Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[545] 8. махаанаарад̣̇агассабаж̇аад̇агаван̣н̣анаа

[545] 8. Mahānāradakassapajātakavaṇṇanā

аху рааж̇аа вид̣̇зхаананд̇и ид̣̇ам̣ сад̇т̇аа ладтивануяяаанз вихаранд̇о урувзлагассабад̣̇аманам̣ аараб̣бха гат̇зси. яад̣̇аа хи сад̇т̇аа бавад̇д̇ид̇аварад̇хаммажагго урувзлагассабаад̣̇аяо ж̇адилз д̣̇амзд̇ваа маг̇ад̇харааж̇асса бадиссавам̣ ложзд̇ум̣ бураан̣аж̇адиласахассабаривуд̇о ладтивануяяаанам̣ аг̇амааси. д̇ад̣̇аа д̣̇ваад̣̇асанахуд̇ааяа барисааяа сад̣̇д̇хим̣ ааг̇анд̇ваа д̣̇асаб̣алам̣ ванд̣̇ид̇ваа нисиннасса маг̇ад̇харан̃н̃о барисанд̇арз б̣раахман̣аг̇ахабад̇игаанам̣ вид̇агго уббаж̇ж̇и ‘‘гим̣ ну ко урувзлагассабо махаасаман̣з б̣рахмажарияам̣ жарад̇и, уд̣̇ааху махаасаман̣о урувзлагассабз’’д̇и. ат̇а ко бхаг̇аваа д̇зсам̣ д̣̇ваад̣̇асанахуд̇аанам̣ жзд̇асаа жзд̇обаривид̇аггаман̃н̃ааяа ‘‘гассабасса мама санд̇игз баб̣б̣аж̇ид̇абхаавам̣ ж̇аанаабзссаамий’’д̇и имам̣ г̇аат̇амааха –

Ahurājā videhānanti idaṃ satthā laṭṭhivanuyyāne viharanto uruvelakassapadamanaṃ ārabbha kathesi. Yadā hi satthā pavattitavaradhammacakko uruvelakassapādayo jaṭile dametvā magadharājassa paṭissavaṃ locetuṃ purāṇajaṭilasahassaparivuto laṭṭhivanuyyānaṃ agamāsi. Tadā dvādasanahutāya parisāya saddhiṃ āgantvā dasabalaṃ vanditvā nisinnassa magadharañño parisantare brāhmaṇagahapatikānaṃ vitakko uppajji ‘‘kiṃ nu kho uruvelakassapo mahāsamaṇe brahmacariyaṃ carati, udāhu mahāsamaṇo uruvelakassape’’ti. Atha kho bhagavā tesaṃ dvādasanahutānaṃ cetasā cetoparivitakkamaññāya ‘‘kassapassa mama santike pabbajitabhāvaṃ jānāpessāmī’’ti imaṃ gāthamāha –

‘‘гимзва д̣̇исваа урувзлавааси, бахааси аг̇г̇им̣ гисаговад̣̇аано;

‘‘Kimeva disvā uruvelavāsi, pahāsi aggiṃ kisakovadāno;

бужчаами д̇ам̣ гассаба зд̇амад̇т̇ам̣, гат̇ам̣ бахийнам̣ д̇ава аг̇г̇ихуд̇д̇а’’нд̇и. (махаава. 55);

Pucchāmi taṃ kassapa etamatthaṃ, kathaṃ pahīnaṃ tava aggihutta’’nti. (mahāva. 55);

т̇зроби бхаг̇авад̇о ад̇хиббааяам̣ вид̣̇ид̇ваа –

Theropi bhagavato adhippāyaṃ viditvā –

‘‘руубз жа сад̣̇д̣̇з жа ат̇о расз жа, гаамид̇т̇ияо жаабхивад̣̇анд̇и яан̃н̃аа;

‘‘Rūpe ca sadde ca atho rase ca, kāmitthiyo cābhivadanti yaññā;

зд̇ам̣ маланд̇и убад̇хийсу н̃ад̇ваа, д̇асмаа на яидтз на худ̇з аран̃ж̇и’’нд̇и. (махаава. 55); –

Etaṃ malanti upadhīsu ñatvā, tasmā na yiṭṭhe na hute arañji’’nti. (mahāva. 55); –

имам̣ г̇аат̇ам̣ вад̇ваа ад̇д̇ано саавагабхаавам̣ багаасанад̇т̇ам̣ д̇ат̇ааг̇ад̇асса баад̣̇абидтз сийсам̣ табзд̇ваа ‘‘сад̇т̇аа мз, бханд̇з, бхаг̇аваа, саавагохамасмий’’д̇и вад̇ваа згад̇аалам̣ д̣̇вид̇аалам̣ д̇ид̇ааланд̇и яаава сад̇д̇ад̇аалаббамаан̣ам̣ сад̇д̇агкад̇д̇ум̣ взхаасам̣ аб̣бхуг̇г̇анд̇ваа оруяха д̇ат̇ааг̇ад̇ам̣ ванд̣̇ид̇ваа згаманд̇ам̣ нисийд̣̇и. д̇ам̣ баадихаарияам̣ д̣̇исваа махааж̇ано ‘‘ахо махаанубхааво б̣уд̣̇д̇хо, звам̣ т̇аамаг̇ад̇ад̣̇идтиго наама ад̇д̇аанам̣ ‘арахаа’д̇и ман̃н̃амаано урувзлагассабоби д̣̇идтиж̇аалам̣ бхинд̣̇ид̇ваа д̇ат̇ааг̇ад̇зна д̣̇амид̇о’’д̇и сад̇т̇у г̇ун̣агат̇ан̃н̃зва гат̇зси. д̇ам̣ суд̇ваа сад̇т̇аа ‘‘анажчарияам̣ ид̣̇аани саб̣б̣ан̃н̃уд̇аббад̇д̇зна маяаа имасса д̣̇аманам̣, сваахам̣ буб̣б̣з сарааг̇агаалзби наарад̣̇о наама б̣рахмаа худ̇ваа имасса д̣̇идтиж̇аалам̣ бхинд̣̇ид̇ваа имам̣ ниб̣б̣исзванамагааси’’нд̇и вад̇ваа д̇ааяа барисааяа яаажид̇о ад̇ийд̇ам̣ аахари.

Imaṃ gāthaṃ vatvā attano sāvakabhāvaṃ pakāsanatthaṃ tathāgatassa pādapiṭṭhe sīsaṃ ṭhapetvā ‘‘satthā me, bhante, bhagavā, sāvakohamasmī’’ti vatvā ekatālaṃ dvitālaṃ titālanti yāva sattatālappamāṇaṃ sattakkhattuṃ vehāsaṃ abbhuggantvā oruyha tathāgataṃ vanditvā ekamantaṃ nisīdi. Taṃ pāṭihāriyaṃ disvā mahājano ‘‘aho mahānubhāvo buddho, evaṃ thāmagatadiṭṭhiko nāma attānaṃ ‘arahā’ti maññamāno uruvelakassapopi diṭṭhijālaṃ bhinditvā tathāgatena damito’’ti satthu guṇakathaññeva kathesi. Taṃ sutvā satthā ‘‘anacchariyaṃ idāni sabbaññutappattena mayā imassa damanaṃ, svāhaṃ pubbe sarāgakālepi nārado nāma brahmā hutvā imassa diṭṭhijālaṃ bhinditvā imaṃ nibbisevanamakāsi’’nti vatvā tāya parisāya yācito atītaṃ āhari.

ад̇ийд̇з вид̣̇зхарадтз мит̇илааяам̣ ан̇г̇ад̇и наама рааж̇аа раж̇ж̇ам̣ гаарзси д̇хаммиго д̇хаммарааж̇аа. д̇асса ружаа наама д̇хийд̇аа ахоси абхируубаа д̣̇ассанийяаа баасаад̣̇игаа габбасад̇асахассам̣ бад̇т̇ид̇абад̇т̇анаа махаабун̃н̃аа аг̇г̇амахзсияаа гужчисмим̣ ниб̣б̣ад̇д̇аа. сзсаа банасса сол̣асасахассаа ид̇т̇ияо ван̃жхаа ахзсум̣. д̇асса саа д̇хийд̇аа бияаа ахоси манаабаа. со д̇ассаа наанаабубпабуурз бан̃жавийсад̇ибубпасамуг̇г̇з анаг̇гхаани сукумаани вад̇т̇аани жа ‘‘имзхи ад̇д̇аанам̣ алан̇гарод̇уу’’д̇и д̣̇звасигам̣ бахин̣и. каад̣̇анийяабхож̇анийяасса бана бамаан̣ам̣ над̇т̇и. анвад̣дхамаасам̣ ‘‘д̣̇аанам̣ д̣̇зд̇уу’’д̇и сахассам̣ сахассам̣ бзсзси. д̇асса ко бана виж̇аяо жа сунаамо жа алаад̇о жаад̇и д̇аяо амажжаа ахзсум̣. со гомуд̣̇ияаа жаад̇умаасинияаа чан̣з бавад̇д̇амаанз д̣̇званаг̇арам̣ вияа наг̇арз жа анд̇збурз жа алан̇гад̇з сунхаад̇о сувилид̇д̇о саб̣б̣аалан̇гаараббадиман̣д̣ид̇о бхуд̇д̇асааяамаасо вивадасийхабан̃ж̇арз махаад̇алз амажжаг̇ан̣абаривуд̇о висуд̣̇д̇хам̣ г̇аг̇анад̇алам̣ абхилан̇гхамаанам̣ жанд̣̇аман̣д̣алам̣ д̣̇исваа ‘‘раман̣ийяаа вад̇а бхо д̣̇осинаа рад̇д̇и, гааяа ну ко аж̇ж̇а рад̇ияаа абхирамзяяаамаа’’д̇и амажжз бужчи. д̇амад̇т̇ам̣ багаасзнд̇о сад̇т̇аа ааха –

Atīte videharaṭṭhe mithilāyaṃ aṅgati nāma rājā rajjaṃ kāresi dhammiko dhammarājā. Tassa rucā nāma dhītā ahosi abhirūpā dassanīyā pāsādikā kappasatasahassaṃ patthitapatthanā mahāpuññā aggamahesiyā kucchismiṃ nibbattā. Sesā panassa soḷasasahassā itthiyo vañjhā ahesuṃ. Tassa sā dhītā piyā ahosi manāpā. So tassā nānāpupphapūre pañcavīsatipupphasamugge anagghāni sukhumāni vatthāni ca ‘‘imehi attānaṃ alaṅkarotū’’ti devasikaṃ pahiṇi. Khādanīyabhojanīyassa pana pamāṇaṃ natthi. Anvaḍḍhamāsaṃ ‘‘dānaṃ detū’’ti sahassaṃ sahassaṃ pesesi. Tassa kho pana vijayo ca sunāmo ca alāto cāti tayo amaccā ahesuṃ. So komudiyā cātumāsiniyā chaṇe pavattamāne devanagaraṃ viya nagare ca antepure ca alaṅkate sunhāto suvilitto sabbālaṅkārappaṭimaṇḍito bhuttasāyamāso vivaṭasīhapañjare mahātale amaccagaṇaparivuto visuddhaṃ gaganatalaṃ abhilaṅghamānaṃ candamaṇḍalaṃ disvā ‘‘ramaṇīyā vata bho dosinā ratti, kāya nu kho ajja ratiyā abhirameyyāmā’’ti amacce pucchi. Tamatthaṃ pakāsento satthā āha –

1153.

‘‘аху рааж̇аа вид̣̇зхаанам̣, ан̇г̇ад̇и наама кад̇д̇ияо;

‘‘Ahu rājā videhānaṃ, aṅgati nāma khattiyo;

бахууд̇аяог̇г̇о д̇ханимаа, ананд̇аб̣алаборисо.

Pahūtayoggo dhanimā, anantabalaporiso.

1154.

‘‘со жа баннарасим̣ рад̇д̇им̣, буримаяаамз анааг̇ад̇з;

‘‘So ca pannarasiṃ rattiṃ, purimayāme anāgate;

жаад̇умаасаа гомуд̣̇ияаа, амажжз саннибаад̇аяи.

Cātumāsā komudiyā, amacce sannipātayi.

1155.

‘‘бан̣д̣ид̇з суд̇асамбаннз, мхид̇абуб̣б̣з вижагкан̣з;

‘‘Paṇḍite sutasampanne, mhitapubbe vicakkhaṇe;

виж̇аяан̃жа сунааман̃жа, сзнаабад̇им̣ алаад̇агам̣.

Vijayañca sunāmañca, senāpatiṃ alātakaṃ.

1156.

‘‘д̇аманубужчи взд̣̇зхо, бажжзгам̣ б̣руут̇а сам̣ ружим̣;

‘‘Tamanupucchi vedeho, paccekaṃ brūtha saṃ ruciṃ;

жаад̇умаасаа гомуд̣̇аж̇ж̇а, ж̇ун̣хам̣ б̣яабахад̇ам̣ д̇амам̣;

Cātumāsā komudajja, juṇhaṃ byapahataṃ tamaṃ;

гааяаж̇ж̇а рад̇ияаа рад̇д̇им̣, вихарзму имам̣ уд̇у’’нд̇и.

Kāyajja ratiyā rattiṃ, viharemu imaṃ utu’’nti.

д̇ад̇т̇а бахууд̇аяог̇г̇од̇и б̣ахугзна хад̇т̇ияог̇г̇аад̣̇инаа саманнааг̇ад̇о. ананд̇аб̣алаборисод̇и ананд̇аб̣алагааяо. анааг̇ад̇зд̇и барияосаанам̣ аббад̇д̇з, анад̇игганд̇зд̇и ад̇т̇о. жаад̇умаасаад̇и жад̇уннам̣ вассигамаасаанам̣ бажчимад̣̇ивасабхууд̇ааяа рад̇д̇ияаа. гомуд̣̇ияаад̇и пуллагумуд̣̇ааяа. мхид̇абуб̣б̣зд̇и батамам̣ сид̇ам̣ гад̇ваа бажчаа гат̇анасийлз. д̇аманубужчийд̇и д̇ам̣ д̇зсу амажжзсу згзгам̣ амажжам̣ анубужчи. бажжзгам̣ б̣руут̇а сам̣ ружинд̇и саб̣б̣зби д̇умхз ад̇д̇ано ад̇д̇ано аж̇жхаасаяаануруубам̣ ружим̣ бажжзгам̣ маяхам̣ гат̇зт̇а. гомуд̣̇аж̇ж̇аад̇и гомуд̣̇ий аж̇ж̇а. ж̇ун̣ханд̇и ж̇ун̣хааяа ниссаяабхууд̇ам̣ жанд̣̇аман̣д̣алам̣ аб̣бхуг̇г̇ажчад̇и. б̣яабахад̇ам̣ д̇аманд̇и д̇зна саб̣б̣ам̣ анд̇хагаарам̣ вихад̇ам̣. уд̇унд̇и аж̇ж̇а рад̇д̇им̣ имам̣ зваруубам̣ уд̇ум̣ гааяарад̇ияаа вихарзяяаамаад̇и.

Tattha pahūtayoggoti bahukena hatthiyoggādinā samannāgato. Anantabalaporisoti anantabalakāyo. Anāgateti pariyosānaṃ appatte, anatikkanteti attho. Cātumāsāti catunnaṃ vassikamāsānaṃ pacchimadivasabhūtāya rattiyā. Komudiyāti phullakumudāya. Mhitapubbeti paṭhamaṃ sitaṃ katvā pacchā kathanasīle. Tamanupucchīti taṃ tesu amaccesu ekekaṃ amaccaṃ anupucchi. Paccekaṃ brūtha saṃ rucinti sabbepi tumhe attano attano ajjhāsayānurūpaṃ ruciṃ paccekaṃ mayhaṃ kathetha. Komudajjāti komudī ajja. Juṇhanti juṇhāya nissayabhūtaṃ candamaṇḍalaṃ abbhuggacchati. Byapahataṃ tamanti tena sabbaṃ andhakāraṃ vihataṃ. Utunti ajja rattiṃ imaṃ evarūpaṃ utuṃ kāyaratiyā vihareyyāmāti.

ид̇и рааж̇аа амажжз бужчи. д̇зна д̇з бужчид̇аа ад̇д̇ано ад̇д̇ано аж̇жхаасаяаануруубам̣ гат̇ам̣ гат̇аяим̣су. д̇амад̇т̇ам̣ багаасзнд̇о сад̇т̇аа ааха –

Iti rājā amacce pucchi. Tena te pucchitā attano attano ajjhāsayānurūpaṃ kathaṃ kathayiṃsu. Tamatthaṃ pakāsento satthā āha –

1157.

‘‘д̇ад̇о сзнаабад̇и ран̃н̃о, алаад̇о зд̇ад̣̇аб̣рави;

‘‘Tato senāpati rañño, alāto etadabravi;

‘хадтам̣ яог̇г̇ам̣ б̣алам̣ саб̣б̣ам̣, сзнам̣ саннаахаяаамасз.

‘Haṭṭhaṃ yoggaṃ balaṃ sabbaṃ, senaṃ sannāhayāmase.

1158.

‘нияяаама д̣̇зва яуд̣̇д̇хааяа, ананд̇аб̣алаборисаа;

‘Niyyāma deva yuddhāya, anantabalaporisā;

яз д̇з васам̣ на ааяанд̇и, васам̣ убанаяаамасз;

Ye te vasaṃ na āyanti, vasaṃ upanayāmase;

зсаа маяхам̣ сагаа д̣̇идти, аж̇ид̇ам̣ ож̇инаамасз’.

Esā mayhaṃ sakā diṭṭhi, ajitaṃ ojināmase’.

1159.

алаад̇асса важо суд̇ваа, сунаамо зд̇ад̣̇аб̣рави;

Alātassa vaco sutvā, sunāmo etadabravi;

‘саб̣б̣з д̇уяхам̣ махаарааж̇а, амид̇д̇аа васамааг̇ад̇аа.

‘Sabbe tuyhaṃ mahārāja, amittā vasamāgatā.

1160.

‘нигкид̇д̇асад̇т̇аа бажжад̇т̇аа, ниваад̇аманувад̇д̇арз;

‘Nikkhittasatthā paccatthā, nivātamanuvattare;

уд̇д̇амо уссаво аж̇ж̇а, на яуд̣̇д̇хам̣ мама ружжад̇и.

Uttamo ussavo ajja, na yuddhaṃ mama ruccati.

1161.

‘аннабаанан̃жа каж̇ж̇ан̃жа, киббам̣ абхихаранд̇у д̇з;

‘Annapānañca khajjañca, khippaṃ abhiharantu te;

рамассу д̣̇зва гаамзхи, нажжаг̇ийд̇з суваад̣̇ид̇з’.

Ramassu deva kāmehi, naccagīte suvādite’.

1162.

сунаамасса важо суд̇ваа, виж̇аяо зд̇ад̣̇аб̣рави;

Sunāmassa vaco sutvā, vijayo etadabravi;

‘саб̣б̣з гаамаа махаарааж̇а, нижжам̣ д̇ава мубадтид̇аа.

‘Sabbe kāmā mahārāja, niccaṃ tava mupaṭṭhitā.

1163.

‘на хзд̇з д̣̇уллабхаа д̣̇зва, д̇ава гаамзхи мод̣̇ид̇ум̣;

‘Na hete dullabhā deva, tava kāmehi modituṃ;

сад̣̇ааби гаамаа сулабхаа, нзд̇ам̣ жид̇д̇амад̇ам̣ мама.

Sadāpi kāmā sulabhā, netaṃ cittamataṃ mama.

1164.

‘саман̣ам̣ б̣раахман̣ам̣ вааби, убаасзму б̣ахуссуд̇ам̣;

‘Samaṇaṃ brāhmaṇaṃ vāpi, upāsemu bahussutaṃ;

яо наж̇ж̇а винаяз ган̇кам̣, ад̇т̇ад̇хаммавид̣̇уу исз’.

Yo najja vinaye kaṅkhaṃ, atthadhammavidū ise’.

1165.

виж̇аяасса важо суд̇ваа, рааж̇аа ан̇г̇ад̇и маб̣рави;

Vijayassa vaco sutvā, rājā aṅgati mabravi;

‘яат̇аа виж̇аяо бхан̣ад̇и, маяхамбзд̇ам̣ва ружжад̇и;

‘Yathā vijayo bhaṇati, mayhampetaṃva ruccati;

1166.

‘саман̣ам̣ б̣раахман̣ам̣ вааби, убаасзму б̣ахуссуд̇ам̣;

‘Samaṇaṃ brāhmaṇaṃ vāpi, upāsemu bahussutaṃ;

яо наж̇ж̇а винаяз ган̇кам̣, ад̇т̇ад̇хаммавид̣̇уу исз.

Yo najja vinaye kaṅkhaṃ, atthadhammavidū ise.

1167.

‘саб̣б̣зва санд̇аа гарот̇а мад̇им̣, гам̣ убаасзму бан̣д̣ид̇ам̣;

‘Sabbeva santā karotha matiṃ, kaṃ upāsemu paṇḍitaṃ;

яо наж̇ж̇а винаяз ган̇кам̣, ад̇т̇ад̇хаммавид̣̇уу исз’.

Yo najja vinaye kaṅkhaṃ, atthadhammavidū ise’.

1168.

взд̣̇зхасса важо суд̇ваа, алаад̇о зд̇ад̣̇аб̣рави;

Vedehassa vaco sutvā, alāto etadabravi;

‘ад̇т̇ааяам̣ миг̇ад̣̇ааяасмим̣, ажзло д̇хийрасаммад̇о.

‘Atthāyaṃ migadāyasmiṃ, acelo dhīrasammato.

1169.

‘г̇ун̣о гассабаг̇од̇д̇ааяам̣, суд̇о жид̇рагат̇ий г̇ан̣ий;

‘Guṇo kassapagottāyaṃ, suto citrakathī gaṇī;

д̇ам̣ д̣̇зва баяирубаасзму, со но ган̇кам̣ винзссад̇и’.

Taṃ deva payirupāsemu, so no kaṅkhaṃ vinessati’.

1170.

‘‘алаад̇асса важо суд̇ваа, рааж̇аа жод̣̇зси саарат̇им̣;

‘‘Alātassa vaco sutvā, rājā codesi sārathiṃ;

миг̇ад̣̇ааяам̣ г̇амиссаама, яуд̇д̇ам̣ яаанам̣ ид̇хаа наяаа’’д̇и.

Migadāyaṃ gamissāma, yuttaṃ yānaṃ idhā nayā’’ti.

д̇ад̇т̇а хадтанд̇и д̇удтабахадтам̣. ож̇инаамасзд̇и яам̣ но аж̇ид̇ам̣, д̇ам̣ ж̇инаама. зсо мама аж̇жхаасаяод̇и. рааж̇аа д̇асса гат̇ам̣ нзва бадиггоси, наабхинанд̣̇и. зд̇ад̣̇аб̣равийд̇и рааж̇аанам̣ алаад̇асса важанам̣ анабхинанд̣̇анд̇ам̣ аббадиггосанд̇ам̣ д̣̇исваа ‘‘нааяам̣ яуд̣̇д̇хаж̇жхаасаяо, ахамасса жид̇д̇ам̣ г̇ан̣ханд̇о гаамаг̇ун̣аабхирад̇им̣ ван̣н̣аяиссаамий’’д̇и жинд̇зд̇ваа зд̇ам̣ ‘‘саб̣б̣з д̇уяха’’нд̇иаад̣̇иважанам̣ аб̣рави.

Tattha haṭṭhanti tuṭṭhapahaṭṭhaṃ. Ojināmaseti yaṃ no ajitaṃ, taṃ jināma. Eso mama ajjhāsayoti. Rājā tassa kathaṃ neva paṭikkosi, nābhinandi. Etadabravīti rājānaṃ alātassa vacanaṃ anabhinandantaṃ appaṭikkosantaṃ disvā ‘‘nāyaṃ yuddhajjhāsayo, ahamassa cittaṃ gaṇhanto kāmaguṇābhiratiṃ vaṇṇayissāmī’’ti cintetvā etaṃ ‘‘sabbe tuyha’’ntiādivacanaṃ abravi.

виж̇аяо зд̇ад̣̇аб̣равийд̇и рааж̇аа сунаамассаби важанам̣ наабхинанд̣̇и, на бадиггоси. д̇ад̇о виж̇аяо ‘‘аяам̣ рааж̇аа имзсам̣ д̣̇виннамби важанам̣ суд̇ваа д̇ун̣хийязва тид̇о, бан̣д̣ид̇аа наама д̇хаммассаванасон̣д̣аа хонд̇и, д̇хаммассаванамасса ван̣н̣аяиссаамий’’д̇и жинд̇зд̇ваа зд̇ам̣ ‘‘саб̣б̣з гаамаа’’д̇иаад̣̇иважанам̣ аб̣рави. д̇ад̇т̇а д̇ава мубадтид̇аад̇и д̇ава убадтид̇аа. мод̣̇ид̇унд̇и д̇ава гаамзхи мод̣̇ид̇ум̣ абхирамид̇ум̣ ижчааяа сад̇и на хи зд̇з гаамаа д̣̇уллабхаа. нзд̇ам̣ жид̇д̇амад̇ам̣ мамаад̇и зд̇ам̣ д̇ава гаамзхи абхираман̣ам̣ мама жид̇д̇амад̇ам̣ на ход̇и, на мз зд̇т̇а жид̇д̇ам̣ багканд̣̇ад̇и. яо наж̇ж̇аад̇и яо но аж̇ж̇а. ад̇т̇ад̇хаммавид̣̇ууд̇и баал̣иад̇т̇ан̃жзва баал̣ид̇хамман̃жа ж̇аананд̇о. исзд̇и иси зсид̇аг̇ун̣о.

Vijayoetadabravīti rājā sunāmassapi vacanaṃ nābhinandi, na paṭikkosi. Tato vijayo ‘‘ayaṃ rājā imesaṃ dvinnampi vacanaṃ sutvā tuṇhīyeva ṭhito, paṇḍitā nāma dhammassavanasoṇḍā honti, dhammassavanamassa vaṇṇayissāmī’’ti cintetvā etaṃ ‘‘sabbe kāmā’’tiādivacanaṃ abravi. Tattha tavamupaṭṭhitāti tava upaṭṭhitā. Moditunti tava kāmehi modituṃ abhiramituṃ icchāya sati na hi ete kāmā dullabhā. Netaṃ cittamataṃ mamāti etaṃ tava kāmehi abhiramaṇaṃ mama cittamataṃ na hoti, na me ettha cittaṃ pakkhandati. Yo najjāti yo no ajja. Atthadhammavidūti pāḷiatthañceva pāḷidhammañca jānanto. Iseti isi esitaguṇo.

ан̇г̇ад̇и маб̣равийд̇и ан̇г̇ад̇и аб̣рави. маяхамбзд̇ам̣ва ружжад̇ийд̇и маяхамби зд̇ан̃н̃зва ружжад̇и. саб̣б̣зва санд̇аад̇и саб̣б̣зва д̇умхз ид̇ха виж̇ж̇амаанаа мад̇им̣ гарот̇а жинд̇зт̇а. алаад̇о зд̇ад̣̇аб̣равийд̇и ран̃н̃о гат̇ам̣ суд̇ваа алаад̇о ‘‘аяам̣ мама гулуубаго г̇ун̣о наама ааж̇ийваго рааж̇уяяаанз васад̇и, д̇ам̣ басам̣сид̇ваа рааж̇агулуубагам̣ гариссаамий’’д̇и жинд̇зд̇ваа зд̇ам̣ ‘‘ад̇т̇ааяа’’нд̇иаад̣̇иважанам̣ аб̣рави. д̇ад̇т̇а д̇хийрасаммад̇од̇и бан̣д̣ид̇од̇и саммад̇о. гассабаг̇од̇д̇ааяанд̇и гассабаг̇од̇д̇о аяам̣. суд̇од̇и б̣ахуссуд̇о. г̇ан̣ийд̇и г̇ан̣асад̇т̇аа. жод̣̇зсийд̇и аан̣аабзси.

Aṅgati mabravīti aṅgati abravi. Mayhampetaṃva ruccatīti mayhampi etaññeva ruccati. Sabbeva santāti sabbeva tumhe idha vijjamānā matiṃ karotha cintetha. Alāto etadabravīti rañño kathaṃ sutvā alāto ‘‘ayaṃ mama kulūpako guṇo nāma ājīvako rājuyyāne vasati, taṃ pasaṃsitvā rājakulūpakaṃ karissāmī’’ti cintetvā etaṃ ‘‘atthāya’’ntiādivacanaṃ abravi. Tattha dhīrasammatoti paṇḍitoti sammato. Kassapagottāyanti kassapagotto ayaṃ. Sutoti bahussuto. Gaṇīti gaṇasatthā. Codesīti āṇāpesi.

ран̃н̃о д̇ам̣ гат̇ам̣ суд̇ваа саарат̇ино д̇ат̇аа гарим̣су. д̇амад̇т̇ам̣ багаасзнд̇о сад̇т̇аа ааха –

Rañño taṃ kathaṃ sutvā sārathino tathā kariṃsu. Tamatthaṃ pakāsento satthā āha –

1171.

‘‘д̇асса яаанам̣ аяож̇зсум̣, д̣̇анд̇ам̣ руубияабагкарам̣;

‘‘Tassa yānaṃ ayojesuṃ, dantaṃ rūpiyapakkharaṃ;

суггамадтабариваарам̣, бан̣д̣арам̣ д̣̇осинаа мукам̣.

Sukkamaṭṭhaparivāraṃ, paṇḍaraṃ dosinā mukhaṃ.

1172.

‘‘д̇ад̇раасум̣ гумуд̣̇ааяуд̇д̇аа, жад̇д̇ааро синд̇хаваа хаяаа;

‘‘Tatrāsuṃ kumudāyuttā, cattāro sindhavā hayā;

анилуубамасамуббаад̇аа, суд̣̇анд̇аа сон̣н̣амаалино.

Anilūpamasamuppātā, sudantā soṇṇamālino.

1173.

‘‘сзд̇ажчад̇д̇ам̣ сзд̇арат̇о, сзд̇ассаа сзд̇аб̣ийж̇аний;

‘‘Setacchattaṃ setaratho, setassā setabījanī;

взд̣̇зхо сахамажжзхи, нияяам̣ жанд̣̇ова собхад̇и.

Vedeho sahamaccehi, niyyaṃ candova sobhati.

1174.

‘‘д̇амануяааяим̣су б̣ахаво, инд̣̇икаг̇г̇ад̇хараа б̣алий;

‘‘Tamanuyāyiṃsu bahavo, indikhaggadharā balī;

ассабидтиг̇ад̇аа вийраа, нараа наравараад̇хибам̣.

Assapiṭṭhigatā vīrā, narā naravarādhipaṃ.

1175.

‘‘со мухуд̇д̇ам̣ва яааяид̇ваа, яаанаа оруяха кад̇д̇ияо;

‘‘So muhuttaṃva yāyitvā, yānā oruyha khattiyo;

взд̣̇зхо сахамажжзхи, бад̇д̇ий г̇ун̣амубааг̇ами.

Vedeho sahamaccehi, pattī guṇamupāgami.

1176.

‘‘язби д̇ад̇т̇а д̇ад̣̇аа аасум̣, б̣раахман̣иб̣бхаа самааг̇ад̇аа;

‘‘Yepi tattha tadā āsuṃ, brāhmaṇibbhā samāgatā;

на д̇з абанаяий рааж̇аа, агад̇ам̣ бхуумимааг̇ад̇з’’д̇и.

Na te apanayī rājā, akataṃ bhūmimāgate’’ti.

д̇ад̇т̇а д̇асса яаананд̇и д̇асса ран̃н̃о рат̇ам̣ яож̇аяим̣су. д̣̇анд̇анд̇и д̣̇анд̇амаяам̣. руубияабагкаранд̇и раж̇ад̇амаяаубагкарам̣. суггамадтабаривааранд̇и барисуд̣̇д̇хаапарусабариваарам̣. д̣̇осинаа муканд̇и виг̇ад̇ад̣̇осааяа рад̇д̇ияаа мукам̣ вияа, жанд̣̇асад̣̇исанд̇и ад̇т̇о. д̇ад̇раасунд̇и д̇ад̇ра ахзсум̣. гумуд̣̇аад̇и гумуд̣̇аван̣н̣аа. синд̇хаваад̇и синд̇хаваж̇аад̇игаа. анилуубамасамуббаад̇аад̇и ваад̇асад̣̇исавзг̇аа. сзд̇ажчад̇д̇анд̇и д̇асмим̣ рат̇з самуссаабид̇ам̣ чад̇д̇амби сзд̇ам̣ ахоси. сзд̇арат̇од̇и соби рат̇о сзд̇оязва. сзд̇ассаад̇и ассааби сзд̇аа. сзд̇аб̣ийж̇анийд̇и б̣ийж̇анийби сзд̇аа. нияяанд̇и д̇зна рат̇зна ниг̇г̇ажчанд̇о амажжаг̇ан̣абаривуд̇о взд̣̇зхарааж̇аа жанд̣̇о вияа собхад̇и.

Tattha tassa yānanti tassa rañño rathaṃ yojayiṃsu. Dantanti dantamayaṃ. Rūpiyapakkharanti rajatamayaupakkharaṃ. Sukkamaṭṭhaparivāranti parisuddhāpharusaparivāraṃ. Dosinā mukhanti vigatadosāya rattiyā mukhaṃ viya, candasadisanti attho. Tatrāsunti tatra ahesuṃ. Kumudāti kumudavaṇṇā. Sindhavāti sindhavajātikā. Anilūpamasamuppātāti vātasadisavegā. Setacchattanti tasmiṃ rathe samussāpitaṃ chattampi setaṃ ahosi. Setarathoti sopi ratho setoyeva. Setassāti assāpi setā. Setabījanīti bījanīpi setā. Niyyanti tena rathena niggacchanto amaccagaṇaparivuto vedeharājā cando viya sobhati.

наравараад̇хибанд̇и наравараанам̣ ад̇хибад̇им̣ рааж̇аад̇хирааж̇аанам̣. со мухуд̇д̇ам̣ва яааяид̇ваад̇и со рааж̇аа мухуд̇д̇знзва уяяаанам̣ г̇анд̇ваа. бад̇д̇ий г̇ун̣амубааг̇амийд̇и бад̇д̇игова г̇ун̣ам̣ ааж̇ийвагам̣ убааг̇ами. язби д̇ад̇т̇а д̇ад̣̇аа аасунд̇и язби д̇асмим̣ уяяаанз д̇ад̣̇аа бурзд̇арам̣ г̇анд̇ваа д̇ам̣ ааж̇ийвагам̣ баяирубаасамаанаа нисиннаа ахзсум̣. на д̇з абанаяийд̇и амхаагамзва д̣̇осо, яз маяам̣ бажчаа аг̇амимхаа, д̇умхз маа жинд̇аяид̇т̇аад̇и д̇з б̣раахман̣з жа иб̣бхз жа ран̃н̃оязва ад̇т̇ааяа агад̇ам̣ агад̇огаасам̣ бхуумим̣ самааг̇ад̇з на уссааран̣ам̣ гаарзд̇ваа абанаяийд̇и.

