2. махаанид̣̇аанасуд̇д̇аван̣н̣анаа

нид̣̇аанаван̣н̣анаа

95. звам̣ мз суд̇ам̣…бз… гуруусууд̇и махаанид̣̇аанасуд̇д̇ам̣. д̇ад̇рааяам̣ ануд̇д̇аанабад̣̇аван̣н̣анаа. гуруусу вихарад̇ийд̇и гуруу наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийсад̣̇д̣̇зна ‘‘гуруу’’д̇и вужжад̇и. д̇асмим̣ гуруусу ж̇анабад̣̇з. адтагат̇аажарияаа банааху – манд̇хаад̇угаалз д̇ийсу д̣̇ийбзсу мануссаа ‘‘ж̇амб̣уд̣̇ийбо наама б̣уд̣̇д̇хабажжзгаб̣уд̣̇д̇хамахаасаавагажаггавад̇д̇иббабхуд̇ийнам̣ уд̇д̇амамануссаанам̣ уббад̇д̇ибхууми уд̇д̇амад̣̇ийбо ад̇ираман̣ийяо’’д̇и суд̇ваа ран̃н̃аа манд̇хаад̇ужаггавад̇д̇инаа жаггарад̇анам̣ бурагкад̇ваа жад̇д̇ааро д̣̇ийбз анусам̣яааяанд̇зна сад̣̇д̇хим̣ ааг̇амам̣су. д̇ад̇о рааж̇аа барин̣ааяагарад̇анам̣ бужчи – ‘‘ад̇т̇и ну ко мануссалогад̇о раман̣ийяад̇арам̣ таана’’нд̇и. гасмаа д̣̇зва звам̣ бхан̣аси? гим̣ на бассаси жанд̣̇имасуурияаанам̣ аанубхаавам̣, нану зд̇зсам̣ таанам̣ ид̇о раман̣ийяад̇аранд̇и? рааж̇аа жаггарад̇анам̣ бурагкад̇ваа д̇ад̇т̇а аг̇амааси. жад̇д̇ааро махаарааж̇аано – ‘‘манд̇хаад̇умахаарааж̇аа ааг̇ад̇о’’д̇и суд̇ваава ‘‘махид̣̇д̇хиго махаанубхааво рааж̇аа, на саггаа яуд̣̇д̇хзна бадиб̣аахид̇у’’нд̇и сагам̣ раж̇ж̇ам̣ нияяаад̇зсум̣. со д̇ам̣ г̇ахзд̇ваа буна бужчи – ‘‘ад̇т̇и ну ко ид̇о раман̣ийяад̇арам̣ таана’’нд̇и?

ат̇асса д̇аавад̇им̣сабхаванам̣ гат̇аяим̣су. ‘‘д̇аавад̇им̣сабхаванам̣, д̣̇зва, ид̇о раман̣ийяад̇арам̣. д̇ад̇т̇а саггасса д̣̇зваран̃н̃о имз жад̇д̇ааро махаарааж̇аано барижаарагаа д̣̇овааригабхуумияам̣ д̇идтанд̇и, сагго д̣̇зварааж̇аа махид̣̇д̇хиго махаанубхааво, д̇ассимаани убабхог̇адтаанаани – яож̇анасахассуб̣б̣зд̇хо взж̇аяанд̇о баасаад̣̇о, бан̃жаяож̇анасад̇уб̣б̣зд̇хаа суд̇хаммаа д̣̇звасабхаа, д̣̇ияад̣дхаяож̇анасад̇иго взж̇аяанд̇арат̇о д̇ат̇аа зрааван̣о хад̇т̇ий , д̣̇иб̣б̣аругкасахассаббадиман̣д̣ид̇ам̣ нанд̣̇анаванам̣, жид̇д̇алад̇ааванам̣, паарусагаванам̣, миссагаванам̣, яож̇анасад̇уб̣б̣зд̇хо баарижчад̇д̇аго говил̣ааро, д̇асса хздтаа садтияож̇анааяаамаа бан̃н̃аасаяож̇анавид̇т̇ад̇аа бан̃жад̣̇асаяож̇ануб̣б̣зд̇хаа ж̇аяагусумабубпаван̣н̣аа бан̣д̣угамб̣аласилаа, яассаа муд̣̇уд̇ааяа саггасса нисийд̣̇ад̇о убад̣дхагааяо анубависад̇ий’’д̇и.

д̇ам̣ суд̇ваа рааж̇аа д̇ад̇т̇а г̇анд̇угаамо жаггарад̇анам̣ аб̣бхуггири. д̇ам̣ аагаасз бад̇идтааси сад̣̇д̇хим̣ жад̇уран̇г̇инияаа сзнааяа. ат̇а д̣̇виннам̣ д̣̇звалогаанам̣ взмаж̇жхад̇о жаггарад̇анам̣ од̇арид̇ваа бат̇авияам̣ бад̇идтааси сад̣̇д̇хим̣ барин̣ааяагарад̇анабамукааяа жад̇уран̇г̇инияаа сзнааяа. рааж̇аа згагова д̇аавад̇им̣сабхаванам̣ аг̇амааси. сагго – ‘‘манд̇хаад̇аа ааг̇ад̇о’’д̇и суд̇ваава д̇асса бажжуг̇г̇аманам̣ гад̇ваа – ‘‘свааг̇ад̇ам̣, д̇з махаарааж̇а, сагам̣ д̇з махаарааж̇а, анусааса махаарааж̇аа’’д̇и вад̇ваа сад̣̇д̇хим̣ наадагзхи раж̇ж̇ам̣ д̣̇вз бхааг̇з гад̇ваа згам̣ бхааг̇амад̣̇ааси. ран̃н̃о д̇аавад̇им̣сабхаванз бад̇идтид̇амад̇д̇ассзва мануссабхааво виг̇ажчи, д̣̇звабхааво баад̇урахоси. д̇асса гира саггзна сад̣̇д̇хим̣ бан̣д̣угамб̣аласилааяам̣ нисиннасса агкинимисамад̇д̇зна наанад̇д̇ам̣ бан̃н̃ааяад̇и. д̇ам̣ асаллагкзнд̇аа д̣̇зваа саггасса жа д̇асса жа наанад̇д̇з муяханд̇и. со д̇ад̇т̇а д̣̇иб̣б̣асамбад̇д̇им̣ анубхавамаано яаава чад̇д̇им̣са саггаа уббаж̇ж̇ид̇ваа жуд̇аа, д̇аава раж̇ж̇ам̣ гаарзд̇ваа ад̇ид̇д̇ова гаамзхи д̇ад̇о жавид̇ваа ад̇д̇ано уяяаанз бад̇идтид̇о ваад̇аад̇абзна пудтаг̇ад̇д̇о гааламагааси.

жаггарад̇анз бана буна бат̇авияам̣ бад̇идтид̇з барин̣ааяагарад̇анам̣ суван̣н̣абаддз манд̇хаад̇у убааханам̣ ликаабзд̇ваа ид̣̇ам̣ манд̇хаад̇у раж̇ж̇анд̇и раж̇ж̇аманусааси. д̇зби д̇ийхи д̣̇ийбзхи ааг̇ад̇амануссаа буна г̇анд̇ум̣ асаггонд̇аа барин̣ааяагарад̇анам̣ убасан̇гамид̇ваа – ‘‘д̣̇зва, маяам̣ ран̃н̃о аанубхаавзна ааг̇ад̇аа, ид̣̇аани г̇анд̇ум̣ на саггома, васанадтаанам̣ но д̣̇зхий’’д̇и яаажим̣су. со д̇зсам̣ згамзгам̣ ж̇анабад̣̇амад̣̇ааси. д̇ад̇т̇а буб̣б̣авид̣̇зхад̇о ааг̇ад̇амануссзхи аавасид̇абад̣̇зсо д̇ааязва буримасан̃н̃ааяа – ‘‘вид̣̇зхарадта’’нд̇и наамам̣ лабхи, абараг̇ояаанад̇о ааг̇ад̇амануссзхи аавасид̇абад̣̇зсо ‘‘абаранд̇аж̇анабад̣̇о’’д̇и наамам̣ лабхи, уд̇д̇арагуруд̇о ааг̇ад̇амануссзхи аавасид̇абад̣̇зсо ‘‘гурурадта’’нд̇и наамам̣ лабхи, б̣ахугз бана г̇ааманиг̇амаад̣̇аяо убаад̣̇ааяа б̣ахуважанзна вохарияад̇и. д̇зна вуд̇д̇ам̣ – ‘‘гуруусу вихарад̇ий’’д̇и.

гаммаасад̇хаммам̣ наама гуруунам̣ ниг̇амод̇и гаммаасад̇хамманд̇и зд̇т̇а гзжи д̇ха-гаарасса д̣̇а-гаарзна ад̇т̇ам̣ ван̣н̣аяанд̇и. гаммаасо зд̇т̇а д̣̇амид̇од̇и гаммаасад̣̇аммо. гаммаасод̇и гаммаасабаад̣̇о борисаад̣̇о вужжад̇и. д̇асса гира баад̣̇з каан̣угзна вид̣̇д̇хадтаанз ван̣о руханд̇о жид̇д̇ад̣̇аарусад̣̇исо худ̇ваа рухи. д̇асмаа гаммаасабаад̣̇од̇и бан̃н̃ааяид̇т̇а. со жа д̇асмим̣ огаасз д̣̇амид̇о борисаад̣̇абхаавад̇о бадисзд̇хид̇о . гзна? махаасад̇д̇зна. гад̇арасмим̣ ж̇аад̇агзд̇и? махаасуд̇асомаж̇аад̇агзд̇и згз. имз бана т̇зраа ж̇аяад̣̇д̣̇исаж̇аад̇агзд̇и вад̣̇анд̇и. д̇ад̣̇аа хи махаасад̇д̇зна гаммаасабаад̣̇о д̣̇амид̇о. яат̇ааха –

‘‘буд̇д̇о яад̣̇аа хоми ж̇аяад̣̇д̣̇исасса;

бан̃жааларадтад̇хибад̇исса ад̇раж̇о.

жаж̇ид̇ваана баан̣ам̣ бид̇арам̣ баможаяим̣;

гаммаасабаад̣̇амби жахам̣ басаад̣̇аяи’’нд̇и.

гзжи бана д̇ха-гаарзнзва ад̇т̇ам̣ ван̣н̣аяанд̇и. гуруурадтаваасийнам̣ гира гурувад̇д̇ад̇хаммо, д̇асмим̣ гаммаасо ж̇аад̇о, д̇асмаа д̇ам̣ таанам̣ гаммаасо зд̇т̇а д̇хаммо ж̇аад̇од̇и гаммаасад̇хамманд̇и вужжад̇и. д̇ад̇т̇а нивидтаниг̇амассааби зд̇ад̣̇зва наамам̣. бхуммаважанзна гасмаа на вуд̇д̇анд̇и. авасаногаасад̇о. бхаг̇авад̇о гира д̇асмим̣ ниг̇амз васаногаасо гожи вихааро наама наахоси. ниг̇амад̇о бана абаггамма ан̃н̃ад̇арасмим̣ уд̣̇агасамбаннз раман̣ийяз бхуумибхааг̇з махааванасан̣д̣о ахоси д̇ад̇т̇а бхаг̇аваа вихааси, д̇ам̣ ниг̇амам̣ г̇ожараг̇аамам̣ гад̇ваа. д̇асмаа звамзд̇т̇а ад̇т̇о взд̣̇ид̇аб̣б̣о – ‘‘гуруусу вихарад̇и гаммаасад̇хаммам̣ наама гуруунам̣ ниг̇амо, д̇ам̣ г̇ожараг̇аамам̣ гад̇ваа’’д̇и.

ааяасмаад̇и бияаважанамзд̇ам̣, г̇аарававажанамзд̇ам̣. аананд̣̇од̇и д̇асса т̇зрасса наамам̣. згаманд̇анд̇и бхааванабум̣саганид̣̇д̣̇зсо – ‘‘висамам̣ жанд̣̇имасуурияаа баривад̇д̇анд̇ий’’д̇иаад̣̇ийсу (а. ни. 4.70) вияа. д̇асмаа яат̇аа нисинно згаманд̇ам̣ нисинно ход̇и, д̇ат̇аа нисийд̣̇ийд̇и звамзд̇т̇а ад̇т̇о д̣̇адтаб̣б̣о. бхуммад̇т̇з ваа зд̇ам̣ убаяог̇аважанам̣ нисийд̣̇ийд̇и убаависи. бан̣д̣ид̇аа хи г̇арудтаанияам̣ убасан̇гамид̇ваа аасанагусалад̇ааяа згаманд̇ам̣ нисийд̣̇анд̇и. аяан̃жа д̇зсам̣ ан̃н̃ад̇аро, д̇асмаа згаманд̇ам̣ нисийд̣̇и.

гат̇ам̣ нисинно ко бана згаманд̇ам̣ нисинно ход̇ийд̇и? ча нисаж̇ж̇ад̣̇осз важ̇ж̇зд̇ваа. сзяяат̇ид̣̇ам̣ – ад̇ид̣̇уурам̣, ажжаасаннам̣, убариваад̇ам̣, уннад̇аббад̣̇зсам̣, ад̇исаммукам̣, ад̇ибажчаад̇и. ад̇ид̣̇уурз нисинно хи сажз гат̇зд̇угаамо ход̇и, ужжаасад̣̇д̣̇зна гат̇зд̇аб̣б̣ам̣ ход̇и. ажжаасаннз нисинно сан̇гхадданам̣ гарод̇и. убариваад̇з нисинно сарийраг̇анд̇хзна б̣аад̇хад̇и. уннад̇аббад̣̇зсз нисинно аг̇ааравам̣ багаасзд̇и. ад̇исаммукаа нисинно сажз д̣̇адтугаамо ход̇и, жагкунаа жагкум̣ аахажжа д̣̇адтаб̣б̣ам̣ ход̇и. ад̇ибажчаа нисинно сажз д̣̇адтугаамо ход̇и, г̇ийвам̣ баривад̇д̇зд̇ваа д̣̇адтаб̣б̣ам̣ ход̇и. д̇асмаа аяамби д̇игкад̇д̇ум̣ бхаг̇аванд̇ам̣ бад̣̇агкин̣ам̣ гад̇ваа саггажжам̣ ванд̣̇ид̇ваа зд̇з ча нисаж̇ж̇ад̣̇осз важ̇ж̇зд̇ваа д̣̇агкин̣аж̇аан̣уман̣д̣аласса абхимукадтаанз чаб̣б̣ан̣н̣аанам̣ б̣уд̣̇д̇харасмийнам̣ анд̇о бависид̇ваа басанналаакаарасам̣ виг̇ааханд̇о вияа суван̣н̣абадам̣ баарубанд̇о вияа рад̇д̇уббаламаалаавид̇аанамаж̇жхам̣ бависанд̇о вияа жа д̇хаммабхан̣д̣ааг̇аариго ааяасмаа аананд̣̇о нисийд̣̇и. д̇зна вуд̇д̇ам̣ – ‘‘згаманд̇ам̣ нисийд̣̇ий’’д̇и.

гааяа бана взлааяа, гзна гааран̣зна аяамааяасмаа бхаг̇аванд̇ам̣ убасан̇гаманд̇од̇и? сааяанхавзлааяам̣ бажжаяаагаарабан̃хабужчанагааран̣зна. д̇ам̣ д̣̇ивасам̣ гирааяамааяасмаа гуласан̇г̇ахад̇т̇ааяа гхарад̣̇ваарз гхарад̣̇ваарз сахассабхан̣д̣игам̣ нигкибанд̇о вияа гаммаасад̇хаммаг̇аамам̣ бин̣д̣ааяа жарид̇ваа бин̣д̣абаад̇абадигганд̇о сад̇т̇у вад̇д̇ам̣ д̣̇ассзд̇ваа сад̇т̇ари г̇анд̇хагудим̣ бавидтз сад̇т̇аарам̣ ванд̣̇ид̇ваа ад̇д̇ано д̣̇иваадтаанам̣ г̇анд̇ваа анд̇зваасигзсу вад̇д̇ам̣ д̣̇ассзд̇ваа бадигганд̇зсу д̣̇иваадтаанам̣ бадисаммаж̇ж̇ид̇ваа жаммагкан̣д̣ам̣ бан̃н̃абзд̇ваа уд̣̇агад̇умб̣ад̇о уд̣̇агам̣ г̇ахзд̇ваа уд̣̇агзна хад̇т̇абаад̣̇з сийд̇алз гад̇ваа баллан̇гам̣ аабхуж̇ид̇ваа нисинно сод̇аабад̇д̇ипаласамаабад̇д̇им̣ самаабаж̇ж̇и. ат̇а барижчиннагаалавасзна самаабад̇д̇ид̇о удтааяа бажжаяаагаарз н̃аан̣ам̣ од̇аарзси. со – ‘‘авиж̇ж̇аабажжаяаа сан̇каараа’’д̇иаад̣̇ид̇о бадтааяа анд̇ам̣, анд̇ад̇о бадтааяа аад̣̇им̣, убхаяанд̇ад̇о бадтааяа маж̇жхам̣, маж̇жхад̇о бадтааяа убхо анд̇з баабзнд̇о д̇игкад̇д̇ум̣ д̣̇ваад̣̇асабад̣̇ам̣ бажжаяаагаарам̣ саммаси. д̇ассзвам̣ саммасанд̇асса бажжаяаагааро вибхууд̇о худ̇ваа уд̇д̇аанагуд̇д̇аанаго вияа убадтааси.

д̇ад̇о жинд̇зси – ‘‘аяам̣ бажжаяаагааро саб̣б̣аб̣уд̣̇д̇хзхи – ‘г̇амбхийро жзва г̇амбхийраавабхаасо жаа’д̇и гат̇ид̇о, маяхам̣ ко бана бад̣̇зсан̃аан̣з тид̇асса саавагасса сад̇о уд̇д̇аано вибхууд̇о баагадо худ̇ваа убадтаад̇и, маяхам̣язва ну ко зса уд̇д̇аанаго худ̇ваа убадтаад̇и, уд̣̇ааху ан̃н̃зсамбий’’д̇и? ат̇асса зд̇ад̣̇ахоси – ‘‘ханд̣̇аахам̣ имам̣ бан̃хам̣ г̇ахзд̇ваа бхаг̇аванд̇ам̣ бужчаами, ад̣̇д̇хаа мз бхаг̇аваа имам̣ ад̇т̇уббад̇д̇им̣ гад̇ваа саалинд̣̇ам̣ синзрум̣ угкибанд̇о вияа згам̣ суд̇д̇анд̇агат̇ам̣ гат̇зд̇ваа д̣̇ассзссад̇и. б̣уд̣̇д̇хаанан̃хи винаяабан̃н̃ад̇д̇им̣, бхумманд̇арам̣, бажжаяаагаарам̣, самаяанд̇аранд̇и имаани жад̇д̇аари таанаани бад̇ваа г̇аж̇ж̇ид̇ам̣ маханд̇ам̣ ход̇и, н̃аан̣ам̣ анубависад̇и, б̣уд̣̇д̇хан̃аан̣асса маханд̇абхааво бан̃н̃ааяад̇и, д̣̇зсанаа г̇амбхийраа ход̇и д̇илагкан̣аб̣бхаахад̇аа сун̃н̃ад̇абадисам̣яуд̇д̇аа’’д̇и.

