| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਪਞ੍ਞਾવਗ੍ਗੋ
3. Paññāvaggo
੧. ਮਹਾਪਞ੍ਞਾਕਥਾ
1. Mahāpaññākathā
੧. ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਦੁਕ੍ਖਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਨਤ੍ਤਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ…ਪੇ॰… ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ?
1. Aniccānupassanā bhāvitā bahulīkatā katamaṃ paññaṃ paripūreti? Dukkhānupassanā bhāvitā bahulīkatā katamaṃ paññaṃ paripūreti? Anattānupassanā bhāvitā bahulīkatā katamaṃ paññaṃ paripūreti…pe… paṭinissaggānupassanā bhāvitā bahulīkatā katamaṃ paññaṃ paripūreti?
ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਦੁਕ੍ਖਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਨਿਬ੍ਬੇਧਿਕਪਞ੍ਞਂ ਪਰਿਪੂਰੇਤਿ। ਅਨਤ੍ਤਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਮਹਾਪਞ੍ਞਂ ਪਰਿਪੂਰੇਤਿ। ਨਿਬ੍ਬਿਦਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਤਿਕ੍ਖਪਞ੍ਞਂ ਪਰਿਪੂਰੇਤਿ। વਿਰਾਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ વਿਪੁਲਪਞ੍ਞਂ ਪਰਿਪੂਰੇਤਿ। ਨਿਰੋਧਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਗਮ੍ਭੀਰਪਞ੍ਞਂ ਪਰਿਪੂਰੇਤਿ। ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਅਸਾਮਨ੍ਤਪਞ੍ਞਂ 1 ਪਰਿਪੂਰੇਤਿ। ਇਮਾ ਸਤ੍ਤ ਪਞ੍ਞਾ ਭਾવਿਤਾ ਬਹੁਲੀਕਤਾ ਪਣ੍ਡਿਚ੍ਚਂ ਪਰਿਪੂਰੇਨ੍ਤਿ। ਇਮਾ ਅਟ੍ਠ ਪਞ੍ਞਾ ਭਾવਿਤਾ ਬਹੁਲੀਕਤਾ ਪੁਥੁਪਞ੍ਞਂ ਪਰਿਪੂਰੇਨ੍ਤਿ। ਇਮਾ ਨવ ਪਞ੍ਞਾ ਭਾવਿਤਾ ਬਹੁਲੀਕਤਾ ਹਾਸਪਞ੍ਞਂ ਪਰਿਪੂਰੇਨ੍ਤਿ।
Aniccānupassanā bhāvitā bahulīkatā javanapaññaṃ paripūreti. Dukkhānupassanā bhāvitā bahulīkatā nibbedhikapaññaṃ paripūreti. Anattānupassanā bhāvitā bahulīkatā mahāpaññaṃ paripūreti. Nibbidānupassanā bhāvitā bahulīkatā tikkhapaññaṃ paripūreti. Virāgānupassanā bhāvitā bahulīkatā vipulapaññaṃ paripūreti. Nirodhānupassanā bhāvitā bahulīkatā gambhīrapaññaṃ paripūreti. Paṭinissaggānupassanā bhāvitā bahulīkatā asāmantapaññaṃ 2 paripūreti. Imā satta paññā bhāvitā bahulīkatā paṇḍiccaṃ paripūrenti. Imā aṭṭha paññā bhāvitā bahulīkatā puthupaññaṃ paripūrenti. Imā nava paññā bhāvitā bahulīkatā hāsapaññaṃ paripūrenti.
