| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
507. махаабалобханаж̇аад̇агам̣ (11)
507. Mahāpalobhanajātakaṃ (11)
284.
284.
б̣рахмалогаа жавид̇ваана, д̣̇звабуд̇д̇о махид̣̇д̇хиго;
Brahmalokā cavitvāna, devaputto mahiddhiko;
ран̃н̃о буд̇д̇о уд̣̇абаад̣̇и, саб̣б̣агаамасамид̣̇д̇хису.
Rañño putto udapādi, sabbakāmasamiddhisu.
285.
285.
гаамаа ваа гаамасан̃н̃аа ваа, б̣рахмалогз на виж̇ж̇ад̇и;
Kāmā vā kāmasaññā vā, brahmaloke na vijjati;
сваассу 1 д̇ааязва сан̃н̃ааяа, гаамзхи виж̇иг̇ужчат̇а.
Svāssu 2 tāyeva saññāya, kāmehi vijigucchatha.
286.
286.
д̇асса жанд̇збурз ааси, жхаанааг̇аарам̣ сумаабид̇ам̣;
Tassa cantepure āsi, jhānāgāraṃ sumāpitaṃ;
287.
287.
са рааж̇аа барид̣̇звзси, буд̇д̇асогзна аддид̇о;
Sa rājā paridevesi, puttasokena aṭṭito;
згабуд̇д̇о жаяам̣ маяхам̣, на жа гаамаани бхун̃ж̇ад̇и.
Ekaputto cayaṃ mayhaṃ, na ca kāmāni bhuñjati.
288.
288.
го ну квзд̇т̇а 5 убааяо со, го ваа ж̇аанаад̇и гин̃жанам̣;
Ko nu khvettha 6 upāyo so, ko vā jānāti kiñcanaṃ;
яо 7 мз буд̇д̇ам̣ балобхзяяа, яат̇аа гаамаани бад̇т̇аяз.
Yo 8 me puttaṃ palobheyya, yathā kāmāni patthaye.
289.
289.
аху гумаарий д̇ад̇т̇зва, ван̣н̣аруубасамаахид̇аа;
Ahu kumārī tattheva, vaṇṇarūpasamāhitā;
гусалаа нажжаг̇ийд̇асса, ваад̣̇ид̇з жа бад̣̇агкин̣аа.
Kusalā naccagītassa, vādite ca padakkhiṇā.
290.
290.
саа д̇ад̇т̇а убасан̇гамма, рааж̇аанам̣ зд̇ад̣̇аб̣рави;
Sā tattha upasaṅkamma, rājānaṃ etadabravi;
ахам̣ ко нам̣ балобхзяяам̣, сажз бхад̇д̇аа бхависсад̇и.
Ahaṃ kho naṃ palobheyyaṃ, sace bhattā bhavissati.
291.
291.
д̇ам̣ д̇ат̇ааваад̣̇иним̣ рааж̇аа, гумаарим̣ зд̇ад̣̇аб̣рави;
Taṃ tathāvādiniṃ rājā, kumāriṃ etadabravi;
д̇ван̃н̃зва нам̣ балобхзхи, д̇ава бхад̇д̇аа бхависсад̇и.
Tvaññeva naṃ palobhehi, tava bhattā bhavissati.
292.
292.
саа жа анд̇збурам̣ г̇анд̇ваа, б̣ахум̣ гаамубасам̣хид̇ам̣;
Sā ca antepuraṃ gantvā, bahuṃ kāmupasaṃhitaṃ;
хад̣̇аяан̇г̇амаа бзманийяаа, жид̇раа г̇аат̇аа абхаасат̇а.
Hadayaṅgamā pemanīyā, citrā gāthā abhāsatha.
293.
293.
д̇ассаа жа г̇ааяамаанааяа, сад̣̇д̣̇ам̣ суд̇ваана наарияаа;
Tassā ca gāyamānāya, saddaṃ sutvāna nāriyā;
гаамажчанд̣̇асса уббаж̇ж̇и, ж̇анам̣ со барибужчат̇а.
Kāmacchandassa uppajji, janaṃ so paripucchatha.
294.
294.