со гин̃жааби багад̇ияаава згад̣̇ивасз сад̇аваарамби сахассаваарамби бхаг̇аванд̇ам̣ убасан̇гаманд̇о на ахзд̇уагааран̣зна убасан̇гамад̇и, д̇ам̣ д̣̇ивасам̣ бана имам̣ бан̃хам̣ г̇ахзд̇ваа – ‘‘имам̣ б̣уд̣̇д̇хаг̇анд̇хахад̇т̇им̣ аабаж̇ж̇а н̃аан̣агон̃жанаад̣̇ам̣ соссаами, б̣уд̣̇д̇хасийхам̣ аабаж̇ж̇а н̃аан̣асийханаад̣̇ам̣ соссаами, б̣уд̣̇д̇хасинд̇хавам̣ аабаж̇ж̇а н̃аан̣абад̣̇авиггамам̣ бассиссаамий’’д̇и жинд̇зд̇ваа д̣̇иваадтаанаа удтааяа жаммагкан̣д̣ам̣ бабподзд̇ваа аад̣̇ааяа сааяанхасамаяз бхаг̇аванд̇ам̣ убасан̇гами. д̇зна вуд̇д̇ам̣ – ‘‘сааяанхавзлааяам̣ бажжаяаагаарабан̃хабужчанагааран̣зна убасан̇гаманд̇о’’д̇и.

яаава г̇амбхийрод̇и зд̇т̇а яаавасад̣̇д̣̇о бамаан̣аад̇иггамз, ад̇иггамма бамаан̣ам̣ г̇амбхийро, ад̇иг̇амбхийрод̇и ад̇т̇о. г̇амбхийраавабхаасод̇и г̇амбхийрова худ̇ваа авабхаасад̇и, д̣̇иссад̇ийд̇и ад̇т̇о. зган̃хи уд̇д̇аанамзва г̇амбхийраавабхаасам̣ ход̇и бууд̇ибан̣н̣аад̣̇ивасзна гаал̣аван̣н̣абураан̣ауд̣̇агам̣ вияа. д̇ан̃хи ж̇аан̣уббамаан̣амби сад̇аборисам̣ вияа д̣̇иссад̇и. згам̣ г̇амбхийрам̣ уд̇д̇аанаавабхаасам̣ ход̇и ман̣иг̇ан̇г̇ааяа виббасаннауд̣̇агам̣ вияа. д̇ан̃хи сад̇аборисамби ж̇аан̣уббамаан̣ам̣ вияа кааяад̇и. згам̣ уд̇д̇аанам̣ уд̇д̇аанаавабхаасам̣ ход̇и жаадиаад̣̇ийсу уд̣̇агам̣ вияа. згам̣ г̇амбхийрам̣ г̇амбхийраавабхаасам̣ ход̇и синзрубаад̣̇агамахаасамуд̣̇д̣̇з уд̣̇агам̣ вияа. звам̣ уд̣̇агамзва жад̇д̇аари наамаани лабхад̇и. бадижжасамуббаад̣̇з банзд̇ам̣ над̇т̇и. аяан̃хи г̇амбхийро жзва г̇амбхийраавабхаасо жаад̇и згамзва наамам̣ лабхад̇и. зваруубо самааноби ат̇а жа бана мз уд̇д̇аанагуд̇д̇аанаго вияа кааяад̇и, яад̣̇ид̣̇ам̣ ажчарияам̣, бханд̇з, аб̣бхуд̇ам̣ бханд̇зд̇и. звам̣ ад̇д̇ано вимхаяам̣ багаасзнд̇о бан̃хам̣ бужчид̇ваа д̇ун̣хийбхууд̇о нисийд̣̇и.

бхаг̇аваа д̇асса важанам̣ суд̇ваа – ‘‘аананд̣̇о бхаваг̇г̇аг̇г̇ахан̣ааяа хад̇т̇ам̣ басаарзнд̇о вияа, синзрум̣ чинд̣̇ид̇ваа мин̃ж̇ам̣ нийхарид̇ум̣ вааяамамаано вияа, винаа наавааяа махаасамуд̣̇д̣̇ам̣ д̇арид̇угаамо вияа, бат̇авим̣ баривад̇д̇зд̇ваа бат̇авож̇ам̣ г̇ахзд̇ум̣ вааяамамаано вияа б̣уд̣̇д̇хависаяабан̃хам̣ ад̇д̇ано уд̇д̇аанам̣ вад̣̇ад̇и. ханд̣̇асса г̇амбхийрабхаавам̣ аажигкиссаамий’’д̇и жинд̇зд̇ваа маа хзванд̇иаад̣̇имааха.

д̇ад̇т̇а маа хзванд̇и ха-гааро нибаад̇амад̇д̇ам̣. звам̣ маа бхан̣ийд̇и ад̇т̇о. маа хзванд̇и жа ид̣̇ам̣ важанам̣ бхаг̇аваа ааяасманд̇ам̣ аананд̣̇ам̣ уссаад̣̇знд̇оби бхан̣ад̇и абасаад̣̇знд̇оби.

уссаад̣̇анааван̣н̣анаа

д̇ад̇т̇а уссаад̣̇знд̇о – аананд̣̇а, д̇вам̣ махаабан̃н̃о висад̣̇ан̃аан̣о, д̇зна д̇з г̇амбхийроби бадижжасамуббаад̣̇о уд̇д̇аанаго вияа кааяад̇и. ан̃н̃зсам̣ банзса уд̇д̇аанагод̇и на саллагкзд̇аб̣б̣о, г̇амбхийроязва жа г̇амбхийраавабхаасо жа. д̇ад̇т̇а жад̇ассо убамаа вад̣̇анд̇и. чамаасз субхож̇анарасабудтасса гира гад̇аяог̇асса махаамалласса самаж̇ж̇асамаяз гад̇амаллабаасаан̣абарижаяасса яуд̣̇д̇хабхуумим̣ г̇ажчанд̇асса анд̇араа маллабаасаан̣ам̣ д̣̇ассзсум̣, со – гим̣ зд̇анд̇и ааха. маллабаасаан̣од̇и. аахарат̇а нанд̇и. угкибид̇ум̣ на саггомаад̇и вуд̇д̇з саяам̣ г̇анд̇ваа гухим̣ имасса бхаарияадтаананд̇и вад̇ваа д̣̇вийхи хад̇т̇зхи д̣̇вз баасаан̣з угкибид̇ваа гийл̣ааг̇ул̣з вияа кибид̇ваа аг̇амааси. д̇ад̇т̇а малласса маллабаасаан̣о лахугоби на ан̃н̃зсам̣ лахугод̇и вад̇д̇аб̣б̣о. чамаасз субхож̇анарасабудто малло вияа хи габбасад̇асахассам̣ абхинийхаарасамбанно ааяасмаа аананд̣̇о, яат̇аа малласса махааб̣алад̇ааяа маллабаасаан̣о лахуго, звам̣ т̇зрасса махаабан̃н̃ад̇ааяа бадижжасамуббаад̣̇о уд̇д̇аано, со ан̃н̃зсам̣ уд̇д̇аанод̇и на вад̇д̇аб̣б̣о.

махаасамуд̣̇д̣̇з жа д̇иминаама мажчо д̣̇вияож̇анасад̇иго д̇имин̇г̇ало д̇ияож̇анасад̇иго, д̇имибин̇г̇ало жад̇уяож̇анасад̇иго д̇имирабин̇г̇ало бан̃жаяож̇анасад̇иго, аананд̣̇о д̇иминанд̣̇о аж̇жхаарохо махаад̇имийд̇и имз жад̇д̇ааро яож̇анасахассигаа. д̇ад̇т̇а д̇имирабин̇г̇алзнзва д̣̇ийбзнд̇и. д̇асса гира д̣̇агкин̣аган̣н̣ам̣ жаалзнд̇асса бан̃жаяож̇анасад̇з бад̣̇зсз уд̣̇агам̣ жалад̇и. д̇ат̇аа ваамаган̣н̣ам̣. д̇ат̇аа нан̇г̇удтам̣, д̇ат̇аа сийсам̣. д̣̇вз бана ган̣н̣з жаалзд̇ваа нан̇г̇удтзна уд̣̇агам̣ бахарид̇ваа сийсам̣ абараабарам̣ гад̇ваа гийл̣ид̇ум̣ аарад̣̇д̇хасса сад̇д̇адтаяож̇анасад̇з бад̣̇зсз бхааж̇анз багкибид̇ваа уд̣̇д̇ханз ааробид̇ам̣ вияа уд̣̇агам̣ баггут̇ад̇и, д̇ияож̇анасад̇амад̇д̇з бад̣̇зсз уд̣̇агам̣ бидтим̣ чаад̣̇зд̇ум̣ на саггод̇и. со звам̣ вад̣̇зяяа – ‘‘аяам̣ махаасамуд̣̇д̣̇о г̇амбхийро г̇амбхийрод̇и вад̣̇анд̇и гуд̇асса г̇амбхийрад̇аа, маяам̣ бидтибадижчаад̣̇анамад̇д̇амби уд̣̇агам̣ на лабхаамаа’’д̇и. д̇ад̇т̇а гааяубабаннасса д̇имирабин̇г̇аласса махаасамуд̣̇д̣̇о уд̇д̇аанод̇и, ан̃н̃зсам̣ куд̣̇д̣̇агамажчаанам̣ уд̇д̇аанод̇и на вад̇д̇аб̣б̣о, звамзва н̃аан̣убабаннасса т̇зрасса бадижжасамуббаад̣̇о уд̇д̇аанод̇и, ан̃н̃зсамби уд̇д̇аанод̇и на вад̇д̇аб̣б̣о.

субан̣н̣арааж̇аа жа д̣̇ияад̣дхаяож̇анасад̇иго, д̇асса д̣̇агкин̣абагко бан̃н̃аасаяож̇аниго ход̇и д̇ат̇аа ваамабагко, бин̃чавадди садтияож̇анигаа, г̇ийваа д̇им̣саяож̇анигаа, мукам̣ наваяож̇анам̣, баад̣̇аа д̣̇ваад̣̇асаяож̇анигаа. д̇асмим̣ субан̣н̣аваад̇ам̣ д̣̇ассзд̇ум̣ аарад̣̇д̇хз сад̇д̇адтаяож̇анасад̇ам̣ таанам̣ наббаход̇и. со звам̣ вад̣̇зяяа – ‘‘аяам̣ аагаасо ананд̇о ананд̇од̇и вад̣̇анд̇и, гуд̇асса ананд̇ад̇аа, маяам̣ багкаваад̇аббасааран̣огаасамби на лабхаамаа’’д̇и. д̇ад̇т̇а гааяубабаннасса субан̣н̣аран̃н̃о аагаасо барид̇д̇од̇и, ан̃н̃зсам̣ куд̣̇д̣̇агабагкийнам̣ барид̇д̇од̇и на вад̇д̇аб̣б̣о, звамзва н̃аан̣убабаннасса т̇зрасса бадижжасамуббаад̣̇о уд̇д̇аанод̇и, ан̃н̃зсамби уд̇д̇аанод̇и на вад̇д̇аб̣б̣о.

рааху асуринд̣̇о бана баад̣̇анд̇ад̇о яаава гзсанд̇аа яож̇анаанам̣ жад̇д̇аари сахассаани адта жа сад̇аани ход̇и. д̇асса д̣̇виннам̣ б̣аахаанам̣ анд̇арам̣ д̣̇ваад̣̇асаяож̇анасад̇игам̣. б̣ахалад̇д̇зна чаяож̇анасад̇игам̣ . хад̇т̇абаад̣̇ад̇алаани д̇ияож̇анасад̇игаани, д̇ат̇аа мукам̣. згзгам̣ ан̇г̇улибаб̣б̣ам̣ бан̃н̃аасаяож̇анам̣, д̇ат̇аа бхамуганд̇арам̣. налаадам̣ д̇ияож̇анасад̇игам̣. сийсам̣ наваяож̇анасад̇игам̣. д̇асса махаасамуд̣̇д̣̇ам̣ од̇ин̣н̣асса г̇амбхийрам̣ уд̣̇агам̣ ж̇аан̣уббамаан̣ам̣ ход̇и. со звам̣ вад̣̇зяяа – ‘‘аяам̣ махаасамуд̣̇д̣̇о г̇амбхийро г̇амбхийрод̇и вад̣̇анд̇и, гуд̇асса г̇амбхийрад̇аа, маяам̣ ж̇аан̣уббадижчаад̣̇анамад̇д̇амби уд̣̇агам̣ на лабхаамаа’’д̇и. д̇ад̇т̇а гааяубабаннасса раахуно махаасамуд̣̇д̣̇о уд̇д̇аанод̇и, ан̃н̃зсам̣ уд̇д̇аанод̇и на вад̇д̇аб̣б̣о, звамзва н̃аан̣убабаннасса т̇зрасса бадижжасамуббаад̣̇о уд̇д̇аанод̇и, ан̃н̃зсамби уд̇д̇аанод̇и на вад̇д̇аб̣б̣о. зд̇амад̇т̇ам̣ санд̇хааяа бхаг̇аваа – ‘‘маа хзвам̣, аананд̣̇а, аважа; маа хзвам̣, аананд̣̇а аважаа’’д̇и ааха.

т̇зрасса хи жад̇уухи гааран̣зхи г̇амбхийроби бадижжасамуббаад̣̇о уд̇д̇аанод̇и убадтаад̇и. гад̇амзхи жад̇уухи? буб̣б̣уубаниссаяасамбад̇д̇ияаа, д̇ид̇т̇аваасзна, сод̇аабаннад̇ааяа, б̣ахуссуд̇абхаавзнаад̇и.

буб̣б̣уубаниссаяасамбад̇д̇игат̇аа

ид̇о гира сад̇асахассимз габбз бад̣̇умуд̇д̇аро наама сад̇т̇аа логз уббаж̇ж̇и. д̇асса хам̣савад̇ий наама наг̇арам̣ ахоси, аананд̣̇о наама рааж̇аа бид̇аа , сумзд̇хаа наама д̣̇звий маад̇аа, б̣од̇хисад̇д̇о уд̇д̇арагумааро наама ахоси. со буд̇д̇асса ж̇аад̇ад̣̇ивасз махаабхинигкаманам̣ нигкамма баб̣б̣аж̇ид̇ваа бад̇хаанамануяун̃ж̇анд̇о ануггамзна саб̣б̣ан̃н̃уд̇ам̣ бад̇ваа – ‘‘анзгаж̇аад̇исам̣саара’’нд̇и уд̣̇аанам̣ уд̣̇аанзд̇ваа сад̇д̇аахам̣ б̣од̇хибаллан̇гз вийд̇инаамзд̇ваа бат̇авияам̣ табзссаамийд̇и баад̣̇ам̣ абхинийхари. ат̇а бат̇авим̣ бхинд̣̇ид̇ваа маханд̇ам̣ бад̣̇умам̣ удтааси. д̇асса д̇хурабад̇д̇аани навуд̇ихад̇т̇аани, гзсарам̣ д̇им̣сахад̇т̇ам̣, ган̣н̣игаа д̣̇ваад̣̇асахад̇т̇аа, навагхадаббамаан̣о рзн̣у ахоси.

сад̇т̇аа бана уб̣б̣зд̇хад̇о адтабан̣н̣аасахад̇т̇уб̣б̣зд̇хо ахоси. д̇асса убхиннам̣ б̣аахаанаманд̇арам̣ адтаарасахад̇т̇ам̣, налаадам̣ бан̃жахад̇т̇ам̣, хад̇т̇абаад̣̇аа згаад̣̇асахад̇т̇аа. д̇асса згаад̣̇асахад̇т̇зна баад̣̇зна д̣̇ваад̣̇асахад̇т̇ааяа ган̣н̣игааяа агганд̇амад̇д̇ааяа навагхадаббамаан̣о рзн̣у удтааяа адтабан̣н̣аасахад̇т̇ам̣ бад̣̇зсам̣ уг̇г̇анд̇ваа огин̣н̣аманосилаажун̣н̣ам̣ вияа бажжогин̣н̣о. д̇ад̣̇убаад̣̇ааяа бхаг̇аваа бад̣̇умуд̇д̇арод̇взва бан̃н̃ааяид̇т̇а. д̇асса д̣̇звило жа суж̇аад̇о жа д̣̇вз аг̇г̇асаавагаа ахзсум̣. амид̇аа жа асамаа жа д̣̇вз аг̇г̇асаавигаа. сумано наама убадтааго. бад̣̇умуд̇д̇аро бхаг̇аваа бид̇усан̇г̇ахам̣ гурумаано бхигкусад̇асахассабаривааро хам̣савад̇ияаа рааж̇ад̇хаанияаа васад̇и.

ганидтабхаад̇аа банасса суманагумааро наама. д̇асса рааж̇аа хам̣савад̇ид̇о вийсад̇ияож̇анасад̇з таанз бхог̇аг̇аамам̣ ад̣̇ааси. со гад̣̇аажи ааг̇анд̇ваа бид̇аран̃жа сад̇т̇ааран̃жа бассад̇и. ат̇згад̣̇ивасам̣ бажжанд̇о губид̇о. сумано ран̃н̃о бзсзси – ‘‘бажжанд̇о губид̇о’’д̇и. рааж̇аа ‘‘маяаа д̇вам̣ д̇ад̇т̇а гасмаа табид̇о’’д̇и бадибзсзси. со нигкамма жорз вуубасамзд̇ваа – ‘‘убасанд̇о, д̣̇зва, ж̇анабад̣̇о’’д̇и ран̃н̃о бзсзси. рааж̇аа д̇удто – ‘‘сийгхам̣ мама буд̇д̇о ааг̇ажчад̇уу’’д̇и ааха. д̇асса сахассамад̇д̇аа амажжаа хонд̇и. со д̇зхи сад̣̇д̇хим̣ анд̇араамаг̇г̇з манд̇зси – ‘‘маяхам̣ бид̇аа д̇удто, сажз мз варам̣ д̣̇зд̇и, гим̣ г̇ан̣хаамий’’д̇и. ат̇а нам̣ згажжз ‘‘хад̇т̇им̣ г̇ан̣хат̇а, ассам̣ г̇ан̣хат̇а, рат̇ам̣ г̇ан̣хат̇а, ж̇анабад̣̇ам̣ г̇ан̣хат̇а, сад̇д̇арад̇анаани г̇ан̣хат̇аа’’д̇и аахам̣су. абарз – ‘‘д̇умхз бат̇ависсарасса буд̇д̇аа, д̇умхаагам̣ д̇ханам̣ на д̣̇уллабхам̣, лад̣̇д̇хамби жзд̇ам̣ саб̣б̣ам̣ бахааяа г̇аманийяам̣, бун̃н̃амзва згам̣ аад̣̇ааяа г̇аманийяам̣; д̇асмаа д̇з д̣̇звз варам̣ д̣̇ад̣̇амаанз д̇змаасам̣ бад̣̇умуд̇д̇арам̣ бхаг̇аванд̇ам̣ убадтаад̇ум̣ варам̣ г̇ан̣хат̇аа’’д̇и. со – ‘‘д̇умхз маяхам̣ галяаан̣амид̇д̇аа, на мамзд̇ам̣ жид̇д̇ам̣ ад̇т̇и, д̇умхзхи бана уббаад̣̇ид̇ам̣, звам̣ гариссаамий’’д̇и г̇анд̇ваа бид̇арам̣ ванд̣̇ид̇ваа бид̇арааби аалин̇г̇зд̇ваа д̇асса мад̇т̇агз жумб̣ид̇ваа – ‘‘варам̣ д̇з буд̇д̇а, д̣̇змий’’д̇и вуд̇д̇з ‘‘саад̇ху махаарааж̇а, ижчаамахам̣ махаарааж̇а бхаг̇аванд̇ам̣ д̇змаасам̣ жад̇уухи бажжаязхи убадтаханд̇о ж̇ийвид̇ам̣ аван̃жхам̣ гаад̇ум̣, имамзва варам̣ д̣̇зхий’’д̇и ааха. ‘‘на саггаа д̇аад̇а, ан̃н̃ам̣ варзхий’’д̇и вуд̇д̇з ‘‘д̣̇зва, кад̇д̇ияаанам̣ наама д̣̇вз гат̇аа над̇т̇и, зд̇амзва д̣̇зхи, на мз ан̃н̃знад̇т̇о’’д̇и. д̇аад̇а б̣уд̣̇д̇хаанам̣ наама жид̇д̇ам̣ д̣̇уж̇ж̇аанам̣, сажз бхаг̇аваа на ижчиссад̇и, маяаа д̣̇иннзби гим̣ бхависсад̇ийд̇и? со – ‘‘саад̇ху, д̣̇зва, ахам̣ бхаг̇авад̇о жид̇д̇ам̣ ж̇ааниссаамий’’д̇и вихаарам̣ г̇ад̇о.