ਹਾਸਪਞ੍ਞਾ ਪਟਿਭਾਨਪਟਿਸਮ੍ਭਿਦਾ। ਤਸ੍ਸਾ ਅਤ੍ਥવવਤ੍ਥਾਨਤੋ ਅਤ੍ਥਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਧਮ੍ਮવવਤ੍ਥਾਨਤੋ ਧਮ੍ਮਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਨਿਰੁਤ੍ਤਿવવਤ੍ਥਾਨਤੋ ਨਿਰੁਤ੍ਤਿਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਪਟਿਭਾਨવવਤ੍ਥਾਨਤੋ ਪਟਿਭਾਨਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਤਸ੍ਸਿਮਾ ਚਤਸ੍ਸੋ ਪਟਿਸਮ੍ਭਿਦਾਯੋ ਅਧਿਗਤਾ ਹੋਨ੍ਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ।
Hāsapaññā paṭibhānapaṭisambhidā. Tassā atthavavatthānato atthapaṭisambhidā adhigatā hoti sacchikatā phassitā paññāya. Dhammavavatthānato dhammapaṭisambhidā adhigatā hoti sacchikatā phassitā paññāya. Niruttivavatthānato niruttipaṭisambhidā adhigatā hoti sacchikatā phassitā paññāya. Paṭibhānavavatthānato paṭibhānapaṭisambhidā adhigatā hoti sacchikatā phassitā paññāya. Tassimā catasso paṭisambhidāyo adhigatā honti sacchikatā phassitā paññāya.
ਰੂਪੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ…ਪੇ॰… ਰੂਪੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਰੂਪੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ…ਪੇ॰… ਰੂਪੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਅਸਾਮਨ੍ਤਪਞ੍ਞਂ ਪਰਿਪੂਰੇਤਿ। ਇਮਾ ਸਤ੍ਤ ਪਞ੍ਞਾ ਭਾવਿਤਾ ਬਹੁਲੀਕਤਾ ਪਣ੍ਡਿਚ੍ਚਂ ਪਰਿਪੂਰੇਨ੍ਤਿ। ਇਮਾ ਅਟ੍ਠ ਪਞ੍ਞਾ ਭਾવਿਤਾ ਬਹੁਲੀਕਤਾ ਪੁਥੁਪਞ੍ਞਂ ਪਰਿਪੂਰੇਨ੍ਤਿ। ਇਮਾ ਨવ ਪਞ੍ਞਾ ਭਾવਿਤਾ ਬਹੁਲੀਕਤਾ ਹਾਸਪਞ੍ਞਂ ਪਰਿਪੂਰੇਨ੍ਤਿ।
Rūpe aniccānupassanā bhāvitā bahulīkatā katamaṃ paññaṃ paripūreti…pe… rūpe paṭinissaggānupassanā bhāvitā bahulīkatā katamaṃ paññaṃ paripūreti? Rūpe aniccānupassanā bhāvitā bahulīkatā javanapaññaṃ paripūreti…pe… rūpe paṭinissaggānupassanā bhāvitā bahulīkatā asāmantapaññaṃ paripūreti. Imā satta paññā bhāvitā bahulīkatā paṇḍiccaṃ paripūrenti. Imā aṭṭha paññā bhāvitā bahulīkatā puthupaññaṃ paripūrenti. Imā nava paññā bhāvitā bahulīkatā hāsapaññaṃ paripūrenti.
ਹਾਸਪਞ੍ਞਾ ਪਟਿਭਾਨਪਟਿਸਮ੍ਭਿਦਾ। ਤਸ੍ਸਾ ਅਤ੍ਥવવਤ੍ਥਾਨਤੋ ਅਤ੍ਥਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਧਮ੍ਮવવਤ੍ਥਾਨਤੋ ਧਮ੍ਮਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਨਿਰੁਤ੍ਤਿવવਤ੍ਥਾਨਤੋ ਨਿਰੁਤ੍ਤਿਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਪਟਿਭਾਨવવਤ੍ਥਾਨਤੋ ਪਟਿਭਾਨਪਟਿਸਮ੍ਭਿਦਾ ਅਧਿਗਤਾ ਹੋਤਿ, ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਤਸ੍ਸਿਮਾ ਚਤਸ੍ਸੋ ਪਟਿਸਮ੍ਭਿਦਾਯੋ ਅਧਿਗਤਾ ਹੋਨ੍ਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ।
Hāsapaññā paṭibhānapaṭisambhidā. Tassā atthavavatthānato atthapaṭisambhidā adhigatā hoti sacchikatā phassitā paññāya. Dhammavavatthānato dhammapaṭisambhidā adhigatā hoti sacchikatā phassitā paññāya. Niruttivavatthānato niruttipaṭisambhidā adhigatā hoti sacchikatā phassitā paññāya. Paṭibhānavavatthānato paṭibhānapaṭisambhidā adhigatā hoti, sacchikatā phassitā paññāya. Tassimā catasso paṭisambhidāyo adhigatā honti sacchikatā phassitā paññāya.
