| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਮਹਾਨਾਮਸੁਤ੍ਤવਣ੍ਣਨਾ
10. Mahānāmasuttavaṇṇanā
੧੦. ਦਸਮੇ ਤਸ੍ਮਿਂ ਸਮਯੇਤਿ ਬੁਦ੍ਧਾਗੁਣਾਨੁਸ੍ਸਰਣਸਮਯੇ। ਰਾਗਪਰਿਯੁਟ੍ਠਿਤਨ੍ਤਿ ਰਾਗੇਨ ਪਰਿਯੁਟ੍ਠਿਤਂ। ਪਰਿਯੁਟ੍ਠਾਨਪ੍ਪਤ੍ਤਿਪਿ, ਰਾਗੇਨ વਾ ਸਂਹਿਤਂ ਚਿਤ੍ਤਂ ਅਰਞ੍ਞਮਿવ ਚੋਰੇਹਿ ਤੇਨ ਪਰਿਯੁਟ੍ਠਿਤਨ੍ਤਿ વੁਤ੍ਤਂ, ਤਸ੍ਸ ਪਰਿਯੁਟ੍ਠਾਨਟ੍ਠਾਨਭਾવਤੋਪਿ ਪਰਿਯੁਟ੍ਠਿਤਰਾਗਨ੍ਤਿ ਅਤ੍ਥੋ। ਬ੍ਯਞ੍ਜਨਂ ਪਨ ਅਨਾਦਿਯਿਤ੍વਾ ਅਤ੍ਥਮਤ੍ਤਂ ਦਸ੍ਸੇਨ੍ਤੋ ‘‘ਉਪ੍ਪਜ੍ਜਮਾਨੇਨ ਰਾਗੇਨ ਉਟ੍ਠਹਿਤ੍વਾ ਗਹਿਤ’’ਨ੍ਤਿ ਆਹ। ਉਜੁਕਮੇવਾਤਿ ਪਗੇવ ਕਾਯવਙ੍ਕਾਦੀਨਂ ਅਪਨੀਤਤ੍ਤਾ ਚਿਤ੍ਤਸ੍ਸ ਚ ਅਨੁਜੁਭਾવਕਰਾਨਂ ਮਾਨਾਦੀਨਂ ਅਭਾવਤੋ, ਰਾਗਾਦਿਪਰਿਯੁਟ੍ਠਾਨਾਭਾવੇਨ વਾ ਓਣਤਿਉਣ੍ਣਤਿવਿਰਹਤੋ ਉਜੁਭਾવਮੇવ ਗਤਂ। ਅਥ વਾ ਉਜੁਕਮੇવਾਤਿ ਕਮ੍ਮਟ੍ਠਾਨਸ੍ਸ ਥਿਨਂ ਮਿਦ੍ਧਂ ਓਤਿਣ੍ਣਤਾਯ ਲੀਨੁਦ੍ਧਚ੍ਚવਿਗਮਤੋ ਮਜ੍ਝਿਮਸਮਥਨਿਮਿਤ੍ਤਪ੍ਪਟਿਪਤ੍ਤਿਯਾ ਉਜੁਭਾવਮੇવ ਗਤਂ। ਅਟ੍ਠਕਥਂ ਨਿਸ੍ਸਾਯਾਤਿ ਭવਜਾਤਿਆਦੀਨਂ ਪਦਾਨਂ ਅਤ੍ਥਂ ਨਿਸ੍ਸਾਯ। ਅਤ੍ਥવੇਦਨ੍ਤਿ વਾ ਹੇਤੁਫਲਂ ਪਟਿਚ੍ਚ ਉਪ੍ਪਨ੍ਨਂ ਤੁਟ੍ਠਿਮਾਹ। ਧਮ੍ਮવੇਦਨ੍ਤਿ ਹੇਤੁਂ ਪਟਿਚ੍ਚ ਉਪ੍ਪਨ੍ਨਂ ਤੁਟ੍ਠਿਂ। ‘‘ਆਰਕਤ੍ਤਾ ਅਰਹ’’ਨ੍ਤਿ ਅਨੁਸ੍ਸਰਨ੍ਤਸ੍ਸ ਹਿ ਯਦਿਦਂ ਭਗવਤੋ ਕਿਲੇਸੇਹਿ ਆਰਕਤ੍ਤਂ, ਸੋ ਹੇਤੁ। ਞਾਪਕੋ ਚੇਤ੍ਥ ਹੇਤੁ ਅਧਿਪ੍ਪੇਤੋ, ਨ ਕਾਰਕੋ ਸਮ੍ਪਾਪਕੋ। ਤਤੋਨੇਨ ਞਾਯਮਾਨੋ ਅਰਹਤ੍ਤਤ੍ਥੋ ਫਲਂ। ਇਮਿਨਾ ਨਯੇਨ ਸੇਸਪਦੇਸੁਪਿ ਹੇਤੁਸੋ ਫਲવਿਪਾਕੋ વੇਦਿਤਬ੍ਬੋ। ਧਮ੍ਮਾਨੁਸ੍ਸਤਿਆਦੀਸੁਪਿ ਹਿ ਆਦਿਮਜ੍ਝਪਰਿਯੋਸਾਨਕਲ੍ਯਾਣਤਾਦਯੋ ਸੁਪ੍ਪਟਿਪਤ੍ਤਿਆਦਯੋ ਚ ਤਤ੍ਥ ਤਤ੍ਥ ਹੇਤੁਭਾવੇਨ ਨਿਦ੍ਦਿਟ੍ਠਾਯੇવ। ਧਮ੍ਮੂਪਸਂਹਿਤਨ੍ਤਿ ਯਥਾવੁਤ੍ਤਹੇਤੁਫਲਸਙ੍ਖਾਤਗੁਣੂਪਸਂਹਿਤਂ।