д̇зна жа самаязна бхад̇д̇агижжам̣ нидтабзд̇ваа бхаг̇аваа г̇анд̇хагудим̣ бавидто ход̇и. со ман̣д̣аламаал̣з саннисиннаанам̣ бхигкуунам̣ санд̇игам̣ аг̇амааси. д̇з д̇ам̣ аахам̣су – ‘‘рааж̇абуд̇д̇а, гасмаа ааг̇ад̇осий’’д̇и? бхаг̇аванд̇ам̣ д̣̇ассанааяа, д̣̇ассзт̇а мз бхаг̇аванд̇анд̇и. на маяам̣, рааж̇абуд̇д̇а, ижчид̇ижчид̇агкан̣з сад̇т̇аарам̣ д̣̇адтум̣ лабхаамаад̇и. го бана, бханд̇з, лабхад̇ийд̇и? суманад̇т̇зро наама рааж̇абуд̇д̇аад̇и. ‘‘со гухим̣, бханд̇з, т̇зро’’д̇и. т̇зрасса нисиннадтаанам̣ бужчид̇ваа г̇анд̇ваа ванд̣̇ид̇ваа – ‘‘ижчаамахам̣, бханд̇з, бхаг̇аванд̇ам̣ бассид̇ум̣, д̣̇ассзт̇а мз’’д̇и ааха. т̇зро – ‘‘зхи рааж̇абуд̇д̇аа’’д̇и д̇ам̣ г̇ахзд̇ваа д̇ам̣ г̇анд̇хагудибаривзн̣з табзд̇ваа г̇анд̇хагудим̣ абхирухи. ат̇а нам̣ бхаг̇аваа – ‘‘сумана, гасмаа ааг̇ад̇осий’’д̇и ааха. рааж̇абуд̇д̇о, бханд̇з, бхаг̇аванд̇ам̣ д̣̇ассанааяа ааг̇ад̇од̇и. д̇зна хи бхигку аасанам̣ бан̃н̃аабзхийд̇и. т̇зро аасанам̣ бан̃н̃аабзси, нисийд̣̇и бхаг̇аваа бан̃н̃ад̇д̇з аасанз. рааж̇абуд̇д̇о бхаг̇аванд̇ам̣ ванд̣̇ид̇ваа бадисант̇аарам̣ агааси. гад̣̇аа ааг̇ад̇оси рааж̇абуд̇д̇аад̇и? бханд̇з, д̇умхзсу г̇анд̇хагудим̣ бавидтзсу. бхигкуу бана – ‘‘на маяам̣ ижчид̇ижчид̇агкан̣з бхаг̇аванд̇ам̣ д̣̇адтум̣ лабхаамаа’’д̇и мам̣ т̇зрасса санд̇игам̣ баахзсум̣. т̇зро бана згаважанзнзва д̣̇ассзси. т̇зро, бханд̇з, д̇умхаагам̣ саасанз валлабхо ман̃н̃зд̇и. аама рааж̇агумаара, валлабхо зса бхигку маяхам̣ саасанзд̇и. бханд̇з, б̣уд̣̇д̇хаанам̣ саасанз гим̣ гад̇ваа валлабхо ход̇ийд̇и? д̣̇аанам̣ д̣̇ад̇ваа сийлам̣ самаад̣̇ияид̇ваа убосат̇агаммам̣ гад̇ваа гумаараад̇и. бхаг̇аваа, ахам̣ т̇зро вияа б̣уд̣̇д̇хасаасанз валлабхо ход̇угаамо, д̇змаасам̣ мз вассааваасам̣ ад̇хиваасзт̇аад̇и. бхаг̇аваа – ‘‘ад̇т̇и ну ко д̇ад̇т̇а г̇ад̇зна ад̇т̇о’’д̇и ологзд̇ваа ад̇т̇ийд̇и д̣̇исваа ‘‘сун̃н̃ааг̇аарз, ко рааж̇агумаара д̇ат̇ааг̇ад̇аа абхираманд̇ий’’д̇и ааха. гумааро ‘‘ан̃н̃аад̇ам̣ бхаг̇аваа, ан̃н̃аад̇ам̣ суг̇ад̇аа’’д̇и вад̇ваа ‘‘ахам̣, бханд̇з, буримад̇арам̣ г̇анд̇ваа вихаарам̣ гаарзми, маяаа бзсид̇з бхигкусад̇асахассзна сад̣̇д̇хим̣ ааг̇ажчат̇аа’’д̇и бадин̃н̃ам̣ г̇ахзд̇ваа бид̇усанд̇игам̣ г̇анд̇ваа ‘‘д̣̇иннаа мз, д̣̇зва, бхаг̇авад̇аа бадин̃н̃аа, маяаа бахид̇з бхаг̇аванд̇ам̣ бзсзяяаат̇аа’’д̇и бид̇арам̣ ванд̣̇ид̇ваа нигкамид̇ваа яож̇анз яож̇анз вихаарам̣ гаарзд̇ваа вийсаяож̇анасад̇ам̣ ад̣̇д̇хаанам̣ г̇анд̇ваа ад̇д̇ано наг̇арз вихаарадтаанам̣ вижинанд̇о собханам̣ наама гудумб̣игасса уяяаанам̣ д̣̇исваа сад̇асахассзна гин̣ид̇ваа сад̇асахассам̣ виссаж̇ж̇зд̇ваа вихаарам̣ гаарзси. д̇ад̇т̇а бхаг̇авад̇о г̇анд̇хагудим̣ сзсабхигкуунан̃жа рад̇д̇идтаанад̣̇иваадтаанад̇т̇ааяа гудилзн̣аман̣д̣абз гаараабзд̇ваа баагаарабаригкзбз гад̇ваа д̣̇ваарагодтаган̃жа нидтабзд̇ваа бид̇усанд̇игам̣ бзсзси – ‘‘нидтид̇ам̣ маяхам̣ гижжам̣, сад̇т̇аарам̣ бахин̣ат̇аа’’д̇и.

рааж̇аа бхаг̇аванд̇ам̣ бхож̇зд̇ваа – ‘‘бхаг̇аваа, суманасса гижжам̣ нидтид̇ам̣, д̇умхаагам̣ г̇аманам̣ бажжаасийсад̇ий’’д̇и ааха. бхаг̇аваа сад̇асахассабхигкубаривааро яож̇анз яож̇анз вихаарзсу васамаано аг̇амааси. гумааро ‘‘сад̇т̇аа ааг̇ад̇о’’д̇и суд̇ваа яож̇анам̣ бажжуг̇г̇анд̇ваа маалаад̣̇ийхи бууж̇аяамаано вихаарам̣ бавзсзд̇ваа –

‘‘сад̇асахассзна мз гийд̇ам̣, сад̇асахассзна маабид̇ам̣;

собханам̣ наама уяяаанам̣, бадиг̇г̇ан̣ха махаамуний’’д̇и.

вихаарам̣ нияяаад̇зси. со вассуубанааяигад̣̇ивасз д̣̇аанам̣ д̣̇ад̇ваа ад̇д̇ано буд̇д̇ад̣̇аарз жа амажжз жа баггосаабзд̇ваа ааха – ‘‘аяам̣ сад̇т̇аа амхаагам̣ санд̇игам̣ д̣̇уурад̇о ааг̇ад̇о, б̣уд̣̇д̇хаа жа наама д̇хаммаг̇аруно на аамисаг̇аругаа. д̇асмаа ахам̣ д̇змаасам̣ д̣̇вз саадагз ниваасзд̇ваа д̣̇аса сийлаани самаад̣̇ияид̇ваа ид̇хзва васиссаами, д̇умхз кийн̣аасавасад̇асахассасса иминаава нийхаарзна д̇змаасам̣ д̣̇аанам̣ д̣̇ад̣̇зяяаат̇аа’’д̇и.

со суманад̇т̇зрасса васанадтаанасабхааг̇зязва таанз васанд̇о яам̣ т̇зро бхаг̇авад̇о вад̇д̇ам̣ гарод̇и, д̇ам̣ саб̣б̣ам̣ д̣̇исваа ‘‘имасмим̣ таанз зганд̇аваллабхо зса т̇зро, зд̇ассзва мз таананд̇арам̣ бад̇т̇зд̇ум̣ ваддад̇ий’’д̇и жинд̇зд̇ваа убагадтааяа бавааран̣ааяа г̇аамам̣ бависид̇ваа сад̇д̇аахам̣ махаад̣̇аанам̣ д̣̇ад̇ваа сад̇д̇амз д̣̇ивасз бхигкусад̇асахассасса баад̣̇амуулз д̇ижийварам̣ табзд̇ваа бхаг̇аванд̇ам̣ ванд̣̇ид̇ваа – ‘‘бханд̇з, яад̣̇зд̇ам̣ маяаа маг̇г̇з яож̇ананд̇аригам̣ яож̇ананд̇аригам̣ вихаарам̣ гаараабанад̇о бадтааяа бун̃н̃ам̣ гад̇ам̣, д̇ам̣ нзва саггасамбад̇д̇им̣, на маарасамбад̇д̇им̣, на б̣рахмасамбад̇д̇им̣ бад̇т̇аяанд̇зна, б̣уд̣̇д̇хасса бана убадтаагабхаавам̣ бад̇т̇аяанд̇зна гад̇ам̣. д̇асмаа ахамби, бхаг̇аваа, анааг̇ад̇з суманад̇т̇зро вияа б̣уд̣̇д̇хасса убадтааго бхавзяяа’’нд̇и бан̃жабад̇идтид̇зна нибад̇ид̇ваа ванд̣̇и.

бхаг̇аваа – ‘‘маханд̇ам̣ гулабуд̇д̇асса жид̇д̇ам̣, самиж̇жхиссад̇и ну ко но’’д̇и ологзнд̇о – ‘‘анааг̇ад̇з ид̇о сад̇асахассимз габбз г̇од̇амо наама б̣уд̣̇д̇хо уббаж̇ж̇иссад̇и, д̇ассзва убадтааго бхависсад̇ий’’д̇и н̃ад̇ваа –

‘‘ижчид̇ам̣ бад̇т̇ид̇ам̣ д̇уяхам̣, саб̣б̣амзва самиж̇жхад̇у;

саб̣б̣з буурзнд̇у сан̇габбаа, жанд̣̇о баннарасо яат̇аа’’д̇и.

ааха. гумааро д̇ам̣ суд̇ваа – ‘‘б̣уд̣̇д̇хаа наама ад̣̇взж̇жхагат̇аа хонд̇ий’’д̇и д̣̇уд̇ияад̣̇ивасзязва д̇асса бхаг̇авад̇о бад̇д̇ажийварам̣ г̇ахзд̇ваа бидтид̇о бидтид̇о г̇ажчанд̇о вияа ахоси. со д̇асмим̣ б̣уд̣̇д̇хуббаад̣̇з вассасад̇асахассам̣ д̣̇аанам̣ д̣̇ад̇ваа саг̇г̇з ниб̣б̣ад̇д̇ид̇ваа гассабаб̣уд̣̇д̇хагаалзби бин̣д̣ааяа жарад̇о т̇зрасса бад̇д̇аг̇г̇ахан̣ад̇т̇ам̣ уд̇д̇арисаадагам̣ д̣̇ад̇ваа бууж̇амагааси. буна саг̇г̇з ниб̣б̣ад̇д̇ид̇ваа д̇ад̇о жуд̇о б̣аараан̣асирааж̇аа худ̇ваа адтаннам̣ бажжзгаб̣уд̣̇д̇хаанам̣ бан̣н̣асаалааяо гаарзд̇ваа ман̣иаад̇хаарагз убадтабзд̇ваа жад̇уухи бажжаязхи д̣̇асавассасахассаани убадтаанам̣ агааси. зд̇аани баагададтаанаани.

габбасад̇асахассам̣ бана д̣̇аанам̣ д̣̇ад̣̇амаанова амхаагам̣ б̣од̇хисад̇д̇зна сад̣̇д̇хим̣ д̇усид̇абурз ниб̣б̣ад̇д̇ид̇ваа д̇ад̇о жуд̇о амид̇од̣̇анасаггасса г̇зхз бадисанд̇хим̣ г̇ахзд̇ваа анубуб̣б̣зна гад̇аабхинигкамано саммаасамб̣од̇хим̣ бад̇ваа батамаг̇аманзна габилавад̇т̇ум̣ ааг̇анд̇ваа д̇ад̇о нигкаманд̇з бхаг̇авад̇и бхаг̇авад̇о бариваарад̇т̇ам̣ рааж̇агумаарзсу баб̣б̣аж̇ид̇зсу бхад̣̇д̣̇ияаад̣̇ийхи сад̣̇д̇хим̣ нигкамид̇ваа бхаг̇авад̇о санд̇игз баб̣б̣аж̇ид̇ваа нажирассзва ааяасмад̇о бун̣н̣асса манд̇аан̣ибуд̇д̇асса санд̇игз д̇хаммагат̇ам̣ суд̇ваа сод̇аабад̇д̇ипалз бад̇идтахи (сам̣. ни. 3.83). звамзса ааяасмаа буб̣б̣уубаниссаяасамбанно д̇ассимааяа буб̣б̣уубаниссаяасамбад̇д̇ияаа г̇амбхийроби бадижжасамуббаад̣̇о уд̇д̇аанаго вияа убадтааси.

д̇ид̇т̇аваасаад̣̇иван̣н̣анаа

д̇ид̇т̇аваасод̇и бунаббунам̣ г̇аруунам̣ санд̇игз уг̇г̇ахан̣асаванабарибужчанад̇хааран̣аани вужжанд̇и. со т̇зрасса ад̇ивияа барисуд̣̇д̇хо, д̇знаабиссааяам̣ г̇амбхийроби бадижжасамуббаад̣̇о уд̇д̇аанаго вияа убадтааси.

сод̇аабаннаанан̃жа наама бажжаяаагааро уд̇д̇аанагова худ̇ваа убадтаад̇и, аяан̃жа ааяасмаа сод̇аабанно. б̣ахуссуд̇аанан̃жа жад̇ухад̇т̇з оварагз бад̣̇ийбз ж̇аламаанз ман̃жабийтам̣ вияа наамаруубабарижчзд̣̇о баагадо ход̇и, аяан̃жа ааяасмаа б̣ахуссуд̇аанам̣ аг̇г̇о ход̇и, б̣аахусажжаанубхаавзнабисса г̇амбхийроби бажжаяаагааро уд̇д̇аанаго вияа убадтааси.

бадижжасамуббаад̣̇аг̇амбхийрад̇аа

д̇ад̇т̇а ад̇т̇аг̇амбхийрад̇ааяа, д̇хаммаг̇амбхийрад̇ааяа, д̣̇зсанааг̇амбхийрад̇ааяа, бадивзд̇хаг̇амбхийрад̇ааяаад̇и жад̇уухи аагаарзхи бадижжасамуббаад̣̇о г̇амбхийро наама.

д̇ад̇т̇а ж̇араамаран̣асса ж̇аад̇ибажжаяасамбхууд̇асамуд̣̇ааг̇ад̇адто г̇амбхийро…бз… сан̇каараанам̣ авиж̇ж̇аабажжаяасамбхууд̇асамуд̣̇ааг̇ад̇адто г̇амбхийрод̇и аяам̣ ад̇т̇аг̇амбхийрад̇аа.

авиж̇ж̇ааяа сан̇каараанам̣ бажжаяадто г̇амбхийро…бз… ж̇аад̇ияаа ж̇араамаран̣асса бажжаяадто г̇амбхийрод̇и аяам̣ д̇хаммаг̇амбхийрад̇аа.

гад̇т̇ажи суд̇д̇з бадижжасамуббаад̣̇о ануломад̇о д̣̇зсияад̇и, гад̇т̇ажи бадиломад̇о, гад̇т̇ажи ануломабадиломад̇о, гад̇т̇ажи маж̇жхад̇о бадтааяа ануломад̇о ваа бадиломад̇о ваа ануломабадиломад̇о ваа, гад̇т̇ажи д̇исанд̇хи жад̇усан̇кзбо, гад̇т̇ажи д̣̇висанд̇хи д̇исан̇кзбо, гад̇т̇ажи згасанд̇хи д̣̇висан̇кзбод̇и аяам̣ д̣̇зсанааг̇амбхийрад̇аа.

авиж̇ж̇ааяа бана ан̃н̃аан̣аад̣̇ассанасажжаабадивзд̇хадто г̇амбхийро, сан̇каараанам̣ абхисан̇каран̣ааяууханасарааг̇авирааг̇адто, вин̃н̃аан̣асса сун̃н̃ад̇ааб̣яаабаараасан̇ганд̇ибадисанд̇хибаад̇убхаавадто, наамаруубасса згуббаад̣̇авиниб̣бхог̇аавиниб̣бхог̇анаманаруббанадто, сал̣ааяад̇анасса ад̇хибад̇илогад̣̇ваарагкзд̇д̇ависаяибхаавадто , пассасса пусанасан̇гхадданасан̇г̇ад̇исаннибаад̇адто, взд̣̇анааяа аарамман̣арасаанубхаванасукад̣̇угкамаж̇жхад̇д̇абхааваниж̇ж̇ийвавзд̣̇аяид̇адто, д̇ан̣хааяа абхинанд̣̇ид̇ааж̇жхосаанасарид̇аалад̇аад̇ан̣хаанад̣̇ийд̇ан̣хаасамуд̣̇д̣̇ад̣̇уббууран̣адто, убаад̣̇аанасса аад̣̇аанаг̇г̇ахан̣аабхинивзсабараамаасад̣̇урад̇иггамадто, бхавасса ааяууханаабхисан̇каран̣аяониг̇ад̇итид̇иниваасзсу кибанадто, ж̇аад̇ияаа ж̇аад̇исан̃ж̇аад̇иогганд̇иниб̣б̣ад̇д̇ибаад̇убхаавадто, ж̇араамаран̣асса каяаваяабхзд̣̇авибарин̣аамадто г̇амбхийрод̇и. звам̣ яо авиж̇ж̇аад̣̇ийнам̣ сабхааво, язна бадивзд̇хзна авиж̇ж̇аад̣̇аяо сарасалагкан̣ад̇о бадивид̣̇д̇хаа хонд̇и; со г̇амбхийрод̇и аяам̣ бадивзд̇хаг̇амбхийрад̇аад̇и взд̣̇ид̇аб̣б̣аа. саа саб̣б̣ааби т̇зрасса уд̇д̇аанагаа вияа убадтааси. д̇зна бхаг̇аваа ааяасманд̇ам̣ аананд̣̇ам̣ уссаад̣̇знд̇о – ‘‘маа хзва’’нд̇иаад̣̇имааха. аяан̃жзд̇т̇а ад̇хиббааяо – аананд̣̇а, д̇вам̣ махаабан̃н̃о висад̣̇ан̃аан̣о, д̇зна д̇з г̇амбхийроби бадижжасамуббаад̣̇о уд̇д̇аанаго вияа кааяад̇и, д̇асмаа – ‘‘маяхамзва ну ко зса уд̇д̇аанаго худ̇ваа убадтаад̇и, уд̣̇ааху ан̃н̃зсамбий’’д̇и маа звам̣ аважаад̇и.

