| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. махаабад̣̇зсасуд̇д̇аван̣н̣анаа
10. Mahāpadesasuttavaṇṇanā
180. д̣̇асамз махааогаасзд̇и маханд̇з огаасз маханд̇аани д̇хаммасса бад̇идтаабанадтаанаани. язсу бад̇идтаабид̇о д̇хаммо нижчийяад̇и асанд̣̇зхад̇о. гаани бана д̇аани? ааг̇аманависидтаани суд̇д̇од̇аран̣аад̣̇ийни. д̣̇уд̇ияавигаббз абад̣̇исийяанд̇ийд̇и абад̣̇зсаа, маханд̇аа абад̣̇зсаа зд̇зсанд̇и махаабад̣̇зсаа. ‘‘саммукаа мзд̇ам̣, аавусо, бхаг̇авад̇о суд̇а’’нд̇иаад̣̇инаа гзнажи аабхад̇асса д̇хаммод̇и винижчаяанз гааран̣ам̣. гим̣ бана д̇анд̇и? д̇асса яат̇аабхад̇асса суд̇д̇од̇аран̣аад̣̇и зва. яад̣̇и звам̣ гат̇ам̣ жад̇д̇аарод̇и? яасмаа д̇хаммасса д̣̇вз самбад̣̇ааяо сад̇т̇аа сааваго жа. д̇зсу саавагаа сан̇гхаг̇ан̣абуг̇г̇алавасзна д̇ивид̇хаа. звамимамхаа маяааяам̣ д̇хаммо бадиг̇г̇ахид̇од̇и абад̣̇исид̇аб̣б̣аанам̣ бхзд̣̇зна жад̇д̇ааро. д̇знааха ‘‘саммукаа мзд̇ам̣, аавусо, бхаг̇авад̇о суд̇а’’нд̇иаад̣̇и. д̇ат̇аа жа вуд̇д̇ам̣ нзд̇д̇ияам̣ (нзд̇д̇и. 4.18) ‘‘жад̇д̇ааро махаабад̣̇зсаа б̣уд̣̇д̇хаабад̣̇зсо, сан̇гхаабад̣̇зсо, г̇ан̣аабад̣̇зсо, буг̇г̇алаабад̣̇зсо. имз жад̇д̇ааро махаабад̣̇зсаа’’д̇и. б̣уд̣̇д̇хо абад̣̇зсо зд̇ассаад̇и б̣уд̣̇д̇хаабад̣̇зсо. зса наяо сзсзсуби. д̇знааха ‘‘б̣уд̣̇д̇хаад̣̇аяо…бз… махаагааран̣ааний’’д̇и.
180. Dasame mahāokāseti mahante okāse mahantāni dhammassa patiṭṭhāpanaṭṭhānāni. Yesu patiṭṭhāpito dhammo nicchīyati asandehato. Kāni pana tāni? Āgamanavisiṭṭhāni suttotaraṇādīni. Dutiyavikappe apadisīyantīti apadesā, mahantā apadesā etesanti mahāpadesā. ‘‘Sammukhā metaṃ, āvuso, bhagavato suta’’ntiādinā kenaci ābhatassa dhammoti vinicchayane kāraṇaṃ. Kiṃ pana tanti? Tassa yathābhatassa suttotaraṇādi eva. Yadi evaṃ kathaṃ cattāroti? Yasmā dhammassa dve sampadāyo satthā sāvako ca. Tesu sāvakā saṅghagaṇapuggalavasena tividhā. Evamimamhā mayāyaṃ dhammo paṭiggahitoti apadisitabbānaṃ bhedena cattāro. Tenāha ‘‘sammukhā metaṃ, āvuso, bhagavato suta’’ntiādi. Tathā ca vuttaṃ nettiyaṃ (netti. 4.18) ‘‘cattāro mahāpadesā buddhāpadeso, saṅghāpadeso, gaṇāpadeso, puggalāpadeso. Ime cattāro mahāpadesā’’ti. Buddho apadeso etassāti buddhāpadeso. Esa nayo sesesupi. Tenāha ‘‘buddhādayo…pe… mahākāraṇānī’’ti.
