| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[472] 9. махаабад̣̇умаж̇аад̇агаван̣н̣анаа
[472] 9. Mahāpadumajātakavaṇṇanā
наад̣̇адтаа барад̇о д̣̇осанд̇и ид̣̇ам̣ сад̇т̇аа ж̇зд̇аванз вихаранд̇о жин̃жамаан̣авигам̣ аараб̣бха гат̇зси. батамаб̣од̇хияан̃хи д̣̇асаб̣аласса бут̇убхууд̇зсу саавагзсу абаримаан̣зсу д̣̇звамануссзсу арияабхуумим̣ огганд̇зсу бад̇т̇адзсу г̇ун̣асамуд̣̇аязсу махаалаабхасаггааро уд̣̇абаад̣̇и. д̇ид̇т̇ияаа суурияуг̇г̇аманз каж̇ж̇обанагасад̣̇исаа ахзсум̣ хад̇алаабхасаггаараа. д̇з анд̇аравийт̇ияам̣ тад̇ваа ‘‘гим̣ саман̣о г̇од̇амова б̣уд̣̇д̇хо, маяамби б̣уд̣̇д̇хаа, гим̣ д̇ассзва д̣̇иннам̣ махабпалам̣, амхаагамби д̣̇иннам̣ махабпаламзва, амхаагамби д̣̇зт̇а гарот̇аа’’д̇и звам̣ мануссз вин̃н̃аабзнд̇ааби лаабхасаггаарам̣ алабханд̇аа рахо саннибад̇ид̇ваа ‘‘гзна ну ко убааязна саман̣асса г̇од̇амасса мануссаанам̣ анд̇арз аван̣н̣ам̣ уббаад̣̇зд̇ваа лаабхасаггаарам̣ наасзяяаамаа’’д̇и манд̇аяим̣су. д̇ад̣̇аа саавад̇т̇ияам̣ жин̃жамаан̣авигаа наамзгаа бариб̣б̣ааж̇игаа уд̇д̇амаруубад̇хараа собхаг̇г̇аббад̇д̇аа д̣̇зважчараа вияа. д̇ассаа сарийрад̇о расмияо нижчаранд̇и. ат̇зго караманд̇ий звамааха – ‘‘жин̃жамаан̣авигам̣ бадижжа саман̣асса г̇од̇амасса аван̣н̣ам̣ уббаад̣̇зд̇ваа лаабхасаггаарам̣ наасзссаамаа’’д̇и. д̇з ‘‘ад̇т̇зсо убааяо’’д̇и самбадижчим̣су. ат̇а саа д̇ид̇т̇ияаараамам̣ г̇анд̇ваа ванд̣̇ид̇ваа адтааси, д̇ид̇т̇ияаа д̇ааяа сад̣̇д̇хим̣ на гат̇зсум̣. саа ‘‘го ну ко мз д̣̇осо’’д̇и яаавад̇ад̇ияам̣ ‘‘ванд̣̇аами аяяаа’’д̇и вад̇ваа ‘‘аяяаа, го ну ко мз д̣̇осо, гим̣ маяаа сад̣̇д̇хим̣ на гат̇зт̇аа’’д̇и ааха. ‘‘бхаг̇ини, саман̣ам̣ г̇од̇амам̣ амхз вихзтзнд̇ам̣ хад̇алаабхасаггаарз гад̇ваа вижаранд̇ам̣ на ж̇аанаасий’’д̇и. ‘‘наахам̣ ж̇аанаами аяяаа, маяаа гим̣ банзд̇т̇а гад̇д̇аб̣б̣анд̇и. сажз д̇вам̣ бхаг̇ини, амхаагам̣ сукамижчаси, ад̇д̇аанам̣ бадижжа саман̣ассса г̇од̇амасса аван̣н̣ам̣ уббаад̣̇зд̇ваа лаабхасаггаарам̣ наасзхий’’д̇и.
Nādaṭṭhāparato dosanti idaṃ satthā jetavane viharanto ciñcamāṇavikaṃ ārabbha kathesi. Paṭhamabodhiyañhi dasabalassa puthubhūtesu sāvakesu aparimāṇesu devamanussesu ariyabhūmiṃ okkantesu patthaṭesu guṇasamudayesu mahālābhasakkāro udapādi. Titthiyā sūriyuggamane khajjopanakasadisā ahesuṃ hatalābhasakkārā. Te antaravīthiyaṃ ṭhatvā ‘‘kiṃ samaṇo gotamova buddho, mayampi buddhā, kiṃ tasseva dinnaṃ mahapphalaṃ, amhākampi dinnaṃ mahapphalameva, amhākampi detha karothā’’ti evaṃ manusse viññāpentāpi lābhasakkāraṃ alabhantā raho sannipatitvā ‘‘kena nu kho upāyena samaṇassa gotamassa manussānaṃ antare avaṇṇaṃ uppādetvā lābhasakkāraṃ nāseyyāmā’’ti mantayiṃsu. Tadā sāvatthiyaṃ ciñcamāṇavikā nāmekā paribbājikā uttamarūpadharā sobhaggappattā devaccharā viya. Tassā sarīrato rasmiyo niccharanti. Atheko kharamantī evamāha – ‘‘ciñcamāṇavikaṃ paṭicca samaṇassa gotamassa avaṇṇaṃ uppādetvā lābhasakkāraṃ nāsessāmā’’ti. Te ‘‘attheso upāyo’’ti sampaṭicchiṃsu. Atha sā titthiyārāmaṃ gantvā vanditvā aṭṭhāsi, titthiyā tāya saddhiṃ na kathesuṃ. Sā ‘‘ko nu kho me doso’’ti yāvatatiyaṃ ‘‘vandāmi ayyā’’ti vatvā ‘‘ayyā, ko nu kho me doso, kiṃ mayā saddhiṃ na kathethā’’ti āha. ‘‘Bhagini, samaṇaṃ gotamaṃ amhe viheṭhentaṃ hatalābhasakkāre katvā vicarantaṃ na jānāsī’’ti. ‘‘Nāhaṃ jānāmi ayyā, mayā kiṃ panettha kattabbanti. Sace tvaṃ bhagini, amhākaṃ sukhamicchasi, attānaṃ paṭicca samaṇasssa gotamassa avaṇṇaṃ uppādetvā lābhasakkāraṃ nāsehī’’ti.