абасаад̣̇анааван̣н̣анаа

яам̣ бана вуд̇д̇ам̣ – ‘‘абасаад̣̇знд̇о’’д̇и, д̇ад̇т̇а аяам̣ ад̇хиббааяо – аананд̣̇а, ‘‘ат̇а жа бана мз уд̇д̇аанагуд̇д̇аанаго вияа кааяад̇ий’’д̇и маа хзвам̣ аважа. яад̣̇и хи д̇з зса уд̇д̇аанагуд̇д̇аанаго вияа кааяад̇и, гасмаа д̇вам̣ ад̇д̇ано д̇хаммад̇ааяа сод̇аабанно наахоси, маяаа д̣̇иннанаязва тад̇ваа сод̇аабад̇д̇имаг̇г̇ам̣ бадивиж̇жхаси. аананд̣̇а, ид̣̇ам̣ ниб̣б̣аанамзва г̇амбхийрам̣, бажжаяаагааро бана д̇ава уд̇д̇аанаго ж̇аад̇о, ат̇а гасмаа ол̣ааригам̣ гаамарааг̇асам̣яож̇анам̣ бадигхасам̣яож̇анам̣, ол̣ааригам̣ гаамарааг̇аанусаяам̣ бадигхаанусаяанд̇и имз жад̇д̇ааро гилзсз самуг̇гхаадзд̇ваа сагад̣̇ааг̇аамипалам̣ на сажчигароси? д̇зязва ан̣усахаг̇ад̇з жад̇д̇ааро гилзсз самуг̇гхаадзд̇ваа анааг̇аамипалам̣ на сажчигароси? руубарааг̇аад̣̇ийни бан̃жа сам̣яож̇анаани, бхаварааг̇аанусаяам̣, маанаанусаяам̣, авиж̇ж̇аанусаяанд̇и имз адта гилзсз самуг̇гхаадзд̇ваа арахад̇д̇ам̣ на сажчигароси?

гасмаа жа сад̇асахассагаббаад̇хигам̣ згам̣ асан̇кязяяам̣ буурид̇абаарамино саарибуд̇д̇амог̇г̇аллаанаа вияа саавагабаарамин̃аан̣ам̣ наббадивиж̇жхаси? сад̇асахассагаббаад̇хигаани д̣̇вз асан̇кязяяаани буурид̇абаарамино бажжзгаб̣уд̣̇д̇хаа вияа жа бажжзгаб̣од̇хин̃аан̣ам̣ наббадивиж̇жхаси? яад̣̇и ваа д̇з саб̣б̣ат̇аава зса уд̇д̇аанаго худ̇ваа убадтаад̇и, ат̇а гасмаа сад̇асахассагаббаад̇хигаани жад̇д̇аари адта сол̣аса ваа асан̇кязяяаани буурид̇абаарамино б̣уд̣̇д̇хаа вияа саб̣б̣ан̃н̃уд̇ан̃н̃аан̣ам̣ на сажчигароси? гим̣ анад̇т̇игоси зд̇зхи висзсаад̇хиг̇амзхи, басса яааван̃жа д̇з абарад̣̇д̇хам̣, д̇вам̣ наама сааваго бад̣̇зсан̃аан̣з тид̇о ад̇иг̇амбхийрам̣ бажжаяаагаарам̣ – ‘‘уд̇д̇аанаго мз убадтаад̇ий’’д̇и вад̣̇аси, д̇асса д̇з ид̣̇ам̣ важанам̣ б̣уд̣̇д̇хаанам̣ гат̇ааяа бажжанийгам̣ ход̇и, на д̇аад̣̇исзна наама бхигкунаа б̣уд̣̇д̇хаанам̣ гат̇ааяа бажжанийгам̣ гат̇зд̇аб̣б̣анд̇и яуд̇д̇амзд̇ам̣.

нану маяхам̣, аананд̣̇а, ид̣̇ам̣ бажжаяаагаарам̣ бадивиж̇жхид̇ум̣ вааяаманд̇ассзва сад̇асахассагаббаад̇хигаани жад̇д̇аари асан̇кязяяаани ад̇игганд̇аани? бажжаяаагаарам̣ бадивиж̇жханад̇т̇ааяа жа бана мз ад̣̇иннам̣ д̣̇аанам̣ наама над̇т̇и, абуурид̇абаарамий наама над̇т̇и. бажжаяаагаарам̣ бадивиж̇жхассаамийд̇и бана мз нируссаахам̣ вияа маараб̣алам̣ вид̇хаманд̇асса аяам̣ махаабат̇авий д̣̇ван̇г̇уламад̇д̇амби на гамби д̇ат̇аа батамаяаамз буб̣б̣зниваасам̣, маж̇жхимаяаамз д̣̇иб̣б̣ажагкум̣ самбаад̣̇знд̇асса. бажчимаяаамз бана мз б̣алавабажжуусасамаяз – ‘‘авиж̇ж̇аа сан̇каараанам̣ навахи аагаарзхи бажжаяо ход̇ий’’д̇и д̣̇идтамад̇д̇зва д̣̇асасахассилогад̇хаад̇у аяад̣̇ан̣д̣агзна аагодид̇агам̣сад̇аалам̣ вияа виравасад̇ам̣ виравасахассам̣ мун̃жамаанаа ваад̇аахад̇з бад̣̇уминибан̣н̣з уд̣̇агаб̣инд̣̇у вияа гамбид̇т̇а. звам̣ г̇амбхийро жааяам̣, аананд̣̇а, бадижжасамуббаад̣̇о, г̇амбхийраавабхаасо жа. зд̇асса аананд̣̇а, д̇хаммасса анануб̣од̇хаа…бз… наад̇ивад̇д̇ад̇ийд̇и.

зд̇асса д̇хаммассаад̇и зд̇асса бажжаяад̇хаммасса. анануб̣од̇хаад̇и н̃аад̇абарин̃н̃аавасзна анануб̣уж̇жханаа. аббадивзд̇хаад̇и д̇ийран̣аббахаанабарин̃н̃аавасзна аббадивиж̇жханаа. д̇анд̇аагулагаж̇аад̇аад̇и д̇анд̇ам̣ вияа аагулагаж̇аад̇аа. яат̇аа наама д̣̇уннигкид̇д̇ам̣ муусигажчиннам̣ бзсагаараанам̣ д̇анд̇ам̣ д̇ахим̣ д̇ахим̣ аагулам̣ ход̇и, ид̣̇ам̣ аг̇г̇ам̣ ид̣̇ам̣ мууланд̇и аг̇г̇зна ваа аг̇г̇ам̣ муулзна ваа муулам̣ самаанзд̇ум̣ д̣̇уггарам̣ ход̇и; звамзва сад̇д̇аа имасмим̣ бажжаяаагаарз калид̇аа аагулаа б̣яаагулаа хонд̇и, на саггонд̇и д̇ам̣бажжаяаагаарам̣ уж̇ум̣ гаад̇ум̣. д̇ад̇т̇а д̇анд̇ам̣ бажжад̇д̇абурисагаарз тад̇ваа саггааби бхавзяяа уж̇ум̣ гаад̇ум̣, табзд̇ваа бана д̣̇вз б̣од̇хисад̇д̇з ан̃н̃з сад̇д̇аа ад̇д̇ано д̇хаммад̇ааяа бажжаяаагаарам̣ уж̇ум̣ гаад̇ум̣ самад̇т̇аа наама над̇т̇и. яат̇аа бана аагулам̣ д̇анд̇ам̣ ган̃ж̇ияам̣ д̣̇ад̇ваа гожчзна бахад̇ам̣ д̇ад̇т̇а д̇ад̇т̇а г̇ул̣агаж̇аад̇ам̣ ход̇и г̇ан̣тиб̣ад̣̇д̇хам̣, звамимз сад̇д̇аа бажжаязсу багкалид̇ваа бажжаяз уж̇ум̣ гаад̇ум̣ асаггонд̇аа д̣̇ваасадтид̣̇идтиг̇ад̇авасзна аагулагаж̇аад̇аа хонд̇и, г̇ан̣тиб̣ад̣̇д̇хаа. яз хи гзжи д̣̇идтиг̇ад̇аниссид̇аа, саб̣б̣з бажжаяаагаарам̣ уж̇ум̣ гаад̇ум̣ асаггонд̇ааязва.

гулааг̇ан̣тигаж̇аад̇аад̇и гулааг̇ан̣тигам̣ вужжад̇и бзсагаараган̃ж̇ияасуд̇д̇ам̣. гулаа наама сагун̣игаа, д̇ассаа гулаавагод̇иби згз. яат̇аа хи д̇ад̣̇убхаяамби аагулам̣ аг̇г̇зна ваа аг̇г̇ам̣ муулзна ваа муулам̣ самаанзд̇ум̣ д̣̇уггаранд̇и буриманаязнзва яож̇зд̇аб̣б̣ам̣.

мун̃ж̇абаб̣б̣аж̇абхууд̇аад̇и мун̃ж̇ад̇ин̣ам̣ вияа баб̣б̣аж̇ад̇ин̣ам̣ вияа жа бхууд̇аа. яат̇аа д̇аани д̇ин̣аани годдзд̇ваа гад̇араж̇ж̇у ж̇ин̣н̣агаалз гад̇т̇ажи бад̇ид̇ам̣ г̇ахзд̇ваа д̇зсам̣ д̇ин̣аанам̣ ид̣̇ам̣ аг̇г̇ам̣, ид̣̇ам̣ мууланд̇и аг̇г̇зна ваа аг̇г̇ам̣ муулзна ваа муулам̣ самаанзд̇ум̣ д̣̇уггаранд̇и. д̇амби бажжад̇д̇абурисагаарз тад̇ваа саггаа бхавзяяа уж̇ум̣ гаад̇ум̣, табзд̇ваа бана д̣̇вз б̣од̇хисад̇д̇з ан̃н̃з сад̇д̇аа ад̇д̇ано д̇хаммад̇ааяа бажжаяаагаарам̣ уж̇ум̣ гаад̇ум̣ самад̇т̇аа наама над̇т̇и. звамаяам̣ баж̇аа бажжаяаагаарз уж̇ум̣ гаад̇ум̣ асаггонд̇ий д̣̇идтиг̇ад̇авасзна г̇ан̣тигаж̇аад̇аа худ̇ваа абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и.

д̇ад̇т̇а абааяод̇и нираяад̇иражчаанаяонибзд̇д̇ивисаяаасурагааяаа. саб̣б̣зби хи д̇з вад̣дхисан̇каад̇асса аяасса абхаавад̇о – ‘‘абааяо’’д̇и вужжанд̇и. д̇ат̇аа д̣̇угкасса г̇ад̇ибхаавад̇о д̣̇уг̇г̇ад̇и. сукасамуссаяад̇о винибад̇ид̇ад̇д̇аа винибаад̇о. ид̇аро бана –

‘‘канд̇хаанан̃жа бадибаади, д̇хаад̇уааяад̇анаана жа;

аб̣б̣ожчиннам̣ вад̇д̇амаанаа, сам̣саарод̇и бавужжад̇ий’’д̇и.

д̇ам̣ саб̣б̣амби наад̇ивад̇д̇ад̇и наад̇иггамад̇и. ат̇а ко жуд̇ид̇о бадисанд̇хим̣, бадисанд̇хид̇о жуд̇инд̇и звам̣ бунаббунам̣ жуд̇ибадисанд̇хияо г̇ан̣ханд̇аа д̇ийсу бхавзсу жад̇уусу яонийсу бан̃жасу г̇ад̇ийсу сад̇д̇асу вин̃н̃аан̣адтид̇ийсу навасу сад̇д̇ааваасзсу махаасамуд̣̇д̣̇з ваад̇угкид̇д̇анааваа вияа яанд̇зсу яуд̇д̇аг̇он̣о вияа жа бариб̣бхамад̇иязва . ид̇и саб̣б̣ам̣ бзд̇ам̣ бхаг̇аваа ааяасманд̇ам̣ аананд̣̇ам̣ абасаад̣̇знд̇о аахаад̇и взд̣̇ид̇аб̣б̣ам̣.

бадижжасамуббаад̣̇аван̣н̣анаа

96. ид̣̇аани яасмаа ид̣̇ам̣ суд̇д̇ам̣ – ‘‘г̇амбхийро жааяам̣, аананд̣̇а, бадижжасамуббаад̣̇о’’д̇и жа ‘‘д̇анд̇аагулагаж̇аад̇аа’’д̇и жа д̣̇вийхиязва бад̣̇зхи ааб̣ад̣̇д̇хам̣, д̇асмаа – ‘‘г̇амбхийро жааяам̣, аананд̣̇а, бадижжасамуббаад̣̇о’’д̇и иминаа д̇аава анусанд̇хинаа бажжаяаагаарасса г̇амбхийрабхаавад̣̇ассанад̇т̇ам̣ д̣̇зсанам̣ аарабханд̇о ад̇т̇и ид̣̇аббажжаяаа ж̇араамаран̣анд̇иаад̣̇имааха. д̇ад̇рааяамад̇т̇о – имасса ж̇араамаран̣асса бажжаяо ид̣̇аббажжаяо, д̇асмаа ид̣̇аббажжаяаа ад̇т̇и ж̇араамаран̣ам̣, ад̇т̇и ну ко ж̇араамаран̣асса бажжаяо, яамхаа бажжаяаа ж̇араамаран̣ам̣ бхавзяяаад̇и звам̣ будтзна сад̇аа, аананд̣̇а, бан̣д̣ид̇зна буг̇г̇алзна яат̇аа – ‘‘д̇ам̣ ж̇ийвам̣ д̇ам̣ сарийра’’нд̇и вуд̇д̇з табанийяад̇д̇аа бан̃хасса д̇ун̣хий бхавид̇аб̣б̣ам̣ ход̇и, ‘‘аб̣яаагад̇амзд̇ам̣ д̇ат̇ааг̇ад̇знаа’’д̇и ваа вад̇д̇аб̣б̣ам̣ ход̇и, звам̣ аббадибаж̇ж̇ид̇ваа, яат̇аа – ‘‘жагку сассад̇ам̣ асассад̇а’’нд̇и вуд̇д̇з асассад̇анд̇и згам̣сзнзва вад̇д̇аб̣б̣ам̣ ход̇и, звам̣ згам̣сзнзва ад̇т̇ийд̇исса важанийяам̣. буна гим̣ бажжаяаа ж̇араамаран̣ам̣, го наама со бажжаяо, яад̇о ж̇араамаран̣ам̣ ход̇ийд̇и вуд̇д̇з ж̇аад̇ибажжаяаа ж̇араамаран̣анд̇и ижжасса важанийяам̣, звам̣ вад̇д̇аб̣б̣ам̣ бхавзяяаад̇и ад̇т̇о. зса наяо саб̣б̣абад̣̇зсу.

наамаруубабажжаяаа пассод̇и ид̣̇ам̣ бана яасмаа сал̣ааяад̇анабажжаяаад̇и вуд̇д̇з жагкусампассаад̣̇ийнам̣ чаннам̣ вибаагасампассаанам̣язва г̇ахан̣ам̣ ход̇и, ид̇ха жа ‘‘сал̣ааяад̇анабажжаяаа’’д̇и иминаа бад̣̇зна г̇ахид̇амби аг̇ахид̇амби бажжаяуббаннависзсам̣ пассасса жа сал̣ааяад̇анад̇о ад̇ирид̇д̇ам̣ ан̃н̃амби висзсабажжаяам̣ д̣̇ассзд̇угаамо, д̇асмаа вуд̇д̇анд̇и взд̣̇ид̇аб̣б̣ам̣. иминаа бана ваарзна бхаг̇авад̇аа гим̣ гат̇ид̇анд̇и? бажжаяаанам̣ нид̣̇аанам̣ гат̇ид̇ам̣. ид̣̇ан̃хи суд̇д̇ам̣ бажжаяз ниж̇ж̇адз ниг̇г̇умб̣з гад̇ваа гат̇ид̇ад̇д̇аа махаанид̣̇аананд̇и вужжад̇и.

98. ид̣̇аани д̇зсам̣ д̇зсам̣ бажжаяаанам̣ д̇ат̇ам̣ авид̇ат̇ам̣ анан̃н̃ат̇ам̣ бажжаяабхаавам̣ д̣̇ассзд̇ум̣ ж̇аад̇ибажжаяаа ж̇араамаран̣анд̇и ид̇и ко банзд̇ам̣ вуд̇д̇анд̇иаад̣̇имааха. д̇ад̇т̇а барияааязнаад̇и гааран̣зна. саб̣б̣знасаб̣б̣ам̣ саб̣б̣ат̇аасаб̣б̣анд̇и нибаад̇ад̣̇ваяамзд̇ам̣. д̇ассад̇т̇о – ‘‘саб̣б̣аагаарзна саб̣б̣аа саб̣б̣зна сабхаавзна саб̣б̣аа ж̇аад̇и наама яад̣̇и на бхавзяяаа’’д̇и. бхаваад̣̇ийсуби иминаава наязна ад̇т̇о взд̣̇ид̇аб̣б̣о. гассажийд̇и анияамаважанамзд̇ам̣, д̣̇зваад̣̇ийсу яасса гассажи. гимхижийд̇и ид̣̇амби анияамаважанамзва, гаамабхаваад̣̇ийсу навасу бхавзсу яад̇т̇а гад̇т̇ажи. сзяяат̇ид̣̇анд̇и анияамид̇анигкид̇д̇аад̇т̇авибхаж̇анад̇т̇з нибаад̇о, д̇ассад̇т̇о – ‘‘яам̣ вуд̇д̇ам̣ ‘гассажи гимхижий’д̇и, д̇асса д̇з ад̇т̇ам̣ вибхаж̇иссаамий’’д̇и. ат̇а нам̣ вибхаж̇анд̇о – ‘‘д̣̇зваанам̣ ваа д̣̇звад̇д̇ааяаа’’д̇иаад̣̇имааха. д̇ад̇т̇а д̣̇зваанам̣ ваа д̣̇звад̇д̇ааяаад̇и яаа аяам̣ д̣̇зваанам̣ д̣̇звабхаавааяа канд̇хаж̇аад̇и, яааяа канд̇хаж̇аад̇ияаа д̣̇зваа ‘‘д̣̇зваа’’д̇и вужжанд̇и. сажз хи ж̇аад̇и саб̣б̣зна саб̣б̣ам̣ наабхависсаад̇и иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. зд̇т̇а жа д̣̇зваад̇и убабад̇д̇ид̣̇зваа. г̇анд̇хаб̣б̣аад̇и муулаканд̇хаад̣̇ийсу ад̇хивад̇т̇ад̣̇звад̇аава. яагкаад̇и амануссаа. бхууд̇аад̇и яз гзжи ниб̣б̣ад̇д̇асад̇д̇аа. багкинод̇и яз гзжи адтибагкаа ваа жаммабагкаа ваа ломабагкаа ваа. сарийсабаад̇и яз гзжи бхуумияам̣ саранд̇аа г̇ажчанд̇и. д̇зсам̣ д̇зсанд̇и д̇зсам̣ д̇зсам̣ д̣̇зваг̇анд̇хаб̣б̣аад̣̇ийнам̣. д̇ад̣̇ад̇т̇ааяаад̇и д̣̇зваг̇анд̇хаб̣б̣аад̣̇ибхаавааяа. ж̇аад̇инирод̇хаад̇и ж̇аад̇ивиг̇амаа, ж̇аад̇иабхааваад̇и ад̇т̇о.