гассзсо сад̣̇д̣̇о го ваа со, бхан̣ад̇и ужжааважам̣ б̣ахум̣;
Kasseso saddo ko vā so, bhaṇati uccāvacaṃ bahuṃ;
хад̣̇аяан̇г̇амам̣ бзманийяам̣, ахо 9 ган̣н̣асукам̣ мама.
Hadayaṅgamaṃ pemanīyaṃ, aho 10 kaṇṇasukhaṃ mama.
295.
295.
сажз д̇вам̣ гаамз бхун̃ж̇зяяа, бхияяо бхияяо чаад̣̇зяяу д̇ам̣.
Sace tvaṃ kāme bhuñjeyya, bhiyyo bhiyyo chādeyyu taṃ.
296.
296.
ассамасса самийбамхи, санд̇игз маяхам̣ г̇ааяад̇у.
Assamassa samīpamhi, santike mayhaṃ gāyatu.
297.
297.
д̇ирогуддамхи г̇ааяид̇ваа, жхаанааг̇аарамхи баависи;
Tirokuṭṭamhi gāyitvā, jhānāgāramhi pāvisi;
б̣анд̇хи нам̣ 15 анубуб̣б̣зна, ааран̃н̃амива гун̃ж̇арам̣.
Bandhi naṃ 16 anupubbena, āraññamiva kuñjaraṃ.
298.
298.
д̇асса 17 гаамарасам̣ н̃ад̇ваа, иссаад̇хаммо аж̇ааяат̇а;
Tassa 18 kāmarasaṃ ñatvā, issādhammo ajāyatha;
‘‘ахамзва гаамз бхун̃ж̇зяяам̣, маа ан̃н̃о бурисо аху’’.
‘‘Ahameva kāme bhuñjeyyaṃ, mā añño puriso ahu’’.
299.
299.
д̇ад̇о асим̣ г̇ахзд̇ваана, бурисз ханд̇ум̣ убаггами;
Tato asiṃ gahetvāna, purise hantuṃ upakkami;
ахамзвзго бхун̃ж̇иссам̣, маа ан̃н̃о бурисо сияаа.
Ahameveko bhuñjissaṃ, mā añño puriso siyā.
300.
300.
д̇ад̇о ж̇аанабад̣̇аа саб̣б̣з, вигганд̣̇им̣су самааг̇ад̇аа;
Tato jānapadā sabbe, vikkandiṃsu samāgatā;
буд̇д̇о д̇яааяам̣ махаарааж̇а, ж̇анам̣ хзтзд̇яад̣̇уусагам̣.
Putto tyāyaṃ mahārāja, janaṃ heṭhetyadūsakaṃ.
301.
301.
яаавад̇аа виж̇ид̇ам̣ маяхам̣, на д̇з вад̇т̇аб̣б̣а 23 д̇аавад̣̇з.
Yāvatā vijitaṃ mayhaṃ, na te vatthabba 24 tāvade.
302.
302.
д̇ад̇о со бхарияамаад̣̇ааяа, самуд̣̇д̣̇ам̣ убасан̇гами;
Tato so bhariyamādāya, samuddaṃ upasaṅkami;
бан̣н̣асаалам̣ гарид̇ваана, ванамун̃чааяа баависи.
Paṇṇasālaṃ karitvāna, vanamuñchāya pāvisi.
303.
303.
ат̇зд̇т̇а иси мааг̇ажчи, самуд̣̇д̣̇ам̣ убаруубари;
Athettha isi māgacchi, samuddaṃ uparūpari;
со д̇асса г̇зхам̣ баавзгки, бхад̇д̇агаалз убадтид̇з.
So tassa gehaṃ pāvekkhi, bhattakāle upaṭṭhite.
304.
304.
д̇ан̃жа бхарияаа балобхзси, басса яаава суд̣̇аарун̣ам̣;
Tañca bhariyā palobhesi, passa yāva sudāruṇaṃ;
жуд̇о со б̣рахмажарияамхаа, ид̣̇д̇хияаа барихааяат̇а.
Cuto so brahmacariyamhā, iddhiyā parihāyatha.
305.
305.