саа ‘‘саад̇ху аяяаа, маяхамзвзсо бхааро, маа жинд̇аяид̇т̇аа’’д̇и вад̇ваа баггамид̇ваа ид̇т̇имааяаасу гусалад̇ааяа д̇ад̇о бадтааяа саавад̇т̇иваасийнам̣ д̇хаммагат̇ам̣ суд̇ваа ж̇зд̇аванаа нигкаманасамаяз инд̣̇аг̇обагаван̣н̣ам̣ бадам̣ баарубид̇ваа г̇анд̇хамаалаад̣̇ихад̇т̇аа ж̇зд̇аванаабхимукий г̇ажчанд̇ий ‘‘имааяа взлааяа гухим̣ г̇ажчасий’’д̇и вуд̇д̇з ‘‘гим̣ д̇умхаагам̣ мама г̇аманадтаанзнаа’’д̇и вад̇ваа ж̇зд̇аванасамийбз д̇ид̇т̇ияаараамз васид̇ваа баад̇ова ‘‘аг̇г̇аванд̣̇анам̣ ванд̣̇иссаамаа’’д̇и наг̇араа нигкаманд̇з убаасагаж̇анз ж̇зд̇аванз вуд̇т̇аа вияа худ̇ваа наг̇арам̣ бависад̇и. ‘‘гухим̣ вуд̇т̇аасий’’д̇и вуд̇д̇з ‘‘гим̣ д̇умхаагам̣ мама вуд̇т̇адтаанзнаа’’д̇и вад̇ваа маасад̣дхамаасажжаязна бужчияамаанаа ‘‘ж̇зд̇аванз саман̣зна г̇од̇амзна сад̣̇д̇хим̣ згаг̇анд̇хагудияаа вуд̇т̇аамхий’’д̇и ааха. бут̇уж̇ж̇анаанам̣ ‘‘сажжам̣ ну ко зд̇ам̣, но’’д̇и ган̇кам̣ уббаад̣̇зд̇ваа д̇змаасажад̇умаасажжаязна билод̇игаахи уд̣̇арам̣ взтзд̇ваа г̇аб̣бхиниван̣н̣ам̣ д̣̇ассзд̇ваа убари рад̇д̇абадам̣ баарубид̇ваа ‘‘саман̣ам̣ г̇од̇амам̣ бадижжа г̇аб̣бхо мз лад̣̇д̇хо’’д̇и анд̇хаб̣аалз г̇аахаабзд̇ваа адтанавамаасажжаязна уд̣̇арз д̣̇ааруман̣д̣алигам̣ б̣анд̇хид̇ваа убари рад̇д̇абадам̣ баарубид̇ваа хад̇т̇абаад̣̇абидтияо г̇оханугзна годдаабзд̇ваа уссад̣̇з д̣̇ассзд̇ваа гиланд̇инд̣̇рияаа худ̇ваа сааяанхасамаяз д̇ат̇ааг̇ад̇з алан̇гад̇ад̇хаммаасанз нисийд̣̇ид̇ваа д̇хаммам̣ д̣̇зсзнд̇з д̇хаммасабхам̣ г̇анд̇ваа д̇ат̇ааг̇ад̇асса бурад̇о тад̇ваа ‘‘махаасаман̣а, махааж̇анасса д̇аава д̇хаммам̣ д̣̇зсзси, мад̇хуро д̇з сад̣̇д̣̇о, супусид̇ам̣ д̣̇анд̇ааваран̣ам̣, ахам̣ бана д̇ам̣ бадижжа г̇аб̣бхам̣ лабхид̇ваа барибун̣н̣аг̇аб̣бхаа ж̇аад̇аа, нзва мз сууд̇игхарам̣ ж̇аанааси, на саббид̇злаад̣̇ийни, саяам̣ агаронд̇о убадтаагаанамби ан̃н̃ад̇арам̣ госаларааж̇аанам̣ ваа анаат̇абин̣д̣игам̣ ваа висаакам̣ убаасигам̣ ваа ‘‘имиссаа жин̃жамаан̣авигааяа гад̇д̇аб̣б̣аяуд̇д̇ам̣ гарохий’д̇и на вад̣̇аси, абхирамид̇ум̣язва ж̇аанааси, г̇аб̣бхабарихаарам̣ на ж̇аанаасий’’д̇и г̇уут̇абин̣д̣ам̣ г̇ахзд̇ваа жанд̣̇аман̣д̣алам̣ д̣̇уусзд̇ум̣ вааяаманд̇ий вияа барисамаж̇жхз д̇ат̇ааг̇ад̇ам̣ аггоси. д̇ат̇ааг̇ад̇о д̇хаммагат̇ам̣ табзд̇ваа сийхо вияа абхинад̣̇анд̇о ‘‘бхаг̇ини, д̇аяаа гат̇ид̇асса д̇ат̇абхаавам̣ ваа ад̇ат̇абхаавам̣ ваа ахан̃жзва д̇ван̃жа ж̇аанаамаа’’д̇и ааха. аама, саман̣а, д̇аяаа жа маяаа жа н̃аад̇абхаавзнзд̇ам̣ ж̇аад̇анд̇и.
Sā ‘‘sādhu ayyā, mayhameveso bhāro, mā cintayitthā’’ti vatvā pakkamitvā itthimāyāsu kusalatāya tato paṭṭhāya sāvatthivāsīnaṃ dhammakathaṃ sutvā jetavanā nikkhamanasamaye indagopakavaṇṇaṃ paṭaṃ pārupitvā gandhamālādihatthā jetavanābhimukhī gacchantī ‘‘imāya velāya kuhiṃ gacchasī’’ti vutte ‘‘kiṃ tumhākaṃ mama gamanaṭṭhānenā’’ti vatvā jetavanasamīpe titthiyārāme vasitvā pātova ‘‘aggavandanaṃ vandissāmā’’ti nagarā nikkhamante upāsakajane jetavane vutthā viya hutvā nagaraṃ pavisati. ‘‘Kuhiṃ vutthāsī’’ti vutte ‘‘kiṃ tumhākaṃ mama vutthaṭṭhānenā’’ti vatvā māsaḍḍhamāsaccayena pucchiyamānā ‘‘jetavane samaṇena gotamena saddhiṃ ekagandhakuṭiyā vutthāmhī’’ti āha. Puthujjanānaṃ ‘‘saccaṃ nu kho etaṃ, no’’ti kaṅkhaṃ uppādetvā temāsacatumāsaccayena pilotikāhi udaraṃ veṭhetvā gabbhinivaṇṇaṃ dassetvā upari rattapaṭaṃ pārupitvā ‘‘samaṇaṃ gotamaṃ paṭicca gabbho me laddho’’ti andhabāle gāhāpetvā aṭṭhanavamāsaccayena udare dārumaṇḍalikaṃ bandhitvā upari rattapaṭaṃ pārupitvā hatthapādapiṭṭhiyo gohanukena koṭṭāpetvā ussade dassetvā kilantindriyā hutvā sāyanhasamaye tathāgate alaṅkatadhammāsane nisīditvā dhammaṃ desente dhammasabhaṃ gantvā tathāgatassa purato ṭhatvā ‘‘mahāsamaṇa, mahājanassa tāva dhammaṃ desesi, madhuro te saddo, suphusitaṃ dantāvaraṇaṃ, ahaṃ pana taṃ paṭicca gabbhaṃ labhitvā paripuṇṇagabbhā jātā, neva me sūtigharaṃ jānāsi, na sappitelādīni, sayaṃ akaronto upaṭṭhākānampi aññataraṃ kosalarājānaṃ vā anāthapiṇḍikaṃ vā visākhaṃ upāsikaṃ vā ‘‘imissā ciñcamāṇavikāya kattabbayuttaṃ karohī’ti na vadasi, abhiramituṃyeva jānāsi, gabbhaparihāraṃ na jānāsī’’ti gūthapiṇḍaṃ gahetvā candamaṇḍalaṃ dūsetuṃ vāyamantī viya parisamajjhe tathāgataṃ akkosi. Tathāgato dhammakathaṃ ṭhapetvā sīho viya abhinadanto ‘‘bhagini, tayā kathitassa tathabhāvaṃ vā atathabhāvaṃ vā ahañceva tvañca jānāmā’’ti āha. Āma, samaṇa, tayā ca mayā ca ñātabhāvenetaṃ jātanti.
д̇асмим̣ кан̣з саггасса бхаванам̣ ун̣хаагаарам̣ д̣̇ассзси. со ааваж̇ж̇амаано ‘‘жин̃жамаан̣авигаа д̇ат̇ааг̇ад̇ам̣ абхууд̇зна аггосад̇ий’’д̇и н̃ад̇ваа ‘‘имам̣ вад̇т̇ум̣ сод̇хзссаамий’’д̇и жад̇уухи д̣̇звабуд̇д̇зхи сад̣̇д̇хим̣ ааг̇ами. д̣̇звабуд̇д̇аа муусигабод̇агаа худ̇ваа д̣̇ааруман̣д̣алигасса б̣анд̇ханараж̇ж̇угз згаббахаарзнзва чинд̣̇им̣су, бааруд̇абадам̣ ваад̇о угкиби, д̣̇ааруман̣д̣алигам̣ бад̇амаанам̣ д̇ассаа баад̣̇абидтияам̣ бад̇и, убхо аг̇г̇абаад̣̇аа чиж̇ж̇им̣су. мануссаа удтааяа ‘‘гаал̣аган̣н̣и, саммаасамб̣уд̣̇д̇хам̣ аггосасий’’д̇и сийсз кзл̣ам̣ баад̇зд̇ваа лзд̣д̣уд̣̇ан̣д̣аад̣̇ихад̇т̇аа ж̇зд̇аванаа нийхарим̣су. ат̇ассаа д̇ат̇ааг̇ад̇асса жагкубат̇ам̣ ад̇игганд̇агаалз махаабат̇авий бхиж̇ж̇ид̇ваа виварамад̣̇ааси, авийжид̇о аг̇г̇иж̇аалаа удтахи. саа гулад̣̇ад̇д̇ияам̣ гамб̣алам̣ баарубамаанаа вияа г̇анд̇ваа авийжимхи ниб̣б̣ад̇д̇и. ан̃н̃ад̇ид̇т̇ияаанам̣ лаабхасаггааро барихааяи, д̣̇асаб̣аласса бхияяосомад̇д̇ааяа вад̣дхи. бунад̣̇ивасз д̇хаммасабхааяам̣ гат̇ам̣ самудтаабзсум̣ ‘‘аавусо, жин̃жамаан̣авигаа звам̣ ул̣аараг̇ун̣ам̣ аг̇г̇ад̣̇агкин̣зяяам̣ саммаасамб̣уд̣̇д̇хам̣ абхууд̇зна аггосид̇ваа махаавинаасам̣ бад̇д̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби зсаа мам̣ абхууд̇зна аггосид̇ваа махаавинаасам̣ бад̇д̇аа’’д̇и вад̇ваа ад̇ийд̇ам̣ аахари.