хзд̇ууд̇иаад̣̇ийни саб̣б̣ааниби гааран̣авзважанаани зва. гааран̣ан̃хи яасмаа ад̇д̇ано палад̇т̇ааяа хинод̇и бавад̇д̇ад̇и, д̇асмаа ‘‘хзд̇уу’’д̇и вужжад̇и. яасмаа д̇ам̣ палам̣ нид̣̇зд̇и – ‘‘ханд̣̇а, нам̣ г̇ан̣хат̇аа’’д̇и аббзд̇и вияа д̇асмаа нид̣̇аанам̣. яасмаа палам̣ д̇ад̇о самуд̣̇зд̇и уббаж̇ж̇ад̇и, д̇ан̃жа бадижжа зд̇и бавад̇д̇ад̇и, д̇асмаа самуд̣̇аяод̇и жа бажжаяод̇и жа вужжад̇и. зса наяо саб̣б̣ад̇т̇а. аби жа яад̣̇ид̣̇ам̣ ж̇аад̇ийд̇и зд̇т̇а яад̣̇ид̣̇анд̇и нибаад̇о. д̇асса саб̣б̣абад̣̇зсу лин̇г̇аануруубад̇о ад̇т̇о взд̣̇ид̇аб̣б̣о. ид̇ха бана – ‘‘яаа зсаа ж̇аад̇ий’’д̇и аяамасса ад̇т̇о. ж̇араамаран̣асса хи ж̇аад̇и убаниссаяагодияаа бажжаяо ход̇и.

99. бхавабад̣̇з – ‘‘гимхижий’’д̇и иминаа огаасабариг̇г̇ахо гад̇о. д̇ад̇т̇а хздтаа авийжибарияанд̇ам̣ гад̇ваа убари бараниммид̇авасавад̇д̇ид̣̇звз анд̇огарид̇ваа гаамабхаво взд̣̇ид̇аб̣б̣о. аяам̣ наяо убабад̇д̇ибхавз. ид̇ха бана гаммабхавз яуж̇ж̇ад̇и. со хи ж̇аад̇ияаа убаниссаяагодияаава бажжаяо ход̇и. убаад̣̇аанабад̣̇аад̣̇ийсуби – ‘‘гимхижий’’д̇и иминаа огаасабариг̇г̇ахова гад̇од̇и взд̣̇ид̇аб̣б̣о.

100. убаад̣̇аанабажжаяаа бхавод̇и зд̇т̇а гаамубаад̣̇аанам̣ д̇ин̣н̣амби гаммабхаваанам̣ д̇ин̣н̣ан̃жа убабад̇д̇ибхаваанам̣ бажжаяо, д̇ат̇аа сзсаанибийд̇и убаад̣̇аанабажжаяаа жад̇увийсад̇ибхаваа взд̣̇ид̇аб̣б̣аа. ниббарияааязнзд̇т̇а д̣̇ваад̣̇аса гаммабхаваа лаб̣бханд̇и. д̇зсам̣ убаад̣̇аанаани сахаж̇аад̇агодияааби убаниссаяагодияааби бажжаяо.

101. руубад̇ан̣хаад̇и руубаарамман̣з д̇ан̣хаа. зса наяо сад̣̇д̣̇ад̇ан̣хаад̣̇ийсу. саа банзсаа д̇ан̣хаа убаад̣̇аанасса сахаж̇аад̇агодияааби убаниссаяагодияааби бажжаяо ход̇и.

102. зса бажжаяо д̇ан̣хааяа, яад̣̇ид̣̇ам̣ взд̣̇анаад̇и зд̇т̇а вибаагавзд̣̇анаа д̇ан̣хааяа убаниссаяагодияаа бажжаяо ход̇и, ан̃н̃аа ан̃н̃ат̇аабийд̇и.

103. зд̇д̇аавад̇аа бана бхаг̇аваа ваддамуулабхууд̇ам̣ буримад̇ан̣хам̣ д̣̇ассзд̇ваа ид̣̇аани д̣̇зсанам̣, бидтияам̣ бахарид̇ваа гзсзсу ваа г̇ахзд̇ваа вираванд̇ам̣ вираванд̇ам̣ маг̇г̇ад̇о оггамзнд̇о вияа навахи бад̣̇зхи самуд̣̇аажаарад̇ан̣хам̣ д̣̇ассзнд̇о – ‘‘ид̇и ко банзд̇ам̣, аананд̣̇а, взд̣̇анам̣ бадижжа д̇ан̣хаа’’д̇иаад̣̇имааха. д̇ад̇т̇а д̇ан̣хаад̇и д̣̇вз д̇ан̣хаа зсанад̇ан̣хаа жа, зсид̇ад̇ан̣хаа жа. яааяа д̇ан̣хааяа аж̇абат̇асан̇губат̇аад̣̇ийни бадибаж̇ж̇ид̇ваа бхог̇з зсад̇и г̇авзсад̇и, аяам̣ зсанад̇ан̣хаа наама. яаа д̇зсу зсид̇зсу г̇авзсид̇зсу бадилад̣̇д̇хзсу д̇ан̣хаа, аяам̣ зсид̇ад̇ан̣хаа наама. д̇ад̣̇убхаяамби самуд̣̇аажаарад̇ан̣хааяа зва ад̇хиважанам̣. д̇асмаа д̣̇увид̇хаабзсаа взд̣̇анам̣ бадижжа д̇ан̣хаа наама. бариязсанаа наама руубаад̣̇иаарамман̣абариязсанаа, саа хи д̇ан̣хааяа сад̇и ход̇и. лаабход̇и руубаад̣̇иаарамман̣абадилаабхо, со хи бариязсанааяа сад̇и ход̇и. винижчаяо бана н̃аан̣ад̇ан̣хаад̣̇идтивид̇аггавасзна жад̇уб̣б̣ид̇хо. д̇ад̇т̇а – ‘‘сукавинижчаяам̣ ж̇ан̃н̃аа, сукавинижчаяам̣ н̃ад̇ваа аж̇жхад̇д̇ам̣ сукамануяун̃ж̇зяяаа’’д̇и (ма. ни. 3.323) аяам̣ н̃аан̣авинижчаяо. ‘‘винижчаяод̇и д̣̇вз винижчаяаа – д̇ан̣хаавинижчаяо жа д̣̇идтивинижчаяо жаа’’д̇и (махаани. 102). звам̣ ааг̇ад̇аани адтасад̇ад̇ан̣хаавижарид̇аани д̇ан̣хаавинижчаяо. д̣̇ваасадти д̣̇идтияо д̣̇идтивинижчаяо. ‘‘чанд̣̇о ко, д̣̇зваанаминд̣̇а, вид̇агганид̣̇аано’’д̇и (д̣̇ий. ни. 2.358) имасмим̣ бана суд̇д̇з ид̇ха винижчаяод̇и вуд̇д̇о вид̇аггоязва ааг̇ад̇о. лаабхам̣ лабхид̇ваа хи идтаанидтам̣ сунд̣̇араасунд̣̇аран̃жа вид̇аггзнзва винижчинаад̇и – ‘‘зд̇д̇агам̣ мз руубаарамман̣ад̇т̇ааяа бхависсад̇и, зд̇д̇агам̣ сад̣̇д̣̇аад̣̇иаарамман̣ад̇т̇ааяа, зд̇д̇агам̣ маяхам̣ бхависсад̇и, зд̇д̇агам̣ барасса, зд̇д̇агам̣ барибхун̃ж̇иссаами, зд̇д̇агам̣ нид̣̇ахиссаамий’’д̇и. д̇зна вуд̇д̇ам̣ – ‘‘лаабхам̣ бадижжа винижчаяо’’д̇и.

чанд̣̇арааг̇од̇и звам̣ агусалавид̇аггзна вид̇аггид̇авад̇т̇усмим̣ д̣̇уб̣б̣аларааг̇о жа б̣алаварааг̇о жа уббаж̇ж̇ад̇и, ид̣̇ан̃хи ид̇ха д̇ан̣хаа. чанд̣̇од̇и д̣̇уб̣б̣аларааг̇ассаад̇хиважанам̣. аж̇жхосаананд̇и ахам̣ маманд̇и б̣алавасаннидтаанам̣. бариг̇г̇аход̇и д̇ан̣хаад̣̇идтавасзна бариг̇г̇ахан̣агаран̣ам̣. мажчарияанд̇и барзхи саад̇хааран̣абхаавасса асаханад̇аа. д̇знзвасса бораан̣аа звам̣ важанад̇т̇ам̣ вад̣̇анд̇и – ‘‘ид̣̇ам̣ ажчарияам̣ маяхамзва ход̇у, маа ан̃н̃зсам̣ ажчарияам̣ ход̇ууд̇и бавад̇д̇ад̇д̇аа мажчарияанд̇и вужжад̇ий’’д̇и. аарагкод̇и д̣̇ваарабид̣̇аханаман̃ж̇уусаг̇обанаад̣̇ивасзна судту рагкан̣ам̣. ад̇хигарод̇ийд̇и ад̇хигаран̣ам̣, гааран̣ассзд̇ам̣ наамам̣. аарагкаад̇хигаран̣анд̇и бхааванабум̣сагам̣, аарагкахзд̇ууд̇и ад̇т̇о. д̣̇ан̣д̣аад̣̇аанаад̣̇ийсу баранисзд̇ханад̇т̇ам̣ д̣̇ан̣д̣асса аад̣̇аанам̣ д̣̇ан̣д̣аад̣̇аанам̣. згад̇о д̇хаараад̣̇ино сад̇т̇асса аад̣̇аанам̣ сад̇т̇аад̣̇аанам̣. галаход̇и гааяагалахоби ваажаагалахоби. буримо буримо вирод̇хо виг̇г̇ахо. бажчимо бажчимо виваад̣̇о. д̇увам̣д̇уванд̇и аг̇аарававажанам̣ д̇увам̣д̇увам̣.

112. ид̣̇аани бадиломанаязнааби д̇ам̣самуд̣̇аажаарад̇ан̣хам̣ д̣̇ассзд̇ум̣ буна – ‘‘аарагкаад̇хигаран̣а’’нд̇и аарабханд̇о д̣̇зсанам̣ нивад̇д̇зси. д̇ад̇т̇а гаамад̇ан̣хаад̇и бан̃жагаамаг̇ун̣игарааг̇авасзна уббаннаа руубаад̣̇ид̇ан̣хаа. бхавад̇ан̣хаад̇и сассад̇ад̣̇идтисахаг̇ад̇о рааг̇о. вибхавад̇ан̣хаад̇и ужчзд̣̇ад̣̇идтисахаг̇ад̇о рааг̇о. имз д̣̇вз д̇хаммаад̇и ваддамуулад̇ан̣хаа жа самуд̣̇аажаарад̇ан̣хаа жаад̇и имз д̣̇вз д̇хаммаа. д̣̇ваязнаад̇и д̇ан̣хаалагкан̣авасзна згабхаавам̣ г̇ад̇ааби ваддамууласамуд̣̇аажааравасзна д̣̇вийхи годтаасзхи взд̣̇анааяа згасамосаран̣аа бхаванд̇и, взд̣̇анаабажжаязна згабажжаяаад̇и ад̇т̇о. д̇ивид̇хан̃хи самосаран̣ам̣ осаран̣асамосаран̣ам̣, сахаж̇аад̇асамосаран̣ам̣, бажжаяасамосаран̣ан̃жа. д̇ад̇т̇а – ‘‘ат̇а ко саб̣б̣аани д̇аани гаамасамосаран̣аани бхаванд̇ий’’д̇и ид̣̇ам̣ осаран̣асамосаран̣ам̣ наама. ‘‘чанд̣̇амуулагаа, аавусо, зд̇з д̇хаммаа пассасамуд̣̇аяаа взд̣̇анаасамосаран̣аа’’д̇и (а. ни. 8.83) ид̣̇ам̣ сахаж̇аад̇асамосаран̣ам̣ наама. ‘‘д̣̇ваязна взд̣̇анааяа згасамосаран̣аа’’д̇и ид̣̇ам̣ бана бажжаяасамосаран̣анд̇и взд̣̇ид̇аб̣б̣ам̣.

113. жагкусампассод̇и аад̣̇аяо саб̣б̣з вибаагапассааязва. д̇зсу табзд̇ваа жад̇д̇ааро логуд̇д̇аравибаагапассз авасзсаа д̣̇вад̇д̇им̣са пассаа хонд̇и. яад̣̇ид̣̇ам̣ пассод̇и зд̇т̇а бана пассо б̣ахуд̇хаа взд̣̇анааяа бажжаяо ход̇и.

114. язхи, аананд̣̇а, аагаарзхийд̇иаад̣̇ийсу аагаараа вужжанд̇и взд̣̇анаад̣̇ийнам̣ ан̃н̃аман̃н̃ам̣ асад̣̇исасабхааваа. д̇зязва саад̇хугам̣ д̣̇ассияамаанаа д̇ам̣ д̇ам̣ лийнамад̇т̇ам̣ г̇амзнд̇ийд̇и лин̇г̇аани. д̇асса д̇асса сан̃ж̇аананахзд̇уд̇о нимид̇д̇аани. д̇ат̇аа д̇ат̇аа уд̣̇д̣̇исид̇аб̣б̣ад̇о уд̣̇д̣̇зсаа . д̇асмаа аяамзд̇т̇а ад̇т̇о – ‘‘аананд̣̇а, язхи аагаарзхи…бз… язхи уд̣̇д̣̇зсзхи наамагааяасса наамасамуухасса бан̃н̃ад̇д̇и ход̇и, яаа зсаа жа взд̣̇анааяа взд̣̇аяид̇аагаарз взд̣̇аяид̇алин̇г̇з взд̣̇аяид̇анимид̇д̇з взд̣̇анаад̇и уд̣̇д̣̇зсз сад̇и, сан̃н̃ааяа сан̃ж̇аананаагаарз сан̃ж̇аананалин̇г̇з сан̃ж̇аанананимид̇д̇з сан̃н̃аад̇и уд̣̇д̣̇зсз сад̇и, сан̇каараанам̣ жзд̇анаагаарз жзд̇анаалин̇г̇з жзд̇анаанимид̇д̇з жзд̇анаад̇и уд̣̇д̣̇зсз сад̇и, вин̃н̃аан̣асса виж̇аананаагаарз виж̇аананалин̇г̇з виж̇аанананимид̇д̇з вин̃н̃аан̣анд̇и уд̣̇д̣̇зсз сад̇и – ‘аяам̣ наамагааяо’д̇и наамагааяасса бан̃н̃ад̇д̇и ход̇и. д̇зсу наамагааяаббан̃н̃ад̇д̇ихзд̇уусу взд̣̇анаад̣̇ийсу аагаараад̣̇ийсу асад̇и аби ну ко руубагааяз ад̇хиважанасампассо бан̃н̃ааязт̇а? явааяам̣ жад̇д̇ааро канд̇хз вад̇т̇ум̣ гад̇ваа манод̣̇ваарз ад̇хиважанасампассавзважано маносампассо уббаж̇ж̇ад̇и, аби ну ко со руубагааяз бан̃н̃ааязт̇а, бан̃жа басаад̣̇з вад̇т̇ум̣ гад̇ваа гад̇ваа уббаж̇ж̇зяяаа’’д̇и. ат̇а ааяасмаа аананд̣̇о амб̣аругкз асад̇и ж̇амб̣уругкад̇о амб̣абаггасса уббад̇д̇им̣ вияа руубагааяад̇о д̇асса уббад̇д̇им̣ асамбадижчанд̇о но хзд̇ам̣ бханд̇зд̇и ааха.

д̣̇уд̇ияабан̃хз руббанаагаараруббаналин̇г̇аруббананимид̇д̇авасзна руубанд̇и уд̣̇д̣̇зсавасзна жа аагаараад̣̇ийнам̣ ад̇т̇о взд̣̇ид̇аб̣б̣о. бадигхасампассод̇и саббадигхам̣ руубагканд̇хам̣ вад̇т̇ум̣ гад̇ваа уббаж̇ж̇анагасампассо. ид̇хааби т̇зро ж̇амб̣уругкз асад̇и амб̣аругкад̇о ж̇амб̣убаггасса уббад̇д̇им̣ вияа наамагааяад̇о д̇асса уббад̇д̇им̣ асамбадижчанд̇о ‘‘но хзд̇ам̣ бханд̇з’’д̇и ааха.

д̇ад̇ияабан̃хо убхаяавасзнзва вуд̇д̇о. д̇ад̇ра т̇зро аагаасз амб̣аж̇амб̣убаггаанам̣ уббад̇д̇им̣ вияа наамаруубаабхаавз д̣̇виннамби пассаанам̣ уббад̇д̇им̣ асамбадижчанд̇о ‘‘но хзд̇ам̣ бханд̇з’’д̇и ааха.

звам̣ д̣̇виннам̣ пассаанам̣ висум̣ висум̣ бажжаяам̣ д̣̇ассзд̇ваа ид̣̇аани д̣̇виннамби д̇зсам̣ ависзсад̇о наамаруубабажжаяад̇ам̣ д̣̇ассзд̇ум̣ – ‘‘язхи аананд̣̇а аагаарзхий’’д̇и жад̇уд̇т̇ам̣ бан̃хам̣ аарабхи. яад̣̇ид̣̇ам̣ наамаруубанд̇и яам̣ ид̣̇ам̣ наамаруубам̣, яам̣ ид̣̇ам̣ часуби д̣̇ваарзсу наамаруубам̣, зсзва хзд̇у зсзва бажжаяод̇и ад̇т̇о. жагкуд̣̇ваараад̣̇ийсу хи жагкаад̣̇ийни жзва руубаарамман̣аад̣̇ийни жа руубам̣, самбаяуд̇д̇агаа канд̇хаа нааманд̇и звам̣ бан̃жавид̇хоби со пассо наамаруубабажжаяаава пассо. манод̣̇ваарзби хад̣̇аяавад̇т̇ун̃жзва яан̃жа руубам̣ аарамман̣ам̣ ход̇и, ид̣̇ам̣ руубам̣. самбаяуд̇д̇ад̇хаммаа жзва яан̃жа аруубам̣ аарамман̣ам̣ ход̇и, ид̣̇ам̣ аруубам̣ наама. звам̣ маносампассоби наамаруубабажжаяаа пассод̇и взд̣̇ид̇аб̣б̣о. наамаруубам̣ банасса б̣ахуд̇хаа бажжаяо ход̇и.