Naravarādhipanti naravarānaṃ adhipatiṃ rājādhirājānaṃ. So muhuttaṃva yāyitvāti so rājā muhutteneva uyyānaṃ gantvā. Pattī guṇamupāgamīti pattikova guṇaṃ ājīvakaṃ upāgami. Yepi tattha tadā āsunti yepi tasmiṃ uyyāne tadā puretaraṃ gantvā taṃ ājīvakaṃ payirupāsamānā nisinnā ahesuṃ. Na te apanayīti amhākameva doso, ye mayaṃ pacchā agamimhā, tumhe mā cintayitthāti te brāhmaṇe ca ibbhe ca raññoyeva atthāya akataṃ akatokāsaṃ bhūmiṃ samāgate na ussāraṇaṃ kāretvā apanayīti.

д̇ааяа бана омиссагабарисааяа баривуд̇ова згаманд̇ам̣ нисийд̣̇ид̇ваа бадисант̇аарамагааси. д̇амад̇т̇ам̣ багаасзнд̇о сад̇т̇аа ааха –

Tāya pana omissakaparisāya parivutova ekamantaṃ nisīditvā paṭisanthāramakāsi. Tamatthaṃ pakāsento satthā āha –

1177.

‘‘д̇ад̇о со муд̣̇угаа бхисияаа, муд̣̇ужид̇д̇агасант̇ад̇з;

‘‘Tato so mudukā bhisiyā, muducittakasanthate;

муд̣̇убажжад̇т̇ад̇з рааж̇аа, згаманд̇ам̣ убаависи.

Mudupaccatthate rājā, ekamantaṃ upāvisi.

1178.

‘‘нисаж̇ж̇а рааж̇аа саммод̣̇и, гат̇ам̣ сааран̣ияам̣ д̇ад̇о;

‘‘Nisajja rājā sammodi, kathaṃ sāraṇiyaṃ tato;

‘гажжи яаабанияам̣ бханд̇з, ваад̇аанамавияаг̇г̇ад̇аа.

‘Kacci yāpaniyaṃ bhante, vātānamaviyaggatā.

1179.

‘гажжи агасираа вуд̇д̇и, лабхаси бин̣д̣аяаабанам̣;

‘Kacci akasirā vutti, labhasi piṇḍayāpanaṃ;

аббааб̣аад̇хо жаси гажжи, жагкум̣ на барихааяад̇и’.

Appābādho casi kacci, cakkhuṃ na parihāyati’.

1180.

д̇ам̣ г̇ун̣о бадисаммод̣̇и, взд̣̇зхам̣ винаяз рад̇ам̣;

Taṃ guṇo paṭisammodi, vedehaṃ vinaye rataṃ;

‘яаабанийяам̣ махаарааж̇а, саб̣б̣амзд̇ам̣ д̇ад̣̇уубхаяам̣.

‘Yāpanīyaṃ mahārāja, sabbametaṃ tadūbhayaṃ.

1181.

‘гажжи д̇уяхамби взд̣̇зха, бажжанд̇аа на б̣алийяарз;

‘Kacci tuyhampi vedeha, paccantā na balīyare;

гажжи арог̇ам̣ яог̇г̇ам̣ д̇з, гажжи вахад̇и вааханам̣;

Kacci arogaṃ yoggaṃ te, kacci vahati vāhanaṃ;

гажжи д̇з б̣яаад̇хаяо над̇т̇и, сарийрассубад̇аабияаа’.

Kacci te byādhayo natthi, sarīrassupatāpiyā’.

1182.

‘‘бадисаммод̣̇ид̇о рааж̇аа, д̇ад̇о бужчи ананд̇араа;

‘‘Paṭisammodito rājā, tato pucchi anantarā;

ад̇т̇ам̣ д̇хамман̃жа н̃ааяан̃жа, д̇хаммагаамо рат̇зсабхо.

Atthaṃ dhammañca ñāyañca, dhammakāmo rathesabho.

1183.

‘гат̇ам̣ д̇хаммам̣ жарз мажжо, маад̇аабид̇уусу гассаба;

‘Kathaṃ dhammaṃ care macco, mātāpitūsu kassapa;

гат̇ам̣ жарз аажарияз, буд̇д̇ад̣̇аарз гат̇ам̣ жарз.

Kathaṃ care ācariye, puttadāre kathaṃ care.

1184.

‘гат̇ам̣ жарзяяа вуд̣дхзсу, гат̇ам̣ саман̣аб̣раахман̣з;

‘Kathaṃ careyya vuḍḍhesu, kathaṃ samaṇabrāhmaṇe;

гат̇ан̃жа б̣алагааяасмим̣, гат̇ам̣ ж̇анабад̣̇з жарз.

Kathañca balakāyasmiṃ, kathaṃ janapade care.

1185.

‘гат̇ам̣ д̇хаммам̣ жарид̇ваана, мажжаа г̇ажчанд̇и суг̇г̇ад̇им̣;

‘Kathaṃ dhammaṃ caritvāna, maccā gacchanti suggatiṃ;

гат̇ан̃жзгз ад̇хаммадтаа, бад̇анд̇и нираяам̣ ат̇о’’’д̇и.

Kathañceke adhammaṭṭhā, patanti nirayaṃ atho’’’ti.

д̇ад̇т̇а муд̣̇угаа бхисияаад̇и муд̣̇угааяа сукасампассааяа бхисияаа. муд̣̇ужид̇д̇агасант̇ад̇зд̇и сукасампассз жид̇д̇ад̇т̇аран̣з. муд̣̇убажжад̇т̇ад̇зд̇и муд̣̇унаа бажжад̇т̇аран̣зна бажжад̇т̇ад̇з. саммод̣̇ийд̇и ааж̇ийвагзна сад̣̇д̇хим̣ саммод̣̇анийяам̣ гат̇ам̣ гат̇зси. д̇ад̇од̇и д̇ад̇о нисаж̇ж̇анад̇о ананд̇арамзва сааран̣ийяам̣ гат̇ам̣ гат̇зсийд̇и ад̇т̇о. д̇ад̇т̇а гажжи яаабанияанд̇и гажжи д̇з, бханд̇з, сарийрам̣ бажжаязхи яаабзд̇ум̣ саггаа. ваад̇аанамавияаг̇г̇ад̇аад̇и гажжи д̇з сарийрз д̇хаад̇уяо самаббавад̇д̇аа, ваад̇аанам̣ б̣яаг̇г̇ад̇аа над̇т̇и, д̇ад̇т̇а д̇ад̇т̇а ваг̇г̇аваг̇г̇аа худ̇ваа ваад̇аа на б̣аад̇хаяанд̇ийд̇и ад̇т̇о.

Tattha mudukā bhisiyāti mudukāya sukhasamphassāya bhisiyā. Muducittakasanthateti sukhasamphasse cittattharaṇe. Mudupaccatthateti mudunā paccattharaṇena paccatthate. Sammodīti ājīvakena saddhiṃ sammodanīyaṃ kathaṃ kathesi. Tatoti tato nisajjanato anantarameva sāraṇīyaṃ kathaṃ kathesīti attho. Tattha kacci yāpaniyanti kacci te, bhante, sarīraṃ paccayehi yāpetuṃ sakkā. Vātānamaviyaggatāti kacci te sarīre dhātuyo samappavattā, vātānaṃ byaggatā natthi, tattha tattha vaggavaggā hutvā vātā na bādhayantīti attho.

агасираад̇и нид̣̇д̣̇угкаа. вуд̇д̇ийд̇и ж̇ийвид̇авуд̇д̇и. аббааб̣аад̇ход̇и ирияаабат̇абхан̃ж̇агзнааб̣аад̇хзна вирахид̇о . жагкунд̇и гажжи д̇з жагкуаад̣̇ийни инд̣̇рияаани на барихааяанд̇ийд̇и бужчад̇и. бадисаммод̣̇ийд̇и саммод̣̇анийяагат̇ааяа бадигат̇зси. д̇ад̇т̇а саб̣б̣амзд̇анд̇и яам̣ д̇аяаа вуд̇д̇ам̣ ваад̇аанамавияаг̇г̇ад̇аад̣̇и, д̇ам̣ саб̣б̣ам̣ д̇ат̇зва. д̇ад̣̇убхаяанд̇и яамби д̇аяаа ‘‘аббааб̣аад̇хо жаси гажжи, жагкум̣ на барихааяад̇ий’’д̇и вуд̇д̇ам̣, д̇амби убхаяам̣ д̇ат̇зва.

Akasirāti niddukkhā. Vuttīti jīvitavutti. Appābādhoti iriyāpathabhañjakenābādhena virahito . Cakkhunti kacci te cakkhuādīni indriyāni na parihāyantīti pucchati. Paṭisammodīti sammodanīyakathāya paṭikathesi. Tattha sabbametanti yaṃ tayā vuttaṃ vātānamaviyaggatādi, taṃ sabbaṃ tatheva. Tadubhayanti yampi tayā ‘‘appābādho casi kacci, cakkhuṃ na parihāyatī’’ti vuttaṃ, tampi ubhayaṃ tatheva.

на б̣алийяарзд̇и наабхибхаванд̇и на губбанд̇и. ананд̇араад̇и бадисант̇аарад̇о ананд̇араа бан̃хам̣ бужчи. д̇ад̇т̇а ад̇т̇ам̣ д̇хамман̃жа н̃ааяан̃жаад̇и баал̣иад̇т̇ан̃жа баал̣ин̃жа гааран̣аяуд̇д̇ин̃жа . со хи ‘‘гат̇ам̣ д̇хаммам̣ жарз’’д̇и бужчанд̇о маад̇аабид̇уаад̣̇ийсу бадибад̇д̇ид̣̇ийбагам̣ баал̣ин̃жа баал̣иад̇т̇ан̃жа гааран̣аяуд̇д̇ин̃жа мз гат̇зт̇аад̇и имам̣ ад̇т̇ан̃жа д̇хамман̃жа н̃ааяан̃жа бужчад̇и. д̇ад̇т̇а гат̇ан̃жзгз ад̇хаммадтаад̇и згажжз ад̇хаммз тид̇аа гат̇ам̣ нираяан̃жзва ат̇о сзсаабааяз жа бад̇анд̇ийд̇и саб̣б̣ан̃н̃уб̣уд̣̇д̇хабажжзгаб̣уд̣̇д̇хаб̣уд̣̇д̇хасаавагамахааб̣од̇хисад̇д̇зсу буримасса буримасса алаабхзна бажчимам̣ бажчимам̣ бужчид̇аб̣б̣агам̣ махзсагкабан̃хам̣ рааж̇аа гин̃жи аж̇аананд̇ам̣ наг̇г̇абхог̇г̇ам̣ ниссиригам̣ анд̇хаб̣аалам̣ ааж̇ийвагам̣ бужчи.

Na balīyareti nābhibhavanti na kuppanti. Anantarāti paṭisanthārato anantarā pañhaṃ pucchi. Tattha atthaṃ dhammañca ñāyañcāti pāḷiatthañca pāḷiñca kāraṇayuttiñca . So hi ‘‘kathaṃ dhammaṃ care’’ti pucchanto mātāpituādīsu paṭipattidīpakaṃ pāḷiñca pāḷiatthañca kāraṇayuttiñca me kathethāti imaṃ atthañca dhammañca ñāyañca pucchati. Tattha kathañceke adhammaṭṭhāti ekacce adhamme ṭhitā kathaṃ nirayañceva atho sesaapāye ca patantīti sabbaññubuddhapaccekabuddhabuddhasāvakamahābodhisattesu purimassa purimassa alābhena pacchimaṃ pacchimaṃ pucchitabbakaṃ mahesakkhapañhaṃ rājā kiñci ajānantaṃ naggabhoggaṃ nissirikaṃ andhabālaṃ ājīvakaṃ pucchi.

соби звам̣ бужчид̇о бужчаануруубам̣ б̣яаагаран̣ам̣ ад̣̇исваа жаранд̇ам̣ г̇он̣ам̣ д̣̇ан̣д̣зна бахаранд̇о вияа бхад̇д̇абаад̇ияам̣ гажаварам̣ кибанд̇о вияа жа ‘‘сун̣а, махаарааж̇аа’’д̇и огаасам̣ гаарзд̇ваа ад̇д̇ано мижчааваад̣̇ам̣ бадтабзси. д̇амад̇т̇ам̣ багаасзнд̇о сад̇т̇аа ааха –

Sopi evaṃ pucchito pucchānurūpaṃ byākaraṇaṃ adisvā carantaṃ goṇaṃ daṇḍena paharanto viya bhattapātiyaṃ kacavaraṃ khipanto viya ca ‘‘suṇa, mahārājā’’ti okāsaṃ kāretvā attano micchāvādaṃ paṭṭhapesi. Tamatthaṃ pakāsento satthā āha –

1186.

‘‘взд̣̇зхасса важо суд̇ваа, гассабо зд̇ад̣̇аб̣рави;

‘‘Vedehassa vaco sutvā, kassapo etadabravi;

‘сун̣охи мз махаарааж̇а, сажжам̣ авид̇ат̇ам̣ бад̣̇ам̣.

‘Suṇohi me mahārāja, saccaṃ avitathaṃ padaṃ.

1187.

‘над̇т̇и д̇хаммажарид̇асса, палам̣ галяаан̣абаабагам̣;

‘Natthi dhammacaritassa, phalaṃ kalyāṇapāpakaṃ;

над̇т̇и д̣̇зва баро лого, го д̇ад̇о хи ид̇хааг̇ад̇о.

Natthi deva paro loko, ko tato hi idhāgato.

1188.

‘над̇т̇и д̣̇зва бид̇аро ваа, гуд̇о маад̇аа гуд̇о бид̇аа;

‘Natthi deva pitaro vā, kuto mātā kuto pitā;

над̇т̇и аажарияо наама, ад̣̇анд̇ам̣ го д̣̇амзссад̇и.

Natthi ācariyo nāma, adantaṃ ko damessati.

1189.

‘самад̇уляаани бхууд̇аани, над̇т̇и ж̇здтаабажааяигаа;

‘Samatulyāni bhūtāni, natthi jeṭṭhāpacāyikā;

над̇т̇и б̣алам̣ вийрияам̣ ваа, гуд̇о удтаанаборисам̣;

Natthi balaṃ vīriyaṃ vā, kuto uṭṭhānaporisaṃ;

нияад̇аани хи бхууд̇аани, яат̇аа г̇одависо д̇ат̇аа.

Niyatāni hi bhūtāni, yathā goṭaviso tathā.

1190.

‘лад̣̇д̇хзяяам̣ лабхад̇з мажжо, д̇ад̇т̇а д̣̇аанапалам̣ гуд̇о;

‘Laddheyyaṃ labhate macco, tattha dānaphalaṃ kuto;

над̇т̇и д̣̇аанапалам̣ д̣̇зва, авасо д̣̇звавийрияо.

Natthi dānaphalaṃ deva, avaso devavīriyo.

1191.

‘б̣аалзхи д̣̇аанам̣ бан̃н̃ад̇д̇ам̣, бан̣д̣ид̇зхи бадижчид̇ам̣;

‘Bālehi dānaṃ paññattaṃ, paṇḍitehi paṭicchitaṃ;

авасаа д̣̇знд̇и д̇хийраанам̣, б̣аалаа бан̣д̣ид̇амаанино’’’д̇и.

Avasā denti dhīrānaṃ, bālā paṇḍitamānino’’’ti.

д̇ад̇т̇а ид̇хааг̇ад̇од̇и д̇ад̇о баралогад̇о ид̇хааг̇ад̇о наама над̇т̇и. над̇т̇и д̣̇зва бид̇аро ваад̇и д̣̇зва, аяяагабзяяагаад̣̇аяо ваа над̇т̇и, д̇зсу асанд̇зсу гуд̇о маад̇аа гуд̇о бид̇аа. яат̇аа г̇одависо д̇ат̇аад̇и г̇одависо вужжад̇и бажчааб̣анд̇хо, яат̇аа наавааяа бажчааб̣анд̇хо наавамзва ануг̇ажчад̇и, д̇ат̇аа имз сад̇д̇аа нияад̇амзва ануг̇ажчанд̇ийд̇и вад̣̇ад̇и. авасо д̣̇звавийрияод̇и звам̣ д̣̇аанапалз асад̇и яо гожи б̣аало д̣̇аанам̣ д̣̇зд̇и, со авасо авийрияо на ад̇д̇ано васзна б̣алзна д̣̇зд̇и, д̣̇аанапалам̣ бана ад̇т̇ийд̇и сан̃н̃ааяа ан̃н̃зсам̣ анд̇хаб̣аалаанам̣ сад̣̇д̣̇ахид̇ваа д̣̇зд̇ийд̇и д̣̇ийбзд̇и. б̣аалзхи д̣̇аанам̣ бан̃н̃ад̇д̇анд̇и ‘‘д̣̇аанам̣ д̣̇аад̇аб̣б̣а’’нд̇и анд̇хаб̣аалзхи бан̃н̃ад̇д̇ам̣ анун̃н̃аад̇ам̣, д̇ам̣ д̣̇аанам̣ б̣аалааязва д̣̇знд̇и, бан̣д̣ид̇аа бадиг̇г̇ан̣ханд̇и.

Tattha idhāgatoti tato paralokato idhāgato nāma natthi. Natthi deva pitaro vāti deva, ayyakapeyyakādayo vā natthi, tesu asantesu kuto mātā kuto pitā. Yathā goṭavisotathāti goṭaviso vuccati pacchābandho, yathā nāvāya pacchābandho nāvameva anugacchati, tathā ime sattā niyatameva anugacchantīti vadati. Avaso devavīriyoti evaṃ dānaphale asati yo koci bālo dānaṃ deti, so avaso avīriyo na attano vasena balena deti, dānaphalaṃ pana atthīti saññāya aññesaṃ andhabālānaṃ saddahitvā detīti dīpeti. Bālehi dānaṃ paññattanti ‘‘dānaṃ dātabba’’nti andhabālehi paññattaṃ anuññātaṃ, taṃ dānaṃ bālāyeva denti, paṇḍitā paṭiggaṇhanti.

звам̣ д̣̇аанасса нибпалад̇ам̣ ван̣н̣зд̇ваа ид̣̇аани баабасса нибпалабхаавам̣ ван̣н̣зд̇ум̣ ааха –

Evaṃ dānassa nipphalataṃ vaṇṇetvā idāni pāpassa nipphalabhāvaṃ vaṇṇetuṃ āha –

1192.

‘‘сад̇д̇имз сассад̇аа гааяаа, ажчзж̇ж̇аа авигобино;

‘‘Sattime sassatā kāyā, acchejjā avikopino;

д̇зж̇о бат̇авий аабо жа, вааяо сукам̣ д̣̇укан̃жимз;

Tejo pathavī āpo ca, vāyo sukhaṃ dukhañcime;

ж̇ийвз жа сад̇д̇имз гааяаа, язсам̣ чзд̇д̇аа на виж̇ж̇ад̇и.

Jīve ca sattime kāyā, yesaṃ chettā na vijjati.

1193.

‘‘над̇т̇и ханд̇аа ва чзд̇д̇аа ваа, хан̃н̃з язвааби гожи нам̣;

‘‘Natthi hantā va chettā vā, haññe yevāpi koci naṃ;

анд̇арзнзва гааяаанам̣, сад̇т̇аани вийд̇ивад̇д̇арз.

Antareneva kāyānaṃ, satthāni vītivattare.

1194.

‘‘яо жааби сирамаад̣̇ааяа, барзсам̣ нисид̇аасинаа;

‘‘Yo cāpi siramādāya, paresaṃ nisitāsinā;

на со чинд̣̇ад̇и д̇з гааяз, д̇ад̇т̇а баабапалам̣ гуд̇о.

Na so chindati te kāye, tattha pāpaphalaṃ kuto.

1195.

‘‘жуллаасийд̇имахаагаббз, саб̣б̣з суж̇жханд̇и сам̣сарам̣;

‘‘Cullāsītimahākappe, sabbe sujjhanti saṃsaraṃ;

анааг̇ад̇з д̇амхи гаалз, сан̃н̃ад̇оби на суж̇жхад̇и.

Anāgate tamhi kāle, saññatopi na sujjhati.

1196.

‘‘жарид̇вааби б̣ахум̣ бхад̣̇рам̣, нзва суж̇жханд̇инааг̇ад̇з;

‘‘Caritvāpi bahuṃ bhadraṃ, neva sujjhantināgate;

баабан̃жзби б̣ахум̣ гад̇ваа, д̇ам̣ кан̣ам̣ наад̇ивад̇д̇арз.

Pāpañcepi bahuṃ katvā, taṃ khaṇaṃ nātivattare.

1197.

‘‘анубуб̣б̣зна но суд̣̇д̇хи, габбаанам̣ жулласийд̇ияаа;

‘‘Anupubbena no suddhi, kappānaṃ cullasītiyā;

нияад̇им̣ наад̇ивад̇д̇аама, взланд̇амива сааг̇аро’’д̇и.

Niyatiṃ nātivattāma, velantamiva sāgaro’’ti.

д̇ад̇т̇а гааяаад̇и самуухаа. авигобинод̇и вигобзд̇ум̣ на саггаа. ж̇ийвзд̇и ж̇ийво. ‘‘ж̇ийво’’д̇иби баато, аяамзва ад̇т̇о. сад̇д̇имз гааяаад̇и имз сад̇д̇а гааяаа. хан̃н̃з язвааби гожи нанд̇и яо хан̃н̃зяяа, соби над̇т̇зва. вийд̇ивад̇д̇арзд̇и имзсам̣ сад̇д̇аннам̣ гааяаанам̣ анд̇арзязва жаранд̇и , чинд̣̇ид̇ум̣ на саггонд̇и. сирамаад̣̇ааяаад̇и барзсам̣ сийсам̣ г̇ахзд̇ваа. нисид̇аасинаад̇и нисид̇зна асинаа чинд̣̇ад̇и, на со чинд̣̇ад̇ийд̇и соби д̇з гааяз на чинд̣̇ад̇и, бат̇авий бат̇авимзва убзд̇и, аабаад̣̇аяо аабаад̣̇игз, сукад̣̇угкаж̇ийваа аагаасам̣ багканд̣̇анд̇ийд̇и д̣̇ассзд̇и.

Tattha kāyāti samūhā. Avikopinoti vikopetuṃ na sakkā. Jīveti jīvo. ‘‘Jīvo’’tipi pāṭho, ayameva attho. Sattime kāyāti ime satta kāyā. Haññe yevāpi koci nanti yo haññeyya, sopi nattheva. Vītivattareti imesaṃ sattannaṃ kāyānaṃ antareyeva caranti , chindituṃ na sakkonti. Siramādāyāti paresaṃ sīsaṃ gahetvā. Nisitāsināti nisitena asinā chindati, na so chindatīti sopi te kāye na chindati, pathavī pathavimeva upeti, āpādayo āpādike, sukhadukkhajīvā ākāsaṃ pakkhandantīti dasseti.

сам̣саранд̇и махаарааж̇а, имз сад̇д̇аа имам̣ бат̇авим̣ згамам̣сакалам̣ гад̇вааби зд̇д̇агз габбз сам̣саранд̇аа суж̇жханд̇и. ан̃н̃ад̇ра хи сам̣саараа сад̇д̇з сод̇хзд̇ум̣ самад̇т̇о наама над̇т̇и, саб̣б̣з сам̣саарзнзва суж̇жханд̇и. анааг̇ад̇з д̇амхи гаалзд̇и яат̇аавуд̇д̇з бана зд̇асмим̣ гаалз анааг̇ад̇з аббад̇д̇з анд̇араа сан̃н̃ад̇оби барисуд̣̇д̇хасийлоби на суж̇жхад̇и. д̇ам̣ кан̣анд̇и д̇ам̣ вуд̇д̇аббагаарам̣ гаалам̣. анубуб̣б̣зна но суд̣̇д̇хийд̇и амхаагам̣ ваад̣̇з анубуб̣б̣зна суд̣̇д̇хи, саб̣б̣зсам̣ амхаагам̣ анубуб̣б̣зна суд̣̇д̇хи бхависсад̇ийд̇и ад̇т̇о. ид̇и со ужчзд̣̇аваад̣̇о ад̇д̇ано т̇аамзна сагаваад̣̇ам̣ ниббад̣̇зсад̇о гат̇зсийд̇и.

Saṃsaranti mahārāja, ime sattā imaṃ pathaviṃ ekamaṃsakhalaṃ katvāpi ettake kappe saṃsarantā sujjhanti. Aññatra hi saṃsārā satte sodhetuṃ samattho nāma natthi, sabbe saṃsāreneva sujjhanti. Anāgate tamhi kāleti yathāvutte pana etasmiṃ kāle anāgate appatte antarā saññatopi parisuddhasīlopi na sujjhati. Taṃkhaṇanti taṃ vuttappakāraṃ kālaṃ. Anupubbena no suddhīti amhākaṃ vāde anupubbena suddhi, sabbesaṃ amhākaṃ anupubbena suddhi bhavissatīti attho. Iti so ucchedavādo attano thāmena sakavādaṃ nippadesato kathesīti.

1198.

‘‘гассабасса важо суд̇ваа, алаад̇о зд̇ад̣̇аб̣рави;

‘‘Kassapassa vaco sutvā, alāto etadabravi;

‘‘яат̇аа бхад̣̇анд̇о бхан̣ад̇и, маяхамбзд̇ам̣ва ружжад̇и.

‘‘Yathā bhadanto bhaṇati, mayhampetaṃva ruccati.

1199.

‘ахамби буримам̣ ж̇аад̇им̣, сарз сам̣сарид̇ад̇д̇ано;

‘Ahampi purimaṃ jātiṃ, sare saṃsaritattano;

бин̇г̇ало наамахам̣ аасим̣, луд̣̇д̣̇о г̇огхаад̇аго бурз.

Piṅgalo nāmahaṃ āsiṃ, luddo goghātako pure.

1200.

‘б̣аараан̣асияам̣ пийд̇ааяам̣, б̣ахум̣ баабам̣ маяаа гад̇ам̣;

‘Bārāṇasiyaṃ phītāyaṃ, bahuṃ pāpaṃ mayā kataṃ;

б̣ахуу маяаа хад̇аа баан̣аа, махим̣саа суугараа аж̇аа.

Bahū mayā hatā pāṇā, mahiṃsā sūkarā ajā.

1201.

‘д̇ад̇о жуд̇о ид̇ха ж̇аад̇о, ид̣̇д̇хз сзнаабад̇ийгулз;

‘Tato cuto idha jāto, iddhe senāpatīkule;

над̇т̇и нууна палам̣ баабам̣, яохам̣ на нираяам̣ г̇ад̇о’’’д̇и.

Natthi nūna phalaṃ pāpaṃ, yohaṃ na nirayaṃ gato’’’ti.

д̇ад̇т̇а алаад̇о зд̇ад̣̇аб̣равийд̇и со гира гассабад̣̇асаб̣аласса жзд̇ияз анож̇абубпад̣̇аамзна бууж̇ам̣ гад̇ваа маран̣асамаяз ан̃н̃зна гаммзна яат̇аанубхаавам̣ кид̇д̇о сам̣саарз сам̣саранд̇о згасса баабагаммасса ниссанд̣̇зна г̇огхаад̇агагулз ниб̣б̣ад̇д̇ид̇ваа б̣ахум̣ баабамагааси. ат̇асса маран̣агаалз бхасмабадижчанно вияа аг̇г̇и зд̇д̇агам̣ гаалам̣ тид̇ам̣ д̇ам̣ бун̃н̃агаммам̣ огаасамагааси. со д̇ассаанубхаавзна ид̇ха ниб̣б̣ад̇д̇ид̇ваа д̇ам̣ вибхууд̇им̣ бад̇д̇о, ж̇аад̇им̣ саранд̇о бана ад̇ийд̇аананд̇арад̇о барам̣ барисарид̇ум̣ асаггонд̇о ‘‘г̇огхаад̇агагаммам̣ гад̇ваа ид̇ха ниб̣б̣ад̇д̇осмий’’д̇и сан̃н̃ааяа д̇асса ваад̣̇ам̣ убад̇т̇амбхзнд̇о ид̣̇ам̣ ‘‘яат̇аа бхад̣̇анд̇о бхан̣ад̇ий’’д̇иаад̣̇иважанам̣ аб̣рави. д̇ад̇т̇а сарз сам̣сарид̇ад̇д̇анод̇и ад̇д̇ано сам̣сарид̇ам̣ сараами. сзнаабад̇ийгулзд̇и сзнаабад̇игуламхи.

Tattha alāto etadabravīti so kira kassapadasabalassa cetiye anojapupphadāmena pūjaṃ katvā maraṇasamaye aññena kammena yathānubhāvaṃ khitto saṃsāre saṃsaranto ekassa pāpakammassa nissandena goghātakakule nibbattitvā bahuṃ pāpamakāsi. Athassa maraṇakāle bhasmapaṭicchanno viya aggi ettakaṃ kālaṃ ṭhitaṃ taṃ puññakammaṃ okāsamakāsi. So tassānubhāvena idha nibbattitvā taṃ vibhūtiṃ patto, jātiṃ saranto pana atītānantarato paraṃ parisarituṃ asakkonto ‘‘goghātakakammaṃ katvā idha nibbattosmī’’ti saññāya tassa vādaṃ upatthambhento idaṃ ‘‘yathā bhadanto bhaṇatī’’tiādivacanaṃ abravi. Tattha sare saṃsaritattanoti attano saṃsaritaṃ sarāmi. Senāpatīkuleti senāpatikulamhi.

1202.

‘‘ат̇зд̇т̇а б̣ийж̇аго наама, д̣̇аасо ааси бадажжарий;

‘‘Athettha bījako nāma, dāso āsi paṭaccarī;

убосат̇ам̣ убавасанд̇о, г̇ун̣асанд̇игубааг̇ами.

Uposathaṃ upavasanto, guṇasantikupāgami.

1203.

‘‘гассабасса важо суд̇ваа, алаад̇асса жа бхаасид̇ам̣;

‘‘Kassapassa vaco sutvā, alātassa ca bhāsitaṃ;

бассасанд̇о мухум̣ ун̣хам̣, руд̣̇ам̣ ассууни вад̇д̇аяий’’д̇и.

Passasanto muhuṃ uṇhaṃ, rudaṃ assūni vattayī’’ti.

д̇ад̇т̇а ат̇зд̇т̇аад̇и ат̇а зд̇т̇а зд̇иссам̣ мит̇илааяам̣. бадажжарийд̇и д̣̇алид̣̇д̣̇о габан̣о ахоси. г̇ун̣асанд̇игубааг̇амийд̇и г̇ун̣асса санд̇игам̣ гин̃жид̣̇зва гааран̣ам̣ соссаамийд̇и убаг̇ад̇од̇и взд̣̇ид̇аб̣б̣о.

Tattha athetthāti atha ettha etissaṃ mithilāyaṃ. Paṭaccarīti daliddo kapaṇo ahosi. Guṇasantikupāgamīti guṇassa santikaṃ kiñcideva kāraṇaṃ sossāmīti upagatoti veditabbo.

1204.

‘‘д̇аманубужчи взд̣̇зхо, ‘гимад̇т̇ам̣ самма род̣̇аси;

‘‘Tamanupucchi vedeho, ‘kimatthaṃ samma rodasi;

гим̣ д̇з суд̇ам̣ ваа д̣̇идтам̣ ваа, гим̣ мам̣ взд̣̇зси взд̣̇ана’’’нд̇и.

Kiṃ te sutaṃ vā diṭṭhaṃ vā, kiṃ maṃ vedesi vedana’’’nti.

д̇ад̇т̇а гим̣ мам̣ взд̣̇зси взд̣̇ананд̇и гим̣ наама д̇вам̣ гааяигам̣ ваа жзд̇асигам̣ ваа взд̣̇анам̣ бад̇д̇ояам̣, звам̣ род̣̇анд̇о мам̣ взд̣̇зси ж̇аанаабзси, уд̇д̇аанамзва нам̣ гад̇ваа маяхам̣ аажигкаахийд̇и.

Tattha kiṃ maṃ vedesi vedananti kiṃ nāma tvaṃ kāyikaṃ vā cetasikaṃ vā vedanaṃ pattoyaṃ, evaṃ rodanto maṃ vedesi jānāpesi, uttānameva naṃ katvā mayhaṃ ācikkhāhīti.

1205.

‘‘взд̣̇зхасса важо суд̇ваа, б̣ийж̇аго зд̇ад̣̇аб̣рави;

‘‘Vedehassa vaco sutvā, bījako etadabravi;

‘над̇т̇и мз взд̣̇анаа д̣̇угкаа, махаарааж̇а сун̣охи мз.

‘Natthi me vedanā dukkhā, mahārāja suṇohi me.

1206.

‘ахамби буримам̣ ж̇аад̇им̣, сараами сукамад̇д̇ано;

‘Ahampi purimaṃ jātiṃ, sarāmi sukhamattano;

саагзд̇аахам̣ бурз аасим̣, бхаавасздти г̇ун̣з рад̇о.

Sāketāhaṃ pure āsiṃ, bhāvaseṭṭhi guṇe rato.

1207.

‘саммад̇о б̣раахман̣иб̣бхаанам̣, сам̣вибхааг̇арад̇о сужи;

‘Sammato brāhmaṇibbhānaṃ, saṃvibhāgarato suci;

на жааби баабагам̣ гаммам̣, сараами гад̇амад̇д̇ано.

Na cāpi pāpakaṃ kammaṃ, sarāmi katamattano.

1208.

‘д̇ад̇о жуд̇аахам̣ взд̣̇зха, ид̇ха ж̇аад̇о д̣̇урид̇т̇ияаа;

‘Tato cutāhaṃ vedeha, idha jāto duritthiyā;

г̇аб̣бхамхи гумбхад̣̇аасияаа, яад̇о ж̇аад̇о суд̣̇уг̇г̇ад̇о.

Gabbhamhi kumbhadāsiyā, yato jāto suduggato.

1209.

‘звамби д̣̇уг̇г̇ад̇о санд̇о, самажарияам̣ ад̇хидтид̇о;

‘Evampi duggato santo, samacariyaṃ adhiṭṭhito;

убад̣дхабхааг̇ам̣ бхад̇д̇асса, д̣̇ад̣̇аами яо мз ижчад̇и.

Upaḍḍhabhāgaṃ bhattassa, dadāmi yo me icchati.

1210.

‘жаад̇уд̣̇д̣̇асим̣ бан̃жад̣̇асим̣, сад̣̇аа убавасаамахам̣;

‘Cātuddasiṃ pañcadasiṃ, sadā upavasāmahaṃ;

на жааби бхууд̇з хим̣саами, т̇зяяам̣ жааби виваж̇ж̇аяим̣.

Na cāpi bhūte hiṃsāmi, theyyaṃ cāpi vivajjayiṃ.

1211.