વੇਦਨਾਯ…ਪੇ॰… ਸਞ੍ਞਾਯ… ਸਙ੍ਖਾਰੇਸੁ… વਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ॰… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ…ਪੇ॰… ਜਰਾਮਰਣੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ…ਪੇ॰… ਜਰਾਮਰਣੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਅਸਾਮਨ੍ਤਪਞ੍ਞਂ ਪਰਿਪੂਰੇਤਿ। ਇਮਾ ਸਤ੍ਤ ਪਞ੍ਞਾ ਭਾવਿਤਾ ਬਹੁਲੀਕਤਾ ਪਣ੍ਡਿਚ੍ਚਂ ਪਰਿਪੂਰੇਨ੍ਤਿ। ਇਮਾ ਅਟ੍ਠ ਪਞ੍ਞਾ ਭਾવਿਤਾ ਬਹੁਲੀਕਤਾ ਪੁਥੁਪਞ੍ਞਂ ਪਰਿਪੂਰੇਨ੍ਤਿ। ਇਮਾ ਨવ ਪਞ੍ਞਾ ਭਾવਿਤਾ ਬਹੁਲੀਕਤਾ ਹਾਸਪਞ੍ਞਂ ਪਰਿਪੂਰੇਨ੍ਤਿ।
Vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā bhāvitā bahulīkatā katamaṃ paññaṃ paripūreti…pe… jarāmaraṇe paṭinissaggānupassanā bhāvitā bahulīkatā katamaṃ paññaṃ paripūreti? Jarāmaraṇe aniccānupassanā bhāvitā bahulīkatā javanapaññaṃ paripūreti…pe… jarāmaraṇe paṭinissaggānupassanā bhāvitā bahulīkatā asāmantapaññaṃ paripūreti. Imā satta paññā bhāvitā bahulīkatā paṇḍiccaṃ paripūrenti. Imā aṭṭha paññā bhāvitā bahulīkatā puthupaññaṃ paripūrenti. Imā nava paññā bhāvitā bahulīkatā hāsapaññaṃ paripūrenti.
ਹਾਸਪਞ੍ਞਾ ਪਟਿਭਾਨਪਟਿਸਮ੍ਭਿਦਾ। ਤਸ੍ਸਾ ਅਤ੍ਥવવਤ੍ਥਾਨਤੋ ਅਤ੍ਥਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ । ਧਮ੍ਮવવਤ੍ਥਾਨਤੋ ਧਮ੍ਮਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਨਿਰੁਤ੍ਤਿવવਤ੍ਥਾਨਤੋ ਨਿਰੁਤ੍ਤਿਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਪਟਿਭਾਨવવਤ੍ਥਾਨਤੋ ਪਟਿਭਾਨਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਤਸ੍ਸਿਮਾ ਚਤਸ੍ਸੋ ਪਟਿਸਮ੍ਭਿਦਾਯੋ ਅਧਿਗਤਾ ਹੋਨ੍ਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ।
Hāsapaññā paṭibhānapaṭisambhidā. Tassā atthavavatthānato atthapaṭisambhidā adhigatā hoti sacchikatā phassitā paññāya . Dhammavavatthānato dhammapaṭisambhidā adhigatā hoti sacchikatā phassitā paññāya. Niruttivavatthānato niruttipaṭisambhidā adhigatā hoti sacchikatā phassitā paññāya. Paṭibhānavavatthānato paṭibhānapaṭisambhidā adhigatā hoti sacchikatā phassitā paññāya. Tassimā catasso paṭisambhidāyo adhigatā honti sacchikatā phassitā paññāya.
੨. ਰੂਪੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਰੂਪੇ ਦੁਕ੍ਖਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਦੁਕ੍ਖਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਰੂਪੇ ਅਨਤ੍ਤਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਅਨਤ੍ਤਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਰੂਪੇ ਨਿਬ੍ਬਿਦਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਨਿਬ੍ਬਿਦਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਰੂਪੇ વਿਰਾਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ વਿਰਾਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਰੂਪੇ ਨਿਰੋਧਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਨਿਰੋਧਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਰੂਪੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ?