рааж̇абуд̇д̇о жа ун̃чаад̇о, ванамуулапалам̣ б̣ахум̣;
Rājaputto ca uñchāto, vanamūlaphalaṃ bahuṃ;
306.
306.
исий жа кад̇д̇ияам̣ д̣̇исваа, самуд̣̇д̣̇ам̣ убасан̇гами;
Isī ca khattiyaṃ disvā, samuddaṃ upasaṅkami;
‘‘взхааяасам̣ г̇амисса’’нд̇и, сийд̣̇ад̇з со махан̣н̣авз.
‘‘Vehāyasaṃ gamissa’’nti, sīdate so mahaṇṇave.
307.
307.
кад̇д̇ияо жа исим̣ д̣̇исваа, сийд̣̇амаанам̣ махан̣н̣авз;
Khattiyo ca isiṃ disvā, sīdamānaṃ mahaṇṇave;
д̇ассзва анугамбааяа, имаа г̇аат̇аа абхаасат̇а.
Tasseva anukampāya, imā gāthā abhāsatha.
308.
308.
абхиж̇ж̇амаанз ваарисмим̣, саяам̣ ааг̇амма ид̣̇д̇хияаа;
Abhijjamāne vārismiṃ, sayaṃ āgamma iddhiyā;
миссийбхаавид̇т̇ияаа г̇анд̇ваа, сам̣сийд̣̇аси махан̣н̣авз.
Missībhāvitthiyā gantvā, saṃsīdasi mahaṇṇave.
309.
309.
аавадданий махаамааяаа, б̣рахмажарияавигобанаа;
Āvaṭṭanī mahāmāyā, brahmacariyavikopanā;
сийд̣̇анд̇и нам̣ вид̣̇ид̇ваана, аарагаа бариваж̇ж̇аяз.
Sīdanti naṃ viditvāna, ārakā parivajjaye.
310.
310.
аналаа муд̣̇усамбхаасаа, д̣̇уббуураа д̇аа над̣̇ийсамаа;
Analā mudusambhāsā, duppūrā tā nadīsamā;
сийд̣̇анд̇и нам̣ вид̣̇ид̇ваана, аарагаа бариваж̇ж̇аяз.
Sīdanti naṃ viditvāna, ārakā parivajjaye.
311.
311.
яам̣ зд̇аа убасзванд̇и, чанд̣̇асаа ваа д̇ханзна ваа;
Yaṃ etā upasevanti, chandasā vā dhanena vā;
ж̇аад̇авзд̣̇ова сам̣ таанам̣, киббам̣ ануд̣̇аханд̇и нам̣.
Jātavedova saṃ ṭhānaṃ, khippaṃ anudahanti naṃ.
312.
312.
кад̇д̇ияасса важо суд̇ваа, исисса ниб̣б̣ид̣̇аа аху;
Khattiyassa vaco sutvā, isissa nibbidā ahu;
лад̣̇д̇хаа бораан̣агам̣ маг̇г̇ам̣, г̇ажчад̇з со вихааяасам̣.
Laddhā porāṇakaṃ maggaṃ, gacchate so vihāyasaṃ.
313.
313.
кад̇д̇ияо жа исим̣ д̣̇исваа, г̇ажчамаанам̣ вихааяасам̣;
Khattiyo ca isiṃ disvā, gacchamānaṃ vihāyasaṃ;
сам̣взг̇ам̣ алабхий д̇хийро, баб̣б̣аж̇ж̇ам̣ самарожаяи.
Saṃvegaṃ alabhī dhīro, pabbajjaṃ samarocayi.
314.
314.
д̇ад̇о со баб̣б̣аж̇ид̇ваана, гаамарааг̇ам̣ вирааж̇аяи;
Tato so pabbajitvāna, kāmarāgaṃ virājayi;
гаамарааг̇ам̣ вирааж̇зд̇ваа, б̣рахмалогуубаг̇о ахууд̇и.
Kāmarāgaṃ virājetvā, brahmalokūpago ahūti.
махаабалобханаж̇аад̇агам̣ згаад̣̇асамам̣.
Mahāpalobhanajātakaṃ ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [507] 11. махаабалобханаж̇аад̇агаван̣н̣анаа • [507] 11. Mahāpalobhanajātakavaṇṇanā
