| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
10. பி⁴க்கு²னிக்க²ந்த⁴கங்
10. Bhikkhunikkhandhakaṃ
மஹாபஜாபதிகோ³தமீவத்து²கதா²
Mahāpajāpatigotamīvatthukathā
402. பி⁴க்கு²னிக்க²ந்த⁴கே கஸ்மா படிக்கி²பதீதி சோத³னங் த³ஸ்ஸெத்வா தஸ்ஸா ஆபோ⁴க³ங் த³ஸ்ஸெந்தோ ஆஹ ‘‘நனூ’’திஆதி³. ‘‘காம’’ந்திஆதி³னா அப்⁴யூபக³மபரிஹாரவஸேன விஸ்ஸஜ்ஜேதி. தத்த² காமங்ஸத்³தோ³ அனுக்³க³ஹத்தோ², பன ஸத்³தோ³ க³ரஹத்தோ², பன ததா²பி படிக்கி²பதீதி ஸம்ப³ந்தோ⁴. தந்தி மஹாபஜாபதிங் கோ³தமிங். யாசிதேன ஹுத்வா அனுஞ்ஞாதந்தி யோஜனா. அயந்தி பப்³ப³ஜ்ஜா. ப⁴த்³த³கங் கத்வாதி லத்³த⁴கங் கத்வா, மனாபங் கத்வாதி அத்தோ².
402. Bhikkhunikkhandhake kasmā paṭikkhipatīti codanaṃ dassetvā tassā ābhogaṃ dassento āha ‘‘nanū’’tiādi. ‘‘Kāma’’ntiādinā abhyūpagamaparihāravasena vissajjeti. Tattha kāmaṃsaddo anuggahattho, pana saddo garahattho, pana tathāpi paṭikkhipatīti sambandho. Tanti mahāpajāpatiṃ gotamiṃ. Yācitena hutvā anuññātanti yojanā. Ayanti pabbajjā. Bhaddakaṃ katvāti laddhakaṃ katvā, manāpaṃ katvāti attho.
403. கும்ப⁴தே²னகேஹீதி எத்த² கும்பே⁴ தீ³பங் ஜாலெத்வா தேனாலோகேன தே²னெந்தீதி கும்ப⁴தே²னகாதி த³ஸ்ஸெந்தோ ஆஹ ‘‘கும்பே⁴ தீ³பங் ஜாலெத்வா’’திஆதி³.
403.Kumbhathenakehīti ettha kumbhe dīpaṃ jāletvā tenālokena thenentīti kumbhathenakāti dassento āha ‘‘kumbhe dīpaṃ jāletvā’’tiādi.
நாளிமஜ்ஜ²க³தந்தி ஸஸ்ஸனாளஸ்ஸ மஜ்ஜே² க³தங். க³ண்டி²ந்தி ப²ளுங். ‘‘கண்ட³’’ந்திபி பாடோ², த³ண்ட³ந்தி அத்தோ². யேனாதி பாணகேன. அயஞ்ஹி யங்ஸத்³தோ³ தங்ஸத்³தா³னபெக்கோ²தி த³ட்ட²ப்³போ³.
Nāḷimajjhagatanti sassanāḷassa majjhe gataṃ. Gaṇṭhinti phaḷuṃ. ‘‘Kaṇḍa’’ntipi pāṭho, daṇḍanti attho. Yenāti pāṇakena. Ayañhi yaṃsaddo taṃsaddānapekkhoti daṭṭhabbo.
அந்தோரத்தபா⁴வோதி அந்தோலோஹிதபா⁴வோ. ஏதமத்த²ந்தி ஏதங் வக்க²மானங் அத்த²ங். ஆளியாதி ஆவரணாய. அப³த்³தா⁴யபீதி பிஸத்³தோ³ அனுக்³க³ஹத்தோ², ப³த்³தா⁴ய பன பகே³வாதி அத்தோ². கிஞ்சீதி அப்பமத்தகங். யந்தி உத³கங். தம்பீதி உத³கம்பி. பிஸத்³தோ³ அப³த்³தா⁴ய டி²தங் கிஞ்சி உத³கங் அபெக்க²தி. யே இமே க³ருத⁴ம்மா பஞ்ஞத்தாதி யோஜனா. படிகச்சேவாதி பகே³வ , பட²மமேவாதி அத்தோ². தேஸூதி க³ருத⁴ம்மேஸு. அபஞ்ஞத்தேஸு ஸந்தேஸுபீதி யோஜனா. பட²மங் வுத்தந்திஆதி³ வுத்தங், வஸ்ஸஸஹஸ்ஸமேவ ட²ஸ்ஸதி இதி இமமத்த²ங் த³ஸ்ஸேதீதி யோஜனா. ‘‘வஸ்ஸஸஹஸ்ஸ’’ந்தி ச ஏதங் வசனங் வுத்தந்தி ஸம்ப³ந்தோ⁴. ததோதி வஸ்ஸஸஹஸ்ஸதோ. பரியத்தித⁴ம்மோபீதி பிஸத்³தோ³ படிவேத⁴ஸத்³த⁴ம்மங் அபெக்க²தி. த்³வீஸு ஸத்³த⁴ம்மேஸு டி²தேஸு படிபத்திஸத்³த⁴ம்மோ டி²தோயேவாதி கத்வா ந வுத்தங். தானியேவாதி பஞ்சவஸ்ஸஸஹஸ்ஸானியேவ. பரியத்தியா ஸதி படிவேதோ⁴ ந ஹோதீதி நாபி வத்தப்³போ³தி யோஜனா. லிங்க³ந்தி ஸமணவேஸங், ஸமணாகாரந்தி அத்தோ².
Antorattabhāvoti antolohitabhāvo. Etamatthanti etaṃ vakkhamānaṃ atthaṃ. Āḷiyāti āvaraṇāya. Abaddhāyapīti pisaddo anuggahattho, baddhāya pana pagevāti attho. Kiñcīti appamattakaṃ. Yanti udakaṃ. Tampīti udakampi. Pisaddo abaddhāya ṭhitaṃ kiñci udakaṃ apekkhati. Ye ime garudhammā paññattāti yojanā. Paṭikaccevāti pageva , paṭhamamevāti attho. Tesūti garudhammesu. Apaññattesu santesupīti yojanā. Paṭhamaṃ vuttantiādi vuttaṃ, vassasahassameva ṭhassati iti imamatthaṃ dassetīti yojanā. ‘‘Vassasahassa’’nti ca etaṃ vacanaṃ vuttanti sambandho. Tatoti vassasahassato. Pariyattidhammopīti pisaddo paṭivedhasaddhammaṃ apekkhati. Dvīsu saddhammesu ṭhitesu paṭipattisaddhammo ṭhitoyevāti katvā na vuttaṃ. Tāniyevāti pañcavassasahassāniyeva. Pariyattiyā sati paṭivedho na hotīti nāpi vattabboti yojanā. Liṅganti samaṇavesaṃ, samaṇākāranti attho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
மஹாபஜாபதிகோ³தமீவத்து² • Mahāpajāpatigotamīvatthu
அட்ட²க³ருத⁴ம்மா • Aṭṭhagarudhammā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / மஹாபஜாபதிகோ³தமீவத்து²கதா² • Mahāpajāpatigotamīvatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
மஹாபஜாபதிகோ³தமீவத்து²கதா²வண்ணனா • Mahāpajāpatigotamīvatthukathāvaṇṇanā
அட்ட²க³ருத⁴ம்மகதா²வண்ணனா • Aṭṭhagarudhammakathāvaṇṇanā