115. на оггамиссат̇аад̇и бависид̇ваа бавад̇д̇амаанам̣ вияа бадисанд̇хивасзна на вад̇д̇иссат̇а. самужжиссат̇аад̇и бадисанд̇хивин̃н̃аан̣з асад̇и аби ну ко суд̣̇д̇хам̣ авасзсам̣ наамаруубам̣ анд̇омаад̇угужчисмим̣ галалаад̣̇ибхаавзна самужжид̇ам̣ миссагабхууд̇ам̣ худ̇ваа вад̇д̇иссат̇а. оггамид̇ваа воггамиссат̇аад̇и бадисанд̇хивасзна оггамид̇ваа жуд̇ивасзна воггамиссат̇а, нируж̇жхиссат̇аад̇и ад̇т̇о. со банасса нирод̇хо на д̇ассзва жид̇д̇асса нирод̇хзна, на д̇ад̇о д̣̇уд̇ияад̇ад̇ияаанам̣ нирод̇хзна ход̇и. бадисанд̇хижид̇д̇зна хи сад̣̇д̇хим̣ самудтид̇аани самад̇им̣са гаммаж̇аруубаани ниб̣б̣ад̇д̇анд̇и. д̇зсу бана тид̇зсуязва сол̣аса бхаван̇г̇ажид̇д̇аани уббаж̇ж̇ид̇ваа нируж̇жханд̇и. зд̇асмим̣ анд̇арз г̇ахид̇абадисанд̇хигасса д̣̇аарагасса ваа маад̇уяаа ваа банасса анд̇арааяо над̇т̇и. аяан̃хи аногаасо наама. сажз бана бадисанд̇хижид̇д̇зна сад̣̇д̇хим̣ самудтид̇аруубаани сад̇д̇арасамасса бхаван̇г̇асса бажжаяам̣ д̣̇аад̇ум̣ саггонд̇и, бавад̇д̇и бавад̇д̇ад̇и, бавзн̣ий гхадияад̇и. сажз бана на саггонд̇и, бавад̇д̇и наббавад̇д̇ад̇и, бавзн̣ий на гхадияад̇и, воггамад̇и наама ход̇и. д̇ам̣ санд̇хааяа ‘‘оггамид̇ваа воггамиссат̇аа’’д̇и вуд̇д̇ам̣.

ид̇т̇ад̇д̇ааяаад̇и ид̇т̇абхаавааяа, звам̣ барибун̣н̣абан̃жагканд̇хабхаавааяаад̇и ад̇т̇о. д̣̇ахарассзва сад̇од̇и манд̣̇асса б̣аалассзва санд̇асса. вожчиж̇ж̇иссат̇аад̇и убажчиж̇ж̇иссат̇а вуд̣дхим̣ вируул̣хим̣ взбулланд̇и вин̃н̃аан̣з убажчиннз суд̣̇д̇хам̣ наамаруубамзва удтахид̇ваа батамаваяавасзна вуд̣дхим̣, маж̇жхимаваяавасзна вируул̣хим̣, бажчимаваяавасзна взбуллам̣ аби ну ко аабаж̇ж̇иссат̇аад̇и. д̣̇асавассавийсад̇ивассавассасад̇авассасахассасамбаабанзна ваа аби ну ко вуд̣дхим̣ вируул̣хим̣ взбуллам̣ аабаж̇ж̇иссат̇аад̇и ад̇т̇о.

д̇асмаад̇ихаананд̣̇аад̇и яасмаа маад̇угужчияам̣ бадисанд̇хиг̇г̇ахан̣зби гужчиваасзби гужчид̇о нигкаманзби, бавад̇д̇ияам̣ д̣̇асавассаад̣̇игаалзби вин̃н̃аан̣амзвасса бажжаяо, д̇асмаа зсзва хзд̇у зса бажжаяо наамаруубасса, яад̣̇ид̣̇ам̣ вин̃н̃аан̣ам̣. яат̇аа хи рааж̇аа ад̇д̇ано барисам̣ ниг̇г̇ан̣ханд̇о звам̣ вад̣̇зяяа – ‘‘д̇вам̣ убарааж̇аа, д̇вам̣ сзнаабад̇ийд̇и гзна гад̇о нану маяаа гад̇о, сажз хи маяи агаронд̇з д̇вам̣ ад̇д̇ано д̇хаммад̇ааяа убарааж̇аа ваа сзнаабад̇и ваа бхавзяяааси, ж̇аанзяяаама во б̣ала’’нд̇и; звамзва вин̃н̃аан̣ам̣ наамаруубасса бажжаяо ход̇и. ад̇т̇ад̇о звам̣ наамаруубам̣ вад̣̇ад̇и вияа ‘‘д̇вам̣ наамам̣, д̇вам̣ руубам̣, д̇вам̣ наамаруубам̣ наамаад̇и гзна гад̇ам̣, нану маяаа гад̇ам̣, сажз хи маяи бурзжааригз худ̇ваа маад̇угужчисмим̣ бадисанд̇хим̣ аг̇ан̣ханд̇з д̇вам̣ наамам̣ ваа руубам̣ ваа наамаруубам̣ ваа бхавзяяааси, ж̇аанзяяаама во б̣ала’’нд̇и. д̇ам̣ банзд̇ам̣ вин̃н̃аан̣ам̣ наамаруубасса б̣ахуд̇хаа бажжаяо ход̇и.

116. д̣̇угкасамуд̣̇аяасамбхавод̇и д̣̇угкараасисамбхаво. яад̣̇ид̣̇ам̣ наамаруубанд̇и яам̣ ид̣̇ам̣ наамаруубам̣, зсзва хзд̇у зса бажжаяо. яат̇аа хи рааж̇абурисаа рааж̇аанам̣ ниг̇г̇ан̣ханд̇о звам̣ вад̣̇зяяум̣ – ‘‘д̇вам̣ рааж̇аад̇и гзна гад̇о, нану маяаа гад̇о, сажз хи маяи убарааж̇адтаанз, маяи сзнаабад̇идтаанз ад̇идтанд̇з д̇вам̣ згагова рааж̇аа бхавзяяааси, бассзяяаама д̇з рааж̇абхаава’’нд̇и; звамзва наамаруубамби ад̇т̇ад̇о звам̣ вин̃н̃аан̣ам̣ вад̣̇ад̇и вияа ‘‘д̇вам̣ бадисанд̇хивин̃н̃аан̣анд̇и гзна гад̇ам̣, нану амхзхи гад̇ам̣, сажз хи д̇вам̣ д̇аяо канд̇хз хад̣̇аяавад̇т̇ун̃жа аниссааяа бадисанд̇хивин̃н̃аан̣ам̣ наама бхавзяяааси, бассзяяаама д̇з бадисанд̇хивин̃н̃аан̣абхаава’’нд̇и. д̇ан̃жа банзд̇ам̣ наамаруубам̣ вин̃н̃аан̣асса б̣ахуд̇хаа бажжаяо ход̇и.

зд̇д̇аавад̇аа код̇и вин̃н̃аан̣з наамаруубасса бажжаяз хонд̇з, наамаруубз вин̃н̃аан̣асса бажжаяз хонд̇з, д̣̇вийсу ан̃н̃аман̃н̃абажжаяавасзна бавад̇д̇зсу зд̇д̇агзна ж̇ааязт̇а ваа…бз… убабаж̇ж̇зт̇а ваа, ж̇аад̇иаад̣̇аяо бан̃н̃ааязяяум̣ абараабарам̣ ваа жуд̇ибадисанд̇хияод̇и.

ад̇хиважанабат̇од̇и ‘‘сиривад̣дхаго д̇ханавад̣дхаго’’д̇иаад̣̇игасса ад̇т̇ам̣ ад̣̇исваа важанамад̇д̇амзва ад̇хигижжа бавад̇д̇асса вохаарасса бат̇о. нируд̇д̇ибат̇од̇и сарад̇ийд̇и сад̇о, самбаж̇аанаад̇ийд̇и самбаж̇аанод̇иаад̣̇игасса гааран̣аабад̣̇зсавасзна бавад̇д̇асса вохаарасса бат̇о. бан̃н̃ад̇д̇ибат̇од̇и – ‘‘бан̣д̣ид̇о б̣яад̇д̇о мзд̇хаавий нибун̣о гад̇абараббаваад̣̇о’’д̇иаад̣̇игасса наанаббагаарад̇о н̃аабанавасзна бавад̇д̇асса вохаарасса бат̇о. ид̇и д̇ийхи бад̣̇зхи ад̇хиважанаад̣̇ийнам̣ вад̇т̇убхууд̇аа канд̇хаава гат̇ид̇аа. бан̃н̃ааважаранд̇и бан̃н̃ааяа аважарид̇аб̣б̣ам̣ ж̇аанид̇аб̣б̣ам̣. ваддам̣ вад̇д̇ад̇ийд̇и сам̣саараваддам̣ вад̇д̇ад̇и. ид̇т̇ад̇д̇анд̇и ид̇т̇ам̣бхааво, канд̇хабан̃жагассзд̇ам̣ наамам̣. бан̃н̃аабанааяаад̇и наамабан̃н̃ад̇д̇ад̇т̇ааяа. ‘‘взд̣̇анаа сан̃н̃аа’’д̇иаад̣̇инаа наамабан̃н̃ад̇д̇ад̇т̇ааяа, канд̇хабан̃жагамби зд̇д̇аавад̇аа бан̃н̃ааяад̇ийд̇и ад̇т̇о. яад̣̇ид̣̇ам̣ наамаруубам̣ саха вин̃н̃аан̣знаад̇и яам̣ ид̣̇ам̣ наамаруубам̣ саха вин̃н̃аан̣зна ан̃н̃аман̃н̃абажжаяад̇ааяа бавад̇д̇ад̇и, зд̇д̇аавад̇аад̇и вуд̇д̇ам̣ ход̇и. ид̣̇ан̃хзд̇т̇а нияяаад̇ид̇аважанам̣.

ад̇д̇абан̃н̃ад̇д̇иван̣н̣анаа

117. ид̇и бхаг̇аваа – ‘‘г̇амбхийро жааяам̣, аананд̣̇а, бадижжасамуббаад̣̇о, г̇амбхийраавабхаасо жаа’’д̇и бад̣̇асса анусанд̇хим̣ д̣̇ассзд̇ваа ид̣̇аани ‘‘д̇анд̇аагулагаж̇аад̇аа’’д̇и бад̣̇асса анусанд̇хим̣ д̣̇ассзнд̇о ‘‘гид̇д̇аавад̇аа жаа’’д̇иаад̣̇игам̣ д̣̇зсанам̣ аарабхи. д̇ад̇т̇а руубим̣ ваа хи, аананд̣̇а, барид̇д̇ам̣ ад̇д̇аананд̇иаад̣̇ийсу яо авад̣дхид̇ам̣ гасин̣анимид̇д̇ам̣ ад̇д̇аад̇и г̇ан̣хаад̇и, со руубим̣ барид̇д̇ам̣ бан̃н̃абзд̇и. яо бана наанаагасин̣алаабхий ход̇и, со д̇ам̣ гад̣̇аажи нийло, гад̣̇аажи бийд̇агод̇и бан̃н̃абзд̇и. яо вад̣дхид̇ам̣ гасин̣анимид̇д̇ам̣ ад̇д̇аад̇и г̇ан̣хаад̇и, со руубим̣ ананд̇ам̣ бан̃н̃абзд̇и. яо ваа бана авад̣дхид̇ам̣ гасин̣анимид̇д̇ам̣ уг̇гхаадзд̇ваа нимид̇д̇апудтогаасам̣ ваа д̇ад̇т̇а бавад̇д̇з жад̇д̇ааро канд̇хз ваа д̇зсу вин̃н̃аан̣амад̇д̇амзва ваа ад̇д̇аад̇и г̇ан̣хаад̇и, со аруубим̣ барид̇д̇ам̣ бан̃н̃абзд̇и. яо вад̣дхид̇ам̣ нимид̇д̇ам̣ уг̇гхаадзд̇ваа нимид̇д̇апудтогаасам̣ ваа д̇ад̇т̇а бавад̇д̇з жад̇д̇ааро канд̇хз ваа д̇зсу вин̃н̃аан̣амад̇д̇амзва ваа ад̇д̇аад̇и г̇ан̣хаад̇и, со аруубим̣ ананд̇ам̣ бан̃н̃абзд̇и.

118. д̇ад̇раананд̣̇аад̇и зд̇т̇а д̇ад̇раад̇и д̇зсу жад̇уусу д̣̇идтиг̇ад̇игзсу. зд̇арахи ваад̇и ид̣̇аанзва, на ид̇о барам̣. ужчзд̣̇авасзнзд̇ам̣ вуд̇д̇ам̣. д̇ад̇т̇абхаавим̣ ваад̇и д̇ад̇т̇а ваа баралогз бхаавим̣. сассад̇авасзнзд̇ам̣ вуд̇д̇ам̣. ад̇ат̇ам̣ ваа бана санд̇анд̇и ад̇ат̇асабхаавам̣ самаанам̣. д̇ат̇ад̇д̇ааяаад̇и д̇ат̇абхаавааяа. убагаббзссаамийд̇и самбаад̣̇зссаами. иминаа виваад̣̇ам̣ д̣̇ассзд̇и. ужчзд̣̇аваад̣̇ий хи ‘‘сассад̇аваад̣̇ино ад̇д̇аанам̣ ад̇ат̇ам̣ анужчзд̣̇асабхаавамби самаанам̣ д̇ат̇ад̇т̇ааяа ужчзд̣̇асабхаавааяа убагаббзссаами, сассад̇аваад̣̇ан̃жа ж̇аанаабзд̇ваа ужчзд̣̇аваад̣̇амзва нам̣ г̇аахзссаамий’’д̇и жинд̇зд̇и. сассад̇аваад̣̇ийби ‘‘ужчзд̣̇аваад̣̇ино ад̇д̇аанам̣ ад̇ат̇ам̣ асассад̇асабхаавамби самаанам̣ д̇ат̇ад̇т̇ааяа сассад̇абхаавааяа убагаббзссаами, ужчзд̣̇аваад̣̇ан̃жа ж̇аанаабзд̇ваа сассад̇аваад̣̇амзва нам̣ г̇аахзссаамий’’д̇и жинд̇зд̇и.

звам̣ санд̇ам̣ код̇и звам̣ самаанам̣ руубим̣ барид̇д̇ам̣ ад̇д̇аанам̣ бан̃н̃абзнд̇анд̇и ад̇т̇о. руубинд̇и руубагасин̣алаабхим̣. барид̇д̇ад̇д̇аануд̣̇идти анусзд̇ийд̇и барид̇д̇о ад̇д̇аад̇и аяам̣ д̣̇идти анусзд̇и, саа бана на валли вияа жа лад̇аа вияа жа анусзд̇и. аббахийнадтзна анусзд̇ийд̇и взд̣̇ид̇аб̣б̣о. ижжаалам̣ важанааяаад̇и д̇ам̣ буг̇г̇алам̣ зваруубаа д̣̇идти анусзд̇ийд̇и вад̇д̇ум̣ яуд̇д̇ам̣. зса наяо саб̣б̣ад̇т̇а.

аруубинд̇и зд̇т̇а бана аруубагасин̣алаабхим̣, аруубагканд̇хаг̇ожарам̣ ваад̇и звамад̇т̇о д̣̇адтаб̣б̣о. зд̇д̇аавад̇аа лаабхино жад̇д̇ааро, д̇зсам̣ анд̇зваасигаа жад̇д̇ааро, д̇аггигаа жад̇д̇ааро, д̇зсам̣ анд̇зваасигаа жад̇д̇аарод̇и ад̇д̇ад̇о сол̣аса д̣̇идтиг̇ад̇игаа д̣̇ассид̇аа хонд̇и.

наад̇д̇абан̃н̃ад̇д̇иван̣н̣анаа

119. звам̣ яз ад̇д̇аанам̣ бан̃н̃абзнд̇и, д̇з д̣̇ассзд̇ваа ид̣̇аани яз на бан̃н̃абзнд̇и, д̇з д̣̇ассзд̇ум̣ – ‘‘гид̇д̇аавад̇аа жа аананд̣̇аа’’д̇иаад̣̇имааха. гз бана на бан̃н̃абзнд̇и? саб̣б̣з д̇аава арияабуг̇г̇алаа на бан̃н̃абзнд̇и. яз жа б̣ахуссуд̇аа д̇ибидагад̇хараа д̣̇вибидагад̇хараа згабидагад̇хараа, анд̇амасо зганигааяамби саад̇хугам̣ винижчинид̇ваа уг̇г̇ахид̇ад̇хаммагат̇игоби аарад̣̇д̇хавибассагоби буг̇г̇ало, д̇з на бан̃н̃абзнд̇иязва. зд̇зсан̃хи бадибхааг̇агасин̣з бадибхааг̇агасин̣амижжзва н̃аан̣ам̣ ход̇и. аруубагканд̇хзсу жа аруубагканд̇хаа ижжзва.

ад̇д̇асаманубассанааван̣н̣анаа

121. звам̣ яз на бан̃н̃абзнд̇и, д̇з д̣̇ассзд̇ваа ид̣̇аани яз д̇з бан̃н̃абзнд̇и, д̇з яасмаа д̣̇идтивасзна саманубассид̇ваа бан̃н̃абзнд̇и, саа жа нзсам̣ саманубассанаа вийсад̇ивад̇т̇угааяа саггааяад̣̇идтияаа аббахийнад̇д̇аа ход̇и, д̇асмаа д̇ам̣ вийсад̇ивад̇т̇угам̣ саггааяад̣̇идтим̣ д̣̇ассзд̇ум̣ буна гид̇д̇аавад̇аа жа аананд̣̇аад̇иаад̣̇имааха.

д̇ад̇т̇а взд̣̇анам̣ ваа хийд̇и иминаа взд̣̇анаагканд̇хавад̇т̇угаа саггааяад̣̇идти гат̇ид̇аа. аббадисам̣взд̣̇ано мз ад̇д̇аад̇и иминаа руубагканд̇хавад̇т̇угаа. ад̇д̇аа мз взд̣̇ияад̇и, взд̣̇анаад̇хаммо хи мз ад̇д̇аад̇и иминаа сан̃н̃аасан̇кааравин̃н̃аан̣агканд̇хавад̇т̇угаа . ид̣̇ан̃хи канд̇хад̇д̇аяам̣ взд̣̇анаасамбаяуд̇д̇ад̇д̇аа взд̣̇ияад̇и. зд̇асса жа взд̣̇анаад̇хаммо авиббаяуд̇д̇асабхааво.

122. ид̣̇аани д̇ад̇т̇а д̣̇осам̣ д̣̇ассзнд̇о – ‘‘д̇ад̇раананд̣̇аа’’д̇иаад̣̇имааха. д̇ад̇т̇а д̇ад̇раад̇и д̇зсу д̇ийсу д̣̇идтиг̇ад̇игзсу. яасмим̣, аананд̣̇а, самаязд̇иаад̣̇и яо яо яам̣ яам̣ взд̣̇анам̣ ад̇д̇аад̇и саманубассад̇и, д̇асса д̇асса ад̇д̇ано гад̣̇аажи бхаавам̣, гад̣̇аажи абхааванд̇и звамаад̣̇ид̣̇осад̣̇ассанад̇т̇ам̣ вуд̇д̇ам̣.

123. анижжаад̣̇ийсу худ̇ваа абхаавад̇о анижжаа. д̇зхи д̇зхи гааран̣зхи сан̇г̇амма самааг̇амма гад̇аад̇и сан̇кад̇аа. д̇ам̣ д̇ам̣ бажжаяам̣ бадижжа саммаа гааран̣знзва уббаннаад̇и бадижжасамуббаннаа. каяод̇иаад̣̇и саб̣б̣ам̣ бхан̇г̇асса взважанам̣. яан̃хи бхиж̇ж̇ад̇и, д̇ам̣ кияад̇иби ваяад̇иби вираж̇жхад̇иби нируж̇жхад̇иби, д̇асмаа каяад̇хаммаад̇иаад̣̇и вуд̇д̇ам̣.