‘саб̣б̣амзва хи нуунзд̇ам̣, сужин̣н̣ам̣ бхавад̇и нибпалам̣;

‘Sabbameva hi nūnetaṃ, suciṇṇaṃ bhavati nipphalaṃ;

нирад̇т̇ам̣ ман̃н̃ид̣̇ам̣ сийлам̣, алаад̇о бхаасад̇ий яат̇аа.

Niratthaṃ maññidaṃ sīlaṃ, alāto bhāsatī yathā.

1212.

‘галимзва нууна г̇ан̣хаами, асиббо д̇худ̇д̇аго яат̇аа;

‘Kalimeva nūna gaṇhāmi, asippo dhuttako yathā;

гадам̣ алаад̇о г̇ан̣хаад̇и, гид̇авосигкид̇о яат̇аа.

Kaṭaṃ alāto gaṇhāti, kitavosikkhito yathā.

1213.

‘д̣̇ваарам̣ наббадибассаами, язна г̇ажчаами суг̇г̇ад̇им̣;

‘Dvāraṃ nappaṭipassāmi, yena gacchāmi suggatiṃ;

д̇асмаа рааж̇а барод̣̇аами, суд̇ваа гассабабхаасид̇а’’’нд̇и.

Tasmā rāja parodāmi, sutvā kassapabhāsita’’’nti.

д̇ад̇т̇а бхаавасздтийд̇и звам̣наамаго асийд̇игодивибхаво сздти. г̇ун̣з рад̇од̇и г̇ун̣амхи рад̇о. саммад̇од̇и самбхаавид̇о сам̣ван̣н̣ид̇о. сужийд̇и сужигаммо. ид̇ха ж̇аад̇о д̣̇урид̇т̇ияаад̇и имасмим̣ мит̇иланаг̇арз д̣̇алид̣̇д̣̇ияаа габан̣ааяа гумбхад̣̇аасияаа гужчимхи ж̇аад̇осмийд̇и. со гира буб̣б̣з гассабаб̣уд̣̇д̇хагаалз аран̃н̃з надтам̣ б̣алиб̣ад̣̇д̣̇ам̣ г̇авзсамаано згзна маг̇г̇амуул̣хзна бхигкунаа маг̇г̇ам̣ будто д̇ун̣хий худ̇ваа буна д̇зна бужчид̇о гуж̇жхид̇ваа ‘‘саман̣а, д̣̇аасаа наама мукараа хонд̇и, д̣̇аасзна д̇аяаа бхавид̇аб̣б̣ам̣, ад̇имукаросий’’д̇и ааха. д̇ам̣ гаммам̣ д̇ад̣̇аа вибаагам̣ ад̣̇ад̇ваа бхасмажчанно вияа бааваго тид̇ам̣. маран̣асамаяз ан̃н̃ам̣ гаммам̣ убадтааси. со яат̇аагаммам̣ сам̣саарз сам̣саранд̇о згасса гусалагаммасса б̣алзна саагзд̇з вуд̇д̇аббагааро сздти худ̇ваа д̣̇аанаад̣̇ийни бун̃н̃аани агааси. д̇ам̣ банасса гаммам̣ бат̇авияам̣ нихид̇анид̇хи вияа тид̇ам̣ огаасам̣ лабхид̇ваа вибаагам̣ д̣̇ассад̇и. яам̣ бана д̇зна д̇ам̣ бхигкум̣ аггосанд̇зна гад̇ам̣ баабагаммам̣, д̇амасса д̇асмим̣ ад̇д̇абхаавз вибаагам̣ ад̣̇ааси. со аж̇аананд̇о ‘‘ид̇арасса галяаан̣агаммасса б̣алзна гумбхад̣̇аасияаа гужчимхи ниб̣б̣ад̇д̇осмий’’д̇и сан̃н̃ааяа звамааха. яад̇о ж̇аад̇о суд̣̇уг̇г̇ад̇од̇и сохам̣ ж̇аад̇агаалад̇о бадтааяа ад̇ид̣̇уг̇г̇ад̇од̇и д̣̇ийбзд̇и.

Tattha bhāvaseṭṭhīti evaṃnāmako asītikoṭivibhavo seṭṭhi. Guṇe ratoti guṇamhi rato. Sammatoti sambhāvito saṃvaṇṇito. Sucīti sucikammo. Idha jāto duritthiyāti imasmiṃ mithilanagare daliddiyā kapaṇāya kumbhadāsiyā kucchimhi jātosmīti. So kira pubbe kassapabuddhakāle araññe naṭṭhaṃ balibaddaṃ gavesamāno ekena maggamūḷhena bhikkhunā maggaṃ puṭṭho tuṇhī hutvā puna tena pucchito kujjhitvā ‘‘samaṇa, dāsā nāma mukharā honti, dāsena tayā bhavitabbaṃ, atimukharosī’’ti āha. Taṃ kammaṃ tadā vipākaṃ adatvā bhasmacchanno viya pāvako ṭhitaṃ. Maraṇasamaye aññaṃ kammaṃ upaṭṭhāsi. So yathākammaṃ saṃsāre saṃsaranto ekassa kusalakammassa balena sākete vuttappakāro seṭṭhi hutvā dānādīni puññāni akāsi. Taṃ panassa kammaṃ pathaviyaṃ nihitanidhi viya ṭhitaṃ okāsaṃ labhitvā vipākaṃ dassati. Yaṃ pana tena taṃ bhikkhuṃ akkosantena kataṃ pāpakammaṃ, tamassa tasmiṃ attabhāve vipākaṃ adāsi. So ajānanto ‘‘itarassa kalyāṇakammassa balena kumbhadāsiyā kucchimhi nibbattosmī’’ti saññāya evamāha. Yato jāto suduggatoti sohaṃ jātakālato paṭṭhāya atiduggatoti dīpeti.

самажарияамад̇хидтид̇од̇и самажарияааяамзва бад̇идтид̇омхи. нуунзд̇анд̇и згам̣сзна зд̇ам̣. ман̃н̃ид̣̇ам̣ сийланд̇и д̣̇зва, ид̣̇ам̣ сийлам̣ наама нирад̇т̇агам̣ ман̃н̃з. алаад̇од̇и яат̇аа аяам̣ алаад̇асзнаабад̇и ‘‘маяаа буримабхавз б̣ахум̣ баан̣аад̇ибаад̇агаммам̣ гад̇ваа сзнаабад̇идтаанам̣ лад̣̇д̇ха’’нд̇и бхаасад̇и, д̇зна гааран̣знаахам̣ нирад̇т̇агам̣ сийланд̇и ман̃н̃аами. галимзваад̇и яат̇аа асиббо асигкид̇о агкад̇худ̇д̇о барааж̇аяаг̇г̇аахам̣ г̇ан̣хаад̇и, д̇ат̇аа нууна г̇ан̣хаами, буримабхавз ад̇д̇ано саабад̇зяяам̣ наасзд̇ваа ид̣̇аани д̣̇угкам̣ анубхаваами. гассабабхаасид̇анд̇и гассабаг̇од̇д̇асса ажзлагасса бхаасид̇ам̣ суд̇ваад̇и вад̣̇ад̇и.

Samacariyamadhiṭṭhitoti samacariyāyameva patiṭṭhitomhi. Nūnetanti ekaṃsena etaṃ. Maññidaṃ sīlanti deva, idaṃ sīlaṃ nāma niratthakaṃ maññe. Alātoti yathā ayaṃ alātasenāpati ‘‘mayā purimabhave bahuṃ pāṇātipātakammaṃ katvā senāpatiṭṭhānaṃ laddha’’nti bhāsati, tena kāraṇenāhaṃ niratthakaṃ sīlanti maññāmi. Kalimevāti yathā asippo asikkhito akkhadhutto parājayaggāhaṃ gaṇhāti, tathā nūna gaṇhāmi, purimabhave attano sāpateyyaṃ nāsetvā idāni dukkhaṃ anubhavāmi. Kassapabhāsitanti kassapagottassa acelakassa bhāsitaṃ sutvāti vadati.

1214.

‘‘б̣ийж̇агасса важо суд̇ваа, рааж̇аа ан̇г̇ад̇и маб̣рави;

‘‘Bījakassa vaco sutvā, rājā aṅgati mabravi;

‘над̇т̇и д̣̇ваарам̣ суг̇ад̇ияаа, нияад̇им̣ ган̇ка б̣ийж̇ага.

‘Natthi dvāraṃ sugatiyā, niyatiṃ kaṅkha bījaka.

1215.

‘сукам̣ ваа яад̣̇и ваа д̣̇угкам̣, нияад̇ияаа гира лаб̣бхад̇и;

‘Sukhaṃ vā yadi vā dukkhaṃ, niyatiyā kira labbhati;

сам̣саарасуд̣̇д̇хи саб̣б̣зсам̣, маа д̇урид̇т̇о анааг̇ад̇з.

Saṃsārasuddhi sabbesaṃ, mā turittho anāgate.

1216.

‘ахамби буб̣б̣з галяаан̣о, б̣раахман̣иб̣бхзсу б̣яаавадо;

‘Ahampi pubbe kalyāṇo, brāhmaṇibbhesu byāvaṭo;

вохаараманусаасанд̇о, рад̇ихийно д̇ад̣̇анд̇араа’’’д̇и.

Vohāramanusāsanto, ratihīno tadantarā’’’ti.

д̇ад̇т̇а ан̇г̇ад̇и маб̣равийд̇и батамамзва ид̇арзсам̣ д̣̇виннам̣, бажчаа б̣ийж̇агассаад̇и д̇ин̣н̣ам̣ важанам̣ суд̇ваа д̣̇ал̣хам̣ мижчаад̣̇идтим̣ г̇ахзд̇ваа зд̇ам̣ ‘‘над̇т̇и д̣̇ваара’’нд̇иаад̣̇иважанамаб̣рави. нияад̇им̣ ган̇каад̇и самма б̣ийж̇ага, нияад̇имзва ологзхи. жуллаасийд̇имахаагаббаббамаан̣о гаалоязва хи сад̇д̇з сод̇хзд̇и, д̇вам̣ ад̇ид̇урид̇од̇и ад̇хиббааязнзвамааха. анааг̇ад̇зд̇и д̇асмим̣ гаалз асамбад̇д̇з анд̇араава д̣̇звалогам̣ г̇ажчаамийд̇и маа д̇урид̇т̇о. б̣яаавадод̇и б̣раахман̣зсу жа г̇ахабад̇игзсу жа д̇зсам̣язва гааяавзяяааважжад̣̇аанаад̣̇игаммагаран̣зна б̣яаавадо ахосим̣. вохааранд̇и винижчаяадтаанз нисийд̣̇ид̇ваа рааж̇агижжам̣ вохаарам̣ анусаасанд̇ова. рад̇ихийно д̇ад̣̇анд̇араад̇и зд̇д̇агам̣ гаалам̣ гаамаг̇ун̣арад̇ияаа барихийнод̇и.

Tattha aṅgati mabravīti paṭhamameva itaresaṃ dvinnaṃ, pacchā bījakassāti tiṇṇaṃ vacanaṃ sutvā daḷhaṃ micchādiṭṭhiṃ gahetvā etaṃ ‘‘natthi dvāra’’ntiādivacanamabravi. Niyatiṃ kaṅkhāti samma bījaka, niyatimeva olokehi. Cullāsītimahākappappamāṇo kāloyeva hi satte sodheti, tvaṃ atituritoti adhippāyenevamāha. Anāgateti tasmiṃ kāle asampatte antarāva devalokaṃ gacchāmīti mā turittho. Byāvaṭoti brāhmaṇesu ca gahapatikesu ca tesaṃyeva kāyaveyyāvaccadānādikammakaraṇena byāvaṭo ahosiṃ. Vohāranti vinicchayaṭṭhāne nisīditvā rājakiccaṃ vohāraṃ anusāsantova. Ratihīno tadantarāti ettakaṃ kālaṃ kāmaguṇaratiyā parihīnoti.

зван̃жа бана вад̇ваа ‘‘бханд̇з гассаба, маяам̣ зд̇д̇агам̣ гаалам̣ бамаж̇ж̇имхаа, ид̣̇аани бана амхзхи аажарияо лад̣̇д̇хо, ид̇о бадтааяа гаамарад̇имзва анубхависсаама, д̇умхаагам̣ санд̇игз ид̇о уд̇д̇ари д̇хаммассаванамби но бабан̃жо бхависсад̇и, д̇идтат̇а д̇умхз, маяам̣ г̇амиссаамаа’’д̇и аабужчанд̇о ааха –

Evañca pana vatvā ‘‘bhante kassapa, mayaṃ ettakaṃ kālaṃ pamajjimhā, idāni pana amhehi ācariyo laddho, ito paṭṭhāya kāmaratimeva anubhavissāma, tumhākaṃ santike ito uttari dhammassavanampi no papañco bhavissati, tiṭṭhatha tumhe, mayaṃ gamissāmā’’ti āpucchanto āha –

1217.

‘‘бунаби бханд̇з д̣̇агкзму, сан̇г̇ад̇и жз бхависсад̇ий’’д̇и.

‘‘Punapi bhante dakkhemu, saṅgati ce bhavissatī’’ti.

д̇ад̇т̇а сан̇г̇ад̇и жзд̇и згасмим̣ таанз жз но самааг̇амо бхависсад̇и,но жз, асад̇и бун̃н̃апалз гим̣ д̇аяаа д̣̇идтзнаад̇и.

Tattha saṅgati ceti ekasmiṃ ṭhāne ce no samāgamo bhavissati,no ce, asati puññaphale kiṃ tayā diṭṭhenāti.

‘‘ид̣̇ам̣ вад̇ваана взд̣̇зхо, бажжаг̇аа санивзсана’’нд̇и;

‘‘Idaṃ vatvāna vedeho, paccagā sanivesana’’nti;

д̇ад̇т̇а санивзсананд̇и бхигкавз, ид̣̇ам̣ важанам̣ взд̣̇зхарааж̇аа вад̇ваа рат̇ам̣ абхируяха ад̇д̇ано нивзсанам̣ жанд̣̇агабаасаад̣̇ад̇аламзва бадиг̇ад̇о.

Tattha sanivesananti bhikkhave, idaṃ vacanaṃ vedeharājā vatvā rathaṃ abhiruyha attano nivesanaṃ candakapāsādatalameva paṭigato.

рааж̇аа батамам̣ г̇ун̣асанд̇игам̣ г̇анд̇ваа д̇ам̣ ванд̣̇ид̇ваа бан̃хам̣ бужчи. ааг̇ажчанд̇о бана аванд̣̇ид̇ваава ааг̇ад̇о. г̇ун̣о ад̇д̇ано аг̇ун̣ад̇ааяа ванд̣̇анамби наалад̇т̇а, бин̣д̣аад̣̇игам̣ саггаарам̣ гимзва лажчад̇и. рааж̇ааби д̇ам̣ рад̇д̇им̣ вийд̇инаамзд̇ваа бунад̣̇ивасз амажжз саннибаад̇зд̇ваа ‘‘гаамаг̇ун̣з мз убадтаабзт̇а, ахам̣ ид̇о бадтааяа гаамаг̇ун̣асукамзва анубхависсаами, на мз ан̃н̃аани гижжаани аарожзд̇аб̣б̣аани, винижчаяагижжам̣ асуго жа асуго жа гарод̇уу’’д̇и вад̇ваа гаамарад̇имад̇д̇о ахоси. д̇амад̇т̇ам̣ багаасзнд̇о сад̇т̇аа ааха –

Rājā paṭhamaṃ guṇasantikaṃ gantvā taṃ vanditvā pañhaṃ pucchi. Āgacchanto pana avanditvāva āgato. Guṇo attano aguṇatāya vandanampi nālattha, piṇḍādikaṃ sakkāraṃ kimeva lacchati. Rājāpi taṃ rattiṃ vītināmetvā punadivase amacce sannipātetvā ‘‘kāmaguṇe me upaṭṭhāpetha, ahaṃ ito paṭṭhāya kāmaguṇasukhameva anubhavissāmi, na me aññāni kiccāni ārocetabbāni, vinicchayakiccaṃ asuko ca asuko ca karotū’’ti vatvā kāmaratimatto ahosi. Tamatthaṃ pakāsento satthā āha –

1218.

‘‘д̇ад̇о рад̇яаа вивасаанз, убадтаанамхи ан̇г̇ад̇и;

‘‘Tato ratyā vivasāne, upaṭṭhānamhi aṅgati;

амажжз саннибаад̇зд̇ваа, ид̣̇ам̣ важанамаб̣рави.

Amacce sannipātetvā, idaṃ vacanamabravi.

1219.

‘жанд̣̇агз мз вимаанасмим̣, сад̣̇аа гаамз вид̇хзнд̇у мз;

‘Candake me vimānasmiṃ, sadā kāme vidhentu me;

маа убаг̇ажчум̣ ад̇т̇зсу, г̇уяхаббагаасиязсу жа.

Mā upagacchuṃ atthesu, guyhappakāsiyesu ca.

1220.

‘виж̇аяо жа сунаамо жа, сзнаабад̇и алаад̇аго;

‘Vijayo ca sunāmo ca, senāpati alātako;

зд̇з ад̇т̇з нисийд̣̇анд̇у, вохаарагусалаа д̇аяо’.

Ete atthe nisīdantu, vohārakusalā tayo’.

1221.

‘‘ид̣̇ам̣ вад̇ваана взд̣̇зхо, гаамзва б̣ахуман̃н̃ат̇а;

‘‘Idaṃ vatvāna vedeho, kāmeva bahumaññatha;

на жааби б̣раахман̣иб̣бхзсу, ад̇т̇з гисмин̃жи б̣яаавадо’’д̇и.

Na cāpi brāhmaṇibbhesu, atthe kismiñci byāvaṭo’’ti.

д̇ад̇т̇а убадтаанамхийд̇и ад̇д̇ано убадтаанадтаанз. жанд̣̇агз мзд̇и мама санд̇агз жанд̣̇агабаасаад̣̇з. вид̇хзнд̇у мзд̇и нижжам̣ маяхам̣ гаамз сам̣вид̣̇аханд̇у убадтабзнд̇у. г̇уяхаббагаасиязсууд̇и г̇уяхзсуби багаасиязсуби ад̇т̇зсу уббаннзсу мам̣ гзжи маа убаг̇ажчум̣. ад̇т̇зд̇и ад̇т̇агаран̣з винижчаяадтаанз. нисийд̣̇анд̇ууд̇и маяаа гад̇д̇аб̣б̣агижжасса гаран̣ад̇т̇ам̣ сзсаамажжзхи сад̣̇д̇хим̣ нисийд̣̇анд̇ууд̇и.

Tattha upaṭṭhānamhīti attano upaṭṭhānaṭṭhāne. Candake meti mama santake candakapāsāde. Vidhentu meti niccaṃ mayhaṃ kāme saṃvidahantu upaṭṭhapentu. Guyhappakāsiyesūti guyhesupi pakāsiyesupi atthesu uppannesu maṃ keci mā upagacchuṃ. Attheti atthakaraṇe vinicchayaṭṭhāne. Nisīdantūti mayā kattabbakiccassa karaṇatthaṃ sesaamaccehi saddhiṃ nisīdantūti.

1222.

‘‘д̇ад̇о д̣̇взсад̇д̇арад̇д̇асса, взд̣̇зхассад̇раж̇аа бияаа;

‘‘Tato dvesattarattassa, vedehassatrajā piyā;

рааж̇ад̇хийд̇аа ружаа наама, д̇хаад̇имаад̇арамаб̣рави.

Rājadhītā rucā nāma, dhātimātaramabravi.

1223.

‘‘алан̇гарот̇а мам̣ киббам̣, сакияо жаалан̇гаронд̇у мз;

‘‘Alaṅkarotha maṃ khippaṃ, sakhiyo cālaṅkarontu me;

сувз баннарасо д̣̇иб̣яо, г̇ажчам̣ иссарасанд̇игз.

Suve pannaraso dibyo, gacchaṃ issarasantike.

1224.

‘‘д̇ассаа мааляам̣ абхихарим̣су, жанд̣̇анан̃жа махаарахам̣;

‘‘Tassā mālyaṃ abhihariṃsu, candanañca mahārahaṃ;

ман̣исан̇камуд̇д̇аарад̇анам̣, наанаарад̇д̇з жа амб̣арз.

Maṇisaṅkhamuttāratanaṃ, nānāratte ca ambare.

1225.

‘‘д̇ан̃жа сон̣н̣амаяз бийтз, нисиннам̣ б̣ахугид̇т̇ияо;

‘‘Tañca soṇṇamaye pīṭhe, nisinnaṃ bahukitthiyo;

баригирияа асобхим̣су, ружам̣ ружираван̣н̣ини’’нд̇и.

Parikiriya asobhiṃsu, rucaṃ ruciravaṇṇini’’nti.

д̇ад̇т̇а д̇ад̇од̇и д̇ад̇о ран̃н̃о гаамабан̇гз лаг̇г̇ид̇ад̣̇ивасад̇о бадтааяа. д̣̇взсад̇д̇арад̇д̇ассаад̇и жуд̣̇д̣̇асамз д̣̇ивасз. д̇хаад̇имаад̇арамаб̣равийд̇и бид̇у санд̇игам̣ г̇анд̇угаамаа худ̇ваа д̇хаад̇имаад̇арамааха. саа гира жаад̇уд̣̇д̣̇асз жаад̇уд̣̇д̣̇асз бан̃жасад̇агумааригаахи баривуд̇аа д̇хаад̇иг̇ан̣ам̣ аад̣̇ааяа маханд̇зна сиривилаасзна ад̇д̇ано сад̇д̇абхуумигаа рад̇ивад̣дханабаасаад̣̇аа оруяха бид̇у д̣̇ассанад̇т̇ам̣ жанд̣̇агабаасаад̣̇ам̣ г̇ажчад̇и. ат̇а нам̣ бид̇аа д̣̇исваа д̇удтамаанасо худ̇ваа махаасаггаарам̣ гаарзд̇ваа уяяож̇знд̇о ‘‘амма, д̣̇аанам̣ д̣̇зхий’’д̇и сахассам̣ д̣̇ад̇ваа уяяож̇зд̇и. саа ад̇д̇ано нивзсанам̣ ааг̇анд̇ваа бунад̣̇ивасз убосат̇игаа худ̇ваа габан̣ад̣̇д̇хигаван̣иб̣б̣агаяаажагаанам̣ махаад̣̇аанам̣ д̣̇зд̇и. ран̃н̃аа гирассаа зго ж̇анабад̣̇оби д̣̇инно. д̇ад̇о ааязна саб̣б̣агижжаани гарод̇и. д̇ад̣̇аа бана ‘‘ран̃н̃аа гира г̇ун̣ам̣ ааж̇ийвагам̣ ниссааяа мижчаад̣̇ассанам̣ г̇ахид̇а’’нд̇и сагаланаг̇арз згаголаахалам̣ ахоси. д̇ам̣ бавад̇д̇им̣ ружааяа д̇хаад̇ияо суд̇ваа рааж̇ад̇хийд̇ааяа аарожаяим̣су ‘‘аяяз, бид̇араа гира д̇з ааж̇ийвагасса гат̇ам̣ суд̇ваа мижчаад̣̇ассанам̣ г̇ахид̇ам̣, со гира жад̇уусу наг̇арад̣̇ваарзсу д̣̇аанасаалааяо вид̣̇д̇хам̣саабзд̇ваа барабариг̇г̇ахид̇аа ид̇т̇ияо жа гумааригааяо жа басаяхагаарзна г̇ан̣хид̇ум̣ аан̣аабзд̇и, раж̇ж̇ам̣ на вижаарзд̇и, гаамамад̇д̇оязва гира ж̇аад̇о’’д̇и. саа д̇ам̣ гат̇ам̣ суд̇ваа анад̇д̇аманаа худ̇ваа ‘‘гат̇ан̃хи наама мз д̇аад̇о абаг̇ад̇асуггад̇хаммам̣ ниллаж̇ж̇ам̣ наг̇г̇абхог̇г̇ам̣ убасан̇гамид̇ваа бан̃хам̣ бужчиссад̇и, нану д̇хаммигасаман̣аб̣раахман̣з гаммаваад̣̇ино убасан̇гамид̇ваа бужчид̇аб̣б̣о сияаа, табзд̇ваа ко бана мам̣ ан̃н̃о маяхам̣ бид̇арам̣ мижчаад̣̇ассанаа абанзд̇ваа саммаад̣̇ассанз бад̇идтаабзд̇ум̣ самад̇т̇о наама над̇т̇и. ахан̃хи ад̇ийд̇аа сад̇д̇а, анааг̇ад̇аа сад̇д̇аад̇и жуд̣̇д̣̇аса ж̇аад̇ияо ануссараами, д̇асмаа буб̣б̣з маяаа гад̇ам̣ баабагаммам̣ гат̇зд̇ваа баабагаммасса палам̣ д̣̇ассзнд̇ий мама бид̇арам̣ мижчаад̣̇ассанаа можзссаами. сажз бана аж̇ж̇зва г̇амиссаами, ат̇а мам̣ бид̇аа ‘амма, д̇вам̣ буб̣б̣з ад̣дхамаасз ааг̇ажчаси, аж̇ж̇а гасмаа звам̣ лаху ааг̇ад̇аасий’д̇и вагкад̇и. д̇ад̇ра сажз ахам̣ ‘д̇умхзхи гира мижчаад̣̇ассанам̣ г̇ахид̇а’нд̇и суд̇ваа ‘ааг̇ад̇амхий’д̇и вагкаами, на мз важанам̣ г̇арум̣ гад̇ваа г̇ан̣хиссад̇и, д̇асмаа аж̇ж̇а аг̇анд̇ваа ид̇о жуд̣̇д̣̇асамз д̣̇ивасз гаал̣абагкзязва гин̃жи аж̇аананд̇ий вияа буб̣б̣з г̇аманаагаарзнд̇зва г̇анд̇ваа ааг̇аманагаалз д̣̇аанавад̇д̇ад̇т̇ааяа сахассам̣ яаажиссаами, д̇ад̣̇аа мз бид̇аа д̣̇идтияаа г̇ахид̇абхаавам̣ гат̇зссад̇и. ат̇а нам̣ ахам̣ ад̇д̇ано б̣алзна мижчаад̣̇идтим̣ чад̣д̣аабзссаамий’’д̇и жинд̇зси. д̇асмаа жуд̣̇д̣̇асамз д̣̇ивасз бид̇у санд̇игам̣ г̇анд̇угаамаа худ̇ваа звамааха.

Tattha tatoti tato rañño kāmapaṅke laggitadivasato paṭṭhāya. Dvesattarattassāti cuddasame divase. Dhātimātaramabravīti pitu santikaṃ gantukāmā hutvā dhātimātaramāha. Sā kira cātuddase cātuddase pañcasatakumārikāhi parivutā dhātigaṇaṃ ādāya mahantena sirivilāsena attano sattabhūmikā rativaḍḍhanapāsādā oruyha pitu dassanatthaṃ candakapāsādaṃ gacchati. Atha naṃ pitā disvā tuṭṭhamānaso hutvā mahāsakkāraṃ kāretvā uyyojento ‘‘amma, dānaṃ dehī’’ti sahassaṃ datvā uyyojeti. Sā attano nivesanaṃ āgantvā punadivase uposathikā hutvā kapaṇaddhikavaṇibbakayācakānaṃ mahādānaṃ deti. Raññā kirassā eko janapadopi dinno. Tato āyena sabbakiccāni karoti. Tadā pana ‘‘raññā kira guṇaṃ ājīvakaṃ nissāya micchādassanaṃ gahita’’nti sakalanagare ekakolāhalaṃ ahosi. Taṃ pavattiṃ rucāya dhātiyo sutvā rājadhītāya ārocayiṃsu ‘‘ayye, pitarā kira te ājīvakassa kathaṃ sutvā micchādassanaṃ gahitaṃ, so kira catūsu nagaradvāresu dānasālāyo viddhaṃsāpetvā parapariggahitā itthiyo ca kumārikāyo ca pasayhakārena gaṇhituṃ āṇāpeti, rajjaṃ na vicāreti, kāmamattoyeva kira jāto’’ti. Sā taṃ kathaṃ sutvā anattamanā hutvā ‘‘kathañhi nāma me tāto apagatasukkadhammaṃ nillajjaṃ naggabhoggaṃ upasaṅkamitvā pañhaṃ pucchissati, nanu dhammikasamaṇabrāhmaṇe kammavādino upasaṅkamitvā pucchitabbo siyā, ṭhapetvā kho pana maṃ añño mayhaṃ pitaraṃ micchādassanā apanetvā sammādassane patiṭṭhāpetuṃ samattho nāma natthi. Ahañhi atītā satta, anāgatā sattāti cuddasa jātiyo anussarāmi, tasmā pubbe mayā kataṃ pāpakammaṃ kathetvā pāpakammassa phalaṃ dassentī mama pitaraṃ micchādassanā mocessāmi. Sace pana ajjeva gamissāmi, atha maṃ pitā ‘amma, tvaṃ pubbe aḍḍhamāse āgacchasi, ajja kasmā evaṃ lahu āgatāsī’ti vakkhati. Tatra sace ahaṃ ‘tumhehi kira micchādassanaṃ gahita’nti sutvā ‘āgatamhī’ti vakkhāmi, na me vacanaṃ garuṃ katvā gaṇhissati, tasmā ajja agantvā ito cuddasame divase kāḷapakkheyeva kiñci ajānantī viya pubbe gamanākārenteva gantvā āgamanakāle dānavattatthāya sahassaṃ yācissāmi, tadā me pitā diṭṭhiyā gahitabhāvaṃ kathessati. Atha naṃ ahaṃ attano balena micchādiṭṭhiṃ chaḍḍāpessāmī’’ti cintesi. Tasmā cuddasame divase pitu santikaṃ gantukāmā hutvā evamāha.

д̇ад̇т̇а сакияо жаад̇и сахааяигааяоби мз бан̃жасад̇аа гумааригааяо згааязгам̣ асад̣̇исам̣ гад̇ваа наанаалан̇гаарзхи наанааван̣н̣зхи бубпаг̇анд̇хавилзбанзхи алан̇гаронд̇ууд̇и. д̣̇иб̣яод̇и д̣̇иб̣б̣асад̣̇исо, д̣̇звад̇аасаннибаад̇абадиман̣д̣ид̇од̇иби д̣̇иб̣б̣о. г̇ажчанд̇и мама д̣̇аанавад̇д̇ам̣ аахараабзд̇ум̣ вид̣̇зхиссарасса бид̇у санд̇игам̣ г̇амиссаамийд̇и. абхихарим̣сууд̇и сол̣асахи г̇анд̇ход̣̇агагхадзхи нхаабзд̇ваа ман̣д̣анад̇т̇ааяа абхихарим̣су. баригирияаад̇и бариваарзд̇ваа. асобхим̣сууд̇и суж̇ам̣ бариваарзд̇ваа тид̇аа д̣̇зваган̃н̃аа вияа д̇ам̣ д̣̇ивасам̣ ад̇ивияа асобхим̣сууд̇и.

Tattha sakhiyo cāti sahāyikāyopi me pañcasatā kumārikāyo ekāyekaṃ asadisaṃ katvā nānālaṅkārehi nānāvaṇṇehi pupphagandhavilepanehi alaṅkarontūti. Dibyoti dibbasadiso, devatāsannipātapaṭimaṇḍitotipi dibbo. Gacchanti mama dānavattaṃ āharāpetuṃ videhissarassa pitu santikaṃ gamissāmīti. Abhihariṃsūti soḷasahi gandhodakaghaṭehi nhāpetvā maṇḍanatthāya abhihariṃsu. Parikiriyāti parivāretvā. Asobhiṃsūti sujaṃ parivāretvā ṭhitā devakaññā viya taṃ divasaṃ ativiya asobhiṃsūti.

1226.

‘‘саа жа сакимаж̇жхаг̇ад̇аа, саб̣б̣аабхаран̣абхуусид̇аа;

‘‘Sā ca sakhimajjhagatā, sabbābharaṇabhūsitā;

сад̇зрад̇аа аб̣бхамива, жанд̣̇агам̣ баависий ружаа.

Sateratā abbhamiva, candakaṃ pāvisī rucā.

1227.

‘‘убасан̇гамид̇ваа взд̣̇зхам̣, ванд̣̇ид̇ваа винаяз рад̇ам̣;

‘‘Upasaṅkamitvā vedehaṃ, vanditvā vinaye rataṃ;

суван̣н̣акажид̇з бийтз, згаманд̇ам̣ убаависий’’д̇и.

Suvaṇṇakhacite pīṭhe, ekamantaṃ upāvisī’’ti.

д̇ад̇т̇а убаависийд̇и бид̇у васанадтаанам̣ жанд̣̇агабаасаад̣̇ам̣ баависи. суван̣н̣акажид̇зд̇и сад̇д̇арад̇анакажид̇з суван̣н̣амаяз бийтз.

Tattha upāvisīti pitu vasanaṭṭhānaṃ candakapāsādaṃ pāvisi. Suvaṇṇakhaciteti sattaratanakhacite suvaṇṇamaye pīṭhe.

1228.

‘‘д̇ан̃жа д̣̇исваана взд̣̇зхо, ажчараанам̣ва сан̇г̇амам̣;

‘‘Tañca disvāna vedeho, accharānaṃva saṅgamaṃ;

ружам̣ сакимаж̇жхаг̇ад̇ам̣, ид̣̇ам̣ важанамаб̣рави.

Rucaṃ sakhimajjhagataṃ, idaṃ vacanamabravi.

1229.

‘‘‘гажжи рамаси баасаад̣̇з, анд̇обогкаран̣им̣ бад̇и;

‘‘‘Kacci ramasi pāsāde, antopokkharaṇiṃ pati;

гажжи б̣ахувид̇хам̣ каж̇ж̇ам̣, сад̣̇аа абхихаранд̇и д̇з.

Kacci bahuvidhaṃ khajjaṃ, sadā abhiharanti te.

1230.

‘гажжи б̣ахувид̇хам̣ мааляам̣, ожинид̇ваа гумаарияо;

‘Kacci bahuvidhaṃ mālyaṃ, ocinitvā kumāriyo;

гхарагз гарот̇а бажжзгам̣, кид̣д̣аарад̇ирад̇аа мухум̣.

Gharake karotha paccekaṃ, khiḍḍāratiratā muhuṃ.

1231.

‘гзна ваа вигалам̣ д̇уяхам̣, гим̣ киббам̣ аахаранд̇и д̇з;

‘Kena vā vikalaṃ tuyhaṃ, kiṃ khippaṃ āharanti te;

мано гарассу гуд̣д̣амукий, аби жанд̣̇асамамхибий’’’д̇и.

Mano karassu kuḍḍamukhī, api candasamamhipī’’’ti.