2. Rūpe aniccānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne rūpe aniccānupassanā bhāvitā bahulīkatā katamaṃ paññaṃ paripūreti? Rūpe dukkhānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne rūpe dukkhānupassanā bhāvitā bahulīkatā katamaṃ paññaṃ paripūreti? Rūpe anattānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne rūpe anattānupassanā bhāvitā bahulīkatā katamaṃ paññaṃ paripūreti? Rūpe nibbidānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne rūpe nibbidānupassanā bhāvitā bahulīkatā katamaṃ paññaṃ paripūreti? Rūpe virāgānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne rūpe virāgānupassanā bhāvitā bahulīkatā katamaṃ paññaṃ paripūreti? Rūpe nirodhānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne rūpe nirodhānupassanā bhāvitā bahulīkatā katamaṃ paññaṃ paripūreti? Rūpe paṭinissaggānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne rūpe paṭinissaggānupassanā bhāvitā bahulīkatā katamaṃ paññaṃ paripūreti?
ਰੂਪੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਰੂਪੇ ਦੁਕ੍ਖਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਨਿਬ੍ਬੇਧਿਕਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਦੁਕ੍ਖਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਰੂਪੇ ਅਨਤ੍ਤਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਮਹਾਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਅਨਤ੍ਤਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਰੂਪੇ ਨਿਬ੍ਬਿਦਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਤਿਕ੍ਖਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਨਿਬ੍ਬਿਦਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਰੂਪੇ વਿਰਾਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ વਿਪੁਲਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ વਿਰਾਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਰੂਪੇ ਨਿਰੋਧਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਗਮ੍ਭੀਰਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਨਿਰੋਧਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਰੂਪੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਅਸਾਮਨ੍ਤਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਰੂਪੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਇਮਾ ਸਤ੍ਤ ਪਞ੍ਞਾ ਭਾવਿਤਾ ਬਹੁਲੀਕਤਾ ਪਣ੍ਡਿਚ੍ਚਂ ਪਰਿਪੂਰੇਨ੍ਤਿ। ਇਮਾ ਅਟ੍ਠ ਪਞ੍ਞਾ ਭਾવਿਤਾ ਬਹੁਲੀਕਤਾ ਪੁਥੁਪਞ੍ਞਂ ਪਰਿਪੂਰੇਨ੍ਤਿ। ਇਮਾ ਨવ ਪਞ੍ਞਾ ਭਾવਿਤਾ ਬਹੁਲੀਕਤਾ ਹਾਸਪਞ੍ਞਂ ਪਰਿਪੂਰੇਨ੍ਤਿ।
Rūpe aniccānupassanā bhāvitā bahulīkatā javanapaññaṃ paripūreti. Atītānāgatapaccuppanne rūpe aniccānupassanā bhāvitā bahulīkatā javanapaññaṃ paripūreti. Rūpe dukkhānupassanā bhāvitā bahulīkatā nibbedhikapaññaṃ paripūreti. Atītānāgatapaccuppanne rūpe dukkhānupassanā bhāvitā bahulīkatā javanapaññaṃ paripūreti. Rūpe anattānupassanā bhāvitā bahulīkatā mahāpaññaṃ paripūreti. Atītānāgatapaccuppanne rūpe anattānupassanā bhāvitā bahulīkatā javanapaññaṃ paripūreti. Rūpe nibbidānupassanā bhāvitā bahulīkatā tikkhapaññaṃ paripūreti. Atītānāgatapaccuppanne rūpe nibbidānupassanā bhāvitā bahulīkatā javanapaññaṃ paripūreti. Rūpe virāgānupassanā bhāvitā bahulīkatā vipulapaññaṃ paripūreti. Atītānāgatapaccuppanne rūpe virāgānupassanā bhāvitā bahulīkatā javanapaññaṃ paripūreti. Rūpe nirodhānupassanā bhāvitā bahulīkatā gambhīrapaññaṃ paripūreti. Atītānāgatapaccuppanne rūpe nirodhānupassanā bhāvitā bahulīkatā javanapaññaṃ paripūreti. Rūpe paṭinissaggānupassanā bhāvitā bahulīkatā asāmantapaññaṃ paripūreti. Atītānāgatapaccuppanne rūpe paṭinissaggānupassanā bhāvitā bahulīkatā javanapaññaṃ paripūreti. Imā satta paññā bhāvitā bahulīkatā paṇḍiccaṃ paripūrenti. Imā aṭṭha paññā bhāvitā bahulīkatā puthupaññaṃ paripūrenti. Imā nava paññā bhāvitā bahulīkatā hāsapaññaṃ paripūrenti.
