| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. মহন্তত্তসুত্তং
6. Mahantattasuttaṃ
৮০. ‘‘ছহি, ভিক্খৰে, ধম্মেহি সমন্নাগতো ভিক্খু নচিরস্সেৰ মহন্তত্তং 1 ৰেপুল্লত্তং পাপুণাতি ধম্মেসু। কতমেহি ছহি? ইধ, ভিক্খৰে, ভিক্খু আলোকবহুলো চ হোতি যোগবহুলো চ ৰেদবহুলো চ অসন্তুট্ঠিবহুলো চ অনিক্খিত্তধুরো চ কুসলেসু ধম্মেসু উত্তরি চ পতারেতি 2। ইমেহি খো, ভিক্খৰে, ছহি ধম্মেহি সমন্নাগতো ভিক্খু নচিরস্সেৰ মহন্তত্তং ৰেপুল্লত্তং পাপুণাতি ধম্মেসূ’’তি। ছট্ঠং।
80. ‘‘Chahi, bhikkhave, dhammehi samannāgato bhikkhu nacirasseva mahantattaṃ 3 vepullattaṃ pāpuṇāti dhammesu. Katamehi chahi? Idha, bhikkhave, bhikkhu ālokabahulo ca hoti yogabahulo ca vedabahulo ca asantuṭṭhibahulo ca anikkhittadhuro ca kusalesu dhammesu uttari ca patāreti 4. Imehi kho, bhikkhave, chahi dhammehi samannāgato bhikkhu nacirasseva mahantattaṃ vepullattaṃ pāpuṇāti dhammesū’’ti. Chaṭṭhaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৬. মহন্তত্তসুত্তৰণ্ণনা • 6. Mahantattasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬-৭. মহন্তত্তসুত্তাদিৰণ্ণনা • 6-7. Mahantattasuttādivaṇṇanā