Tasmiṃ khaṇe sakkassa bhavanaṃ uṇhākāraṃ dassesi. So āvajjamāno ‘‘ciñcamāṇavikā tathāgataṃ abhūtena akkosatī’’ti ñatvā ‘‘imaṃ vatthuṃ sodhessāmī’’ti catūhi devaputtehi saddhiṃ āgami. Devaputtā mūsikapotakā hutvā dārumaṇḍalikassa bandhanarajjuke ekappahāreneva chindiṃsu, pārutapaṭaṃ vāto ukkhipi, dārumaṇḍalikaṃ patamānaṃ tassā pādapiṭṭhiyaṃ pati, ubho aggapādā chijjiṃsu. Manussā uṭṭhāya ‘‘kāḷakaṇṇi, sammāsambuddhaṃ akkosasī’’ti sīse kheḷaṃ pātetvā leḍḍudaṇḍādihatthā jetavanā nīhariṃsu. Athassā tathāgatassa cakkhupathaṃ atikkantakāle mahāpathavī bhijjitvā vivaramadāsi, avīcito aggijālā uṭṭhahi. Sā kuladattiyaṃ kambalaṃ pārupamānā viya gantvā avīcimhi nibbatti. Aññatitthiyānaṃ lābhasakkāro parihāyi, dasabalassa bhiyyosomattāya vaḍḍhi. Punadivase dhammasabhāyaṃ kathaṃ samuṭṭhāpesuṃ ‘‘āvuso, ciñcamāṇavikā evaṃ uḷāraguṇaṃ aggadakkhiṇeyyaṃ sammāsambuddhaṃ abhūtena akkositvā mahāvināsaṃ pattā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi esā maṃ abhūtena akkositvā mahāvināsaṃ pattā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и, пуллабад̣̇умасассиригамукад̇д̇аа банасса ‘‘бад̣̇умагумааро’’д̇взва наамам̣ гарим̣су. со ваяаббад̇д̇о д̇аггасилааяам̣ г̇анд̇ваа саб̣б̣асиббаани уг̇г̇ан̣хид̇ваа ааг̇ами. ат̇асса маад̇аа гааламагааси. рааж̇аа ан̃н̃ам̣ аг̇г̇амахзсим̣ гад̇ваа буд̇д̇асса убараж̇ж̇ам̣ ад̣̇ааси. абарабхааг̇з рааж̇аа бажжанд̇ам̣ губид̇ам̣ вуубасамзд̇ум̣ аг̇г̇амахзсим̣ ааха ‘‘бхад̣̇д̣̇з, ид̇хзва васа, ахам̣ бажжанд̇ам̣ губид̇ам̣ вуубасамзд̇ум̣ г̇ажчаамий’’д̇и вад̇ваа ‘‘наахам̣ ид̇хзва васиссаами, ахамби г̇амиссаамий’’д̇и вуд̇д̇з яуд̣̇д̇хабхуумияаа аад̣̇ийнавам̣ д̣̇ассзд̇ваа ‘‘яаава мамааг̇аманаа анугган̣тамаанаа васа, ахам̣ бад̣̇умагумаарам̣ яат̇аа д̇ава гад̇д̇аб̣б̣агижжзсу аббамад̇д̇о ход̇и, звам̣ аан̣аабзд̇ваа г̇амиссаамий’’д̇и вад̇ваа д̇ат̇аа гад̇ваа г̇анд̇ваа бажжаамид̇д̇з балаабзд̇ваа ж̇анабад̣̇ам̣ санд̇аббзд̇ваа бажжааг̇анд̇ваа б̣ахинаг̇арз канд̇хааваарам̣ ниваасзси . б̣од̇хисад̇д̇о бид̇у ааг̇ад̇абхаавам̣ н̃ад̇ваа наг̇арам̣ алан̇гаараабзд̇ваа рааж̇аг̇зхам̣ бадиж̇аг̇г̇аабзд̇ваа згагова д̇ассаа санд̇игам̣ аг̇амааси.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbatti, phullapadumasassirikamukhattā panassa ‘‘padumakumāro’’tveva nāmaṃ kariṃsu. So vayappatto takkasilāyaṃ gantvā sabbasippāni uggaṇhitvā āgami. Athassa mātā kālamakāsi. Rājā aññaṃ aggamahesiṃ katvā puttassa uparajjaṃ adāsi. Aparabhāge rājā paccantaṃ kupitaṃ vūpasametuṃ aggamahesiṃ āha ‘‘bhadde, idheva vasa, ahaṃ paccantaṃ kupitaṃ vūpasametuṃ gacchāmī’’ti vatvā ‘‘nāhaṃ idheva vasissāmi, ahampi gamissāmī’’ti vutte yuddhabhūmiyā ādīnavaṃ dassetvā ‘‘yāva mamāgamanā anukkaṇṭhamānā vasa, ahaṃ padumakumāraṃ yathā tava kattabbakiccesu appamatto hoti, evaṃ āṇāpetvā gamissāmī’’ti vatvā tathā katvā gantvā paccāmitte palāpetvā janapadaṃ santappetvā paccāgantvā bahinagare khandhāvāraṃ nivāsesi . Bodhisatto pitu āgatabhāvaṃ ñatvā nagaraṃ alaṅkārāpetvā rājagehaṃ paṭijaggāpetvā ekakova tassā santikaṃ agamāsi.
саа д̇асса руубасамбад̇д̇им̣ д̣̇исваа бадиб̣ад̣̇д̇хажид̇д̇аа ахоси. б̣од̇хисад̇д̇о д̇ам̣ ванд̣̇ид̇ваа ‘‘амма, гим̣ амхаагам̣ гад̇д̇аб̣б̣а’’нд̇и бужчи. ат̇а нам̣ ‘‘аммаад̇и мам̣ вад̣̇асий’’д̇и удтааяа хад̇т̇з г̇ахзд̇ваа ‘‘саяанам̣ абхирухаа’’д̇и ааха. ‘‘гим̣гааран̣аа’’д̇и? ‘‘яаава рааж̇аа на ааг̇ажчад̇и, д̇аава убхоби гилзсарад̇ияаа рамиссаамаа’’д̇и. ‘‘амма, д̇вам̣ мама маад̇аа жа сасаамигаа жа, маяаа сабариг̇г̇ахо маад̇уг̇аамо наама гилзсавасзна инд̣̇рияаани бхинд̣̇ид̇ваа на ологид̇абуб̣б̣о, гат̇ам̣ д̇аяаа сад̣̇д̇хим̣ зваруубам̣ гилидтагаммам̣ гариссаамий’’д̇и. саа д̣̇вз д̇аяо ваарз гат̇зд̇ваа д̇асмим̣ анижчамаанз ‘‘мама важанам̣ на гаросий’’д̇и ааха. ‘‘аама, на гаромий’’д̇и. ‘‘д̇зна хи ран̃н̃о гат̇зд̇ваа сийсам̣ д̇з чинд̣̇аабзссаамий’’д̇и. махаасад̇д̇о ‘‘д̇ава ружим̣ гарохий’’д̇и вад̇ваа д̇ам̣ лаж̇ж̇аабзд̇ваа баггаами.
Sā tassa rūpasampattiṃ disvā paṭibaddhacittā ahosi. Bodhisatto taṃ vanditvā ‘‘amma, kiṃ amhākaṃ kattabba’’nti pucchi. Atha naṃ ‘‘ammāti maṃ vadasī’’ti uṭṭhāya hatthe gahetvā ‘‘sayanaṃ abhiruhā’’ti āha. ‘‘Kiṃkāraṇā’’ti? ‘‘Yāva rājā na āgacchati, tāva ubhopi kilesaratiyā ramissāmā’’ti. ‘‘Amma, tvaṃ mama mātā ca sasāmikā ca, mayā sapariggaho mātugāmo nāma kilesavasena indriyāni bhinditvā na olokitapubbo, kathaṃ tayā saddhiṃ evarūpaṃ kiliṭṭhakammaṃ karissāmī’’ti. Sā dve tayo vāre kathetvā tasmiṃ anicchamāne ‘‘mama vacanaṃ na karosī’’ti āha. ‘‘Āma, na karomī’’ti. ‘‘Tena hi rañño kathetvā sīsaṃ te chindāpessāmī’’ti. Mahāsatto ‘‘tava ruciṃ karohī’’ti vatvā taṃ lajjāpetvā pakkāmi.