ਹਾਸਪਞ੍ਞਾ ਪਟਿਭਾਨਪਟਿਸਮ੍ਭਿਦਾ। ਤਸ੍ਸਾ ਅਤ੍ਥવવਤ੍ਥਾਨਤੋ ਅਤ੍ਥਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਧਮ੍ਮવવਤ੍ਥਾਨਤੋ ਧਮ੍ਮਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਨਿਰੁਤ੍ਤਿવવਤ੍ਥਾਨਤੋ ਨਿਰੁਤ੍ਤਿਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਪਟਿਭਾਨવવਤ੍ਥਾਨਤੋ ਪਟਿਭਾਨਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ। ਤਸ੍ਸਿਮਾ ਚਤਸ੍ਸੋ ਪਟਿਸਮ੍ਭਿਦਾਯੋ ਅਧਿਗਤਾ ਹੋਨ੍ਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ।
Hāsapaññā paṭibhānapaṭisambhidā. Tassā atthavavatthānato atthapaṭisambhidā adhigatā hoti sacchikatā phassitā paññāya. Dhammavavatthānato dhammapaṭisambhidā adhigatā hoti sacchikatā phassitā paññāya. Niruttivavatthānato niruttipaṭisambhidā adhigatā hoti sacchikatā phassitā paññāya. Paṭibhānavavatthānato paṭibhānapaṭisambhidā adhigatā hoti sacchikatā phassitā paññāya. Tassimā catasso paṭisambhidāyo adhigatā honti sacchikatā phassitā paññāya.
વੇਦਨਾਯ…ਪੇ॰… ਸਞ੍ਞਾਯ… ਸਙ੍ਖਾਰੇਸੁ… વਿਞ੍ਞਾਣੇ… ਚਕ੍ਖੁਸ੍ਮਿਂ…ਪੇ॰… ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ…ਪੇ॰… ਜਰਾਮਰਣੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਜਰਾਮਰਣੇ ਪਟਿਨਿਸ੍ਸਗ੍ਗਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਕਤਮਂ ਪਞ੍ਞਂ ਪਰਿਪੂਰੇਤਿ? ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ। ਅਤੀਤਾਨਾਗਤਪਚ੍ਚੁਪ੍ਪਨ੍ਨੇ ਜਰਾਮਰਣੇ ਅਨਿਚ੍ਚਾਨੁਪਸ੍ਸਨਾ ਭਾવਿਤਾ ਬਹੁਲੀਕਤਾ ਜવਨਪਞ੍ਞਂ ਪਰਿਪੂਰੇਤਿ…ਪੇ॰… ਤਸ੍ਸਿਮਾ ਚਤਸ੍ਸੋ ਪਟਿਸਮ੍ਭਿਦਾਯੋ ਅਧਿਗਤਾ ਹੋਨ੍ਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ।
Vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne jarāmaraṇe aniccānupassanā bhāvitā bahulīkatā katamaṃ paññaṃ paripūreti…pe… jarāmaraṇe paṭinissaggānupassanā bhāvitā bahulīkatā katamaṃ paññaṃ paripūreti? Atītānāgatapaccuppanne jarāmaraṇe paṭinissaggānupassanā bhāvitā bahulīkatā katamaṃ paññaṃ paripūreti? Jarāmaraṇe aniccānupassanā bhāvitā bahulīkatā javanapaññaṃ paripūreti. Atītānāgatapaccuppanne jarāmaraṇe aniccānupassanā bhāvitā bahulīkatā javanapaññaṃ paripūreti…pe… tassimā catasso paṭisambhidāyo adhigatā honti sacchikatā phassitā paññāya.
