| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
6. махаабаж̇аабад̇иг̇од̇амийт̇зрийг̇аат̇ааван̣н̣анаа
6. Mahāpajāpatigotamītherīgāthāvaṇṇanā
б̣уд̣̇д̇ха вийра намо д̇яад̇т̇ууд̇иаад̣̇игаа махаабаж̇аабад̇иг̇од̇амияаа г̇аат̇аа. аяамби гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа сад̇т̇у санд̇игз д̇хаммам̣ сун̣анд̇ий сад̇т̇аарам̣ згам̣ бхигкуним̣ рад̇д̇ан̃н̃уунам̣ аг̇г̇адтаанз табзнд̇ам̣ д̣̇исваа, ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа яааваж̇ийвам̣ д̣̇аанаад̣̇ийни бун̃н̃аани гад̇ваа габбасад̇асахассам̣ д̣̇звамануссзсу сам̣сарид̇ваа, гассабасса жа бхаг̇авад̇о анд̇арз амхааган̃жа бхаг̇авад̇о б̣уд̣̇д̇хасун̃н̃з логз б̣аараан̣асияам̣ бан̃жаннам̣ д̣̇аасисад̇аанам̣ ж̇здтигаа худ̇ваа ниб̣б̣ад̇д̇и. ат̇а саа вассуубанааяигасамаяз бан̃жа бажжзгаб̣уд̣̇д̇хз нанд̣̇амуулагабаб̣бхаарад̇о исибад̇анз од̇арид̇ваа, наг̇арз бин̣д̣ааяа жарид̇ваа исибад̇анамзва г̇анд̇ваа, вассуубанааяигасамаяз гудияаа ад̇т̇ааяа хад̇т̇агаммам̣ бариязсанд̇з д̣̇исваа, д̇аа д̣̇аасияо д̇аасам̣ ад̇д̇ано жа саамигз самаад̣̇абзд̇ваа жан̇гамаад̣̇ибариваарасамбаннаа бан̃жа гудияо гаарзд̇ваа, ман̃жабийтабаанийяабарибхож̇анийяабхааж̇анаад̣̇ийни убадтабзд̇ваа бажжзгаб̣уд̣̇д̇хз д̇змаасам̣ д̇ад̇т̇зва васанад̇т̇ааяа бадин̃н̃ам̣ гаарзд̇ваа ваарабхигкам̣ бадтабзсум̣. яаа ад̇д̇ано ваарад̣̇ивасз бхигкам̣ д̣̇аад̇ум̣ на саггод̇и, д̇ассаа саяам̣ сагаг̇зхад̇о нийхарид̇ваа д̣̇зд̇и. звам̣ д̇змаасам̣ бадиж̇аг̇г̇ид̇ваа бавааран̣ааяа самбад̇д̇ааяа згзгам̣ д̣̇аасим̣ згзгам̣ саадагам̣ виссаж̇ж̇аабзси. бан̃жат̇ууласаадагасад̇аани ахзсум̣. д̇аани баривад̇д̇аабзд̇ваа бан̃жаннам̣ бажжзгаб̣уд̣̇д̇хаанам̣ д̇ижийвараани гад̇ваа ад̣̇ааси. бажжзгаб̣уд̣̇д̇хаа д̇аасам̣ бассанд̇ийнам̣язва аагаасзна г̇анд̇хамаад̣̇анабаб̣б̣ад̇ам̣ аг̇амам̣су.
Buddhavīra namo tyatthūtiādikā mahāpajāpatigotamiyā gāthā. Ayampi kira padumuttarassa bhagavato kāle haṃsavatīnagare kulagehe nibbattitvā viññutaṃ patvā satthu santike dhammaṃ suṇantī satthāraṃ ekaṃ bhikkhuniṃ rattaññūnaṃ aggaṭṭhāne ṭhapentaṃ disvā, adhikārakammaṃ katvā taṃ ṭhānantaraṃ patthetvā yāvajīvaṃ dānādīni puññāni katvā kappasatasahassaṃ devamanussesu saṃsaritvā, kassapassa ca bhagavato antare amhākañca bhagavato buddhasuññe loke bārāṇasiyaṃ pañcannaṃ dāsisatānaṃ jeṭṭhikā hutvā nibbatti. Atha sā vassūpanāyikasamaye pañca paccekabuddhe nandamūlakapabbhārato isipatane otaritvā, nagare piṇḍāya caritvā isipatanameva gantvā, vassūpanāyikasamaye kuṭiyā atthāya hatthakammaṃ pariyesante disvā, tā dāsiyo tāsaṃ attano ca sāmike samādapetvā caṅkamādiparivārasampannā pañca kuṭiyo kāretvā, mañcapīṭhapānīyaparibhojanīyabhājanādīni upaṭṭhapetvā paccekabuddhe temāsaṃ tattheva vasanatthāya paṭiññaṃ kāretvā vārabhikkhaṃ paṭṭhapesuṃ. Yā attano vāradivase bhikkhaṃ dātuṃ na sakkoti, tassā sayaṃ sakagehato nīharitvā deti. Evaṃ temāsaṃ paṭijaggitvā pavāraṇāya sampattāya ekekaṃ dāsiṃ ekekaṃ sāṭakaṃ vissajjāpesi. Pañcathūlasāṭakasatāni ahesuṃ. Tāni parivattāpetvā pañcannaṃ paccekabuddhānaṃ ticīvarāni katvā adāsi. Paccekabuddhā tāsaṃ passantīnaṃyeva ākāsena gandhamādanapabbataṃ agamaṃsu.
д̇ааби саб̣б̣аа яааваж̇ийвам̣ гусалам̣ гад̇ваа д̣̇звалогз ниб̣б̣ад̇д̇им̣су. д̇аасам̣ ж̇здтигаа д̇ад̇о жавид̇ваа б̣аараан̣асияаа авид̣̇уурз бзсагаараг̇аамз бзсагаараж̇здтагасса г̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа, бад̣̇умавад̇ияаа буд̇д̇з бан̃жасад̇з бажжзгаб̣уд̣̇д̇хз д̣̇исваа самбияааяамаанаа саб̣б̣з ванд̣̇ид̇ваа бхигкам̣ ад̣̇ааси. д̇з бхад̇д̇агижжам̣ гад̇ваа г̇анд̇хамаад̣̇анамзва аг̇амам̣су. сааби яааваж̇ийвам̣ гусалам̣ гад̇ваа д̣̇звамануссзсу сам̣саранд̇ий амхаагам̣ сад̇т̇у ниб̣б̣ад̇д̇ид̇о бурзд̇арамзва д̣̇звад̣̇аханаг̇арз махаасуббаб̣уд̣̇д̇хасса г̇зхз бадисанд̇хим̣ г̇ан̣хи, г̇од̇амийд̇иссаа г̇од̇д̇ааг̇ад̇амзва наамам̣ ахоси; махаамааяааяа ганидтабхаг̇иний. лагкан̣абаатагааби ‘‘имаасам̣ д̣̇виннамби гужчияам̣ васид̇аа д̣̇аарагаа жаггавад̇д̇ино бхависсанд̇ий’’д̇и б̣яаагарим̣су. суд̣̇д̇ход̣̇анамахаарааж̇аа ваяаббад̇д̇агаалз д̣̇взби ман̇г̇алам̣ гад̇ваа ад̇д̇ано гхарам̣ абхинзси.
Tāpi sabbā yāvajīvaṃ kusalaṃ katvā devaloke nibbattiṃsu. Tāsaṃ jeṭṭhikā tato cavitvā bārāṇasiyā avidūre pesakāragāme pesakārajeṭṭhakassa gehe nibbattitvā viññutaṃ patvā, padumavatiyā putte pañcasate paccekabuddhe disvā sampiyāyamānā sabbe vanditvā bhikkhaṃ adāsi. Te bhattakiccaṃ katvā gandhamādanameva agamaṃsu. Sāpi yāvajīvaṃ kusalaṃ katvā devamanussesu saṃsarantī amhākaṃ satthu nibbattito puretarameva devadahanagare mahāsuppabuddhassa gehe paṭisandhiṃ gaṇhi, gotamītissā gottāgatameva nāmaṃ ahosi; mahāmāyāya kaniṭṭhabhaginī. Lakkhaṇapāṭhakāpi ‘‘imāsaṃ dvinnampi kucchiyaṃ vasitā dārakā cakkavattino bhavissantī’’ti byākariṃsu. Suddhodanamahārājā vayappattakāle dvepi maṅgalaṃ katvā attano gharaṃ abhinesi.
абарабхааг̇з амхаагам̣ сад̇т̇ари уббаж̇ж̇ид̇ваа бавад̇д̇ид̇аварад̇хаммажаггз анубуб̣б̣зна д̇ад̇т̇а д̇ад̇т̇а взнзяяаанам̣ ануг̇г̇ахам̣ гаронд̇з взсаалим̣ убаниссааяа гуудааг̇аарасаалааяам̣ вихаранд̇з суд̣̇д̇ход̣̇анамахаарааж̇аа сзд̇ажчад̇д̇асса хздтаа арахад̇д̇ам̣ сажчигад̇ваа бариниб̣б̣ааяи. ат̇а махаабаж̇аабад̇иг̇од̇амий баб̣б̣аж̇ид̇угаамаа худ̇ваа сад̇т̇аарам̣ згаваарам̣ баб̣б̣аж̇ж̇ам̣ яаажамаанаа алабхид̇ваа д̣̇уд̇ияаваарам̣ гзсз чинд̣̇аабзд̇ваа гаасааяаани ажчаад̣̇зд̇ваа галахавиваад̣̇асуд̇д̇анд̇ад̣̇зсанаабарияосаанз (су. ни. 868 аад̣̇аяо) нигкамид̇ваа баб̣б̣аж̇ид̇аанам̣ бан̃жаннам̣ сагяагумаарасад̇аанам̣ баад̣̇абарижааригаахи сад̣̇д̇хим̣ взсаалим̣ г̇анд̇ваа аананд̣̇ад̇т̇зрам̣ сад̇т̇аарам̣ яаажаабзд̇ваа адтахи г̇аруд̇хаммзхи (а. ни. 8.51; жуул̣ава. 403) баб̣б̣аж̇ж̇ан̃жа убасамбад̣̇ан̃жа бадилабхи. ид̇араа бана саб̣б̣ааби згад̇оубасамбаннаа ахзсум̣. аяамзд̇т̇а сан̇кзбо, вид̇т̇аарад̇о банзд̇ам̣ вад̇т̇у баал̣ияам̣ ааг̇ад̇амзва.
Aparabhāge amhākaṃ satthari uppajjitvā pavattitavaradhammacakke anupubbena tattha tattha veneyyānaṃ anuggahaṃ karonte vesāliṃ upanissāya kūṭāgārasālāyaṃ viharante suddhodanamahārājā setacchattassa heṭṭhā arahattaṃ sacchikatvā parinibbāyi. Atha mahāpajāpatigotamī pabbajitukāmā hutvā satthāraṃ ekavāraṃ pabbajjaṃ yācamānā alabhitvā dutiyavāraṃ kese chindāpetvā kāsāyāni acchādetvā kalahavivādasuttantadesanāpariyosāne (su. ni. 868 ādayo) nikkhamitvā pabbajitānaṃ pañcannaṃ sakyakumārasatānaṃ pādaparicārikāhi saddhiṃ vesāliṃ gantvā ānandattheraṃ satthāraṃ yācāpetvā aṭṭhahi garudhammehi (a. ni. 8.51; cūḷava. 403) pabbajjañca upasampadañca paṭilabhi. Itarā pana sabbāpi ekatoupasampannā ahesuṃ. Ayamettha saṅkhepo, vitthārato panetaṃ vatthu pāḷiyaṃ āgatameva.
звам̣ убасамбаннаа бана махаабаж̇аабад̇иг̇од̇амий сад̇т̇аарам̣ убасан̇гамид̇ваа абхиваад̣̇зд̇ваа згаманд̇ам̣ адтааси. ат̇ассаа сад̇т̇аа д̇хаммам̣ д̣̇зсзси. саа сад̇т̇у санд̇игз гаммадтаанам̣ г̇ахзд̇ваа бхааванамануяун̃ж̇анд̇ий на жирассзва абхин̃н̃аабадисамбхид̣̇аабариваарам̣ арахад̇д̇ам̣ баабун̣и. сзсаа бана бан̃жасад̇аа бхигкунияо нанд̣̇аговаад̣̇абарияосаанз (ма. ни. 3.398 аад̣̇аяо) чал̣абхин̃н̃аа ахзсум̣. ат̇згад̣̇ивасам̣ сад̇т̇аа ж̇зд̇аванамахаавихаарз арияаг̇ан̣амаж̇жхз нисинно бхигкунияо таананд̇арз табзнд̇о махаабаж̇аабад̇иг̇од̇амим̣ рад̇д̇ан̃н̃уунам̣ бхигкунийнам̣ аг̇г̇адтаанз табзси. саа паласукзна ниб̣б̣аанасукзна жа вийд̇инаамзнд̇ий гад̇ан̃н̃уд̇ааяа тад̇ваа згад̣̇ивасам̣ сад̇т̇у г̇ун̣аабхид̇т̇аванабуб̣б̣агаубагаарагавибхааванаамукзна ан̃н̃ам̣ б̣яаагаронд̇ий –
Evaṃ upasampannā pana mahāpajāpatigotamī satthāraṃ upasaṅkamitvā abhivādetvā ekamantaṃ aṭṭhāsi. Athassā satthā dhammaṃ desesi. Sā satthu santike kammaṭṭhānaṃ gahetvā bhāvanamanuyuñjantī na cirasseva abhiññāpaṭisambhidāparivāraṃ arahattaṃ pāpuṇi. Sesā pana pañcasatā bhikkhuniyo nandakovādapariyosāne (ma. ni. 3.398 ādayo) chaḷabhiññā ahesuṃ. Athekadivasaṃ satthā jetavanamahāvihāre ariyagaṇamajjhe nisinno bhikkhuniyo ṭhānantare ṭhapento mahāpajāpatigotamiṃ rattaññūnaṃ bhikkhunīnaṃ aggaṭṭhāne ṭhapesi. Sā phalasukhena nibbānasukhena ca vītināmentī kataññutāya ṭhatvā ekadivasaṃ satthu guṇābhitthavanapubbakaupakārakavibhāvanāmukhena aññaṃ byākarontī –
157.