нзва абхинанд̣̇ид̇аб̣б̣анд̇и на самбадижчид̇аб̣б̣ам̣, г̇ант̇асса самбадижчанам̣ наама савананд̇и ааха ‘‘на сод̇аб̣б̣а’’нд̇и. бад̣̇аб̣яан̃ж̇анаанийд̇и бад̣̇аани жа б̣яан̃ж̇анаани жа, ад̇т̇абад̣̇аани б̣яан̃ж̇анабад̣̇аани жаад̇и ад̇т̇о. баж̇ж̇ад̇и ад̇т̇о зд̇зхийд̇и бад̣̇аани, агкараад̣̇ийни б̣яан̃ж̇анабад̣̇аани. баж̇ж̇ид̇аб̣б̣ад̇о бад̣̇аани, сан̇гаасанаад̣̇ийни ад̇т̇абад̣̇аани. ‘‘адтагат̇ааяам̣ бад̣̇асан̇каад̇аани б̣яан̃ж̇анаанийд̇и б̣яан̃ж̇анабад̣̇аанзва вуд̇д̇ааний’’д̇и гзжи. ад̇т̇ам̣ б̣яан̃ж̇знд̇ийд̇и б̣яан̃ж̇анаани, б̣яан̃ж̇анабад̣̇аани. д̇зхи б̣яан̃ж̇ид̇аб̣б̣ад̇о б̣яан̃ж̇анаани, ад̇т̇абад̣̇аанийд̇и убхаяасан̇г̇ахад̇о. имасмим̣ таанзд̇и д̇знаабхад̇асуд̇д̇асса имасмим̣ бад̣̇зсз. баал̣и вуд̇д̇аад̇и гзвало баал̣ид̇хаммо вуд̇д̇о. ад̇т̇о вуд̇д̇од̇и баал̣ияаа ад̇т̇о вуд̇д̇о нид̣̇д̣̇идто. анусанд̇хи гат̇ид̇од̇и яат̇аарад̣̇д̇хад̣̇зсанааяа убарид̣̇зсанааяа жа анусанд̇хаанам̣ гат̇ид̇ам̣, самб̣анд̇хо гат̇ид̇о. буб̣б̣аабарам̣ гат̇ид̇анд̇и буб̣б̣зна барам̣ авируж̇жханан̃жзва висзсадтаанан̃жа гат̇ид̇ам̣ багаасид̇ам̣. звам̣ баал̣ид̇хаммаад̣̇ийни саммад̣̇зва саллагкзд̇ваа г̇ахан̣ам̣ саад̇хугам̣ уг̇г̇ахан̣анд̇и ааха ‘‘судту г̇ахзд̇ваа’’д̇и. суд̇д̇з од̇аарзд̇аб̣б̣аанийд̇и н̃аан̣зна суд̇д̇з ог̇аахзд̇ваа д̇аарзд̇аб̣б̣аани. д̇ам̣ бана ог̇аахзд̇ваа д̇аран̣ам̣ д̇ад̇т̇а од̇аран̣ам̣ ануббавзсанам̣ ход̇ийд̇и вуд̇д̇ам̣ ‘‘од̇арид̇аб̣б̣ааний’’д̇и. сам̣санд̣̇зд̇ваа д̣̇ассанам̣ санд̣̇ассананд̇и ааха ‘‘винаяз сам̣санд̣̇зд̇аб̣б̣ааний’’д̇и.