੩. ‘‘ਚਤ੍ਤਾਰੋਮੇ , ਭਿਕ੍ਖવੇ 3, ਧਮ੍ਮਾ ਭਾવਿਤਾ ਬਹੁਲੀਕਤਾ ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਸਂવਤ੍ਤਨ੍ਤਿ। ਕਤਮੇ ਚਤ੍ਤਾਰੋ? ਸਪ੍ਪੁਰਿਸਸਂਸੇવੋ, ਸਦ੍ਧਮ੍ਮਸ੍ਸવਨਂ, ਯੋਨਿਸੋਮਨਸਿਕਾਰੋ, ਧਮ੍ਮਾਨੁਧਮ੍ਮਪਟਿਪਤ੍ਤਿ – ਇਮੇ ਖੋ, ਭਿਕ੍ਖવੇ, ਚਤ੍ਤਾਰੋ ਧਮ੍ਮਾ ਭਾવਿਤਾ ਬਹੁਲੀਕਤਾ ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਸਂવਤ੍ਤਨ੍ਤਿ।
3. ‘‘Cattārome , bhikkhave 4, dhammā bhāvitā bahulīkatā sotāpattiphalasacchikiriyāya saṃvattanti. Katame cattāro? Sappurisasaṃsevo, saddhammassavanaṃ, yonisomanasikāro, dhammānudhammapaṭipatti – ime kho, bhikkhave, cattāro dhammā bhāvitā bahulīkatā sotāpattiphalasacchikiriyāya saṃvattanti.
‘‘ਚਤ੍ਤਾਰੋਮੇ, ਭਿਕ੍ਖવੇ, ਧਮ੍ਮਾ ਭਾવਿਤਾ ਬਹੁਲੀਕਤਾ ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਸਂવਤ੍ਤਨ੍ਤਿ…ਪੇ॰… ਅਨਾਗਾਮਿਫਲਸਚ੍ਛਿਕਿਰਿਯਾਯ ਸਂવਤ੍ਤਨ੍ਤਿ…ਪੇ॰… ਅਰਹਤ੍ਤਫਲਸਚ੍ਛਿਕਿਰਿਯਾਯ ਸਂવਤ੍ਤਨ੍ਤਿ। ਕਤਮੇ ਚਤ੍ਤਾਰੋ? ਸਪ੍ਪੁਰਿਸਸਂਸੇવੋ, ਸਦ੍ਧਮ੍ਮਸ੍ਸવਨਂ, ਯੋਨਿਸੋਮਨਸਿਕਾਰੋ, ਧਮ੍ਮਾਨੁਧਮ੍ਮਪਟਿਪਤ੍ਤਿ – ਇਮੇ ਖੋ, ਭਿਕ੍ਖવੇ, ਚਤ੍ਤਾਰੋ ਧਮ੍ਮਾ ਭਾવਿਤਾ ਬਹੁਲੀਕਤਾ ਅਰਹਤ੍ਤਮਗ੍ਗਫਲਸਚ੍ਛਿਕਿਰਿਯਾਯ ਸਂવਤ੍ਤਨ੍ਤਿ।
‘‘Cattārome, bhikkhave, dhammā bhāvitā bahulīkatā sakadāgāmiphalasacchikiriyāya saṃvattanti…pe… anāgāmiphalasacchikiriyāya saṃvattanti…pe… arahattaphalasacchikiriyāya saṃvattanti. Katame cattāro? Sappurisasaṃsevo, saddhammassavanaṃ, yonisomanasikāro, dhammānudhammapaṭipatti – ime kho, bhikkhave, cattāro dhammā bhāvitā bahulīkatā arahattamaggaphalasacchikiriyāya saṃvattanti.