157.
‘‘б̣уд̣̇д̇хавийра намо д̇яад̇т̇у, саб̣б̣асад̇д̇аанамуд̇д̇ама;
‘‘Buddhavīra namo tyatthu, sabbasattānamuttama;
яо мам̣ д̣̇угкаа баможзси, ан̃н̃ан̃жа б̣ахугам̣ ж̇анам̣.
Yo maṃ dukkhā pamocesi, aññañca bahukaṃ janaṃ.
158.
158.
‘‘саб̣б̣ад̣̇угкам̣ барин̃н̃аад̇ам̣, хзд̇уд̇ан̣хаа висосид̇аа;
‘‘Sabbadukkhaṃ pariññātaṃ, hetutaṇhā visositā;
бхаавид̇о адтан̇г̇иго маг̇г̇о, нирод̇хо пусид̇о маяаа.
Bhāvito aṭṭhaṅgiko maggo, nirodho phusito mayā.
159.
159.
‘‘маад̇аа буд̇д̇о бид̇аа бхаад̇аа, аяяагаа жа бурз ахум̣;
‘‘Mātā putto pitā bhātā, ayyakā ca pure ahuṃ;
яат̇аабхужжамаж̇аананд̇ий, сам̣сарим̣хам̣ аниб̣б̣исам̣.
Yathābhuccamajānantī, saṃsariṃhaṃ anibbisaṃ.
160.
160.
‘‘д̣̇идто хи мз со бхаг̇аваа, анд̇имояам̣ самуссаяо;
‘‘Diṭṭho hi me so bhagavā, antimoyaṃ samussayo;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво.
Vikkhīṇo jātisaṃsāro, natthi dāni punabbhavo.
161.
161.
‘‘аарад̣̇д̇хавийрияз бахид̇ад̇д̇з, нижжам̣ д̣̇ал̣хабараггамз;
‘‘Āraddhavīriye pahitatte, niccaṃ daḷhaparakkame;
самаг̇г̇з саавагз бассз, зсаа б̣уд̣̇д̇хаана ванд̣̇анаа.
Samagge sāvake passe, esā buddhāna vandanā.
162.
162.
‘‘б̣ахуунам̣ вад̇а ад̇т̇ааяа, мааяаа ж̇анаяи г̇од̇амам̣;
‘‘Bahūnaṃ vata atthāya, māyā janayi gotamaṃ;
б̣яаад̇химаран̣ад̇уннаанам̣, д̣̇угкагканд̇хам̣ б̣яабаануд̣̇ий’’д̇и. – имаа г̇аат̇аа абхааси;
Byādhimaraṇatunnānaṃ, dukkhakkhandhaṃ byapānudī’’ti. – imā gāthā abhāsi;
д̇ад̇т̇а б̣уд̣̇д̇хавийраад̇и жад̇усажжаб̣уд̣̇д̇хзсу вийра, саб̣б̣аб̣уд̣̇д̇хаа хи уд̇д̇амавийриязхи жад̇усажжаб̣уд̣̇д̇хзхи ваа жад̇уб̣б̣ид̇хасаммаббад̇хаанавийрияанибпад̇д̇ияаа виж̇ид̇авиж̇аяад̇д̇аа вийраа наама. бхаг̇аваа бана вийрияабаарамибаарибуурияаа жад̇уран̇г̇асаманнааг̇ад̇авийрияаад̇хидтаанзна саад̇исаяажад̇уб̣б̣ид̇хасаммаббад̇хаанагижжанибпад̇д̇ияаа д̇ассаа жа взнзяяасанд̇аанз саммад̣̇зва бад̇идтаабид̇ад̇д̇аа висзсад̇о вийрияаяуд̇д̇ад̇ааяа вийрод̇и вад̇д̇аб̣б̣ад̇ам̣ арахад̇и. намо д̇яад̇т̇ууд̇и намо намаггааро д̇з ход̇у. саб̣б̣асад̇д̇аанамуд̇д̇амаад̇и абад̣̇аад̣̇ибхзд̣̇зсу сад̇д̇зсу сийлаад̣̇иг̇ун̣зхи уд̇д̇амо бхаг̇аваа. д̇ад̣̇згад̣̇зсам̣ сад̇т̇убагаараг̇ун̣ам̣ д̣̇ассзд̇ум̣, ‘‘яо мам̣ д̣̇угкаа баможзси, ан̃н̃ан̃жа б̣ахугам̣ ж̇ана’’нд̇и вад̇ваа ад̇д̇ано д̣̇угкаа бамуд̇д̇абхаавам̣ вибхаавзнд̇ий ‘‘саб̣б̣ад̣̇угка’’нд̇и г̇аат̇амааха.
Tattha buddhavīrāti catusaccabuddhesu vīra, sabbabuddhā hi uttamavīriyehi catusaccabuddhehi vā catubbidhasammappadhānavīriyanipphattiyā vijitavijayattā vīrā nāma. Bhagavā pana vīriyapāramipāripūriyā caturaṅgasamannāgatavīriyādhiṭṭhānena sātisayacatubbidhasammappadhānakiccanipphattiyā tassā ca veneyyasantāne sammadeva patiṭṭhāpitattā visesato vīriyayuttatāya vīroti vattabbataṃ arahati. Namo tyatthūti namo namakkāro te hotu. Sabbasattānamuttamāti apadādibhedesu sattesu sīlādiguṇehi uttamo bhagavā. Tadekadesaṃ satthupakāraguṇaṃ dassetuṃ, ‘‘yo maṃ dukkhā pamocesi, aññañca bahukaṃ jana’’nti vatvā attano dukkhā pamuttabhāvaṃ vibhāventī ‘‘sabbadukkha’’nti gāthamāha.
буна яад̇о баможзси, д̇ам̣ ваддад̣̇угкам̣ згад̣̇зсзна д̣̇ассзнд̇ий ‘‘маад̇аа буд̇д̇о’’д̇и г̇аат̇амааха. д̇ад̇т̇а яат̇аабхужжамаж̇аананд̇ийд̇и бавад̇д̇ихзд̇уаад̣̇им̣ яат̇аабхууд̇ам̣ анаваб̣уж̇жханд̇ий. сам̣сарим̣хам̣ аниб̣б̣исанд̇и сам̣саарасамуд̣̇д̣̇з бад̇идтам̣ авинд̣̇анд̇ий алабханд̇ий бхаваад̣̇ийсу абараабаруббад̇д̇ивасзна сам̣сарим̣ аханд̇и гат̇знд̇ий ааха ‘‘маад̇аа буд̇д̇о’’д̇иаад̣̇и. яасмим̣ бхавз зд̇асса маад̇аа ахоси, д̇ад̇о ан̃н̃асмим̣ бхавз д̇ассзва буд̇д̇о, д̇ад̇о ан̃н̃асмим̣ бхавз бид̇аа бхаад̇аа ахууд̇и ад̇т̇о.
Puna yato pamocesi, taṃ vaṭṭadukkhaṃ ekadesena dassentī ‘‘mātā putto’’ti gāthamāha. Tattha yathābhuccamajānantīti pavattihetuādiṃ yathābhūtaṃ anavabujjhantī. Saṃsariṃhaṃ anibbisanti saṃsārasamudde patiṭṭhaṃ avindantī alabhantī bhavādīsu aparāparuppattivasena saṃsariṃ ahanti kathentī āha ‘‘mātā putto’’tiādi. Yasmiṃ bhave etassa mātā ahosi, tato aññasmiṃ bhave tasseva putto, tato aññasmiṃ bhave pitā bhātā ahūti attho.
‘‘д̣̇идто хи мз’’д̇и г̇аат̇ааяаби ад̇д̇ано д̣̇угкад̇о бамуд̇д̇абхаавамзва вибхаавзд̇и. д̇ад̇т̇а д̣̇идто хи мз со бхаг̇аваад̇и со бхаг̇аваа саммаасамб̣уд̣̇д̇хо ад̇д̇анаа д̣̇идталогуд̇д̇арад̇хаммад̣̇ассанзна н̃аан̣ажагкунаа маяаа бажжагкад̇о д̣̇идто. яо хи д̇хаммам̣ бассад̇и, со бхаг̇аванд̇ам̣ бассад̇и наама. яат̇ааха – ‘‘яо ко, ваггали, д̇хаммам̣ бассад̇и, со мам̣ бассад̇ий’’д̇иаад̣̇и (сам̣. ни. 3.87).
‘‘Diṭṭhohi me’’ti gāthāyapi attano dukkhato pamuttabhāvameva vibhāveti. Tattha diṭṭho hi me so bhagavāti so bhagavā sammāsambuddho attanā diṭṭhalokuttaradhammadassanena ñāṇacakkhunā mayā paccakkhato diṭṭho. Yo hi dhammaṃ passati, so bhagavantaṃ passati nāma. Yathāha – ‘‘yo kho, vakkali, dhammaṃ passati, so maṃ passatī’’tiādi (saṃ. ni. 3.87).
аарад̣̇д̇хавийриязд̇и баг̇г̇ахид̇авийрияз. бахид̇ад̇д̇зд̇и ниб̣б̣аанам̣ бзсид̇ажид̇д̇з. нижжам̣ д̣̇ал̣хабараггамзд̇и абад̇д̇асса бад̇д̇ияаа бад̇д̇асса взбуллад̇т̇ааяа саб̣б̣агаалам̣ т̇ирабараггамз. самаг̇г̇зд̇и сийлад̣̇идтисааман̃н̃зна сам̣хад̇абхаавзна самаг̇г̇з. сад̇т̇уд̣̇зсанааяа савананд̇з ж̇аад̇ад̇д̇аа саавагз, ‘‘имз маг̇г̇адтаа имз паладтаа’’д̇и яаат̇аавад̇о бассад̇и. зсаа б̣уд̣̇д̇хаана ванд̣̇анаад̇и яаа сад̇т̇у д̇хаммасарийрабхууд̇асса арияасаавагаанам̣ арияабхаавабхууд̇асса жа логуд̇д̇арад̇хаммасса ад̇д̇абажжагкагирияаа, зсаа саммаасамб̣уд̣̇д̇хаанам̣ саавагаб̣уд̣̇д̇хаанан̃жа ванд̣̇анаа яаат̇аавад̇о г̇ун̣аниннад̇аа.
Āraddhavīriyeti paggahitavīriye. Pahitatteti nibbānaṃ pesitacitte. Niccaṃ daḷhaparakkameti apattassa pattiyā pattassa vepullatthāya sabbakālaṃ thiraparakkame. Samaggeti sīladiṭṭhisāmaññena saṃhatabhāvena samagge. Satthudesanāya savanante jātattā sāvake, ‘‘ime maggaṭṭhā ime phalaṭṭhā’’ti yāthāvato passati. Esā buddhāna vandanāti yā satthu dhammasarīrabhūtassa ariyasāvakānaṃ ariyabhāvabhūtassa ca lokuttaradhammassa attapaccakkhakiriyā, esā sammāsambuddhānaṃ sāvakabuddhānañca vandanā yāthāvato guṇaninnatā.
‘‘б̣ахуунам̣ вад̇а ад̇т̇ааяаа’’д̇и осаанаг̇аат̇ааяаби сад̇т̇у логасса б̣ахуубагаарад̇ам̣язва вибхаавзд̇и. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ сувин̃н̃зяяамзва.
‘‘Bahūnaṃ vata atthāyā’’ti osānagāthāyapi satthu lokassa bahūpakārataṃyeva vibhāveti. Yaṃ panettha atthato na vibhattaṃ, taṃ suviññeyyameva.
