| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၁၀. ဘိက္ခုနိက္ခန္ဓကော
10. Bhikkhunikkhandhako
မဟာပဇာပတိဂောတမီဝတ္ထုကထာဝဏ္ဏနာ
Mahāpajāpatigotamīvatthukathāvaṇṇanā
၄၀၃. ဘိက္ခုနိက္ခန္ဓကေ ‘‘မာတုဂာမသ္သ ပဗ္ဗဇိတတ္တာ’’တိ ဣဒံ ပဉ္စဝသ္သသတတော ဥဒ္ဓံ သဒ္ဓမ္မသ္သ အပ္ပဝတ္တနကာရဏဒသ္သနံ။ သုက္ခဝိပသ္သကခီဏာသဝဝသေန ဝသ္သသဟသ္သန္တိအာဒိ ခန္ဓကဘာဏကာနံ မတံ ဂဟေတ္ဝာ ဝုတ္တံ။ ဒီဃနိကာယဋ္ဌကထာယံ ပန ‘‘ပဋိသမ္ဘိဒာပ္ပတ္တေဟိ ဝသ္သသဟသ္သံ အဋ္ဌာသိ, ဆဠဘိညေဟိ ဝသ္သသဟသ္သံ, တေဝိဇ္ဇေဟိ ဝသ္သသဟသ္သံ, သုက္ခဝိပသ္သကေဟိ ဝသ္သသဟသ္သံ, ပာတိမောက္ခေဟိ ဝသ္သသဟသ္သံ အဋ္ဌာသီ’’တိ (ဒီ. နိ. အဋ္ဌ. ၃.၁၆၁) ဝုတ္တံ။ အင္ဂုတ္တရ (အ. နိ. အဋ္ဌ. ၃.၈.၅၁) -သံယုတ္တဋ္ဌကထာသုပိ (သံ. နိ. အဋ္ဌ. ၂.၂.၁၅၆) အညထာဝ ဝုတ္တံ, တံ သဗ္ဗံ အညမညဝိရုဒ္ဓမ္ပိ တံတံဘာဏကာနံ မတေန လိခိတသီဟဠဋ္ဌကထာသု အာဂတနယမေဝ ဂဟေတ္ဝာ အာစရိယေန လိခိတံ ဤဒိသေ ကထာဝိရောဓေ သာသနပရိဟာနိယာ အဘာဝတော, သောဓနုပာယာဘာဝာ စ။ ပရမတ္ထဝိရောဓော ဧဝ ဟိ သုတ္တာဒိနယေန သောဓနီယော, န ကထာမဂ္ဂဝိရောဓောတိ။
403. Bhikkhunikkhandhake ‘‘mātugāmassa pabbajitattā’’ti idaṃ pañcavassasatato uddhaṃ saddhammassa appavattanakāraṇadassanaṃ. Sukkhavipassakakhīṇāsavavasena vassasahassantiādi khandhakabhāṇakānaṃ mataṃ gahetvā vuttaṃ. Dīghanikāyaṭṭhakathāyaṃ pana ‘‘paṭisambhidāppattehi vassasahassaṃ aṭṭhāsi, chaḷabhiññehi vassasahassaṃ, tevijjehi vassasahassaṃ, sukkhavipassakehi vassasahassaṃ, pātimokkhehi vassasahassaṃ aṭṭhāsī’’ti (dī. ni. aṭṭha. 3.161) vuttaṃ. Aṅguttara (a. ni. aṭṭha. 3.8.51) -saṃyuttaṭṭhakathāsupi (saṃ. ni. aṭṭha. 2.2.156) aññathāva vuttaṃ, taṃ sabbaṃ aññamaññaviruddhampi taṃtaṃbhāṇakānaṃ matena likhitasīhaḷaṭṭhakathāsu āgatanayameva gahetvā ācariyena likhitaṃ īdise kathāvirodhe sāsanaparihāniyā abhāvato, sodhanupāyābhāvā ca. Paramatthavirodho eva hi suttādinayena sodhanīyo, na kathāmaggavirodhoti.
မဟာပဇာပတိဂောတမီဝတ္ထုကထာဝဏ္ဏနာ နိဋ္ဌိတာ။
Mahāpajāpatigotamīvatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / အဋ္ဌဂရုဓမ္မာ • Aṭṭhagarudhammā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / မဟာပဇာပတိဂောတမီဝတ္ထုကထာ • Mahāpajāpatigotamīvatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဋ္ဌဂရုဓမ္မကထာဝဏ္ဏနာ • Aṭṭhagarudhammakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / မဟာပဇာပတိဂောတမီဝတ္ထုကထာဝဏ္ဏနာ • Mahāpajāpatigotamīvatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / မဟာပဇာပတိဂောတမီဝတ္ထုကထာ • Mahāpajāpatigotamīvatthukathā