Neva abhinanditabbanti na sampaṭicchitabbaṃ, ganthassa sampaṭicchanaṃ nāma savananti āha ‘‘na sotabba’’nti. Padabyañjanānīti padāni ca byañjanāni ca, atthapadāni byañjanapadāni cāti attho. Pajjati attho etehīti padāni, akkharādīni byañjanapadāni. Pajjitabbato padāni, saṅkāsanādīni atthapadāni. ‘‘Aṭṭhakathāyaṃ padasaṅkhātāni byañjanānīti byañjanapadāneva vuttānī’’ti keci. Atthaṃ byañjentīti byañjanāni, byañjanapadāni. Tehi byañjitabbato byañjanāni, atthapadānīti ubhayasaṅgahato. Imasmiṃ ṭhāneti tenābhatasuttassa imasmiṃ padese. Pāḷi vuttāti kevalo pāḷidhammo vutto. Attho vuttoti pāḷiyā attho vutto niddiṭṭho. Anusandhi kathitoti yathāraddhadesanāya uparidesanāya ca anusandhānaṃ kathitaṃ, sambandho kathito. Pubbāparaṃ kathitanti pubbena paraṃ avirujjhanañceva visesaṭṭhānañca kathitaṃ pakāsitaṃ. Evaṃ pāḷidhammādīni sammadeva sallakkhetvā gahaṇaṃ sādhukaṃ uggahaṇanti āha ‘‘suṭṭhu gahetvā’’ti. Sutte otāretabbānīti ñāṇena sutte ogāhetvā tāretabbāni. Taṃ pana ogāhetvā taraṇaṃ tattha otaraṇaṃ anuppavesanaṃ hotīti vuttaṃ ‘‘otaritabbānī’’ti. Saṃsandetvā dassanaṃ sandassananti āha ‘‘vinaye saṃsandetabbānī’’ti.
‘‘гим̣ бана д̇ам̣ суд̇д̇ам̣, го ваа винаяо’’д̇и вижааран̣ааяам̣ аажарияаанам̣ мад̇ибхзд̣̇амукзна д̇амад̇т̇ам̣ д̣̇ассзд̇ум̣ ‘‘зд̇т̇а жаа’’д̇иаад̣̇и вуд̇д̇ам̣. винаяод̇и вибхан̇г̇абаатамааха. со хи маад̇игаасан̃н̃ид̇асса суд̇д̇асса ад̇т̇з суужанад̇о ‘‘суд̇д̇а’’нд̇и вад̇д̇аб̣б̣ад̇ам̣ арахад̇и. вивид̇ханаяад̇д̇аа висидтанаяад̇д̇аа жа винаяо, канд̇хагабаато. званд̇и звам̣ суд̇д̇авинаязсу бариг̇г̇аяхамаанзсу винаяабидагамби на барияаад̣̇ияад̇и бариваарабаал̣ияаа асан̇г̇ахид̇ад̇д̇аа. суд̇д̇анд̇аабхид̇хаммабидагаани ваа суд̇д̇ам̣ ад̇т̇асуужанаад̣̇иад̇т̇асамбхавад̇о. звамбийд̇и суд̇д̇анд̇аабхид̇хаммабидагаани суд̇д̇ам̣, винаяабидагам̣ винаяод̇и звам̣ суд̇д̇авинаяавибхааг̇з вужжамаанзби. на д̇аава барияаад̣̇ияанд̇ийд̇и на д̇аава анавасзсад̇о бариг̇г̇аяханд̇и . гасмаад̇и жзд̇и ааха ‘‘асуд̇д̇анаамаган̃хий’’д̇иаад̣̇и. яасмаа суд̇д̇анд̇и имам̣ наамам̣ анааробзд̇ваа сан̇г̇ийд̇ам̣ ж̇аад̇агаад̣̇иб̣уд̣̇д̇хаважанам̣ ад̇т̇и, д̇асмаа вуд̇д̇анаязна д̇ийн̣и бидагаани на барияаад̣̇ияанд̇ийд̇и. суд̇д̇анибаад̇ауд̣̇аанаид̇ивуд̇д̇агаани д̣̇ийгханигааяаад̣̇аяо вияа суд̇д̇анд̇и наамам̣ ааробзд̇ваа асан̇г̇ийд̇аанийд̇и ад̇хиббааязнзд̇т̇а ж̇аад̇агаад̣̇ийхи сад̣̇д̇хим̣ д̇ааниби г̇ахид̇аани. б̣уд̣̇д̇хавам̣сажарияаабидагаанам̣ банзд̇т̇а аг̇г̇ахан̣з гааран̣ам̣ маг̇г̇ид̇аб̣б̣ам̣, гим̣ ваа зд̇зна маг̇г̇анзна. саб̣б̣обааяам̣ ван̣н̣анаанаяо т̇зраваад̣̇ад̣̇ассанамукзна бадигкид̇д̇о зваад̇и.