ат̇згад̣̇аа махаабаж̇аабад̇иг̇од̇амий сад̇т̇ари взсаалияам̣ вихаранд̇з махааванз гуудааг̇аарасаалааяам̣ саяам̣ взсаалияам̣ бхигкунубассаяз вихаранд̇ий буб̣б̣ан̣хасамаяам̣ взсаалияам̣ бин̣д̣ааяа жарид̇ваа бхад̇д̇ам̣ бхун̃ж̇ид̇ваа ад̇д̇ано д̣̇иваадтаанз яат̇аабарижчиннагаалам̣ паласамаабад̇д̇исукзна вийд̇инаамзд̇ваа паласамаабад̇д̇ид̇о вудтааяа ад̇д̇ано бадибад̇д̇им̣ бажжавзгкид̇ваа соманассаж̇аад̇аа ад̇д̇ано ааяусан̇каарз ааваж̇ж̇знд̇ий д̇зсам̣ кийн̣абхаавам̣ н̃ад̇ваа звам̣ жинд̇зси – ‘‘яам̣нуунаахам̣ вихаарам̣ г̇анд̇ваа бхаг̇аванд̇ам̣ ануж̇аанаабзд̇ваа манобхааванийяз жа т̇зрз саб̣б̣зва саб̣рахмажарияз аабужчид̇ваа ид̇хзва ааг̇анд̇ваа бариниб̣б̣ааязяяа’’нд̇и. яат̇аа жа т̇зрияаа, звам̣ д̇ассаа бариваарабхууд̇аанам̣ бан̃жаннам̣ бхигкунисад̇аанам̣ баривид̇агго ахоси. д̇зна вуд̇д̇ам̣ абад̣̇аанз (аба. т̇зрий 2.2.97-288) –
Athekadā mahāpajāpatigotamī satthari vesāliyaṃ viharante mahāvane kūṭāgārasālāyaṃ sayaṃ vesāliyaṃ bhikkhunupassaye viharantī pubbaṇhasamayaṃ vesāliyaṃ piṇḍāya caritvā bhattaṃ bhuñjitvā attano divāṭṭhāne yathāparicchinnakālaṃ phalasamāpattisukhena vītināmetvā phalasamāpattito vuṭṭhāya attano paṭipattiṃ paccavekkhitvā somanassajātā attano āyusaṅkhāre āvajjentī tesaṃ khīṇabhāvaṃ ñatvā evaṃ cintesi – ‘‘yaṃnūnāhaṃ vihāraṃ gantvā bhagavantaṃ anujānāpetvā manobhāvanīye ca there sabbeva sabrahmacariye āpucchitvā idheva āgantvā parinibbāyeyya’’nti. Yathā ca theriyā, evaṃ tassā parivārabhūtānaṃ pañcannaṃ bhikkhunisatānaṃ parivitakko ahosi. Tena vuttaṃ apadāne (apa. therī 2.2.97-288) –
‘‘згад̣̇аа логабаж̇ж̇од̇о, взсаалияам̣ махааванз;
‘‘Ekadā lokapajjoto, vesāliyaṃ mahāvane;
гуудааг̇аарз гусаалааяам̣, васад̇з нарасаарат̇и.
Kūṭāgāre kusālāyaṃ, vasate narasārathi.
‘‘д̇ад̣̇аа ж̇инасса маад̇ужчаа, махааг̇од̇ами бхигкуний;
‘‘Tadā jinassa mātucchā, mahāgotami bhikkhunī;
д̇ахим̣ гад̇з бурз раммз, васий бхигкунубассаяз.
Tahiṃ kate pure ramme, vasī bhikkhunupassaye.
‘‘бхигкунийхи вимуд̇д̇аахи, сад̇зхи саха бан̃жахи;
‘‘Bhikkhunīhi vimuttāhi, satehi saha pañcahi;
рахог̇ад̇ааяа д̇ассзвам̣, жид̇ассааси вид̇аггид̇ам̣.
Rahogatāya tassevaṃ, citassāsi vitakkitaṃ.
‘‘б̣уд̣̇д̇хасса бариниб̣б̣аанам̣, саавагаг̇г̇аяуг̇асса ваа;
‘‘Buddhassa parinibbānaṃ, sāvakaggayugassa vā;
раахулаананд̣̇ананд̣̇аанам̣, наахам̣ лажчаами бассид̇ум̣.
Rāhulānandanandānaṃ, nāhaṃ lacchāmi passituṃ.
‘‘б̣уд̣̇д̇хасса бариниб̣б̣аанаа, саавагаг̇г̇аяуг̇асса ваа;
‘‘Buddhassa parinibbānā, sāvakaggayugassa vā;
махаагассабананд̣̇аанам̣, аананд̣̇араахулаана жа.
Mahākassapanandānaṃ, ānandarāhulāna ca.
‘‘бадигажжааяусан̇каарам̣, осаж̇ж̇ид̇ваана ниб̣б̣уд̇им̣;
‘‘Paṭikaccāyusaṅkhāraṃ, osajjitvāna nibbutiṃ;
г̇ажчзяяам̣ логанаат̇зна, анун̃н̃аад̇аа махзсинаа.
Gaccheyyaṃ lokanāthena, anuññātā mahesinā.
‘‘д̇ат̇аа бан̃жасад̇аанамби, бхигкунийнам̣ вид̇аггид̇ам̣;
‘‘Tathā pañcasatānampi, bhikkhunīnaṃ vitakkitaṃ;
ааси кзмаад̣̇игаанамби, зд̇ад̣̇зва вид̇аггид̇ам̣.
Āsi khemādikānampi, etadeva vitakkitaṃ.
‘‘бхуумижаало д̇ад̣̇аа аси, наад̣̇ид̇аа д̣̇звад̣̇унд̣̇убхий;
‘‘Bhūmicālo tadā asi, nāditā devadundubhī;
убассаяаад̇хивад̇т̇ааяо, д̣̇звад̇аа согабийл̣ид̇аа.
Upassayādhivatthāyo, devatā sokapīḷitā.
‘‘вилабанд̇аа сугарун̣ам̣, д̇ад̇т̇ассууни бавад̇д̇аяум̣;
‘‘Vilapantā sukaruṇaṃ, tatthassūni pavattayuṃ;
мид̇д̇аа бхигкунияо д̇аахи, убаг̇анд̇ваана г̇од̇амим̣.
Mittā bhikkhuniyo tāhi, upagantvāna gotamiṃ.
‘‘нибажжа сирасаа баад̣̇з, ид̣̇ам̣ важанамаб̣равум̣;
‘‘Nipacca sirasā pāde, idaṃ vacanamabravuṃ;
д̇ад̇т̇а д̇ояалаваасид̇д̇аа, маяамаяяз рахог̇ад̇аа.
Tattha toyalavāsittā, mayamayye rahogatā.
‘‘саа жалаа жалид̇аа бхууми, наад̣̇ид̇аа д̣̇звад̣̇унд̣̇убхий;
‘‘Sā calā calitā bhūmi, nāditā devadundubhī;
барид̣̇зваа жа суяяанд̇з, гимад̇т̇ам̣ нууна г̇од̇амий.
Paridevā ca suyyante, kimatthaṃ nūna gotamī.
‘‘д̇ад̣̇аа авожа саа саб̣б̣ам̣, яат̇аабаривид̇аггид̇ам̣;
‘‘Tadā avoca sā sabbaṃ, yathāparivitakkitaṃ;
д̇ааяоби саб̣б̣аа аахам̣су, яат̇аабаривид̇аггид̇ам̣.
Tāyopi sabbā āhaṃsu, yathāparivitakkitaṃ.
‘‘яад̣̇и д̇з ружид̇ам̣ аяяз, ниб̣б̣аанам̣ барамам̣ сивам̣;
‘‘Yadi te rucitaṃ ayye, nibbānaṃ paramaṃ sivaṃ;
ниб̣б̣ааяиссаама саб̣б̣ааби, б̣уд̣̇д̇хаанун̃н̃ааяа суб̣б̣ад̇з.
Nibbāyissāma sabbāpi, buddhānuññāya subbate.
‘‘маяам̣ сахаава нигканд̇аа, гхарааби жа бхавааби жа;
‘‘Mayaṃ sahāva nikkhantā, gharāpi ca bhavāpi ca;
сахааязва г̇амиссаама, ниб̣б̣аанам̣ бад̣̇амуд̇д̇амам̣.
Sahāyeva gamissāma, nibbānaṃ padamuttamaṃ.
‘‘ниб̣б̣аанааяа важ̇анд̇ийнам̣, гим̣ вагкаамийд̇и саа вад̣̇ам̣;
‘‘Nibbānāya vajantīnaṃ, kiṃ vakkhāmīti sā vadaṃ;
саха саб̣б̣аахи ниг̇г̇ан̃чи, бхигкунийнилаяаа д̇ад̣̇аа.
Saha sabbāhi niggañchi, bhikkhunīnilayā tadā.
‘‘убассаяз яаад̇хивад̇т̇аа, д̣̇звад̇аа д̇аа каманд̇у мз;
‘‘Upassaye yādhivatthā, devatā tā khamantu me;
бхигкунийнилаяассзд̣̇ам̣, бажчимам̣ д̣̇ассанам̣ мама.
Bhikkhunīnilayassedaṃ, pacchimaṃ dassanaṃ mama.
‘‘на ж̇араа мажжу ваа яад̇т̇а, аббиязхи самааг̇амо;
‘‘Na jarā maccu vā yattha, appiyehi samāgamo;
биязхи на вияог̇од̇т̇и, д̇ам̣ важ̇иссам̣ асан̇кад̇ам̣.
Piyehi na viyogotthi, taṃ vajissaṃ asaṅkhataṃ.
‘‘авийд̇арааг̇аа д̇ам̣ суд̇ваа, важанам̣ суг̇ад̇орасаа;
‘‘Avītarāgā taṃ sutvā, vacanaṃ sugatorasā;
согаддаа барид̣̇звим̣су, ахо но аббабун̃н̃ад̇аа.
Sokaṭṭā parideviṃsu, aho no appapuññatā.
‘‘бхигкунийнилаяо сун̃н̃о, бхууд̇о д̇аахи винаа аяам̣;
‘‘Bhikkhunīnilayo suñño, bhūto tāhi vinā ayaṃ;
бабхаад̇з вияа д̇аарааяо, на д̣̇иссанд̇и ж̇инорасаа.
Pabhāte viya tārāyo, na dissanti jinorasā.
‘‘ниб̣б̣аанам̣ г̇од̇амий яаад̇и, сад̇зхи саха бан̃жахи;
‘‘Nibbānaṃ gotamī yāti, satehi saha pañcahi;
над̣̇ийсад̇зхива саха, г̇ан̇г̇аа бан̃жахи сааг̇арам̣.
Nadīsatehiva saha, gaṅgā pañcahi sāgaraṃ.
‘‘рат̇ияааяа важ̇анд̇ияо, д̣̇исваа сад̣̇д̇хаа убаасигаа;
‘‘Rathiyāya vajantiyo, disvā saddhā upāsikā;
гхараа нигкамма баад̣̇зсу, нибажжа ид̣̇амаб̣равум̣.
Gharā nikkhamma pādesu, nipacca idamabravuṃ.
‘‘басийд̣̇ассу махаабхог̇з, анаат̇ааяо вихааяа но;
‘‘Pasīdassu mahābhoge, anāthāyo vihāya no;
д̇аяаа на яуд̇д̇аа ниб̣б̣аад̇ум̣, ижчаддаа вилабим̣су д̇аа.
Tayā na yuttā nibbātuṃ, icchaṭṭā vilapiṃsu tā.
‘‘д̇аасам̣ согабахаанад̇т̇ам̣, авожа мад̇хурам̣ г̇ирам̣;
‘‘Tāsaṃ sokapahānatthaṃ, avoca madhuraṃ giraṃ;
руд̣̇ид̇зна алам̣ буд̇д̇аа, хаасагаалояамаж̇ж̇а во.
Ruditena alaṃ puttā, hāsakāloyamajja vo.
‘‘барин̃н̃аад̇ам̣ маяаа д̣̇угкам̣, д̣̇угкахзд̇у виваж̇ж̇ид̇о;
‘‘Pariññātaṃ mayā dukkhaṃ, dukkhahetu vivajjito;
нирод̇хо мз сажчигад̇о, маг̇г̇о жааби субхаавид̇о.
Nirodho me sacchikato, maggo cāpi subhāvito.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
‘‘яассад̇т̇ааяа баб̣б̣аж̇ид̇аа, аг̇аарасмаанаг̇аарияам̣;
‘‘Yassatthāya pabbajitā, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘б̣уд̣̇д̇хо д̇асса жа сад̣̇д̇хаммо, анууно яаава д̇идтад̇и;
‘‘Buddho tassa ca saddhammo, anūno yāva tiṭṭhati;
ниб̣б̣аад̇ум̣ д̇аава гаало мз, маа мам̣ сожат̇а буд̇д̇игаа.
Nibbātuṃ tāva kālo me, mā maṃ socatha puttikā.
‘‘гон̣д̣ан̃н̃аананд̣̇ананд̣̇аад̣̇ий , д̇идтанд̇и раахуло ж̇ино;
‘‘Koṇḍaññānandanandādī , tiṭṭhanti rāhulo jino;
сукид̇о сахид̇о сан̇гхо, хад̇ад̣̇аб̣б̣аа жа д̇ид̇т̇ияаа.