саа бхийд̇ад̇асид̇аа жинд̇зси ‘‘сажз аяам̣ батамам̣ бид̇у аарожзссад̇и, ж̇ийвид̇ам̣ мз над̇т̇и, ахамзва бурзд̇арам̣ гат̇зссаамий’’д̇и бхад̇д̇ам̣ абхун̃ж̇ид̇ваа гилидталомавад̇т̇ам̣ ниваасзд̇ваа сарийрз накарааж̇ияо д̣̇ассзд̇ваа ‘‘гухим̣ д̣̇звийд̇и ран̃н̃о бужчанагаалз ‘‘г̇илаанаа’д̇и гат̇зяяаат̇аа’’д̇и барижааригаанам̣ сан̃н̃ам̣ д̣̇ад̇ваа г̇илаанаалаяам̣ гад̇ваа нибаж̇ж̇и. рааж̇ааби наг̇арам̣ бад̣̇агкин̣ам̣ гад̇ваа нивзсанам̣ ааруяха д̇ам̣ абассанд̇о ‘‘гухим̣ д̣̇звий’’д̇и бужчид̇ваа ‘‘г̇илаанаа’’д̇и суд̇ваа сириг̇аб̣бхам̣ бависид̇ваа ‘‘гим̣ д̇з д̣̇зви, апаасуга’’нд̇и бужчи. саа д̇асса важанам̣ асун̣анд̇ий вияа худ̇ваа д̣̇вз д̇аяо ваарз бужчид̇аа ‘‘махаарааж̇а, гасмаа гат̇зси, д̇ун̣хий хохи, сасаамигаид̇т̇ияо наама маад̣̇исаа на хонд̇ий’’д̇и вад̇ваа ‘‘гзна д̇вам̣ вихзтид̇ааси, сийгхам̣ мз гат̇зхи , сийсамасса чинд̣̇иссаамий’’д̇и вуд̇д̇з ‘‘гам̣си д̇вам̣, махаарааж̇а, наг̇арз табзд̇ваа г̇ад̇о’’д̇и вад̇ваа ‘‘бад̣̇умагумаара’’нд̇и вуд̇д̇з ‘‘со маяхам̣ васанадтаанам̣ ааг̇анд̇ваа ‘д̇аад̇а, маа звам̣ гарохи, ахам̣ д̇ава маад̇аа’д̇и вужжамааноби ‘табзд̇ваа мам̣ ан̃н̃о рааж̇аа над̇т̇и, ахам̣ д̇ам̣ г̇зхз гарид̇ваа гилзсарад̇ияаа рамиссаамий’д̇и мам̣ гзсзсу г̇ахзд̇ваа абараабарам̣ лун̃жид̇ваа ад̇д̇ано важанам̣ агаронд̇им̣ мам̣ баад̇зд̇ваа годдзд̇ваа г̇ад̇о’’д̇и ааха.
Sā bhītatasitā cintesi ‘‘sace ayaṃ paṭhamaṃ pitu ārocessati, jīvitaṃ me natthi, ahameva puretaraṃ kathessāmī’’ti bhattaṃ abhuñjitvā kiliṭṭhalomavatthaṃ nivāsetvā sarīre nakharājiyo dassetvā ‘‘kuhiṃ devīti rañño pucchanakāle ‘‘gilānā’ti katheyyāthā’’ti paricārikānaṃ saññaṃ datvā gilānālayaṃ katvā nipajji. Rājāpi nagaraṃ padakkhiṇaṃ katvā nivesanaṃ āruyha taṃ apassanto ‘‘kuhiṃ devī’’ti pucchitvā ‘‘gilānā’’ti sutvā sirigabbhaṃ pavisitvā ‘‘kiṃ te devi, aphāsuka’’nti pucchi. Sā tassa vacanaṃ asuṇantī viya hutvā dve tayo vāre pucchitā ‘‘mahārāja, kasmā kathesi, tuṇhī hohi, sasāmikaitthiyo nāma mādisā na hontī’’ti vatvā ‘‘kena tvaṃ viheṭhitāsi, sīghaṃ me kathehi , sīsamassa chindissāmī’’ti vutte ‘‘kaṃsi tvaṃ, mahārāja, nagare ṭhapetvā gato’’ti vatvā ‘‘padumakumāra’’nti vutte ‘‘so mayhaṃ vasanaṭṭhānaṃ āgantvā ‘tāta, mā evaṃ karohi, ahaṃ tava mātā’ti vuccamānopi ‘ṭhapetvā maṃ añño rājā natthi, ahaṃ taṃ gehe karitvā kilesaratiyā ramissāmī’ti maṃ kesesu gahetvā aparāparaṃ luñcitvā attano vacanaṃ akarontiṃ maṃ pātetvā koṭṭetvā gato’’ti āha.
рааж̇аа анубабаригкид̇ваава аасийвисо вияа гуд̣̇д̇хо бурисз аан̣аабзси ‘‘г̇ажчат̇а, бхан̣з, бад̣̇умагумаарам̣ б̣анд̇хид̇ваа аанзт̇аа’’д̇и. д̇з наг̇арам̣ авад̇т̇аранд̇аа вияа д̇асса г̇зхам̣ г̇анд̇ваа д̇ам̣ б̣анд̇хид̇ваа бахарид̇ваа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа рад̇д̇аган̣авзрамаалам̣ г̇ийвааяам̣ бадимун̃жид̇ваа важ̇жхам̣ гад̇ваа аанаяим̣су . со ‘‘д̣̇звияаа ид̣̇ам̣ гамма’’нд̇и н̃ад̇ваа ‘‘бхо бурисаа, наахам̣ ран̃н̃о д̣̇осагаараго, ниббараад̇хохамасмий’’д̇и вилабанд̇о ааг̇ажчад̇и. сагаланаг̇арам̣ сам̣куб̣бхид̇ваа ‘‘рааж̇аа гира маад̇уг̇аамасса важанам̣ г̇ахзд̇ваа махаабад̣̇умагумаарам̣ гхаад̇аабзсий’’д̇и саннибад̇ид̇ваа рааж̇агумаарасса баад̣̇амуулз нибад̇ид̇ваа ‘‘ид̣̇ам̣ д̇з саами, ананужчавига’’нд̇и махаасад̣̇д̣̇зна барид̣̇зви. ат̇а нам̣ нзд̇ваа ран̃н̃о д̣̇ассзсум̣. рааж̇аа д̣̇исваава жид̇д̇ам̣ ниг̇г̇ан̣хид̇ум̣ асаггонд̇о ‘‘аяам̣ арааж̇аава рааж̇алийл̣ам̣ гарод̇и, мама буд̇д̇о худ̇ваа аг̇г̇амахзсияаа абараж̇жхад̇и, г̇ажчат̇а нам̣ жорабабаад̇з баад̇зд̇ваа винаасам̣ баабзт̇аа’’д̇и ааха. махаасад̇д̇о ‘‘на маяхам̣, д̇аад̇а, зваруубо абараад̇хо ад̇т̇и, маад̇уг̇аамасса важанам̣ г̇ахзд̇ваа маа мам̣ наасзхий’’д̇и бид̇арам̣ яаажи. со д̇асса гат̇ам̣ на г̇ан̣хи.
Rājā anupaparikkhitvāva āsīviso viya kuddho purise āṇāpesi ‘‘gacchatha, bhaṇe, padumakumāraṃ bandhitvā ānethā’’ti. Te nagaraṃ avattharantā viya tassa gehaṃ gantvā taṃ bandhitvā paharitvā pacchābāhaṃ gāḷhabandhanaṃ bandhitvā rattakaṇaveramālaṃ gīvāyaṃ paṭimuñcitvā vajjhaṃ katvā ānayiṃsu . So ‘‘deviyā idaṃ kamma’’nti ñatvā ‘‘bho purisā, nāhaṃ rañño dosakārako, nipparādhohamasmī’’ti vilapanto āgacchati. Sakalanagaraṃ saṃkhubbhitvā ‘‘rājā kira mātugāmassa vacanaṃ gahetvā mahāpadumakumāraṃ ghātāpesī’’ti sannipatitvā rājakumārassa pādamūle nipatitvā ‘‘idaṃ te sāmi, ananucchavika’’nti mahāsaddena paridevi. Atha naṃ netvā rañño dassesuṃ. Rājā disvāva cittaṃ niggaṇhituṃ asakkonto ‘‘ayaṃ arājāva rājalīḷaṃ karoti, mama putto hutvā aggamahesiyā aparajjhati, gacchatha naṃ corapapāte pātetvā vināsaṃ pāpethā’’ti āha. Mahāsatto ‘‘na mayhaṃ, tāta, evarūpo aparādho atthi, mātugāmassa vacanaṃ gahetvā mā maṃ nāsehī’’ti pitaraṃ yāci. So tassa kathaṃ na gaṇhi.
