| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੦. ਭਿਕ੍ਖੁਨਿਕ੍ਖਨ੍ਧਕਂ
10. Bhikkhunikkhandhakaṃ
ਮਹਾਪਜਾਪਤਿਗੋਤਮੀવਤ੍ਥੁਕਥਾ
Mahāpajāpatigotamīvatthukathā
੪੦੨. ਭਿਕ੍ਖੁਨਿਕ੍ਖਨ੍ਧਕੇ ਕਸ੍ਮਾ ਪਟਿਕ੍ਖਿਪਤੀਤਿ ਚੋਦਨਂ ਦਸ੍ਸੇਤ੍વਾ ਤਸ੍ਸਾ ਆਭੋਗਂ ਦਸ੍ਸੇਨ੍ਤੋ ਆਹ ‘‘ਨਨੂ’’ਤਿਆਦਿ। ‘‘ਕਾਮ’’ਨ੍ਤਿਆਦਿਨਾ ਅਭ੍ਯੂਪਗਮਪਰਿਹਾਰવਸੇਨ વਿਸ੍ਸਜ੍ਜੇਤਿ। ਤਤ੍ਥ ਕਾਮਂਸਦ੍ਦੋ ਅਨੁਗ੍ਗਹਤ੍ਥੋ, ਪਨ ਸਦ੍ਦੋ ਗਰਹਤ੍ਥੋ, ਪਨ ਤਥਾਪਿ ਪਟਿਕ੍ਖਿਪਤੀਤਿ ਸਮ੍ਬਨ੍ਧੋ। ਤਨ੍ਤਿ ਮਹਾਪਜਾਪਤਿਂ ਗੋਤਮਿਂ। ਯਾਚਿਤੇਨ ਹੁਤ੍વਾ ਅਨੁਞ੍ਞਾਤਨ੍ਤਿ ਯੋਜਨਾ। ਅਯਨ੍ਤਿ ਪਬ੍ਬਜ੍ਜਾ। ਭਦ੍ਦਕਂ ਕਤ੍વਾਤਿ ਲਦ੍ਧਕਂ ਕਤ੍વਾ, ਮਨਾਪਂ ਕਤ੍વਾਤਿ ਅਤ੍ਥੋ।
402. Bhikkhunikkhandhake kasmā paṭikkhipatīti codanaṃ dassetvā tassā ābhogaṃ dassento āha ‘‘nanū’’tiādi. ‘‘Kāma’’ntiādinā abhyūpagamaparihāravasena vissajjeti. Tattha kāmaṃsaddo anuggahattho, pana saddo garahattho, pana tathāpi paṭikkhipatīti sambandho. Tanti mahāpajāpatiṃ gotamiṃ. Yācitena hutvā anuññātanti yojanā. Ayanti pabbajjā. Bhaddakaṃ katvāti laddhakaṃ katvā, manāpaṃ katvāti attho.
੪੦੩. ਕੁਮ੍ਭਥੇਨਕੇਹੀਤਿ ਏਤ੍ਥ ਕੁਮ੍ਭੇ ਦੀਪਂ ਜਾਲੇਤ੍વਾ ਤੇਨਾਲੋਕੇਨ ਥੇਨੇਨ੍ਤੀਤਿ ਕੁਮ੍ਭਥੇਨਕਾਤਿ ਦਸ੍ਸੇਨ੍ਤੋ ਆਹ ‘‘ਕੁਮ੍ਭੇ ਦੀਪਂ ਜਾਲੇਤ੍વਾ’’ਤਿਆਦਿ।
403.Kumbhathenakehīti ettha kumbhe dīpaṃ jāletvā tenālokena thenentīti kumbhathenakāti dassento āha ‘‘kumbhe dīpaṃ jāletvā’’tiādi.
ਨਾਲ਼ਿਮਜ੍ਝਗਤਨ੍ਤਿ ਸਸ੍ਸਨਾਲ਼ਸ੍ਸ ਮਜ੍ਝੇ ਗਤਂ। ਗਣ੍ਠਿਨ੍ਤਿ ਫਲ਼ੁਂ। ‘‘ਕਣ੍ਡ’’ਨ੍ਤਿਪਿ ਪਾਠੋ, ਦਣ੍ਡਨ੍ਤਿ ਅਤ੍ਥੋ। ਯੇਨਾਤਿ ਪਾਣਕੇਨ। ਅਯਞ੍ਹਿ ਯਂਸਦ੍ਦੋ ਤਂਸਦ੍ਦਾਨਪੇਕ੍ਖੋਤਿ ਦਟ੍ਠਬ੍ਬੋ।
Nāḷimajjhagatanti sassanāḷassa majjhe gataṃ. Gaṇṭhinti phaḷuṃ. ‘‘Kaṇḍa’’ntipi pāṭho, daṇḍanti attho. Yenāti pāṇakena. Ayañhi yaṃsaddo taṃsaddānapekkhoti daṭṭhabbo.
