сод̇аабаннасса ниссаяавихаарам̣ бужчаамий’’д̇и бужчанд̇о звамааха.
10. Dasame mahānāmoti dasabalassa cūḷapitu putto eko sakyarājā. Yenabhagavā tenupasaṅkamīti bhuttapātarāso hutvā dāsaparijanaparivuto gandhamālādīni gāhāpetvā yattha satthā, tattha agamāsi. Ariyaphalaṃ assa āgatanti āgataphalo. Sikkhāttayasāsanaṃ etena viññātanti viññātasāsano. Iti ayaṃ rājā ‘‘sotāpannassa nissayavihāraṃ pucchāmī’’ti pucchanto evamāha.
нзвасса рааг̇абарияудтид̇анд̇и на уббаж̇ж̇амаанзна рааг̇зна удтахид̇ваа г̇ахид̇ам̣. уж̇уг̇ад̇анд̇и б̣уд̣̇д̇хаануссад̇игаммадтаанз уж̇угамзва г̇ад̇ам̣. д̇ат̇ааг̇ад̇ам̣ аараб̣бхаад̇и д̇ат̇ааг̇ад̇аг̇ун̣з аараб̣бха. ад̇т̇авзд̣̇анд̇и адтагат̇ам̣ ниссааяа уббаннам̣ бийд̇ибаамож̇ж̇ам̣. д̇хаммавзд̣̇анд̇и баал̣им̣ ниссааяа уббаннам̣ бийд̇ибаамож̇ж̇ам̣. д̇хаммуубасан̃хид̇анд̇и баал̣ин̃жа адтагат̇ан̃жа ниссааяа уббаннам̣. бамуд̣̇ид̇ассаад̇и д̣̇увид̇хзна баамож̇ж̇зна бамуд̣̇ид̇асса. бийд̇и ж̇ааяад̇ийд̇и бан̃жавид̇хаа бийд̇и ниб̣б̣ад̇д̇ад̇и. гааяо бассамбхад̇ийд̇и наамагааяо жа гараж̇агааяо жа д̣̇арат̇абадиббассад̣̇д̇хияаа бадиббассамбхад̇и. суканд̇и гааяигажзд̇асигасукам̣. самаад̇хияад̇ийд̇и аарамман̣з саммаа табид̇ам̣ ход̇и. висамаг̇ад̇ааяа баж̇ааяаад̇и рааг̇ад̣̇осамохависамаг̇ад̇зсу сад̇д̇зсу. самаббад̇д̇од̇и самам̣ убасамам̣ бад̇д̇о худ̇ваа. саб̣яаабаж̇жхааяаад̇и сад̣̇угкааяа. д̇хаммасод̇ам̣ самаабаннод̇и вибассанаасан̇каад̇ам̣ д̇хаммасод̇ам̣ самаабанно. б̣уд̣̇д̇хаануссад̇им̣ бхаавзд̇ийд̇и б̣уд̣̇д̇хаануссад̇игаммадтаанам̣ б̣руухзд̇и вад̣дхзд̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о. ид̇и махаанаамо сод̇аабаннасса ниссаяавихаарам̣ бужчи. сад̇т̇аабисса д̇амзва гат̇зси. звам̣ имасмим̣ суд̇д̇з сод̇аабаннова гат̇ид̇од̇и.
Nevassa rāgapariyuṭṭhitanti na uppajjamānena rāgena uṭṭhahitvā gahitaṃ. Ujugatanti buddhānussatikammaṭṭhāne ujukameva gataṃ. Tathāgataṃ ārabbhāti tathāgataguṇe ārabbha. Atthavedanti aṭṭhakathaṃ nissāya uppannaṃ pītipāmojjaṃ. Dhammavedanti pāḷiṃ nissāya uppannaṃ pītipāmojjaṃ. Dhammūpasañhitanti pāḷiñca aṭṭhakathañca nissāya uppannaṃ. Pamuditassāti duvidhena pāmojjena pamuditassa. Pīti jāyatīti pañcavidhā pīti nibbattati. Kāyo passambhatīti nāmakāyo ca karajakāyo ca darathapaṭippassaddhiyā paṭippassambhati. Sukhanti kāyikacetasikasukhaṃ. Samādhiyatīti ārammaṇe sammā ṭhapitaṃ hoti. Visamagatāya pajāyāti rāgadosamohavisamagatesu sattesu. Samappattoti samaṃ upasamaṃ patto hutvā. Sabyāpajjhāyāti sadukkhāya. Dhammasotaṃsamāpannoti vipassanāsaṅkhātaṃ dhammasotaṃ samāpanno. Buddhānussatiṃ bhāvetīti buddhānussatikammaṭṭhānaṃ brūheti vaḍḍheti. Iminā nayena sabbattha attho veditabbo. Iti mahānāmo sotāpannassa nissayavihāraṃ pucchi. Satthāpissa tameva kathesi. Evaṃ imasmiṃ sutte sotāpannova kathitoti.
аахунзяяаваг̇г̇о батамо.
Āhuneyyavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. махаанаамасуд̇д̇ам̣ • 10. Mahānāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. махаанаамасуд̇д̇аван̣н̣анаа • 10. Mahānāmasuttavaṇṇanā