д̇ад̇о сол̣асасахассаа анд̇збуригаа ‘‘д̇аад̇а махаабад̣̇умагумаара, ад̇д̇ано ананужчавигам̣ ид̣̇ам̣ лад̣̇д̇ха’’нд̇и махаавиравам̣ виравим̣су. саб̣б̣з кад̇д̇ияамахаасаалаад̣̇аяоби амажжабариж̇анааби ‘‘д̣̇зва, гумааро сийлаажаараг̇ун̣асамбанно вам̣саанурагкид̇о раж̇ж̇ад̣̇ааяаад̣̇о, маа нам̣ маад̇уг̇аамасса важанам̣ г̇ахзд̇ваа анубабаригкид̇ваава винаасзхи, ран̃н̃аа наама нисаммагааринаа бхавид̇аб̣б̣а’’нд̇и вад̇ваа сад̇д̇а г̇аат̇аа абхаасим̣су –
Tato soḷasasahassā antepurikā ‘‘tāta mahāpadumakumāra, attano ananucchavikaṃ idaṃ laddha’’nti mahāviravaṃ viraviṃsu. Sabbe khattiyamahāsālādayopi amaccaparijanāpi ‘‘deva, kumāro sīlācāraguṇasampanno vaṃsānurakkhito rajjadāyādo, mā naṃ mātugāmassa vacanaṃ gahetvā anupaparikkhitvāva vināsehi, raññā nāma nisammakārinā bhavitabba’’nti vatvā satta gāthā abhāsiṃsu –
106.
106.
‘‘наад̣̇адтаа барад̇о д̣̇осам̣, ан̣ум̣ т̇уулаани саб̣б̣асо;
‘‘Nādaṭṭhā parato dosaṃ, aṇuṃ thūlāni sabbaso;
иссаро бан̣аяз д̣̇ан̣д̣ам̣, саамам̣ аббадивзгкияа.
Issaro paṇaye daṇḍaṃ, sāmaṃ appaṭivekkhiya.
107.
107.
‘‘яо жа аббадивзгкид̇ваа, д̣̇ан̣д̣ам̣ губ̣б̣ад̇и кад̇д̇ияо;
‘‘Yo ca appaṭivekkhitvā, daṇḍaṃ kubbati khattiyo;
саган̣дагам̣ со г̇илад̇и, ж̇ажжанд̇хова самагкигам̣.
Sakaṇṭakaṃ so gilati, jaccandhova samakkhikaṃ.
108.
108.
‘‘ад̣̇ан̣д̣ияам̣ д̣̇ан̣д̣аяад̇и, д̣̇ан̣д̣ияан̃жа ад̣̇ан̣д̣ияам̣;
‘‘Adaṇḍiyaṃ daṇḍayati, daṇḍiyañca adaṇḍiyaṃ;
анд̇хова висамам̣ маг̇г̇ам̣, на ж̇аанаад̇и самаасамам̣.
Andhova visamaṃ maggaṃ, na jānāti samāsamaṃ.
109.
109.
‘‘яо жа зд̇аани таанаани, ан̣ум̣ т̇уулаани саб̣б̣асо;
‘‘Yo ca etāni ṭhānāni, aṇuṃ thūlāni sabbaso;
суд̣̇идтаманусаасзяяа, са вз вохарид̇у марахад̇и.
Sudiṭṭhamanusāseyya, sa ve voharitu marahati.
110.
110.
‘‘нзганд̇амуд̣̇унаа саггаа, зганд̇ад̇икин̣зна ваа;
‘‘Nekantamudunā sakkā, ekantatikhiṇena vā;
ад̇д̇ам̣ маханд̇з табзд̇ум̣, д̇асмаа убхаяамаажарз.
Attaṃ mahante ṭhapetuṃ, tasmā ubhayamācare.
111.
111.
‘‘барибхууд̇о муд̣̇у ход̇и, ад̇ид̇игко жа взраваа;
‘‘Paribhūto mudu hoti, atitikkho ca veravā;
зд̇ан̃жа убхаяам̣ н̃ад̇ваа, анумаж̇жхам̣ самаажарз.
Etañca ubhayaṃ ñatvā, anumajjhaṃ samācare.
112.
112.
‘‘б̣ахумби рад̇д̇о бхаасзяяа, д̣̇удтоби б̣аху бхаасад̇и;
‘‘Bahumpi ratto bhāseyya, duṭṭhopi bahu bhāsati;
на ид̇т̇игааран̣аа рааж̇а, буд̇д̇ам̣ гхаад̇зд̇умарахасий’’д̇и.
Na itthikāraṇā rāja, puttaṃ ghātetumarahasī’’ti.
д̇ад̇т̇а наад̣̇адтаад̇и на ад̣̇исваа. барад̇од̇и барасса. саб̣б̣асод̇и саб̣б̣аани. ан̣ум̣т̇уулаанийд̇и куд̣̇д̣̇агамаханд̇аани важ̇ж̇аани. саамам̣ аббадивзгкияаад̇и барасса важанам̣ г̇ахзд̇ваа ад̇д̇ано бажжагкам̣ агад̇ваа бат̇ависсаро рааж̇аа д̣̇ан̣д̣ам̣ на бан̣аяз на бадтабзяяа. махаасаммад̇арааж̇агааласмин̃хи сад̇ад̇о уд̇д̇ари д̣̇ан̣д̣о наама над̇т̇и, д̇аал̣анаг̇арахан̣абаб̣б̣ааж̇анад̇о уд̣̇д̇хам̣ хад̇т̇абаад̣̇ажчзд̣̇анагхаад̇анам̣ наама над̇т̇и, бажчаа гагкал̣арааж̇уунам̣язва гаалз зд̇ам̣ уббаннам̣, д̇ам̣ санд̇хааяа д̇з амажжаа ‘‘зганд̇знзва барасса д̣̇осам̣ саамам̣ ад̣̇исваа гаад̇ум̣ на яуд̇д̇а’’нд̇и гат̇знд̇аа звамаахам̣су.
Tattha nādaṭṭhāti na adisvā. Paratoti parassa. Sabbasoti sabbāni. Aṇuṃthūlānīti khuddakamahantāni vajjāni. Sāmaṃ appaṭivekkhiyāti parassa vacanaṃ gahetvā attano paccakkhaṃ akatvā pathavissaro rājā daṇḍaṃ na paṇaye na paṭṭhapeyya. Mahāsammatarājakālasmiñhi satato uttari daṇḍo nāma natthi, tāḷanagarahaṇapabbājanato uddhaṃ hatthapādacchedanaghātanaṃ nāma natthi, pacchā kakkhaḷarājūnaṃyeva kāle etaṃ uppannaṃ, taṃ sandhāya te amaccā ‘‘ekanteneva parassa dosaṃ sāmaṃ adisvā kātuṃ na yutta’’nti kathentā evamāhaṃsu.
яо жа аббадивзгкид̇ваад̇и махаарааж̇а, звам̣ аббадивзгкид̇ваа д̣̇осаанужчавигз д̣̇ан̣д̣з бан̣зд̇аб̣б̣з яо рааж̇аа аг̇ад̇иг̇аманз тид̇о д̇ам̣ д̣̇осам̣ аббадивзгкид̇ваа хад̇т̇ажчзд̣̇аад̣̇ид̣̇ан̣д̣ам̣ гарод̇и, со ад̇д̇ано д̣̇угкагааран̣ам̣ гаронд̇о саган̣дагам̣ бхож̇анам̣ г̇илад̇и наама, ж̇ажжанд̇хо вияа жа самагкигам̣ бхун̃ж̇ад̇и наама. ад̣̇ан̣д̣ияанд̇и яо ад̣̇ан̣д̣ияам̣ ад̣̇ан̣д̣абан̣зд̇аб̣б̣ан̃жа д̣̇ан̣д̣зд̇ваа д̣̇ан̣д̣ияан̃жа д̣̇ан̣д̣абан̣зд̇аб̣б̣ам̣ ад̣̇ан̣д̣зд̇ваа ад̇д̇ано ружимзва гарод̇и, со анд̇хо вияа висамам̣ маг̇г̇ам̣ бадибанно, на ж̇аанаад̇и самаасамам̣, д̇ад̇о баасаан̣аад̣̇ийсу багкаланд̇о анд̇хо вияа жад̇уусу абааязсу махаад̣̇угкам̣ баабун̣аад̇ийд̇и ад̇т̇о. зд̇аани таанаанийд̇и зд̇аани д̣̇ан̣д̣ияаад̣̇ан̣д̣ияагааран̣аани жзва д̣̇ан̣д̣ияагааран̣зсуби ан̣ум̣т̇уулаани жа саб̣б̣аани суд̣̇идтам̣ д̣̇исваа анусаасзяяа, са вз вохарид̇ум̣ раж̇ж̇аманусаасид̇ум̣ арахад̇ийд̇и ад̇т̇о.