д̇ад̇т̇а сан̇г̇аманд̇и ажчараанам̣ сан̇г̇амам̣ вияа самааг̇амам̣ д̣̇исваа. баасаад̣̇зд̇и амма маяаа д̇уяхам̣ взж̇аяанд̇асад̣̇исо рад̇ивад̣дханабаасаад̣̇о гаарид̇о, гажжи д̇ад̇т̇а рамаси. анд̇обогкаран̣им̣ бад̇ийд̇и анд̇овад̇т̇усмин̃н̃зва д̇з маяаа нанд̣̇аабогкаран̣ийбадибхааг̇аабогкаран̣ий гаарид̇аа, гажжи д̇ам̣ богкаран̣им̣ бадижжа уд̣̇агагийл̣ам̣ гийл̣анд̇ий рамаси. мааляанд̇и амма, ахам̣ д̇уяхам̣ д̣̇звасигам̣ бан̃жавийсад̇и бубпасамуг̇г̇з бахин̣аами, гажжи д̇умхз саб̣б̣ааби гумааригааяо д̇ам̣ мааляам̣ ожинид̇ваа г̇ант̇ид̇ваа абхин̣хам̣ кид̣д̣аарад̇ирад̇аа худ̇ваа бажжзгам̣ гхарагз гарот̇а, ‘‘ид̣̇ам̣ сунд̣̇арам̣, ид̣̇ам̣ сунд̣̇арад̇ара’’нд̇и баадиязггам̣ саарамбхзна вааяабубпагхарагаани бубпаг̇аб̣бхз жа бубпаасанабубпасаяанаани жа гажжи гарот̇аад̇и бужчад̇и.

Tattha saṅgamanti accharānaṃ saṅgamaṃ viya samāgamaṃ disvā. Pāsādeti amma mayā tuyhaṃ vejayantasadiso rativaḍḍhanapāsādo kārito, kacci tattha ramasi. Antopokkharaṇiṃ patīti antovatthusmiññeva te mayā nandāpokkharaṇīpaṭibhāgāpokkharaṇī kāritā, kacci taṃ pokkharaṇiṃ paṭicca udakakīḷaṃ kīḷantī ramasi. Mālyanti amma, ahaṃ tuyhaṃ devasikaṃ pañcavīsati pupphasamugge pahiṇāmi, kacci tumhe sabbāpi kumārikāyo taṃ mālyaṃ ocinitvā ganthitvā abhiṇhaṃ khiḍḍāratiratā hutvā paccekaṃ gharake karotha, ‘‘idaṃ sundaraṃ, idaṃ sundaratara’’nti pāṭiyekkaṃ sārambhena vāyapupphagharakāni pupphagabbhe ca pupphāsanapupphasayanāni ca kacci karothāti pucchati.

вигаланд̇и взгаллам̣. мано гарассууд̇и жид̇д̇ам̣ уббаад̣̇зхи. гуд̣д̣амукийд̇и саасабагаггзхи басаад̣̇ид̇амукад̇ааяа д̇ам̣ звамааха. ид̇т̇ияо хи мукаван̣н̣ам̣ басаад̣̇знд̇ияо д̣̇удталохид̇амукад̣̇уусид̇абийл̣агаахаран̣ад̇т̇ам̣ батамам̣ саасабагаггзна мукам̣ вилимбанд̇и, д̇ад̇о лохид̇асса самагаран̣ад̇т̇ам̣ мад̇д̇игаагаггзна, д̇ад̇о чавибасаад̣̇анад̇т̇ам̣ д̇илагаггзна. жанд̣̇асамамхибийд̇и жанд̣̇ад̇о д̣̇уллабхад̇аро наама над̇т̇и, д̇аад̣̇исзби ружим̣ гад̇ваа мамаажигка, самбаад̣̇зссаами д̇зд̇и.

Vikalanti vekallaṃ. Mano karassūti cittaṃ uppādehi. Kuḍḍamukhīti sāsapakakkehi pasāditamukhatāya taṃ evamāha. Itthiyo hi mukhavaṇṇaṃ pasādentiyo duṭṭhalohitamukhadūsitapīḷakāharaṇatthaṃ paṭhamaṃ sāsapakakkena mukhaṃ vilimpanti, tato lohitassa samakaraṇatthaṃ mattikākakkena, tato chavipasādanatthaṃ tilakakkena. Candasamamhipīti candato dullabhataro nāma natthi, tādisepi ruciṃ katvā mamācikkha, sampādessāmi teti.

1232.

‘‘взд̣̇зхасса важо суд̇ваа, ружаа бид̇ара маб̣рави;

‘‘Vedehassa vaco sutvā, rucā pitara mabravi;

‘саб̣б̣амзд̇ам̣ махаарааж̇а, лаб̣бхад̇иссарасанд̇игз.

‘Sabbametaṃ mahārāja, labbhatissarasantike.

1233.

‘сувз баннарасо д̣̇иб̣яо, сахассам̣ аахаранд̇у мз;

‘Suve pannaraso dibyo, sahassaṃ āharantu me;

яат̇аад̣̇иннан̃жа д̣̇ассаами, д̣̇аанам̣ саб̣б̣аван̣ийсваха’’’нд̇и.

Yathādinnañca dassāmi, dānaṃ sabbavaṇīsvaha’’’nti.

д̇ад̇т̇а саб̣б̣аван̣ийсваханд̇и саб̣б̣аван̣иб̣б̣агзсу ахам̣ д̣̇ассаами.

Tattha sabbavaṇīsvahanti sabbavaṇibbakesu ahaṃ dassāmi.

1234.

‘‘ружааяа важанам̣ суд̇ваа, рааж̇аа ан̇г̇ад̇и маб̣рави;

‘‘Rucāya vacanaṃ sutvā, rājā aṅgati mabravi;

‘б̣ахум̣ винаасид̇ам̣ вид̇д̇ам̣, нирад̇т̇ам̣ апалам̣ д̇аяаа.

‘Bahuṃ vināsitaṃ vittaṃ, niratthaṃ aphalaṃ tayā.

1235.

‘убосат̇з васам̣ нижжам̣, аннабаанам̣ на бхун̃ж̇аси;

‘Uposathe vasaṃ niccaṃ, annapānaṃ na bhuñjasi;

нияад̇зд̇ам̣ абхуд̇д̇аб̣б̣ам̣, над̇т̇и бун̃н̃ам̣ абхун̃ж̇ад̇о’’’д̇и.

Niyatetaṃ abhuttabbaṃ, natthi puññaṃ abhuñjato’’’ti.

д̇ад̇т̇а ан̇г̇ад̇и маб̣равийд̇и бхигкавз, со ан̇г̇ад̇ирааж̇аа буб̣б̣з аяаажид̇оби ‘‘амма, д̣̇аанам̣ д̣̇зхий’’д̇и сахассам̣ д̣̇ад̇ваа д̇ам̣ д̣̇ивасам̣ яаажид̇оби мижчаад̣̇ассанасса г̇ахид̇ад̇д̇аа ад̣̇ад̇ваа ид̣̇ам̣ ‘‘б̣ахум̣ винаасид̇а’’нд̇иаад̣̇иважанам̣ аб̣рави. нияад̇зд̇ам̣ абхуд̇д̇аб̣б̣анд̇и зд̇ам̣ нияад̇ивасзна д̇аяаа абхун̃ж̇ид̇аб̣б̣ам̣ бхависсад̇и, бхун̃ж̇анд̇аанамби абхун̃ж̇анд̇аанамби бун̃н̃ам̣ над̇т̇и. саб̣б̣з хи жуллаасийд̇имахаагаббз ад̇иггамид̇ваава суж̇жханд̇и.

Tattha aṅgati mabravīti bhikkhave, so aṅgatirājā pubbe ayācitopi ‘‘amma, dānaṃ dehī’’ti sahassaṃ datvā taṃ divasaṃ yācitopi micchādassanassa gahitattā adatvā idaṃ ‘‘bahuṃ vināsita’’ntiādivacanaṃ abravi. Niyatetaṃ abhuttabbanti etaṃ niyativasena tayā abhuñjitabbaṃ bhavissati, bhuñjantānampi abhuñjantānampi puññaṃ natthi. Sabbe hi cullāsītimahākappe atikkamitvāva sujjhanti.

1236.

‘‘б̣ийж̇агоби хи суд̇ваана, д̇ад̣̇аа гассабабхаасид̇ам̣;

‘‘Bījakopi hi sutvāna, tadā kassapabhāsitaṃ;

‘бассасанд̇о мухум̣ ун̣хам̣, руд̣̇ам̣ ассууни вад̇д̇аяи.

‘Passasanto muhuṃ uṇhaṃ, rudaṃ assūni vattayi.

1237.

‘яаава ружз ж̇ийвамаанаа, маа бхад̇д̇амабанаамаяи;

‘Yāva ruce jīvamānā, mā bhattamapanāmayi;

над̇т̇и бхад̣̇д̣̇з баро лого, гим̣ нирад̇т̇ам̣ вихан̃н̃асий’’’д̇и.

Natthi bhadde paro loko, kiṃ niratthaṃ vihaññasī’’’ti.

д̇ад̇т̇а б̣ийж̇агобийд̇и б̣ийж̇агоби буб̣б̣з галяаан̣агаммам̣ гад̇ваа д̇асса ниссанд̣̇зна д̣̇аасигужчияам̣ ниб̣б̣ад̇д̇од̇и б̣ийж̇агавад̇т̇умбиссаа уд̣̇аахаран̣ад̇т̇ам̣ аахари. над̇т̇и бхад̣̇д̣̇зд̇и бхад̣̇д̣̇з, г̇ун̣аажарияо звамааха ‘‘над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа’’д̇и. баралогз хи сад̇и ид̇халогоби наама бхавзяяа, соязва жа над̇т̇и. маад̇аабид̇уусу санд̇зсу буд̇д̇ад̇хийд̇аро наама бхавзяяууум̣, д̇зязва жа над̇т̇и. д̇хаммз сад̇и д̇хаммигасаман̣аб̣раахман̣аа бхавзяяуум̣, д̇зязва жа над̇т̇и. гим̣ д̣̇аанам̣ д̣̇знд̇ий сийлам̣ рагканд̇ий нирад̇т̇ам̣ вихан̃н̃асийд̇и.

Tattha bījakopīti bījakopi pubbe kalyāṇakammaṃ katvā tassa nissandena dāsikucchiyaṃ nibbattoti bījakavatthumpissā udāharaṇatthaṃ āhari. Natthi bhaddeti bhadde, guṇācariyo evamāha ‘‘natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā’’ti. Paraloke hi sati idhalokopi nāma bhaveyya, soyeva ca natthi. Mātāpitūsu santesu puttadhītaro nāma bhaveyyūuṃ, teyeva ca natthi. Dhamme sati dhammikasamaṇabrāhmaṇā bhaveyyūṃ, teyeva ca natthi. Kiṃ dānaṃ dentī sīlaṃ rakkhantī niratthaṃ vihaññasīti.

1238.

‘‘взд̣̇зхасса важо суд̇ваа, ружаа ружираван̣н̣иний;

‘‘Vedehassa vaco sutvā, rucā ruciravaṇṇinī;

ж̇аанам̣ буб̣б̣аабарам̣ д̇хаммам̣, бид̇арам̣ зд̇ад̣̇аб̣рави.

Jānaṃ pubbāparaṃ dhammaṃ, pitaraṃ etadabravi.

1239.

‘суд̇амзва бурз ааси, сагки д̣̇идтамид̣̇ам̣ маяаа;

‘Sutameva pure āsi, sakkhi diṭṭhamidaṃ mayā;

б̣аалуубасзвий яо ход̇и, б̣аалова самабаж̇ж̇ат̇а.

Bālūpasevī yo hoti, bālova samapajjatha.

1240.

‘муул̣хо хи муул̣хамааг̇амма, бхияяо мохам̣ ниг̇ажчад̇и;

‘Mūḷho hi mūḷhamāgamma, bhiyyo mohaṃ nigacchati;

бад̇ируубам̣ алаад̇зна, б̣ийж̇агзна жа муяхид̇у’’’нд̇и.

Patirūpaṃ alātena, bījakena ca muyhitu’’’nti.

д̇ад̇т̇а буб̣б̣аабарам̣ д̇хамманд̇и бхигкавз, бид̇у важанам̣ суд̇ваа ружаа рааж̇ад̇хийд̇аа ад̇ийд̇з сад̇д̇аж̇аад̇ивасзна буб̣б̣ад̇хаммам̣, анааг̇ад̇з сад̇д̇аж̇аад̇ивасзна анааг̇ад̇ад̇хамман̃жа ж̇аананд̇ий бид̇арам̣ мижчаад̣̇идтид̇о можзд̇угаамаа зд̇ам̣ ‘‘суд̇амзваа’’д̇иаад̣̇имааха. д̇ад̇т̇а самабаж̇ж̇ат̇аад̇и яо буг̇г̇ало б̣аалуубасзвий ход̇и, со б̣аалова самабаж̇ж̇ад̇ийд̇и зд̇ам̣ маяаа буб̣б̣з суд̇амзва, аж̇ж̇а бана бажжагкад̇о д̣̇идтам̣. муул̣ход̇и маг̇г̇амуул̣хам̣ ааг̇амма маг̇г̇амуул̣хо вияа д̣̇идтимуул̣хам̣ ааг̇амма д̣̇идтимуул̣хоби уд̇д̇ари мохам̣ ниг̇ажчад̇и, муул̣хад̇аро ход̇и. алаад̇знаад̇и д̣̇зва, д̇умхзхи ж̇аад̇иг̇од̇д̇агулабад̣̇зсаиссарияабун̃н̃абан̃н̃аахийнзна алаад̇асзнаабад̇инаа ажжанд̇ахийнзна д̣̇уббан̃н̃зна б̣ийж̇агад̣̇аасзна жа г̇аамад̣̇аарагасад̣̇исам̣ ахиригам̣ б̣аалам̣ г̇ун̣ам̣ ааж̇ийвагам̣ ааг̇амма муяхид̇ум̣ бад̇ируубам̣ анужчавигам̣. гим̣ д̇з на муяхиссанд̇ийд̇и?

Tattha pubbāparaṃ dhammanti bhikkhave, pitu vacanaṃ sutvā rucā rājadhītā atīte sattajātivasena pubbadhammaṃ, anāgate sattajātivasena anāgatadhammañca jānantī pitaraṃ micchādiṭṭhito mocetukāmā etaṃ ‘‘sutamevā’’tiādimāha. Tattha samapajjathāti yo puggalo bālūpasevī hoti, so bālova samapajjatīti etaṃ mayā pubbe sutameva, ajja pana paccakkhato diṭṭhaṃ. Mūḷhoti maggamūḷhaṃ āgamma maggamūḷho viya diṭṭhimūḷhaṃ āgamma diṭṭhimūḷhopi uttari mohaṃ nigacchati, mūḷhataro hoti. Alātenāti deva, tumhehi jātigottakulapadesaissariyapuññapaññāhīnena alātasenāpatinā accantahīnena duppaññena bījakadāsena ca gāmadārakasadisaṃ ahirikaṃ bālaṃ guṇaṃ ājīvakaṃ āgamma muyhituṃ patirūpaṃ anucchavikaṃ. Kiṃ te na muyhissantīti?

звам̣ д̇з убхоби г̇арахид̇ваа д̣̇идтид̇о можзд̇угаамад̇ааяа бид̇арам̣ ван̣н̣знд̇ий ааха –

Evaṃ te ubhopi garahitvā diṭṭhito mocetukāmatāya pitaraṃ vaṇṇentī āha –

1241.

‘‘д̇ван̃жа д̣̇звааси саббан̃н̃о, д̇хийро ад̇т̇асса говид̣̇о;

‘‘Tvañca devāsi sappañño, dhīro atthassa kovido;

гат̇ам̣ б̣аалзбхи сад̣̇исам̣, хийнад̣̇идтим̣ убааг̇ами.

Kathaṃ bālebhi sadisaṃ, hīnadiṭṭhiṃ upāgami.

1242.

‘‘сажзби сам̣саарабат̇зна суж̇жхад̇и, нирад̇т̇ияаа баб̣б̣аж̇ж̇аа г̇ун̣асса;

‘‘Sacepi saṃsārapathena sujjhati, niratthiyā pabbajjā guṇassa;

гийдова аг̇г̇им̣ ж̇алид̇ам̣ абаабад̇ам̣, убабаж̇ж̇ад̇и мохамуул̣хо наг̇г̇абхаавам̣.

Kīṭova aggiṃ jalitaṃ apāpataṃ, upapajjati mohamūḷho naggabhāvaṃ.

1243.

‘‘сам̣саарасуд̣̇д̇хийд̇и бурз нивидтаа, гаммам̣ вид̣̇уусзнд̇и б̣ахуу аж̇аанам̣;

‘‘Saṃsārasuddhīti pure niviṭṭhā, kammaṃ vidūsenti bahū ajānaṃ;

буб̣б̣з галий д̣̇уг̇г̇ахид̇ованад̇т̇аа, д̣̇умможаяаа б̣алисаа амб̣уж̇оваа’’д̇и.

Pubbe kalī duggahitovanatthā, dummocayā balisā ambujovā’’ti.

д̇ад̇т̇а саббан̃н̃од̇и яасаваяабун̃н̃ад̇ид̇т̇ааваасаяонисоманасигаарасаагажчаавасзна лад̣̇д̇хааяа бан̃н̃ааяа саббан̃н̃о, д̇знзва гааран̣зна д̇хийро, д̇хийрад̇ааяа ад̇т̇аанад̇т̇асса гааран̣аагааран̣асса говид̣̇о. б̣аалзбхи сад̣̇исанд̇и яат̇аа д̇з б̣аалаа убаг̇ад̇аа, д̇ат̇аа гат̇ам̣ д̇вам̣ хийнад̣̇идтим̣ убаг̇ад̇о. абаабад̇анд̇и аби аабад̇ам̣, бад̇анд̇од̇и ад̇т̇о. ид̣̇ам̣ вуд̇д̇ам̣ ход̇и – д̇аад̇а, сам̣саарзна суд̣̇д̇хийд̇и лад̣̇д̇хияаа сад̇и яат̇аа бадан̇г̇агийдо рад̇д̇ибхааг̇з ж̇алид̇ам̣ аг̇г̇им̣ д̣̇исваа д̇аббажжаяам̣ д̣̇угкам̣ аж̇аанид̇ваа мохзна д̇ад̇т̇а бад̇анд̇о махаад̣̇угкам̣ аабаж̇ж̇ад̇и, д̇ат̇аа г̇ун̣оби бан̃жа гаамаг̇ун̣з бахааяа мохамуул̣хо нирассаад̣̇ам̣ наг̇г̇абхаавам̣ убабаж̇ж̇ад̇и.

Tattha sappaññoti yasavayapuññatitthāvāsayonisomanasikārasākacchāvasena laddhāya paññāya sappañño, teneva kāraṇena dhīro, dhīratāya atthānatthassa kāraṇākāraṇassa kovido. Bālebhi sadisanti yathā te bālā upagatā, tathā kathaṃ tvaṃ hīnadiṭṭhiṃ upagato. Apāpatanti api āpataṃ, patantoti attho. Idaṃ vuttaṃ hoti – tāta, saṃsārena suddhīti laddhiyā sati yathā paṭaṅgakīṭo rattibhāge jalitaṃ aggiṃ disvā tappaccayaṃ dukkhaṃ ajānitvā mohena tattha patanto mahādukkhaṃ āpajjati, tathā guṇopi pañca kāmaguṇe pahāya mohamūḷho nirassādaṃ naggabhāvaṃ upapajjati.

бурз нивидтаад̇и д̇аад̇а, сам̣саарзна суд̣̇д̇хийд̇и гассажи важанам̣ асуд̇ваа батамамзва нивидто над̇т̇и, сугад̇ад̣̇уггадаанам̣ гаммаанам̣ паланд̇и г̇ахид̇ад̇д̇аа б̣ахуу ж̇анаа аж̇аананд̇аа гаммам̣ вид̣̇уусзнд̇аа гаммапаламби вид̣̇уусзнд̇иязва, звам̣ д̇зсам̣ буб̣б̣з г̇ахид̇о гали барааж̇аяаг̇аахо д̣̇уг̇г̇ахид̇ова ход̇ийд̇и ад̇т̇о. д̣̇умможаяаа б̣алисаа амб̣уж̇оваад̇и д̇з бана звам̣ аж̇аананд̇аа мижчаад̣̇ассанзна анад̇т̇ам̣ г̇ахзд̇ваа тид̇аа б̣аалаа яат̇аа наама б̣алисам̣ г̇илид̇ваа тид̇о мажчо б̣алисаа д̣̇умможаяо ход̇и, звам̣ д̇амхаа анад̇т̇аа д̣̇умможаяаа хонд̇и.

Pure niviṭṭhāti tāta, saṃsārena suddhīti kassaci vacanaṃ asutvā paṭhamameva niviṭṭho natthi, sukatadukkaṭānaṃ kammānaṃ phalanti gahitattā bahū janā ajānantā kammaṃ vidūsentā kammaphalampi vidūsentiyeva, evaṃ tesaṃ pubbe gahito kali parājayagāho duggahitova hotīti attho. Dummocayā balisā ambujovāti te pana evaṃ ajānantā micchādassanena anatthaṃ gahetvā ṭhitā bālā yathā nāma balisaṃ gilitvā ṭhito maccho balisā dummocayo hoti, evaṃ tamhā anatthā dummocayā honti.

уд̇д̇ариби уд̣̇аахаран̣ам̣ аахаранд̇ий ааха –

Uttaripi udāharaṇaṃ āharantī āha –

1244.

‘‘убамам̣ д̇з гариссаами, махаарааж̇а д̇авад̇т̇ияаа;

‘‘Upamaṃ te karissāmi, mahārāja tavatthiyā;

убамааяа мид̇хзгажжз, ад̇т̇ам̣ ж̇аананд̇и бан̣д̣ид̇аа.

Upamāya midhekacce, atthaṃ jānanti paṇḍitā.

1245.

‘‘ваан̣иж̇аанам̣ яат̇аа нааваа, аббамаан̣абхараа г̇ару;

‘‘Vāṇijānaṃ yathā nāvā, appamāṇabharā garu;

ад̇ибхаарам̣ самаад̣̇ааяа, ан̣н̣авз авасийд̣̇ад̇и.

Atibhāraṃ samādāya, aṇṇave avasīdati.

1246.

‘‘звамзва наро баабам̣, т̇огам̣ т̇огамби аажинам̣;

‘‘Evameva naro pāpaṃ, thokaṃ thokampi ācinaṃ;

ад̇ибхаарам̣ самаад̣̇ааяа, нираяз авасийд̣̇ад̇и.

Atibhāraṃ samādāya, niraye avasīdati.

1247.

‘‘на д̇аава бхааро барибууро, алаад̇асса махийбад̇и;

‘‘Na tāva bhāro paripūro, alātassa mahīpati;

аажинаад̇и жа д̇ам̣ баабам̣, язна г̇ажчад̇и д̣̇уг̇г̇ад̇им̣.

Ācināti ca taṃ pāpaṃ, yena gacchati duggatiṃ.

1248.

‘‘буб̣б̣звасса гад̇ам̣ бун̃н̃ам̣, алаад̇асса махийбад̇и;

‘‘Pubbevassa kataṃ puññaṃ, alātassa mahīpati;

д̇ассзва д̣̇зва ниссанд̣̇о, яан̃жзсо лабхад̇з сукам̣.

Tasseva deva nissando, yañceso labhate sukhaṃ.

1249.

‘‘кийяад̇з жасса д̇ам̣ бун̃н̃ам̣, д̇ат̇аа хи аг̇ун̣з рад̇о;

‘‘Khīyate cassa taṃ puññaṃ, tathā hi aguṇe rato;

уж̇умаг̇г̇ам̣ авахааяа, гуммаг̇г̇амануд̇хаавад̇и.

Ujumaggaṃ avahāya, kummaggamanudhāvati.

1250.

‘‘д̇улаа яат̇аа баг̇г̇ахид̇аа, охид̇з д̇уламан̣д̣алз;

‘‘Tulā yathā paggahitā, ohite tulamaṇḍale;

уннамзд̇и д̇улаасийсам̣, бхаарз оробид̇з сад̇и.

Unnameti tulāsīsaṃ, bhāre oropite sati.

1251.

‘‘звамзва наро бун̃н̃ам̣, т̇огам̣ т̇огамби аажинам̣;

‘‘Evameva naro puññaṃ, thokaṃ thokampi ācinaṃ;

саг̇г̇аад̇имаано д̣̇аасова, б̣ийж̇аго саад̇авз рад̇о’’д̇и.

Saggātimāno dāsova, bījako sātave rato’’ti.

д̇ад̇т̇а нираязд̇и адтавид̇хз махаанираяз, сол̣асавид̇хз уссад̣̇анираяз, логанд̇аранираяз жа. бхаарод̇и д̇аад̇а, на д̇аава алаад̇асса агусалабхааро буурад̇и. д̇ассзваад̇и д̇асса буб̣б̣з гад̇асса бун̃н̃ассзва ниссанд̣̇о, яам̣ со алаад̇асзнаабад̇и аж̇ж̇а сукам̣ лабхад̇и. на хи д̇аад̇а, зд̇ам̣ г̇огхаад̇агагаммасса палам̣. баабагаммасса хи наама вибааго идто ганд̇о бхависсад̇ийд̇и адтаанамзд̇ам̣. аг̇ун̣з рад̇од̇и д̇ат̇аахзса ид̣̇аани агусалагаммз рад̇о. уж̇умаг̇г̇анд̇и д̣̇асагусалагаммабат̇амаг̇г̇ам̣. гуммаг̇г̇анд̇и нираяаг̇аамиагусаламаг̇г̇ам̣.

Tattha nirayeti aṭṭhavidhe mahāniraye, soḷasavidhe ussadaniraye, lokantaraniraye ca. Bhāroti tāta, na tāva alātassa akusalabhāro pūrati. Tassevāti tassa pubbe katassa puññasseva nissando, yaṃ so alātasenāpati ajja sukhaṃ labhati. Na hi tāta, etaṃ goghātakakammassa phalaṃ. Pāpakammassa hi nāma vipāko iṭṭho kanto bhavissatīti aṭṭhānametaṃ. Aguṇe ratoti tathāhesa idāni akusalakamme rato. Ujumagganti dasakusalakammapathamaggaṃ. Kummagganti nirayagāmiakusalamaggaṃ.

охид̇з д̇уламан̣д̣алзд̇и бхан̣д̣абадижчанад̇т̇ааяа д̇уламан̣д̣алз лаг̇г̇зд̇ваа табид̇з. уннамзд̇ийд̇и уд̣̇д̇хам̣ угкибад̇и. аажинанд̇и т̇огам̣ т̇огамби бун̃н̃ам̣ аажинанд̇о баабабхаарам̣ од̇аарзд̇ваа наро галяаан̣агаммасса сийсам̣ угкибид̇ваа д̣̇звалогам̣ г̇ажчад̇и. саг̇г̇аад̇имаанод̇и саг̇г̇з ад̇имаано саг̇г̇асамбаабагз саад̇апалз галяаан̣агаммз абхирад̇о. ‘‘саг̇г̇аад̇химаано’’д̇иби баато, саг̇г̇ам̣ ад̇хигаарам̣ гад̇ваа тид̇ажид̇д̇од̇и ад̇т̇о. саад̇авз рад̇од̇и зса б̣ийж̇агад̣̇аасо саад̇авз мад̇хуравибаагз гусалад̇хаммзязва рад̇о. со имасса баабагаммасса кийн̣агаалз, галяаан̣агаммасса палзна д̣̇звалогз ниб̣б̣ад̇д̇иссад̇и.

Ohite tulamaṇḍaleti bhaṇḍapaṭicchanatthāya tulamaṇḍale laggetvā ṭhapite. Unnametīti uddhaṃ ukkhipati. Ācinanti thokaṃ thokampi puññaṃ ācinanto pāpabhāraṃ otāretvā naro kalyāṇakammassa sīsaṃ ukkhipitvā devalokaṃ gacchati. Saggātimānoti sagge atimāno saggasampāpake sātaphale kalyāṇakamme abhirato. ‘‘Saggādhimāno’’tipi pāṭho, saggaṃ adhikāraṃ katvā ṭhitacittoti attho. Sātave ratoti esa bījakadāso sātave madhuravipāke kusaladhammeyeva rato. So imassa pāpakammassa khīṇakāle, kalyāṇakammassa phalena devaloke nibbattissati.

яан̃жзса ид̣̇аани д̣̇аасад̇д̇ам̣ убаг̇ад̇о, на д̇ам̣ галяаан̣агаммасса палзна. д̣̇аасад̇д̇асам̣вад̇д̇аниган̃хисса буб̣б̣з гад̇ам̣ баабам̣ бхависсад̇ийд̇и нидтамзд̇т̇а г̇анд̇аб̣б̣анд̇и имамад̇т̇ам̣ багаасзнд̇ий ааха –

Yañcesa idāni dāsattaṃ upagato, na taṃ kalyāṇakammassa phalena. Dāsattasaṃvattanikañhissa pubbe kataṃ pāpaṃ bhavissatīti niṭṭhamettha gantabbanti imamatthaṃ pakāsentī āha –

1252.

‘‘яамаж̇ж̇а б̣ийж̇аго д̣̇аасо, д̣̇угкам̣ бассад̇и ад̇д̇ани;

‘‘Yamajja bījako dāso, dukkhaṃ passati attani;

буб̣б̣звасса гад̇ам̣ баабам̣, д̇амзсо бадисзвад̇и.

Pubbevassa kataṃ pāpaṃ, tameso paṭisevati.

1253.

‘‘кийяад̇з жасса д̇ам̣ баабам̣, д̇ат̇аа хи винаяз рад̇о;

‘‘Khīyate cassa taṃ pāpaṃ, tathā hi vinaye rato;

гассабан̃жа самаабаж̇ж̇а, маа хзвуббат̇амааг̇амаа’’д̇и.

Kassapañca samāpajja, mā hevuppathamāgamā’’ti.

д̇ад̇т̇а маа хзвуббат̇амааг̇амаад̇и д̇аад̇а, д̇вам̣ имам̣ наг̇г̇ам̣ гассабааж̇ийвагам̣ убаг̇анд̇ваа маа хзва нираяаг̇аамим̣ уббат̇ам̣ аг̇амаа, маа баабамагаасийд̇и бид̇арам̣ овад̣̇ад̇и.

Tattha mā hevuppathamāgamāti tāta, tvaṃ imaṃ naggaṃ kassapājīvakaṃ upagantvā mā heva nirayagāmiṃ uppathaṃ agamā, mā pāpamakāsīti pitaraṃ ovadati.

ид̣̇аанисса баабуубасзванааяа д̣̇осам̣ галяаан̣амид̇д̇уубасзванааяа жа г̇ун̣ам̣ д̣̇ассзнд̇ий ааха –

Idānissa pāpūpasevanāya dosaṃ kalyāṇamittūpasevanāya ca guṇaṃ dassentī āha –

1254.

‘‘яам̣ яан̃хи рааж̇а бхаж̇ад̇и, санд̇ам̣ ваа яад̣̇и ваа асам̣;

‘‘Yaṃ yañhi rāja bhajati, santaṃ vā yadi vā asaṃ;

сийлаванд̇ам̣ висийлам̣ ваа, васам̣ д̇ассзва г̇ажчад̇и.

Sīlavantaṃ visīlaṃ vā, vasaṃ tasseva gacchati.

1255.

‘‘яаад̣̇исам̣ гуруд̇з мид̇д̇ам̣, яаад̣̇исам̣ жуубасзвад̇и;

‘‘Yādisaṃ kurute mittaṃ, yādisaṃ cūpasevati;

соби д̇аад̣̇исаго ход̇и, сахаваасо хи д̇аад̣̇исо.

Sopi tādisako hoti, sahavāso hi tādiso.

1256.

‘‘сзвамаано сзвамаанам̣, сампудто сампусам̣ барам̣;

‘‘Sevamāno sevamānaṃ, samphuṭṭho samphusaṃ paraṃ;

саро д̣̇ид̣̇д̇хо галаабам̣ва, алид̇д̇амубалимбад̇и;

Saro diddho kalāpaṃva, alittamupalimpati;

убалзбабхаяаа д̇хийро, нзва баабасакаа сияаа.

Upalepabhayā dhīro, neva pāpasakhā siyā.

1257.

‘‘бууд̇имажчам̣ гусаг̇г̇зна, яо наро убанаяхад̇и;

‘‘Pūtimacchaṃ kusaggena, yo naro upanayhati;

гусааби бууд̇и вааяанд̇и, звам̣ б̣аалуубасзванаа.

Kusāpi pūti vāyanti, evaṃ bālūpasevanā.

1258.

‘‘д̇аг̇аран̃жа балаасзна, яо наро убанаяхад̇и;

‘‘Tagarañca palāsena, yo naro upanayhati;

бад̇д̇ааби сурабхи вааяанд̇и, звам̣ д̇хийруубасзванаа.

Pattāpi surabhi vāyanti, evaṃ dhīrūpasevanā.

1259.

‘‘д̇асмаа бад̇д̇абудассзва, н̃ад̇ваа самбаагамад̇д̇ано

‘‘Tasmā pattapuṭasseva, ñatvā sampākamattano

асанд̇з нобасзвзяяа, санд̇з сзвзяяа бан̣д̣ид̇о;

Asante nopaseveyya, sante seveyya paṇḍito;

асанд̇о нираяам̣ нзнд̇и, санд̇о баабзнд̇и суг̇г̇ад̇и’’нд̇и.

Asanto nirayaṃ nenti, santo pāpenti suggati’’nti.

д̇ад̇т̇а санд̇ам̣ ваад̇и саббурисам̣ ваа. яад̣̇и ваа асанд̇и асаббурисам̣ ваа. саро д̣̇ид̣̇д̇хо галаабам̣ваад̇и махаарааж̇а, яат̇аа наама халаахалависалид̇д̇о саро сарагалаабз кид̇д̇о саб̣б̣ам̣ д̇ам̣ висзна алид̇д̇амби сарагалаабам̣ лимбад̇и, висад̣̇ид̣̇д̇хамзва гарод̇и, звамзва баабамид̇д̇о баабам̣ сзвамаано ад̇д̇аанам̣ сзвамаанам̣ барам̣, д̇зна сампудто д̇ам̣ сампусам̣ алид̇д̇ам̣ баабзна бурисам̣ ад̇д̇анаа згаж̇жхаасаяам̣ гаронд̇о убалимбад̇и. бууд̇и вааяанд̇ийд̇и д̇асса д̇з гусааби д̣̇уг̇г̇анд̇хаа вааяанд̇и. д̇аг̇аран̃жаад̇и д̇аг̇аран̃жа ан̃н̃ан̃жа г̇анд̇хасамбаннам̣ г̇анд̇хаж̇аад̇ам̣. званд̇и зваруубаа д̇хийруубасзванаа. д̇хийро хи ад̇д̇аанам̣ сзвамаанам̣ д̇хийрамзва гарод̇и.

Tattha santaṃ vāti sappurisaṃ vā. Yadi vā asanti asappurisaṃ vā. Saro diddho kalāpaṃvāti mahārāja, yathā nāma halāhalavisalitto saro sarakalāpe khitto sabbaṃ taṃ visena alittampi sarakalāpaṃ limpati, visadiddhameva karoti, evameva pāpamitto pāpaṃ sevamāno attānaṃ sevamānaṃ paraṃ, tena samphuṭṭho taṃ samphusaṃ alittaṃ pāpena purisaṃ attanā ekajjhāsayaṃ karonto upalimpati. Pūti vāyantīti tassa te kusāpi duggandhā vāyanti. Tagarañcāti tagarañca aññañca gandhasampannaṃ gandhajātaṃ. Evanti evarūpā dhīrūpasevanā. Dhīro hi attānaṃ sevamānaṃ dhīrameva karoti.