б̣яаг̇аа мзд̇и виаг̇аад̇и б̣яаг̇аа, виг̇ад̇о нируд̣̇д̇хо мз ад̇д̇аад̇и ад̇т̇о. гим̣ бана згассзва д̇ийсуби гаалзсу – ‘‘зсо мз ад̇д̇аа’’д̇и ход̇ийд̇и, гим̣ бана на бхависсад̇и? д̣̇идтиг̇ад̇игасса хи т̇усараасимхи нигкид̇д̇акаан̣угассзва нижжалад̇аа наама над̇т̇и, ванамаггадо вияа ан̃н̃ам̣ г̇ан̣хаад̇и, ан̃н̃ам̣ мун̃жад̇и. анижжасукад̣̇угкавогин̣н̣анд̇и висзсзна д̇ам̣ д̇ам̣ взд̣̇анам̣ ад̇д̇аад̇и саманубассанд̇о анижжан̃жзва сукан̃жа д̣̇угкан̃жа ад̇д̇аанам̣ саманубассад̇и ависзсзна взд̣̇анам̣ ад̇д̇аад̇и саманубассанд̇о вогин̣н̣ам̣ уббаад̣̇аваяад̇хаммам̣ ад̇д̇аанам̣ саманубассад̇и. взд̣̇анаа хи д̇ивид̇хаа жзва уббаад̣̇аваяад̇хаммаа жа, д̇ан̃жзса ад̇д̇аад̇и саманубассад̇и. ижжасса анижжо жзва ад̇д̇аа аабаж̇ж̇ад̇и, згагкан̣з жа б̣ахуунам̣ взд̣̇анаанам̣ уббаад̣̇о. д̇ам̣ ко банзса анижжам̣ ад̇д̇аанам̣ ануж̇аанаад̇и, на згагкан̣з б̣ахуунам̣ взд̣̇анаанам̣ уббад̇д̇и ад̇т̇и. имамад̇т̇ам̣ санд̇хааяа – ‘‘д̇асмаад̇ихаананд̣̇а, зд̇знабзд̇ам̣ нагкамад̇и ‘взд̣̇анаа мз ад̇д̇аа’д̇и саманубассид̇у’’нд̇и вуд̇д̇ам̣.

124. яад̇т̇а банаавусод̇и яад̇т̇а суд̣̇д̇харуубагканд̇хз саб̣б̣асо взд̣̇аяид̇ам̣ над̇т̇и. аби ну ко д̇ад̇т̇аад̇и аби ну ко д̇асмим̣ взд̣̇анаавирахид̇з д̇аалаван̣дз ваа ваад̇абаанз ваа асмийд̇и звам̣ ахам̣гааро уббаж̇ж̇зяяаад̇и ад̇т̇о. д̇асмаад̇ихаананд̣̇аад̇и яасмаа суд̣̇д̇харуубагканд̇хо удтааяа ахамасмийд̇и на вад̣̇ад̇и, д̇асмаа зд̇знаби зд̇ам̣ нагкамад̇ийд̇и ад̇т̇о. аби ну ко д̇ад̇т̇а аяамахамасмийд̇и сияаад̇и аби ну ко д̇зсу взд̣̇анаад̇хаммзсу д̇ийсу канд̇хзсу згад̇хаммоби аяам̣ наама ахамасмийд̇и звам̣ вад̇д̇аб̣б̣о сияаа. ат̇а ваа взд̣̇анаанирод̇хаа сахзва взд̣̇анааяа нируд̣̇д̇хзсу д̇зсу д̇ийсу канд̇хзсу аби ну ко аяамахамасмийд̇и ваа ахамасмийд̇и ваа уббаж̇ж̇зяяаад̇и ад̇т̇о. ат̇ааяасмаа аананд̣̇о сасависаан̣асса д̇икин̣абхаавам̣ вияа д̇ам̣ асамбадижчанд̇о но хзд̇ам̣ бханд̇зд̇и ааха.

зд̇д̇аавад̇аа гим̣ гат̇ид̇ам̣ ход̇и? ваддагат̇аа гат̇ид̇аа ход̇и. бхаг̇аваа хи ваддагат̇ам̣ гат̇знд̇о гад̇т̇ажи авиж̇ж̇аасийсзна гат̇зси, гад̇т̇ажи д̇ан̣хаасийсзна, гад̇т̇ажи д̣̇идтисийсзна. д̇ад̇т̇а ‘‘буримаа, бхигкавз, годи наббан̃н̃ааяад̇и авиж̇ж̇ааяа, ‘ид̇о буб̣б̣з авиж̇ж̇аа наахоси, ат̇а бажчаа самабхавий’д̇и. зван̃жид̣̇ам̣, бхигкавз, вужжад̇и. ат̇а жа бана бан̃н̃ааяад̇и ид̣̇аббажжаяаа авиж̇ж̇аа’’д̇и (а. ни. 10.61) звам̣ авиж̇ж̇аасийсзна гат̇ид̇аа. ‘‘буримаа, бхигкавз, годи наббан̃н̃ааяад̇и бхавад̇ан̣хааяа, ‘ид̇о буб̣б̣з бхавад̇ан̣хаа наахоси, ат̇а бажчаа самабхавий’д̇и. зван̃жид̣̇ам̣, бхигкавз, вужжад̇и. ат̇а жа бана бан̃н̃ааяад̇и ид̣̇аббажжаяаа бхавад̇ан̣хаа’’д̇и (а. ни. 10.62) звам̣ д̇ан̣хаасийсзна гат̇ид̇аа. ‘‘буримаа, бхигкавз, годи наббан̃н̃ааяад̇и бхавад̣̇идтияаа, ‘ид̇о буб̣б̣з бхавад̣̇идти наахоси, ат̇а бажчаа самабхавий’д̇и, зван̃жид̣̇ам̣, бхигкавз, вужжад̇и. ат̇а жа бана бан̃н̃ааяад̇и ид̣̇аббажжаяаа бхавад̣̇идтий’’д̇и звам̣ д̣̇идтисийсзна гат̇ид̇аа. ид̇хааби д̣̇идтисийсзнзва гат̇ид̇аа.

д̣̇идтиг̇ад̇иго хи сукаад̣̇ивзд̣̇анам̣ ад̇д̇аад̇и г̇ахзд̇ваа ахан̇гаарамаман̇гаарабараамаасавасзна саб̣б̣абхаваяониг̇ад̇и – вин̃н̃аан̣адтид̇исад̇д̇ааваасзсу д̇ад̇о д̇ад̇о жавид̇ваа д̇ад̇т̇а д̇ад̇т̇а убабаж̇ж̇анд̇о махаасамуд̣̇д̣̇з ваад̇угкид̇д̇анааваа вияа сад̇ад̇ам̣ самид̇ам̣ бариб̣бхамад̇и, ваддад̇о сийсам̣ угкибид̇ум̣язва на саггод̇и.

126. ид̇и бхаг̇аваа бажжаяаагаарамуул̣хасса д̣̇идтиг̇ад̇игасса зд̇д̇агзна гат̇аамаг̇г̇зна ваддам̣ гат̇зд̇ваа ид̣̇аани виваддам̣ гат̇знд̇о яад̇о ко бана, аананд̣̇а, бхигкууд̇иаад̣̇имааха.

д̇ан̃жа бана виваддагат̇ам̣ бхаг̇аваа д̣̇зсанаасу гусалад̇д̇аа виссадтагаммадтаанам̣ навагаммаад̣̇ивасзна вигкид̇д̇абуг̇г̇алам̣ анаамасид̇ваа гаарагасса сад̇ибадтаанавихаарино буг̇г̇аласса васзна аарабханд̇о нзва взд̣̇анам̣ ад̇д̇аанам̣ саманубассад̇ийд̇иаад̣̇имааха. зваруубо хи бхигку – ‘‘яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз ваа санд̇игз ваа, саб̣б̣ам̣ руубам̣ анижжад̇о вавад̇т̇абзд̇и, згам̣ саммасанам̣. д̣̇угкад̇о вавад̇т̇абзд̇и, згам̣ саммасанам̣. анад̇д̇ад̇о вавад̇т̇абзд̇и, згам̣ саммасана’’нд̇иаад̣̇инаа наязна вуд̇д̇асса саммасанан̃аан̣асса васзна саб̣б̣ад̇хаммзсу бавад̇д̇ад̇д̇аа нзва взд̣̇анам̣ ад̇д̇аад̇и саманубассад̇и, на ан̃н̃ам̣, со звам̣ асаманубассанд̇о на гин̃жи логз убаад̣̇ияад̇ийд̇и канд̇халогаад̣̇ибхзд̣̇з логз руубаад̣̇ийсу д̇хаммзсу гин̃жи згад̇хаммамби ад̇д̇аад̇и ваа ад̇д̇анияанд̇и ваа на убаад̣̇ияад̇и.

анубаад̣̇ияам̣ на барид̇ассад̇ийд̇и анубаад̣̇ияанд̇о д̇ан̣хаад̣̇идтимаанабарид̇ассанааяааби на барид̇ассад̇и. абарид̇ассанд̇и абарид̇ассамаано. бажжад̇д̇ам̣язва бариниб̣б̣ааяад̇ийд̇и ад̇д̇анаава гилзсабариниб̣б̣аанзна бариниб̣б̣ааяад̇и. звам̣ бариниб̣б̣уд̇асса банасса бажжавзгкан̣аабавад̇д̇ид̣̇ассанад̇т̇ам̣ кийн̣аа ж̇аад̇ийд̇иаад̣̇и вуд̇д̇ам̣.

ид̇и саа д̣̇идтийд̇и яаа д̇ат̇аавимуд̇д̇асса арахад̇о д̣̇идти, саа звам̣ д̣̇идти. ‘‘ид̇исса д̣̇идтий’’д̇иби баато. яо д̇ат̇аавимуд̇д̇о арахаа, звамасса д̣̇идтийд̇и ад̇т̇о. д̇ад̣̇агалланд̇и д̇ам̣ на яуд̇д̇ам̣. гасмаа? зван̃хи сад̇и – ‘‘арахаа на гин̃жи ж̇аанаад̇ий’’д̇и вуд̇д̇ам̣ бхавзяяа, звам̣ н̃ад̇ваа вимуд̇д̇ан̃жа араханд̇ам̣ ‘‘на гин̃жи ж̇аанаад̇ий’’д̇и вад̇д̇ум̣ на яуд̇д̇ам̣. д̇знзва жад̇уннамби наяаанам̣ авасаанз – ‘‘д̇ам̣ гисса хзд̇уу’’д̇иаад̣̇имааха.

д̇ад̇т̇а яаавад̇аа аананд̣̇а ад̇хиважананд̇и яад̇д̇аго ад̇хиважанасан̇каад̇о вохааро ад̇т̇и. яаавад̇аа ад̇хиважанабат̇од̇и яад̇д̇аго ад̇хиважанасса бат̇о, канд̇хаа ааяад̇анаани д̇хаад̇уяо ваа ад̇т̇и. зса наяо саб̣б̣ад̇т̇а. бан̃н̃ааважаранд̇и бан̃н̃ааяа аважарид̇аб̣б̣ам̣ канд̇хабан̃жагам̣. д̇ад̣̇абхин̃н̃аад̇и д̇ам̣ абхиж̇аанид̇ваа. зд̇д̇агзна бхаг̇авад̇аа гим̣ д̣̇ассид̇ам̣? д̇анд̇аагулабад̣̇ассзва анусанд̇хи д̣̇ассид̇о.

сад̇д̇авин̃н̃аан̣адтид̇иван̣н̣анаа

127. ид̣̇аани яо – ‘‘на бан̃н̃абзд̇ий’’д̇и вуд̇д̇о, со яасмаа г̇ажчанд̇о г̇ажчанд̇о убхад̇обхааг̇авимуд̇д̇о наама ход̇и. яо жа – ‘‘на саманубассад̇ий’’д̇и вуд̇д̇о, со яасмаа г̇ажчанд̇о г̇ажчанд̇о бан̃н̃аавимуд̇д̇о наама ход̇и. д̇асмаа д̇зсам̣ хздтаа вуд̇д̇аанам̣ д̣̇виннам̣ бхигкуунам̣ ниг̇аманан̃жа нааман̃жа д̣̇ассзд̇ум̣ сад̇д̇а ко имаананд̣̇а вин̃н̃аан̣адтид̇ияод̇иаад̣̇имааха.

д̇ад̇т̇а сад̇д̇аад̇и бадисанд̇хивасзна вуд̇д̇аа, аарамман̣авасзна сан̇г̇ийд̇исуд̇д̇з (д̣̇ий. ни. 3.311) вуд̇д̇аа жад̇ассо ааг̇амиссанд̇и. вин̃н̃аан̣ам̣ д̇идтад̇и зд̇т̇аад̇и вин̃н̃аан̣адтид̇и, вин̃н̃аан̣абад̇идтаанассзд̇ам̣ ад̇хиважанам̣. д̣̇вз жа ааяад̇анаанийд̇и д̣̇вз ниваасадтаанаани. ниваасадтаанан̃хи ид̇хааяад̇ананд̇и ад̇хиббзд̇ам̣. д̇знзва вагкад̇и – ‘‘асан̃н̃асад̇д̇ааяад̇анам̣ нзвасан̃н̃аанаасан̃н̃ааяад̇анамзва д̣̇уд̇ияа’’нд̇и. гасмаа банзд̇ам̣ саб̣б̣ам̣ г̇ахид̇анд̇и? ваддабарияаад̣̇аанад̇т̇ам̣. ваддан̃хи на суд̣̇д̇хавин̃н̃аан̣адтид̇ивасзна суд̣̇д̇хааяад̇анавасзна ваа барияаад̣̇аанам̣ г̇ажчад̇и, бхаваяониг̇ад̇исад̇д̇ааваасавасзна бана г̇ажчад̇и, д̇асмаа саб̣б̣амзд̇ам̣ г̇ахид̇ам̣.

ид̣̇аани ануггамзна д̇амад̇т̇ам̣ вибхаж̇анд̇о гад̇амаа сад̇д̇аад̇иаад̣̇имааха. д̇ад̇т̇а сзяяат̇аабийд̇и нид̣̇ассанад̇т̇з нибаад̇о, яат̇аа мануссаад̇и ад̇т̇о. абаримаан̣зсу хи жаггаваал̣зсу абаримаан̣аанам̣ мануссаанам̣ ван̣н̣асан̣таанаад̣̇ивасзна д̣̇взби згасад̣̇исаа над̇т̇и. язби хи гад̇т̇ажи яамагабхаад̇аро ван̣н̣зна ваа сан̣таанзна ваа згасад̣̇исаа хонд̇и, д̇зсамби аалогид̇авилогид̇агат̇ид̇ахасид̇аг̇аманатаанаад̣̇ийхи висзсо ход̇иязва. д̇асмаа наанад̇д̇агааяаад̇и вуд̇д̇аа. бадисанд̇хисан̃н̃аа бана нзсам̣ д̇ихзд̇угааби д̣̇вихзд̇угааби ахзд̇угааби хонд̇и, д̇асмаа наанад̇д̇асан̃н̃инод̇и вуд̇д̇аа. згажжз жа д̣̇зваад̇и ча гаамааважарад̣̇зваа. д̇зсу хи гзсан̃жи гааяо нийло ход̇и, гзсан̃жи бийд̇агаад̣̇иван̣н̣о. сан̃н̃аа бана нзсам̣ д̣̇вихзд̇угааби д̇ихзд̇угааби хонд̇и, ахзд̇угаа над̇т̇и. згажжз жа винибаад̇игаад̇и жад̇уабааяавинимуд̇д̇аа уд̇д̇арамаад̇аа яагкиний, бияан̇гарамаад̇аа, пуссамид̇д̇аа, д̇хаммаг̇уд̇д̇аад̇и звамаад̣̇игаа ан̃н̃з жа взмаанигаа бзд̇аа. зд̇зсан̃хи бийд̇аод̣̇аад̇агаал̣аман̇г̇уражчависаамаван̣н̣аад̣̇ивасзна жзва гисат̇ууларассад̣̇ийгхавасзна жа гааяо наанаа ход̇и, мануссаанам̣ вияа д̣̇вихзд̇угад̇ихзд̇угаахзд̇угавасзна сан̃н̃ааби. д̇з бана д̣̇зваа вияа на махзсагкаа, габан̣амануссаа вияа аббзсагкаа, д̣̇уллабхагхаасажчаад̣̇анаа д̣̇угкабийл̣ид̇аа вихаранд̇и. згажжз гаал̣абагкз д̣̇угкид̇аа ж̇ун̣хабагкз сукид̇аа хонд̇и, д̇асмаа сукасамуссаяад̇о винибад̇ид̇ад̇д̇аа винибаад̇игаад̇и вуд̇д̇аа. яз банзд̇т̇а д̇ихзд̇угаа д̇зсам̣ д̇хаммаабхисамаяоби ход̇и, бияан̇гарамаад̇аа хи яагкиний бажжуусасамаяз ануруд̣̇д̇хад̇т̇зрасса д̇хаммам̣ саж̇жхааяад̇о суд̇ваа –

‘‘маа сад̣̇д̣̇амагари бияан̇гара, бхигку д̇хаммабад̣̇аани бхаасад̇и;

аби д̇хаммабад̣̇ам̣ виж̇аанияа, бадибаж̇ж̇зма хид̇ааяа но сияаа;

баан̣зсу жа сам̣яамаамасз, самбаж̇аанамусаа на бхан̣аамасз;

сигкзма сусийляамад̇д̇ано, аби мужжзма бисаажаяонияаа’’д̇и. (сам̣. ни. 2.40);

звам̣ буд̇д̇агам̣ сан̃н̃аабзд̇ваа д̇ам̣ д̣̇ивасам̣ сод̇аабад̇д̇ипалам̣ бад̇д̇аа. уд̇д̇арамаад̇аа бана бхаг̇авад̇о д̇хаммам̣ суд̇ваава сод̇аабаннаа ж̇аад̇аа.

б̣рахмагааяигаад̇и б̣рахмабаарисаж̇ж̇аб̣рахмабурохид̇амахааб̣рахмаано. батамаабхиниб̣б̣ад̇д̇аад̇и д̇з саб̣б̣зби батамзна жхаанзна абхиниб̣б̣ад̇д̇аа. д̇зсу б̣рахмабаарисаж̇ж̇аа бана барид̇д̇зна абхиниб̣б̣ад̇д̇аа, д̇зсам̣ габбасса д̇ад̇ияо бхааг̇о ааяуббамаан̣ам̣. б̣рахмабурохид̇аа маж̇жхимзна, д̇зсам̣ убад̣дхагаббо ааяуббамаан̣ам̣, гааяо жа д̇зсам̣ вибпааригад̇аро ход̇и. махааб̣рахмаано бан̣ийд̇зна, д̇зсам̣ габбо ааяуббамаан̣ам̣, гааяо бана д̇зсам̣ ад̇ивибпаариго ход̇и. ид̇и д̇з гааяасса наанад̇д̇аа, батамаж̇жхаанавасзна сан̃н̃ааяа згад̇д̇аа наанад̇д̇агааяаа згад̇д̇асан̃н̃инод̇и взд̣̇ид̇аб̣б̣аа.

яат̇аа жа д̇з, звам̣ жад̇уусу абааязсу сад̇д̇аа. нираязсу хи гзсан̃жи г̇аавуд̇ам̣, гзсан̃жи ад̣дхаяож̇анам̣, гзсан̃жи яож̇анам̣ ад̇д̇абхааво ход̇и, д̣̇звад̣̇ад̇д̇асса бана яож̇анасад̇иго ж̇аад̇о. д̇иражчаанзсуби гзжи куд̣̇д̣̇агаа, гзжи маханд̇аа. бзд̇д̇ивисаязби гзжи садтихад̇т̇аа, гзжи сад̇д̇ад̇ихад̇т̇аа, гзжи асийд̇ихад̇т̇аа хонд̇и, гзжи суван̣н̣аа, гзжи д̣̇уб̣б̣ан̣н̣аа хонд̇и. д̇ат̇аа гаалаган̃ж̇игаа асураа. аби жзд̇т̇а д̣̇ийгхабидтигабзд̇аа наама садтияож̇анигааби хонд̇и. сан̃н̃аа бана саб̣б̣зсамби агусалавибаагаахзд̇угаава хонд̇и. ид̇и аабааяигааби наанад̇д̇агааяаа згад̇д̇асан̃н̃инод̇взва сан̇кяам̣ г̇ажчанд̇и.