Yo ca appaṭivekkhitvāti mahārāja, evaṃ appaṭivekkhitvā dosānucchavike daṇḍe paṇetabbe yo rājā agatigamane ṭhito taṃ dosaṃ appaṭivekkhitvā hatthacchedādidaṇḍaṃ karoti, so attano dukkhakāraṇaṃ karonto sakaṇṭakaṃ bhojanaṃ gilati nāma, jaccandho viya ca samakkhikaṃ bhuñjati nāma. Adaṇḍiyanti yo adaṇḍiyaṃ adaṇḍapaṇetabbañca daṇḍetvā daṇḍiyañca daṇḍapaṇetabbaṃ adaṇḍetvā attano rucimeva karoti, so andho viya visamaṃ maggaṃ paṭipanno, na jānāti samāsamaṃ, tato pāsāṇādīsu pakkhalanto andho viya catūsu apāyesu mahādukkhaṃ pāpuṇātīti attho. Etāni ṭhānānīti etāni daṇḍiyādaṇḍiyakāraṇāni ceva daṇḍiyakāraṇesupi aṇuṃthūlāni ca sabbāni sudiṭṭhaṃ disvā anusāseyya, sa ve voharituṃ rajjamanusāsituṃ arahatīti attho.
ад̇д̇ам̣ маханд̇з табзд̇унд̇и зваруубо ануббаннз бхог̇з уббаад̣̇зд̇ваа уббаннз т̇ааварз гад̇ваа ад̇д̇аанам̣ маханд̇з ул̣аарз иссарияз табзд̇ум̣ на саггод̇ийд̇и ад̇т̇о. муд̣̇ууд̇и муд̣̇урааж̇аа радтаваасийнам̣ барибхууд̇о ход̇и аван̃н̃аад̇о, со раж̇ж̇ам̣ нижжорам̣ гаад̇ум̣ на саггод̇и. взраваад̇и ад̇ид̇игкасса бана саб̣б̣зби радтаваасино взрино хонд̇ийд̇и со взраваа наама ход̇и. анумаж̇жханд̇и анубхууд̇ам̣ муд̣̇уд̇икин̣абхааваанам̣ маж̇жхам̣ самаажарз, амуд̣̇у ад̇игко худ̇ваа раж̇ж̇ам̣ гаарзяяаад̇и ад̇т̇о. на ид̇т̇игааран̣аад̇и баабам̣ лаамагам̣ маад̇уг̇аамам̣ ниссааяа вам̣саанурагкагам̣ чад̇д̇ад̣̇ааяаад̣̇ам̣ буд̇д̇ам̣ гхаад̇зд̇ум̣ наарахаси, махаарааж̇аад̇и.
Attaṃ mahante ṭhapetunti evarūpo anuppanne bhoge uppādetvā uppanne thāvare katvā attānaṃ mahante uḷāre issariye ṭhapetuṃ na sakkotīti attho. Mudūti mudurājā raṭṭhavāsīnaṃ paribhūto hoti avaññāto, so rajjaṃ niccoraṃ kātuṃ na sakkoti. Veravāti atitikkhassa pana sabbepi raṭṭhavāsino verino hontīti so veravā nāma hoti. Anumajjhanti anubhūtaṃ mudutikhiṇabhāvānaṃ majjhaṃ samācare, amudu atikkho hutvā rajjaṃ kāreyyāti attho. Na itthikāraṇāti pāpaṃ lāmakaṃ mātugāmaṃ nissāya vaṃsānurakkhakaṃ chattadāyādaṃ puttaṃ ghātetuṃ nārahasi, mahārājāti.
звам̣ наанаагааран̣зхи гат̇знд̇ааби амажжаа ад̇д̇ано гат̇ам̣ г̇аахаабзд̇ум̣ наасагким̣су. б̣од̇хисад̇д̇оби яаажанд̇о ад̇д̇ано гат̇ам̣ г̇аахаабзд̇ум̣ наасагки. анд̇хаб̣аало бана рааж̇аа ‘‘г̇ажчат̇а нам̣ жорабабаад̇з кибат̇аа’’д̇и аан̣аабзнд̇о адтамам̣ г̇аат̇амааха –
Evaṃ nānākāraṇehi kathentāpi amaccā attano kathaṃ gāhāpetuṃ nāsakkhiṃsu. Bodhisattopi yācanto attano kathaṃ gāhāpetuṃ nāsakkhi. Andhabālo pana rājā ‘‘gacchatha naṃ corapapāte khipathā’’ti āṇāpento aṭṭhamaṃ gāthamāha –
113.
113.
‘‘саб̣б̣ова лого згад̇о, ид̇т̇ий жа аяамзгигаа;
‘‘Sabbova loko ekato, itthī ca ayamekikā;
д̇знаахам̣ бадибаж̇ж̇иссам̣, г̇ажчат̇а багкибат̇зва д̇а’’нд̇и.
Tenāhaṃ paṭipajjissaṃ, gacchatha pakkhipatheva ta’’nti.
д̇ад̇т̇а д̇знааханд̇и язна гааран̣зна саб̣б̣о лого згад̇о гумаарассзва багко худ̇ваа тид̇о, аяан̃жа ид̇т̇ий згигаава, д̇зна гааран̣зна ахам̣ имиссаа важанам̣ бадибаж̇ж̇иссам̣, г̇ажчат̇а д̇ам̣ баб̣б̣ад̇ам̣ ааробзд̇ваа бабаад̇з кибат̇зваад̇и.
Tattha tenāhanti yena kāraṇena sabbo loko ekato kumārasseva pakkho hutvā ṭhito, ayañca itthī ekikāva, tena kāraṇena ahaṃ imissā vacanaṃ paṭipajjissaṃ, gacchatha taṃ pabbataṃ āropetvā papāte khipathevāti.
звам̣ вуд̇д̇з сол̣асасахассаасу рааж̇аид̇т̇ийсу згааби сагабхаавзна сан̣таад̇ум̣ наасагки, сагаланаг̇араваасино б̣аахаа баг̇г̇аяха ганд̣̇ид̇ваа гзсз вигираяамаанаа вилабим̣су. рааж̇аа ‘‘имз имасса бабаад̇з кибанам̣ бадиб̣аахзяяу’’нд̇и сабаривааро г̇анд̇ваа махааж̇анасса барид̣̇званд̇ассзва нам̣ уд̣̇д̇хам̣баад̣̇ам̣ авам̣сирам̣ гад̇ваа г̇аахаабзд̇ваа бабаад̇з кибаабзси. ат̇асса мзд̇д̇аанубхаавзна баб̣б̣ад̇з ад̇хивад̇т̇аа д̣̇звад̇аа ‘‘маа бхааяи махаабад̣̇умаа’’д̇и д̇ам̣ самассаасзд̇ваа убхохи хад̇т̇зхи г̇ахзд̇ваа хад̣̇аяз табзд̇ваа д̣̇иб̣б̣асампассам̣ параабзд̇ваа од̇арид̇ваа баб̣б̣ад̇абаад̣̇з бад̇идтид̇анааг̇арааж̇асса пан̣аг̇аб̣бхз табзси. нааг̇арааж̇аа б̣од̇хисад̇д̇ам̣ нааг̇абхаванам̣ нзд̇ваа ад̇д̇ано яасам̣ маж̇жхз бхинд̣̇ид̇ваа ад̣̇ааси. со д̇ад̇т̇а згасам̣важчарам̣ васид̇ваа ‘‘мануссабат̇ам̣ г̇амиссаамий’’д̇и вад̇ваа ‘‘гад̇арам̣ таана’’нд̇и вуд̇д̇з ‘‘химаванд̇ам̣ г̇анд̇ваа баб̣б̣аж̇иссаамий’’д̇и ааха. нааг̇арааж̇аа ‘‘саад̇хуу’’д̇и д̇ам̣ г̇ахзд̇ваа мануссабат̇з бад̇идтаабзд̇ваа баб̣б̣аж̇ид̇абаригкаарз д̣̇ад̇ваа сагадтаанамзва г̇ад̇о. соби химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ам̣ ниб̣б̣ад̇д̇зд̇ваа ванамуулапалаахааро д̇ад̇т̇а бадивасад̇и.
