| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
(3) бан̃н̃ааваг̇г̇о
(3) Paññāvaggo
1. махаабан̃н̃аагат̇аа
1. Mahāpaññākathā
махаабан̃н̃аагат̇ааван̣н̣анаа
Mahāpaññākathāvaṇṇanā
1. ид̣̇аани висзсад̇о бан̃н̃аабад̣̇адтаанабхууд̇ааяа сун̃н̃агат̇ааяа ананд̇арам̣ гат̇ид̇ааяа бан̃н̃аагат̇ааяа абуб̣б̣ад̇т̇аануван̣н̣анаа. д̇ад̇т̇а аад̣̇ид̇о д̇аава сад̇д̇асу анубассанаасу згзгамуулагаа сад̇д̇а бан̃н̃аа бужчаабуб̣б̣ан̇г̇амам̣ гад̇ваа нид̣̇д̣̇идтаа, буна сад̇д̇аанубассанаамуулагаа згзгуд̇д̇арамуулагаа жа д̇иссо бан̃н̃аа бужчам̣ агад̇ваава нид̣̇д̣̇идтаа, звамаад̣̇ид̇о д̣̇асабан̃н̃аабаарибуурий нид̣̇д̣̇идтаа. д̇ад̇т̇а анижжаанубассанаа д̇аава яасмаа анижжад̇о д̣̇идтзсу сан̇каарзсу ‘‘яад̣̇анижжам̣, д̇ам̣ д̣̇угка’’нд̇и д̣̇угкад̇о жа ‘‘яам̣ д̣̇угкам̣, д̇ад̣̇анад̇д̇аа’’д̇и анад̇д̇ад̇о жа ж̇авад̇и, д̇асмаа саа бхаавид̇аа б̣ахулийгад̇аа ж̇аванабан̃н̃ам̣ барибуурзд̇и. саа хи сагависаязсу ж̇авад̇ийд̇и ж̇аванаа, ж̇аванаа жа саа бан̃н̃аа жаад̇и ж̇аванабан̃н̃аа. д̣̇угкаанубассанаа самаад̇хинд̣̇рияаниссид̇ад̇д̇аа б̣алавад̇ий худ̇ваа бан̣ид̇хим̣ ниб̣б̣иж̇жхад̇и бад̣̇аалзд̇и, д̇асмаа ниб̣б̣зд̇хигабан̃н̃ам̣ барибуурзд̇и. саа хи ниб̣б̣иж̇жхад̇ийд̇и ниб̣б̣зд̇хигаа, ниб̣б̣зд̇хигаа жа саа бан̃н̃аа жаад̇и ниб̣б̣зд̇хигабан̃н̃аа. анад̇д̇аанубассанаа сун̃н̃ад̇аад̣̇ассанзна вуд̣̇д̇хиббад̇д̇ияаа махад̇д̇аббад̇д̇ад̇д̇аа махаабан̃н̃ам̣ барибуурзд̇и. саа хи вуд̣̇д̇хиббад̇д̇ад̇д̇аа махад̇ий жа саа бан̃н̃аа жаад̇и махаабан̃н̃аа. ниб̣б̣ид̣̇аанубассанаа яасмаа д̇иссаннам̣язва анубассанаанам̣ буримад̇оби аасзванааяа б̣алаббад̇д̇аавад̇т̇ад̇д̇аа саб̣б̣асан̇каарзсу ниб̣б̣инд̣̇анасамад̇т̇аа худ̇ваа д̇игкаа ход̇и, д̇асмаа д̇игкабан̃н̃ам̣ барибуурзд̇и. вирааг̇аанубассанааби яасмаа д̇иссаннам̣язва анубассанаанам̣ буримад̇оби аасзванааб̣алаббад̇д̇аанам̣ вуд̣̇д̇хад̇араавад̇т̇ад̇д̇аа саб̣б̣асан̇каарзхи вираж̇ж̇анасамад̇т̇аа худ̇ваа вибулаа ход̇и, д̇асмаа вибулабан̃н̃ам̣ барибуурзд̇и.