ਅਨ੍ਤੋਰਤ੍ਤਭਾવੋਤਿ ਅਨ੍ਤੋਲੋਹਿਤਭਾવੋ। ਏਤਮਤ੍ਥਨ੍ਤਿ ਏਤਂ વਕ੍ਖਮਾਨਂ ਅਤ੍ਥਂ। ਆਲ਼ਿਯਾਤਿ ਆવਰਣਾਯ। ਅਬਦ੍ਧਾਯਪੀਤਿ ਪਿਸਦ੍ਦੋ ਅਨੁਗ੍ਗਹਤ੍ਥੋ, ਬਦ੍ਧਾਯ ਪਨ ਪਗੇવਾਤਿ ਅਤ੍ਥੋ। ਕਿਞ੍ਚੀਤਿ ਅਪ੍ਪਮਤ੍ਤਕਂ। ਯਨ੍ਤਿ ਉਦਕਂ। ਤਮ੍ਪੀਤਿ ਉਦਕਮ੍ਪਿ। ਪਿਸਦ੍ਦੋ ਅਬਦ੍ਧਾਯ ਠਿਤਂ ਕਿਞ੍ਚਿ ਉਦਕਂ ਅਪੇਕ੍ਖਤਿ। ਯੇ ਇਮੇ ਗਰੁਧਮ੍ਮਾ ਪਞ੍ਞਤ੍ਤਾਤਿ ਯੋਜਨਾ। ਪਟਿਕਚ੍ਚੇવਾਤਿ ਪਗੇવ , ਪਠਮਮੇવਾਤਿ ਅਤ੍ਥੋ। ਤੇਸੂਤਿ ਗਰੁਧਮ੍ਮੇਸੁ। ਅਪਞ੍ਞਤ੍ਤੇਸੁ ਸਨ੍ਤੇਸੁਪੀਤਿ ਯੋਜਨਾ। ਪਠਮਂ વੁਤ੍ਤਨ੍ਤਿਆਦਿ વੁਤ੍ਤਂ, વਸ੍ਸਸਹਸ੍ਸਮੇવ ਠਸ੍ਸਤਿ ਇਤਿ ਇਮਮਤ੍ਥਂ ਦਸ੍ਸੇਤੀਤਿ ਯੋਜਨਾ। ‘‘વਸ੍ਸਸਹਸ੍ਸ’’ਨ੍ਤਿ ਚ ਏਤਂ વਚਨਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਤਤੋਤਿ વਸ੍ਸਸਹਸ੍ਸਤੋ। ਪਰਿਯਤ੍ਤਿਧਮ੍ਮੋਪੀਤਿ ਪਿਸਦ੍ਦੋ ਪਟਿવੇਧਸਦ੍ਧਮ੍ਮਂ ਅਪੇਕ੍ਖਤਿ। ਦ੍વੀਸੁ ਸਦ੍ਧਮ੍ਮੇਸੁ ਠਿਤੇਸੁ ਪਟਿਪਤ੍ਤਿਸਦ੍ਧਮ੍ਮੋ ਠਿਤੋਯੇવਾਤਿ ਕਤ੍વਾ ਨ વੁਤ੍ਤਂ। ਤਾਨਿਯੇવਾਤਿ ਪਞ੍ਚવਸ੍ਸਸਹਸ੍ਸਾਨਿਯੇવ। ਪਰਿਯਤ੍ਤਿਯਾ ਸਤਿ ਪਟਿવੇਧੋ ਨ ਹੋਤੀਤਿ ਨਾਪਿ વਤ੍ਤਬ੍ਬੋਤਿ ਯੋਜਨਾ। ਲਿਙ੍ਗਨ੍ਤਿ ਸਮਣવੇਸਂ, ਸਮਣਾਕਾਰਨ੍ਤਿ ਅਤ੍ਥੋ।
Antorattabhāvoti antolohitabhāvo. Etamatthanti etaṃ vakkhamānaṃ atthaṃ. Āḷiyāti āvaraṇāya. Abaddhāyapīti pisaddo anuggahattho, baddhāya pana pagevāti attho. Kiñcīti appamattakaṃ. Yanti udakaṃ. Tampīti udakampi. Pisaddo abaddhāya ṭhitaṃ kiñci udakaṃ apekkhati. Ye ime garudhammā paññattāti yojanā. Paṭikaccevāti pageva , paṭhamamevāti attho. Tesūti garudhammesu. Apaññattesu santesupīti yojanā. Paṭhamaṃ vuttantiādi vuttaṃ, vassasahassameva ṭhassati iti imamatthaṃ dassetīti yojanā. ‘‘Vassasahassa’’nti ca etaṃ vacanaṃ vuttanti sambandho. Tatoti vassasahassato. Pariyattidhammopīti pisaddo paṭivedhasaddhammaṃ apekkhati. Dvīsu saddhammesu ṭhitesu paṭipattisaddhammo ṭhitoyevāti katvā na vuttaṃ. Tāniyevāti pañcavassasahassāniyeva. Pariyattiyā sati paṭivedho na hotīti nāpi vattabboti yojanā. Liṅganti samaṇavesaṃ, samaṇākāranti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
ਮਹਾਪਜਾਪਤਿਗੋਤਮੀવਤ੍ਥੁ • Mahāpajāpatigotamīvatthu
ਅਟ੍ਠਗਰੁਧਮ੍ਮਾ • Aṭṭhagarudhammā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਮਹਾਪਜਾਪਤਿਗੋਤਮੀવਤ੍ਥੁਕਥਾ • Mahāpajāpatigotamīvatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਮਹਾਪਜਾਪਤਿਗੋਤਮੀવਤ੍ਥੁਕਥਾવਣ੍ਣਨਾ • Mahāpajāpatigotamīvatthukathāvaṇṇanā
ਅਟ੍ਠਗਰੁਧਮ੍ਮਕਥਾવਣ੍ਣਨਾ • Aṭṭhagarudhammakathāvaṇṇanā