д̇асмаа бад̇д̇абудассзваад̇и яасмаа д̇аг̇араад̣̇ибаливзтамаанаани бан̣н̣ааниби суг̇анд̇хаани хонд̇и, д̇асмаа балаасабад̇д̇абудассзва бан̣д̣ид̇уубасзванзна ахамби бан̣д̣ид̇о бхависсаамийд̇и звам̣. н̃ад̇ваа самбаагамад̇д̇анод̇и ад̇д̇ано барибаагам̣ бан̣д̣ид̇абхаавам̣ баримаан̣ам̣ н̃ад̇ваа асанд̇з бахааяа бан̣д̣ид̇з санд̇з сзвзяяа. ‘‘нираяам̣ нзнд̇ий’’д̇и зд̇т̇а д̣̇звад̣̇ад̇д̇аад̣̇ийхи нираяам̣, ‘‘баабзнд̇и суг̇г̇ад̇и’’нд̇и зд̇т̇а саарибуд̇д̇ад̇т̇зраад̣̇ийхи суг̇ад̇им̣ нийд̇аанам̣ васзна уд̣̇аахаран̣аани аахарид̇аб̣б̣аани.

Tasmāpattapuṭassevāti yasmā tagarādipaliveṭhamānāni paṇṇānipi sugandhāni honti, tasmā palāsapattapuṭasseva paṇḍitūpasevanena ahampi paṇḍito bhavissāmīti evaṃ. Ñatvā sampākamattanoti attano paripākaṃ paṇḍitabhāvaṃ parimāṇaṃ ñatvā asante pahāya paṇḍite sante seveyya. ‘‘Nirayaṃ nentī’’ti ettha devadattādīhi nirayaṃ, ‘‘pāpenti suggati’’nti ettha sāriputtattherādīhi sugatiṃ nītānaṃ vasena udāharaṇāni āharitabbāni.

звам̣ рааж̇ад̇хийд̇аа чахи г̇аат̇аахи бид̇у д̇хаммам̣ гат̇зд̇ваа ид̣̇аани ад̇ийд̇з ад̇д̇анаа анубхууд̇ам̣ д̣̇угкам̣ д̣̇ассзнд̇ий ааха –

Evaṃ rājadhītā chahi gāthāhi pitu dhammaṃ kathetvā idāni atīte attanā anubhūtaṃ dukkhaṃ dassentī āha –

1260.

‘‘ахамби ж̇аад̇ияо сад̇д̇а, сарз сам̣сарид̇ад̇д̇ано;

‘‘Ahampi jātiyo satta, sare saṃsaritattano;

анааг̇ад̇ааби сад̇д̇зва, яаа г̇амиссам̣ ид̇о жуд̇аа.

Anāgatāpi satteva, yā gamissaṃ ito cutā.

1261.

‘‘яаа мз саа сад̇д̇амий ж̇аад̇и, аху буб̣б̣з ж̇анаад̇хиба;

‘‘Yā me sā sattamī jāti, ahu pubbe janādhipa;

гаммаарабуд̇д̇о маг̇ад̇хзсу, ахум̣ рааж̇аг̇ахз бурз.

Kammāraputto magadhesu, ahuṃ rājagahe pure.

1262.

‘‘баабам̣ сахааяамааг̇амма, б̣ахум̣ баабам̣ гад̇ам̣ маяаа;

‘‘Pāpaṃ sahāyamāgamma, bahuṃ pāpaṃ kataṃ mayā;

барад̣̇аарасса хзтзнд̇о, жаримхаа амараа вияа.

Paradārassa heṭhento, carimhā amarā viya.

1263.

‘‘д̇ам̣ гаммам̣ нихид̇ам̣ адтаа, бхасмажчаннова бааваго;

‘‘Taṃ kammaṃ nihitaṃ aṭṭhā, bhasmacchannova pāvako;

ат̇а ан̃н̃зхи гаммзхи, аж̇ааяим̣ вам̣сабхуумияам̣.

Atha aññehi kammehi, ajāyiṃ vaṃsabhūmiyaṃ.

1264.

‘‘госамб̣ияам̣ сздтигулз, ид̣̇д̇хз пийд̇з махад̣̇д̇ханз;

‘‘Kosambiyaṃ seṭṭhikule, iddhe phīte mahaddhane;

згабуд̇д̇о махаарааж̇а, нижжам̣ саггад̇абууж̇ид̇о.

Ekaputto mahārāja, niccaṃ sakkatapūjito.

1265.

‘‘д̇ад̇т̇а мид̇д̇ам̣ асзвиссам̣, сахааяам̣ саад̇авз рад̇ам̣;

‘‘Tattha mittaṃ asevissaṃ, sahāyaṃ sātave rataṃ;

бан̣д̣ид̇ам̣ суд̇асамбаннам̣, со мам̣ ад̇т̇з нивзсаяи.

Paṇḍitaṃ sutasampannaṃ, so maṃ atthe nivesayi.

1266.

‘‘жаад̇уд̣̇д̣̇асим̣ бан̃жад̣̇асим̣, б̣ахум̣ рад̇д̇им̣ убаавасим̣;

‘‘Cātuddasiṃ pañcadasiṃ, bahuṃ rattiṃ upāvasiṃ;

д̇ам̣ гаммам̣ нихид̇ам̣ адтаа, нид̇хийва уд̣̇аганд̇игз.

Taṃ kammaṃ nihitaṃ aṭṭhā, nidhīva udakantike.

1267.

‘‘ат̇а баабаана гаммаанам̣, яамзд̇ам̣ маг̇ад̇хз гад̇ам̣;

‘‘Atha pāpāna kammānaṃ, yametaṃ magadhe kataṃ;

палам̣ барияааг̇а мам̣ бажчаа, бхуд̇ваа д̣̇удтависам̣ яат̇аа.

Phalaṃ pariyāga maṃ pacchā, bhutvā duṭṭhavisaṃ yathā.

1268.

‘‘д̇ад̇о жуд̇аахам̣ взд̣̇зха, рорувз нираяз жирам̣;

‘‘Tato cutāhaṃ vedeha, roruve niraye ciraṃ;

сагаммунаа абажжиссам̣, д̇ам̣ сарам̣ на сукам̣ лабхз.

Sakammunā apaccissaṃ, taṃ saraṃ na sukhaṃ labhe.

1269.

‘‘б̣ахувассаг̇ан̣з д̇ад̇т̇а, кзбаяид̇ваа б̣ахум̣ д̣̇укам̣;

‘‘Bahuvassagaṇe tattha, khepayitvā bahuṃ dukhaṃ;

бхиннааг̇ад̇з ахум̣ рааж̇а, чаг̇ало уд̣̇д̇хад̇абпало’’д̇и.

Bhinnāgate ahuṃ rāja, chagalo uddhatapphalo’’ti.

д̇ад̇т̇а сад̇д̇аад̇и махаарааж̇а, ид̇халогабаралогаа наама сугад̇ад̣̇уггадаанан̃жа палам̣ наама ад̇т̇и. на хи сам̣сааро сад̇д̇з сод̇хзд̇ум̣ саггод̇и, сагаммунаа зва сад̇д̇аа суж̇жханд̇и. алаад̇асзнаабад̇и жа б̣ийж̇агад̣̇аасо жа згамзва ж̇аад̇им̣ ануссаранд̇и. на гзвалам̣ зд̇зва ж̇аад̇им̣ саранд̇и, ахамби ад̇ийд̇з сад̇д̇а ж̇аад̇ияо ад̇д̇ано сам̣сарид̇ам̣ сараами, анааг̇ад̇зби ид̇о г̇анд̇аб̣б̣аа сад̇д̇зва ж̇аанаами. яаа мз саад̇и яаа саа мама ад̇ийд̇з сад̇д̇амий ж̇аад̇и ааси. гаммаарабуд̇д̇од̇и д̇ааяа ж̇аад̇ияаа ахам̣ маг̇ад̇хзсу рааж̇аг̇аханаг̇арз суван̣н̣агаарабуд̇д̇о ахосим̣.

Tattha sattāti mahārāja, idhalokaparalokā nāma sukatadukkaṭānañca phalaṃ nāma atthi. Na hi saṃsāro satte sodhetuṃ sakkoti, sakammunā eva sattā sujjhanti. Alātasenāpati ca bījakadāso ca ekameva jātiṃ anussaranti. Na kevalaṃ eteva jātiṃ saranti, ahampi atīte satta jātiyo attano saṃsaritaṃ sarāmi, anāgatepi ito gantabbā satteva jānāmi. Yā me sāti yā sā mama atīte sattamī jāti āsi. Kammāraputtoti tāya jātiyā ahaṃ magadhesu rājagahanagare suvaṇṇakāraputto ahosiṃ.

барад̣̇аарасса хзтзнд̇од̇и барад̣̇аарам̣ хзтзнд̇аа барзсам̣ рагкид̇аг̇обид̇з варабхан̣д̣з абараж̇жханд̇аа. адтаад̇и д̇ам̣ д̇ад̣̇аа маяаа гад̇ам̣ баабагаммам̣ огаасам̣ алабхид̇ваа огаасз сад̇и вибаагад̣̇ааяагам̣ худ̇ваа бхасмабадижчанно аг̇г̇и вияа нихид̇ам̣ адтааси. вам̣сабхуумияанд̇и вам̣сарадтз. згабуд̇д̇од̇и асийд̇игодивибхавз сздтигулз ахам̣ згабуд̇д̇агова ахосим̣. саад̇авз рад̇анд̇и галяаан̣агаммз абхирад̇ам̣. со манд̇и со сахааяаго мам̣ ад̇т̇з гусалагаммз бад̇идтаабзси.

Paradārassaheṭhentoti paradāraṃ heṭhentā paresaṃ rakkhitagopite varabhaṇḍe aparajjhantā. Aṭṭhāti taṃ tadā mayā kataṃ pāpakammaṃ okāsaṃ alabhitvā okāse sati vipākadāyakaṃ hutvā bhasmapaṭicchanno aggi viya nihitaṃ aṭṭhāsi. Vaṃsabhūmiyanti vaṃsaraṭṭhe. Ekaputtoti asītikoṭivibhave seṭṭhikule ahaṃ ekaputtakova ahosiṃ. Sātave ratanti kalyāṇakamme abhirataṃ. So manti so sahāyako maṃ atthe kusalakamme patiṭṭhāpesi.

д̇ам̣ гамманд̇и д̇амби мз гад̇ам̣ галяаан̣агаммам̣ д̇ад̣̇аа огаасам̣ алабхид̇ваа огаасз сад̇и вибаагад̣̇ааяагам̣ худ̇ваа уд̣̇аганд̇игз нид̇хи вияа нихид̇ам̣ адтааси. яамзд̇анд̇и ат̇а мама санд̇агзсу баабагаммзсу яам̣ зд̇ам̣ маяаа маг̇ад̇хзсу барад̣̇ааригагаммам̣ гад̇ам̣, д̇асса палам̣ бажчаа мам̣ барияааг̇ам̣ убаг̇ад̇анд̇и ад̇т̇о. яат̇аа гим̣? бхуд̇ваа д̣̇удтависам̣ яат̇аа, яат̇аа сависам̣ бхож̇анам̣ бхун̃ж̇ид̇ваа тид̇асса д̇ам̣ д̣̇удтам̣ гагкал̣ам̣ халаахалам̣ висам̣ губбад̇и, д̇ат̇аа мам̣ барияааг̇ад̇анд̇и ад̇т̇о. д̇ад̇од̇и д̇ад̇о госамб̣ияам̣ сздтигулад̇о. д̇ам̣ саранд̇и д̇ам̣ д̇асмим̣ нираяз анубхууд̇ад̣̇угкам̣ саранд̇ий жид̇д̇асукам̣ наама на лабхаами, бхаяамзва мз уббаж̇ж̇ад̇и. бхиннааг̇ад̇зд̇и бхиннааг̇ад̇з наама радтз. уд̣̇д̇хад̇абпалод̇и уд̣̇д̇хад̇аб̣ийж̇о.

Taṃ kammanti tampi me kataṃ kalyāṇakammaṃ tadā okāsaṃ alabhitvā okāse sati vipākadāyakaṃ hutvā udakantike nidhi viya nihitaṃ aṭṭhāsi. Yametanti atha mama santakesu pāpakammesu yaṃ etaṃ mayā magadhesu paradārikakammaṃ kataṃ, tassa phalaṃ pacchā maṃ pariyāgaṃ upagatanti attho. Yathā kiṃ? Bhutvā duṭṭhavisaṃ yathā, yathā savisaṃ bhojanaṃ bhuñjitvā ṭhitassa taṃ duṭṭhaṃ kakkhaḷaṃ halāhalaṃ visaṃ kuppati, tathā maṃ pariyāgatanti attho. Tatoti tato kosambiyaṃ seṭṭhikulato. Taṃ saranti taṃ tasmiṃ niraye anubhūtadukkhaṃ sarantī cittasukhaṃ nāma na labhāmi, bhayameva me uppajjati. Bhinnāgateti bhinnāgate nāma raṭṭhe. Uddhatapphaloti uddhatabījo.

со бана чаг̇алаго б̣аласамбанно ахоси. бидтияам̣ абхируяхаби нам̣ ваахаяим̣су, яаанагзби яож̇аяим̣су. имамад̇т̇ам̣ багаасзнд̇ий ааха –

So pana chagalako balasampanno ahosi. Piṭṭhiyaṃ abhiruyhapi naṃ vāhayiṃsu, yānakepi yojayiṃsu. Imamatthaṃ pakāsentī āha –

1270.

‘‘саад̇абуд̇д̇аа маяаа вуул̣хаа, бидтияаа жа рат̇зна жа;

‘‘Sātaputtā mayā vūḷhā, piṭṭhiyā ca rathena ca;

д̇асса гаммасса ниссанд̣̇о, барад̣̇аараг̇аманасса мз’’д̇и.

Tassa kammassa nissando, paradāragamanassa me’’ti.

д̇ад̇т̇а саад̇абуд̇д̇аад̇и амажжабуд̇д̇аа. д̇асса гаммассаад̇и д̣̇зва, рорувз махаанираяз бажжанан̃жа чаг̇алагагаалз б̣ийж̇уббааданан̃жа бидтивааханаяаанагаяож̇анаани жа саб̣б̣обзса д̇асса ниссанд̣̇о барад̣̇аараг̇аманасса мзд̇и.

Tattha sātaputtāti amaccaputtā. Tassa kammassāti deva, roruve mahāniraye paccanañca chagalakakāle bījuppāṭanañca piṭṭhivāhanayānakayojanāni ca sabbopesa tassa nissando paradāragamanassa meti.

д̇ад̇о бана жавид̇ваа аран̃н̃з габияонияам̣ бадисанд̇хим̣ г̇ан̣хи. ат̇а нам̣ ж̇аад̇ад̣̇ивасз яуут̇абад̇ино д̣̇ассзсум̣. со ‘‘аанзт̇а мз, буд̇д̇а’’нд̇и д̣̇ал̣хам̣ г̇ахзд̇ваа д̇асса вираванд̇асса д̣̇анд̇зхи палаани уббаадзси. д̇амад̇т̇ам̣ багаасзнд̇ий ааха –

Tato pana cavitvā araññe kapiyoniyaṃ paṭisandhiṃ gaṇhi. Atha naṃ jātadivase yūthapatino dassesuṃ. So ‘‘ānetha me, putta’’nti daḷhaṃ gahetvā tassa viravantassa dantehi phalāni uppāṭesi. Tamatthaṃ pakāsentī āha –

1271.

‘‘д̇ад̇о жуд̇аахам̣ взд̣̇зха, габи аасим̣ б̣рахааванз;

‘‘Tato cutāhaṃ vedeha, kapi āsiṃ brahāvane;

нилун̃жид̇апалоязва, яуут̇абзна баг̇аб̣бхинаа;

Niluñcitaphaloyeva, yūthapena pagabbhinā;

д̇асса гаммасса ниссанд̣̇о, барад̣̇аараг̇аманасса мз’’д̇и.

Tassa kammassa nissando, paradāragamanassa me’’ti.

д̇ад̇т̇а нилун̃жид̇апалоязваад̇и д̇ад̇рабаахам̣ баг̇аб̣бхзна яуут̇абад̇инаа лун̃жид̇ваа уббаадид̇апалоязва ахосинд̇и ад̇т̇о.

Tattha niluñcitaphaloyevāti tatrapāhaṃ pagabbhena yūthapatinā luñcitvā uppāṭitaphaloyeva ahosinti attho.

ат̇а абарааби ж̇аад̇ияо д̣̇ассзнд̇ий ааха –

Atha aparāpi jātiyo dassentī āha –

1272.

‘‘д̇ад̇о жуд̇аахам̣ взд̣̇зха, д̣̇ассанзсу басуу ахум̣;

‘‘Tato cutāhaṃ vedeha, dassanesu pasū ahuṃ;

нилун̃жид̇о ж̇аво бхад̣̇ро, яог̇г̇ам̣ вуул̣хам̣ жирам̣ маяаа;

Niluñcito javo bhadro, yoggaṃ vūḷhaṃ ciraṃ mayā;

д̇асса гаммасса ниссанд̣̇о, барад̣̇аараг̇аманасса мз.

Tassa kammassa nissando, paradāragamanassa me.

1273.

‘‘д̇ад̇о жуд̇аахам̣ взд̣̇зха, важ̇ж̇ийсу гуламааг̇амаа;

‘‘Tato cutāhaṃ vedeha, vajjīsu kulamāgamā;

нзвид̇т̇ий на бумаа аасим̣, мануссад̇д̇з суд̣̇уллабхз;

Nevitthī na pumā āsiṃ, manussatte sudullabhe;

д̇асса гаммасса ниссанд̣̇о, барад̣̇аараг̇аманасса мз.

Tassa kammassa nissando, paradāragamanassa me.

1274.

‘‘д̇ад̇о жуд̇аахам̣ взд̣̇зха, аж̇ааяим̣ нанд̣̇анз ванз;

‘‘Tato cutāhaṃ vedeha, ajāyiṃ nandane vane;

бхаванз д̇аавад̇им̣саахам̣, ажчараа гаамаван̣н̣иний.

Bhavane tāvatiṃsāhaṃ, accharā kāmavaṇṇinī.

1275.

‘‘вижид̇равад̇т̇аабхаран̣аа, аамуд̇д̇аман̣игун̣д̣алаа;

‘‘Vicitravatthābharaṇā, āmuttamaṇikuṇḍalā;

гусалаа нажжаг̇ийд̇асса, саггасса барижааригаа.

Kusalā naccagītassa, sakkassa paricārikā.

1276.

‘‘д̇ад̇т̇а тид̇аахам̣ взд̣̇зха, сараами ж̇аад̇ияо имаа;

‘‘Tattha ṭhitāhaṃ vedeha, sarāmi jātiyo imā;

анааг̇ад̇ааби сад̇д̇зва, яаа г̇амиссам̣ ид̇о жуд̇аа.

Anāgatāpi satteva, yā gamissaṃ ito cutā.

1277.

‘‘барияааг̇ад̇ам̣ д̇ам̣ гусалам̣, яам̣ мз госамб̣ияам̣ гад̇ам̣;

‘‘Pariyāgataṃ taṃ kusalaṃ, yaṃ me kosambiyaṃ kataṃ;

д̣̇звз жзва мануссз жа, санд̇хаависсам̣ ид̇о жуд̇аа.

Deve ceva manusse ca, sandhāvissaṃ ito cutā.

1278.

‘‘сад̇д̇а ж̇ажжо махаарааж̇а, нижжам̣ саггад̇абууж̇ид̇аа;

‘‘Satta jacco mahārāja, niccaṃ sakkatapūjitā;

т̇ийбхаавааби на мужжиссам̣, чадтаа ниг̇ад̇ияо имаа.

Thībhāvāpi na muccissaṃ, chaṭṭhā nigatiyo imā.

1279.

‘‘сад̇д̇амий жа г̇ад̇и д̣̇зва, д̣̇звабуд̇д̇о махид̣̇д̇хиго;

‘‘Sattamī ca gati deva, devaputto mahiddhiko;

бумаа д̣̇зво бхависсаами, д̣̇звагааяасмимуд̇д̇амо.

Pumā devo bhavissāmi, devakāyasmimuttamo.

1280.

‘‘аж̇ж̇ааби санд̇аанамаяам̣, маалам̣ г̇ант̇знд̇и нанд̣̇анз;

‘‘Ajjāpi santānamayaṃ, mālaṃ ganthenti nandane;

д̣̇звабуд̇д̇о ж̇аво наама, яо мз маалам̣ бадижчад̇и.

Devaputto javo nāma, yo me mālaṃ paṭicchati.

1281.

‘‘мухуд̇д̇о вияа со д̣̇иб̣яо, ид̇ха вассаани сол̣аса;

‘‘Muhutto viya so dibyo, idha vassāni soḷasa;

рад̇д̇инд̣̇иво жа со д̣̇иб̣яо, маанусим̣ сарад̣̇осад̇ам̣.

Rattindivo ca so dibyo, mānusiṃ saradosataṃ.

1282.

‘‘ид̇и гаммаани анвзнд̇и, асан̇кзяяааби ж̇аад̇ияо;

‘‘Iti kammāni anventi, asaṅkheyyāpi jātiyo;

галяаан̣ам̣ яад̣̇и ваа баабам̣, на хи гаммам̣ винассад̇ий’’д̇и.

Kalyāṇaṃ yadi vā pāpaṃ, na hi kammaṃ vinassatī’’ti.

д̇ад̇т̇а д̣̇ассанзсууд̇и д̣̇ассанарадтзсу. басууд̇и г̇он̣о ахосим̣. нилун̃жид̇од̇и важчагаалзязва мам̣ звам̣ манаабо бхависсад̇ийд̇и ниб̣б̣ийж̇агамагам̣су. сохам̣ нилун̃жид̇о уд̣̇д̇хад̇аб̣ийж̇о ж̇аво бхад̣̇ро ахосим̣. важ̇ж̇ийсу гуламааг̇амаад̇и г̇ояонид̇о жавид̇ваа важ̇ж̇ирадтз згасмим̣ махаабхог̇агулз ниб̣б̣ад̇д̇инд̇и д̣̇ассзд̇и. нзвид̇т̇ий на бумаад̇и набум̣сагад̇д̇ам̣ санд̇хааяа ааха. бхаванз д̇аавад̇им̣сааханд̇и д̇аавад̇им̣сабхаванз ахам̣.

Tattha dassanesūti dassanaraṭṭhesu. Pasūti goṇo ahosiṃ. Niluñcitoti vacchakāleyeva maṃ evaṃ manāpo bhavissatīti nibbījakamakaṃsu. Sohaṃ niluñcito uddhatabījo javo bhadro ahosiṃ. Vajjīsu kulamāgamāti goyonito cavitvā vajjiraṭṭhe ekasmiṃ mahābhogakule nibbattinti dasseti. Nevitthī na pumāti napuṃsakattaṃ sandhāya āha. Bhavane tāvatiṃsāhanti tāvatiṃsabhavane ahaṃ.

д̇ад̇т̇а тид̇аахам̣, взд̣̇зха, сараами ж̇аад̇ияо имаад̇и саа гира д̇асмим̣ д̣̇звалогз тид̇аа ‘‘ахам̣ зваруубам̣ д̣̇звалогам̣ ааг̇ажчанд̇ий гуд̇о ну ко ааг̇ад̇аа’’д̇и ологзнд̇ий важ̇ж̇ирадтз махаабхог̇агулз набум̣сагад̇д̇абхаавад̇о жавид̇ваа д̇ад̇т̇а ниб̣б̣ад̇д̇абхаавам̣ басси. д̇ад̇о ‘‘гзна ну ко гаммзна зваруубз раман̣ийяз таанз ниб̣б̣ад̇д̇аамхий’’д̇и ологзнд̇ий госамб̣ияам̣ сздтигулз ниб̣б̣ад̇д̇ид̇ваа гад̇ам̣ д̣̇аанаад̣̇игусалам̣ д̣̇исваа ‘‘зд̇асса палзна ниб̣б̣ад̇д̇аамхий’’д̇и н̃ад̇ваа ‘‘ананд̇араад̇ийд̇з набум̣сагад̇д̇абхаавз ниб̣б̣ад̇д̇амаанаа гуд̇о ааг̇ад̇аамхий’’д̇и ологзнд̇ий д̣̇ассанарадтзсу г̇ояонияам̣ махаад̣̇угкасса анубхууд̇абхаавам̣ ан̃н̃ааси. д̇ад̇о ананд̇арам̣ ж̇аад̇им̣ ануссарамаанаа ваанараяонияам̣ уд̣̇д̇хад̇апалабхаавам̣ ад̣̇д̣̇аса. д̇ад̇о ананд̇арам̣ ануссаранд̇ий бхиннааг̇ад̇з чаг̇алагаяонияам̣ уд̣̇д̇хад̇аб̣ийж̇абхаавам̣ ануссари. д̇ад̇о барам̣ ануссарамаанаа рорувз ниб̣б̣ад̇д̇абхаавам̣ ануссари.

Tattha ṭhitāhaṃ, vedeha, sarāmi jātiyo imāti sā kira tasmiṃ devaloke ṭhitā ‘‘ahaṃ evarūpaṃ devalokaṃ āgacchantī kuto nu kho āgatā’’ti olokentī vajjiraṭṭhe mahābhogakule napuṃsakattabhāvato cavitvā tattha nibbattabhāvaṃ passi. Tato ‘‘kena nu kho kammena evarūpe ramaṇīye ṭhāne nibbattāmhī’’ti olokentī kosambiyaṃ seṭṭhikule nibbattitvā kataṃ dānādikusalaṃ disvā ‘‘etassa phalena nibbattāmhī’’ti ñatvā ‘‘anantarātīte napuṃsakattabhāve nibbattamānā kuto āgatāmhī’’ti olokentī dassanaraṭṭhesu goyoniyaṃ mahādukkhassa anubhūtabhāvaṃ aññāsi. Tato anantaraṃ jātiṃ anussaramānā vānarayoniyaṃ uddhataphalabhāvaṃ addasa. Tato anantaraṃ anussarantī bhinnāgate chagalakayoniyaṃ uddhatabījabhāvaṃ anussari. Tato paraṃ anussaramānā roruve nibbattabhāvaṃ anussari.

ат̇ассаа нираяз д̇иражчаанаяонияан̃жа анубхууд̇ам̣ д̣̇угкам̣ ануссаранд̇ияаа бхаяам̣ уббаж̇ж̇и. д̇ад̇о ‘‘гзна ну ко гаммзна зваруубам̣ д̣̇угкам̣ анубхууд̇ам̣ маяаа’’д̇и чадтам̣ ж̇аад̇им̣ ологзнд̇ий д̇ааяа ж̇аад̇ияаа госамб̣инаг̇арз гад̇ам̣ галяаан̣агаммам̣ д̣̇исваа сад̇д̇амам̣ ологзнд̇ий маг̇ад̇харадтз баабасахааяам̣ ниссааяа гад̇ам̣ барад̣̇ааригагаммам̣ д̣̇исваа ‘‘зд̇асса палзна мз д̇ам̣ махаад̣̇угкам̣ анубхууд̇а’’нд̇и ан̃н̃ааси. ат̇а ‘‘ид̇о жавид̇ваа анааг̇ад̇з гухим̣ ниб̣б̣ад̇д̇иссаамий’’д̇и ологзнд̇ий ‘‘яаавад̇ааяугам̣ тад̇ваа буна саггассзва барижааригаа худ̇ваа ниб̣б̣ад̇д̇иссаамий’’д̇и ан̃н̃ааси. звам̣ бунаббунам̣ ологаяамаанаа ‘‘д̇ад̇иязби ад̇д̇абхаавз саггассзва барижааригаа худ̇ваа ниб̣б̣ад̇д̇иссаами, д̇ат̇аа жад̇уд̇т̇з, бан̃жамз бана д̇асмим̣язва д̣̇звалогз ж̇аванад̣̇звабуд̇д̇асса аг̇г̇амахзсий худ̇ваа ниб̣б̣ад̇д̇иссаамий’’д̇и н̃ад̇ваа д̇ад̇о ананд̇арам̣ ологзнд̇ий ‘‘чадтз ад̇д̇абхаавз ид̇о д̇аавад̇им̣сабхаванад̇о жавид̇ваа ан̇г̇ад̇иран̃н̃о аг̇г̇амахзсияаа гужчимхи ниб̣б̣ад̇д̇иссаами, ‘ружаа’д̇и мз наамам̣ бхависсад̇ий’’д̇и н̃ад̇ваа ‘‘д̇ад̇о ананд̇араа гухим̣ ниб̣б̣ад̇д̇иссаамий’’д̇и ологзнд̇ий ‘‘сад̇д̇амааяа ж̇аад̇ияаа д̇ад̇о жавид̇ваа д̇аавад̇им̣сабхаванз махид̣̇д̇хиго д̣̇звабуд̇д̇о худ̇ваа ниб̣б̣ад̇д̇иссаами, ид̇т̇ибхаавад̇о мужжиссаамий’’д̇и ан̃н̃ааси. д̇асмаа –

Athassā niraye tiracchānayoniyañca anubhūtaṃ dukkhaṃ anussarantiyā bhayaṃ uppajji. Tato ‘‘kena nu kho kammena evarūpaṃ dukkhaṃ anubhūtaṃ mayā’’ti chaṭṭhaṃ jātiṃ olokentī tāya jātiyā kosambinagare kataṃ kalyāṇakammaṃ disvā sattamaṃ olokentī magadharaṭṭhe pāpasahāyaṃ nissāya kataṃ paradārikakammaṃ disvā ‘‘etassa phalena me taṃ mahādukkhaṃ anubhūta’’nti aññāsi. Atha ‘‘ito cavitvā anāgate kuhiṃ nibbattissāmī’’ti olokentī ‘‘yāvatāyukaṃ ṭhatvā puna sakkasseva paricārikā hutvā nibbattissāmī’’ti aññāsi. Evaṃ punappunaṃ olokayamānā ‘‘tatiyepi attabhāve sakkasseva paricārikā hutvā nibbattissāmi, tathā catutthe, pañcame pana tasmiṃyeva devaloke javanadevaputtassa aggamahesī hutvā nibbattissāmī’’ti ñatvā tato anantaraṃ olokentī ‘‘chaṭṭhe attabhāve ito tāvatiṃsabhavanato cavitvā aṅgatirañño aggamahesiyā kucchimhi nibbattissāmi, ‘rucā’ti me nāmaṃ bhavissatī’’ti ñatvā ‘‘tato anantarā kuhiṃ nibbattissāmī’’ti olokentī ‘‘sattamāya jātiyā tato cavitvā tāvatiṃsabhavane mahiddhiko devaputto hutvā nibbattissāmi, itthibhāvato muccissāmī’’ti aññāsi. Tasmā –

‘‘д̇ад̇т̇а тид̇аахам̣ взд̣̇зха, сараами сад̇д̇а ж̇аад̇ияо;

‘‘Tattha ṭhitāhaṃ vedeha, sarāmi satta jātiyo;

анааг̇ад̇ааби сад̇д̇зва, яаа г̇амиссам̣ ид̇о жуд̇аа’’д̇и. – аад̣̇имааха;

Anāgatāpi satteva, yā gamissaṃ ito cutā’’ti. – ādimāha;

д̇ад̇т̇а барияааг̇ад̇анд̇и барияааязна ад̇д̇ано ваарзна ааг̇ад̇ам̣. сад̇д̇а ж̇ажжод̇и важ̇ж̇ирадтз набум̣сагаж̇аад̇ияаа сад̣̇д̇хим̣ д̣̇звалогз бан̃жа, аяан̃жа чадтаад̇и сад̇д̇а ж̇аад̇ияод̇и вужжанд̇и. зд̇аа сад̇д̇а ж̇аад̇ияо нижжам̣ саггад̇абууж̇ид̇аа ахосинд̇и д̣̇ассзд̇и. чадтаа ниг̇ад̇ияод̇и д̣̇звалогз бана бан̃жа, аяан̃жа згаад̇и имаа ча г̇ад̇ияо ид̇т̇ибхааваана мужжиссанд̇и вад̣̇ад̇и. сад̇д̇амий жаад̇и ид̇о жавид̇ваа ананд̇арам̣. санд̇аанамаяанд̇и згад̇ован̣дагаад̣̇ивасзна гад̇асанд̇аанам̣. г̇ант̇знд̇ийд̇и яат̇аа санд̇аанамаяаа хонд̇и, звам̣ аж̇ж̇аби мама барижааригаа нанд̣̇анаванз маалам̣ г̇ант̇знд̇иязва. яо мз маалам̣ бадижчад̇ийд̇и махаарааж̇а, ананд̇араж̇аад̇ияам̣ мама саамиго ж̇аво наама д̣̇звабуд̇д̇о яо ругкад̇о бад̇ид̇абад̇ид̇ам̣ маалам̣ бадижчад̇и.

Tattha pariyāgatanti pariyāyena attano vārena āgataṃ. Satta jaccoti vajjiraṭṭhe napuṃsakajātiyā saddhiṃ devaloke pañca, ayañca chaṭṭhāti satta jātiyoti vuccanti. Etā satta jātiyo niccaṃ sakkatapūjitā ahosinti dasseti. Chaṭṭhā nigatiyoti devaloke pana pañca, ayañca ekāti imā cha gatiyo itthibhāvāna muccissanti vadati. Sattamī cāti ito cavitvā anantaraṃ. Santānamayanti ekatovaṇṭakādivasena katasantānaṃ. Ganthentīti yathā santānamayā honti, evaṃ ajjapi mama paricārikā nandanavane mālaṃ ganthentiyeva. Yo me mālaṃ paṭicchatīti mahārāja, anantarajātiyaṃ mama sāmiko javo nāma devaputto yo rukkhato patitapatitaṃ mālaṃ paṭicchati.

сол̣асаад̇и махаарааж̇а, мама ж̇аад̇ияаа имаани сол̣аса вассаани, зд̇д̇аго бана гаало д̣̇зваанам̣ зго мухуд̇д̇о, д̇зна д̇аа мама жуд̇абхаавамби аж̇аананд̇аа мамад̇т̇ааяа маалам̣ г̇ант̇знд̇иязва. маанусинд̇и мануссаанам̣ вассаг̇ан̣анам̣ ааг̇амма зса сарад̣̇осад̇ам̣ вассасад̇ам̣ ход̇и, звам̣ д̣̇ийгхааяугаа д̣̇зваа . иминаа бана гааран̣зна баралогасса жа галяаан̣абаабагаанан̃жа гаммаанам̣ ад̇т̇ид̇ам̣ ж̇аанаахи, д̣̇зваад̇и.