Evaṃ vutte soḷasasahassāsu rājaitthīsu ekāpi sakabhāvena saṇṭhātuṃ nāsakkhi, sakalanagaravāsino bāhā paggayha kanditvā kese vikirayamānā vilapiṃsu. Rājā ‘‘ime imassa papāte khipanaṃ paṭibāheyyu’’nti saparivāro gantvā mahājanassa paridevantasseva naṃ uddhaṃpādaṃ avaṃsiraṃ katvā gāhāpetvā papāte khipāpesi. Athassa mettānubhāvena pabbate adhivatthā devatā ‘‘mā bhāyi mahāpadumā’’ti taṃ samassāsetvā ubhohi hatthehi gahetvā hadaye ṭhapetvā dibbasamphassaṃ pharāpetvā otaritvā pabbatapāde patiṭṭhitanāgarājassa phaṇagabbhe ṭhapesi. Nāgarājā bodhisattaṃ nāgabhavanaṃ netvā attano yasaṃ majjhe bhinditvā adāsi. So tattha ekasaṃvaccharaṃ vasitvā ‘‘manussapathaṃ gamissāmī’’ti vatvā ‘‘kataraṃ ṭhāna’’nti vutte ‘‘himavantaṃ gantvā pabbajissāmī’’ti āha. Nāgarājā ‘‘sādhū’’ti taṃ gahetvā manussapathe patiṭṭhāpetvā pabbajitaparikkhāre datvā sakaṭṭhānameva gato. Sopi himavantaṃ pavisitvā isipabbajjaṃ pabbajitvā jhānābhiññaṃ nibbattetvā vanamūlaphalāhāro tattha paṭivasati.
ат̇зго б̣аараан̣асиваасий ванажараго д̇ам̣ таанам̣ бад̇д̇о махаасад̇д̇ам̣ сан̃ж̇аанид̇ваа ‘‘нану д̇вам̣ д̣̇зва, махаабад̣̇умагумааро’’д̇и вад̇ваа ‘‘аама, саммаа’’д̇и вуд̇д̇з д̇ам̣ ванд̣̇ид̇ваа гад̇ибаахам̣ д̇ад̇т̇а васид̇ваа б̣аараан̣асим̣ г̇анд̇ваа ран̃н̃о аарожзси ‘‘д̣̇зва, буд̇д̇о д̇з химаванд̇абад̣̇зсз исибаб̣б̣аж̇ж̇ам̣ баб̣б̣аж̇ид̇ваа бан̣н̣асаалааяам̣ васад̇и, ахам̣ д̇асса санд̇игз васид̇ваа ааг̇ад̇о’’д̇и. ‘‘бажжагкад̇о д̇з д̣̇идто’’д̇и? ‘‘аама д̣̇зваа’’д̇и. рааж̇аа махааб̣алагааяабаривуд̇о д̇ад̇т̇а г̇анд̇ваа ванабарияанд̇з канд̇хааваарам̣ б̣анд̇хид̇ваа амажжаг̇ан̣абаривуд̇о бан̣н̣асаалам̣ г̇анд̇ваа ган̃жанаруубасад̣̇исам̣ бан̣н̣асаалад̣̇ваарз нисиннам̣ махаасад̇д̇ам̣ д̣̇исваа ванд̣̇ид̇ваа згаманд̇ам̣ нисийд̣̇и. амажжааби ванд̣̇ид̇ваа бадисант̇аарам̣ гад̇ваа нисийд̣̇им̣су. б̣од̇хисад̇д̇оби рааж̇аанам̣ бадибужчид̇ваа бадисант̇аарамагааси. ат̇а нам̣ рааж̇аа ‘‘д̇аад̇а, маяаа д̇вам̣ г̇амбхийрз бабаад̇з кибаабид̇о, гат̇ам̣ саж̇ийвид̇осий’’д̇и бужчанд̇о навамам̣ г̇аат̇амааха –
Atheko bārāṇasivāsī vanacarako taṃ ṭhānaṃ patto mahāsattaṃ sañjānitvā ‘‘nanu tvaṃ deva, mahāpadumakumāro’’ti vatvā ‘‘āma, sammā’’ti vutte taṃ vanditvā katipāhaṃ tattha vasitvā bārāṇasiṃ gantvā rañño ārocesi ‘‘deva, putto te himavantapadese isipabbajjaṃ pabbajitvā paṇṇasālāyaṃ vasati, ahaṃ tassa santike vasitvā āgato’’ti. ‘‘Paccakkhato te diṭṭho’’ti? ‘‘Āma devā’’ti. Rājā mahābalakāyaparivuto tattha gantvā vanapariyante khandhāvāraṃ bandhitvā amaccagaṇaparivuto paṇṇasālaṃ gantvā kañcanarūpasadisaṃ paṇṇasāladvāre nisinnaṃ mahāsattaṃ disvā vanditvā ekamantaṃ nisīdi. Amaccāpi vanditvā paṭisanthāraṃ katvā nisīdiṃsu. Bodhisattopi rājānaṃ paṭipucchitvā paṭisanthāramakāsi. Atha naṃ rājā ‘‘tāta, mayā tvaṃ gambhīre papāte khipāpito, kathaṃ sajīvitosī’’ti pucchanto navamaṃ gāthamāha –
114.
114.
‘‘анзгад̇аалз нарагз, г̇амбхийрз жа суд̣̇уд̇д̇арз;
‘‘Anekatāle narake, gambhīre ca suduttare;
баад̇ид̇о г̇ирид̣̇уг̇г̇асмим̣, гзна д̇вам̣ д̇ад̇т̇а наамарий’’д̇и.
Pātito giriduggasmiṃ, kena tvaṃ tattha nāmarī’’ti.
д̇ад̇т̇а анзгад̇аалзд̇и анзгад̇аалаббамаан̣з. наамарийд̇и на амари.
Tattha anekatāleti anekatālappamāṇe. Nāmarīti na amari.
д̇ад̇обарам̣ –
Tatoparaṃ –
115.
115.
‘‘нааг̇о ж̇аад̇апан̣о д̇ад̇т̇а, т̇аамаваа г̇ирисаануж̇о;
‘‘Nāgo jātaphaṇo tattha, thāmavā girisānujo;
бажжаг̇г̇ахи мам̣ бхог̇зхи, д̇знаахам̣ д̇ад̇т̇а наамарим̣.
Paccaggahi maṃ bhogehi, tenāhaṃ tattha nāmariṃ.
116.
116.
‘‘зхи д̇ам̣ бадинзссаами, рааж̇абуд̇д̇а сагам̣ гхарам̣;
‘‘Ehi taṃ paṭinessāmi, rājaputta sakaṃ gharaṃ;
раж̇ж̇ам̣ гаарзхи бхад̣̇д̣̇анд̇з, гим̣ аран̃н̃з гариссаси.
Rajjaṃ kārehi bhaddante, kiṃ araññe karissasi.
117.
117.
‘‘яат̇аа г̇илид̇ваа б̣ал̣исам̣, уд̣̇д̇харзяяа салохид̇ам̣;
‘‘Yathā gilitvā baḷisaṃ, uddhareyya salohitaṃ;
уд̣̇д̇харид̇ваа сукий асса, звам̣ бассаами ад̇д̇анам̣.
Uddharitvā sukhī assa, evaṃ passāmi attanaṃ.
118.
118.
‘‘гим̣ ну д̇вам̣ б̣ал̣исам̣ б̣рууси, гим̣ д̇вам̣ б̣рууси салохид̇ам̣;
‘‘Kiṃ nu tvaṃ baḷisaṃ brūsi, kiṃ tvaṃ brūsi salohitaṃ;
гим̣ ну д̇вам̣ уб̣бхад̇ам̣ б̣рууси, д̇ам̣ мз агкаахи бужчид̇о.
Kiṃ nu tvaṃ ubbhataṃ brūsi, taṃ me akkhāhi pucchito.
119.
119.
‘‘гаамаахам̣ б̣ал̣исам̣ б̣рууми, хад̇т̇иассам̣ салохид̇ам̣;
‘‘Kāmāhaṃ baḷisaṃ brūmi, hatthiassaṃ salohitaṃ;
жад̇д̇аахам̣ уб̣бхад̇ам̣ б̣рууми, звам̣ ж̇аанаахи кад̇д̇ияаа’’д̇и. –
Cattāhaṃ ubbhataṃ brūmi, evaṃ jānāhi khattiyā’’ti. –
имаасу бан̃жасу зганд̇аригаа д̇иссо г̇аат̇аа б̣од̇хисад̇д̇асса, д̣̇вз ран̃н̃о.
Imāsu pañcasu ekantarikā tisso gāthā bodhisattassa, dve rañño.