10. Dasame tasmiṃ samayeti buddhāguṇānussaraṇasamaye. Rāgapariyuṭṭhitanti rāgena pariyuṭṭhitaṃ. Pariyuṭṭhānappattipi, rāgena vā saṃhitaṃ cittaṃ araññamiva corehi tena pariyuṭṭhitanti vuttaṃ, tassa pariyuṭṭhānaṭṭhānabhāvatopi pariyuṭṭhitarāganti attho. Byañjanaṃ pana anādiyitvā atthamattaṃ dassento ‘‘uppajjamānena rāgena uṭṭhahitvā gahita’’nti āha. Ujukamevāti pageva kāyavaṅkādīnaṃ apanītattā cittassa ca anujubhāvakarānaṃ mānādīnaṃ abhāvato, rāgādipariyuṭṭhānābhāvena vā oṇatiuṇṇativirahato ujubhāvameva gataṃ. Atha vā ujukamevāti kammaṭṭhānassa thinaṃ middhaṃ otiṇṇatāya līnuddhaccavigamato majjhimasamathanimittappaṭipattiyā ujubhāvameva gataṃ. Aṭṭhakathaṃ nissāyāti bhavajātiādīnaṃ padānaṃ atthaṃ nissāya. Atthavedanti vā hetuphalaṃ paṭicca uppannaṃ tuṭṭhimāha. Dhammavedanti hetuṃ paṭicca uppannaṃ tuṭṭhiṃ. ‘‘Ārakattā araha’’nti anussarantassa hi yadidaṃ bhagavato kilesehi ārakattaṃ, so hetu. Ñāpako cettha hetu adhippeto, na kārako sampāpako. Tatonena ñāyamāno arahattattho phalaṃ. Iminā nayena sesapadesupi hetuso phalavipāko veditabbo. Dhammānussatiādīsupi hi ādimajjhapariyosānakalyāṇatādayo suppaṭipattiādayo ca tattha tattha hetubhāvena niddiṭṭhāyeva. Dhammūpasaṃhitanti yathāvuttahetuphalasaṅkhātaguṇūpasaṃhitaṃ.
ਮਹਾਨਾਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mahānāmasuttavaṇṇanā niṭṭhitā.
ਆਹੁਨੇਯ੍ਯવਗ੍ਗવਣ੍ਣਨਾ ਨਿਟ੍ਠਿਤਾ।
Āhuneyyavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਮਹਾਨਾਮਸੁਤ੍ਤਂ • 10. Mahānāmasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਮਹਾਨਾਮਸੁਤ੍ਤવਣ੍ਣਨਾ • 10. Mahānāmasuttavaṇṇanā