‘‘Kiṃ pana taṃ suttaṃ, ko vā vinayo’’ti vicāraṇāyaṃ ācariyānaṃ matibhedamukhena tamatthaṃ dassetuṃ ‘‘ettha cā’’tiādi vuttaṃ. Vinayoti vibhaṅgapāṭhamāha. So hi mātikāsaññitassa suttassa atthe sūcanato ‘‘sutta’’nti vattabbataṃ arahati. Vividhanayattā visiṭṭhanayattā ca vinayo, khandhakapāṭho. Evanti evaṃ suttavinayesu pariggayhamānesu vinayapiṭakampi na pariyādiyati parivārapāḷiyā asaṅgahitattā. Suttantābhidhammapiṭakāni vā suttaṃ atthasūcanādiatthasambhavato. Evampīti suttantābhidhammapiṭakāni suttaṃ, vinayapiṭakaṃ vinayoti evaṃ suttavinayavibhāge vuccamānepi. Na tāva pariyādiyantīti na tāva anavasesato pariggayhanti . Kasmāti ceti āha ‘‘asuttanāmakañhī’’tiādi. Yasmā suttanti imaṃ nāmaṃ anāropetvā saṅgītaṃ jātakādibuddhavacanaṃ atthi, tasmā vuttanayena tīṇi piṭakāni na pariyādiyantīti. Suttanipātaudānaitivuttakāni dīghanikāyādayo viya suttanti nāmaṃ āropetvā asaṅgītānīti adhippāyenettha jātakādīhi saddhiṃ tānipi gahitāni. Buddhavaṃsacariyāpiṭakānaṃ panettha aggahaṇe kāraṇaṃ maggitabbaṃ, kiṃ vā etena magganena. Sabbopāyaṃ vaṇṇanānayo theravādadassanamukhena paṭikkhitto evāti.
гим̣ ад̇т̇ийд̇и асуд̇д̇анаамагам̣ б̣уд̣̇д̇хаважанам̣ над̇т̇иязваад̇и д̣̇ассзд̇и. д̇ам̣ саб̣б̣ам̣ бадигкибид̇ваад̇и ‘‘суд̇д̇анд̇и винаяо’’д̇иаад̣̇инаа вуд̇д̇асам̣ван̣н̣анааяам̣ ‘‘нааяамад̇т̇о ид̇хаад̇хиббзд̇о’’д̇и бадисзд̇хзд̇ваа. винзд̇и зд̇зна гилзсзд̇и винаяо, гилзсавинаяануубааяо, со зва гааран̣анд̇и ааха ‘‘винаяо бана гааран̣а’’нд̇и.
Kiṃ atthīti asuttanāmakaṃ buddhavacanaṃ natthiyevāti dasseti. Taṃ sabbaṃ paṭikkhipitvāti ‘‘suttanti vinayo’’tiādinā vuttasaṃvaṇṇanāyaṃ ‘‘nāyamattho idhādhippeto’’ti paṭisedhetvā. Vineti etena kileseti vinayo, kilesavinayanūpāyo, so eva kāraṇanti āha ‘‘vinayo pana kāraṇa’’nti.