д̇ад̇т̇а бажжаг̇г̇ахи манд̇и баб̣б̣ад̇абад̇анагаалз д̣̇звад̇ааяа бариг̇г̇ахзд̇ваа д̣̇иб̣б̣асампассзна самассаасзд̇ваа убанийд̇ам̣ мам̣ бадиг̇г̇ан̣хи, г̇ахзд̇ваа жа бана нааг̇абхаванам̣ аанзд̇ваа маханд̇ам̣ яасам̣ д̣̇ад̇ваа ‘‘мануссабат̇ам̣ мам̣ нзхий’’д̇и вуд̇д̇о мам̣ мануссабат̇ам̣ аанзси. ахам̣ ид̇хааг̇анд̇ваа баб̣б̣аж̇ид̇о, ид̇и д̇зна д̣̇звад̇ааяа жа нааг̇арааж̇асса жа аанубхаавзна ахам̣ д̇ад̇т̇а наамаринд̇и саб̣б̣ам̣ аарожзси.
Tattha paccaggahi manti pabbatapatanakāle devatāya pariggahetvā dibbasamphassena samassāsetvā upanītaṃ maṃ paṭiggaṇhi, gahetvā ca pana nāgabhavanaṃ ānetvā mahantaṃ yasaṃ datvā ‘‘manussapathaṃ maṃ nehī’’ti vutto maṃ manussapathaṃ ānesi. Ahaṃ idhāgantvā pabbajito, iti tena devatāya ca nāgarājassa ca ānubhāvena ahaṃ tattha nāmarinti sabbaṃ ārocesi.
зхийд̇и рааж̇аа д̇асса важанам̣ суд̇ваа соманассаббад̇д̇о худ̇ваа ‘‘д̇аад̇а, ахам̣ б̣аалабхаавзна ид̇т̇ияаа важанам̣ г̇ахзд̇ваа звам̣ сийлаажаарасамбаннз д̇аяи абараж̇жхим̣, камаахи мз д̣̇оса’’нд̇и баад̣̇зсу нибад̇ид̇ваа ‘‘удтзхи, махаарааж̇а, камаама д̇з д̣̇осам̣, ид̇о барам̣ буна маа звам̣ анисаммагаарий бхавзяяаасий’’д̇и вуд̇д̇з ‘‘д̇аад̇а, д̇вам̣ ад̇д̇ано гуласанд̇агам̣ сзд̇ажчад̇д̇ам̣ уссаабзд̇ваа раж̇ж̇ам̣ анусаасанд̇о маяхам̣ камаси наамаа’’д̇и звамааха.
Ehīti rājā tassa vacanaṃ sutvā somanassappatto hutvā ‘‘tāta, ahaṃ bālabhāvena itthiyā vacanaṃ gahetvā evaṃ sīlācārasampanne tayi aparajjhiṃ, khamāhi me dosa’’nti pādesu nipatitvā ‘‘uṭṭhehi, mahārāja, khamāma te dosaṃ, ito paraṃ puna mā evaṃ anisammakārī bhaveyyāsī’’ti vutte ‘‘tāta, tvaṃ attano kulasantakaṃ setacchattaṃ ussāpetvā rajjaṃ anusāsanto mayhaṃ khamasi nāmā’’ti evamāha.
уд̣̇д̇харид̇ваад̇и хад̣̇аяаваггаад̣̇ийни асамбад̇д̇амзва д̇ам̣ уд̣̇д̇харид̇ваа сукий асса. звам̣ бассаами ад̇д̇ананд̇и ад̇д̇аанам̣ махаарааж̇а, звам̣ ахамби буна сод̇т̇ибхааваббад̇д̇ам̣ г̇илид̇аб̣ал̣исам̣ бурисамива ад̇д̇аанам̣ бассаамийд̇и. ‘‘гим̣ ну д̇ва’’нд̇и ид̣̇ам̣ рааж̇аа д̇амад̇т̇ам̣ вид̇т̇аарад̇о сод̇ум̣ бужчад̇и. гаамааханд̇и бан̃жа гаамаг̇ун̣з ахам̣. хад̇т̇иассам̣ салохид̇анд̇и звам̣ хад̇т̇иассарат̇авааханам̣ сад̇д̇арад̇анаад̣̇ивибхавам̣ ‘‘салохид̇а’’нд̇и б̣рууми. жад̇д̇ааханд̇и жад̇д̇ам̣ ахам̣, яад̣̇аа д̇ам̣ саб̣б̣амби жад̇д̇ам̣ ход̇и барижжад̇д̇ам̣, д̇ам̣ д̣̇аанаахам̣ ‘‘уб̣бхад̇а’’нд̇и б̣рууми.
Uddharitvāti hadayavakkādīni asampattameva taṃ uddharitvā sukhī assa. Evaṃ passāmi attananti attānaṃ mahārāja, evaṃ ahampi puna sotthibhāvappattaṃ gilitabaḷisaṃ purisamiva attānaṃ passāmīti. ‘‘Kiṃ nu tva’’nti idaṃ rājā tamatthaṃ vitthārato sotuṃ pucchati. Kāmāhanti pañca kāmaguṇe ahaṃ. Hatthiassaṃ salohitanti evaṃ hatthiassarathavāhanaṃ sattaratanādivibhavaṃ ‘‘salohita’’nti brūmi. Cattāhanti cattaṃ ahaṃ, yadā taṃ sabbampi cattaṃ hoti pariccattaṃ, taṃ dānāhaṃ ‘‘ubbhata’’nti brūmi.
‘‘ид̇и ко, махаарааж̇а, маяхам̣ раж̇ж̇зна гижжам̣ над̇т̇и, д̇вам̣ бана д̣̇аса рааж̇ад̇хаммз агобзд̇ваа аг̇ад̇иг̇аманам̣ бахааяа д̇хаммзна раж̇ж̇ам̣ гаарзхий’’д̇и махаасад̇д̇о бид̇у оваад̣̇ам̣ ад̣̇ааси. со рааж̇аа род̣̇ид̇ваа барид̣̇звид̇ваа наг̇арам̣ г̇ажчанд̇о анд̇араамаг̇г̇з амажжз бужчи. ‘‘ахам̣ гам̣ ниссааяа зваруубзна аажаараг̇ун̣асамбаннзна буд̇д̇зна вияог̇ам̣ бад̇д̇о’’д̇и? ‘‘аг̇г̇амахзсим̣, д̣̇зваа’’д̇и. рааж̇аа д̇ам̣ уд̣̇д̇хам̣баад̣̇ам̣ г̇аахаабзд̇ваа жорабабаад̇з кибаабзд̇ваа наг̇арам̣ бависид̇ваа д̇хаммзна раж̇ж̇ам̣ гаарзси.
‘‘Iti kho, mahārāja, mayhaṃ rajjena kiccaṃ natthi, tvaṃ pana dasa rājadhamme akopetvā agatigamanaṃ pahāya dhammena rajjaṃ kārehī’’ti mahāsatto pitu ovādaṃ adāsi. So rājā roditvā paridevitvā nagaraṃ gacchanto antarāmagge amacce pucchi. ‘‘Ahaṃ kaṃ nissāya evarūpena ācāraguṇasampannena puttena viyogaṃ patto’’ti? ‘‘Aggamahesiṃ, devā’’ti. Rājā taṃ uddhaṃpādaṃ gāhāpetvā corapapāte khipāpetvā nagaraṃ pavisitvā dhammena rajjaṃ kāresi.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣збзсаа мам̣ аггосид̇ваа махаавинаасам̣ бад̇д̇аа’’д̇и вад̇ваа –
Satthā imaṃ dhammadesanaṃ āharitvā ‘‘evaṃ, bhikkhave, pubbepesā maṃ akkositvā mahāvināsaṃ pattā’’ti vatvā –
120.
120.
‘‘жин̃жамаан̣авигаа маад̇аа, д̣̇звад̣̇ад̇д̇о жа мз бид̇аа;
‘‘Ciñcamāṇavikā mātā, devadatto ca me pitā;
аананд̣̇о бан̣д̣ид̇о нааг̇о, саарибуд̇д̇о жа д̣̇звад̇аа;
Ānando paṇḍito nāgo, sāriputto ca devatā;
рааж̇абуд̇д̇о ахам̣ аасим̣, звам̣ д̇хаарзт̇а ж̇аад̇ага’’нд̇и. –
Rājaputto ahaṃ āsiṃ, evaṃ dhāretha jātaka’’nti. –
осаанаг̇аат̇ааяа ж̇аад̇агам̣ самод̇хаанзси.
Osānagāthāya jātakaṃ samodhānesi.
махаабад̣̇умаж̇аад̇агаван̣н̣анаа навамаа.
Mahāpadumajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 472. махаабад̣̇умаж̇аад̇агам̣ • 472. Mahāpadumajātakaṃ