Sukhito sahito saṅgho, hatadabbā ca titthiyā.
‘‘оггаагавам̣сасса яасо, уссид̇о маарамад̣̇д̣̇ано;
‘‘Okkākavaṃsassa yaso, ussito māramaddano;
нану самбад̇и гаало мз, ниб̣б̣аанад̇т̇ааяа буд̇д̇игаа.
Nanu sampati kālo me, nibbānatthāya puttikā.
‘‘жираббабхуд̇и яам̣ маяхам̣, бад̇т̇ид̇ам̣ аж̇ж̇а сиж̇жхад̇з;
‘‘Cirappabhuti yaṃ mayhaṃ, patthitaṃ ajja sijjhate;
аананд̣̇абхзригаалояам̣, гим̣ во ассуухи буд̇д̇игаа.
Ānandabherikāloyaṃ, kiṃ vo assūhi puttikā.
‘‘сажз маяи д̣̇аяаа ад̇т̇и, яад̣̇и жад̇т̇и гад̇ан̃н̃уд̇аа;
‘‘Sace mayi dayā atthi, yadi catthi kataññutā;
сад̣̇д̇хаммадтид̇ияаа саб̣б̣аа, гарот̇а вийрияам̣ д̣̇ал̣хам̣.
Saddhammaṭṭhitiyā sabbā, karotha vīriyaṃ daḷhaṃ.
‘‘т̇ийнам̣ ад̣̇ааси баб̣б̣аж̇ж̇ам̣, самб̣уд̣̇д̇хо яаажид̇о маяаа;
‘‘Thīnaṃ adāsi pabbajjaṃ, sambuddho yācito mayā;
д̇асмаа яат̇аахам̣ нанд̣̇иссам̣, д̇ат̇аа д̇амануд̇идтат̇а.
Tasmā yathāhaṃ nandissaṃ, tathā tamanutiṭṭhatha.
‘‘д̇аа зваманусаасид̇ваа, бхигкунийхи бурагкад̇аа;
‘‘Tā evamanusāsitvā, bhikkhunīhi purakkhatā;
убзжжа б̣уд̣̇д̇хам̣ ванд̣̇ид̇ваа, ид̣̇ам̣ важанамаб̣рави.
Upecca buddhaṃ vanditvā, idaṃ vacanamabravi.
‘‘ахам̣ суг̇ад̇а д̇з маад̇аа, д̇ван̃жа вийра бид̇аа мама;
‘‘Ahaṃ sugata te mātā, tvañca vīra pitā mama;
сад̣̇д̇хаммасукад̣̇а наат̇а, д̇аяи ж̇аад̇аамхи г̇од̇ама.
Saddhammasukhada nātha, tayi jātāmhi gotama.
‘‘сам̣вад̣̇д̇хид̇ояам̣ суг̇ад̇а, руубагааяо маяаа д̇ава;
‘‘Saṃvaddhitoyaṃ sugata, rūpakāyo mayā tava;
анинд̣̇ид̇о д̇хаммагааяо, мама сам̣вад̣̇д̇хид̇о д̇аяаа.
Anindito dhammakāyo, mama saṃvaddhito tayā.
‘‘мухуд̇д̇ам̣ д̇ан̣хаасаман̣ам̣, кийрам̣ д̇вам̣ бааяид̇о маяаа;
‘‘Muhuttaṃ taṇhāsamaṇaṃ, khīraṃ tvaṃ pāyito mayā;
д̇аяаахам̣ санд̇амажжанд̇ам̣, д̇хаммакийран̃хи бааяид̇аа.
Tayāhaṃ santamaccantaṃ, dhammakhīrañhi pāyitā.
‘‘б̣анд̇ханаарагкан̣з маяхам̣, ан̣ан̣о д̇вам̣ махаамунз;
‘‘Bandhanārakkhaṇe mayhaṃ, aṇaṇo tvaṃ mahāmune;
буд̇д̇агаамаа т̇ияо яаажам̣, лабханд̇и д̇аад̣̇исам̣ суд̇ам̣.
Puttakāmā thiyo yācaṃ, labhanti tādisaṃ sutaṃ.
‘‘манд̇хаад̇аад̣̇инаринд̣̇аанам̣, яаа маад̇аа саа бхаван̣н̣авз;
‘‘Mandhātādinarindānaṃ, yā mātā sā bhavaṇṇave;
нимуг̇г̇аахам̣ д̇аяаа буд̇д̇а, д̇аарид̇аа бхавасааг̇араа.
Nimuggāhaṃ tayā putta, tāritā bhavasāgarā.
‘‘ран̃н̃о маад̇аа махзсийд̇и, сулабхам̣ наамамид̇т̇инам̣;
‘‘Rañño mātā mahesīti, sulabhaṃ nāmamitthinaṃ;
б̣уд̣̇д̇хамаад̇аад̇и яам̣ наамам̣, зд̇ам̣ барамад̣̇уллабхам̣.
Buddhamātāti yaṃ nāmaṃ, etaṃ paramadullabhaṃ.
‘‘д̇ан̃жа лад̣̇д̇хам̣ махаавийра, бан̣ид̇хаанам̣ мамам̣ д̇аяаа;
‘‘Tañca laddhaṃ mahāvīra, paṇidhānaṃ mamaṃ tayā;
ан̣угам̣ ваа маханд̇ам̣ ваа, д̇ам̣ саб̣б̣ам̣ буурид̇ам̣ маяаа.
Aṇukaṃ vā mahantaṃ vā, taṃ sabbaṃ pūritaṃ mayā.
‘‘бариниб̣б̣аад̇умижчаами , вихааязмам̣ гал̣зварам̣;
‘‘Parinibbātumicchāmi , vihāyemaṃ kaḷevaraṃ;
ануж̇аанаахи мз вийра, д̣̇угканд̇агара нааяага.
Anujānāhi me vīra, dukkhantakara nāyaka.
‘‘жагган̇гусад̇хаж̇аагин̣н̣з, баад̣̇з гамалагомалз;
‘‘Cakkaṅkusadhajākiṇṇe, pāde kamalakomale;
басаарзхи бан̣аамам̣ д̇з, гариссам̣ буд̇д̇ауд̇д̇амз.
Pasārehi paṇāmaṃ te, karissaṃ puttauttame.
‘‘суван̣н̣араасисан̇гаасам̣, сарийрам̣ гуру баагадам̣;
‘‘Suvaṇṇarāsisaṅkāsaṃ, sarīraṃ kuru pākaṭaṃ;
гад̇ваа д̣̇зхам̣ суд̣̇идтам̣ д̇з, санд̇им̣ г̇ажчаами нааяага.
Katvā dehaṃ sudiṭṭhaṃ te, santiṃ gacchāmi nāyaka.
‘‘д̣̇вад̇д̇им̣салагкан̣уубзд̇ам̣, суббабхаалан̇гад̇ам̣ д̇анум̣;
‘‘Dvattiṃsalakkhaṇūpetaṃ, suppabhālaṅkataṃ tanuṃ;
сан̃жхаагханаава б̣аалаггам̣, маад̇ужчам̣ д̣̇ассаяий ж̇ино.
Sañjhāghanāva bālakkaṃ, mātucchaṃ dassayī jino.
‘‘пуллааравинд̣̇асам̣гаасз , д̇арун̣аад̣̇ижжасаббабхз;
‘‘Phullāravindasaṃkāse , taruṇādiccasappabhe;
жагган̇гид̇з баад̣̇ад̇алз, д̇ад̇о саа сирасаа бад̇и.
Cakkaṅkite pādatale, tato sā sirasā pati.
‘‘бан̣амаами нараад̣̇ижжа, аад̣̇ижжагулагзд̇угам̣;
‘‘Paṇamāmi narādicca, ādiccakulaketukaṃ;
бажчимз маран̣з маяхам̣, на д̇ам̣ игкаамахам̣ буно.
Pacchime maraṇe mayhaṃ, na taṃ ikkhāmahaṃ puno.
‘‘ид̇т̇ияо наама логаг̇г̇а, саб̣б̣ад̣̇осаагараа мад̇аа;
‘‘Itthiyo nāma lokagga, sabbadosākarā matā;
яад̣̇и го жад̇т̇и д̣̇осо мз, камассу гарун̣аагара.
Yadi ko catthi doso me, khamassu karuṇākara.
‘‘ид̇т̇игаанан̃жа баб̣б̣аж̇ж̇ам̣, хам̣ д̇ам̣ яаажим̣ бунаббунам̣;
‘‘Itthikānañca pabbajjaṃ, haṃ taṃ yāciṃ punappunaṃ;
д̇ад̇т̇а жз ад̇т̇и д̣̇осо мз, д̇ам̣ камассу нараасабха.
Tattha ce atthi doso me, taṃ khamassu narāsabha.
‘‘маяаа бхигкунияо вийра, д̇аваанун̃н̃ааяа саасид̇аа;
‘‘Mayā bhikkhuniyo vīra, tavānuññāya sāsitā;
д̇ад̇ра жз ад̇т̇и д̣̇уннийд̇ам̣, д̇ам̣ камассу камаад̇хиба.
Tatra ce atthi dunnītaṃ, taṃ khamassu khamādhipa.
‘‘агканд̇з наама канд̇аб̣б̣ам̣, гим̣ бхавз г̇ун̣абхуусанз;
‘‘Akkhante nāma khantabbaṃ, kiṃ bhave guṇabhūsane;
гимуд̇д̇арам̣ д̇з вад̇т̇аами, ниб̣б̣аанааяа важ̇анд̇ияаа.
Kimuttaraṃ te vatthāmi, nibbānāya vajantiyā.
‘‘суд̣̇д̇хз ануунз мама бхигкусан̇гхз, логаа ид̇о ниссарид̇ум̣ каманд̇з;
‘‘Suddhe anūne mama bhikkhusaṅghe, lokā ito nissarituṃ khamante;
бабхаад̇агаалз б̣яасанан̇г̇ад̇аанам̣, д̣̇исваана нияяаад̇ива жанд̣̇алзкаа.
Pabhātakāle byasanaṅgatānaṃ, disvāna niyyātiva candalekhā.
‘‘д̇ад̣̇зд̇араа бхигкунияо ж̇инаг̇г̇ам̣, д̇аараава жанд̣̇аануг̇ад̇аа сумзрум̣;
‘‘Tadetarā bhikkhuniyo jinaggaṃ, tārāva candānugatā sumeruṃ;
бад̣̇агкин̣ам̣ гажжа нибажжа баад̣̇з, тид̇аа муканд̇ам̣ самуд̣̇игкамаанаа.
Padakkhiṇaṃ kacca nipacca pāde, ṭhitā mukhantaṃ samudikkhamānā.
‘‘на д̇ид̇д̇ибуб̣б̣ам̣ д̇ава д̣̇ассанзна, жагкум̣ на сод̇ам̣ д̇ава бхаасид̇зна;
‘‘Na tittipubbaṃ tava dassanena, cakkhuṃ na sotaṃ tava bhāsitena;
жид̇д̇ам̣ мамам̣ гзваламзгамзва, баббуяяа д̇ам̣ д̇хаммарасзна д̇ид̇д̇и.
Cittaṃ mamaṃ kevalamekameva, pappuyya taṃ dhammarasena titti.
‘‘над̣̇ад̇о барисааяам̣ д̇з, ваад̣̇ид̇аб̣б̣абахаарино;
‘‘Nadato parisāyaṃ te, vāditabbapahārino;
яз д̇з д̣̇агканд̇и вад̣̇анам̣, д̇хан̃н̃аа д̇з нарабун̇г̇ава.
Ye te dakkhanti vadanaṃ, dhaññā te narapuṅgava.
‘‘д̣̇ийгхан̇г̇улий д̇амб̣анакз, субхз ааяад̇абан̣хигз;
‘‘Dīghaṅgulī tambanakhe, subhe āyatapaṇhike;
яз баад̣̇з бан̣амиссанд̇и, д̇зби д̇хан̃н̃аа г̇ун̣анд̇хара.
Ye pāde paṇamissanti, tepi dhaññā guṇandhara.
‘‘мад̇хураани бахадтаани, д̣̇осаг̇гхаани хид̇аани жа;
‘‘Madhurāni pahaṭṭhāni, dosagghāni hitāni ca;
яз д̇з ваагяаани суяяанд̇и, д̇зби д̇хан̃н̃аа наруд̇д̇ама.
Ye te vākyāni suyyanti, tepi dhaññā naruttama.
‘‘д̇хан̃н̃аахам̣ д̇з махаавийра, баад̣̇абууж̇анад̇аббараа;
‘‘Dhaññāhaṃ te mahāvīra, pādapūjanatapparā;
д̇ин̣н̣асам̣саараганд̇аараа, суваагязна сириймад̇о.
Tiṇṇasaṃsārakantārā, suvākyena sirīmato.
‘‘д̇ад̇о саа анусаавзд̇ваа, бхигкусан̇гхамби суб̣б̣ад̇аа;
‘‘Tato sā anusāvetvā, bhikkhusaṅghampi subbatā;
раахулаананд̣̇ананд̣̇з жа, ванд̣̇ид̇ваа ид̣̇амаб̣рави.