д̇хаммзд̇и барияад̇д̇ид̇хаммз. сарааг̇ааяаад̇и сарааг̇абхаавааяа гаамарааг̇абхаварааг̇абариб̣рууханааяа. сам̣яог̇ааяаад̇и бхавасам̣яож̇анааяа. саубаад̣̇аанааяаад̇и жад̇уруубаад̣̇аануубасам̣хид̇ад̇ааяа. махижчад̇ааяаад̇и махижчабхаавааяа. асанд̇удтияаад̇и асанд̇удтабхаавааяа. госаж̇ж̇ааяаад̇и гусийд̇абхаавааяа. сан̇г̇ан̣игааяаад̇и гилзсасан̇г̇ан̣игавихаарааяа. аажаяааяаад̇и д̇ивид̇хаваддаажаяааяа. вирааг̇ааяаад̇и сагалаваддад̇о вираж̇ж̇анад̇т̇ааяа. висам̣яог̇ааяаад̇и гаамарааг̇аад̣̇ийхи висам̣яуж̇ж̇анад̇т̇ааяа. анубаад̣̇аанааяаад̇и саб̣б̣ассаби гаммабхавасса аг̇г̇ахан̣ааяа. аббижчад̇ааяаад̇и бажжаяаббижчад̇аад̣̇ивасзна саб̣б̣асо ижчааяа абаг̇амааяа. санд̇удтияаад̇и д̣̇ваад̣̇асавид̇хасанд̇удтабхаавааяа. вийрияаарамбхааяаад̇и гааяигасса жзва жзд̇асигасса жа вийрияасса баг̇г̇ан̣ханад̇т̇ааяа. вивзгааяаад̇и бавивид̇д̇абхаавааяа гаамавивзгаад̣̇ид̇ад̣̇ан̇г̇авивзгаад̣̇ививзгасид̣̇д̇хияаа. абажаяааяаад̇и саб̣б̣ассаби ваддасса абажаяанааяа, ниб̣б̣аанааяаад̇и ад̇т̇о. звам̣ яо барияад̇д̇ид̇хаммо уг̇г̇ахан̣ад̇хааран̣абарибужчааманасигааравасзна яонисо бадибаж̇ж̇анд̇асса сарааг̇аад̣̇ибхаавабариваж̇ж̇анасса гааран̣ам̣ худ̇ваа вирааг̇аад̣̇ибхаавааяа сам̣вад̇д̇ад̇и, згам̣сад̇о зсо д̇хаммо, зсо винаяо саммад̣̇зва абааяаад̣̇ийсу абад̇анавасзна д̇хааран̣ад̇о гилзсаанам̣ винаяанад̇о жа. сад̇т̇у саммаасамб̣уд̣̇д̇хасса оваад̣̇аануруубаббавад̇д̇ибхаавад̇о зд̇ам̣ сад̇т̇усаасананд̇и жа ж̇аанзяяаасийд̇и ад̇т̇о.
Dhammeti pariyattidhamme. Sarāgāyāti sarāgabhāvāya kāmarāgabhavarāgaparibrūhanāya. Saṃyogāyāti bhavasaṃyojanāya. Saupādānāyāti caturūpādānūpasaṃhitatāya. Mahicchatāyāti mahicchabhāvāya. Asantuṭṭhiyāti asantuṭṭhabhāvāya. Kosajjāyāti kusītabhāvāya. Saṅgaṇikāyāti kilesasaṅgaṇikavihārāya. Ācayāyāti tividhavaṭṭācayāya. Virāgāyāti sakalavaṭṭato virajjanatthāya. Visaṃyogāyāti kāmarāgādīhi visaṃyujjanatthāya. Anupādānāyāti sabbassapi kammabhavassa aggahaṇāya. Appicchatāyāti paccayappicchatādivasena sabbaso icchāya apagamāya. Santuṭṭhiyāti dvādasavidhasantuṭṭhabhāvāya. Vīriyārambhāyāti kāyikassa ceva cetasikassa ca vīriyassa paggaṇhanatthāya. Vivekāyāti pavivittabhāvāya kāmavivekāditadaṅgavivekādivivekasiddhiyā. Apacayāyāti sabbassapi vaṭṭassa apacayanāya, nibbānāyāti attho. Evaṃ yo pariyattidhammo uggahaṇadhāraṇaparipucchāmanasikāravasena yoniso paṭipajjantassa sarāgādibhāvaparivajjanassa kāraṇaṃ hutvā virāgādibhāvāya saṃvattati, ekaṃsato eso dhammo, eso vinayo sammadeva apāyādīsu apatanavasena dhāraṇato kilesānaṃ vinayanato ca. Satthu sammāsambuddhassa ovādānurūpappavattibhāvato etaṃ satthusāsananti ca jāneyyāsīti attho.
