| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
10. бхигкунигканд̇хагам̣
10. Bhikkhunikkhandhakaṃ
1. батамабхаан̣авааро
1. Paṭhamabhāṇavāro
махаабаж̇аабад̇иг̇од̇амийвад̇т̇у
Mahāpajāpatigotamīvatthu
402. 1 д̇зна самаязна б̣уд̣̇д̇хо бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаабаж̇аабад̇и 2 г̇од̇амий язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко махаабаж̇аабад̇и г̇од̇амий бхаг̇аванд̇ам̣ зд̇ад̣̇авожа – ‘‘саад̇ху, бханд̇з, лабхзяяа маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и. ‘‘алам̣, г̇од̇ами, маа д̇з ружжи маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇аа’’д̇и. д̣̇уд̇ияамби ко…бз… д̇ад̇ияамби ко махабаж̇аабад̇и г̇од̇амий бхаг̇аванд̇ам̣ зд̇ад̣̇авожа – ‘‘саад̇ху, бханд̇з, лабхзяяа маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и. ‘‘алам̣, г̇од̇ами, маа д̇з ружжи маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇аа’’д̇и. ат̇а ко махаабаж̇аабад̇и г̇од̇амий – на бхаг̇аваа ануж̇аанаад̇и маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇анд̇и – д̣̇угкий д̣̇умманаа ассумукий руд̣̇амаанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
402.3 Tena samayena buddho bhagavā sakkesu viharati kapilavatthusmiṃ nigrodhārāme. Atha kho mahāpajāpati 4 gotamī yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpati gotamī bhagavantaṃ etadavoca – ‘‘sādhu, bhante, labheyya mātugāmo tathāgatappavedite dhammavinaye agārasmā anagāriyaṃ pabbajja’’nti. ‘‘Alaṃ, gotami, mā te rucci mātugāmassa tathāgatappavedite dhammavinaye agārasmā anagāriyaṃ pabbajjā’’ti. Dutiyampi kho…pe… tatiyampi kho mahapajāpati gotamī bhagavantaṃ etadavoca – ‘‘sādhu, bhante, labheyya mātugāmo tathāgatappavedite dhammavinaye agārasmā anagāriyaṃ pabbajja’’nti. ‘‘Alaṃ, gotami, mā te rucci mātugāmassa tathāgatappavedite dhammavinaye agārasmā anagāriyaṃ pabbajjā’’ti. Atha kho mahāpajāpati gotamī – na bhagavā anujānāti mātugāmassa tathāgatappavedite dhammavinaye agārasmā anagāriyaṃ pabbajjanti – dukkhī dummanā assumukhī rudamānā bhagavantaṃ abhivādetvā padakkhiṇaṃ katvā pakkāmi.
ат̇а ко бхаг̇аваа габилавад̇т̇усмим̣ яат̇аабхиранд̇ам̣ вихарид̇ваа язна взсаалий д̇зна жааригам̣ баггаами. анубуб̣б̣зна жааригам̣ жарамаано язна взсаалий д̇ад̣̇авасари. д̇ад̇ра суд̣̇ам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко махаабаж̇аабад̇и г̇од̇амий гзсз чзд̣̇аабзд̇ваа гаасааяаани вад̇т̇аани ажчаад̣̇зд̇ваа самб̣ахулаахи саагияаанийхи сад̣̇д̇хим̣ язна взсаалий д̇зна баггаами. анубуб̣б̣зна язна взсаалий махааванам̣ гуудааг̇аарасаалаа д̇знубасан̇гами. ат̇а ко махаабаж̇аабад̇и г̇од̇амий суунзхи баад̣̇зхи раж̇огин̣н̣зна г̇ад̇д̇зна д̣̇угкий д̣̇умманаа ассумукий руд̣̇амаанаа б̣ахид̣̇ваарагодтагз адтааси. ад̣̇д̣̇асаа ко ааяасмаа аананд̣̇о махаабаж̇аабад̇им̣ г̇од̇амим̣ суунзхи баад̣̇зхи раж̇огин̣н̣зна г̇ад̇д̇зна д̣̇угким̣ д̣̇умманам̣ ассумуким̣ руд̣̇амаанам̣ б̣ахид̣̇ваарагодтагз тид̇ам̣. д̣̇исваана махаабаж̇аабад̇им̣ г̇од̇амим̣ зд̇ад̣̇авожа – ‘‘гисса д̇вам̣, г̇од̇ами, суунзхи баад̣̇зхи раж̇огин̣н̣зна г̇ад̇д̇зна д̣̇угкий д̣̇умманаа ассумукий руд̣̇амаанаа б̣ахид̣̇ваарагодтагз тид̇аа’’д̇и? ‘‘д̇ат̇аа хи бана, бханд̇з аананд̣̇а, на бхаг̇аваа ануж̇аанаад̇и маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и. ‘‘д̇зна хи д̇вам̣, г̇од̇ами, мухуд̇д̇ам̣ ид̇хзва д̇аава хохи, яааваахам̣ бхаг̇аванд̇ам̣ яаажаами маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и.