1. Idāni visesato paññāpadaṭṭhānabhūtāya suññakathāya anantaraṃ kathitāya paññākathāya apubbatthānuvaṇṇanā. Tattha ādito tāva sattasu anupassanāsu ekekamūlakā satta paññā pucchāpubbaṅgamaṃ katvā niddiṭṭhā, puna sattānupassanāmūlakā ekekuttaramūlakā ca tisso paññā pucchaṃ akatvāva niddiṭṭhā, evamādito dasapaññāpāripūrī niddiṭṭhā. Tattha aniccānupassanā tāva yasmā aniccato diṭṭhesu saṅkhāresu ‘‘yadaniccaṃ, taṃ dukkha’’nti dukkhato ca ‘‘yaṃ dukkhaṃ, tadanattā’’ti anattato ca javati, tasmā sā bhāvitā bahulīkatā javanapaññaṃ paripūreti. Sā hi sakavisayesu javatīti javanā, javanā ca sā paññā cāti javanapaññā. Dukkhānupassanā samādhindriyanissitattā balavatī hutvā paṇidhiṃ nibbijjhati padāleti, tasmā nibbedhikapaññaṃ paripūreti. Sā hi nibbijjhatīti nibbedhikā, nibbedhikā ca sā paññā cāti nibbedhikapaññā. Anattānupassanā suññatādassanena vuddhippattiyā mahattappattattā mahāpaññaṃ paripūreti. Sā hi vuddhippattattā mahatī ca sā paññā cāti mahāpaññā. Nibbidānupassanā yasmā tissannaṃyeva anupassanānaṃ purimatopi āsevanāya balappattāvatthattā sabbasaṅkhāresu nibbindanasamatthā hutvā tikkhā hoti, tasmā tikkhapaññaṃ paripūreti. Virāgānupassanāpi yasmā tissannaṃyeva anupassanānaṃ purimatopi āsevanābalappattānaṃ vuddhatarāvatthattā sabbasaṅkhārehi virajjanasamatthā hutvā vipulā hoti, tasmā vipulapaññaṃ paripūreti.
нирод̇хаанубассанааби яасмаа д̇иссаннам̣язва анубассанаанам̣ буримад̇оби аасзванааб̣алаббад̇д̇аанам̣ вуд̣̇д̇хад̇араавад̇т̇ад̇д̇аа ваяалагкан̣авасзна саб̣б̣асан̇каараанам̣ нирод̇хад̣̇ассанасамад̇т̇аа худ̇ваа г̇амбхийраа ход̇и, д̇асмаа г̇амбхийрабан̃н̃ам̣ барибуурзд̇и. нирод̇хо хи уд̇д̇аанабан̃н̃зхи алаб̣бханзяяабад̇идтад̇д̇аа г̇амбхийро, д̇асмим̣ г̇амбхийрз г̇аад̇хаббад̇д̇аа бан̃н̃ааби г̇амбхийраа. бадиниссаг̇г̇аанубассанааби яасмаа д̇иссаннам̣язва анубассанаанам̣ буримад̇оби аасзванааб̣алаббад̇д̇аанам̣ вуд̣̇д̇хад̇араавад̇т̇ад̇д̇аа ваяалагкан̣авасзна саб̣б̣асан̇каарабадиниссаж̇ж̇анасамад̇т̇аа худ̇ваа асааманд̇аа ход̇и, вуд̣̇д̇хибарияанд̇аббад̇д̇ад̇д̇аа чахи бан̃н̃аахи д̣̇уурз ход̇ийд̇и ад̇т̇о. д̇асмаа саяам̣ асааманд̇ад̇д̇аа асааманд̇абан̃н̃ам̣ барибуурзд̇и. саа хи хздтимабан̃н̃аахи д̣̇уурад̇д̇аа асааманд̇аа, асамийбаа ваа бан̃н̃аад̇и асааманд̇абан̃н̃аа. бан̣д̣ижжам̣ барибуурзнд̇ийд̇и бан̣д̣ид̇абхаавам̣ барибуурзнд̇и. яасмаа яат̇аавуд̇д̇аа сад̇д̇а бан̃н̃аа барибун̣н̣аа бхаавзд̇ваа бан̣д̣ид̇алагкан̣аббад̇д̇о сикаббад̇д̇авудтаанаг̇ааминивибассанаасан̇каад̇зхи сан̇каарубзгкаануломаг̇од̇рабхун̃аан̣зхи бан̣д̣ид̇о худ̇ваа бан̣д̣ижжзна саманнааг̇ад̇о ход̇и, д̇асмаа ‘‘бан̣д̣ижжам̣ барибуурзнд̇ий’’д̇и вуд̇д̇ам̣.
Nirodhānupassanāpi yasmā tissannaṃyeva anupassanānaṃ purimatopi āsevanābalappattānaṃ vuddhatarāvatthattā vayalakkhaṇavasena sabbasaṅkhārānaṃ nirodhadassanasamatthā hutvā gambhīrā hoti, tasmā gambhīrapaññaṃ paripūreti. Nirodho hi uttānapaññehi alabbhaneyyapatiṭṭhattā gambhīro, tasmiṃ gambhīre gādhappattā paññāpi gambhīrā. Paṭinissaggānupassanāpi yasmā tissannaṃyeva anupassanānaṃ purimatopi āsevanābalappattānaṃ vuddhatarāvatthattā vayalakkhaṇavasena sabbasaṅkhārapaṭinissajjanasamatthā hutvā asāmantā hoti, vuddhipariyantappattattā chahi paññāhi dūre hotīti attho. Tasmā sayaṃ asāmantattā asāmantapaññaṃ paripūreti. Sā hi heṭṭhimapaññāhi dūrattā asāmantā, asamīpā vā paññāti asāmantapaññā. Paṇḍiccaṃ paripūrentīti paṇḍitabhāvaṃ paripūrenti. Yasmā yathāvuttā satta paññā paripuṇṇā bhāvetvā paṇḍitalakkhaṇappatto sikhappattavuṭṭhānagāminivipassanāsaṅkhātehi saṅkhārupekkhānulomagotrabhuñāṇehi paṇḍito hutvā paṇḍiccena samannāgato hoti, tasmā ‘‘paṇḍiccaṃ paripūrentī’’ti vuttaṃ.
адта бан̃н̃аад̇и бан̣д̣ижжасан̇каад̇ааяа бан̃н̃ааяа саха саб̣б̣аа адта бан̃н̃аа. бут̇убан̃н̃ам̣ барибуурзнд̇ийд̇и яасмаа д̇зна бан̣д̣ижжзна саманнааг̇ад̇о худ̇ваа со бан̣д̣ид̇о г̇од̇рабхун̃аан̣аананд̇арам̣ ниб̣б̣аанам̣ аарамман̣ам̣ гад̇ваа логуд̇д̇арабхааваббад̇д̇ияаа логияад̇о бут̇убхууд̇ад̇д̇аа висум̣бхууд̇ад̇д̇аа бут̇убан̃н̃аад̇исан̇каад̇ам̣ маг̇г̇апалабан̃н̃ам̣ баабун̣аад̇и, д̇асмаа ‘‘адта бан̃н̃аа бут̇убан̃н̃ам̣ барибуурзнд̇ий’’д̇и вуд̇д̇ам̣.
Aṭṭha paññāti paṇḍiccasaṅkhātāya paññāya saha sabbā aṭṭha paññā. Puthupaññaṃ paripūrentīti yasmā tena paṇḍiccena samannāgato hutvā so paṇḍito gotrabhuñāṇānantaraṃ nibbānaṃ ārammaṇaṃ katvā lokuttarabhāvappattiyā lokiyato puthubhūtattā visuṃbhūtattā puthupaññātisaṅkhātaṃ maggaphalapaññaṃ pāpuṇāti, tasmā ‘‘aṭṭha paññā puthupaññaṃ paripūrentī’’ti vuttaṃ.
имаа нава бан̃н̃аад̇иаад̣̇ийсу д̇ассзва гамзна ад̇хиг̇ад̇амаг̇г̇апаласса арияабуг̇г̇аласса бан̣ийд̇алогуд̇д̇арад̇хаммобаяог̇зна бан̣ийд̇ажид̇д̇асанд̇аанад̇д̇аа бахадтаагаарзнзва жа бавад̇д̇амаанажид̇д̇асанд̇аанасса палаананд̇арам̣ од̇ин̣н̣абхаван̇г̇ад̇о вудтид̇асса маг̇г̇абажжавзгкан̣аа, д̇ад̇о жа бхаван̇г̇ам̣ од̇арид̇ваа вудтид̇асса палабажжавзгкан̣аа, иминаава наязна бахийнагилзсабажжавзгкан̣аа, авасидтагилзсабажжавзгкан̣аа, ниб̣б̣аанабажжавзгкан̣аад̇и бан̃жа бажжавзгкан̣аа бавад̇д̇анд̇и. д̇аасу бажжавзгкан̣аасу маг̇г̇абажжавзгкан̣аа палабажжавзгкан̣аа жа бадибхаанабадисамбхид̣̇аа ход̇и. гат̇ам̣? ‘‘яам̣гин̃жи бажжаяасамбхууд̇ам̣ ниб̣б̣аанам̣ бхаасид̇ад̇т̇о вибааго гирияаад̇и имз бан̃жа д̇хаммаа ад̇т̇о’’д̇и абхид̇хаммз баал̣им̣ ануг̇анд̇ваа д̇ад̣̇адтагат̇ааяам̣ вуд̇д̇ам̣. ниб̣б̣аанасса жа ад̇т̇ад̇д̇аа д̇ад̣̇аарамман̣ам̣ маг̇г̇апалан̃аан̣ам̣ ‘‘ад̇т̇зсу н̃аан̣ам̣ ад̇т̇абадисамбхид̣̇аа’’д̇и (вибха. 718; бади. ма. 1.110) важанад̇о ад̇т̇абадисамбхид̣̇аа ход̇и. д̇асса ад̇т̇абадисамбхид̣̇аабхууд̇асса маг̇г̇апалан̃аан̣асса бажжавзгкан̣ан̃аан̣ам̣ ‘‘н̃аан̣зсу н̃аан̣ам̣ бадибхаанабадисамбхид̣̇аа’’д̇и важанад̇о бадибхаанабадисамбхид̣̇аа ход̇и. саа жа бажжавзгкан̣абан̃н̃аа хаасаагаарзна бавад̇д̇амаанажид̇д̇асанд̇аанасса хаасабан̃н̃аа наама ход̇и. д̇асмаа нава бан̃н̃аа хаасабан̃н̃ам̣ барибуурзнд̇ийд̇и жа хаасабан̃н̃аа бадибхаанабадисамбхид̣̇аад̇и жа вуд̇д̇ам̣. саб̣б̣аббагаарааби бан̃н̃аа д̇асса д̇асса ад̇т̇асса баагадагаран̣асан̇каад̇зна бан̃н̃аабанадтзна бан̃н̃аа, д̇зна д̇зна ваа багаарзна д̇хаммз ж̇аанаад̇ийд̇и бан̃н̃аа.
Imā nava paññātiādīsu tasseva kamena adhigatamaggaphalassa ariyapuggalassa paṇītalokuttaradhammopayogena paṇītacittasantānattā pahaṭṭhākāreneva ca pavattamānacittasantānassa phalānantaraṃ otiṇṇabhavaṅgato vuṭṭhitassa maggapaccavekkhaṇā, tato ca bhavaṅgaṃ otaritvā vuṭṭhitassa phalapaccavekkhaṇā, imināva nayena pahīnakilesapaccavekkhaṇā, avasiṭṭhakilesapaccavekkhaṇā, nibbānapaccavekkhaṇāti pañca paccavekkhaṇā pavattanti. Tāsu paccavekkhaṇāsu maggapaccavekkhaṇā phalapaccavekkhaṇā ca paṭibhānapaṭisambhidā hoti. Kathaṃ? ‘‘Yaṃkiñci paccayasambhūtaṃ nibbānaṃ bhāsitattho vipāko kiriyāti ime pañca dhammā attho’’ti abhidhamme pāḷiṃ anugantvā tadaṭṭhakathāyaṃ vuttaṃ. Nibbānassa ca atthattā tadārammaṇaṃ maggaphalañāṇaṃ ‘‘atthesu ñāṇaṃ atthapaṭisambhidā’’ti (vibha. 718; paṭi. ma. 1.110) vacanato atthapaṭisambhidā hoti. Tassa atthapaṭisambhidābhūtassa maggaphalañāṇassa paccavekkhaṇañāṇaṃ ‘‘ñāṇesu ñāṇaṃ paṭibhānapaṭisambhidā’’ti vacanato paṭibhānapaṭisambhidā hoti. Sā ca paccavekkhaṇapaññā hāsākārena pavattamānacittasantānassa hāsapaññā nāma hoti. Tasmā nava paññā hāsapaññaṃ paripūrentīti ca hāsapaññā paṭibhānapaṭisambhidāti ca vuttaṃ. Sabbappakārāpi paññā tassa tassa atthassa pākaṭakaraṇasaṅkhātena paññāpanaṭṭhena paññā, tena tena vā pakārena dhamme jānātīti paññā.
д̇ассаад̇и д̇асса вуд̇д̇аббагаарасса арияабуг̇г̇аласса. гаран̣ад̇т̇з саамиважанам̣. ад̇т̇ававад̇т̇аанад̇од̇и яат̇аавуд̇д̇асса бан̃жавид̇хасса ад̇т̇асса вавад̇т̇аабанавасзна. вуд̇д̇амби жзд̇ам̣ саман̣агаран̣ийяагат̇ааяам̣ ‘‘хзд̇упалам̣ ниб̣б̣аанам̣ важанад̇т̇о ат̇а вибаагам̣ гирияаад̇и ад̇т̇з бан̃жа бабхзд̣̇з батаманд̇абабхзд̣̇аг̇ад̇ам̣ н̃аан̣а’’нд̇и. ад̇хиг̇ад̇аа ход̇ийд̇и бадилад̣̇д̇хаа ход̇и. сааязва бадилаабхасажчигирияааяа сажчигад̇аа. бадилаабхапассзнзва пассид̇аа бан̃н̃ааяа. д̇хаммававад̇т̇аанад̇од̇и ‘‘яо гожи паланиб̣б̣ад̇д̇аго хзд̇у арияамаг̇г̇о бхаасид̇ам̣ гусалам̣ агусаланд̇и имз бан̃жа д̇хаммаа д̇хаммо’’д̇и абхид̇хаммз баал̣ияаанусаарзна вуд̇д̇аанам̣ бан̃жаннам̣ д̇хаммаанам̣ вавад̇т̇аабанавасзна. вуд̇д̇амби жзд̇ам̣ саман̣агаран̣ийяагат̇ааяам̣ ‘‘хзд̇у арияамаг̇г̇о важанам̣ гусалан̃жа агусалан̃жаад̇и д̇хаммз бан̃жа бабхзд̣̇з д̣̇уд̇ияанд̇абабхзд̣̇аг̇ад̇ам̣ н̃аан̣а’’нд̇и. нируд̇д̇ивавад̇т̇аанад̇од̇и д̇зсам̣ д̇зсам̣ ад̇т̇ад̇хаммаанам̣ ануруубанируд̇д̇ийнам̣ вавад̇т̇аабанавасзна. бадибхаанававад̇т̇аанад̇од̇и бадибхаанасан̇каад̇аанам̣ д̇ин̣н̣ам̣ бадисамбхид̣̇аан̃аан̣аанам̣ вавад̇т̇аабанавасзна. д̇ассимаад̇и ниг̇аманаважанамзд̇ам̣.
Tassāti tassa vuttappakārassa ariyapuggalassa. Karaṇatthe sāmivacanaṃ. Atthavavatthānatoti yathāvuttassa pañcavidhassa atthassa vavatthāpanavasena. Vuttampi cetaṃ samaṇakaraṇīyakathāyaṃ ‘‘hetuphalaṃ nibbānaṃ vacanattho atha vipākaṃ kiriyāti atthe pañca pabhede paṭhamantapabhedagataṃ ñāṇa’’nti. Adhigatā hotīti paṭiladdhā hoti. Sāyeva paṭilābhasacchikiriyāya sacchikatā. Paṭilābhaphasseneva phassitā paññāya. Dhammavavatthānatoti ‘‘yo koci phalanibbattako hetu ariyamaggo bhāsitaṃ kusalaṃ akusalanti ime pañca dhammā dhammo’’ti abhidhamme pāḷiyānusārena vuttānaṃ pañcannaṃ dhammānaṃ vavatthāpanavasena. Vuttampi cetaṃ samaṇakaraṇīyakathāyaṃ ‘‘hetu ariyamaggo vacanaṃ kusalañca akusalañcāti dhamme pañca pabhede dutiyantapabhedagataṃ ñāṇa’’nti. Niruttivavatthānatoti tesaṃ tesaṃ atthadhammānaṃ anurūpaniruttīnaṃ vavatthāpanavasena. Paṭibhānavavatthānatoti paṭibhānasaṅkhātānaṃ tiṇṇaṃ paṭisambhidāñāṇānaṃ vavatthāpanavasena. Tassimāti nigamanavacanametaṃ.
2. звам̣ саб̣б̣асан̇г̇аахагавасзна анубассанаанам̣ висзсам̣ д̣̇ассзд̇ваа ид̣̇аани вад̇т̇убхзд̣̇авасзна д̣̇ассзнд̇о руубз анижжаанубассанаад̇иаад̣̇имааха. д̇ам̣ хздтаа вуд̇д̇ад̇т̇амзва. буна руубаад̣̇ийсуязва ад̇ийд̇аанааг̇ад̇абажжуббаннавасзна ж̇аванабан̃н̃ам̣ д̣̇ассзд̇угаамо гзвалам̣ руубаад̣̇ивасзна жа ад̇ийд̇аанааг̇ад̇абажжуббаннаруубаад̣̇ивасзна жа бужчам̣ гад̇ваа бужчаагамзнзва виссаж̇ж̇анам̣ агааси. д̇ад̇т̇а суд̣̇д̇харуубаад̣̇ивиссаж̇ж̇анзсу батамам̣ нид̣̇д̣̇идтаа зва бан̃н̃аа ад̇ийд̇аанааг̇ад̇абажжуббаннамуулагзсу саб̣б̣ависсаж̇ж̇анзсу д̇зсу ад̇ийд̇аад̣̇ийсу ж̇аванавасзна ж̇аванабан̃н̃аад̇и нид̣̇д̣̇идтаа.
2. Evaṃ sabbasaṅgāhakavasena anupassanānaṃ visesaṃ dassetvā idāni vatthubhedavasena dassento rūpe aniccānupassanātiādimāha. Taṃ heṭṭhā vuttatthameva. Puna rūpādīsuyeva atītānāgatapaccuppannavasena javanapaññaṃ dassetukāmo kevalaṃ rūpādivasena ca atītānāgatapaccuppannarūpādivasena ca pucchaṃ katvā pucchākameneva vissajjanaṃ akāsi. Tattha suddharūpādivissajjanesu paṭhamaṃ niddiṭṭhā eva paññā atītānāgatapaccuppannamūlakesu sabbavissajjanesu tesu atītādīsu javanavasena javanapaññāti niddiṭṭhā.
3. буна анзгасуд̇д̇анд̇абуб̣б̣ан̇г̇амам̣ бан̃н̃аабабхзд̣̇ам̣ д̣̇ассзд̇угаамо батамам̣ д̇аава суд̇д̇анд̇з уд̣̇д̣̇иси. д̇ад̇т̇а саббурисасам̣сзвод̇и хздтаа вуд̇д̇аббагаараанам̣ саббурисаанам̣ бхаж̇анам̣. сад̣̇д̇хаммассавананд̇и д̇зсам̣ саббурисаанам̣ санд̇игз сийлаад̣̇ибадибад̇д̇ид̣̇ийбагасса сад̣̇д̇хаммаважанасса саванам̣. яонисоманасигаарод̇и суд̇аанам̣ д̇хаммаанам̣ ад̇т̇уубабаригкан̣авасзна убааязна манасигааро. д̇хаммаануд̇хаммабадибад̇д̇ийд̇и логуд̇д̇арад̇хаммз ануг̇ад̇асса сийлаад̣̇ибадибад̣̇аад̇хаммасса бадибаж̇ж̇анам̣. бан̃н̃аабадилаабхааяа бан̃н̃аавуд̣̇д̇хияаа бан̃н̃аавзбуллааяа бан̃н̃ааб̣аахуллааяаад̇и имаани жад̇д̇аари бан̃н̃аавасзна бхаававажанаани. сзсаани д̣̇ваад̣̇аса буг̇г̇алавасзна бхаававажанаани.
3. Puna anekasuttantapubbaṅgamaṃ paññāpabhedaṃ dassetukāmo paṭhamaṃ tāva suttante uddisi. Tattha sappurisasaṃsevoti heṭṭhā vuttappakārānaṃ sappurisānaṃ bhajanaṃ. Saddhammassavananti tesaṃ sappurisānaṃ santike sīlādipaṭipattidīpakassa saddhammavacanassa savanaṃ. Yonisomanasikāroti sutānaṃ dhammānaṃ atthūpaparikkhaṇavasena upāyena manasikāro. Dhammānudhammapaṭipattīti lokuttaradhamme anugatassa sīlādipaṭipadādhammassa paṭipajjanaṃ. Paññāpaṭilābhāyapaññāvuddhiyā paññāvepullāya paññābāhullāyāti imāni cattāri paññāvasena bhāvavacanāni. Sesāni dvādasa puggalavasena bhāvavacanāni.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. махаабан̃н̃аагат̇аа • 1. Mahāpaññākathā