Rāhulānandanande ca, vanditvā idamabravi.
‘‘аасийвисаалаяасамз, рог̇ааваасз гал̣зварз;
‘‘Āsīvisālayasame, rogāvāse kaḷevare;
ниб̣б̣инд̣̇аа д̣̇угкасан̇гхаадз, ж̇араамаран̣аг̇ожарз.
Nibbindā dukkhasaṅghāṭe, jarāmaraṇagocare.
‘‘наанаагалималаагин̣н̣з, барааяад̇д̇з нирийхагз;
‘‘Nānākalimalākiṇṇe, parāyatte nirīhake;
д̇зна ниб̣б̣аад̇умижчаами, ануман̃н̃ат̇а буд̇д̇агаа.
Tena nibbātumicchāmi, anumaññatha puttakā.
‘‘нанд̣̇о раахулабхад̣̇д̣̇о жа, вийд̇асогаа нираасаваа;
‘‘Nando rāhulabhaddo ca, vītasokā nirāsavā;
тид̇аажаладтид̇и т̇ираа, д̇хаммад̇аманужинд̇аяум̣.
Ṭhitācalaṭṭhiti thirā, dhammatamanucintayuṃ.
‘‘д̇хирад̇т̇у сан̇кад̇ам̣ лолам̣, асаарам̣ гад̣̇алуубамам̣;
‘‘Dhiratthu saṅkhataṃ lolaṃ, asāraṃ kadalūpamaṃ;
мааяаамарийжисад̣̇исам̣, ид̇д̇арам̣ анавадтид̇ам̣.
Māyāmarīcisadisaṃ, ittaraṃ anavaṭṭhitaṃ.
‘‘яад̇т̇а наама ж̇инассааяам̣, маад̇ужчаа б̣уд̣̇д̇хабосигаа;
‘‘Yattha nāma jinassāyaṃ, mātucchā buddhaposikā;
г̇од̇амий нид̇ханам̣ яаад̇и, анижжам̣ саб̣б̣асан̇кад̇ам̣.
Gotamī nidhanaṃ yāti, aniccaṃ sabbasaṅkhataṃ.
‘‘аананд̣̇о жа д̇ад̣̇аа сзко, согаддо ж̇инаважчало;
‘‘Ānando ca tadā sekho, sokaṭṭo jinavacchalo;
д̇ад̇т̇ассууни гаронд̇о со, гарун̣ам̣ барид̣̇звад̇и.
Tatthassūni karonto so, karuṇaṃ paridevati.
‘‘хаа санд̇им̣ г̇од̇амий яаад̇и, нууна б̣уд̣̇д̇хоби ниб̣б̣уд̇им̣;
‘‘Hā santiṃ gotamī yāti, nūna buddhopi nibbutiṃ;
г̇ажчад̇и на жирзнзва, аг̇г̇ирива ниринд̇хано.
Gacchati na cireneva, aggiriva nirindhano.
‘‘звам̣ вилаабамаанам̣ д̇ам̣, аананд̣̇ам̣ ааха г̇од̇амий;
‘‘Evaṃ vilāpamānaṃ taṃ, ānandaṃ āha gotamī;
суд̇асааг̇араг̇амбхийра, б̣уд̣̇д̇хобадтаана д̇аббара.
Sutasāgaragambhīra, buddhopaṭṭhāna tappara.
‘‘на яуд̇д̇ам̣ сожид̇ум̣ буд̇д̇а, хаасагаалз убадтид̇з;
‘‘Na yuttaṃ socituṃ putta, hāsakāle upaṭṭhite;
д̇аяаа мз саран̣ам̣ буд̇д̇а, ниб̣б̣аанам̣ д̇амубааг̇ад̇ам̣.
Tayā me saraṇaṃ putta, nibbānaṃ tamupāgataṃ.
‘‘д̇аяаа д̇аад̇а самаж̇жхидто, баб̣б̣аж̇ж̇ам̣ ануж̇аани но;
‘‘Tayā tāta samajjhiṭṭho, pabbajjaṃ anujāni no;
маа буд̇д̇а вимано хохи, сапало д̇з бариссамо.
Mā putta vimano hohi, saphalo te parissamo.
‘‘яам̣ на д̣̇идтам̣ бураан̣зхи, д̇ид̇т̇игаажариязхиби;
‘‘Yaṃ na diṭṭhaṃ purāṇehi, titthikācariyehipi;
д̇ам̣ бад̣̇ам̣ сугумаарийхи, сад̇д̇авассаахи взд̣̇ид̇ам̣.
Taṃ padaṃ sukumārīhi, sattavassāhi veditaṃ.
‘‘б̣уд̣̇д̇хасаасанабаалзд̇а, бажчимам̣ д̣̇ассанам̣ д̇ава;
‘‘Buddhasāsanapāleta, pacchimaṃ dassanaṃ tava;
д̇ад̇т̇а г̇ажчаамахам̣ буд̇д̇а, г̇ад̇о яад̇т̇а на д̣̇иссад̇з.
Tattha gacchāmahaṃ putta, gato yattha na dissate.
‘‘гад̣̇аажи д̇хаммам̣ д̣̇зсзнд̇о, кибий логаг̇г̇анааяаго;
‘‘Kadāci dhammaṃ desento, khipī lokagganāyako;
д̇ад̣̇аахам̣ аасийсаваажам̣, авожам̣ анугамбигаа.
Tadāhaṃ āsīsavācaṃ, avocaṃ anukampikā.
‘‘жирам̣ ж̇ийва махаавийра, габбам̣ д̇идта махаамунз;
‘‘Ciraṃ jīva mahāvīra, kappaṃ tiṭṭha mahāmune;
саб̣б̣алогасса ад̇т̇ааяа, бхавассу аж̇араамаро.
Sabbalokassa atthāya, bhavassu ajarāmaro.
‘‘д̇ам̣ д̇ат̇ааваад̣̇иним̣ б̣уд̣̇д̇хо, мамам̣ со зд̇ад̣̇аб̣рави;
‘‘Taṃ tathāvādiniṃ buddho, mamaṃ so etadabravi;
на хзвам̣ ванд̣̇ияаа б̣уд̣̇д̇хаа, яат̇аа ванд̣̇аси г̇од̇амий.
Na hevaṃ vandiyā buddhā, yathā vandasi gotamī.
‘‘гат̇ам̣ жарахи саб̣б̣ан̃н̃уу, ванд̣̇ид̇аб̣б̣аа д̇ат̇ааг̇ад̇аа;
‘‘Kathaṃ carahi sabbaññū, vanditabbā tathāgatā;
гат̇ам̣ аванд̣̇ияаа б̣уд̣̇д̇хаа, д̇ам̣ мз агкаахи бужчид̇о.
Kathaṃ avandiyā buddhā, taṃ me akkhāhi pucchito.
‘‘аарад̣̇д̇хавийрияз бахид̇ад̇д̇з, нижжам̣ д̣̇ал̣хабараггамз;
‘‘Āraddhavīriye pahitatte, niccaṃ daḷhaparakkame;
самаг̇г̇з саавагз басса, зд̇ам̣ б̣уд̣̇д̇хаанаванд̣̇анам̣.
Samagge sāvake passa, etaṃ buddhānavandanaṃ.
‘‘д̇ад̇о убассаяам̣ г̇анд̇ваа, згигаахам̣ вижинд̇аяим̣;
‘‘Tato upassayaṃ gantvā, ekikāhaṃ vicintayiṃ;
самаг̇г̇абарисам̣ наат̇о, род̇хзси д̇ибхаванд̇аг̇о.
Samaggaparisaṃ nātho, rodhesi tibhavantago.
‘‘ханд̣̇аахам̣ бариниб̣б̣иссам̣, маа вибад̇д̇ид̇амад̣̇д̣̇асам̣;
‘‘Handāhaṃ parinibbissaṃ, mā vipattitamaddasaṃ;
зваахам̣ жинд̇аяид̇ваана, д̣̇исваана исисад̇д̇амам̣.
Evāhaṃ cintayitvāna, disvāna isisattamaṃ.
‘‘бариниб̣б̣аанагаалам̣ мз, аарожзсим̣ винааяагам̣;
‘‘Parinibbānakālaṃ me, ārocesiṃ vināyakaṃ;
д̇ад̇о со саманун̃н̃ааси, гаалам̣ ж̇аанаахи г̇од̇амий.
Tato so samanuññāsi, kālaṃ jānāhi gotamī.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаваа.
Nāgova bandhanaṃ chetvā, viharāmi anāsavā.
‘‘свааг̇ад̇ам̣ вад̇а мз ааси, мама б̣уд̣̇д̇хасса санд̇игз;
‘‘Svāgataṃ vata me āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣.
Chaḷabhiññā sacchikatā, kataṃ buddhassa sāsanaṃ.
‘‘т̇ийнам̣ д̇хаммаабхисамаяз, яз б̣аалаа вимад̇им̣ г̇ад̇аа;
‘‘Thīnaṃ dhammābhisamaye, ye bālā vimatiṃ gatā;
д̇зсам̣ д̣̇идтиббахаанад̇т̇ам̣, ид̣̇д̇хим̣ д̣̇ассзхи г̇од̇амий.
Tesaṃ diṭṭhippahānatthaṃ, iddhiṃ dassehi gotamī.
‘‘д̇ад̣̇аа нибажжа самб̣уд̣̇д̇хам̣, уббад̇ид̇ваана амб̣арам̣;
‘‘Tadā nipacca sambuddhaṃ, uppatitvāna ambaraṃ;
ид̣̇д̇хий анзгаа д̣̇ассзси, б̣уд̣̇д̇хаанун̃н̃ааяа г̇од̇амий.
Iddhī anekā dassesi, buddhānuññāya gotamī.
‘‘згигаа б̣ахуд̇хаа ааси, б̣ахуд̇хаа жзгигаа д̇ат̇аа;
‘‘Ekikā bahudhā āsi, bahudhā cekikā tathā;
аавибхаавам̣ д̇иробхаавам̣, д̇ирогуддам̣ д̇иронаг̇ам̣.
Āvibhāvaṃ tirobhāvaṃ, tirokuṭṭaṃ tironagaṃ.
‘‘асаж̇ж̇амаанаа аг̇амаа, бхуумияамби нимуж̇ж̇ат̇а;
‘‘Asajjamānā agamā, bhūmiyampi nimujjatha;
абхиж̇ж̇амаанз уд̣̇агз, аг̇ан̃чи махияаа яат̇аа.
Abhijjamāne udake, agañchi mahiyā yathā.
‘‘сагун̣ийва д̇ат̇аагаасз, баллан̇гзна гамий д̇ад̣̇аа;
‘‘Sakuṇīva tathākāse, pallaṅkena kamī tadā;
васам̣ вад̇д̇зси гааязна, яаава б̣рахманивзсанам̣.
Vasaṃ vattesi kāyena, yāva brahmanivesanaṃ.
‘‘синзрум̣ д̣̇ан̣д̣ам̣ гад̇ваана, чад̇д̇ам̣ гад̇ваа махаамахим̣;
‘‘Sineruṃ daṇḍaṃ katvāna, chattaṃ katvā mahāmahiṃ;
самуулам̣ баривад̇д̇зд̇ваа, д̇хаараяам̣ жан̇гамий набхз.
Samūlaṃ parivattetvā, dhārayaṃ caṅkamī nabhe.
‘‘чассуурод̣̇аяагаалзва, логан̃жаагааси д̇хуумигам̣;
‘‘Chassūrodayakāleva, lokañcākāsi dhūmikaṃ;
яуг̇анд̇з вияа логам̣ саа, ж̇аалаамаалаагулам̣ агаа.
Yugante viya lokaṃ sā, jālāmālākulaṃ akā.
‘‘мужалинд̣̇ам̣ махаасзлам̣, мзрумууланад̣̇анд̇арз;
‘‘Mucalindaṃ mahāselaṃ, merumūlanadantare;
саасабаарива саб̣б̣аани, згзнаг̇г̇ахи мудтинаа.
Sāsapāriva sabbāni, ekenaggahi muṭṭhinā.
‘‘ан̇г̇улаг̇г̇зна чаад̣̇зси, бхаагарам̣ санисаагарам̣;
‘‘Aṅgulaggena chādesi, bhākaraṃ sanisākaraṃ;
жанд̣̇асуурасахассаани, аавзл̣амива д̇хаараяи.
Candasūrasahassāni, āveḷamiva dhārayi.
‘‘жад̇усааг̇арад̇ояаани, д̇хаараяий згабаан̣инаа;
‘‘Catusāgaratoyāni, dhārayī ekapāṇinā;
яуг̇анд̇аж̇алад̣̇аагаарам̣, махаавассам̣ бавассат̇а.
Yugantajaladākāraṃ, mahāvassaṃ pavassatha.
‘‘жаггавад̇д̇им̣ сабарисам̣, маабаяий саа набхад̇д̇алз;
‘‘Cakkavattiṃ saparisaṃ, māpayī sā nabhattale;
г̇арул̣ам̣ д̣̇вирад̣̇ам̣ сийхам̣, винад̣̇анд̇ам̣ бад̣̇ассаяи.
Garuḷaṃ dviradaṃ sīhaṃ, vinadantaṃ padassayi.
‘‘згигаа абхиниммид̇ваа, аббамзяяам̣ бхигкунийг̇ан̣ам̣;
‘‘Ekikā abhinimmitvā, appameyyaṃ bhikkhunīgaṇaṃ;
буна анд̇арад̇хаабзд̇ваа, згигаа мунимаб̣рави.
Puna antaradhāpetvā, ekikā munimabravi.
‘‘маад̇ужчаа д̇з махаавийра, д̇ава саасанагааригаа;
‘‘Mātucchā te mahāvīra, tava sāsanakārikā;
ануббад̇д̇аа сагам̣ ад̇т̇ам̣, баад̣̇з ванд̣̇аами жагкума.
Anuppattā sakaṃ atthaṃ, pāde vandāmi cakkhuma.
‘‘д̣̇ассзд̇ваа вивид̇хаа ид̣̇д̇хий, орохид̇ваа набхад̇д̇алаа;
‘‘Dassetvā vividhā iddhī, orohitvā nabhattalā;
ванд̣̇ид̇ваа логабаж̇ж̇од̇ам̣, згаманд̇ам̣ нисийд̣̇и саа.
Vanditvā lokapajjotaṃ, ekamantaṃ nisīdi sā.
‘‘саа вийсавассасад̇игаа, ж̇аад̇ияаахам̣ махаамунз;
‘‘Sā vīsavassasatikā, jātiyāhaṃ mahāmune;
аламзд̇д̇аавад̇аа вийра, ниб̣б̣ааяиссаами нааяага.
Alamettāvatā vīra, nibbāyissāmi nāyaka.
‘‘д̇ад̣̇аад̇ивимхид̇аа саб̣б̣аа, барисаа саа гад̇ан̃ж̇алий;
‘‘Tadātivimhitā sabbā, parisā sā katañjalī;
авожаяяз гат̇ам̣ ааси, ад̇улид̣̇д̇хибараггамаа.
Avocayye kathaṃ āsi, atuliddhiparakkamā.
‘‘бад̣̇умуд̇д̇аро наама ж̇ино, саб̣б̣ад̇хаммзсу жагкумаа;
‘‘Padumuttaro nāma jino, sabbadhammesu cakkhumā;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣, ж̇аад̇аамажжагулз ахум̣;
‘‘Tadāhaṃ haṃsavatiyaṃ, jātāmaccakule ahuṃ;
саб̣б̣обагаарасамбаннз, ид̣̇д̇хз пийд̇з махад̣̇д̇ханз.
Sabbopakārasampanne, iddhe phīte mahaddhane.
‘‘гад̣̇аажи бид̇унаа сад̣̇д̇хим̣, д̣̇аасийг̇ан̣абурагкад̇аа;
‘‘Kadāci pitunā saddhiṃ, dāsīgaṇapurakkhatā;
махад̇аа бариваарзна, д̇ам̣ убзжжа нараасабхам̣.
Mahatā parivārena, taṃ upecca narāsabhaṃ.
‘‘ваасавам̣ вияа вассанд̇ам̣, д̇хаммамзгхам̣ анаасавам̣;
‘‘Vāsavaṃ viya vassantaṃ, dhammameghaṃ anāsavaṃ;
сарад̣̇аад̣̇ижжасад̣̇исам̣, рам̣сиж̇ааласамуж̇ж̇алам̣.
Saradādiccasadisaṃ, raṃsijālasamujjalaṃ.
‘‘д̣̇исваа жид̇д̇ам̣ басаад̣̇зд̇ваа, суд̇ваа жасса субхаасид̇ам̣;
‘‘Disvā cittaṃ pasādetvā, sutvā cassa subhāsitaṃ;
маад̇ужчам̣ бхигкуним̣ аг̇г̇з, табзнд̇ам̣ наранааяагам̣.
Mātucchaṃ bhikkhuniṃ agge, ṭhapentaṃ naranāyakaṃ.
‘‘суд̇ваа д̣̇ад̇ваа махаад̣̇аанам̣, сад̇д̇аахам̣ д̇асса д̇аад̣̇ино;
‘‘Sutvā datvā mahādānaṃ, sattāhaṃ tassa tādino;
сасан̇гхасса нараг̇г̇асса, бажжаяаани б̣ахууни жа.
Sasaṅghassa naraggassa, paccayāni bahūni ca.
‘‘нибажжа баад̣̇амууламхи, д̇ам̣ таанамабхибад̇т̇аяим̣;
‘‘Nipacca pādamūlamhi, taṃ ṭhānamabhipatthayiṃ;
д̇ад̇о махаабарисад̇им̣, авожа исисад̇д̇амо.
Tato mahāparisatiṃ, avoca isisattamo.
‘‘яаа сасан̇гхам̣ абхож̇зси, сад̇д̇аахам̣ логанааяагам̣;
‘‘Yā sasaṅghaṃ abhojesi, sattāhaṃ lokanāyakaṃ;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
Tassa dhammesu dāyādā, orasā dhammanimmitā;
г̇од̇амий наама наамзна, хзссад̇и сад̇т̇у саавигаа.
Gotamī nāma nāmena, hessati satthu sāvikā.
‘‘д̇асса б̣уд̣̇д̇хасса маад̇ужчаа, ж̇ийвид̇аабаад̣̇игаа аяам̣;
‘‘Tassa buddhassa mātucchā, jīvitāpādikā ayaṃ;
рад̇д̇ан̃н̃уунан̃жа аг̇г̇ад̇д̇ам̣, бхигкунийнам̣ лабхиссад̇и.
Rattaññūnañca aggattaṃ, bhikkhunīnaṃ labhissati.
‘‘д̇ам̣ суд̇ваана бамод̣̇ид̇ваа, яааваж̇ийвам̣ д̇ад̣̇аа ж̇инам̣;
‘‘Taṃ sutvāna pamoditvā, yāvajīvaṃ tadā jinaṃ;
бажжаязхи убадтид̇ваа, д̇ад̇о гаалан̇гад̇аа ахам̣.
Paccayehi upaṭṭhitvā, tato kālaṅkatā ahaṃ.
‘‘д̇аавад̇им̣сзсу д̣̇звзсу, саб̣б̣агаамасамид̣̇д̇хису;
‘‘Tāvatiṃsesu devesu, sabbakāmasamiddhisu;
ниб̣б̣ад̇д̇аа д̣̇асахан̇г̇зхи, ан̃н̃з абхибхавим̣ ахам̣.
Nibbattā dasahaṅgehi, aññe abhibhaviṃ ahaṃ.
‘‘руубасад̣̇д̣̇зхи г̇анд̇хзхи, расзхи пусанзхи жа;
‘‘Rūpasaddehi gandhehi, rasehi phusanehi ca;
ааяунааби жа ван̣н̣зна, сукзна яасасааби жа.
Āyunāpi ca vaṇṇena, sukhena yasasāpi ca.
‘‘д̇ат̇зваад̇хибад̇зяязна, ад̇хиг̇аяха вирожахам̣;
‘‘Tathevādhipateyyena, adhigayha virocahaṃ;
ахосим̣ амаринд̣̇асса, махзсий д̣̇аяид̇аа д̇ахим̣.
Ahosiṃ amarindassa, mahesī dayitā tahiṃ.
‘‘сам̣саарз сам̣саранд̇ийхам̣, гаммавааяусамзрид̇аа;
‘‘Saṃsāre saṃsarantīhaṃ, kammavāyusameritā;
гаасисса ран̃н̃о висаяз, аж̇ааяим̣ д̣̇аасаг̇аамагз.
Kāsissa rañño visaye, ajāyiṃ dāsagāmake.
‘‘бан̃жад̣̇аасасад̇аануунаа, нивасанд̇и д̇ахим̣ д̇ад̣̇аа;
‘‘Pañcadāsasatānūnā, nivasanti tahiṃ tadā;
саб̣б̣зсам̣ д̇ад̇т̇а яо ж̇здто, д̇асса ж̇ааяаа ахосахам̣.
Sabbesaṃ tattha yo jeṭṭho, tassa jāyā ahosahaṃ.
‘‘саяамбхуно бан̃жасад̇аа, г̇аамам̣ бин̣д̣ааяа баависум̣;
‘‘Sayambhuno pañcasatā, gāmaṃ piṇḍāya pāvisuṃ;
д̇з д̣̇исваана ахам̣ д̇удтаа, саха саб̣б̣аахи ид̇т̇ибхи.
Te disvāna ahaṃ tuṭṭhā, saha sabbāhi itthibhi.
‘‘бууг̇аа худ̇ваава саб̣б̣ааяо, жад̇умаасз убадтахум̣;
‘‘Pūgā hutvāva sabbāyo, catumāse upaṭṭhahuṃ;
д̇ижийвараани д̣̇ад̇ваана, сам̣саримха сасаамигаа.
Ticīvarāni datvāna, saṃsarimha sasāmikā.
‘‘д̇ад̇о жуд̇аа саб̣б̣ааби д̇аа, д̇аавад̇им̣саг̇ад̇аа маяам̣;
‘‘Tato cutā sabbāpi tā, tāvatiṃsagatā mayaṃ;
бажчимз жа бхавз д̣̇аани, ж̇аад̇аа д̣̇звад̣̇ахз бурз.
Pacchime ca bhave dāni, jātā devadahe pure.
‘‘бид̇аа ан̃ж̇анасагго мз, маад̇аа мама сулагкан̣аа;
‘‘Pitā añjanasakko me, mātā mama sulakkhaṇā;
д̇ад̇о габилавад̇т̇усмим̣, суд̣̇д̇ход̣̇анагхарам̣ г̇ад̇аа.
Tato kapilavatthusmiṃ, suddhodanagharaṃ gatā.
‘‘сзсаа сагяагулз ж̇аад̇аа, сагяаанам̣ гхарамааг̇амум̣;
‘‘Sesā sakyakule jātā, sakyānaṃ gharamāgamuṃ;
ахам̣ висидтаа саб̣б̣аасам̣, ж̇инассаабаад̣̇игаа ахум̣.
Ahaṃ visiṭṭhā sabbāsaṃ, jinassāpādikā ahuṃ.
‘‘мама буд̇д̇обхинигкамма, б̣уд̣̇д̇хо ааси винааяаго;
‘‘Mama puttobhinikkhamma, buddho āsi vināyako;
бажчаахам̣ баб̣б̣аж̇ид̇ваана, сад̇зхи саха бан̃жахи.
Pacchāhaṃ pabbajitvāna, satehi saha pañcahi.
‘‘саагияаанийхи д̇хийраахи, саха санд̇исукам̣ пусим̣;
‘‘Sākiyānīhi dhīrāhi, saha santisukhaṃ phusiṃ;
яз д̇ад̣̇аа буб̣б̣аж̇аад̇ияам̣, амхаагам̣ аасу саамино.
Ye tadā pubbajātiyaṃ, amhākaṃ āsu sāmino.
‘‘сахабун̃н̃асса гад̇д̇ааро, махаасамаяагаарагаа;
‘‘Sahapuññassa kattāro, mahāsamayakārakā;
пусим̣су арахад̇д̇ам̣ д̇з, суг̇ад̇знаанугамбид̇аа.
Phusiṃsu arahattaṃ te, sugatenānukampitā.
‘‘д̇ад̣̇зд̇араа бхигкунияо, аарухим̣су набхад̇д̇алам̣;
‘‘Tadetarā bhikkhuniyo, āruhiṃsu nabhattalaṃ;
сам̣г̇ад̇аа вияа д̇аарааяо, вирожим̣су махид̣̇д̇хигаа.
Saṃgatā viya tārāyo, virociṃsu mahiddhikā.
‘‘ид̣̇д̇хий анзгаа д̣̇ассзсум̣, бил̣анд̇хавигад̇им̣ яат̇аа;
‘‘Iddhī anekā dassesuṃ, piḷandhavikatiṃ yathā;
гаммааро ганагассзва, гамман̃н̃асса сусигкид̇о.
Kammāro kanakasseva, kammaññassa susikkhito.
‘‘д̣̇ассзд̇ваа баадихийраани, вижид̇д̇аани б̣ахууни жа;
‘‘Dassetvā pāṭihīrāni, vicittāni bahūni ca;
д̇осзд̇ваа ваад̣̇ибаварам̣, муним̣ сабарисам̣ д̇ад̣̇аа.
Tosetvā vādipavaraṃ, muniṃ saparisaṃ tadā.
‘‘орохид̇ваана г̇аг̇анаа, ванд̣̇ид̇ваа исисад̇д̇амам̣;
‘‘Orohitvāna gaganā, vanditvā isisattamaṃ;
анун̃н̃аад̇аа нараг̇г̇зна, яат̇аатаанз нисийд̣̇исум̣.
Anuññātā naraggena, yathāṭhāne nisīdisuṃ.
‘‘ахонугамбигаа амхам̣, саб̣б̣аасам̣ жира г̇од̇амий;
‘‘Ahonukampikā amhaṃ, sabbāsaṃ cira gotamī;
ваасид̇аа д̇ава бун̃н̃зхи, бад̇д̇аа но аасавагкаяам̣.