Soḷasāti mahārāja, mama jātiyā imāni soḷasa vassāni, ettako pana kālo devānaṃ eko muhutto, tena tā mama cutabhāvampi ajānantā mamatthāya mālaṃ ganthentiyeva. Mānusinti manussānaṃ vassagaṇanaṃ āgamma esa saradosataṃ vassasataṃ hoti, evaṃ dīghāyukā devā . Iminā pana kāraṇena paralokassa ca kalyāṇapāpakānañca kammānaṃ atthitaṃ jānāhi, devāti.

анвзнд̇ийд̇и яат̇аа мам̣ ануб̣анд̇хим̣су, звам̣ ануб̣анд̇ханд̇и. на хи гаммам̣ винассад̇ийд̇и д̣̇идтад̇хаммавзд̣̇анийяам̣ д̇асмим̣язва ад̇д̇абхаавз, убабаж̇ж̇авзд̣̇анийяам̣ ананд̇арабхавз вибаагам̣ д̣̇зд̇и, абараабарияавзд̣̇анийяам̣ бана вибаагам̣ ад̣̇ад̇ваа на нассад̇и. д̇ам̣ санд̇хааяа ‘‘на хи гаммам̣ винассад̇ий’’д̇и вад̇ваа ‘‘д̣̇зва, ахам̣ барад̣̇ааригагаммасса ниссанд̣̇зна нираяз жа д̇иражчаанаяонияан̃жа маханд̇ам̣ д̣̇угкам̣ анубхавим̣. сажз бана д̇умхзби ид̣̇аани г̇ун̣асса гат̇ам̣ г̇ахзд̇ваа звам̣ гариссат̇а, маяаа анубхууд̇асад̣̇исамзва д̣̇угкам̣ анубхависсат̇а, д̇асмаа звам̣ маа гарид̇т̇аа’’д̇и ааха.

Anventīti yathā maṃ anubandhiṃsu, evaṃ anubandhanti. Na hi kammaṃ vinassatīti diṭṭhadhammavedanīyaṃ tasmiṃyeva attabhāve, upapajjavedanīyaṃ anantarabhave vipākaṃ deti, aparāpariyavedanīyaṃ pana vipākaṃ adatvā na nassati. Taṃ sandhāya ‘‘na hi kammaṃ vinassatī’’ti vatvā ‘‘deva, ahaṃ paradārikakammassa nissandena niraye ca tiracchānayoniyañca mahantaṃ dukkhaṃ anubhaviṃ. Sace pana tumhepi idāni guṇassa kathaṃ gahetvā evaṃ karissatha, mayā anubhūtasadisameva dukkhaṃ anubhavissatha, tasmā evaṃ mā karitthā’’ti āha.

ат̇асса уд̇д̇ари д̇хаммам̣ д̣̇зсзнд̇ий ааха –

Athassa uttari dhammaṃ desentī āha –

1283.

‘‘яо ижчз бурисо ход̇ум̣, ж̇аад̇им̣ ж̇аад̇им̣ бунаббунам̣;

‘‘Yo icche puriso hotuṃ, jātiṃ jātiṃ punappunaṃ;

барад̣̇аарам̣ виваж̇ж̇зяяа, д̇ход̇абаад̣̇ова гад̣̇д̣̇амам̣.

Paradāraṃ vivajjeyya, dhotapādova kaddamaṃ.

1284.

‘‘яаа ижчз бурисо ход̇ум̣, ж̇аад̇им̣ ж̇аад̇им̣ бунаббунам̣;

‘‘Yā icche puriso hotuṃ, jātiṃ jātiṃ punappunaṃ;

саамигам̣ абажааязяяа, инд̣̇ам̣ва барижааригаа.

Sāmikaṃ apacāyeyya, indaṃva paricārikā.

1285.

‘‘яо ижчз д̣̇иб̣яабхог̇ан̃жа, д̣̇иб̣б̣амааяум̣ яасам̣ сукам̣;

‘‘Yo icche dibyabhogañca, dibbamāyuṃ yasaṃ sukhaṃ;

баабаани бариваж̇ж̇зд̇ваа, д̇ивид̇хам̣ д̇хаммамаажарз.

Pāpāni parivajjetvā, tividhaṃ dhammamācare.

1286.

‘‘гааязна ваажаа манасаа, аббамад̇д̇о вижагкан̣о;

‘‘Kāyena vācā manasā, appamatto vicakkhaṇo;

ад̇д̇ано ход̇и ад̇т̇ааяа, ид̇т̇ий ваа яад̣̇и ваа бумаа.

Attano hoti atthāya, itthī vā yadi vā pumā.

1287.

‘‘яз гзжимз маануж̇аа ж̇ийвалогз, яасассино саб̣б̣асаманд̇абхог̇аа;

‘‘Ye kecime mānujā jīvaloke, yasassino sabbasamantabhogā;

асам̣саяам̣ д̇зхи бурз сужин̣н̣ам̣, гаммассагаасз бут̇у саб̣б̣асад̇д̇аа.

Asaṃsayaṃ tehi pure suciṇṇaṃ, kammassakāse puthu sabbasattā.

1288.

‘‘ин̇гхаанужинд̇зси саяамби д̣̇зва, гуд̇онид̣̇аанаа д̇з имаа ж̇анинд̣̇а;

‘‘Iṅghānucintesi sayampi deva, kutonidānā te imā janinda;

яаа д̇з имаа ажчараасаннигаасаа, алан̇гад̇аа ган̃жанаж̇аалачаннаа’’д̇и.

Yā te imā accharāsannikāsā, alaṅkatā kañcanajālachannā’’ti.

д̇ад̇т̇а ход̇унд̇и бхавид̇ум̣. саб̣б̣асаманд̇абхог̇аад̇и барибун̣н̣асаб̣б̣абхог̇аа. сужин̣н̣анд̇и судту жин̣н̣ам̣ галяаан̣агаммам̣ гад̇ам̣. гаммассагаасзд̇и гаммассагаа ад̇д̇анаа гад̇агаммассзва вибаагабадисам̣взд̣̇ино. на хи маад̇аабид̇уухи гад̇ам̣ гаммам̣ буд̇д̇ад̇хийд̇аанам̣ вибаагам̣ д̣̇зд̇и, на д̇аахи буд̇д̇ад̇хийд̇аахи гад̇ам̣ гаммам̣ маад̇аабид̇уунам̣ вибаагам̣ д̣̇зд̇и. сзсзхи гад̇ам̣ сзсаанам̣ гимзва д̣̇ассад̇и? ин̇гхаад̇и жод̣̇анад̇т̇з нибаад̇о. анужинд̇зсийд̇и бунаббунам̣ жинд̇зяяааси. яаа д̇з имаад̇и яаа имаа сол̣асасахассаа ид̇т̇ияо д̇ам̣ убадтаханд̇и, имаа д̇з гуд̇онид̣̇аанаа, гим̣ нибаж̇ж̇ид̇ваа нид̣̇д̣̇ааяанд̇зна лад̣̇д̇хаа, уд̣̇ааху бант̇ад̣̇уусанасанд̇хижчзд̣̇аад̣̇ийни баабаани гад̇ваа, ад̣̇у галяаан̣агаммам̣ ниссааяа лад̣̇д̇хаад̇и ид̣̇ам̣ д̇аава ад̇д̇анааби жинд̇зяяааси, д̣̇зваад̇и.

Tattha hotunti bhavituṃ. Sabbasamantabhogāti paripuṇṇasabbabhogā. Suciṇṇanti suṭṭhu ciṇṇaṃ kalyāṇakammaṃ kataṃ. Kammassakāseti kammassakā attanā katakammasseva vipākapaṭisaṃvedino. Na hi mātāpitūhi kataṃ kammaṃ puttadhītānaṃ vipākaṃ deti, na tāhi puttadhītāhi kataṃ kammaṃ mātāpitūnaṃ vipākaṃ deti. Sesehi kataṃ sesānaṃ kimeva dassati? Iṅghāti codanatthe nipāto. Anucintesīti punappunaṃ cinteyyāsi. Yā te imāti yā imā soḷasasahassā itthiyo taṃ upaṭṭhahanti, imā te kutonidānā, kiṃ nipajjitvā niddāyantena laddhā, udāhu panthadūsanasandhicchedādīni pāpāni katvā, adu kalyāṇakammaṃ nissāya laddhāti idaṃ tāva attanāpi cinteyyāsi, devāti.

звам̣ саа бид̇арам̣ анусааси. д̇амад̇т̇ам̣ багаасзнд̇о сад̇т̇аа ааха –

Evaṃ sā pitaraṃ anusāsi. Tamatthaṃ pakāsento satthā āha –

1289.

‘‘ижжзвам̣ бид̇арам̣ ган̃н̃аа, ружаа д̇осзси ан̇г̇ад̇им̣;

‘‘Iccevaṃ pitaraṃ kaññā, rucā tosesi aṅgatiṃ;

муул̣хасса маг̇г̇амаажигки, д̇хаммамагкааси суб̣б̣ад̇аа’’д̇и.

Mūḷhassa maggamācikkhi, dhammamakkhāsi subbatā’’ti.

д̇ад̇т̇а ижжзванд̇и бхигкавз, ид̇и имзхи зваруубзхи мад̇хурзхи важанзхи ружааган̃н̃аа бид̇арам̣ д̇осзси, муул̣хасса маг̇г̇ам̣ вияа д̇асса суг̇ад̇имаг̇г̇ам̣ аажигки, наанаанаязхи сужарид̇ад̇хаммам̣ агкааси. д̇хаммам̣ гат̇знд̇ийязва саа суб̣б̣ад̇аа сунд̣̇аравад̇аа ад̇д̇ано ад̇ийд̇аж̇аад̇ияоби гат̇зси.

Tattha iccevanti bhikkhave, iti imehi evarūpehi madhurehi vacanehi rucākaññā pitaraṃ tosesi, mūḷhassa maggaṃ viya tassa sugatimaggaṃ ācikkhi, nānānayehi sucaritadhammaṃ akkhāsi. Dhammaṃ kathentīyeva sā subbatā sundaravatā attano atītajātiyopi kathesi.

звам̣ буб̣б̣ан̣хад̇о бадтааяа саб̣б̣арад̇д̇им̣ бид̇у д̇хаммам̣ д̣̇зсзд̇ваа ‘‘маа, д̣̇зва, наг̇г̇асса мижчаад̣̇идтигасса важанам̣ г̇ан̣хи, ‘ад̇т̇и аяам̣ лого, ад̇т̇и баралого , ад̇т̇и сугадад̣̇уггадагаммаанам̣ пала’нд̇и вад̣̇анд̇асса маад̣̇исасса галяаан̣амид̇д̇асса важанам̣ г̇ан̣ха, маа ад̇ид̇т̇зна багканд̣̇ий’’д̇и ааха. звам̣ санд̇зби бид̇арам̣ мижчаад̣̇ассанаа можзд̇ум̣ наасагки. со хи гзвалам̣ д̇ассаа мад̇хураважанам̣ суд̇ваа д̇усси. маад̇аабид̇аро хи бияабуд̇д̇аанам̣ важанам̣ бияааяанд̇и, на бана д̇ам̣ мижчаад̣̇ассанам̣ виссаж̇ж̇зси. наг̇арзби ‘‘ружаа гира рааж̇ад̇хийд̇аа бид̇у д̇хаммам̣ д̣̇зсзд̇ваа мижчаад̣̇ассанам̣ виссаж̇ж̇аабзсий’’д̇и згаголаахалам̣ ахоси. ‘‘бан̣д̣ид̇аа рааж̇ад̇хийд̇аа аж̇ж̇а бид̇арам̣ мижчаад̣̇ассанаа можзд̇ваа наг̇араваасийнам̣ сод̇т̇ибхаавам̣ гариссад̇ий’’д̇и махааж̇ано д̇усси. саа бид̇арам̣ б̣од̇хзд̇ум̣ асаггонд̇ий вийрияам̣ ависсаж̇ж̇зд̇ваава ‘‘язна гзнажи убааязна бид̇у сод̇т̇ибхаавам̣ гариссаамий’’д̇и сирасмим̣ ан̃ж̇алим̣ бад̇идтабзд̇ваа д̣̇асад̣̇исаа намассид̇ваа ‘‘имасмим̣ логз логасанд̇хаарагаа д̇хаммигасаман̣аб̣раахман̣аа наама логабаалад̣̇звад̇аа наама махааб̣рахмаано наама ад̇т̇и, д̇з ид̇хааг̇анд̇ваа ад̇д̇ано б̣алзна мама бид̇арам̣ мижчаад̣̇ассанам̣ виссаж̇ж̇аабзнд̇у , зд̇асса г̇ун̣з асад̇иби мама г̇ун̣зна мама сийлзна мама сажжзна ид̇хааг̇анд̇ваа имам̣ мижчаад̣̇ассанам̣ виссаж̇ж̇аабзд̇ваа сагалалогасса сод̇т̇им̣ гаронд̇уу’’д̇и ад̇хидтахид̇ваа намасси.

Evaṃ pubbaṇhato paṭṭhāya sabbarattiṃ pitu dhammaṃ desetvā ‘‘mā, deva, naggassa micchādiṭṭhikassa vacanaṃ gaṇhi, ‘atthi ayaṃ loko, atthi paraloko , atthi sukaṭadukkaṭakammānaṃ phala’nti vadantassa mādisassa kalyāṇamittassa vacanaṃ gaṇha, mā atitthena pakkhandī’’ti āha. Evaṃ santepi pitaraṃ micchādassanā mocetuṃ nāsakkhi. So hi kevalaṃ tassā madhuravacanaṃ sutvā tussi. Mātāpitaro hi piyaputtānaṃ vacanaṃ piyāyanti, na pana taṃ micchādassanaṃ vissajjesi. Nagarepi ‘‘rucā kira rājadhītā pitu dhammaṃ desetvā micchādassanaṃ vissajjāpesī’’ti ekakolāhalaṃ ahosi. ‘‘Paṇḍitā rājadhītā ajja pitaraṃ micchādassanā mocetvā nagaravāsīnaṃ sotthibhāvaṃ karissatī’’ti mahājano tussi. Sā pitaraṃ bodhetuṃ asakkontī vīriyaṃ avissajjetvāva ‘‘yena kenaci upāyena pitu sotthibhāvaṃ karissāmī’’ti sirasmiṃ añjaliṃ patiṭṭhapetvā dasadisā namassitvā ‘‘imasmiṃ loke lokasandhārakā dhammikasamaṇabrāhmaṇā nāma lokapāladevatā nāma mahābrahmāno nāma atthi, te idhāgantvā attano balena mama pitaraṃ micchādassanaṃ vissajjāpentu , etassa guṇe asatipi mama guṇena mama sīlena mama saccena idhāgantvā imaṃ micchādassanaṃ vissajjāpetvā sakalalokassa sotthiṃ karontū’’ti adhiṭṭhahitvā namassi.

д̇ад̣̇аа б̣од̇хисад̇д̇о наарад̣̇о наама махааб̣рахмаа ахоси. б̣од̇хисад̇д̇аа жа наама ад̇д̇ано мзд̇д̇аабхааванааяа ануд̣̇д̣̇аяааяа маханд̇абхаавзна суббадибаннад̣̇уббадибаннз сад̇д̇з д̣̇ассанад̇т̇ам̣ гаалаанугаалам̣ логам̣ ологзнд̇и. со д̇ам̣ д̣̇ивасам̣ логам̣ ологзнд̇о д̇ам̣ рааж̇ад̇хийд̇арам̣ бид̇у мижчаад̣̇идтиможанад̇т̇ам̣ логасанд̇хаарагад̣̇звад̇ааяо намассамаанам̣ д̣̇исваа, ‘‘табзд̇ваа мам̣ ан̃н̃о зд̇ам̣ рааж̇аанам̣ мижчаад̣̇ассанам̣ виссаж̇ж̇аабзд̇ум̣ самад̇т̇о наама над̇т̇и, аж̇ж̇а маяаа рааж̇ад̇хийд̇у сан̇г̇ахам̣, ран̃н̃о жа сабариж̇анасса сод̇т̇ибхаавам̣ гад̇ваа ааг̇анд̇ум̣ ваддад̇и, гзна ну ко взсзна г̇амиссаамий’’д̇и жинд̇зд̇ваа ‘‘мануссаанам̣ баб̣б̣аж̇ид̇аа бияаа жзва г̇аруно жа аад̣̇зяяаважанаа жа, д̇асмаа баб̣б̣аж̇ид̇авзсзна г̇амиссаамий’’д̇и саннидтаанам̣ гад̇ваа баасаад̣̇игам̣ суван̣н̣аван̣н̣ам̣ мануссад̇д̇абхаавам̣ маабзд̇ваа манун̃н̃ам̣ ж̇адааман̣д̣алам̣ б̣анд̇хид̇ваа ж̇аданд̇арз ган̃жанасуужим̣ од̣̇ахид̇ваа анд̇о рад̇д̇абадам̣ убари рад̇д̇аваагажийрам̣ ниваасзд̇ваа баарубид̇ваа суван̣н̣ад̇аараакажид̇ам̣ раж̇ад̇амаяам̣ аж̇инажаммам̣ згам̣сз гад̇ваа муд̇д̇аасиггааяа багкид̇д̇ам̣ суван̣н̣амаяам̣ бхигкаабхааж̇анам̣ аад̣̇ааяа д̇ийсу таанзсу онад̇ам̣ суван̣н̣агааж̇ам̣ канд̇хз гад̇ваа муд̇д̇аасиггааяа зва баваал̣агаман̣д̣алум̣ аад̣̇ааяа иминаа исивзсзна г̇аг̇анад̇алз жанд̣̇о вияа вирожамаано аагаасзна ааг̇анд̇ваа алан̇гад̇ажанд̣̇агабаасаад̣̇амахаад̇алам̣ бависид̇ваа ран̃н̃о бурад̇о аагаасз адтааси. д̇амад̇т̇ам̣ багаасзнд̇о сад̇т̇аа ааха –

Tadā bodhisatto nārado nāma mahābrahmā ahosi. Bodhisattā ca nāma attano mettābhāvanāya anuddayāya mahantabhāvena suppaṭipannaduppaṭipanne satte dassanatthaṃ kālānukālaṃ lokaṃ olokenti. So taṃ divasaṃ lokaṃ olokento taṃ rājadhītaraṃ pitu micchādiṭṭhimocanatthaṃ lokasandhārakadevatāyo namassamānaṃ disvā, ‘‘ṭhapetvā maṃ añño etaṃ rājānaṃ micchādassanaṃ vissajjāpetuṃ samattho nāma natthi, ajja mayā rājadhītu saṅgahaṃ, rañño ca saparijanassa sotthibhāvaṃ katvā āgantuṃ vaṭṭati, kena nu kho vesena gamissāmī’’ti cintetvā ‘‘manussānaṃ pabbajitā piyā ceva garuno ca ādeyyavacanā ca, tasmā pabbajitavesena gamissāmī’’ti sanniṭṭhānaṃ katvā pāsādikaṃ suvaṇṇavaṇṇaṃ manussattabhāvaṃ māpetvā manuññaṃ jaṭāmaṇḍalaṃ bandhitvā jaṭantare kañcanasūciṃ odahitvā anto rattapaṭaṃ upari rattavākacīraṃ nivāsetvā pārupitvā suvaṇṇatārākhacitaṃ rajatamayaṃ ajinacammaṃ ekaṃse katvā muttāsikkāya pakkhittaṃ suvaṇṇamayaṃ bhikkhābhājanaṃ ādāya tīsu ṭhānesu onataṃ suvaṇṇakājaṃ khandhe katvā muttāsikkāya eva pavāḷakamaṇḍaluṃ ādāya iminā isivesena gaganatale cando viya virocamāno ākāsena āgantvā alaṅkatacandakapāsādamahātalaṃ pavisitvā rañño purato ākāse aṭṭhāsi. Tamatthaṃ pakāsento satthā āha –

1290.

‘‘ат̇ааг̇амаа б̣рахмалогаа, наарад̣̇о маанусим̣ баж̇ам̣;

‘‘Athāgamā brahmalokā, nārado mānusiṃ pajaṃ;

ж̇амб̣уд̣̇ийбам̣ авзгканд̇о, ад̣̇д̣̇аа рааж̇аанаман̇г̇ад̇им̣.

Jambudīpaṃ avekkhanto, addā rājānamaṅgatiṃ.

1291.

‘‘д̇ад̇о бад̇идтаа баасаад̣̇з, взд̣̇зхасса бурад̇т̇ад̇о;

‘‘Tato patiṭṭhā pāsāde, vedehassa puratthato;

д̇ан̃жа д̣̇исваанаануббад̇д̇ам̣, ружаа исимаванд̣̇ат̇аа’’д̇и.

Tañca disvānānuppattaṃ, rucā isimavandathā’’ti.

д̇ад̇т̇а ад̣̇д̣̇аад̇и б̣рахмалогз тид̇ова ж̇амб̣уд̣̇ийбам̣ авзгканд̇о г̇ун̣ааж̇ийвагасса санд̇игз г̇ахид̇амижчаад̣̇ассанам̣ рааж̇аанам̣ ан̇г̇ад̇им̣ ад̣̇д̣̇аса, д̇асмаа ааг̇ад̇од̇и ад̇т̇о. д̇ад̇о бад̇идтаад̇и д̇ад̇о со б̣рахмаа д̇асса ран̃н̃о амажжаг̇ан̣абаривуд̇асса нисиннасса бурад̇о д̇асмим̣ баасаад̣̇з абад̣̇з бад̣̇ам̣ д̣̇ассзнд̇о аагаасз бад̇идтахи. ануббад̇д̇анд̇и ааг̇ад̇ам̣. исинд̇и исивзсзна ааг̇ад̇ад̇д̇аа сад̇т̇аа ‘‘иси’’нд̇и ааха. аванд̣̇ат̇аад̇и ‘‘мамаануг̇г̇ахзна мама бид̇ари гаарун̃н̃ам̣ гад̇ваа зго д̣̇зварааж̇аа ааг̇ад̇о бхависсад̇ий’’д̇и хадтабахадтаа ваад̇аабхихадаа суван̣н̣агад̣̇алий вияа онамид̇ваа наарад̣̇аб̣рахмаанам̣ аванд̣̇и.

Tattha addāti brahmaloke ṭhitova jambudīpaṃ avekkhanto guṇājīvakassa santike gahitamicchādassanaṃ rājānaṃ aṅgatiṃ addasa, tasmā āgatoti attho. Tato patiṭṭhāti tato so brahmā tassa rañño amaccagaṇaparivutassa nisinnassa purato tasmiṃ pāsāde apade padaṃ dassento ākāse patiṭṭhahi. Anuppattanti āgataṃ. Isinti isivesena āgatattā satthā ‘‘isi’’nti āha. Avandathāti ‘‘mamānuggahena mama pitari kāruññaṃ katvā eko devarājā āgato bhavissatī’’ti haṭṭhapahaṭṭhā vātābhihaṭā suvaṇṇakadalī viya onamitvā nāradabrahmānaṃ avandi.

рааж̇ааби д̇ам̣ д̣̇исваава б̣рахмад̇зж̇зна д̇аж̇ж̇ид̇о ад̇д̇ано аасанз сан̣таад̇ум̣ асаггонд̇о аасанаа оруяха бхуумияам̣ тад̇ваа ааг̇ад̇адтаанан̃жа наамаг̇од̇д̇ан̃жа бужчи. д̇амад̇т̇ам̣ багаасзнд̇о сад̇т̇аа ааха –

Rājāpi taṃ disvāva brahmatejena tajjito attano āsane saṇṭhātuṃ asakkonto āsanā oruyha bhūmiyaṃ ṭhatvā āgataṭṭhānañca nāmagottañca pucchi. Tamatthaṃ pakāsento satthā āha –

1292.

‘‘ат̇аасанамхаа оруяха, рааж̇аа б̣яат̇ид̇амаанасо;

‘‘Athāsanamhā oruyha, rājā byathitamānaso;

наарад̣̇ам̣ барибужчанд̇о, ид̣̇ам̣ важанамаб̣рави.

Nāradaṃ paripucchanto, idaṃ vacanamabravi.

1293.

‘гуд̇о ну ааг̇ажчаси д̣̇зваван̣н̣и, обхаасаяам̣ саб̣б̣ад̣̇исаа жанд̣̇имаава;

‘Kuto nu āgacchasi devavaṇṇi, obhāsayaṃ sabbadisā candimāva;

агкаахи мз бужчид̇о наамаг̇од̇д̇ам̣, гат̇ам̣ д̇ам̣ ж̇аананд̇и мануссалогз’’’д̇и.

Akkhāhi me pucchito nāmagottaṃ, kathaṃ taṃ jānanti manussaloke’’’ti.

д̇ад̇т̇а б̣яат̇ид̇амаанасод̇и бхийд̇ажид̇д̇о. гуд̇о нууд̇и гажжи ну ко виж̇ж̇аад̇харо бхавзяяаад̇и ман̃н̃амаано аванд̣̇ид̇ваава звам̣ бужчи.

Tattha byathitamānasoti bhītacitto. Kuto nūti kacci nu kho vijjādharo bhaveyyāti maññamāno avanditvāva evaṃ pucchi.

ат̇а со ‘‘аяам̣ рааж̇аа ‘баралого над̇т̇ий’д̇и ман̃н̃ад̇и, баралогамзвасса д̇аава аажигкиссаамий’’д̇и жинд̇зд̇ваа г̇аат̇амааха –

Atha so ‘‘ayaṃ rājā ‘paraloko natthī’ti maññati, paralokamevassa tāva ācikkhissāmī’’ti cintetvā gāthamāha –

1294.

‘‘ахан̃хи д̣̇звад̇о ид̣̇аани зми, обхаасаяам̣ саб̣б̣ад̣̇исаа жанд̣̇имаава;

‘‘Ahañhi devato idāni emi, obhāsayaṃ sabbadisā candimāva;

агкаами д̇з бужчид̇о наамаг̇од̇д̇ам̣, ж̇аананд̇и мам̣ наарад̣̇о гассабо жаа’’д̇и.

Akkhāmi te pucchito nāmagottaṃ, jānanti maṃ nārado kassapo cā’’ti.

д̇ад̇т̇а д̣̇звад̇од̇и д̣̇звалогад̇о. наарад̣̇о гассабо жаад̇и мам̣ наамзна наарад̣̇о, г̇од̇д̇зна гассабод̇и ж̇аананд̇и.

Tattha devatoti devalokato. Nārado kassapo cāti maṃ nāmena nārado, gottena kassapoti jānanti.

ат̇а рааж̇аа ‘‘имам̣ бажчааби баралогам̣ бужчиссаами, ид̣̇д̇хияаа лад̣̇д̇хагааран̣ам̣ д̇аава бужчиссаамий’’д̇и жинд̇зд̇ваа г̇аат̇амааха –

Atha rājā ‘‘imaṃ pacchāpi paralokaṃ pucchissāmi, iddhiyā laddhakāraṇaṃ tāva pucchissāmī’’ti cintetvā gāthamāha –

1295.

‘‘ажчзраруубам̣ д̇ава яаад̣̇исан̃жа, взхааяасам̣ г̇ажчаси д̇идтасий жа;

‘‘Accherarūpaṃ tava yādisañca, vehāyasaṃ gacchasi tiṭṭhasī ca;

бужчаами д̇ам̣ наарад̣̇а зд̇амад̇т̇ам̣, ат̇а гзна ван̣н̣зна д̇авааяамид̣̇д̇хий’’д̇и.

Pucchāmi taṃ nārada etamatthaṃ, atha kena vaṇṇena tavāyamiddhī’’ti.

д̇ад̇т̇а яаад̣̇исан̃жаад̇и яаад̣̇исан̃жа д̇ава сан̣таанам̣, яан̃жа д̇вам̣ аагаасз г̇ажчаси д̇идтаси жа, ид̣̇ам̣ ажчарияаж̇аад̇ам̣.

Tattha yādisañcāti yādisañca tava saṇṭhānaṃ, yañca tvaṃ ākāse gacchasi tiṭṭhasi ca, idaṃ acchariyajātaṃ.

наарад̣̇о ааха –

Nārado āha –

1296.

‘‘сажжан̃жа д̇хаммо жа д̣̇амо жа жааг̇о, г̇ун̣аа мамзд̇з багад̇аа бураан̣аа;

‘‘Saccañca dhammo ca damo ca cāgo, guṇā mamete pakatā purāṇā;

д̇зхзва д̇хаммзхи сусзвид̇зхи, манож̇ало язна гаамам̣ г̇ад̇осмий’’д̇и.

Teheva dhammehi susevitehi, manojalo yena kāmaṃ gatosmī’’ti.

д̇ад̇т̇а сажжанд̇и мусааваад̣̇авирахид̇ам̣ важийсажжам̣. д̇хаммод̇и д̇ивид̇хасужарид̇ад̇хаммо жзва гасин̣абаригаммажхаанад̇хаммо жа. д̣̇амод̇и инд̣̇рияад̣̇аманам̣. жааг̇од̇и гилзсабарижжааг̇о жа д̣̇зяяад̇хаммабарижжааг̇о жа. мамзд̇з г̇ун̣аад̇и мама зд̇з г̇ун̣асамбаяуд̇д̇аа г̇ун̣асахаг̇ад̇аа. багад̇аа бураан̣аад̇и маяаа буримабхавз гад̇аад̇и д̣̇ассзд̇и. ‘‘д̇зхзва д̇хаммзхи сусзвид̇зхий’’д̇и д̇з саб̣б̣з г̇ун̣з сусзвид̇з барижаарид̇з д̣̇ассзд̇и. манож̇авод̇и ид̣̇д̇хияаа гааран̣зна бадилад̣̇д̇хо. язна гаамам̣ г̇ад̇осмийд̇и язна д̣̇звадтаанз жа мануссадтаанз жа г̇анд̇ум̣ ижчанам̣, д̇зна г̇ад̇осмийд̇и ад̇т̇о.

Tattha saccanti musāvādavirahitaṃ vacīsaccaṃ. Dhammoti tividhasucaritadhammo ceva kasiṇaparikammajhānadhammo ca. Damoti indriyadamanaṃ. Cāgoti kilesapariccāgo ca deyyadhammapariccāgo ca. Mamete guṇāti mama ete guṇasampayuttā guṇasahagatā. Pakatā purāṇāti mayā purimabhave katāti dasseti. ‘‘Teheva dhammehi susevitehī’’ti te sabbe guṇe susevite paricārite dasseti. Manojavoti iddhiyā kāraṇena paṭiladdho. Yena kāmaṃ gatosmīti yena devaṭṭhāne ca manussaṭṭhāne ca gantuṃ icchanaṃ, tena gatosmīti attho.

рааж̇аа звам̣ д̇асмим̣ гат̇знд̇зби мижчаад̣̇ассанасса г̇ахид̇ад̇д̇аа баралогам̣ асад̣̇д̣̇аханд̇о ‘‘ад̇т̇и ну ко бун̃н̃авибааго’’д̇и вад̇ваа г̇аат̇амааха –

Rājā evaṃ tasmiṃ kathentepi micchādassanassa gahitattā paralokaṃ asaddahanto ‘‘atthi nu kho puññavipāko’’ti vatvā gāthamāha –

1297.

‘‘ажчзрамаажигкаси бун̃н̃асид̣̇д̇хим̣, сажз хи зд̇зхи яат̇аа вад̣̇зси;

‘‘Accheramācikkhasi puññasiddhiṃ, sace hi etehi yathā vadesi;

бужчаами д̇ам̣ наарад̣̇а зд̇амад̇т̇ам̣, будто жа мз саад̇ху вияаагарохий’’д̇и.

Pucchāmi taṃ nārada etamatthaṃ, puṭṭho ca me sādhu viyākarohī’’ti.

д̇ад̇т̇а бун̃н̃асид̣̇д̇хинд̇и бун̃н̃аанам̣ сид̣̇д̇хим̣ палад̣̇ааяагад̇д̇ам̣ аажигканд̇о ажчарияам̣ аажигкаси.

Tattha puññasiddhinti puññānaṃ siddhiṃ phaladāyakattaṃ ācikkhanto acchariyaṃ ācikkhasi.

наарад̣̇о ааха –

Nārado āha –

1298.

‘‘бужчассу мам̣ рааж̇а д̇авзса ад̇т̇о, яам̣ сам̣саяам̣ гурусз бхуумибаала;

‘‘Pucchassu maṃ rāja tavesa attho, yaṃ saṃsayaṃ kuruse bhūmipāla;

ахам̣ д̇ам̣ ниссам̣саяад̇ам̣ г̇амзми, наязхи н̃ааязхи жа хзд̇убхий жаа’’д̇и.

Ahaṃ taṃ nissaṃsayataṃ gamemi, nayehi ñāyehi ca hetubhī cā’’ti.

д̇ад̇т̇а д̇авзса ад̇т̇од̇и бужчид̇аб̣б̣аго наама д̇ава зса ад̇т̇о. яам̣ сам̣саяанд̇и яам̣ гисмин̃жид̣̇зва ад̇т̇з сам̣саяам̣ гароси, д̇ам̣ мам̣ бужча. ниссам̣саяад̇анд̇и ахам̣ д̇ам̣ ниссам̣саяабхаавам̣ г̇амзми. наязхийд̇и гааран̣аважанзхи. н̃ааязхийд̇и н̃аан̣зхи. хзд̇убхийд̇и бажжаязхи, бадин̃н̃аамад̇д̇знзва авад̇ваа н̃аан̣зна барижчинд̣̇ид̇ваа гааран̣аважанзна жа д̇зсам̣ д̇хаммаанам̣ самудтаабагабажжаязхи жа д̇ам̣ ниссам̣саяам̣ гариссаамийд̇и ад̇т̇о.

Tattha tavesa atthoti pucchitabbako nāma tava esa attho. Yaṃ saṃsayanti yaṃ kismiñcideva atthe saṃsayaṃ karosi, taṃ maṃ puccha. Nissaṃsayatanti ahaṃ taṃ nissaṃsayabhāvaṃ gamemi. Nayehīti kāraṇavacanehi. Ñāyehīti ñāṇehi. Hetubhīti paccayehi, paṭiññāmatteneva avatvā ñāṇena paricchinditvā kāraṇavacanena ca tesaṃ dhammānaṃ samuṭṭhāpakapaccayehi ca taṃ nissaṃsayaṃ karissāmīti attho.

рааж̇аа ааха –

Rājā āha –

1299.

‘‘бужчаами д̇ам̣ наарад̣̇а зд̇амад̇т̇ам̣, будто жа мз наарад̣̇а маа мусаа бхан̣и;

‘‘Pucchāmi taṃ nārada etamatthaṃ, puṭṭho ca me nārada mā musā bhaṇi;

ад̇т̇и ну д̣̇зваа бид̇аро ну ад̇т̇и, лого баро ад̇т̇и ж̇ано яамаахуу’’д̇и.

Atthi nu devā pitaro nu atthi, loko paro atthi jano yamāhū’’ti.

д̇ад̇т̇а ж̇ано яамаахууд̇и яам̣ ж̇ано звамааха – ‘‘ад̇т̇и д̣̇зваа, ад̇т̇и бид̇аро, ад̇т̇и баро лого’’д̇и, д̇ам̣ саб̣б̣ам̣ ад̇т̇и ну код̇и бужчад̇и.