Atha kho bhagavā kapilavatthusmiṃ yathābhirantaṃ viharitvā yena vesālī tena cārikaṃ pakkāmi. Anupubbena cārikaṃ caramāno yena vesālī tadavasari. Tatra sudaṃ bhagavā vesāliyaṃ viharati mahāvane kūṭāgārasālāyaṃ. Atha kho mahāpajāpati gotamī kese chedāpetvā kāsāyāni vatthāni acchādetvā sambahulāhi sākiyānīhi saddhiṃ yena vesālī tena pakkāmi. Anupubbena yena vesālī mahāvanaṃ kūṭāgārasālā tenupasaṅkami. Atha kho mahāpajāpati gotamī sūnehi pādehi rajokiṇṇena gattena dukkhī dummanā assumukhī rudamānā bahidvārakoṭṭhake aṭṭhāsi. Addasā kho āyasmā ānando mahāpajāpatiṃ gotamiṃ sūnehi pādehi rajokiṇṇena gattena dukkhiṃ dummanaṃ assumukhiṃ rudamānaṃ bahidvārakoṭṭhake ṭhitaṃ. Disvāna mahāpajāpatiṃ gotamiṃ etadavoca – ‘‘kissa tvaṃ, gotami, sūnehi pādehi rajokiṇṇena gattena dukkhī dummanā assumukhī rudamānā bahidvārakoṭṭhake ṭhitā’’ti? ‘‘Tathā hi pana, bhante ānanda, na bhagavā anujānāti mātugāmassa tathāgatappavedite dhammavinaye agārasmā anagāriyaṃ pabbajja’’nti. ‘‘Tena hi tvaṃ, gotami, muhuttaṃ idheva tāva hohi, yāvāhaṃ bhagavantaṃ yācāmi mātugāmassa tathāgatappavedite dhammavinaye agārasmā anagāriyaṃ pabbajja’’nti.
ат̇а ко ааяасмаа аананд̣̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘зсаа, бханд̇з, махаабаж̇аабад̇и г̇од̇амий суунзхи баад̣̇зхи раж̇огин̣н̣зна г̇ад̇д̇зна д̣̇угкий д̣̇умманаа ассумукий руд̣̇амаанаа б̣ахид̣̇ваарагодтагз тид̇аа – на бхаг̇аваа ануж̇аанаад̇и маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇анд̇и. саад̇ху, бханд̇з, лабхзяяа маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и. ‘‘алам̣, аананд̣̇а, маа д̇з ружжи маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇аа’’д̇и. д̣̇уд̇ияамби ко…бз… д̇ад̇ияамби ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саад̇ху, бханд̇з, лабхзяяа маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и. ‘‘алам̣, аананд̣̇а, маа д̇з ружжи маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇аа’’д̇и.
Atha kho āyasmā ānando yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘esā, bhante, mahāpajāpati gotamī sūnehi pādehi rajokiṇṇena gattena dukkhī dummanā assumukhī rudamānā bahidvārakoṭṭhake ṭhitā – na bhagavā anujānāti mātugāmassa tathāgatappavedite dhammavinaye agārasmā anagāriyaṃ pabbajjanti. Sādhu, bhante, labheyya mātugāmo tathāgatappavedite dhammavinaye agārasmā anagāriyaṃ pabbajja’’nti. ‘‘Alaṃ, ānanda, mā te rucci mātugāmassa tathāgatappavedite dhammavinaye agārasmā anagāriyaṃ pabbajjā’’ti. Dutiyampi kho…pe… tatiyampi kho āyasmā ānando bhagavantaṃ etadavoca – ‘‘sādhu, bhante, labheyya mātugāmo tathāgatappavedite dhammavinaye agārasmā anagāriyaṃ pabbajja’’nti. ‘‘Alaṃ, ānanda, mā te rucci mātugāmassa tathāgatappavedite dhammavinaye agārasmā anagāriyaṃ pabbajjā’’ti.