‘‘ਚਤ੍ਤਾਰੋਮੇ , ਭਿਕ੍ਖવੇ, ਧਮ੍ਮਾ ਭਾવਿਤਾ ਬਹੁਲੀਕਤਾ ਪਞ੍ਞਾਪਟਿਲਾਭਾਯ ਸਂવਤ੍ਤਨ੍ਤਿ…ਪੇ॰… ਪਞ੍ਞਾਬੁਦ੍ਧਿਯਾ ਸਂવਤ੍ਤਨ੍ਤਿ, ਪਞ੍ਞਾવੇਪੁਲ੍ਲਾਯ ਸਂવਤ੍ਤਨ੍ਤਿ, ਮਹਾਪਞ੍ਞਤਾਯ ਸਂવਤ੍ਤਨ੍ਤਿ, ਪੁਥੁਪਞ੍ਞਤਾਯ ਸਂવਤ੍ਤਨ੍ਤਿ, વਿਪੁਲਪਞ੍ਞਤਾਯ ਸਂવਤ੍ਤਨ੍ਤਿ, ਗਮ੍ਭੀਰਪਞ੍ਞਤਾਯ ਸਂવਤ੍ਤਨ੍ਤਿ, ਅਸਾਮਨ੍ਤਪਞ੍ਞਤਾਯ 5 ਸਂવਤ੍ਤਨ੍ਤਿ, ਭੂਰਿਪਞ੍ਞਤਾਯ ਸਂવਤ੍ਤਨ੍ਤਿ, ਪਞ੍ਞਾਬਾਹੁਲ੍ਲਾਯ ਸਂવਤ੍ਤਨ੍ਤਿ, ਸੀਘਪਞ੍ਞਤਾਯ ਸਂવਤ੍ਤਨ੍ਤਿ, ਲਹੁਪਞ੍ਞਤਾਯ ਸਂવਤ੍ਤਨ੍ਤਿ, ਹਾਸਪਞ੍ਞਤਾਯ ਸਂવਤ੍ਤਨ੍ਤਿ, ਜવਨਪਞ੍ਞਤਾਯ ਸਂવਤ੍ਤਨ੍ਤਿ, ਤਿਕ੍ਖਪਞ੍ਞਤਾਯ ਸਂવਤ੍ਤਨ੍ਤਿ, ਨਿਬ੍ਬੇਧਿਕਪਞ੍ਞਤਾਯ ਸਂવਤ੍ਤਨ੍ਤਿ। ਕਤਮੇ ਚਤ੍ਤਾਰੋ? ਸਪ੍ਪੁਰਿਸਸਂਸੇવੋ, ਸਦ੍ਧਮ੍ਮਸ੍ਸવਨਂ, ਯੋਨਿਸੋਮਨਸਿਕਾਰੋ, ਧਮ੍ਮਾਨੁਧਮ੍ਮਪਟਿਪਤ੍ਤਿ – ਇਮੇ ਖੋ, ਭਿਕ੍ਖવੇ, ਚਤ੍ਤਾਰੋ ਧਮ੍ਮਾ ਭਾવਿਤਾ ਬਹੁਲੀਕਤਾ ਪਞ੍ਞਾਪਟਿਲਾਭਾਯ ਸਂવਤ੍ਤਨ੍ਤਿ, ਪਞ੍ਞਾਬੁਦ੍ਧਿਯਾ ਸਂવਤ੍ਤਨ੍ਤਿ…ਪੇ॰… ਨਿਬ੍ਬੇਧਿਕਪਞ੍ਞਤਾਯ ਸਂવਤ੍ਤਨ੍ਤਿ’’।
‘‘Cattārome , bhikkhave, dhammā bhāvitā bahulīkatā paññāpaṭilābhāya saṃvattanti…pe… paññābuddhiyā saṃvattanti, paññāvepullāya saṃvattanti, mahāpaññatāya saṃvattanti, puthupaññatāya saṃvattanti, vipulapaññatāya saṃvattanti, gambhīrapaññatāya saṃvattanti, asāmantapaññatāya 6 saṃvattanti, bhūripaññatāya saṃvattanti, paññābāhullāya saṃvattanti, sīghapaññatāya saṃvattanti, lahupaññatāya saṃvattanti, hāsapaññatāya saṃvattanti, javanapaññatāya saṃvattanti, tikkhapaññatāya saṃvattanti, nibbedhikapaññatāya saṃvattanti. Katame cattāro? Sappurisasaṃsevo, saddhammassavanaṃ, yonisomanasikāro, dhammānudhammapaṭipatti – ime kho, bhikkhave, cattāro dhammā bhāvitā bahulīkatā paññāpaṭilābhāya saṃvattanti, paññābuddhiyā saṃvattanti…pe… nibbedhikapaññatāya saṃvattanti’’.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਮਹਾਪਞ੍ਞਾਕਥਾવਣ੍ਣਨਾ • Mahāpaññākathāvaṇṇanā