Tattha jano yamāhūti yaṃ jano evamāha – ‘‘atthi devā, atthi pitaro, atthi paro loko’’ti, taṃ sabbaṃ atthi nu khoti pucchati.

наарад̣̇о ааха –

Nārado āha –

1300.

‘‘ад̇т̇зва д̣̇зваа бид̇аро жа ад̇т̇и, лого баро ад̇т̇и ж̇ано яамааху;

‘‘Attheva devā pitaro ca atthi, loko paro atthi jano yamāhu;

гаамзсу г̇ид̣̇д̇хаа жа нараа бамуул̣хаа, логам̣ барам̣ на вид̣̇уу мохаяуд̇д̇аа’’д̇и.

Kāmesu giddhā ca narā pamūḷhā, lokaṃ paraṃ na vidū mohayuttā’’ti.

д̇ад̇т̇а ад̇т̇зва д̣̇зваад̇и махаарааж̇а, д̣̇зваа жа бид̇аро жа ад̇т̇и, яамби ж̇ано баралогамааха, соби ад̇т̇зва. на вид̣̇ууд̇и гаамаг̇ид̣̇д̇хаа бана мохамуул̣хаа ж̇анаа баралогам̣ на вид̣̇анд̇и на ж̇аананд̇ийд̇и.

Tattha attheva devāti mahārāja, devā ca pitaro ca atthi, yampi jano paralokamāha, sopi attheva. Na vidūti kāmagiddhā pana mohamūḷhā janā paralokaṃ na vidanti na jānantīti.

д̇ам̣ суд̇ваа рааж̇аа барихаасам̣ гаронд̇о звамааха –

Taṃ sutvā rājā parihāsaṃ karonto evamāha –

1301.

‘‘ад̇т̇ийд̇и жз наарад̣̇а сад̣̇д̣̇ахааси, нивзсанам̣ баралогз мад̇аанам̣;

‘‘Atthīti ce nārada saddahāsi, nivesanaṃ paraloke matānaṃ;

ид̇хзва мз бан̃жа сад̇аани д̣̇зхи, д̣̇ассаами д̇з баралогз сахасса’’нд̇и.

Idheva me pañca satāni dehi, dassāmi te paraloke sahassa’’nti.

д̇ад̇т̇а нивзсананд̇и ниваасадтаанам̣. бан̃жа сад̇аанийд̇и бан̃жа гахаабан̣асад̇аани.

Tattha nivesananti nivāsaṭṭhānaṃ. Pañca satānīti pañca kahāpaṇasatāni.

ат̇а нам̣ махаасад̇д̇о барисамаж̇жхзязва г̇араханд̇о ааха –

Atha naṃ mahāsatto parisamajjheyeva garahanto āha –

1302.

‘‘д̣̇аж̇ж̇зму ко бан̃жа сад̇аани бход̇о, ж̇ан̃н̃ааму жз сийлаванд̇ам̣ вад̣̇ан̃н̃ум̣;

‘‘Dajjemu kho pañca satāni bhoto, jaññāmu ce sīlavantaṃ vadaññuṃ;

луд̣̇д̣̇ам̣ д̇ам̣ бхонд̇ам̣ нираяз васанд̇ам̣, го жод̣̇аяз баралогз сахассам̣.

Luddaṃ taṃ bhontaṃ niraye vasantaṃ, ko codaye paraloke sahassaṃ.

1303.

‘‘ид̇хзва яо ход̇и ад̇хаммасийло, баабаажааро аласо луд̣̇д̣̇агаммо;

‘‘Idheva yo hoti adhammasīlo, pāpācāro alaso luddakammo;

на бан̣д̣ид̇аа д̇асмим̣ ин̣ам̣ д̣̇ад̣̇анд̇и, на хи ааг̇амо ход̇и д̇ат̇аавид̇хамхаа.

Na paṇḍitā tasmiṃ iṇaṃ dadanti, na hi āgamo hoti tathāvidhamhā.

1304.

‘‘д̣̇агкан̃жа босам̣ мануж̇аа вид̣̇ид̇ваа, удтаанагам̣ сийлаванд̇ам̣ вад̣̇ан̃н̃ум̣;

‘‘Dakkhañca posaṃ manujā viditvā, uṭṭhānakaṃ sīlavantaṃ vadaññuṃ;

саяамзва бхог̇зхи ниманд̇аяанд̇и, гаммам̣ гарид̇ваа буна маахарзсий’’д̇и.

Sayameva bhogehi nimantayanti, kammaṃ karitvā puna māharesī’’ti.

д̇ад̇т̇а ж̇ан̃н̃ааму жзд̇и яад̣̇и маяам̣ бхаванд̇ам̣ ‘‘сийлаваа зса вад̣̇ан̃н̃уу, д̇хаммигасаман̣аб̣раахман̣аанам̣ имасмим̣ гаалз иминаа наамад̇т̇од̇и ж̇аанид̇ваа д̇асса д̇асса гижжасса гаараго вад̣̇ан̃н̃уу’’д̇и ж̇аанзяяаама. ат̇а д̇з вад̣дхияаа бан̃жа сад̇аани д̣̇ад̣̇зяяаама, д̇вам̣ бана луд̣̇д̣̇о саахасиго мижчаад̣̇ассанам̣ г̇ахзд̇ваа д̣̇аанасаалам̣ вид̣̇д̇хам̣сзд̇ваа барад̣̇аарзсу абараж̇жхаси, ид̇о жуд̇о нираяз уббаж̇ж̇иссаси, звам̣ луд̣̇д̣̇ам̣ д̇ам̣ нираяз васанд̇ам̣ бхонд̇ам̣ д̇ад̇т̇а г̇анд̇ваа го ‘‘сахассам̣ мз д̣̇зхий’’д̇и жод̣̇зссад̇и. д̇ат̇аавид̇хамхаад̇и д̇аад̣̇исаа бурисаа д̣̇иннасса ин̣асса буна ааг̇амо наама на ход̇и. д̣̇агканд̇и д̇хануббаад̣̇анагусалам̣. буна маахарзсийд̇и ад̇д̇ано гаммам̣ гарид̇ваа д̇ханам̣ уббаад̣̇зд̇ваа буна амхаагам̣ санд̇агам̣ аахарзяяааси, маа ниггаммо васийд̇и саяамзва бхог̇зхи ниманд̇аяанд̇ийд̇и.

Tattha jaññāmu ceti yadi mayaṃ bhavantaṃ ‘‘sīlavā esa vadaññū, dhammikasamaṇabrāhmaṇānaṃ imasmiṃ kāle iminā nāmatthoti jānitvā tassa tassa kiccassa kārako vadaññū’’ti jāneyyāma. Atha te vaḍḍhiyā pañca satāni dadeyyāma, tvaṃ pana luddo sāhasiko micchādassanaṃ gahetvā dānasālaṃ viddhaṃsetvā paradāresu aparajjhasi, ito cuto niraye uppajjissasi, evaṃ luddaṃ taṃ niraye vasantaṃ bhontaṃ tattha gantvā ko ‘‘sahassaṃ me dehī’’ti codessati. Tathāvidhamhāti tādisā purisā dinnassa iṇassa puna āgamo nāma na hoti. Dakkhanti dhanuppādanakusalaṃ. Puna māharesīti attano kammaṃ karitvā dhanaṃ uppādetvā puna amhākaṃ santakaṃ āhareyyāsi, mā nikkammo vasīti sayameva bhogehi nimantayantīti.

ид̇и рааж̇аа д̇зна ниг̇г̇аяхамаано аббадибхаано ахоси. махааж̇ано хадтад̇удто худ̇ваа ‘‘махид̣̇д̇хиго д̣̇звоби аж̇ж̇а рааж̇аанам̣ мижчаад̣̇ассанам̣ виссаж̇ж̇аабзссад̇ий’’д̇и сагаланаг̇арам̣ згаголаахалам̣ ахоси. махаасад̇д̇ассаанубхаавзна д̇ад̣̇аа сад̇д̇аяож̇анигааяа мит̇илааяа д̇асса д̇хаммад̣̇зсанам̣ ассун̣анд̇о наама наахоси. ат̇а махаасад̇д̇о ‘‘аяам̣ рааж̇аа ад̇ивияа д̣̇ал̣хам̣ мижчаад̣̇ассанам̣ г̇ан̣хи, нираяабхаязна нам̣ санд̇аж̇ж̇зд̇ваа мижчаад̣̇идтим̣ виссаж̇ж̇аабзд̇ваа буна д̣̇звалогзна ассаасзссаамий’’д̇и жинд̇зд̇ваа ‘‘махаарааж̇а, сажз д̣̇идтим̣ на виссаж̇ж̇зссаси, звам̣ ананд̇ад̣̇угкам̣ нираяам̣ г̇амиссасий’’д̇и вад̇ваа нираяагат̇ам̣ бадтабзси –

Iti rājā tena niggayhamāno appaṭibhāno ahosi. Mahājano haṭṭhatuṭṭho hutvā ‘‘mahiddhiko devopi ajja rājānaṃ micchādassanaṃ vissajjāpessatī’’ti sakalanagaraṃ ekakolāhalaṃ ahosi. Mahāsattassānubhāvena tadā sattayojanikāya mithilāya tassa dhammadesanaṃ assuṇanto nāma nāhosi. Atha mahāsatto ‘‘ayaṃ rājā ativiya daḷhaṃ micchādassanaṃ gaṇhi, nirayabhayena naṃ santajjetvā micchādiṭṭhiṃ vissajjāpetvā puna devalokena assāsessāmī’’ti cintetvā ‘‘mahārāja, sace diṭṭhiṃ na vissajjessasi, evaṃ anantadukkhaṃ nirayaṃ gamissasī’’ti vatvā nirayakathaṃ paṭṭhapesi –

1305.

‘‘ид̇о жуд̇о д̣̇агкаси д̇ад̇т̇а рааж̇а, гааголасан̇гхзхи вигассамаанам̣;

‘‘Ito cuto dakkhasi tattha rāja, kākolasaṅghehi vikassamānaṃ;

д̇ам̣ каж̇ж̇амаанам̣ нираяз васанд̇ам̣, гаагзхи г̇иж̇жхзхи жа сзнагзхи;

Taṃ khajjamānaṃ niraye vasantaṃ, kākehi gijjhehi ca senakehi;

сан̃чиннаг̇ад̇д̇ам̣ рухирам̣ саванд̇ам̣, го жод̣̇аяз баралогз сахасса’’нд̇и.

Sañchinnagattaṃ ruhiraṃ savantaṃ, ko codaye paraloke sahassa’’nti.

д̇ад̇т̇а гааголасан̇гхзхийд̇и лохад̇ун̣д̣зхи гаагасан̇гхзхи. вигассамаананд̇и ад̇д̇аанам̣ аагад̣дхияамаанам̣ д̇ад̇т̇а нираяз бассиссаси. д̇анд̇и д̇ам̣ бхаванд̇ам̣.

Tattha kākolasaṅghehīti lohatuṇḍehi kākasaṅghehi. Vikassamānanti attānaṃ ākaḍḍhiyamānaṃ tattha niraye passissasi. Tanti taṃ bhavantaṃ.

д̇ам̣ бана гааголанираяам̣ ван̣н̣зд̇ваа ‘‘сажзби зд̇т̇а на ниб̣б̣ад̇д̇иссаси, логанд̇аранираяз ниб̣б̣ад̇д̇иссасий’’д̇и вад̇ваа д̇ам̣ нираяам̣ д̣̇ассзд̇ум̣ г̇аат̇амааха –

Taṃ pana kākolanirayaṃ vaṇṇetvā ‘‘sacepi ettha na nibbattissasi, lokantaraniraye nibbattissasī’’ti vatvā taṃ nirayaṃ dassetuṃ gāthamāha –

1306.

‘‘анд̇хам̣д̇амам̣ д̇ад̇т̇а на жанд̣̇асуурияаа, нираяо сад̣̇аа д̇умуло гхораруубо;

‘‘Andhaṃtamaṃ tattha na candasūriyā, nirayo sadā tumulo ghorarūpo;

саа нзва рад̇д̇ий на д̣̇иваа бан̃н̃ааяад̇и, д̇ат̇аавид̇хз го вижарз д̇ханад̇т̇иго’’д̇и.

Sā neva rattī na divā paññāyati, tathāvidhe ko vicare dhanatthiko’’ti.

д̇ад̇т̇а анд̇хам̣ д̇аманд̇и махаарааж̇а, яамхи логанд̇аранираяз мижчаад̣̇идтигаа ниб̣б̣ад̇д̇анд̇и, д̇ад̇т̇а жагкувин̃н̃аан̣асса уббад̇д̇инивааран̣ам̣ анд̇хад̇амам̣. сад̣̇аа д̇умулод̇и со нираяо нижжам̣ б̣ахаланд̇хагааро. гхораруубод̇и бхийсанагаж̇аад̇иго. саа нзва рад̇д̇ийд̇и яаа ид̇ха рад̇д̇и д̣̇иваа жа, саа нзва д̇ад̇т̇а бан̃н̃ааяад̇и. го вижарзд̇и го уд̣̇д̇хаарам̣ сод̇хзнд̇о вижариссад̇и.

Tattha andhaṃ tamanti mahārāja, yamhi lokantaraniraye micchādiṭṭhikā nibbattanti, tattha cakkhuviññāṇassa uppattinivāraṇaṃ andhatamaṃ. Sadā tumuloti so nirayo niccaṃ bahalandhakāro. Ghorarūpoti bhīsanakajātiko. Sā neva rattīti yā idha ratti divā ca, sā neva tattha paññāyati. Ko vicareti ko uddhāraṃ sodhento vicarissati.

д̇амбисса логанд̇аранираяам̣ вид̇т̇аарзна ван̣н̣зд̇ваа ‘‘махаарааж̇а, мижчаад̣̇идтим̣ ависсаж̇ж̇знд̇о на гзвалам̣ зд̇ад̣̇зва, ан̃н̃амби д̣̇угкам̣ анубхависсасий’’д̇и д̣̇ассзнд̇о г̇аат̇амааха –

Tampissa lokantaranirayaṃ vitthārena vaṇṇetvā ‘‘mahārāja, micchādiṭṭhiṃ avissajjento na kevalaṃ etadeva, aññampi dukkhaṃ anubhavissasī’’ti dassento gāthamāha –

1307.

‘‘саб̣ало жа саамо жа д̣̇увз суваанаа, бавад̣̇д̇хагааяаа б̣алино маханд̇аа;

‘‘Sabalo ca sāmo ca duve suvānā, pavaddhakāyā balino mahantā;

каад̣̇анд̇и д̣̇анд̇зхи аяомаязхи, ид̇о бан̣уннам̣ баралогабад̇д̇а’’нд̇и.

Khādanti dantehi ayomayehi, ito paṇunnaṃ paralokapatta’’nti.

д̇ад̇т̇а ид̇о бан̣уннанд̇и имамхаа мануссалогаа жуд̇ам̣. барад̇о нираязсуби зсзва наяо. д̇асмаа саб̣б̣аани д̇аани нираяадтаанаани нираяабаалаанам̣ убаггамзхи сад̣̇д̇хим̣ хздтаа вуд̇д̇анаязнзва вид̇т̇аарзд̇ваа д̇аасам̣ д̇аасам̣ г̇аат̇аанам̣ ануд̇д̇аанаани бад̣̇аани ван̣н̣зд̇аб̣б̣аани.

Tattha ito paṇunnanti imamhā manussalokā cutaṃ. Parato nirayesupi eseva nayo. Tasmā sabbāni tāni nirayaṭṭhānāni nirayapālānaṃ upakkamehi saddhiṃ heṭṭhā vuttanayeneva vitthāretvā tāsaṃ tāsaṃ gāthānaṃ anuttānāni padāni vaṇṇetabbāni.

1308.

‘‘д̇ам̣ каж̇ж̇амаанам̣ нираяз васанд̇ам̣, луд̣̇д̣̇зхи ваал̣зхи агхаммиг̇зхи жа;

‘‘Taṃ khajjamānaṃ niraye vasantaṃ, luddehi vāḷehi aghammigehi ca;

сан̃чиннаг̇ад̇д̇ам̣ рухирам̣ саванд̇ам̣, го жод̣̇аяз баралогз сахасса’’нд̇и.

Sañchinnagattaṃ ruhiraṃ savantaṃ, ko codaye paraloke sahassa’’nti.

д̇ад̇т̇а луд̣̇д̣̇зхийд̇и д̣̇аарун̣зхи. ваал̣зхийд̇и д̣̇удтзхи. агхаммиг̇зхийд̇и агхаавахзхи миг̇зхи, д̣̇угкаавахзхи сунакзхийд̇и ад̇т̇о.

Tattha luddehīti dāruṇehi. Vāḷehīti duṭṭhehi. Aghammigehīti aghāvahehi migehi, dukkhāvahehi sunakhehīti attho.

1309.

‘‘усуухи сад̇д̇ийхи жа сунисид̇аахи, хананд̇и виж̇жханд̇и жа бажжамид̇д̇аа;

‘‘Usūhi sattīhi ca sunisitāhi, hananti vijjhanti ca paccamittā;

гаал̣уубагаал̣аа нираяамхи гхорз, буб̣б̣з нарам̣ д̣̇уггадагаммагаари’’нд̇и.

Kāḷūpakāḷā nirayamhi ghore, pubbe naraṃ dukkaṭakammakāri’’nti.

д̇ад̇т̇а хананд̇и виж̇жханд̇и жаад̇и ж̇алид̇ааяа аяабат̇авияам̣ баад̇зд̇ваа сагаласарийрам̣ чид̣̇д̣̇аавачид̣̇д̣̇ам̣ гаронд̇аа бахаранд̇и жзва виж̇жханд̇и жа. гаал̣уубагаал̣аад̇и звам̣наамагаа нираяабаалаа. нираяамхийд̇и д̇асмим̣ д̇зсан̃н̃зва васзна гаал̣уубагаал̣асан̇каад̇з нираяз. д̣̇уггадагаммагааринд̇и мижчаад̣̇идтивасзна д̣̇уггадаанам̣ гаммаанам̣ гаарагам̣.

Tattha hananti vijjhanti cāti jalitāya ayapathaviyaṃ pātetvā sakalasarīraṃ chiddāvachiddaṃ karontā paharanti ceva vijjhanti ca. Kāḷūpakāḷāti evaṃnāmakā nirayapālā. Nirayamhīti tasmiṃ tesaññeva vasena kāḷūpakāḷasaṅkhāte niraye. Dukkaṭakammakārinti micchādiṭṭhivasena dukkaṭānaṃ kammānaṃ kārakaṃ.

1310.

‘‘д̇ам̣ хан̃н̃амаанам̣ нираяз важ̇анд̇ам̣, гужчисмим̣ бассасмим̣ вибпаалид̇ууд̣̇арам̣;

‘‘Taṃ haññamānaṃ niraye vajantaṃ, kucchismiṃ passasmiṃ vipphālitūdaraṃ;

сан̃чиннаг̇ад̇д̇ам̣ рухирам̣ саванд̇ам̣, го жод̣̇аяз баралогз сахасса’’нд̇и.

Sañchinnagattaṃ ruhiraṃ savantaṃ, ko codaye paraloke sahassa’’nti.

д̇ад̇т̇а д̇анд̇и д̇ам̣ бхаванд̇ам̣ д̇ад̇т̇а нираяз д̇ат̇аа хан̃н̃амаанам̣. важ̇анд̇анд̇и ид̇о жид̇о жа д̇хааванд̇ам̣. гужчисминд̇и гужчияан̃жа бассз жа хан̃н̃амаанам̣ виж̇жхияамаананд̇и ад̇т̇о.

Tattha tanti taṃ bhavantaṃ tattha niraye tathā haññamānaṃ. Vajantanti ito cito ca dhāvantaṃ. Kucchisminti kucchiyañca passe ca haññamānaṃ vijjhiyamānanti attho.

1311.

‘‘сад̇д̇ий усуу д̇омарабхин̣д̣иваалаа, вивид̇хаавуд̇хаа вассанд̇и д̇ад̇т̇а д̣̇зваа;

‘‘Sattī usū tomarabhiṇḍivālā, vividhāvudhā vassanti tattha devā;

бад̇анд̇и ан̇г̇аарамиважжиманд̇о, силаасаний вассад̇и луд̣̇д̣̇агаммзд̇и.

Patanti aṅgāramivaccimanto, silāsanī vassati luddakammeti.

д̇ад̇т̇а ан̇г̇аарамиважжиманд̇од̇и ж̇алид̇аан̇г̇аараа вияа ажжиманд̇аа аавуд̇хависзсаа бад̇анд̇и. силаасанийд̇и ж̇алид̇асилаасани. вассад̇и луд̣̇д̣̇агаммзд̇и яат̇аа наама д̣̇звз вассанд̇з асани бад̇ад̇и, звамзва аагаасз самудтааяа жижжидааяамаанам̣ ж̇алид̇асилаавассам̣ д̇зсам̣ луд̣̇д̣̇агаммаанам̣ убари бад̇ад̇и.

Tattha aṅgāramivaccimantoti jalitaaṅgārā viya accimantā āvudhavisesā patanti. Silāsanīti jalitasilāsani. Vassati luddakammeti yathā nāma deve vassante asani patati, evameva ākāse samuṭṭhāya cicciṭāyamānaṃ jalitasilāvassaṃ tesaṃ luddakammānaṃ upari patati.

1312.

‘‘ун̣хо жа ваад̇о нираяамхи д̣̇уссахо, на д̇амхи сукам̣ лаб̣бхад̇и ид̇д̇арамби;

‘‘Uṇho ca vāto nirayamhi dussaho, na tamhi sukhaṃ labbhati ittarampi;

д̇ам̣ д̇ам̣ вид̇хааванд̇амалзнамаад̇урам̣, го жод̣̇аяз баралогз сахасса’’нд̇и.

Taṃ taṃ vidhāvantamalenamāturaṃ, ko codaye paraloke sahassa’’nti.

д̇ад̇т̇а ид̇д̇арамбийд̇и барид̇д̇агамби. вид̇хааванд̇анд̇и вивид̇хаа д̇хааванд̇ам̣.

Tattha ittarampīti parittakampi. Vidhāvantanti vividhā dhāvantaṃ.

1313.

‘‘санд̇хаавамаанамби рат̇зсу яуд̇д̇ам̣, саж̇од̇ибхууд̇ам̣ бат̇авим̣ гаманд̇ам̣;

‘‘Sandhāvamānampi rathesu yuttaṃ, sajotibhūtaṃ pathaviṃ kamantaṃ;

бад̇од̣̇аладтийхи сужод̣̇аяанд̇ам̣, го жод̣̇аяз баралогз сахасса’’нд̇и.

Patodalaṭṭhīhi sucodayantaṃ, ko codaye paraloke sahassa’’nti.

д̇ад̇т̇а рат̇зсу яуд̇д̇анд̇и ваарзна ваарам̣ д̇зсу ж̇алид̇алохарат̇зсу яуд̇д̇ам̣. гаманд̇анд̇и аггамамаанам̣. сужод̣̇аяанд̇анд̇и судту жод̣̇аяанд̇ам̣.

Tattha rathesu yuttanti vārena vāraṃ tesu jalitaloharathesu yuttaṃ. Kamantanti akkamamānaṃ. Sucodayantanti suṭṭhu codayantaṃ.

1314.

‘‘д̇амааруханд̇ам̣ курасан̃жид̇ам̣ г̇ирим̣, вибхим̣санам̣ баж̇ж̇алид̇ам̣ бхаяаанагам̣;

‘‘Tamāruhantaṃ khurasañcitaṃ giriṃ, vibhiṃsanaṃ pajjalitaṃ bhayānakaṃ;

сан̃чиннаг̇ад̇д̇ам̣ рухирам̣ саванд̇ам̣, го жод̣̇аяз баралогз сахасса’’нд̇и.

Sañchinnagattaṃ ruhiraṃ savantaṃ, ko codaye paraloke sahassa’’nti.

д̇ад̇т̇а д̇амааруханд̇анд̇и д̇ам̣ бхаванд̇ам̣ ж̇алид̇аавуд̇хабахаарз асахид̇ваа ж̇алид̇акурзхи сан̃жид̇ам̣ ж̇алид̇алохабаб̣б̣ад̇ам̣ ааруханд̇ам̣.

Tattha tamāruhantanti taṃ bhavantaṃ jalitāvudhapahāre asahitvā jalitakhurehi sañcitaṃ jalitalohapabbataṃ āruhantaṃ.

1315.

‘‘д̇амааруханд̇ам̣ баб̣б̣ад̇асаннигаасам̣, ан̇г̇аарараасим̣ ж̇алид̇ам̣ бхаяаанагам̣;

‘‘Tamāruhantaṃ pabbatasannikāsaṃ, aṅgārarāsiṃ jalitaṃ bhayānakaṃ;

суд̣̇ад̣дхаг̇ад̇д̇ам̣ габан̣ам̣ руд̣̇анд̇ам̣, го жод̣̇аяз баралогз сахасса’’нд̇и.

Sudaḍḍhagattaṃ kapaṇaṃ rudantaṃ, ko codaye paraloke sahassa’’nti.

д̇ад̇т̇а суд̣̇ад̣дхаг̇ад̇д̇анд̇и судту д̣̇ад̣дхасарийрам̣.

Tattha sudaḍḍhagattanti suṭṭhu daḍḍhasarīraṃ.

1316.

‘‘аб̣бхагуудасамаа ужжаа, ган̣даганижид̇аа д̣̇умаа;

‘‘Abbhakūṭasamā uccā, kaṇṭakanicitā dumā;

аяомаязхи д̇игкзхи, наралохид̇абааяибхий’’д̇и.

Ayomayehi tikkhehi, naralohitapāyibhī’’ti.

д̇ад̇т̇а ган̣даганижид̇аад̇и ж̇алид̇аган̣дагзхи жид̇аа. ‘‘аяомаязхий’’д̇и ид̣̇ам̣ язхи ган̣дагзхи аажид̇аа, д̇з д̣̇ассзд̇ум̣ вуд̇д̇ам̣.

Tattha kaṇṭakanicitāti jalitakaṇṭakehi citā. ‘‘Ayomayehī’’ti idaṃ yehi kaṇṭakehi ācitā, te dassetuṃ vuttaṃ.

1317.

‘‘д̇амааруханд̇и наарияо, нараа жа барад̣̇аараг̇уу;

‘‘Tamāruhanti nāriyo, narā ca paradāragū;

жод̣̇ид̇аа сад̇д̇ихад̇т̇зхи, яаманид̣̇д̣̇зсагаарибхий’’д̇и.

Coditā sattihatthehi, yamaniddesakāribhī’’ti.

д̇ад̇т̇а д̇амааруханд̇ийд̇и д̇ам̣ зваруубам̣ симб̣алиругкам̣ ааруханд̇и. яаманид̣̇д̣̇зсагаарибхийд̇и яамасса важанагарзхи, нираяабаалзхийд̇и ад̇т̇о.

Tattha tamāruhantīti taṃ evarūpaṃ simbalirukkhaṃ āruhanti. Yamaniddesakāribhīti yamassa vacanakarehi, nirayapālehīti attho.

1318.

‘‘д̇амааруханд̇ам̣ нираяам̣, симб̣алим̣ рухирамагкид̇ам̣;

‘‘Tamāruhantaṃ nirayaṃ, simbaliṃ ruhiramakkhitaṃ;

вид̣̇ад̣дхагааяам̣ вид̇ажам̣, аад̇урам̣ г̇аал̣хавзд̣̇анам̣.

Vidaḍḍhakāyaṃ vitacaṃ, āturaṃ gāḷhavedanaṃ.

1319.

‘‘бассасанд̇ам̣ мухум̣ ун̣хам̣, буб̣б̣агаммаабараад̇хигам̣;

‘‘Passasantaṃ muhuṃ uṇhaṃ, pubbakammāparādhikaṃ;

д̣̇умаг̇г̇з вид̇ажам̣ г̇ад̇д̇ам̣, го д̇ам̣ яаажзяяа д̇ам̣ д̇хана’’нд̇и.

Dumagge vitacaṃ gattaṃ, ko taṃ yāceyya taṃ dhana’’nti.

д̇ад̇т̇а вид̣̇ад̣дхагааяанд̇и вихим̣сид̇агааяам̣. вид̇ажанд̇и жаммамам̣саанам̣ чид̣̇д̣̇аавачид̣̇д̣̇ам̣ чиннад̇ааяа говил̣аарабубпам̣ вияа гим̣сугабубпам̣ вияа жа.

Tattha vidaḍḍhakāyanti vihiṃsitakāyaṃ. Vitacanti cammamaṃsānaṃ chiddāvachiddaṃ chinnatāya koviḷārapupphaṃ viya kiṃsukapupphaṃ viya ca.

1320.

‘‘аб̣бхагуудасамаа ужжаа, асибад̇д̇аажид̇аа д̣̇умаа;

‘‘Abbhakūṭasamā uccā, asipattācitā dumā;

аяомаязхи д̇игкзхи, наралохид̇абааяибхий’’д̇и.

Ayomayehi tikkhehi, naralohitapāyibhī’’ti.

д̇ад̇т̇а асибад̇д̇аажид̇аад̇и асимаязхи бад̇д̇зхи жид̇аа.

Tattha asipattācitāti asimayehi pattehi citā.

1321.

‘‘д̇амааруханд̇ам̣ асибад̇д̇абаад̣̇абам̣, асийхи д̇игкзхи жа чиж̇ж̇амаанам̣;

‘‘Tamāruhantaṃ asipattapādapaṃ, asīhi tikkhehi ca chijjamānaṃ;

сан̃чиннаг̇ад̇д̇ам̣ рухирам̣ саванд̇ам̣, го жод̣̇аяз баралогз сахасса’’нд̇и.

Sañchinnagattaṃ ruhiraṃ savantaṃ, ko codaye paraloke sahassa’’nti.

д̇ад̇т̇а д̇амааруханд̇анд̇и д̇ам̣ бхаванд̇ам̣ нираяабаалаанам̣ аавуд̇хабахаарз асахид̇ваа ааруханд̇ам̣.

Tattha tamāruhantanti taṃ bhavantaṃ nirayapālānaṃ āvudhapahāre asahitvā āruhantaṃ.

1322.

‘‘д̇ад̇о нигканд̇амад̇д̇ам̣ д̇ам̣, асибад̇д̇аажид̇аа д̣̇умаа;

‘‘Tato nikkhantamattaṃ taṃ, asipattācitā dumā;

самбад̇ид̇ам̣ взд̇аран̣им̣, го д̇ам̣ яаажзяяа д̇ам̣ д̇хана’’нд̇и.

Sampatitaṃ vetaraṇiṃ, ko taṃ yāceyya taṃ dhana’’nti.

д̇ад̇т̇а самбад̇ид̇анд̇и бад̇ид̇ам̣.

Tattha sampatitanti patitaṃ.

1323.

‘‘караа каарод̣̇игаа д̇ад̇д̇аа, д̣̇уг̇г̇аа взд̇аран̣ий над̣̇ий;

‘‘Kharā khārodikā tattā, duggā vetaraṇī nadī;

аяобогкарасан̃чаннаа, д̇игкаа бад̇д̇зхи санд̣̇ад̇и’’.

Ayopokkharasañchannā, tikkhā pattehi sandati’’.

д̇ад̇т̇а караад̇и парусаа. аяобогкарасан̃чаннаад̇и аяомаязхи д̇икин̣абарияанд̇зхи богкарабад̇д̇зхи сан̃чаннаа. бад̇д̇зхийд̇и д̇зхи бад̇д̇зхи саа над̣̇ий д̇игкаа худ̇ваа санд̣̇ад̇и.

Tattha kharāti pharusā. Ayopokkharasañchannāti ayomayehi tikhiṇapariyantehi pokkharapattehi sañchannā. Pattehīti tehi pattehi sā nadī tikkhā hutvā sandati.

1324.

‘‘д̇ад̇т̇а сан̃чиннаг̇ад̇д̇ам̣ д̇ам̣, вуяханд̇ам̣ рухирамагкид̇ам̣;

‘‘Tattha sañchinnagattaṃ taṃ, vuyhantaṃ ruhiramakkhitaṃ;

взд̇аран̃н̃з анааламб̣з, го д̇ам̣ яаажзяяа д̇ам̣ д̇хана’’нд̇и.

Vetaraññe anālambe, ko taṃ yāceyya taṃ dhana’’nti.

д̇ад̇т̇а взд̇аран̃н̃зд̇и взд̇аран̣ийуд̣̇агз.

Tattha vetaraññeti vetaraṇīudake.

имам̣ бана махаасад̇д̇асса нираяагат̇ам̣ суд̇ваа рааж̇аа сам̣виг̇г̇ахад̣̇аяо махаасад̇д̇ан̃н̃зва д̇аан̣аг̇авзсий худ̇ваа ааха –

Imaṃ pana mahāsattassa nirayakathaṃ sutvā rājā saṃviggahadayo mahāsattaññeva tāṇagavesī hutvā āha –

1325.

‘‘взд̇хаами ругко вияа чиж̇ж̇амаано, д̣̇исам̣ на ж̇аанаами бамуул̣хасан̃н̃о;

‘‘Vedhāmi rukkho viya chijjamāno, disaṃ na jānāmi pamūḷhasañño;

бхаяаануд̇аббаами махаа жа мз бхаяаа, суд̇ваана гат̇аа д̇ава бхаасид̇аа исз.

Bhayānutappāmi mahā ca me bhayā, sutvāna kathā tava bhāsitā ise.

1326.

‘‘аад̣̇ид̇д̇з вааримаж̇жхам̣ва, д̣̇ийбам̣вогхз махан̣н̣авз;

‘‘Āditte vārimajjhaṃva, dīpaṃvoghe mahaṇṇave;

анд̇хагаарзва баж̇ж̇од̇о, д̇вам̣ носи саран̣ам̣ исз.

Andhakāreva pajjoto, tvaṃ nosi saraṇaṃ ise.

1327.

‘‘ад̇т̇ан̃жа д̇хаммам̣ анусааса мам̣ исз, ад̇ийд̇амад̣̇д̇хаа абараад̇хид̇ам̣ маяаа;

‘‘Atthañca dhammaṃ anusāsa maṃ ise, atītamaddhā aparādhitaṃ mayā;

аажигка мз наарад̣̇а суд̣̇д̇химаг̇г̇ам̣, яат̇аа ахам̣ но нираяам̣ бад̇зяяа’’нд̇и.

Ācikkha me nārada suddhimaggaṃ, yathā ahaṃ no nirayaṃ pateyya’’nti.