аабхассараад̇и д̣̇ан̣д̣ауггааяа ажжи вияа зд̇зсам̣ сарийрад̇о аабхаа чиж̇ж̇ид̇ваа чиж̇ж̇ид̇ваа бад̇анд̇ий вияа сарад̇и виссарад̇ийд̇и аабхассараа. д̇зсу бан̃жаганаязна д̣̇уд̇ияад̇ад̇ияаж̇жхаанад̣̇ваяам̣ барид̇д̇ам̣ бхаавзд̇ваа убабаннаа барид̇д̇аабхаа наама хонд̇и, д̇зсам̣ д̣̇вз габбаа ааяуббамаан̣ам̣. маж̇жхимам̣ бхаавзд̇ваа убабаннаа аббамаан̣аабхаа наама хонд̇и, д̇зсам̣ жад̇д̇ааро габбаа ааяуббамаан̣ам̣. бан̣ийд̇ам̣ бхаавзд̇ваа убабаннаа аабхассараа наама хонд̇и, д̇зсам̣ адта габбаа ааяуббамаан̣ам̣. ид̇ха бана уггадтабарижчзд̣̇авасзна саб̣б̣зби д̇з г̇ахид̇аа. саб̣б̣зсан̃хи д̇зсам̣ гааяо згавибпаарова ход̇и, сан̃н̃аа бана авид̇аггавижаарамад̇д̇аа ваа авид̇аггаавижаараа ваад̇и наанаа.

субхагин̣хаад̇и субхзна огин̣н̣аа вигин̣н̣аа, субхзна сарийраббабхааван̣н̣зна згаг̇гханаад̇и ад̇т̇о. зд̇зсан̃хи аабхассараанам̣ вияа на чиж̇ж̇ид̇ваа чиж̇ж̇ид̇ваа бабхаа г̇ажчад̇и. бан̃жаганаяз бана барид̇д̇амаж̇жхимабан̣ийд̇асса жад̇уд̇т̇аж̇жхаанасса васзна сол̣асад̣̇вад̇д̇им̣сажад̇усадтигаббааяугаа барид̇д̇асубхааббамаан̣асубхасубхагин̣хаа наама худ̇ваа ниб̣б̣ад̇д̇анд̇и. ид̇и саб̣б̣зби д̇з згад̇д̇агааяаа жзва жад̇уд̇т̇аж̇жхаанасан̃н̃ааяа згад̇д̇асан̃н̃ино жаад̇и взд̣̇ид̇аб̣б̣аа. взхабпалааби жад̇уд̇т̇авин̃н̃аан̣адтид̇имзва бхаж̇анд̇и. асан̃н̃асад̇д̇аа вин̃н̃аан̣аабхааваа зд̇т̇а сан̇г̇ахам̣ на г̇ажчанд̇и, сад̇д̇ааваасзсу г̇ажчанд̇и.

суд̣̇д̇хааваасаа виваддабагкз тид̇аа на саб̣б̣агаалигаа, габбасад̇асахассамби асан̇кязяяамби б̣уд̣̇д̇хасун̃н̃з логз нуббаж̇ж̇анд̇и. сол̣асагаббасахассаб̣бханд̇арз б̣уд̣̇д̇хзсу уббаннзсуязва уббаж̇ж̇анд̇и, д̇хаммажаггаббавад̇д̇асса бхаг̇авад̇о канд̇хаваарадтаанасад̣̇исаа хонд̇и. д̇асмаа нзва вин̃н̃аан̣адтид̇им̣ на сад̇д̇ааваасам̣ бхаж̇анд̇и. махаасийвад̇т̇зро бана – ‘‘на ко бана со саарибуд̇д̇а сад̇д̇ааваасо сулабхаруубо яо маяаа анивуд̇т̇абуб̣б̣о иминаа д̣̇ийгхзна ад̣̇д̇хунаа ан̃н̃ад̇ра суд̣̇д̇хааваасзхи д̣̇звзхий’’д̇и (ма. ни. 1.160) иминаа суд̇д̇зна суд̣̇д̇хааваасааби жад̇уд̇т̇авин̃н̃аан̣адтид̇им̣ жад̇уд̇т̇асад̇д̇ааваасам̣язва бхаж̇анд̇ийд̇и вад̣̇ад̇и, д̇ам̣ аббадиб̣аахияад̇д̇аа суд̇д̇асса анун̃н̃аад̇ам̣.

саб̣б̣асо руубасан̃н̃аананд̇иаад̣̇ийнам̣ ад̇т̇о висуд̣̇д̇химаг̇г̇з вуд̇д̇о. нзвасан̃н̃аанаасан̃н̃ааяад̇анам̣ бана яат̇зва сан̃н̃ааяа, звам̣ вин̃н̃аан̣ассаби сукумад̇д̇аа нзва вин̃н̃аан̣ам̣ наавин̃н̃аан̣ам̣. д̇асмаа вин̃н̃аан̣адтид̇ийсу авад̇ваа ааяад̇анзсу вуд̇д̇ам̣.

128. д̇ад̇раад̇и д̇аасу вин̃н̃аан̣адтид̇ийсу. д̇ан̃жа баж̇аанаад̇ийд̇и д̇ан̃жа вин̃н̃аан̣адтид̇им̣ баж̇аанаад̇и. д̇ассаа жа самуд̣̇аяанд̇и ‘‘авиж̇ж̇аасамуд̣̇аяаа руубасамуд̣̇аяо’’д̇иаад̣̇инаа (бади. ма. 1.49) наязна д̇ассаа самуд̣̇аяан̃жа баж̇аанаад̇и. д̇ассаа жа ад̇т̇ан̇г̇аманд̇и – ‘‘авиж̇ж̇аанирод̇хаа руубанирод̇хо’’д̇иаад̣̇инаа наязна д̇ассаа ад̇т̇ан̇г̇аман̃жа баж̇аанаад̇и. ассаад̣̇анд̇и яам̣ руубам̣ бадижжа…бз… яам̣ вин̃н̃аан̣ам̣ бадижжа уббаж̇ж̇ад̇и сукам̣ соманассам̣, аяам̣ вин̃н̃аан̣асса ассаад̣̇од̇и, звам̣ д̇ассаа ассаад̣̇ан̃жа баж̇аанаад̇и. аад̣̇ийнаванд̇и яам̣ руубам̣…бз… яам̣ вин̃н̃аан̣ам̣ анижжам̣ д̣̇угкам̣ вибарин̣аамад̇хаммам̣, аяам̣ вин̃н̃аан̣асса аад̣̇ийнавод̇и, звам̣ д̇ассаа аад̣̇ийнаван̃жа баж̇аанаад̇и. ниссаран̣анд̇и яо руубасмим̣…бз… яо вин̃н̃аан̣з чанд̣̇арааг̇авинаяо, чанд̣̇арааг̇аббахаанам̣, ид̣̇ам̣ вин̃н̃аан̣асса ниссаран̣анд̇и (сам̣. ни. 2.26) звам̣ д̇ассаа ниссаран̣ан̃жа баж̇аанаад̇и. галлам̣ ну д̇знаад̇и яуд̇д̇ам̣ ну д̇зна бхигкунаа д̇ам̣ вин̃н̃аан̣адтид̇им̣ д̇ан̣хаамаанад̣̇идтийнам̣ васзна аханд̇и ваа маманд̇и ваа абхинанд̣̇ид̇унд̇и. зд̇знубааязна саб̣б̣ад̇т̇а взд̣̇ид̇аб̣б̣о. яад̇т̇а бана руубам̣ над̇т̇и, д̇ад̇т̇а жад̇уннам̣ канд̇хаанам̣ васзна, яад̇т̇а вин̃н̃аан̣ам̣ над̇т̇и, д̇ад̇т̇а згасса канд̇хасса васзна самуд̣̇аяо яож̇зд̇аб̣б̣о. аахаарасамуд̣̇аяаа аахааранирод̇хаад̇и ид̣̇ан̃жзд̇т̇а бад̣̇ам̣ яож̇зд̇аб̣б̣ам̣.

яад̇о ко, аананд̣̇а, бхигкууд̇и яад̣̇аа ко аананд̣̇а, бхигку. анубаад̣̇аа вимуд̇д̇од̇и жад̇уухи убаад̣̇аанзхи аг̇г̇ахзд̇ваа вимуд̇д̇о. бан̃н̃аавимуд̇д̇од̇и бан̃н̃ааяа вимуд̇д̇о. адта вимогкз асажчигад̇ваа бан̃н̃ааб̣алзнзва наамагааяасса жа руубагааяасса жа аббавад̇д̇им̣ гад̇ваа вимуд̇д̇од̇и ад̇т̇о. со сугкавибассаго жа батамаж̇жхаанаад̣̇ийсу ан̃н̃ад̇арасмим̣ тад̇ваа арахад̇д̇ам̣ бад̇д̇о жаад̇и бан̃жавид̇хо. вуд̇д̇амби жзд̇ам̣ – ‘‘гад̇амо жа буг̇г̇ало бан̃н̃аавимуд̇д̇о? ид̇хзгажжо буг̇г̇ало на хзва ко адта вимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и, аяам̣ вужжад̇и буг̇г̇ало бан̃н̃аавимуд̇д̇о’’д̇и (бу. ба. 15).

адтавимогкаван̣н̣анаа

129. звам̣ згасса бхигкуно ниг̇аманан̃жа нааман̃жа д̣̇ассзд̇ваа ид̇арасса д̣̇ассзд̇ум̣ адта ко имзд̇иаад̣̇имааха. д̇ад̇т̇а вимогкод̇и гзнадтзна вимогко? ад̇химужжанадтзна. го банааяам̣ ад̇химужжанадто наама? бажжанийгад̇хаммзхи жа судту мужжанадто, аарамман̣з жа абхирад̇ивасзна судту мужжанадто, бид̇уан̇гз виссадтан̇г̇абажжан̇г̇асса д̣̇аарагасса саяанам̣ вияа аниг̇г̇ахид̇абхаавзна нираасан̇гад̇ааяа аарамман̣з бавад̇д̇ийд̇и вуд̇д̇ам̣ ход̇и. аяам̣ банад̇т̇о бажчимз вимогкз над̇т̇и, буримзсу саб̣б̣зсу ад̇т̇и.

руубий руубаани бассад̇ийд̇и зд̇т̇а аж̇жхад̇д̇ам̣ гзсаад̣̇ийсу нийлагасин̣аад̣̇ийсу нийлагасин̣аад̣̇ивасзна уббаад̣̇ид̇ам̣ руубаж̇жхаанам̣ руубам̣, д̇ад̣̇ассад̇т̇ийд̇и руубий. б̣ахид̣̇д̇хаа руубаани бассад̇ийд̇и б̣ахид̣̇д̇хааби нийлагасин̣аад̣̇ийни руубаани жхаанажагкунаа бассад̇и. иминаа аж̇жхад̇д̇аб̣ахид̣̇д̇хаавад̇т̇угзсу гасин̣зсу уббаад̣̇ид̇аж̇жхаанасса буг̇г̇аласса жад̇д̇аари руубааважараж̇жхаанаани д̣̇ассид̇аани. аж̇жхад̇д̇ам̣ аруубасан̃н̃ийд̇и аж̇жхад̇д̇ам̣ на руубасан̃н̃ий, ад̇д̇ано гзсаад̣̇ийсу ануббаад̣̇ид̇аруубааважараж̇жхаанод̇и ад̇т̇о. иминаа б̣ахид̣̇д̇хаа баригаммам̣ гад̇ваа б̣ахид̣̇д̇хаава уббаад̣̇ид̇аж̇жхаанасса буг̇г̇аласса руубааважараж̇жхаанаани д̣̇ассид̇аани.

субханд̇взва ад̇химуд̇д̇о ход̇ийд̇и иминаа сувисуд̣̇д̇хзсу нийлаад̣̇ийсу ван̣н̣агасин̣зсу жхаанаани д̣̇ассид̇аани. д̇ад̇т̇а гин̃жааби анд̇оаббанааяам̣ субханд̇и аабхог̇о над̇т̇и, яо бана висуд̣̇д̇хам̣ субхам̣ гасин̣амаарамман̣ам̣ гарид̇ваа вихарад̇и, со яасмаа субханд̇и ад̇химуд̇д̇о ход̇ийд̇и вад̇д̇аб̣б̣ад̇ам̣ аабаж̇ж̇ад̇и, д̇асмаа звам̣ д̣̇зсанаа гад̇аа. бадисамбхид̣̇аамаг̇г̇з бана – ‘‘гат̇ам̣ субханд̇взва ад̇химуд̇д̇о ход̇ийд̇и вимогко? ид̇ха бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и…бз… мзд̇д̇ааяа бхаавид̇ад̇д̇аа сад̇д̇аа аббадигуулаа хонд̇и. гарун̣аа, муд̣̇ид̇аа, убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и…бз… убзгкааяа бхаавид̇ад̇д̇аа сад̇д̇аа аббадигуулаа хонд̇и. звам̣ субхам̣ д̇взва ад̇химуд̇д̇о ход̇ийд̇и вимогко’’д̇и (бади. ма. 1.212) вуд̇д̇ам̣.

саб̣б̣асо руубасан̃н̃аананд̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ висуд̣̇д̇химаг̇г̇з вуд̇д̇амзва. аяам̣ адтамо вимогкод̇и аяам̣ жад̇уннам̣ канд̇хаанам̣ саб̣б̣асо висуд̣̇д̇хад̇д̇аа вимуд̇д̇ад̇д̇аа адтамо уд̇д̇амо вимогко наама.

130. ануломанд̇и аад̣̇ид̇о бадтааяа яаава барияосаанаа. бадиломанд̇и барияосаанад̇о бадтааяа яаава аад̣̇ид̇о. ануломабадиломанд̇и ид̣̇ам̣ ад̇ибаг̇ун̣ад̇д̇аа самаабад̇д̇ийнам̣ адтад̇ваава ид̇о жид̇о жа сан̃жаран̣авасзна вуд̇д̇ам̣. яад̇т̇ижчаганд̇и огаасабарид̣̇ийбанам̣, яад̇т̇а яад̇т̇а огаасз ижчад̇и. яад̣̇ижчаганд̇и самаабад̇д̇ид̣̇ийбанам̣, яам̣ яам̣ самаабад̇д̇им̣ ижчад̇и. яаавад̇ижчаганд̇и ад̣̇д̇хаанабарижчзд̣̇ад̣̇ийбанам̣ , яаавад̇агам̣ ад̣̇д̇хаанам̣ ижчад̇и. самаабаж̇ж̇ад̇ийд̇и д̇ам̣ д̇ам̣ самаабад̇д̇им̣ бависад̇и. вудтаад̇ийд̇и д̇ад̇о удтааяа д̇идтад̇и.

убхад̇обхааг̇авимуд̇д̇од̇и д̣̇вийхи бхааг̇зхи вимуд̇д̇о, аруубасамаабад̇д̇ияаа руубагааяад̇о вимуд̇д̇о, маг̇г̇зна наамагааяад̇о вимуд̇д̇од̇и. вуд̇д̇амби жзд̇ам̣ –

‘‘ажжий яат̇аа ваад̇авзг̇зна кид̇д̇аа, (убасиваад̇и бхаг̇аваа)

ад̇т̇ам̣ балзд̇и на убзд̇и сан̇кам̣;

звам̣ муний наамагааяаа вимуд̇д̇о,

ад̇т̇ам̣ балзд̇и на убзд̇и сан̇ка’’нд̇и. (су. ни. 1080);

со банзса убхад̇обхааг̇авимуд̇д̇о аагаасаанан̃жааяад̇анаад̣̇ийсу ан̃н̃ад̇арад̇о удтааяа арахад̇д̇ам̣ бад̇д̇о жа анааг̇аамий худ̇ваа нирод̇хаа удтааяа арахад̇д̇ам̣ бад̇д̇о жаад̇и бан̃жавид̇хо. гзжи бана – ‘‘яасмаа руубааважаражад̇уд̇т̇аж̇жхаанамби д̣̇уван̇г̇игам̣ убзгкаасахаг̇ад̇ам̣, аруубааважараж̇жхаанамби д̇аад̣̇исамзва. д̇асмаа руубааважаражад̇уд̇т̇аж̇жхаанад̇о удтааяа арахад̇д̇ам̣ бад̇д̇оби убхад̇обхааг̇авимуд̇д̇о’’д̇и.

аяам̣ бана убхад̇обхааг̇авимуд̇д̇абан̃хо хздтаа лохабаасаад̣̇з самудтахид̇ваа д̇ибидагажуул̣асуманад̇т̇зрасса ван̣н̣анам̣ ниссааяа жирзна винижчаяам̣ бад̇д̇о . г̇иривихаарз гира т̇зрасса анд̇зваасиго згасса бин̣д̣абаад̇игасса мукад̇о д̇ам̣ бан̃хам̣ суд̇ваа ааха – ‘‘аавусо, хздтаалохабаасаад̣̇з амхаагам̣ аажарияасса д̇хаммам̣ ван̣н̣аяад̇о на гзнажи суд̇абуб̣б̣а’’нд̇и. гим̣ бана, бханд̇з, т̇зро аважаад̇и? руубааважаражад̇уд̇т̇аж̇жхаанам̣ гин̃жааби д̣̇уван̇г̇игам̣ убзгкаасахаг̇ад̇ам̣ гилзсз вигкамбхзд̇и, гилзсаанам̣ бана аасаннабагкз вирууханадтаанз самуд̣̇аажарад̇и. имз хи гилзсаа наама бан̃жавогаарабхавз нийлаад̣̇ийсу ан̃н̃ад̇арам̣ аарамман̣ам̣ убаниссааяа самуд̣̇аажаранд̇и, руубааважараж̇жхаанан̃жа д̇ам̣ аарамман̣ам̣ на самад̇иггамад̇и. д̇асмаа саб̣б̣асо руубам̣ нивад̇д̇зд̇ваа аруубаж̇жхаанавасзна гилзсз вигкамбхзд̇ваа арахад̇д̇ам̣ бад̇д̇ова убхад̇обхааг̇авимуд̇д̇од̇и, ид̣̇ам̣ аавусо т̇зро аважа. ид̣̇ан̃жа бана вад̇ваа ид̣̇ам̣ суд̇д̇ам̣ аахари – ‘‘гад̇амо жа буг̇г̇ало убхад̇обхааг̇авимуд̇д̇о. ид̇хзгажжо буг̇г̇ало адтавимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и, аяам̣ вужжад̇и буг̇г̇ало убхад̇обхааг̇авимуд̇д̇о’’д̇и (бу. ба. 24).

имааяа жа аананд̣̇а убхад̇обхааг̇авимуд̇д̇ияаад̇и аананд̣̇а ид̇о убхад̇обхааг̇авимуд̇д̇ид̇о. сзсам̣ саб̣б̣ад̇т̇а уд̇д̇аанамзваад̇и.

ид̇и суман̇г̇алавилаасинияаа д̣̇ийгханигааяадтагат̇ааяам̣

махаанид̣̇аанасуд̇д̇аван̣н̣анаа нидтид̇аа.