Vāsitā tava puññehi, pattā no āsavakkhayaṃ.
‘‘гилзсаа жхаабид̇аа амхам̣, бхаваа саб̣б̣з самуухад̇аа;
‘‘Kilesā jhāpitā amhaṃ, bhavā sabbe samūhatā;
нааг̇ийва б̣анд̇ханам̣ чзд̇ваа, вихараама анаасаваа.
Nāgīva bandhanaṃ chetvā, viharāma anāsavā.
‘‘свааг̇ад̇ам̣ вад̇а но ааси, б̣уд̣̇д̇хасздтасса санд̇игз;
‘‘Svāgataṃ vata no āsi, buddhaseṭṭhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣.
Chaḷabhiññā sacchikatā, kataṃ buddhassa sāsanaṃ.
‘‘ид̣̇д̇хийсу жа васий хома, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homa, dibbāya sotadhātuyā;
жзд̇обарияан̃аан̣асса, васий хома махаамунз.
Cetopariyañāṇassa, vasī homa mahāmune.
‘‘буб̣б̣зниваасам̣ ж̇аанаама, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāma, dibbacakkhu visodhitaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаваа.
Sabbāsavaparikkhīṇā, natthi dāni punabbhavā.
‘‘ад̇т̇з д̇хаммз жа нзруд̇д̇з, бадибхаанз жа виж̇ж̇ад̇и;
‘‘Atthe dhamme ca nerutte, paṭibhāne ca vijjati;
н̃аан̣ам̣ амхам̣ махаавийра, уббаннам̣ д̇ава санд̇игз.
Ñāṇaṃ amhaṃ mahāvīra, uppannaṃ tava santike.
‘‘асмаабхи барижин̣н̣оси, мзд̇д̇ажид̇д̇аа хи нааяага;
‘‘Asmābhi pariciṇṇosi, mettacittā hi nāyaka;
ануж̇аанаахи саб̣б̣аасам̣, ниб̣б̣аанааяа махаамунз.
Anujānāhi sabbāsaṃ, nibbānāya mahāmune.
‘‘ниб̣б̣ааяиссаама ижжзвам̣, гим̣ вагкаами вад̣̇анд̇ияо;
‘‘Nibbāyissāma iccevaṃ, kiṃ vakkhāmi vadantiyo;
яасса д̣̇аани жа во гаалам̣, ман̃н̃ат̇аад̇и ж̇иноб̣рави.
Yassa dāni ca vo kālaṃ, maññathāti jinobravi.
‘‘г̇од̇амийаад̣̇игаа д̇ааяо, д̇ад̣̇аа бхигкунияо ж̇инам̣;
‘‘Gotamīādikā tāyo, tadā bhikkhuniyo jinaṃ;
ванд̣̇ид̇ваа аасанаа д̇амхаа, вудтааяа ааг̇амим̣су д̇аа.
Vanditvā āsanā tamhā, vuṭṭhāya āgamiṃsu tā.
‘‘махад̇аа ж̇анагааязна, саха логаг̇г̇анааяаго;
‘‘Mahatā janakāyena, saha lokagganāyako;
анусам̣яааяий со вийро, маад̇ужчам̣ яаавагодтагам̣.
Anusaṃyāyī so vīro, mātucchaṃ yāvakoṭṭhakaṃ.
‘‘д̇ад̣̇аа нибад̇и баад̣̇зсу, г̇од̇амий логаб̣анд̇хуно;
‘‘Tadā nipati pādesu, gotamī lokabandhuno;
сахзва д̇аахи саб̣б̣аахи, бажчимам̣ баад̣̇аванд̣̇анам̣.
Saheva tāhi sabbāhi, pacchimaṃ pādavandanaṃ.
‘‘ид̣̇ам̣ бажчимагам̣ маяхам̣, логанаат̇асса д̣̇ассанам̣;
‘‘Idaṃ pacchimakaṃ mayhaṃ, lokanāthassa dassanaṃ;
на буно амад̇аагаарам̣, бассиссаами мукам̣ д̇ава.
Na puno amatākāraṃ, passissāmi mukhaṃ tava.
‘‘на жа мз ванд̣̇анам̣ вийра, д̇ава баад̣̇з сугомалз;
‘‘Na ca me vandanaṃ vīra, tava pāde sukomale;
сампусиссад̇и логаг̇г̇а, аж̇ж̇а г̇ажчаами ниб̣б̣уд̇им̣.
Samphusissati lokagga, ajja gacchāmi nibbutiṃ.
‘‘руубзна гим̣ д̇аваанзна, д̣̇идтз д̇хаммз яат̇аад̇ат̇з;
‘‘Rūpena kiṃ tavānena, diṭṭhe dhamme yathātathe;
саб̣б̣ам̣ сан̇кад̇амзвзд̇ам̣, анассаасигамид̇д̇арам̣.
Sabbaṃ saṅkhatamevetaṃ, anassāsikamittaraṃ.
‘‘саа саха д̇аахи г̇анд̇ваана, бхигкунубассаяам̣ сагам̣;
‘‘Sā saha tāhi gantvāna, bhikkhunupassayaṃ sakaṃ;
ад̣дхабаллан̇гамаабхуж̇ж̇а, нисийд̣̇и барамаасанз.
Aḍḍhapallaṅkamābhujja, nisīdi paramāsane.
‘‘д̇ад̣̇аа убаасигаа д̇ад̇т̇а, б̣уд̣̇д̇хасаасанаважчалаа;
‘‘Tadā upāsikā tattha, buddhasāsanavacchalā;
д̇ассаа бавад̇д̇им̣ суд̇ваана, убзсум̣ баад̣̇аванд̣̇игаа.
Tassā pavattiṃ sutvāna, upesuṃ pādavandikā.
‘‘гарзхи урам̣ баханд̇аа, чиннамуулаа яат̇аа лад̇аа;
‘‘Karehi uraṃ pahantā, chinnamūlā yathā latā;
род̣̇анд̇аа гарун̣ам̣ равам̣, согаддаа бхуумибаад̇ид̇аа.
Rodantā karuṇaṃ ravaṃ, sokaṭṭā bhūmipātitā.
‘‘маа но саран̣ад̣̇з наат̇з, вихааяа г̇ами ниб̣б̣уд̇им̣;
‘‘Mā no saraṇade nāthe, vihāya gami nibbutiṃ;
нибад̇ид̇ваана яаажаама, саб̣б̣ааяо сирасаа маяам̣.
Nipatitvāna yācāma, sabbāyo sirasā mayaṃ.
‘‘яаа бад̇хаанад̇амаа д̇аасам̣, сад̣̇д̇хаа бан̃н̃аа убаасигаа;
‘‘Yā padhānatamā tāsaṃ, saddhā paññā upāsikā;
д̇ассаа сийсам̣ бамаж̇ж̇анд̇ий, ид̣̇ам̣ важанамаб̣рави.
Tassā sīsaṃ pamajjantī, idaṃ vacanamabravi.
‘‘алам̣ буд̇д̇аа висаад̣̇зна, маарабаасаанувад̇д̇инаа;
‘‘Alaṃ puttā visādena, mārapāsānuvattinā;
анижжам̣ сан̇кад̇ам̣ саб̣б̣ам̣, вияог̇анд̇ам̣ жалаажалам̣.
Aniccaṃ saṅkhataṃ sabbaṃ, viyogantaṃ calācalaṃ.
‘‘д̇ад̇о саа д̇аа висаж̇ж̇ид̇ваа, батамам̣ жхаанамуд̇д̇амам̣;
‘‘Tato sā tā visajjitvā, paṭhamaṃ jhānamuttamaṃ;
д̣̇уд̇ияан̃жа д̇ад̇ияан̃жа, самаабаж̇ж̇и жад̇уд̇т̇агам̣.
Dutiyañca tatiyañca, samāpajji catutthakaṃ.
‘‘аагаасааяад̇анан̃жзва, вин̃н̃аан̣ааяад̇анам̣ д̇ат̇аа;
‘‘Ākāsāyatanañceva, viññāṇāyatanaṃ tathā;
аагин̃жам̣ нзвасан̃н̃ан̃жа, самаабаж̇ж̇и яат̇ааггамам̣.
Ākiñcaṃ nevasaññañca, samāpajji yathākkamaṃ.
‘‘бадиломзна жхаанаани, самаабаж̇ж̇ид̇т̇а г̇од̇амий;
‘‘Paṭilomena jhānāni, samāpajjittha gotamī;
яаавад̇аа батамам̣ жхаанам̣, д̇ад̇о яааважад̇уд̇т̇агам̣.
Yāvatā paṭhamaṃ jhānaṃ, tato yāvacatutthakaṃ.
‘‘д̇ад̇о вудтааяа ниб̣б̣ааяи, д̣̇ийбажжийва нираасаваа;
‘‘Tato vuṭṭhāya nibbāyi, dīpaccīva nirāsavā;
бхуумижаало махаа ааси, набхасаа виж̇ж̇уд̇аа бад̇и.
Bhūmicālo mahā āsi, nabhasā vijjutā pati.
‘‘банаад̣̇ид̇аа д̣̇унд̣̇убхияо, барид̣̇звим̣су д̣̇звад̇аа;
‘‘Panāditā dundubhiyo, parideviṃsu devatā;
бубпавудтий жа г̇аг̇анаа, абхивассат̇а мзд̣̇аним̣.
Pupphavuṭṭhī ca gaganā, abhivassatha medaniṃ.
‘‘гамбид̇о мзрурааж̇ааби, ран̇г̇амаж̇жхз яат̇аа надо;
‘‘Kampito merurājāpi, raṅgamajjhe yathā naṭo;
согзна жаад̇ид̣̇ийнова, вираво ааси сааг̇аро.
Sokena cātidīnova, viravo āsi sāgaro.
‘‘д̣̇зваа нааг̇аасураа б̣рахмаа, сам̣виг̇г̇аахим̣су д̇ан̇кан̣з;
‘‘Devā nāgāsurā brahmā, saṃviggāhiṃsu taṅkhaṇe;
анижжаа вад̇а сан̇каараа, яат̇ааяам̣ вилаяам̣ г̇ад̇аа.
Aniccā vata saṅkhārā, yathāyaṃ vilayaṃ gatā.
‘‘яаа жз мам̣ бариваарим̣су, сад̇т̇у саасанагааригаа;
‘‘Yā ce maṃ parivāriṃsu, satthu sāsanakārikā;
д̇аяоби анубаад̣̇аанаа, д̣̇ийбажжи вияа ниб̣б̣уд̇аа.
Tayopi anupādānā, dīpacci viya nibbutā.
‘‘хаа яог̇аа виббаяог̇анд̇аа, хаанижжам̣ саб̣б̣асан̇кад̇ам̣;
‘‘Hā yogā vippayogantā, hāniccaṃ sabbasaṅkhataṃ;
хаа ж̇ийвид̇ам̣ винаасанд̇ам̣, ижжааси барид̣̇званаа.
Hā jīvitaṃ vināsantaṃ, iccāsi paridevanā.
‘‘д̇ад̇о д̣̇зваа жа б̣рахмаа жа, логад̇хаммаанувад̇д̇анам̣;
‘‘Tato devā ca brahmā ca, lokadhammānuvattanaṃ;
гаалаануруубам̣ губ̣б̣анд̇и, убзд̇ваа исисад̇д̇амам̣.
Kālānurūpaṃ kubbanti, upetvā isisattamaṃ.
‘‘д̇ад̣̇аа ааманд̇аяий сад̇т̇аа, аананд̣̇ам̣ суд̇асааг̇арам̣;
‘‘Tadā āmantayī satthā, ānandaṃ sutasāgaraṃ;
г̇ажчаананд̣̇а нивзд̣̇зхи, бхигкуунам̣ маад̇у ниб̣б̣уд̇им̣.
Gacchānanda nivedehi, bhikkhūnaṃ mātu nibbutiṃ.
‘‘д̇ад̣̇аананд̣̇о нираананд̣̇о, ассунаа бун̣н̣аложано;
‘‘Tadānando nirānando, assunā puṇṇalocano;
г̇аг̇г̇арзна сарзнааха, самааг̇ажчанд̇у бхигкаво.
Gaggarena sarenāha, samāgacchantu bhikkhavo.
‘‘буб̣б̣ад̣̇агкин̣абажчаасу, уд̇д̇арааяа жа санд̇игз;
‘‘Pubbadakkhiṇapacchāsu, uttarāya ca santike;
сун̣анд̇у бхаасид̇ам̣ маяхам̣, бхигкаво суг̇ад̇орасаа.
Suṇantu bhāsitaṃ mayhaṃ, bhikkhavo sugatorasā.
‘‘яаа вад̣дхаяи баяад̇д̇зна, сарийрам̣ бажчимам̣ мунз;
‘‘Yā vaḍḍhayi payattena, sarīraṃ pacchimaṃ mune;
саа г̇од̇амий г̇ад̇аа санд̇им̣, д̇аараава суурияод̣̇аяз.
Sā gotamī gatā santiṃ, tārāva sūriyodaye.
‘‘б̣уд̣̇д̇хамаад̇ааби бан̃н̃ад̇д̇им̣, табаяид̇ваа г̇ад̇аасамам̣;
‘‘Buddhamātāpi paññattiṃ, ṭhapayitvā gatāsamaṃ;
на яад̇т̇а бан̃жанзд̇д̇оби, г̇ад̇им̣ д̣̇агкад̇и нааяаго.
Na yattha pañcanettopi, gatiṃ dakkhati nāyako.
‘‘яассад̇т̇и суг̇ад̇з сад̣̇д̇хаа, яо жа бияо махаамунз;
‘‘Yassatthi sugate saddhā, yo ca piyo mahāmune;
б̣уд̣̇д̇хамаад̇усса саггаарам̣, гарод̇у суг̇ад̇орасо.
Buddhamātussa sakkāraṃ, karotu sugatoraso.
‘‘суд̣̇уурадтааби д̇ам̣ суд̇ваа, сийгхамааг̇ажчу бхигкаво;
‘‘Sudūraṭṭhāpi taṃ sutvā, sīghamāgacchu bhikkhavo;
гзжи б̣уд̣̇д̇хаанубхаавзна, гзжи ид̣̇д̇хийсу говид̣̇аа.
Keci buddhānubhāvena, keci iddhīsu kovidā.
‘‘гуудааг̇аараварз раммз, саб̣б̣асон̣н̣амаяз субхз;
‘‘Kūṭāgāravare ramme, sabbasoṇṇamaye subhe;
ман̃жагам̣ самааробзсум̣, яад̇т̇а суд̇д̇ааси г̇од̇амий.
Mañcakaṃ samāropesuṃ, yattha suttāsi gotamī.
‘‘жад̇д̇ааро логабаалаа д̇з, ам̣сзхи самад̇хаараяум̣;
‘‘Cattāro lokapālā te, aṃsehi samadhārayuṃ;
сзсаа саггаад̣̇игаа д̣̇зваа, гуудааг̇аарз самаг̇г̇ахум̣.
Sesā sakkādikā devā, kūṭāgāre samaggahuṃ.
‘‘гуудааг̇аараани саб̣б̣аани, аасум̣ бан̃жасад̇ааниби;
‘‘Kūṭāgārāni sabbāni, āsuṃ pañcasatānipi;
сарад̣̇аад̣̇ижжаван̣н̣аани, виссагаммагад̇аани хи.
Saradādiccavaṇṇāni, vissakammakatāni hi.
‘‘саб̣б̣аа д̇ааби бхигкунияо, аасум̣ ман̃жзсу сааяид̇аа;
‘‘Sabbā tāpi bhikkhuniyo, āsuṃ mañcesu sāyitā;
д̣̇зваанам̣ канд̇хамаарул̣хаа, нияяанд̇и анубуб̣б̣асо.
Devānaṃ khandhamāruḷhā, niyyanti anupubbaso.
‘‘саб̣б̣асо чаад̣̇ид̇ам̣ ааси, вид̇аанзна набхад̇д̇алам̣;
‘‘Sabbaso chāditaṃ āsi, vitānena nabhattalaṃ;
сад̇аараа жанд̣̇асуураа жа, лан̃чид̇аа ганагаамаяаа.
Satārā candasūrā ca, lañchitā kanakāmayā.
‘‘бадаагаа уссид̇аанзгаа, вид̇ад̇аа бубпаган̃жугаа;
‘‘Paṭākā ussitānekā, vitatā pupphakañcukā;
ог̇ад̇аагаасабад̣̇умаа, махияаа бубпамуг̇г̇ад̇ам̣.
Ogatākāsapadumā, mahiyā pupphamuggataṃ.
‘‘д̣̇иссанд̇и жанд̣̇асуурияаа, баж̇ж̇аланд̇и жа д̇аарагаа;
‘‘Dissanti candasūriyā, pajjalanti ca tārakā;
маж̇жхам̣ г̇ад̇оби жаад̣̇ижжо, на д̇аабзси сасий яат̇аа.
Majjhaṃ gatopi cādicco, na tāpesi sasī yathā.
‘‘д̣̇зваа д̣̇иб̣б̣зхи г̇анд̇хзхи, маалзхи сурабхийхи жа;
‘‘Devā dibbehi gandhehi, mālehi surabhīhi ca;
ваад̣̇ид̇зхи жа нажжзхи, сан̇г̇ийд̇ийхи жа бууж̇аяум̣.
Vāditehi ca naccehi, saṅgītīhi ca pūjayuṃ.
‘‘нааг̇аасураа жа б̣рахмаано, яат̇аасад̇д̇и яат̇ааб̣алам̣;
‘‘Nāgāsurā ca brahmāno, yathāsatti yathābalaṃ;
бууж̇аяим̣су жа нияяанд̇им̣, ниб̣б̣уд̇ам̣ б̣уд̣̇д̇хамаад̇арам̣.
Pūjayiṃsu ca niyyantiṃ, nibbutaṃ buddhamātaraṃ.
‘‘саб̣б̣ааяо бурад̇о нийд̇аа, ниб̣б̣уд̇аа суг̇ад̇орасаа;
‘‘Sabbāyo purato nītā, nibbutā sugatorasā;
г̇од̇амий нияяад̇з бажчаа, саггад̇аа б̣уд̣̇д̇хабосигаа.
Gotamī niyyate pacchā, sakkatā buddhaposikā.
‘‘бурад̇о д̣̇звамануж̇аа, санааг̇аасураб̣рахмагаа;
‘‘Purato devamanujā, sanāgāsurabrahmakā;
бажчаа сасааваго б̣уд̣̇д̇хо, бууж̇ад̇т̇ам̣ яаад̇и маад̇уяаа.
Pacchā sasāvako buddho, pūjatthaṃ yāti mātuyā.
‘‘б̣уд̣̇д̇хасса бариниб̣б̣аанам̣, нзд̣̇исам̣ ааси яаад̣̇исам̣;
‘‘Buddhassa parinibbānaṃ, nedisaṃ āsi yādisaṃ;
г̇од̇амийбариниб̣б̣аанам̣, ад̇зважчарияам̣ аху.
Gotamīparinibbānaṃ, atevacchariyaṃ ahu.
‘‘б̣уд̣̇д̇хо б̣уд̣̇д̇хасса ниб̣б̣аанз, нобадияаад̣̇и бхигкаво;
‘‘Buddho buddhassa nibbāne, nopaṭiyādi bhikkhavo;
б̣уд̣̇д̇хо г̇од̇аминиб̣б̣аанз, саарибуд̇д̇аад̣̇игаа д̇ат̇аа.
Buddho gotaminibbāne, sāriputtādikā tathā.
‘‘жид̇агаани гарид̇ваана, саб̣б̣аг̇анд̇хамаяаани д̇з;
‘‘Citakāni karitvāna, sabbagandhamayāni te;
г̇анд̇хажун̣н̣абагин̣н̣аани, жхаабаяим̣су жа д̇аа д̇ахим̣.
Gandhacuṇṇapakiṇṇāni, jhāpayiṃsu ca tā tahiṃ.
‘‘сзсабхааг̇аани д̣аяхим̣су, адтий сзсаани саб̣б̣асо;
‘‘Sesabhāgāni ḍayhiṃsu, aṭṭhī sesāni sabbaso;
аананд̣̇о жа д̇ад̣̇аавожа, сам̣взг̇аж̇анагам̣ важо.
Ānando ca tadāvoca, saṃvegajanakaṃ vaco.
‘‘г̇од̇амий нид̇ханам̣ яаад̇аа, д̣аяхан̃жасса сарийрагам̣;
‘‘Gotamī nidhanaṃ yātā, ḍayhañcassa sarīrakaṃ;
сан̇гзд̇ам̣ б̣уд̣̇д̇ханиб̣б̣аанам̣, на жирзна бхависсад̇и.
Saṅketaṃ buddhanibbānaṃ, na cirena bhavissati.
‘‘д̇ад̇о г̇од̇амид̇хаад̇ууни, д̇ассаа бад̇д̇аг̇ад̇аани со;
‘‘Tato gotamidhātūni, tassā pattagatāni so;
убанаамзси наат̇асса, аананд̣̇о б̣уд̣̇д̇хажод̣̇ид̇о.
Upanāmesi nāthassa, ānando buddhacodito.
‘‘баан̣инаа д̇аани баг̇г̇аяха, авожа исисад̇д̇амо;
‘‘Pāṇinā tāni paggayha, avoca isisattamo;
махад̇о саараванд̇асса, яат̇аа ругкасса д̇идтад̇о.
Mahato sāravantassa, yathā rukkhassa tiṭṭhato.
‘‘яо со махад̇д̇аро канд̇хо, балуж̇ж̇зяяа анижжад̇аа;
‘‘Yo so mahattaro khandho, palujjeyya aniccatā;
д̇ат̇аа бхигкунисан̇гхасса, г̇од̇амий бариниб̣б̣уд̇аа.
Tathā bhikkhunisaṅghassa, gotamī parinibbutā.
‘‘ахо ажчарияам̣ маяхам̣, ниб̣б̣уд̇ааяаби маад̇уяаа;
‘‘Aho acchariyaṃ mayhaṃ, nibbutāyapi mātuyā;
саарийрамад̇д̇асзсааяа, над̇т̇и согабарид̣̇д̣̇аво.
Sārīramattasesāya, natthi sokapariddavo.
‘‘на сожияаа барзсам̣ саа, д̇ин̣н̣асам̣саарасааг̇араа;
‘‘Na sociyā paresaṃ sā, tiṇṇasaṃsārasāgarā;
бариваж̇ж̇ид̇асанд̇аабаа, сийд̇ибхууд̇аа суниб̣б̣уд̇аа.
Parivajjitasantāpā, sītibhūtā sunibbutā.
‘‘бан̣д̣ид̇ааси махаабан̃н̃аа, бут̇убан̃н̃аа д̇ат̇зва жа;
‘‘Paṇḍitāsi mahāpaññā, puthupaññā tatheva ca;
рад̇д̇ан̃н̃уу бхигкунийнам̣ саа, звам̣ д̇хаарзт̇а бхигкаво.
Rattaññū bhikkhunīnaṃ sā, evaṃ dhāretha bhikkhavo.
‘‘ид̣̇д̇хийсу жа васий ааси, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī āsi, dibbāya sotadhātuyā;
жзд̇обарияан̃аан̣асса, васий ааси жа г̇од̇амий.
Cetopariyañāṇassa, vasī āsi ca gotamī.
‘‘буб̣б̣зниваасаман̃н̃ааси, д̣̇иб̣б̣ажагку висод̇хид̇ам̣;
‘‘Pubbenivāsamaññāsi, dibbacakkhu visodhitaṃ;
саб̣б̣аасавабаригкийн̣аа, над̇т̇и д̇ассаа бунаб̣бхаво.
Sabbāsavaparikkhīṇā, natthi tassā punabbhavo.
‘‘ад̇т̇ад̇хамманируд̇д̇ийсу , бадибхаанз д̇ат̇зва жа;
‘‘Atthadhammaniruttīsu , paṭibhāne tatheva ca;
барисуд̣̇д̇хам̣ аху н̃аан̣ам̣, д̇асмаа сожанияаа на саа.
Parisuddhaṃ ahu ñāṇaṃ, tasmā socaniyā na sā.
‘‘аяогханахад̇ассзва , ж̇алад̇о ж̇аад̇авзд̣̇асса;
‘‘Ayoghanahatasseva , jalato jātavedassa;
анубуб̣б̣уубасанд̇асса, яат̇аа на н̃ааяад̇з г̇ад̇и.
Anupubbūpasantassa, yathā na ñāyate gati.
‘‘звам̣ саммаа вимуд̇д̇аанам̣, гаамаб̣анд̇хогхад̇ааринам̣;
‘‘Evaṃ sammā vimuttānaṃ, kāmabandhoghatārinaṃ;
бан̃н̃аабзд̇ум̣ г̇ад̇и над̇т̇и, бад̇д̇аанам̣ ажалам̣ сукам̣.
Paññāpetuṃ gati natthi, pattānaṃ acalaṃ sukhaṃ.
‘‘ад̇д̇ад̣̇ийбаа д̇ад̇о хот̇а, сад̇ибадтаанаг̇ожараа;
‘‘Attadīpā tato hotha, satipaṭṭhānagocarā;
бхаавзд̇ваа сад̇д̇аб̣ож̇жхан̇г̇з, д̣̇угкассанд̇ам̣ гариссат̇аа’’д̇и. (аба. т̇зрий 2.2.97-288);
Bhāvetvā sattabojjhaṅge, dukkhassantaṃ karissathā’’ti. (apa. therī 2.2.97-288);
махаабаж̇аабад̇иг̇од̇амийт̇зрийг̇аат̇ааван̣н̣анаа нидтид̇аа.
Mahāpajāpatigotamītherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 6. махаабаж̇аабад̇иг̇од̇амийт̇зрийг̇аат̇аа • 6. Mahāpajāpatigotamītherīgāthā