жад̇усажжад̇т̇асуужанам̣ суд̇д̇анд̇и ааха ‘‘суд̇д̇зд̇и д̇збидагз б̣уд̣̇д̇хаважанз’’д̇и. д̇збидаган̃хи б̣уд̣̇д̇хаважанам̣ сажжавинимуд̇д̇ам̣ над̇т̇и. рааг̇аад̣̇ивинаяагааран̣ам̣ яат̇аа д̇зна суд̇д̇абад̣̇зна багаасид̇анд̇и ааха ‘‘винаязд̇и зд̇асмим̣ рааг̇аад̣̇ивинаяагааран̣з’’д̇и. суд̇д̇з од̇аран̣ан̃жзд̇т̇а д̇збидагаб̣уд̣̇д̇хаважанабарияаабаннад̇аавасзнзва взд̣̇ид̇аб̣б̣ам̣, на ан̃н̃ат̇аад̇и ааха ‘‘суд̇д̇аббадибаадияаа гад̇т̇ажи анааг̇анд̇ваа’’д̇и. чаллим̣ удтабзд̇ваад̇и арог̇асса махад̇о ругкасса д̇идтад̇о убаггамзна чаллигааяа сагалигааяа бабадигааяа ваа удтаабанам̣ вияа арог̇асса саасанад̇хаммасса д̇идтад̇о б̣яан̃ж̇анамад̇д̇зна д̇аббарияаабаннам̣ вияа худ̇ваа чаллисад̣̇исам̣ буб̣б̣аабаравируд̣̇д̇хад̇аад̣̇ид̣̇осам̣ удтабзд̇ваа барид̣̇ийбзд̇ваа. д̇аад̣̇исаани бана згам̣сад̇о г̇ул̣хавзссанд̇араад̣̇ибарияаабаннаани хонд̇ийд̇и ааха ‘‘г̇ул̣хавзссанд̇ара…бз… бан̃н̃ааяанд̇ийд̇и ад̇т̇о’’д̇и. рааг̇аад̣̇ивинаязд̇и рааг̇аад̣̇ивинаяанад̇т̇зна ад̇ад̣̇аагаарад̇ааяа абан̃н̃ааяамаанаани чад̣д̣зд̇аб̣б̣аани жаж̇ид̇аб̣б̣аани на г̇ахзд̇аб̣б̣аани. саб̣б̣ад̇т̇аад̇и саб̣б̣аваарзсу.
Catusaccatthasūcanaṃ suttanti āha ‘‘sutteti tepiṭake buddhavacane’’ti. Tepiṭakañhi buddhavacanaṃ saccavinimuttaṃ natthi. Rāgādivinayakāraṇaṃ yathā tena suttapadena pakāsitanti āha ‘‘vinayeti etasmiṃ rāgādivinayakāraṇe’’ti. Sutte otaraṇañcettha tepiṭakabuddhavacanapariyāpannatāvaseneva veditabbaṃ, na aññathāti āha ‘‘suttappaṭipāṭiyā katthaci anāgantvā’’ti. Challiṃ uṭṭhapetvāti arogassa mahato rukkhassa tiṭṭhato upakkamena challikāya sakalikāya papaṭikāya vā uṭṭhāpanaṃ viya arogassa sāsanadhammassa tiṭṭhato byañjanamattena tappariyāpannaṃ viya hutvā challisadisaṃ pubbāparaviruddhatādidosaṃ uṭṭhapetvā paridīpetvā. Tādisāni pana ekaṃsato guḷhavessantarādipariyāpannāni hontīti āha ‘‘guḷhavessantara…pe… paññāyantīti attho’’ti. Rāgādivinayeti rāgādivinayanatthena atadākāratāya apaññāyamānāni chaḍḍetabbāni cajitabbāni na gahetabbāni. Sabbatthāti sabbavāresu.
махаабад̣̇зсасуд̇д̇аван̣н̣анаа нидтид̇аа.
Mahāpadesasuttavaṇṇanā niṭṭhitā.
сан̃жзд̇анияаваг̇г̇аван̣н̣анаа нидтид̇аа.
Sañcetaniyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. махаабад̣̇зсасуд̇д̇ам̣ • 10. Mahāpadesasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. махаабад̣̇зсасуд̇д̇аван̣н̣анаа • 10. Mahāpadesasuttavaṇṇanā