ат̇а ко ааяасмаа аананд̣̇о 5 – ‘‘на бхаг̇аваа ануж̇аанаад̇и маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇ам̣; яам̣нуунаахам̣ ан̃н̃знаби барияааязна бхаг̇аванд̇ам̣ яаажзяяам̣ маад̇уг̇аамасса д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и. ат̇а ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘бхаб̣б̣о ну ко, бханд̇з, маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇ваа сод̇аабад̇д̇ипалам̣ ваа сагад̣̇ааг̇аамипалам̣ 6 ваа анааг̇аамипалам̣ ваа арахад̇д̇апалам̣ ваа сажчигаад̇у’’нд̇и? ‘‘бхаб̣б̣о, аананд̣̇а, маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇ваа сод̇аабад̇д̇ипаламби сагад̣̇ааг̇аамипаламби анааг̇аамипаламби арахад̇д̇апаламби сажчигаад̇у’’нд̇и. ‘‘сажз, бханд̇з, бхаб̣б̣о маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇ваа сод̇аабад̇д̇ипаламби сагад̣̇ааг̇аамипаламби анааг̇аамипаламби арахад̇д̇апаламби сажчигаад̇ум̣; б̣ахуубагаараа, бханд̇з, махаабаж̇аабад̇и г̇од̇амий бхаг̇авад̇о маад̇ужчаа аабаад̣̇игаа , босигаа, кийрасса д̣̇ааяигаа, бхаг̇аванд̇ам̣ ж̇анзд̇д̇ияаа гаалан̇гад̇ааяа т̇ан̃н̃ам̣ бааязси; саад̇ху, бханд̇з, лабхзяяа маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇а’’нд̇и.
Atha kho āyasmā ānando 7 – ‘‘na bhagavā anujānāti mātugāmassa tathāgatappavedite dhammavinaye agārasmā anagāriyaṃ pabbajjaṃ; yaṃnūnāhaṃ aññenapi pariyāyena bhagavantaṃ yāceyyaṃ mātugāmassa tathāgatappavedite dhammavinaye agārasmā anagāriyaṃ pabbajja’’nti. Atha kho āyasmā ānando bhagavantaṃ etadavoca – ‘‘bhabbo nu kho, bhante, mātugāmo tathāgatappavedite dhammavinaye agārasmā anagāriyaṃ pabbajitvā sotāpattiphalaṃ vā sakadāgāmiphalaṃ 8 vā anāgāmiphalaṃ vā arahattaphalaṃ vā sacchikātu’’nti? ‘‘Bhabbo, ānanda, mātugāmo tathāgatappavedite dhammavinaye agārasmā anagāriyaṃ pabbajitvā sotāpattiphalampi sakadāgāmiphalampi anāgāmiphalampi arahattaphalampi sacchikātu’’nti. ‘‘Sace, bhante, bhabbo mātugāmo tathāgatappavedite dhammavinaye agārasmā anagāriyaṃ pabbajitvā sotāpattiphalampi sakadāgāmiphalampi anāgāmiphalampi arahattaphalampi sacchikātuṃ; bahūpakārā, bhante, mahāpajāpati gotamī bhagavato mātucchā āpādikā , posikā, khīrassa dāyikā, bhagavantaṃ janettiyā kālaṅkatāya thaññaṃ pāyesi; sādhu, bhante, labheyya mātugāmo tathāgatappavedite dhammavinaye agārasmā anagāriyaṃ pabbajja’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / махаабаж̇аабад̇иг̇од̇амийвад̇т̇угат̇аа • Mahāpajāpatigotamīvatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / махаабаж̇аабад̇иг̇од̇амийвад̇т̇угат̇ааван̣н̣анаа • Mahāpajāpatigotamīvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / махаабаж̇аабад̇иг̇од̇амийвад̇т̇угат̇ааван̣н̣анаа • Mahāpajāpatigotamīvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / махаабаж̇аабад̇иг̇од̇амийвад̇т̇угат̇аа • Mahāpajāpatigotamīvatthukathā