д̇ад̇т̇а бхаяаануд̇аббаамийд̇и ад̇д̇анаа гад̇асса баабасса бхаязна ануд̇аббаами. махаа жа мз бхаяаад̇и маханд̇ан̃жа мз нираяабхаяам̣ уббаннам̣. д̣̇ибам̣вогхзд̇и д̣̇ийбам̣ва огхз. ид̣̇ам̣ вуд̇д̇ам̣ ход̇и – аад̣̇ид̇д̇з гаалз вааримаж̇жхам̣ вияа бхиннанааваанам̣ огхз ан̣н̣авз бад̇идтам̣ алабхамаанаанам̣ д̣̇ийбам̣ вияа анд̇хагаараг̇ад̇аанам̣ баж̇ж̇од̇о вияа жа д̇вам̣ но исз саран̣ам̣ бхава. ад̇ийд̇амад̣̇д̇хаа абараад̇хид̇ам̣ маяаад̇и згам̣сзна маяаа ад̇ийд̇ам̣ гаммам̣ абараад̇хид̇ам̣ вираад̇хид̇ам̣, гусалам̣ ад̇иггамид̇ваа агусаламзва гад̇анд̇и.

Tattha bhayānutappāmīti attanā katassa pāpassa bhayena anutappāmi. Mahā ca me bhayāti mahantañca me nirayabhayaṃ uppannaṃ. Dipaṃvogheti dīpaṃva oghe. Idaṃ vuttaṃ hoti – āditte kāle vārimajjhaṃ viya bhinnanāvānaṃ oghe aṇṇave patiṭṭhaṃ alabhamānānaṃ dīpaṃ viya andhakāragatānaṃ pajjoto viya ca tvaṃ no ise saraṇaṃ bhava. Atītamaddhā aparādhitaṃ mayāti ekaṃsena mayā atītaṃ kammaṃ aparādhitaṃ virādhitaṃ, kusalaṃ atikkamitvā akusalameva katanti.

ат̇асса махаасад̇д̇о висуд̣̇д̇химаг̇г̇ам̣ аажигкид̇ум̣ саммаабадибаннз бораан̣агарааж̇аано уд̣̇аахаран̣авасзна д̣̇ассзнд̇о ааха –

Athassa mahāsatto visuddhimaggaṃ ācikkhituṃ sammāpaṭipanne porāṇakarājāno udāharaṇavasena dassento āha –

1328.

‘‘яат̇аа ахуу д̇хад̇арадто, взссаамид̇д̇о адтаго яаамад̇аг̇г̇и;

‘‘Yathā ahū dhataraṭṭho, vessāmitto aṭṭhako yāmataggi;

усинд̣̇аро жааби сивий жа рааж̇аа, барижаарагаа саман̣аб̣раахман̣аанам̣.

Usindaro cāpi sivī ca rājā, paricārakā samaṇabrāhmaṇānaṃ.

1329.

‘‘зд̇з жан̃н̃з жа рааж̇аано, яз саг̇г̇ависаяам̣ г̇ад̇аа;

‘‘Ete caññe ca rājāno, ye saggavisayaṃ gatā;

ад̇хаммам̣ бариваж̇ж̇зд̇ваа, д̇хаммам̣ жара махийбад̇и.

Adhammaṃ parivajjetvā, dhammaṃ cara mahīpati.

1330.

‘‘аннахад̇т̇аа жа д̇з б̣яамхз, гхосаяанд̇у бурз д̇ава;

‘‘Annahatthā ca te byamhe, ghosayantu pure tava;

‘го чаад̇о го жа д̇асид̇о, го маалам̣ го вилзбанам̣;

‘Ko chāto ko ca tasito, ko mālaṃ ko vilepanaṃ;

наанаарад̇д̇аанам̣ вад̇т̇аанам̣, го наг̇г̇о барид̣̇ахиссад̇и.

Nānārattānaṃ vatthānaṃ, ko naggo paridahissati.

1331.

‘го бант̇з чад̇д̇амаанзд̇и, баад̣̇угаа жа муд̣̇уу субхаа’;

‘Ko panthe chattamāneti, pādukā ca mudū subhā’;

ид̇и сааяан̃жа баад̇о жа, гхосаяанд̇у бурз д̇ава.

Iti sāyañca pāto ca, ghosayantu pure tava.

1332.

‘‘ж̇ин̣н̣ам̣ босам̣ г̇аваассан̃жа, маассу яун̃ж̇а яат̇аа бурз;

‘‘Jiṇṇaṃ posaṃ gavāssañca, māssu yuñja yathā pure;

барихааран̃жа д̣̇аж̇ж̇ааси, ад̇хигаарагад̇о б̣алий’’д̇и.

Parihārañca dajjāsi, adhikārakato balī’’ti.

д̇ад̇т̇а зд̇з жаад̇и яат̇аа зд̇з жа д̇хад̇арадто взссаамид̇д̇о адтаго яаамад̇аг̇г̇и усинд̣̇аро сивийд̇и ча рааж̇аано ан̃н̃з жа д̇хаммам̣ жарид̇ваа саг̇г̇ависаяам̣ г̇ад̇аа, звам̣ д̇вамби ад̇хаммам̣ бариваж̇ж̇зд̇ваа д̇хаммам̣ жара. го чаад̇од̇и махаарааж̇а, д̇ава б̣яамхз бурз рааж̇анивзсанз жзва наг̇арз жа аннахад̇т̇аа бурисаа ‘‘го чаад̇о, го д̇асид̇о’’д̇и д̇зсам̣ д̣̇аад̇угаамад̇ааяа гхосзнд̇у. го мааланд̇и го маалам̣ ижчад̇и, го вилзбанам̣ ижчад̇и, наанаарад̇д̇аанам̣ вад̇т̇аанам̣ яам̣ яам̣ ижчад̇и, д̇ам̣ д̇ам̣ го наг̇г̇о барид̣̇ахиссад̇ийд̇и гхосзнд̇у. го бант̇з чад̇д̇амаанзд̇ийд̇и го бант̇з чад̇д̇ам̣ д̇хаараяиссад̇и. баад̣̇угаа жаад̇и убааханаа жа муд̣̇уу субхаа го ижчад̇и.

Tattha ete cāti yathā ete ca dhataraṭṭho vessāmitto aṭṭhako yāmataggi usindaro sivīti cha rājāno aññe ca dhammaṃ caritvā saggavisayaṃ gatā, evaṃ tvampi adhammaṃ parivajjetvā dhammaṃ cara. Ko chātoti mahārāja, tava byamhe pure rājanivesane ceva nagare ca annahatthā purisā ‘‘ko chāto, ko tasito’’ti tesaṃ dātukāmatāya ghosentu. Ko mālanti ko mālaṃ icchati, ko vilepanaṃ icchati, nānārattānaṃ vatthānaṃ yaṃ yaṃ icchati, taṃ taṃ ko naggo paridahissatīti ghosentu. Ko panthe chattamānetīti ko panthe chattaṃ dhārayissati. Pādukā cāti upāhanā ca mudū subhā ko icchati.

ж̇ин̣н̣ам̣ босанд̇и яо д̇з убадтаагзсу амажжо ваа ан̃н̃о ваа буб̣б̣з гад̇уубагааро ж̇арааж̇ин̣н̣агаалз яат̇аа бораан̣агаалз гаммам̣ гаад̇ум̣ на саггод̇и, язби д̇з г̇аваассаад̣̇аяо ж̇ин̣н̣ад̇ааяа гаммам̣ гаад̇ум̣ на саггонд̇и, д̇зсу згамби буб̣б̣з вияа гаммзсу маа яож̇аяи. ж̇ин̣н̣агааласмин̃хи д̇з д̇аани гаммаани гаад̇ум̣ на саггонд̇и. барихааран̃жаад̇и ид̇ха баривааро ‘‘барихааро’’д̇и вуд̇д̇о. ид̣̇ам̣ вуд̇д̇ам̣ ход̇и – яо жа д̇з б̣алий худ̇ваа ад̇хигаарагад̇о буб̣б̣з гад̇уубагааро ход̇и, д̇асса ж̇арааж̇ин̣н̣агаалз яат̇аабораан̣абариваарам̣ д̣̇ад̣̇зяяааси. асаббурисаа хи ад̇д̇ано убагаарагаанам̣ убагаарам̣ гаад̇ум̣ самад̇т̇агаалзязва саммаанам̣ гаронд̇и, самад̇т̇агаалз бана на ологзнд̇и. саббурисаа бана асамад̇т̇агаалзби д̇зсам̣ д̇ат̇зва саггаарам̣ гаронд̇и, д̇асмаа д̇увамби звам̣ гарзяяаасийд̇и.

Jiṇṇaṃ posanti yo te upaṭṭhākesu amacco vā añño vā pubbe katūpakāro jarājiṇṇakāle yathā porāṇakāle kammaṃ kātuṃ na sakkoti, yepi te gavāssādayo jiṇṇatāya kammaṃ kātuṃ na sakkonti, tesu ekampi pubbe viya kammesu mā yojayi. Jiṇṇakālasmiñhi te tāni kammāni kātuṃ na sakkonti. Parihārañcāti idha parivāro ‘‘parihāro’’ti vutto. Idaṃ vuttaṃ hoti – yo ca te balī hutvā adhikārakato pubbe katūpakāro hoti, tassa jarājiṇṇakāle yathāporāṇaparivāraṃ dadeyyāsi. Asappurisā hi attano upakārakānaṃ upakāraṃ kātuṃ samatthakāleyeva sammānaṃ karonti, samatthakāle pana na olokenti. Sappurisā pana asamatthakālepi tesaṃ tatheva sakkāraṃ karonti, tasmā tuvampi evaṃ kareyyāsīti.

ид̇и махаасад̇д̇о ран̃н̃о д̣̇аанагат̇ан̃жа сийлагат̇ан̃жа гат̇зд̇ваа ид̣̇аани яасмаа аяам̣ рааж̇аа ад̇д̇ано ад̇д̇абхаавз рат̇зна убамзд̇ваа ван̣н̣ияамаанз д̇уссиссад̇и, д̇асмаасса саб̣б̣агаамад̣̇ухарат̇обамааяа д̇хаммам̣ д̣̇зсзнд̇о ааха –

Iti mahāsatto rañño dānakathañca sīlakathañca kathetvā idāni yasmā ayaṃ rājā attano attabhāve rathena upametvā vaṇṇiyamāne tussissati, tasmāssa sabbakāmaduharathopamāya dhammaṃ desento āha –

1333.

‘‘гааяо д̇з рат̇асан̃н̃аад̇о, маносаарат̇иго лаху;

‘‘Kāyo te rathasaññāto, manosārathiko lahu;

авихим̣саасаарид̇агко, сам̣вибхааг̇абадижчад̣̇о.

Avihiṃsāsāritakkho, saṃvibhāgapaṭicchado.

1334.

‘‘баад̣̇асан̃н̃аманзмияо, хад̇т̇асан̃н̃амабагкаро;

‘‘Pādasaññamanemiyo, hatthasaññamapakkharo;

гужчисан̃н̃аманаб̣бханд̇о, ваажаасан̃н̃амагууж̇ано.

Kucchisaññamanabbhanto, vācāsaññamakūjano.

1335.

‘‘сажжаваагяасамад̇д̇ан̇г̇о, абзсун̃н̃асусан̃н̃ад̇о;

‘‘Saccavākyasamattaṅgo, apesuññasusaññato;

г̇ираасакиланзлан̇г̇о, мид̇абхаан̣исилзсид̇о.

Girāsakhilanelaṅgo, mitabhāṇisilesito.

1336.

‘‘сад̣̇д̇хаалобхасусан̇кааро, ниваад̇ан̃ж̇алигуб̣б̣аро;

‘‘Saddhālobhasusaṅkhāro, nivātañjalikubbaro;

ат̇ад̣̇д̇хад̇аанад̇ийсааго, сийласам̣варананд̇хано.

Athaddhatānatīsāko, sīlasaṃvaranandhano.

1337.

‘‘аггод̇ханамануг̇гхаад̇ий, д̇хаммабан̣д̣арачад̇д̇аго;

‘‘Akkodhanamanugghātī, dhammapaṇḍarachattako;

б̣аахусажжамабааламб̣о, тид̇ажид̇д̇амубаад̇хияо.

Bāhusaccamapālambo, ṭhitacittamupādhiyo.

1338.

‘‘гаалан̃н̃уд̇аажид̇д̇асааро, взсаараж̇ж̇ад̇ид̣̇ан̣д̣аго;

‘‘Kālaññutācittasāro, vesārajjatidaṇḍako;

ниваад̇авуд̇д̇ияод̇д̇аго, анад̇имаанаяуг̇о лаху.

Nivātavuttiyottako, anatimānayugo lahu.

1339.

‘‘алийнажид̇д̇асант̇ааро, вуд̣̇д̇хисзвий раж̇охад̇о;

‘‘Alīnacittasanthāro, vuddhisevī rajohato;

сад̇ибад̇од̣̇о д̇хийрасса, д̇хид̇и яог̇о жа расмияо.

Satipatodo dhīrassa, dhiti yogo ca rasmiyo.

1340.

‘‘мано д̣̇анд̇ам̣ бат̇ам̣ нзд̇и, самад̣̇анд̇зхи ваахибхи;

‘‘Mano dantaṃ pathaṃ neti, samadantehi vāhibhi;

ижчаа лобхо жа гуммаг̇г̇о, уж̇умаг̇г̇о жа сам̣яамо.

Icchā lobho ca kummaggo, ujumaggo ca saṃyamo.

1341.

‘‘руубз сад̣̇д̣̇з расз г̇анд̇хз, вааханасса бад̇хаавад̇о;

‘‘Rūpe sadde rase gandhe, vāhanassa padhāvato;

бан̃н̃аа аагоданий рааж̇а, д̇ад̇т̇а ад̇д̇аава саарат̇и.

Paññā ākoṭanī rāja, tattha attāva sārathi.

1342.

‘‘сажз зд̇зна яаанзна, самажарияаа д̣̇ал̣хаа д̇хид̇и;

‘‘Sace etena yānena, samacariyā daḷhā dhiti;

саб̣б̣агаамад̣̇ухо рааж̇а, на ж̇аад̇у нираяам̣ важ̇з’’д̇и.

Sabbakāmaduho rāja, na jātu nirayaṃ vaje’’ti.

д̇ад̇т̇а рат̇асан̃н̃аад̇од̇и махаарааж̇а, д̇ава гааяо рат̇од̇и сан̃н̃аад̇о ход̇у. маносаарат̇игод̇и манасан̇каад̇зна гусалажид̇д̇зна саарат̇инаа саманнааг̇ад̇о. лахууд̇и виг̇ад̇ат̇инамид̣̇д̇хад̇ааяа саллахуго. авихим̣саасаарид̇агкод̇и авихим̣саамаязна саарид̇зна судту баринидтид̇зна агкзна саманнааг̇ад̇о. сам̣вибхааг̇абадижчад̣̇од̇и д̣̇аанасам̣вибхааг̇амаязна бадижчад̣̇зна саманнааг̇ад̇о. баад̣̇асан̃н̃аманзмияод̇и баад̣̇асам̣яамамаяааяа нзмияаа саманнааг̇ад̇о. хад̇т̇асан̃н̃амабагкарод̇и хад̇т̇асам̣яамамаязна багкарзна саманнааг̇ад̇о. гужчисан̃н̃аманаб̣бханд̇од̇и гужчисам̣яамасан̇каад̇зна мид̇абхож̇анамаязна д̇злзна аб̣бханд̇о. ‘‘аб̣бхан̃ж̇ид̇аб̣б̣о наабхи ход̇уу’’д̇иби баато. ваажаасан̃н̃амагууж̇анод̇и ваажаасам̣яамзна агууж̇ано.

Tattha rathasaññātoti mahārāja, tava kāyo rathoti saññāto hotu. Manosārathikoti manasaṅkhātena kusalacittena sārathinā samannāgato. Lahūti vigatathinamiddhatāya sallahuko. Avihiṃsāsāritakkhoti avihiṃsāmayena sāritena suṭṭhu pariniṭṭhitena akkhena samannāgato. Saṃvibhāgapaṭicchadoti dānasaṃvibhāgamayena paṭicchadena samannāgato. Pādasaññamanemiyoti pādasaṃyamamayāya nemiyā samannāgato. Hatthasaññamapakkharoti hatthasaṃyamamayena pakkharena samannāgato. Kucchisaññamanabbhantoti kucchisaṃyamasaṅkhātena mitabhojanamayena telena abbhanto. ‘‘Abbhañjitabbo nābhi hotū’’tipi pāṭho. Vācāsaññamakūjanoti vācāsaṃyamena akūjano.

сажжаваагяасамад̇д̇ан̇г̇од̇и сажжаваагязна барибун̣н̣аан̇г̇о акан̣д̣арат̇ан̇г̇о. абзсун̃н̃асусан̃н̃ад̇од̇и абзсун̃н̃зна судту сан̃н̃ад̇о самуссид̇о. г̇ираасакиланзлан̇г̇од̇и сакилааяа сан̣хаваажааяа нид̣̇д̣̇осан̇г̇о мадтарат̇ан̇г̇о. мид̇абхаан̣исилзсид̇о мид̇абхаан̣асан̇каад̇зна силзсзна судту самб̣анд̇хо. сад̣̇д̇хаалобхасусан̇каарод̇и гаммапаласад̣̇д̣̇аханасад̣̇д̇хаамаязна жа алобхамаязна жа сунд̣̇арзна алан̇гаарзна саманнааг̇ад̇о. ниваад̇ан̃ж̇алигуб̣б̣арод̇и сийлаванд̇аанам̣ ниваад̇амаязна жзва ан̃ж̇алигаммамаязна жа губ̣б̣арзна саманнааг̇ад̇о. ат̇ад̣̇д̇хад̇аанад̇ийсаагод̇и сакиласаммод̣̇абхаавасан̇каад̇ааяа ат̇ад̣̇д̇хад̇ааяа анад̇аийсо, т̇оганад̇аийсод̇и ад̇т̇о. сийласам̣варананд̇ханод̇и акан̣д̣абан̃жасийлажагкунд̣̇рияаад̣̇исам̣варасан̇каад̇ааяа нанд̇ханараж̇ж̇уяаа саманнааг̇ад̇о.

Saccavākyasamattaṅgoti saccavākyena paripuṇṇaaṅgo akhaṇḍarathaṅgo. Apesuññasusaññatoti apesuññena suṭṭhu saññato samussito. Girāsakhilanelaṅgoti sakhilāya saṇhavācāya niddosaṅgo maṭṭharathaṅgo. Mitabhāṇisilesito mitabhāṇasaṅkhātena silesena suṭṭhu sambandho. Saddhālobhasusaṅkhāroti kammaphalasaddahanasaddhāmayena ca alobhamayena ca sundarena alaṅkārena samannāgato. Nivātañjalikubbaroti sīlavantānaṃ nivātamayena ceva añjalikammamayena ca kubbarena samannāgato. Athaddhatānatīsākoti sakhilasammodabhāvasaṅkhātāya athaddhatāya anataīso, thokanataīsoti attho. Sīlasaṃvaranandhanoti akhaṇḍapañcasīlacakkhundriyādisaṃvarasaṅkhātāya nandhanarajjuyā samannāgato.

аггод̇ханамануг̇гхаад̇ийд̇и аггод̇ханабхаавасан̇каад̇зна ануг̇гхаад̇зна саманнааг̇ад̇о. д̇хаммабан̣д̣ара-чад̇д̇агод̇и д̣̇асагусалад̇хаммасан̇каад̇зна бан̣д̣аражчад̇д̇зна саманнааг̇ад̇о. б̣аахусажжамабааламб̣од̇и ад̇т̇асанниссид̇аб̣ахуссуд̇абхаавамаязна абааламб̣зна саманнааг̇ад̇о. тид̇ажид̇д̇амубаад̇хияод̇и логад̇хаммзхи авигамбанабхаавзна судту тид̇азгаг̇г̇абхааваббад̇д̇ажид̇д̇асан̇каад̇зна убаад̇хинаа уд̇д̇арад̇т̇аран̣зна ваа рааж̇аасанзна саманнааг̇ад̇о. гаалан̃н̃уд̇аажид̇д̇асаарод̇и ‘‘аяам̣ д̣̇аанасса д̣̇иннагаало, аяам̣ сийласса рагканагаало’’д̇и звам̣ гаалан̃н̃уд̇аасан̇каад̇зна гаалам̣ ж̇аанид̇ваа гад̇зна жид̇д̇зна гусаласаарзна саманнааг̇ад̇о. ид̣̇ам̣ вуд̇д̇ам̣ ход̇и – яат̇аа, махаарааж̇а, рат̇асса наама аан̣им̣ аад̣̇им̣ гад̇ваа д̣̇аб̣б̣асамбхаараж̇аад̇ам̣ барисуд̣̇д̇хам̣ саарамаяан̃жа ижчид̇аб̣б̣ам̣, зван̃хи со рат̇о ад̣̇д̇хаанагкамо ход̇и, звам̣ д̇аваби гааяарат̇о гаалам̣ ж̇аанид̇ваа гад̇зна жид̇д̇зна барисуд̣̇д̇хзна д̣̇аанаад̣̇игусаласаарзна саманнааг̇ад̇о ход̇ууд̇и. взсаараж̇ж̇ад̇ид̣̇ан̣д̣агод̇и барисамаж̇жхз гат̇знд̇ассаби висаарад̣̇абхаавасан̇каад̇зна д̇ид̣̇ан̣д̣зна саманнааг̇ад̇о. ниваад̇авуд̇д̇ияод̇д̇агод̇и оваад̣̇з бавад̇д̇анасан̇каад̇зна муд̣̇унаа д̇хураяод̇д̇зна саманнааг̇ад̇о . муд̣̇унаа хи д̇хураяод̇д̇зна б̣ад̣̇д̇харат̇ам̣ синд̇хаваа сукам̣ ваханд̇и, звам̣ д̇ава гааяарат̇оби бан̣д̣ид̇аанам̣ оваад̣̇аббавад̇д̇ид̇ааяа ааб̣ад̣̇д̇хо сукам̣ яаад̇ууд̇и ад̇т̇о. анад̇имаанаяуг̇о лахууд̇и анад̇имаанасан̇каад̇зна лахугзна яуг̇зна саманнааг̇ад̇о.

Akkodhanamanugghātīti akkodhanabhāvasaṅkhātena anugghātena samannāgato. Dhammapaṇḍara-chattakoti dasakusaladhammasaṅkhātena paṇḍaracchattena samannāgato. Bāhusaccamapālamboti atthasannissitabahussutabhāvamayena apālambena samannāgato. Ṭhitacittamupādhiyoti lokadhammehi avikampanabhāvena suṭṭhu ṭhitaekaggabhāvappattacittasaṅkhātena upādhinā uttarattharaṇena vā rājāsanena samannāgato. Kālaññutācittasāroti ‘‘ayaṃ dānassa dinnakālo, ayaṃ sīlassa rakkhanakālo’’ti evaṃ kālaññutāsaṅkhātena kālaṃ jānitvā katena cittena kusalasārena samannāgato. Idaṃ vuttaṃ hoti – yathā, mahārāja, rathassa nāma āṇiṃ ādiṃ katvā dabbasambhārajātaṃ parisuddhaṃ sāramayañca icchitabbaṃ, evañhi so ratho addhānakkhamo hoti, evaṃ tavapi kāyaratho kālaṃ jānitvā katena cittena parisuddhena dānādikusalasārena samannāgato hotūti. Vesārajjatidaṇḍakoti parisamajjhe kathentassapi visāradabhāvasaṅkhātena tidaṇḍena samannāgato. Nivātavuttiyottakoti ovāde pavattanasaṅkhātena mudunā dhurayottena samannāgato . Mudunā hi dhurayottena baddharathaṃ sindhavā sukhaṃ vahanti, evaṃ tava kāyarathopi paṇḍitānaṃ ovādappavattitāya ābaddho sukhaṃ yātūti attho. Anatimānayugo lahūti anatimānasaṅkhātena lahukena yugena samannāgato.

алийнажид̇д̇асант̇аарод̇и яат̇аа рат̇о наама д̣̇анд̇амаязна ул̣аарзна сант̇аарзна собхад̇и, звам̣ д̇ава гааяарат̇оби д̣̇аанаад̣̇инаа алийнаасан̇гудид̇ажид̇д̇асант̇ааро ход̇у. вуд̣̇д̇хисзвий раж̇охад̇од̇и яат̇аа рат̇о наама висамзна раж̇удтаанамаг̇г̇зна г̇ажчанд̇о раж̇огин̣н̣о на собхад̇и, самзна вираж̇зна маг̇г̇зна г̇ажчанд̇о собхад̇и, звам̣ д̇ава гааяарат̇оби бан̃н̃аавуд̣̇д̇хисзвид̇ааяа самад̇алам̣ уж̇умаг̇г̇ам̣ бадибаж̇ж̇ид̇ваа хад̇араж̇о ход̇у. сад̇ибад̇од̣̇о д̇хийрассаад̇и бан̣д̣ид̇асса д̇ава д̇асмим̣ гааяарат̇з субад̇идтид̇асад̇ибад̇од̣̇о ход̇у. д̇хид̇и яог̇о жа расмияод̇и аб̣б̣ожчиннавийрияасан̇каад̇аа д̇хид̇и жа хид̇аббадибад̇д̇ияам̣ яун̃ж̇анабхаавасан̇каад̇о яог̇о жа д̇ава д̇асмим̣ гааяарат̇з ваддид̇аа т̇ираа расмияо хонд̇у. мано д̣̇анд̇ам̣ бат̇ам̣ нзд̇и, самад̣̇анд̇зхи ваахибхийд̇и яат̇аа рат̇о наама висамад̣̇анд̇зхи синд̇хавзхи уббат̇ам̣ яаад̇и, самад̣̇анд̇зхи самасигкид̇зхи яуд̇д̇о уж̇убат̇амзва анвзд̇и, звам̣ маноби д̣̇анд̇ам̣ ниб̣б̣исзванам̣ гуммаг̇г̇ам̣ бахааяа уж̇умаг̇г̇ам̣ г̇ан̣хаад̇и. д̇асмаа суд̣̇анд̇ам̣ аажаарасамбаннам̣ жид̇д̇ам̣ д̇ава гааяарат̇асса синд̇хавагижжам̣ саад̇хзд̇у. ижчаалобхо жаад̇и аббад̇д̇зсу вад̇т̇уусу ижчаа, бад̇д̇зсу лобход̇и аяам̣ ижчаа жа лобхо жа гуммаг̇г̇о наама. гудило ануж̇умаг̇г̇о абааяамзва нзд̇и. д̣̇асагусалагаммабат̇авасзна бана адтан̇г̇игамаг̇г̇авасзна ваа бавад̇д̇о сийласам̣яамо уж̇умаг̇г̇о наама. со д̇ава гааяарат̇асса маг̇г̇о ход̇у.

Alīnacittasanthāroti yathā ratho nāma dantamayena uḷārena santhārena sobhati, evaṃ tava kāyarathopi dānādinā alīnaasaṅkuṭitacittasanthāro hotu. Vuddhisevī rajohatoti yathā ratho nāma visamena rajuṭṭhānamaggena gacchanto rajokiṇṇo na sobhati, samena virajena maggena gacchanto sobhati, evaṃ tava kāyarathopi paññāvuddhisevitāya samatalaṃ ujumaggaṃ paṭipajjitvā hatarajo hotu. Satipatodo dhīrassāti paṇḍitassa tava tasmiṃ kāyarathe supatiṭṭhitasatipatodo hotu. Dhiti yogo ca rasmiyoti abbocchinnavīriyasaṅkhātā dhiti ca hitappaṭipattiyaṃ yuñjanabhāvasaṅkhāto yogo ca tava tasmiṃ kāyarathe vaṭṭitā thirā rasmiyo hontu. Mano dantaṃ pathaṃ neti, samadantehi vāhibhīti yathā ratho nāma visamadantehi sindhavehi uppathaṃ yāti, samadantehi samasikkhitehi yutto ujupathameva anveti, evaṃ manopi dantaṃ nibbisevanaṃ kummaggaṃ pahāya ujumaggaṃ gaṇhāti. Tasmā sudantaṃ ācārasampannaṃ cittaṃ tava kāyarathassa sindhavakiccaṃ sādhetu. Icchālobho cāti appattesu vatthūsu icchā, pattesu lobhoti ayaṃ icchā ca lobho ca kummaggo nāma. Kuṭilo anujumaggo apāyameva neti. Dasakusalakammapathavasena pana aṭṭhaṅgikamaggavasena vā pavatto sīlasaṃyamo ujumaggo nāma. So tava kāyarathassa maggo hotu.

руубзд̇и зд̇зсу манаабиязсу руубаад̣̇ийсу гаамаг̇ун̣зсу нимид̇д̇ам̣ г̇ахзд̇ваа д̇хааванд̇асса д̇ава гааяарат̇асса уббат̇ам̣ бадибаннасса рааж̇арат̇асса синд̇хавз аагодзд̇ваа нивааран̣абад̇од̣̇аяадти вияа бан̃н̃аа аагоданий ход̇у. саа хи д̇ам̣ уббат̇аг̇аманад̇о ниваарзд̇ваа уж̇ум̣ сужарид̇амаг̇г̇ам̣ ааробзссад̇и. д̇ад̇т̇а ад̇д̇аава саарат̇ийд̇и д̇асмим̣ бана д̇з гааяарат̇з ан̃н̃о саарат̇и наама над̇т̇и, д̇ава ад̇д̇аава саарат̇и ход̇у. сажз зд̇зна яаанзнаад̇и махаарааж̇а, яассзд̇ам̣ зваруубам̣ яаанам̣ сажз ад̇т̇и, зд̇зна яаанзна. самажарияаа д̣̇ал̣хаа д̇хид̇ийд̇и яасса самажарияаа жа д̇хид̇и жа д̣̇ал̣хаа ход̇и т̇ираа, со зд̇зна яаанзна яасмаа зса рат̇о саб̣б̣агаамад̣̇ухо рааж̇а, яат̇аад̇хиббзд̇з саб̣б̣агаамз д̣̇зд̇и, д̇асмаа на ж̇аад̇у нираяам̣ важ̇з, згам̣сзнзд̇ам̣ д̇хаарзхи, зваруубзна яаанзна нираяам̣ на г̇ажчасийд̇и ад̇т̇о. ид̇и ко, махаарааж̇а, яам̣ мам̣ аважа ‘‘аажигка мз, наарад̣̇а, суд̣̇д̇химаг̇г̇ам̣, яат̇аа ахам̣ но нираяз бад̇зяяа’’нд̇и, аяам̣ д̇з со маяаа анзгабарияааязна агкаад̇од̇и.

Rūpeti etesu manāpiyesu rūpādīsu kāmaguṇesu nimittaṃ gahetvā dhāvantassa tava kāyarathassa uppathaṃ paṭipannassa rājarathassa sindhave ākoṭetvā nivāraṇapatodayaṭṭhi viya paññā ākoṭanī hotu. Sā hi taṃ uppathagamanato nivāretvā ujuṃ sucaritamaggaṃ āropessati. Tattha attāva sārathīti tasmiṃ pana te kāyarathe añño sārathi nāma natthi, tava attāva sārathi hotu. Sace etena yānenāti mahārāja, yassetaṃ evarūpaṃ yānaṃ sace atthi, etena yānena. Samacariyā daḷhā dhitīti yassa samacariyā ca dhiti ca daḷhā hoti thirā, so etena yānena yasmā esa ratho sabbakāmaduho rāja, yathādhippete sabbakāme deti, tasmā na jātu nirayaṃ vaje, ekaṃsenetaṃ dhārehi, evarūpena yānena nirayaṃ na gacchasīti attho. Iti kho, mahārāja, yaṃ maṃ avaca ‘‘ācikkha me, nārada, suddhimaggaṃ, yathā ahaṃ no niraye pateyya’’nti, ayaṃ te so mayā anekapariyāyena akkhātoti.

звамасса д̇хаммам̣ д̣̇зсзд̇ваа мижчаад̣̇идтим̣ ж̇ахаабзд̇ваа сийлз бад̇идтаабзд̇ваа ‘‘ид̇о бадтааяа баабамид̇д̇з бахааяа галяаан̣амид̇д̇з убасан̇гама, нижжам̣ аббамад̇д̇о хохий’’д̇и оваад̣̇ам̣ д̣̇ад̇ваа рааж̇ад̇хийд̇у г̇ун̣ам̣ ван̣н̣зд̇ваа рааж̇абарисааяа жа рааж̇ород̇хаанан̃жа оваад̣̇ам̣ д̣̇ад̇ваа маханд̇знаанубхаавзна д̇зсам̣ бассанд̇аанан̃н̃зва б̣рахмалогам̣ г̇ад̇о.

Evamassa dhammaṃ desetvā micchādiṭṭhiṃ jahāpetvā sīle patiṭṭhāpetvā ‘‘ito paṭṭhāya pāpamitte pahāya kalyāṇamitte upasaṅkama, niccaṃ appamatto hohī’’ti ovādaṃ datvā rājadhītu guṇaṃ vaṇṇetvā rājaparisāya ca rājorodhānañca ovādaṃ datvā mahantenānubhāvena tesaṃ passantānaññeva brahmalokaṃ gato.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби маяаа д̣̇идтиж̇аалам̣ бхинд̣̇ид̇ваа урувзлагассабо д̣̇амид̇оязваа’’д̇и вад̇ваа ж̇аад̇агам̣ самод̇хаанзнд̇о имаа г̇аат̇аа абхааси –

Satthā imaṃ dhammadesanaṃ āharitvā ‘‘na, bhikkhave, idāneva, pubbepi mayā diṭṭhijālaṃ bhinditvā uruvelakassapo damitoyevā’’ti vatvā jātakaṃ samodhānento imā gāthā abhāsi –

1343.

‘‘алаад̇о д̣̇звад̣̇ад̇д̇оси, сунаамо ааси бхад̣̇д̣̇аж̇и;

‘‘Alāto devadattosi, sunāmo āsi bhaddaji;

виж̇аяо саарибуд̇д̇оси, мог̇г̇аллааноси б̣ийж̇аго.

Vijayo sāriputtosi, moggallānosi bījako.

1344.

‘‘сунагкад̇д̇о лижчавибуд̇д̇о, г̇ун̣о ааси ажзлаго;

‘‘Sunakkhatto licchaviputto, guṇo āsi acelako;

аананд̣̇о саа ружаа ааси, яаа рааж̇аанам̣ басаад̣̇аяи.

Ānando sā rucā āsi, yā rājānaṃ pasādayi.

1345.

‘‘урувзлагассабо рааж̇аа, баабад̣̇идти д̇ад̣̇аа аху;

‘‘Uruvelakassapo rājā, pāpadiṭṭhi tadā ahu;

махааб̣рахмаа б̣од̇хисад̇д̇о, звам̣ д̇хаарзт̇а ж̇аад̇ага’’нд̇и.

Mahābrahmā bodhisatto, evaṃ dhāretha jātaka’’nti.

махаанаарад̣̇агассабаж̇аад̇агаван̣н̣анаа адтамаа.

Mahānāradakassapajātakavaṇṇanā aṭṭhamā.

Next: [546] 9. вид̇хураж̇аад̇агаван̣н̣анаа • [546] 9. Vidhurajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 545. махаанаарад̣̇агассабаж̇аад̇агам̣ • 545. Mahānāradakassapajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact